المساعد الشخصي الرقمي

مشاهدة النسخة كاملة : بنونة بت المك نمر


ابوعبيده محمد ضيف الله
24-06-2007, 04:27 AM
عظيمة هي نون النسوة في بلادي..
اينما شرقت أو غربت تجدهن يملأن البطاح مجداً وفخراً..
هي العزيزة
والركيزة
والأم الحنونة
والزوجة الوفية
والأخت القوية .. التى تطلقها عالية زغرودة حين يحين الوغي
الليلة استعدوا وركبوا خيل الكر
وقدامم عقيدم بالأغر دفر
جنياتنا الاسود الليلة تتنبر
ياالباش الغشيم قول لجدادك كر
حسان بحديده الليلة اتلتم
الدابي الكمن في .... شم الدم
مامون يا الملك يا نقيع السم
فرسانا بكيلو العين ي...و الهم

هذا البوست محاولة لإستفذاذ مكنوناتنا الخفية تجاه بنات بلدي

جعلت عنوانه بت المك نمر " بنونة " لحرارة قلبها التى أبت عليها أن يموت أخاها في فراشه بدلاً من أن يموت في ساعات الوغي عندما رثته قائلة


ماهو الفافنوس ماهو الغليد البوص
ود المك عريس خيلا بجن عر...
أحيّ علي سيفه البحد الروس
ما دايرالك الميته أم رمادا شح
دايراك يوم لقى بدميك تتوشّح
الميت مسولب والعجاج يكتح
أحيّ علي سيفه البسوي التح
إن وردن بجيك في أول الواردات
مرنا مو نشيط إن قبّلن شاردات
أسد بيشه المكرمد قمزاته متطابقات
وبرضع في ضرايع العنّز الفاردات
كوفيتك الخوده أم عصا بولاد
ودرعك في أم لهيب زي الشمس وقّاد
وسيفك من سقايته إستعجب الحدّاد
وقارحك غير شكال ما بقربه الشدّاد
يا جرعة عقود السم
يا مقنع بنات جعل العزاز من جم
الخيل عركسن ما قال عدادهن كم
فرتاق حافلن ملاي سروجهن دم




الدعوة عامة ومفتوحة " للإستفذاذ "

عطـــبراوى
24-06-2007, 07:25 AM
تشكر ابو عبيدة لايرادك تاريخ بنات بلدى . وهن كثر .
وهذذ واحدة منهن وهى شغبة المرغمابية . من اشـــعر نســـــاء البطانة
قاطبة ، بل وتنافس رجالها في لقب اشــــعر شـــــعرا البطانة.. كانت فى زمن
حسان الحرك . هى كواهلية والمرغماب فرع من الكواهلة . ومنه زوجها
ود قلش الذى قتل فى معركة على يد رجل يدعى برير . وقد انتقمت لزوجها
انتقاما قاسيا ومثلت بى برير هذا . ونكلت به اشد تنكيل .
قالت وقد قتلت برير واستخدمت يديه فى ضرب النقارة .قالت ..

جيد يا البرير الضقت النكور والهول
وكسر الهمبروك عيش السديرة الخور
سوقة الحدم العقدن قفيهم شول
كتلة البرمكي مع الصباح البول

جيد يا البرير ضقت النكور ات حي
وكسرت الهمبروك عيشة السديرة الني
سوقة الحدم العقدن قفيهن لي
كتلة البرمكي مع الصباح الضي

ودالشيخ
24-06-2007, 09:28 AM
البوست ده عنصري متزمت
يعني مهيرة دي ما بتنفع ولا عشان شايقية


الــليلة العقيد شوفنه متمسكن
وفي قلب التراب شوفنه متجكن
الراي فارقه لا بشفي لا بمكن
ما تتعجبن ضيم الرجال يمكن
خلوكن براكن الليلة وحدكن
بتمشن تحاربن ..ولا بتتبكن

ويا ابوعبيدة الابيات الى آخرها ده كلام مهيرة

الليلة استعدوا وركبوا خيل الكر
وقدامم عقيدم بالأغر دفر
جنياتنا الاسود الليلة تتنبر
ياالباش الغشيم قول لجدادك كر

وبعد أن هدأت النفوس الليلة قايم علي حق أهل أمي


غنيت بالعديلة لعيال شايق
البراشو الضعيف ويلحقوا الضايق

:poster_kewlpics:

عبدالمنعم محمد
25-06-2007, 01:31 AM
رائع يا ابوعبيدة تسلم وتشكر ويالعطبراوي زودنة من شغبة شوية

عطـــبراوى
25-06-2007, 07:28 AM
مهدى عليك الله اسى العنصرى منو ؟ بجيك
ود احمد اسى والبديرى وبيرفعوك فوق طالما شكرت لهم الشوايقة .وهم يستاهلون .

عبد المنعم ..
تحياتى لك وفعلا شغبة علم لا يمكن تجاهله عند ذكر النساء . وكانت
إمرأم قوية وفارسه وشاعرة . ومع هذا كانت منصفة جدا . فهاهى
عندما قبضوا على قاتل زوجها وجابوه ليها استلت سكينها وبدأت تقطع
فى اطرافه واحدة واحدة . وقد بدأتها بقطع اليدين وبدأت تضرب بيها فى النحاس .
وقد كان برير أحد أشجع فرسان البطاحين .. وعندما بهرتها شجاعته ومع انه
قاتل زوجها قالت فيه .

ود العز برير ضرب النحاس ما بخاف
وعندو الدكري البياخد تلاته اخفاف
حالف بالطلاق ما يفوت بنات عساف
الا الراس يفارق الجته واللكتاف

وقد مدحت ايضا فرع البطاحين قبيلة العركشاب لثباتهم فى تلك
المعركة وقالت فيهم .

دب العركشاب وكتاً يلوكو المر
تَدبت للكتال متل الكباش الغُر
يدعكو على الصف الدّمية تخر
ويلصفون متل دهب الجمار الحر..

ابوعبيده محمد ضيف الله
25-06-2007, 09:01 PM
عطبراوي

شكلك مدكن التقييييل تحت..

راجنننننك

ابوعبيده محمد ضيف الله
25-06-2007, 09:06 PM
البوست ده عنصري متزمت
يعني مهيرة دي ما بتنفع ولا عشان شايقية
:poster_kewlpics:

ود الشيييخ

نحن بنقدر علي زعلك عاد؟؟؟

ومن روائع ما قالته المرأة السودانية مقولة مهيرة بت عبود

غنيت بالعديلة لعيال شايقالبراشو الضعيف ويلحقوا الضايقالليلة استعدوا وركبوا خيل الكروقدامم عقيدم بالأغر دفرجنياتنا الاسود الليلة تتنبرياالباش الغشيم قول لجدادك كرحسان بحديده الليلة اتلتمالدابي الكمن في .... شم ادممامون يا الملك يا نقيع السمفرسانا بكيلو العين ي...و الهم

ابوعبيده محمد ضيف الله
25-06-2007, 09:09 PM
عبد المنعم ..
سرني جدا مرورك

أيضاً قالت بنونة
قلبي المن نشوه .. للبنات غوّاي

داب من زاد عليّ ... وغلـّب الداوي

من مسكة خنيصرو .. المو شديد لاواي

يتنهـّد بلا .. أسد الحُقا الناواي

خلفولها الشتيم .. شاشاها جاي جاي

وقال بتشلعو .. الفوكـّا النجيم ضواي

ست تبري أب نَقِش.. والداير الباراي

يا ستـّار عليّ .. من غيـّها السرّاي

ابوعبيده محمد ضيف الله
25-06-2007, 09:10 PM
ولعل اشهر ما نتداوله هو ما قالته أيضاً بنونة

يسلم لي خال فاطنه ليهم بلالي البدرج العاطلة
اب كريق في اللجج سدر حبس الفجج
عشميق حبل الوجج
انا اخوي مقلام الحجج
يا خريف الرتوع اب شقه قمر السبوع
فوق بيتو بسندالجوع يا قشاش الدموع

وبجيكم راجع..

ابوعبيده محمد ضيف الله
26-06-2007, 07:24 PM
من رواية آخر العنابسة لمحمد المكي إبراهيم
*****
*****
*****
*****
روي الملك..
بدأ إنهيار العالم حين هبت لأول مرة تلك الرائحة الغريبة من أبدان الغزاة .. رائحة الثعابين البيتية وهي تستلقي علي ظهورها في العتمة بين شقوق الحيطان وأحطاب السقوف بينما ...ح من بطونها تلك الرائحة النحاسية الغامضة .. رائحة العرق والقروح المتسلخة أو هي رائحة الشمس المدارية العالقة بأجساد الغرباء الذين لا يغتسلون مثلنا مرتين وثلاث مرات في اليوم .. ولكنها أيضاً وبصورة لا يخطئها الأنف رائحة الغزو والحضارة التى تحوم حول الغرباء المنتصرين.
قالت رسلهم أنهم سيمرون ببلادنا مجتازين غير مقيمين وهم يتجهون إلي المملكة الكبيرة في الجنوب .. مملكة السلاطين الزرق وقالوا إنهم لا يريدون شيئاً منا سوي الوقود لطعام الجيش والعلف لدوابهم ثم يفارقوننا بسلام.

ابوعبيده محمد ضيف الله
26-06-2007, 08:02 PM
أعددنا لهم أحسن ما نطيق من ضيافات .. جهزنا لهم الدور .. ذبحنا الذبائح والمأكول والمشروب .. حشدنا قومنا في أنظف أزيائهم وأبهاها .. لكن ضيوفنا لم يتصرفوا كضيوف وإنما كأصحاب دار .. إختاروا بأنفسهم معسكراً للجيش ومضرباً لخيام الباشا وكبار رجالاته وبعد وصولهم بساعات تذكروا صاحب الدار فتعطفوا وأبلغوني أن الباشا سوف يستقبلني في نفر قليل من قومي لا يتعدي الثلاثة أشخاص ولبرهة وجيزة لا ينبغي أن تطول لأن الباشا مرهق من السفر وخيمته لا تتسع لإستقبال الحشود..
إستقبلنا جالساً وبين يديه غليون .. وجهه أحمر سمين تتقاسم مساحته الكبيرة لحية حليقة خضراء وبثور كبيرة ويختفي جبينه الضيق تحت طربوش أحمر مستقيم وإستقبلتنا تلك الرائحة النحاسية الغامضة التى ...ح من أجساد الثعابين والغزاة.
تفرس وجهي بحقد وإعجاب .. نظر إلي الأذنين الكبيرتين والعينين الفصيحتين والفم العريض بثناياه وشاربه الغزير وملأ عينيه من القوام الرياضي الفارع والساعد الملئ بالعروق ثم راطن حاشيته قائلاً:
- هذا أقرب ما رأينا في هذا القفر إلي أشكال الملوك.
وحين رأي طيف الإستياء علي وجهي سألني ملاطفاً:
- هل لك قرابة بالمماليك؟
- فقلت إن نسبي الصريح يجعلني إبن عم الرسول.
- ضحك صاخباً وقال: صلي الله عليه وسلم.
- ألفاً من الإبل وألفاً من الخيول وعشرة آلاف من الذهب.
- قلت: ذلك ليس متيسراً لنا.
- قال: لقد فرضنا ذلك المقدار ولا سبيل للمراجعة.
- وإذا كنا لا نملك ذلك المقدار؟
- ذلك شأنكم.
- وشأنكم أيضاً.
- نحن لا نستجديكم .. نحن نفرض وأنتم تطيعون .. هل ذلك واضح؟ هل هذا مفهوم؟؟
- ليس واضحاً ولا مفهوماً.
- في تلك الحالة فإن عقلك لا يستوعب الواضح والمفهوم وأنت تحتاج لتوسيع مداركك ولعل هذا يساعدك.
وعند ذلك هوت الصفعة بالغليون فإهتزت أركان الدنيا الأربعة وغدت معدودة أيام الباشا علي وجه الأرض .. ففي مساء اليوم التالي إحتوشته النيران في غرفة من غرف الضيافة بوادي عشيب وتحولت سترة التشريفات التى كان يرتديها إلي رماد وذابت أزرارها النحاسية في ضرام النار وتحولت إلي قطرات من النحاس المصهور.

ابوعبيده محمد ضيف الله
26-06-2007, 08:09 PM
حين دخلت وادي العنابسة حملة الإنتقام وقتلت الرجال وإجتثت صفوف النخيل .. غدت نساء العنابسة ولايا بلا حارس أو نصير فتسللن إلي النهر ودخلن في ضحضاحه وقد ربطن أنفسهن بالحبال في أيديهن وأعناقهن .. كل فوج بحبل واحد طويل وقلن للقائد أن يؤمنهن علي أعراضهن أو يتركهن يغرقن في النهر وبعد أن أعطاهن عهد الشرف والأمان عاد وأطلق جنوده عليهن.
إختبأت نور الشام في الخرائب لثلاثة أيام خرجت بعدها بهالة من الشعر الأبيض بدلاً من الضفائر الطفولية لطفلة في العاشرة ومنذ ذلك التاريخ وحتى ليلة زفافها لم تترك أحداً من الناس يبصر هالة شعرها البيضاء..

ودالزين
27-06-2007, 12:01 PM
أبوعبيدة

الله يديك العافية.

وأنا بهدي البوست دا لمرأة عزيزة على قلبي. اسمها (حجة خضرة) ولو قلتو أحكي لينا عنها بحكي ليكم.



فووووق

عطـــبراوى
27-06-2007, 08:15 PM
احكى لينا يا ود الزين .
هو نحن ورانا شنو غير الحكى ؟؟

ابــــــــو عبـيــــــــد
28-06-2007, 04:39 PM
أبوعبيدة

الله يديك العافية.

وأنا بهدي البوست دا لمرأة عزيزة على قلبي. اسمها (حجة خضرة) ولو قلتو أحكي لينا عنها بحكي ليكم.



فووووق

ارجوك .....................

ابوعبيده محمد ضيف الله
28-06-2007, 04:47 PM
أبوعبيدة

الله يديك العافية.

وأنا بهدي البوست دا لمرأة عزيزة على قلبي. اسمها (حجة خضرة) ولو قلتو أحكي لينا عنها بحكي ليكم.



فووووق

معقولة بس؟؟
في زول بيطلب ويستأذن في بيتو؟؟
طبعاً أخي من حقك تهدي البوست لمن يعزها قلبك ونحن في أحر من الجمر لنسمع ونسمع ونسمع..

والعزيزة علي قلبك عزيزة علي قلبنا ..
فالتحية للحجة خضرة
والتحية ليك..

ابوعبيده محمد ضيف الله
28-06-2007, 04:48 PM
عطبرااااوي..
مرحب بيك زول اساسي في البوست ده..

ابوعبيده محمد ضيف الله
28-06-2007, 04:49 PM
أبو عبيد..
مرحب بيك وبرضوا منتظرين مشاركاتك..

ابوعبيده محمد ضيف الله
28-06-2007, 05:02 PM
نواصل كلام الملك في قصة آخر العنابسة لمحمد المكي إبراهيم

تزوجت تسع حرائر وإقتنيت ستاً وعشرين جارية ولكني تزوجت زواجاً حقيقياً ثلاث مرات .. المرة الأولي من أم عمارة وأخيه عثمان وبعد وفاتها تزوجت الملكة نائلة فلم تنجب لي ولكنها أعطتني حياتي وقضيتي في الوجود ثم تزوجت أنيسا فأشبعتني من جنس النساء أما الأخريات فقد فرضهن اباؤهن أو فرضهن المنتظر ولم يدم زواجي باي واحدة منهن أكثر من ثلاثة اشهر..
أنيسا صغيرة دقيقة القوام بعيون تحاكي في إستسلامها عيون الغزلان .. كان أبوها الراس مواسا أميراً حدودياً من أمراء الحبش بعثها فأقامت عندنا لشهرين دون أن تفصح عن هويتها وفي نهاية الشهرين جاء ابوها وزوجني بها لأن بقائها عندي تلك المدة كان في عرفه قبولاً بالمصاهرة أو قبولاً للهدية علي حد تعبيره الغليظ..

ابوعبيده محمد ضيف الله
28-06-2007, 05:12 PM
ترقد مستسلمة حتي يصيبني اليأس وحين أهاجمها تهرب وتقفذ بعيداً وتختفي تحت الأغطية وتنزوي في أحد الأركان وهي تستحلفني أن أصبر قليلاً .. وكانت الملكة تستهجنني كثيراً حين تضبطني وأنا أحملها بين ذراعي وأجري بها في غرف القصر..
ولدت لي قمراً حقيقياً وأول أنثي في نسلي وآخرهن .. أخذت من أمها جمالها المفضوح وأخذت عني لون بشرتي وطولي فكانت آية من آيات الله .. ظل ذلك حالي في وادي عشيب مكتفياً بمليكتي حتى تزلزل العالم وإنهار وإختلط كل شئ بكل شئ..
كان حبها ملوكياً ولائقاً بأعظم العروش ولكنها تحولت في هذا الوادي إلي شئ له رائحة اللبن الأمومي .. فقد تحولت وبسرعة فائقة من زوجة إلي أم ولم تكن أماً لي وحدي وإنما لكل العشيرة والوادي وكل ما فيه من صخر وجبل وحدائق وثوار ومظاليم .. إرتفعت أعلي ذري الدنيا وإقتربت من مقام الأولياء العظام فقد كانت إمرأة من طينة العظمة والعفاف وفي السنوات الأخيرة لم أعد أجرؤ علي المضي معها لأكثر من قبلة في اليدين.

ابوعبيده محمد ضيف الله
28-06-2007, 05:26 PM
كنا في معية الباشا حيث جاءوا بحفيد السلاطين القدماء وجردوه من ثيابه العليا وصنعوا ثقباً في سراويله من الخلف ثم رفعوه وأجلسوه علي العمود الخشبي المسنن فخيل إلي أنني سمعت إهتاك اللحم حين بدأ الرجل ينزلق علي العمود الخشبي الذي تبلل بدمائه..
كان قد خرج علي الحكومة وإحتمي بالراس مواسا عن سابق معرفة وود ومعاً حاربا جيوش الغزاة وألحقوا به الخسائر الجسام .. ثم خضع الراس مواسا لإغراء المال فأخذ صديقه وسلمه لأعدائه مكتوفاً بالحبال..
بعد هول الصدمة الأولي فتح حفيد السلاطين عينييه وطلب من جلاديه أن يعطوه سيفاً ليموت به كالرجال وحينما إشتد عليه الألم راح يشتم ويسب ويعاير الباشا بابيه تاجر التبغ الذي غدا ملكاً في غفلة من الزمان فلم يورثه شيئاً من أخلاق الملوك وعند ذلك إحمر وجه الباشا من الغضب وفاحت من بدنه تلك الرائحة النحاسية الغامضة فأمر بقطع لسان الرجل ..
وظل حفيد السلاطين ينذف من فوقه وتحته حتي مات.

ابوعبيده محمد ضيف الله
28-06-2007, 05:37 PM
جاست في قري العنابسة تلك الريح القاتلة فقضت علي كل شئ .. كانت هنالك مرضعات لا يرضعن أطفالهن وأمهات لا يصنعن الطعام لأولادهن ورجال فقدوا شهية الحياة وإستسلموا للسموم تحت لفح الشمس وبرد الصحراء إعلاناً لشهوة الموت التي إخترقت أرواحهم وألزمتهم ذلك السكون.
كان هنالك خرائب وأطلال وحقول من الحنطة داستها سنابك الغزاة وسواقٍ غرقت في النهر ونخيل مثمر إجتثته فئوس الغزاة..
وكانت الشمس شاحبة والهواء ثقيلاً والنهر يترقرق نقطة .. نقطة كالدموع
آه يا عذاب القلب آه..

ابوعبيده محمد ضيف الله
28-06-2007, 05:41 PM
جمعوا مائة شاب من الوادي وكهوله ووسموهم بوسم العبودية بين الإبهام والسبابة وأرسلوهم إلي الباشا الكبير في أدني النهر عبيداً أرقاء ورأي الباشا الكبير أن ذلك مخالف للشرع فأطلق سراحهم
ولكن..
وا حر قلباه.. لم يستطيعوا العودة إلي أهليهم بوسم العبودية فتشردوا في آفاق الدنيا إخفاءً للعار وإنقطعت عنا أخبارهم وقطع فيهم الرجاء..

ابوعبيده محمد ضيف الله
28-06-2007, 05:56 PM
الملك ضحايا مستشاريه..


يستطيع الصعلوك أن يقرر وكذلك المعدم الفقير إلا الملك فإنه لا بد أن يشاور ويستشير .. لا أحد يطلب من الملك رأياً أو نصيحة ولكن أحقر الدجالين يستطيع أن يعطي الملك رأياً ونصيحة ويطالبه بإتباعهما
بإسم الحب والنصيحة تجمهر علي أهلي وأخرجوني من وادي عشيب .. زينوا لي أمر الفرار وزعموا أن حملة الإنتقام إذا لم تجدني في الوادي خرجت تطلبني .. وتركت الوادي في حاله
جادلتهم ولكن بلا فائدة..
شرحت لهم خططي للدفاع عن البلد فرفضوها وألحوا علي حتي خرجت .. وجاءت الحملة فإنتقمت من الحي والميت والجماد..
عدت ورايت الموت والخراب وأقسمت .. اقسمت أن لا أخرج مرةً أخري وأن أموت مدافعاً عن بلادي ومراقد أجدادي .. لكنهم ضنوا علي بشرف الموت وراحته .. تحلقوا حولي كالوباء وأغرقوني في النصائح والسماجات وقالوا يكفي الوادي ما اصابه .. إذهب وقاتل خارج البلد إن كان لا بد أن تقاتل..
خرجت من فردوس طفولتي وفي آثاري جيش متعطش للثار وأمامي صحراء مكشوفة لا تصلح للقتال ولكنى قاتلتهم من وراء كل تلة ومن فوق كل جبل ومن بطن كل وادي ..
قاتلت وقاتلت حتى صعدت خيولي فوق الهضبة الحبشية ففقدوا الأمل وقفلوا راجعين أما انا .. ففقدت فردوس الطيبة والوداعة الذي كان لي في وادي عشيب

وإستحال بعد ذلك الرجوع
******
******
******
******
******

من رواية آخر العنابسة لمحمد المكي إبراهيم..

ابوعبيده محمد ضيف الله
28-06-2007, 05:57 PM
ود الزين..

نضفنا ليك الصالون وفرشناه وراجينك تشرف وتحكي

ابوعبيده محمد ضيف الله
01-07-2007, 04:36 PM
قلبي المن نشوه .. للبنات غوّاي

داب من زاد عليّ ... وغلـّب الداوي

من مسكة خنيصرو .. المو شديد لاواي

يتنهـّد بلا .. أسد الحُقا الناواي

خلفولها الشتيم .. شاشاها جاي جاي

وقال بتشلعو .. الفوكـّا النجيم ضواي

ست تبري أب نَقِش.. والداير الباراي

يا ستـّار عليّ .. من غيـّها السرّاي

ابوعبيده محمد ضيف الله
01-07-2007, 05:22 PM
رقية أخت الفارس ود حبوبة
فى محاكمة عبد القادر إمام ود حبوبـة

بتريد اللطام اسد الكداد الزام
هزيت البلد من اليمن للشام
سيفك للفقر قلام
تيّم فى التقر انصارو منزربين
بالصفا واليقين حقيقة انصار دين
بالحرب ام طبائق قابلوا المسكين
فى وش المكن رقدوا التقول نايمين
تيّم فى التقر انصاروا زاربنوا
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا
تيّم فى التقر قال العمير للسوم
القوى والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالم تحوم
الاسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمامور
الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صقار
الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق
بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال

عطـــبراوى
02-07-2007, 07:16 AM
ابو عبيدة تحياتى لك .
ده كلام منو ده .

قلبي المن نشوه .. للبنات غوّاي

داب من زاد عليّ ... وغلـّب الداوي

من مسكة خنيصرو .. المو شديد لاواي

يتنهـّد بلا .. أسد الحُقا الناواي

خلفولها الشتيم .. شاشاها جاي جاي

وقال بتشلعو .. الفوكـّا النجيم ضواي

ست تبري أب نَقِش.. والداير الباراي

يا ستـّار عليّ .. من غيـّها السرّاي

ودالشيخ
02-07-2007, 11:11 AM
يا اخوي قول
ياستار علي من شوفتك
بقيت اشيل صورتك

ودالزين
02-07-2007, 01:40 PM
فوووووووووق
...............

Bahasin
02-07-2007, 01:55 PM
الأخوة:

متل الكلام دا بجيب الدم ركب وبخلي الدم يغلي في المخيخ زاتو
المهم : لازلت محتارا في هذه الحبوبة الأمية التي تتحدث عن واقع جغرافي في جزيرة العرب ورد في الشعر القديم
الحكاية وأصلها أن الحبوبة قالت تشكر ولدها ولا زوجها المهم قالت :

أسد بيشة البكًرحجّر شراب سيتيت **** كاتل في الخلا وعقبا كريم في البيت

وبيشة من المآسد القديمة ( مأسدة مكان تكثر فيه الأسود او الآساد) مثل بيشة وبحيرة طبرية وغيرها
والمأسدة تجعل الأسد ضاريا شرسا لكثرتها في المكان وتقاتلها علي الطعام على قلته

السؤال : الحبوبة دي ( وهي ما قرت ولا دخلت الكتاب عشان تعرف الشعر القديم) من الذي أخبرها بهذه المنطقة ومعرفتها بأنها مأسدة.؟؟
أعتقد أن الضمير الجمعي العربي النازح حمل معه هذه المكنونات والمكونات الثقافية التي تحكي عن جغرافيا المكان فخلدت تاريخا يناطح كيد من يظن الظنون بعروبتنا على الأقل على مستوي اللغة والحكي
( العروبة ليست بأب أو أم العروبة لسان ( يعني لغة ) "


والله أعلم
عاطر الود

ابوعبيده محمد ضيف الله
03-07-2007, 01:03 PM
قلبي المن نشوه .. للبنات غوّاي

داب من زاد عليّ ... وغلـّب الداوي

من مسكة خنيصرو .. المو شديد لاواي

يتنهـّد بلا .. أسد الحُقا الناواي

خلفولها الشتيم .. شاشاها جاي جاي

وقال بتشلعو .. الفوكـّا النجيم ضواي

ست تبري أب نَقِش.. والداير الباراي

يا ستـّار عليّ .. من غيـّها السرّاي

الأخ الكريم عطبراووي

الكلام لبنونة بت المك

ابوعبيده محمد ضيف الله
03-07-2007, 01:07 PM
يا اخوي قول
ياستار علي من شوفتك
بقيت اشيل صورتك
ود الشيخ
شغال أشرك ليك ساكت بي جاي وبي جاي وما داير تقع معانا في الخط .. أنا متأكد " راسك " ده بيكون ملياااااان ..
منتظرين مشاركاتك..

ابوعبيده محمد ضيف الله
03-07-2007, 01:19 PM
الأخوة:

متل الكلام دا بجيب الدم ركب وبخلي الدم يغلي في المخيخ زاتو
المهم : لازلت محتارا في هذه الحبوبة الأمية التي تتحدث عن واقع جغرافي في جزيرة العرب ورد في الشعر القديم
الحكاية وأصلها أن الحبوبة قالت تشكر ولدها ولا زوجها المهم قالت :

أسد بيشة البكًرحجّر شراب سيتيت **** كاتل في الخلا وعقبا كريم في البيت

وبيشة من المآسد القديمة ( مأسدة مكان تكثر فيه الأسود او الآساد) مثل بيشة وبحيرة طبرية وغيرها
والمأسدة تجعل الأسد ضاريا شرسا لكثرتها في المكان وتقاتلها علي الطعام على قلته

السؤال : الحبوبة دي ( وهي ما قرت ولا دخلت الكتاب عشان تعرف الشعر القديم) من الذي أخبرها بهذه المنطقة ومعرفتها بأنها مأسدة.؟؟
أعتقد أن الضمير الجمعي العربي النازح حمل معه هذه المكنونات والمكونات الثقافية التي تحكي عن جغرافيا المكان فخلدت تاريخا يناطح كيد من يظن الظنون بعروبتنا على الأقل على مستوي اللغة والحكي
( العروبة ليست بأب أو أم العروبة لسان ( يعني لغة ) "


والله أعلم
عاطر الود
الحبوبة لما وصفت أخوها باسد بيشة فإنما تدل علي هجرات أهلها منذ قديم الزمان لبلاد النيل وبيشة منطقة بجزيرة العرب إشتهرت بأن اقٌوي الأسود إتخذت منها عريناً لها لظروفها المناخية المناسبة وغاباتها وجبالها
قال الأحوص في مدح عمر بن عبدالعزيز:

وتكون مقفلهم اذا لم ينجهـم ** من شر مايخشون الا المعقل
حتى كأنك يتقي بك دونهــــــم ** من أسد بيشة خادر متبســـل
وأراك تفعل ماتقول وبعضهم ** مذق الحديث يقول مالايفعــل


وقال البحتري يمدح المعتز بالله:

فخم اذا لبس السلاح عجبت من ** بدر تألق في سواد غمـــــام
لباس أثواب الحروب مشمــــــر ** عن ساعدي أسد بيشة حام

وقال قيس بن حطيم:

الفيتم يوم الهياج كأنهم ** أسد بيشة أو بقاب وراف

وقال مزرد بن ضرار الذبياني:

فيرجعها قوم كأن أباهم ** ببيشة ضرغام طوال السواعد

وفي غرض الفخر قال حسان بن ثابت:

كأنهم في الوغى والموت مكتنع ** اسد بيشة في أرساغها فدع

ابوعبيده محمد ضيف الله
03-07-2007, 01:24 PM
قلبي المن نشوه .. للبنات غوّاي

داب من زاد عليّ ... وغلـّب الداوي

من مسكة خنيصرو .. المو شديد لاواي

يتنهـّد بلا .. أسد الحُقا الناواي

خلفولها الشتيم .. شاشاها جاي جاي

وقال بتشلعو .. الفوكـّا النجيم ضواي

ست تبري أب نَقِش.. والداير الباراي

يا ستـّار عليّ .. من غيـّها السرّاي

عطبراااوي
معذرة للخطأ الكلام للحاردلو

ابوعبيده محمد ضيف الله
03-07-2007, 01:27 PM
فوووووووووق
...............

ود الزين ..
بطل حوامة ومتاوقة .. منتظرين حكايتك..

أطيب التحايا..

ابوعبيده محمد ضيف الله
04-07-2007, 02:21 PM
أبوعبيدة

الله يديك العافية.

وأنا بهدي البوست دا لمرأة عزيزة على قلبي. اسمها (حجة خضرة) ولو قلتو أحكي لينا عنها بحكي ليكم.



فووووق

ود الزين ...
بناطلينا إتقطعت بالقعاد منتظرين

ابوعبيده محمد ضيف الله
04-07-2007, 02:45 PM
تشكر ابو عبيدة لايرادك تاريخ بنات بلدى . وهن كثر .
وهذذ واحدة منهن وهى شغبة المرغمابية . من اشـــعر نســـــاء البطانة
قاطبة ، بل وتنافس رجالها في لقب اشــــعر شـــــعرا البطانة.. كانت فى زمن
حسان الحرك . هى كواهلية والمرغماب فرع من الكواهلة . ومنه زوجها
ود قلش

عطبراوي
أولاً تلاحظ إختفاء مداخلاتك من هذا البوست
ثانياً .. في بحثي مع سيدنا قوقل عثرت علي شغبة وعلي ما أظن هي إحدي حبوباتك القدام..
بكل الود أهديك ما وجدت..
شغبة المرغمابية
وهي احدى شاعرات البطانه والتى نصبت نفسها اميرة على اهل البطانة بالرغم من وجود الكثير من الابطال والرجال في تلك المنطقة وهي من قبيلة الكواهله من منطقة أم شديدة وتزوجت (ودقلش) من قبيلة المرغماب وامتازت بسلاطة اللسان وقوة شعرها وسرعة تاثيره في الناس فبيت شعر واحد قادر على اشعال حرب في البطانة وبيت آخر قادر علي كسر قلب اقوى الفرسان.
وكانت تحب زوجها (ودقلش ) حبا قويا مما جعل قبيلة زوجها فوق قبيلتها ومدحتهم اكثر مما مدحت قبيلتها وكانت الفاظها لا تشبه الفاظ النساء ومعانيها لا تحمل الرقة.
وكانت تشارك في الحروب بشعرها لزيادة حماسة الفرسان واشهر تلك المعارك التي دارت بين قبيلة زوجها المرغماب وقبيلة زوج اختها علابة البطاحين وهي المنطقة التي انجبت الفارس برير اشهر واصلب فرسان البطانة ورغم ان البرير يعتبر ابن اخت الشاعرة شغبه الا انه قتل زوجها (ودقلش) وابنها ناصر في تلك المعركة وقالت في ذلك شغبه
كُر يا نُوح مـن دا الخـــــــــراب
عجب عيني تاكل فيه الكـــــلاب
ودقلش مْـــــــيّحْ من الرِّكــــــاب
اخير دا مِن قولة جفلو المٌرغماب

وهي هنا تستنكر الموقف بلفظ كر وتستنجد بالنبي نوح لرؤيتها ابنها (قرة عينها) تاكله الكلاب وزوجها سقط من ظهر الفرس وكلمة ميح تعني فقد التوازن والسقوط .

ابوعبيده محمد ضيف الله
04-07-2007, 03:00 PM
وهي لم تبكي بل تصبرت ونظرت الى وادى عديد نوير وتخاطبه
يقن لي خرابك يا عديد نوير
راحو النايرين فضلوا البماسحو الكيل
ودقلش يكفي لى هوايد الليل
ود نوَّاي كتل فارس التقيله ام حيل
شغبه وين تقبل بي كبيرة الضيل

وهي هنا لا تتحسر بل تشد همة رجالها لاخذ الثار وهي تخاطب مورد الماء عديد نوير ان يتصبر على خرابه وموتة الفرسان الذين راحو وتبقى منهم المترددين في اخذ الثار بعد موت زوجها هواد الليل أي اخر الليل وهو دليل على كرمه واستقباله الضيوف أوخر الليالي وود نواى احد فرسان القبيلة واين تذهب شغبه بابلها الممتلئة الاضرع بالحليب.

ابوعبيده محمد ضيف الله
04-07-2007, 03:14 PM
وبعد هذه الحماسة اخذت الهاشمية فارس يدعى حمد المليحابي ومكث في قبيلة الامرار في موضع يقال له ( الباك وهو علي ما أظن حالياً شمال مناطق نهر النيل ناس الحبوبات والمعلومات يصححونا ) فترة عامين لجمع وتدريب الرجال وكان شرطه الوحيد ان يكون الفارس من شاربي التنباك لأن شارب التنباك يكون اكثر ثباتا في المعارك ودارت المعركة واستطاع حمد بي ناس التنباك ديل ان ينتصر ويقتل فرسان البطاحين بل ياسر فارسهم البرير صاحب وجعة شغبة وابن اختها كما طلبت هي ان ياتو به حيا.
وبما ان شغبه شاعرة صادقة فلم يفوتها ان تعجب بشجاعة اعدائها العركشاب كما تصفهم في الابيات التالية
دُب العركشاب وكتاً يلوكو المر
تَدبت للكتال متل الكباش الغُر
يدعكو على الصف الدّمية تخر
ويصفلون متل دهب الجمار الحر

وهي هنا تصف كيف ان فرسان العركشاب يتشبثون في ارض المعركة ويتسابقون لملاقات الفرسان وحتى في اشد حمى ا....س تجد وجوههم صلفية لا تتعكر بسيل الدماء والعركشاب هم احد فروع البطاحين المشهورين بالكرم والاستبسال في القتال وهنا الدليل ان كل فروع البطاحين شاركو في المعركة ومعروف ان البطاحين هم الاكثر عددا.
وعندما رات شعبه الفارس حمد بعد المعركة انشدت
حمد المليحابي سدر الباك
وسنتين بدولب في البشربو التنمباك
كتل الشيخ البرير وحرق حشا الدعاك
وجاب ال في الصفيه رقهن بتراك
والابيات واضحة وكلمة بتراك تعني يلمع والدعاك رضيع الناقة وهي تقول ان الشيخ البرير قتل افراد قبيلة المرغماب وسبى ونهب الابل الام وترك صغار الناق للجوع والضياع.

ويقال ان شغبه تسلمت حارق الحشا الشيخ برير وربطته من خلاف وجلبت النقارة وبدت به فقطعت يديه وحملتها والدم ينزف منهما واخذت تقرع بيدين البرير المقطوعتين النقارة في وحشية وتغني في حقد ومرارة
جيد يا البرير الضقت النكور والهول
وكسر الهمبروك عيش السديرة الخور
سوقة الحدم العقدن قفيهم شول
كتلة البرمكي مع صباح البول

" العطبرواي أنت أوردتها مع الصباح البول وقيل أن الصحيح مع صباح البول .. معاي مصحح الغلطاوي من أولاد عطبرة إسمه مدني المضوهر شغال لي من قبيل تصحيح وهو زول أجدع من أحسن حبوبة في الحكاوي دي "

تقول شغبه الحمد لله الذي اذاقك يا البرير العذاب والهوان فقد قتلت زوجي ونكلت بقومي وحطمت الزرع والضرع والرمكي هنا تقصد به زوجها دلالة على انه رجل كريم وصباح البول هو الصباح الباكر والهمبروك وهو الزرع الصغير النئ.

وتواصل شغبة غنائها وهي ممسكة بيد البرير المقطوعة
جيد يا البرير ضقت النكورات حي
وكسرت الهمبروك عيشة السديرة الني
سوقة الحدم العقدن قفيهن لي
كتلة البرمكي مع الصباح الضي

وظلت شغبه تقطع اوصاله واعضائه قطعة قطعة حتى فارق الحياة. ويبدو ان سكينها لم تؤثر كثيرا في هذا البرير لانه مدحته قائلة
ود العز برير ضرب النحاس ما بخاف
وعندو الدكري البياخد تلاته اخفاف
حالف بالطلاق ما يفوت بنات عساف
الا الراس يفارق الجته واللكتاف

ابوعبيده محمد ضيف الله
04-07-2007, 03:20 PM
وبعد هذه الماساة اي معركة الدباغات وهي بئرقرب ابي دليق قام احد فرسان البطاحين وهو ابن عم البرير يدعى (اللين) جمع الفرسان ووعدهم باعطائهم الغنائم كلها على ان يتركو له نساء المرغماب لسبيهن وخاف المرغماب على نسائهم وابلهم وتشاوروا على ترك مضاربهم الا شغبه ابت وتكبرت وطالبت الفرسان بالثبات وقالت
جملي في ام شديده قلدو وهدو
والمال لى مساديروالقدم ودوا
والطير يا سراحين الوجوه غدو
والبجفل شناعو للبنات ودوا

تقول لهم شغبه لا تخافو بل اتركو الابل في مكان رعيها القديم واذا اتى الفرسان فنكلو بهم وارمو لحمهم للطير اما الخواف بلغوا الفتيات باسمه وهذا هو منتهى العار.
ودارت المعركة في مكان يسمى شموم وانتصر المرغماب بقيادة شغبه وقتل اللين وبي افكار شغبه العسكرية فاز اهلها حيث طلبت من الفرسان ان يتركو امشاط شعرهم في مكان معين حتى يعرفو اذا هرب احدهم وطالبت المتزوجين منهم ربط اولادهم خلفهم على ظهور الخيل حتى لا يهربوا.
ومات الين موتة شنيعة انغرزت في جسده عشرات الحراب ولما سقط من فرسه تعلق على اسنة الرماح وانكشفت عورته وقالت في ذلك شغبة
اهلى بقة الحنظل دوا الجربان
اهلى ال في قفاهن بيربطو الطفلان
والله البحالقن على النسوان
يرقد رقدة اللين كدى عريان


والبيحالق هو الذي يحوم حول النسوان، وهي تقصد اللين الذي يريد ان يسبي بنات اهلها ورقدة اللين عريان يقال أن اللين عندما إنغرزت فيه الحراب الكثيرة سقط فإنكشفت عورته

ابوعبيده محمد ضيف الله
04-07-2007, 03:27 PM
وبدات شغبه تمدح اهله وتسب اعدائها من البطاحين بكل فروعها:
اتلمت جهينة والسدارنه الزرق
وارجوهن صباحات الكواهله الفرق
عدوهن شموم متل النعام الطرق
فسراع شبعو اللين كراسة برق
خلوا العركشاب راقدين شتات في الحرق

ارجوهن يعني انتظروهم الفرق الشجعان كراسة البرق الحراب التي تلمع عدوهن شموم طردوهم من شموم وهى ارض المعركة وتقول ايضا
اتلمت جهينة وطرطر ام هبود
يحسبوه كتالنا بالحجر والعود
ارجوهن صباحات الكواهله قعود
فسراع شبعو اللين من المترود

طرطر وهبود ت.... لهم وتشبيههم بالرماد، المترود الحراب هذا ما قراته أما ما سمعته

اتلمت جهينة وطرطر ام هبود
ورجوهم صباحات الكواهله قعود
وروهم كتالن بالحجر والعود
فسراع شبعو اللين من المترود

وهي تقول ايضا

اليوم يا جهينة حدكن فتوه
وسعيتولكن خيول درب النكور عستوه
فارس السبعتين جيد اللقا ضقتوه
...ولكن سبيب ضنب حصان اكتوه

وهي تقول لهم لقد تعديتم حدودكم وركبتوا خيول وانتم ليس من اصحابها وهي للشجعان فقط ولكن الحمد لله الفارس السبعتين وهو محمد ود احمد العمرابي وهو قام بمطاردت احد فرسان البطاحين وكاد ان يجز راسه ولكن كان حصان الفرس اسرع من حصان السبعتين فقطعت ضربة السيف ذيل الفرس بدلا من راس الفارس وشغبه تتهكم عليهم بقولها اربطوا له شعر في ذيل الحصان حتى لا يعرف الناس ان فارسكم هرب من ارض المعركة.

ابوعبيده محمد ضيف الله
04-07-2007, 04:48 PM
ومواصلة للحكاوي عن شغبة وجدت أيضاً حكاية لها مع إبنها حسين والذي شب ورعا ومتدينا وإشتغل بطلب العلم حتي بدأ جسمه في الترهل ولم يعجب ذلك شغبه ففتيان قومها يخوضون الحروب وولدها حسين ( عامل فيها فكي وبيعالج في النسوان بالمحاية والبخرات ) فيقال جاءته شغبة ووقفت له وقالت
اريتك يا الحسين ما اشوف لوحك معلق
ويوما كـــــــــــاتلن ويوما مفلـــــــــق
ويوما فوق ضهر ال في شايتو غلـــق
قاعد ولى الزكـــا ولـــقط المـــــحلق
ال في شايتو غلق هومكان ربط الابل الزريبة

وتواصل شغبه مخاطبة ابنها:
يا حسين انا ماني امك وات ماك ولدي
بطنك كرشت غي البنات ناسي
ودقنك حمست جلدك خرش ما في
لاك مضروب بى حد السيف نكمد في
ولاك مضروب بى لسان الصيد نفصد في
وهنا أصابت شغبه ابنها في المقتل فرد إبنها عليها بعد أن ناله كلام أمه
محيناك يا لوح وكسرناك يا دوايه
لهيج الحم احسن من القرايه
وقلبت الشد على اللفض التنايه
ومقالبه البُكار كبد السحاية

السحايه: نبات تاكله الابل
ومن هذه اللحظه خرج حسين يسترزق بنهب الابل (الهمبته) وفي احدها جولاته دخل ارض السلطنة الزرقاء وكان المانجلك في ذلك الوقت يدعى المك عجيب فوقع نظر حسين على بنت المانجلك عجيب واغرم بها ايما غرام فهمل حسين سايس في زريبة خيول الملك . وكان لحسين جملا قويا وسريعا وذات يوم كان حسين واقفا امام محبوبته ولم ينتبه الى ان المك عجيب يقف خلفه فقال لمحبوبته
يا
دغساة العيون بلا مرواد
تحسبي حسين جاي للحصان ....

و عندما انتبه ان المك عجيب خلفه استرسل بفطنة
لكن موكعب رفقا مع الاحباب

فعرف المك من تلك اللحظه ان حسين يحب ابنته فغضب المك كيف لسايس عنده ان يرفع عينه على ابنته وحكم عليه بالاعدام ، وساله الملك قبل اعدامه ان كانت له امنية اخيره يريد تحقيقها فقال حسين ان اركب جملي داخل الزريبة وضحك الملك من هذه الامنية ونفذ له طلبه فامتطى حسين جمله وإنطلق ولم يستطع فرسان المك اللحاق به لسرعة جمله. واعتبر المك ان هذه اهانة كبرى اخرى لحقت به.فاعلن الحرب على المرغماب .
وعندما هرب حسين اخذ يمدح جمله:
يا اب ضهرا متل فرنيبة الشراك
يا عصار سبيب ضيلك على اللوراك
العزبه بتكوشك وام رهيط تبراك
ربدات النعام فيها العجز مالاك

يقول حسين لجمله انت مثل الشرك العالي الذي ينصبه الصيادون وقد هربت بسرعة تاركا خلفك خيول المك المسمية بالعزبه وام رهيط ويقارن سرعة جمله بالنعامة الربداء وهي اسرع في الجري من غيرها

Bentalneil
04-07-2007, 10:37 PM
شكرا ليك كتير ابو عبيدة وانت تمجد بنات البلد الختن الساس الرفعن الراس

بت المك ,مهيرة , رابحة وغيرن ممن لم يجدن حظهن في التاريخ, كل بنات بلدي و اولاد بلدي الشرفاء

الصانوا تراب البلد بالادوار العظيمة القاموا بيها ليهن المجد والخلود ,برغم وجود تيارات سافرة تريد

الكيل و النيل منهم بتحريفهم لتاريخ هولاء الابطال. لكن هيهات لن ينالوا منكم..لولاكم ما كان السودان ...غشت ارواحكم الرحمة

ناموا هانئين قريري الاعين .

ابوعبيده محمد ضيف الله
05-07-2007, 03:31 PM
شكرا ليك كتير ابو عبيدة وانت تمجد بنات البلد الختن الساس الرفعن الراس

بت المك ,مهيرة , رابحة وغيرن ممن لم يجدن حظهن في التاريخ, كل بنات بلدي و اولاد بلدي الشرفاء

الصانوا تراب البلد بالادوار العظيمة القاموا بيها ليهن المجد والخلود ,برغم وجود تيارات سافرة تريد

الكيل و النيل منهم بتحريفهم لتاريخ هولاء الابطال. لكن هيهات لن ينالوا منكم..لولاكم ما كان السودان ...غشت ارواحكم الرحمة

ناموا هانئين قريري الاعين .

بت النيل..
ما اسعدني بهذه الكلمات الصادرات من عميق روحك الشفيفة ومثلك وأخواتك ما دامن موجودات فلن يستطيع أحد النيل والكيل لهن ولكن..

أرقدي قفا ..

ابوعبيده محمد ضيف الله
05-07-2007, 03:41 PM
مـندي بنت السلطان عجـبـنـا

مندي هي بنت السلطان عجبنا بن أروجا بن سبا، السلطان الثالث عشر لمنطقة الأما وهي قبيلة النيمانغ بالقرب من مدينة الدلنج التى تضم ثمانية مناطق كبيرة هي : النتل، وكرمتي، وككرة، وتندية، وسلارا، وكلارا، وحجر السلطان، والفوس. وهى ذات المنطقة التى اتخذها السلطان عجبنا مسرحا لعملياته الحربية، فخاض مع رجاله الأشاوس ومن خلفهم الأميرة المناضلة مندي التى كانت تقاتل بضراوة وهى تحمل طفلها الرضيع على ظهرها، جنباً الى جنب مع فرسان القبائل، معارك ضارية شرسة ضد الغزاة الطامعين من الإنجليز، الأمر الذى أثار حفيظة الحكومة الإنجليزية فيما بعد فحاولت اخضاع منطقة النيمانغ لسيطرتها وتوالت حملاتها إليها.
عندها كان السلطان عجبنا وقواته الثوار يقاومون بأقصي ما لديهم من بسالة، وحمي ا....س بين قوات المستعمر والثوار الى درجة أدت لفك الحصار المضروب حولهم.

تسربت الأخبار والمعلومات الى الأميرة المقاتلة مندي عن تأزم الوضع واستيلاء قوات المستعمر علي مصادر المياه، فضلا عن أن الثوار فى أرض المعركة أصبحوا فى حاجة الى تعزيزات ودعم يمكنهم من فك الحصار كاملاً. وفور سماع الأميرة مندي هذا الخبر تحزمت وحملت البندقية قاصدة موقع القتال، فحاول البعض اثناءها عن الذهاب بحجة أن الموقف متأزم وحرج، وأن الطريق ملئ بالمخاطر، وبأن الحصار محكم جداً من كافة الجهات. فغضبت الأميرة وثارت، وقالت: "دعوا سبيلي، فالوقت ليس وقت كلام". واحمرت عيناها وأصبحت كالمرجل يغلي من شدة الغضب بفعل اصرار القوم على منعها، فحملت البخسة (القرع) وضربت بها الأرض حتى تهشمت وقالت للجميع : "أفسحوا لي الطريق"، فأفسحوا لها الطريق. يجدر بنا الاشارة الى أن تهشيم البخسة "القرع" فى ثقافة النمانغ يعني أن الغضب والأصرار على فعل الشئ قد بلغ أوجه وقمته، أي، حد لا تنفع معه الرجاءات ومحاولات المنع.

أسرعت الأميرة المقاتلة مهرولة لكى تنضم الي صفوف الثوار الذين تجمعوا بقيادة السلطان عجبنا ليصدوا الهجوم الغاشم، وكان التحاقها مع من معها الى الفوج بقيادة السلطان دفعة معنوية قوية. وبدأ القتال بكل ضراوة وبسالة، حيث تصدى الثوار للهجمات وردوا زحف الأعداء صوناً للأرض من أن تغتصب، وحماية للأهل والعشيرة.

ابوعبيده محمد ضيف الله
05-07-2007, 03:44 PM
ونرجع تاني لي بنونة وشعرها..

أبواتك قبيل أهل الحديث والشورة
مو همال بلد معروف أمرهم كورة
اٍنتو اهل الضهور ساعة تكون ممطورة
اٍنتو اهل السيوف بالدم كمان ممهورة

ودرحمة الزبير دفًر علىً الشلواح
أبوى المك نمر حرق الخديوى صباح
شفتا بنات جعل صانن عروضن صاح
وقعن صرة النيــــل حاكن التمساح

ابوعبيده محمد ضيف الله
05-07-2007, 03:46 PM
ومن قول بنونة بت المك والتى نالت شهرة بصوت الكابلي

يسلم لي خال فاطنه ليهم
بلالي البدرج العاطلة
اب كريق في اللجج
سدر حبس الفجج
عشميق حبل الوجج
انا اخوي مقلام الحجج
يا خريف الرتوع
اب شقه قمر السبوع
فوق بيتو بسند الجوع
يا قشاش الدموع

ابوعبيده محمد ضيف الله
05-07-2007, 03:50 PM
وتخاطب بنونة في أغنية الكابلي علي أخوها

متين ياعلي تكبر تشيل حملي !!
ياكا علي الخلاك ابوي دخري
للغني والفقير الكان ابوك بدي
للجار والعشير الكان ابوك بحمي
مي دايرالك الميتة ام رماداّ شح
دايراك يوم لقا بدميك تتوشح
الميت مسولب والعجاج يكتح !!!
أحي علي سيفه البسوي التح

ابوعبيده محمد ضيف الله
05-07-2007, 04:05 PM
الناس في العروض .. لا تقيسها بي تيبانا

لا يغرك لباسهم والعروض عريانة

ديل حراس رِزِق .. مِتلَ التكنِّي أمانة

زي إبل الرحيل .. شايلة السُقى وعطشانة

ابوعبيده محمد ضيف الله
07-07-2007, 02:42 AM
رابحة الكنانية

<<<نقلاً عن صحيفة السوداني>>>

رابحة الكنانية من قبيلة كنانة التي تسكن النيل الأزرق وبوادي النيل الأبيض ولما أندلعت ثورة الأمام المهدي كان أهل رابحة الفرع الواقع شمال شرق جبال النوبة ولما لجأ الأمام المهدي وأنصاره إلى تلك الجبال كان فرع من كنانة في تلك الأدغال وأتتهم حركة غريبة فيها الخيل والرجال وكثير من المشاة والحركة الحربية لاتخطئها العين وعلمت الفتاة رابحة بهذه الغزوة وأتجهاها إلى ضرب حركة الإمام المهدي.
فلم تجد رجالاً حريصين يعاونونها في إخطار الإمام المهدي بهذا الجيش الحافل والمدجج بالسلاح فتمنطقت تلك المرأة وركبت ناقة وشقت الغابات والوهاد وسبقت الجيش الغازي قابلت جيش الإمام المهدي ثم التقت الإمام المهدي وأخبرته بحركة الجيش المتجهة إليهم فرتب الإمام المهدي جيشه وصف صفوفه وجعلهم جيشاً يمشي بخطة فيها الميمنة والميسرة والصدر وصبر جيش الإمام المهدي وسط غابة كبيرة فيها الأشجار والوعر والوحوش وصبر أصحاب المهدي حتى يمكنوا الجيش الغازي من الدخول في الغابة حتى أحكم جيش المهدي قبضته من الجيش الغازي ولما رأى الجيش الجبال ومن حولها الغابات بدأ الجيش يطلق الرصاص والذخيرة في الهواء ولما تمكن الجيش من وسط الغابة أتته الإشارة من المهدي بأن يهجم الجيش على الأعداء وخرجوا عليهم من كل جهة وهجموا عليهم ولم ينجُ من العدو إلا القليل فقد لقي العدو مصرعه في ذلك النهار واتنقطع دابرهم ولم يتركوا لهم مهرباً فقد أبادوهم عن بكرة أبيهم وظلت رابحة مرابطة مع جيش المهدي في تلك الأوحال والأدغال وتحرك الجيش من تلك الأماكن إلى جبل جرادة وجبل الدائر واتجه الجيش ناحية الأبيض حيث تمكن الأتراك من إحاطة المدينة بالزرائب وكانت من ضمن النساء المقاتلات رابحة وبعد فتح الأبيض وخرابها اتجه جيش المهدي ناحية الرهد وهنالك قابلتهم جماعة من الأنصار الذين يطلبون البيعة وكان على رأس الجماعة القائد الشريف محمد الأمين الهندي الذي قبض الله روحه في الرهد ودفن هنالك ولما سمع المهدي بخبر وفاة العالم الورع الشريف محمد الأمين صلى عليه صلاة الغائب وأصبح قبره مزارة وتحرك الجيش صوب أم درمان فوصلها بعد أسابيع وكانت فيه بضع أنصاريات ومن ضمنهن رابحة وصبرت حتى فتح الخرطوم ودخلت أم درمان مع الفاتحين.
ثم تزوجت من أحد الأنصار وكان صاحب مراكب وعمل في النيل فانجب منها أولاداً وصاروا يتجولون في النيل. إلى أن غشيها الموت فشيعها الأنصار إلى مقبرة أحمد شرفي مطلع الخمسين وبلغت من العمر حوالي المائة سنة وتركت من الذرية عدداً ومازالوا يكنون لها الود وفيهم جماعة يسكنون في حي (الفكي أبو) ولها نسب في ودنوباوي والآن اولاد أولادها كبار ولهم مساهمات في الحياة وفيهم المتعلمون والمثقفون كما يوجد بينهم أيضاً البنات المتعلمات وقبرها ظاهر في جبانة أحمد شرفي .
وتستحق هذه البطلة أن يقام لها مهرجان كل سنة وأن يهتم بها الأنصار فلولاها لما كتب للمهدية النصر والفلاح فكانت رابحة نقطة تحول في تاريخ المهدي رضي الله عنها وعن ذريتها وأثابها العفو والرضوان .

ابوعبيده محمد ضيف الله
07-07-2007, 02:52 AM
مهيرة بت عبود

<<< الكلام دخل حوشك يا ود الشيخ >>>


هي مهيرة بنت الشيخ عبود ، شيخ بادية السواراب وهم فرع أصيل من فروع قبيلة الشايقية ، والتي كانت تتكون من أربعة فروع لكل فرع منهم زعيم يلقب بــــ (( ملك )) عدا السواراب وهم:

1/ السواراب وعلي رأسهم الشيخ عبود { لقب شيخ أُ تخذ لأن معظم السواراب يعيشون حياة بداوه }
2/ الحنكاب وعلي رأسهم الملك صبير
3/ العدلاناب وعلي رأسهم الملك شاويش وإسمه { شاؤوس } وحُرف إلي شاويش
4/ العمراب وعلي رأسهم الملك حمد

ومهيرة لم تكن مغنية كما ذكر فهي إبنة زعيم القبيلة ومن عادات الشايقية في ذلك الزمن وبحكم كونهم قبيلة مروية كل أفرادها فرسان محاربون ويربون علي ذلك منذ الصغر " مش زي شوايقة هسع " كانوا في الحروب تتقدمهم أجمل بنات القبيلة في أبهي حلة وكامل زينتها في {هودج} ( شبرية)، محمول علي جمل تنشد لهم الأشعار الحماسية كما عرف في تاريخهم الكثير من النساء المقاتلات واللاتي يمتطين صهوات الخيول ويبارزن الأعداء ويقاتلن كما يقاتل الفرسان . وقد إشتهرت منهن { عد يلة } والدة الملك عثمان ود حمد العمرابي الذي قاد معركة إستغلال الشايقية عن دولة الفونج في القرن السابع عشر ، تلك المعركة التي خاضوها ضد العبدلاب ، بقيادة الشيخ الأمين ود عجيب شيخ العبدلات الذي كان يحارب نيابة عن دولة الفونج لدورالعبدلاب في السيطرة علي الجزء الشمالي لعاصمتهم الحلفاية وجمع الجزية التي كانت مفروضة علي تلك القبائل ، وتوريدها لعاصمة الفونج سنار { أكتوبر ــ نوفمبر 1672 م } بحسب رواية الرحالة التركي أولياء شلبي الذي شهد تلك المعركة .
ومهيرة جدة { شقيقة جد والده } ابراهيم عبود رئيس المجلس الأعلي للقوات المسلحة الذي حكم السودان { 1958ـــ 1964 } وإسمه ابراهيم احمد البشير احمد عبود ، وجده احمد شقيق مهيرة وأشهر أبناء عبود هم ، عكود ــ محمد ـــ احمد ــ محمد خير ـــ سليمان ـــ العطا ــ خرسهم ، والبنات مهيرة ــ هند ــ الحمراء ــ الزرقاء ــ رجب والأخيرة كان لها خلوة لتعليم القرآن، بجزيرة مساوي وكانت تنفق عليها وعلي الذين يقومون بالتدريس فيها والحيران الذين يدرسون بها من مالها توفيت مهيرة بقرية أوسلي بالقرب من مدينة مساوي من الجهة الجنوبية الغربية { غرب النيل } وشمال شرق كورتي ودفنت بها .
من أشهر إشعار مهيرة

غنيت بالعديلة لعيال شايق
البراشوالضيف ويلحقوا الضايف
الليلة استعدوا وركبوا خيل الكـر
وقدامم عقيدم بالأغر دخر
جنياتنا الأسود الليلة تتنبر
يا الباش الغشيم قول لجدادك كر
حسان بحديدة الليلة إتلملم
الدابي الكمن في جحره شم الدم
مامون يا الملك يا نقيع السم
فرساناً بكيلوا العين ب...وا الهم

عطـــبراوى
07-07-2007, 07:02 AM
تحياتى لك ابو عبيدة . والله شغلك سمح
وما خليت لبنات بلدك شئ . وهن والله فيهن بنات يعادلن
واخير من رجال كمان .والغريبة التاريخ تجاهلن عمدا وسهوا .
اكرر شكرى .

ابوعبيده محمد ضيف الله
07-07-2007, 07:53 PM
ود الزين

في إنتظار حكايتك

:bounce8:

ابوعبيده محمد ضيف الله
07-07-2007, 07:55 PM
تحياتى لك ابو عبيدة . والله شغلك سمح
وما خليت لبنات بلدك شئ . وهن والله فيهن بنات يعادلن
واخير من رجال كمان .والغريبة التاريخ تجاهلن عمدا وسهوا .
اكرر شكرى .

عطبرواوي

والله انت البديت معاي سمح وكبيت الزوغة

وين :wacko::wacko::wacko:


منتظرين جديدك ومساهماتك..

فداء
09-07-2007, 01:51 PM
هيــــــــــــــــــــــــــــــــــــــــــــــع
وتانى
هيــــــــــــــــــــــــــــــــــــــــــــع
البوست دا كان وين زمان

ودالشيخ
09-07-2007, 02:42 PM
تحياتى لك ابو عبيدة . والله شغلك سمح
وما خليت لبنات بلدك شئ . وهن والله فيهن بنات يعادلن
واخير من رجال كمان .والغريبة التاريخ تجاهلن عمدا وسهوا .
اكرر شكرى .


http://home.tiscali.nl/willemvogelsang/Research/Sudanese%20Dress_bestanden/image005.jpg

ابوعبيده محمد ضيف الله
11-07-2007, 01:51 AM
http://home.tiscali.nl/willemvogelsang/Research/Sudanese%20Dress_bestanden/image005.jpg


إنا وقفت عديلة وإن مشت نور بيت
وإن نضمت تجيب قولن بلا لخبيت


أللبل والبنات زينة الركوب والعشـــــرة
ديل سمحات سعاية وديل سماحة البشرى
الفي القوز رعن والشادة قهوة ونشرة
ديل سبب الهلاك لي قلبي جابـــن نشره


القيـــد انكســــر حتى العقـــال فارقنا
ما شفتا البنيـَّـــة العينــها زي الحقنه
يا سيدي الحســـــن قبال نجن تلحـقنا
في عيونها السجن وكتين قدرنا طلق


كوزيمة النوقر الدخلن كويع الخشه
وأجمل خلقه من صل الدبيب الوشه
يا أم نهدا متوقر لا انكسر لا انفشه
ويجازيك الله كان دبلتى لي الغشه


ماها السمينة
عَنَاق التوتــــــــــو الخضّر عِسيـــــنَ
تفرد الديس علي الروبة الدهينــــــة
بتسند تقول ماسكاها طيــــــــــــــنة
ماها ام تموكة
عناق التيتل الخضّر تبوكهَ
تفرد الديس علي الروبة الدهوكة
بتسند تقول طاعناها شوكة
ماها ام كراشة
عناق ام السومر الخضر رشاشة
شبيهة الدون جديةً ضاربَ قاشه
لهيج الدون بيروي اتنين عطاشه
ماها ام جفاينْ
تقول ال بالحدب وغل بِعاينْ
شبيهة الدون جديةً بالعساينْ
خدود الدون متل عنب الجناينْ
ماها التَليفــة
كل صبحاً جديد ترجاك نضِيفة
يضوي شليخَ يلمع زي شريفا
فريع رمان جنينة ود خليفة


ضربولها 'الهبك' و اتجمع البيشان
جات تقدل مهيرة كرجة ودعدلان
العينين تعاين و الشباب خجلان
حققنا القمر يخفى النجم شن بان


التحية لنون النسوة السودانية في كل أرجاء المعمورة

والتحية ليك ود الشيخ

والتحية لفتيات ونساء وبنات الأوف لاين..

ابوعبيده محمد ضيف الله
12-07-2007, 02:14 PM
فوق من أجل مزيد من المشاركات..

عطـــبراوى
12-07-2007, 02:18 PM
غايتو يا ابو عبيدة أنا إلا اكتب لك عن ناس نانسى عجاج
ورماز وعافية حسن .
يا زول انا ولد متين ؟؟:wacko:

على كل حال كدى اكتب لنا عن حوة الطقطاقة . المرأة التى توشحت بعلم السودان
شوف لنا سيرتها وين ..

ابوعبيده محمد ضيف الله
12-07-2007, 03:05 PM
غايتو يا ابو عبيدة أنا إلا اكتب لك عن ناس نانسى عجاج
ورماز وعافية حسن .
يا زول انا ولد متين ؟؟:wacko:

على كل حال كدى اكتب لنا عن حوة الطقطاقة . المرأة التى توشحت بعلم السودان
شوف لنا سيرتها وين ..


عطبراوي ..
الف مرحب بيك وشان خاطرك المشاركة دي منقولة من أحد المنتديات

الفنان الجسورة حواء الطقطاقة في حوار من اجل الوطن الكبير


الأحد 31 ديسمبر 2006 خدمة (smc)
هتفت ضد الانجليز فكسر الحاكم العام اسنانى ورفضت العلاج لاتشرف بما فقدت

اعتقلت مع العطبراوى ونفيت الى بربر بسبب إضراب العمال في عطبرة

ارتديت علم السودان ثوبا قبل ان يرفع على السارية!!

أتمنى أن يتوحد الحزب الاتحادي الديمقراطي من أجل السودان

الشيوعيون نعوا الازهرى يوم وفاته بصفة معلم بالمعاش !

سجل التاريخ إسمها بحروف من ذهب في خارطة البطولات والنضال خرجت جنباً الى جنب بجوار الرجل وهي تهتف بسقوط الإستعمار ذاقت ويلات السجون والاعتقال فلم تبالى وزادت إيماناً بالقضية!!
وهي فنانة ذات فن أصيل صدحت بصوتها بتعطر الآفاق ففضت لنا التراث السودانى إنها أول من إرتدت علم السودان ثوباً إمرأة جمعت بين الفن والسياسة من مواليد مدينة الرهد أبو دكنة بولاية شمال كردفان فى عام 1926 والدتها أمنة حسين إسماعيل إنها الفنانة والمناضلة الأستاذة حواء جاه الرسول المشهورة بالطقطاقة .. وذهبنا وحاورناها في منزلها الذي تحكى جدرانه عن تاريخ أمة ومولد شعب!!
مسيرة حواء الغنائية
كنت أحب الغناء منذ صُغرى وأترنم به لكن أهلى كانوا ينبذون الفن فذهبت مع الدكتور بابكر بشير دون علم أهلى ولم يدركون أين أنا وإلتقيت بالفنانة المرحومة عائشة الفلاتية ومهلة العبادية وفاطمة خميس وهي أول فنانة سجلت إسطوانات وعائشة موسى والتي كان والدها رافضاً ان تغنى وذهبت مع دكتور الطاهر يوسف الى عطبرة وسكنت معهم وكنت أذهب وأغنى مع بنات الحي كهواية ولم تكن هنالك نساء عاملات في ذلك العهد.وكنا نعمل في شركة الخواجا سويرس وكنا ننشر الدرع ونعمل زراير البدل واليومية كانت بمبلغ سبعة قروش ونصف وكان يعمل معنا الفنان حسن خليفة العطبراوى وإشتهرت بالغناء في عطبرة.
بدايتك مع النضال الوطني
كنت أول امرأة شاركت في المظاهرات وكان ذلك في إضراب العمال بعطبرة وتم اعتقالي ومعي حسن العطبراوى ونفى الى الدامر وأنا الى بربر لمدة ستة شهور وكانت هذه أول محاكمة لى ثم عدت الى امدرمان حيث سكنت مع المرحوم إبراهيم الكاشف طيب الله ثراه.حيث كان منزله مأوى لأي فنانة رفض أهلها أن تغنى وكان منزله في مكان بنك البركة في شارع الحرية الآن وعندما تكون هنالك حفلة يرفض أن نذهب مع الرجل ويصر على حضور زوجته معنا.

ما قصة كسر أسنانك؟!
خرجت في أول مظاهرة لى في الخرطوم ومعنا المرحوم إسماعيل الأزهرى ومبارك زروق ويحيى الفضل وإبراهيم المفتى والطلاب وكانوا يقودون المظاهرة وخلفهم جماهير الشعب السودانى ولم تكن هنالك إمرأة سواى وكنا نهتف يسقط الاستعمار .. لن يحكمنا الإنجليز .. لا حاكم عام على السودان وفي مظاهرة أخرى قال لى قائد عام الجيش الانجليزى وكان إسمه مستر دروين هيل إنت يا بت إنت ماذا تقولين فقلت له أقول لا حاكم عام على السودان فقال لى الحاكم العام (ده سيدك.قلت له الحاكم سيدك إنت وسيد عقابك ) فضربني رصاصة في رجلى والثانية بجوار الترقوة وضربنى بالدبشك بتاع البندقية في في فمى وكسر ثمانية من أسنانى - كشفت لنا عن مكان الرصاصتين وكانت أثارهما واضحتا المعالم ولسان حال ال...ة يحكى عن نضال امرأة قالت لا للاستعمار- واصلت حديثها قائلة ثم رمانى وذهب فحملونى المواطنين للعلاج وهم يه...ن وبعد ذلك خرجنا في مظاهرة وكانت معنا العازة زوجة البطل على عبداللطيف وكانت تانى إمراة تخرج معنا والثالثة هي خالدة زاهر السادات أول طبيبة سودانية
لماذا رفضت طلب البعض بتركيب طقم أسنان لك؟!
طلب منى الكثيرون أن يركبوا لي طقم أسنان فرفضت وقلت لهم أريد أن أموت بتاريخي.

من أين جاء لقب الطقطاقة؟!
عدت للسودان وفي إحدى المرات تم القبض على وسجنونى في بحرى محل الوابورات كان السجن هنالك ولم يكن السجن موجود في امدرمان وحلقوا شعر رأسى بأمر المفتش الإنجليزي وكنت أشارك في أى مظاهرة فقال لى مفتش المركز نذهب الخرطوم نجدك نذهب بحري نجدك وفي امدرمان نجدك تشبهين (الطقطاقة) وهو نوع من الشجر وأصبح الكل ينادونى بالطقطاقة.

حدثينا عن اليوم الذي رفع فيه علم السودان ؟!
قبل يوم رفع العلم السودانى سألت عن ألوانه والى ماذا ترمز فقيل لى اللون الأصفر يرمز للصحراء والأخضر للزراعة والأزرق للنيل.فذهبت للسوق وإشتريت القماش وخيطته توب وذهبنا بأرجلنا لشارع النيل لننام هنالك لأن الشوارع مزدحمة وكنت أرتدي توباً عادياً.وفي الصباح خلعت الثوب الذي كنت أرتديه ورميته في النيل وإرتديت ثوب العلم وعندما حضرت لمكان الاحتفال علق الإذاعي أبو عاقلة يوسف مدير الإذاعة قائلاً وصلت المرأة السودانية ترتدى علم السودان توباً قبل السارية!! وصورنى جبارة جاد الله بنفس الثوب في القصر ومازال حتى الآن يبث في التلفاز وكنت صغيرة في ذلك الوقت.
وجاء الناس لحضور رفع العلم الذي يرمز لإستقلال السودان من كل ولايات السودان من أم روابة والأبيض ومدنى وسنار وكل السودان وأذكر أن السيد عبدالرحمن والسيد على كانا يجلسان بجانب بعض وأنزل الزعيم الأزهرى العلم البريطانى وأعطاه لمندوب بريطانيا ورفع علم السودان ثم إتجهوا بعد ذلك للبرلمان لأداء القسم . كرمنى السيد حسن عمر البشير رئيس الجمهورية بوسام الجمهورية ووقف معى في علاجي وفي أي إحتفال وطني يرسلوا بطاقة دعوة.

ما هي أمنيتك نحو الحزب الاتحادي الديمقراطي والسودان؟!
كان إسمه حزب الأشقاء إلى ان حُرر السودان وكانت هنالك ثلاثة أحزاب حزب الأمة وحزب الأشقاء وحزب الجبهة المعادية للإستعمار وهو الحزب الشيوعى وكان به الشفيع أحمد الشيخ زوج فاطمة أحمد إبراهيم وأحمد سليمان المحامي ودكتور عزالدين على عامر وعبدالخالق محجوب وسمى بالاتحادي بعد ان كان الأشقاء وأتمنى ان يتوحد الحزب الاتحادي الديمقراطي وان تتوحد كل الأحزاب من أجل السودان وأفرح كثيراً عندما يزور السودان رئيس من الخارج ليرى السودان وتطوره وجمال طبيعته وجمال شوارعه خاصة شارع النيل وشارع المطار وليرى تلك الحدائق الجميلة وليرى التوسع في الجامعات وليرى المرأة السودانية التي صارت مذيعة وقاضية ووزيرة وصحفية ومستشارة والمرأة السودانية امرأة مناضلة والآن فتحت بيوت وتعول أسر والرعاية الاجتماعية على رأسها امرأة محشمة لها التحية سامية أحمد محمد والسيدة وداد وفاطمة خالد ورجاء حسن خليفة وفاطمة زوجة على عثمان محمد طه كلهن نساء مناضلات وأتمنى ان أذهب لدارفور لأقف بجوار المرأة الدارفورية لكن الى الآن لم توجه لى الدعوة لكن أتمنى أن تصلنى.

نعود بذاكرتك للوراء ليوم وفاة الزعيم الراحل إسماعيل الأزهري؟
كان الزعيم معتقلا في سجن كوبر في عهد حكومة نميري فتوفى أخوه علي الأزهري وهم أشقاء اثنين فاحضروه من المعتقل بصحبة العساكر ليحضر الدفن وأغمى عليه ادخلوه إلى مستشفى الخرطوم غرفة رقم خمسة وكنا معه انا وزوجته وبناته وابنه المرحوم محمد الأزهري وكان صغيرا وكانوا يرددون في الإذاعة ان هنالك أطباء سيحضرون من مصر ولندن ولم يحضروا كان مجرد كلام وفي اليوم الخامس لمرضه توفى وخرج الشعب وكان المفترض ان نحضر ببحري لكن الشوارع كانت مزدحمة فحضرنا بأم درمان حضرنا معه في عربة إسعاف وحضر الشيخ محمد عثمان والشيخ الفاتح إن الشيخ قريب الله وأهل الزعيم الإسماعيلية وغسلوا الجنازة وكان موكبا مهيبا ومن المؤسف ان محجوب عثمان كان وزير الأعلام فأذيع نبأ وفاته توفى إسماعيل الأزهري معلما بالمعاش.ابعد كل ما قدمه يذاع مدرسا بالمعاش وقدنا مظاهرة وذهبنا لوزارة الإعلام وقلنا إسماعيل الأزهري طيب الله ثراه بعد كل ما فعله يذاع بأنه معلما بالمعاش.
واحضر ناس الحزب ميكرفون لينعو الرئيس قلت لهم سأتحدث أنا أولا فأمسكت بالميكروفون وقلت :

يا زعيم الوطن حارقة القلوب نارك
عظماء الرجال حين سمعوا أخبارك
بدموع الحزن بكوك لأفكارك
لأنك غيور للضعفاء تتدارك
والوطن اتحرم من درة أفكارك
يا سمح الخصيلة يا خالد التذكار
الموت لا شماتة لا بدعة لا استنكار
من الدينا غيبته وغابت معاك أفكار
الليلة السودان فقد أهم فرسانه
فقد رجاله الالقو سيسانه
فقد من يقول الحق على لسانه
فقد علمه وأدبه وإحسانه
وين يا الأزهري الضيحته
انت في السجون خشيته
انت حاشا ما اضاريته
يالحررتها وخليته
يا أمل البلاد الكل الشعوب راجياك

واعتقلوني لأنني قلت هذه القصيدة لمدة ستة شهور وكان معي السيد محمد عثمان وسعاد الفاتح وبدرية الزين النحاس وهلال وعبدالحفيظ الرفاعي وهو اخ سكرتير الزعيم الراحل الأزهري.

ما الفن لحواء؟
الفن ليس سلعة تباع لكنه رسالة لذا لم تكن نغني باجر محدد بل نترك أصحاب المناسبة حسب استطاعتهم ولا نقاول في الغناء.وكنا نشارك في المناسبة نعمل الأكل ونتبرع بهدايا للعروس وحتى الآن لا أقاول أي إنسان وهنالك عروسات رقصت أمهاتهن فيطلوبا مني ان احضر للجرتق.الفن إحساس رائع

ابوعبيده محمد ضيف الله
13-07-2007, 09:15 PM
قالت ريا لطه

خير إنشاء الله خير والخير مساك وصباحك

والفال السمح فالك يضوي مراحك

بالضيفان أشوف عامر تملي مراحك

شينك ما أشوف وأشوف هناك و أفراحك

لو أمكن من يملك النص الكامل لطه وريا؟؟؟

ابوعبيده محمد ضيف الله
17-07-2007, 09:15 PM
الدكتورة خــالدة زاهــر


اول طبيبة سودانية ولدت عام 1926
خالدة زاهر الساداتي هي البنت البكر لضابط في الجيش السوداني وقائد للفرقة السودانية التي حاربت في حرب فلسطين عام 1948، أخت لتسعة أخوات وتسع أخوان. وجدت نفسها فجأة في تحدي مع الذات ومع المجتمع المنغلق في ذلك الوقت عندما شجعها والدها واسع الأفق لمواصلة مشوار تعليمها. خالدة كانت قدر ذلك التحدي بدخولها كلية غردون الجامعية كأول طالبة سودانية
تخرجت خالدة من كلية غردون كأول طبيبة سودانية عام 1952 وكان ذلك حدثا مهما ومشهودا وخطوة رائدة في تاريخ تطور المرأة السودانية.

شاركت خالدة الحركة الوطنية نضالها ضد المستعمر بجسارة فائقة قائدة للمظاهرات وخطيبة اٍعتلت منبر نادي الخريجين في أواخر أربعينات القرن الماضي في زمن لم يكن يسمح للمرأة بالخروج من المنزل وتم اٍعتقالها من جانب المستمر نتيجة لذلك النشاط. وتواصل ذلك النشاط السياسي الوطني بعد خروج المستعمر مساهمة بفعالية في كل القضايا التي تهم الوطن والمواطنين ومدافعة بشدة عن الديمقراطية ورافضة لكل أشكال الديكتاتورية.

ظل على الدوام ضمن منظورها ومن أهم اهتماماتها قضايا تحرر المرأة السودانية ومساهمتها جنبا اٍلى جنب مع الرجل في تفاصيل الحياة وتطور المجتمع وسعت اٍلى تحقيق ذلك الهدف بصبر وعزيمة واصرار. كانت تعلم أن تحقيق هذا الهدف يتطلب من المرأة شيئين هما تأسيس تنظيمها الخاص بها ونشر الوعي ومن ثم كونت وهي في بداية تعليمها الثانوي مع الأستاذة فاطمة طالب "رابطة المرأة" ومن ثم لاحقا ساهمت وكونت مع كوكبة من الرائدات السودانيات أمثال حاجة كاشف، فاطمة أحمد اٍبراهيم، نفيسة المليك، أم سلمة سعيد، عزيزة مكي...الخ على سبيل المثال وليس الحصر تنظيم الاٍتحاد النسائي السوداني ومن ثم اختيرت كأول رئيسة له. ساهم الاٍتحاد النسائي في نضاله الضاري والدءووب في تحقيق مكتسبات للمرأة السودانية لم تحققها تنظيمات نسائية في كثير من البلدان العربية والأفريقية حتى اليوم . استطاعت المرأة بنضالها أن تدخل البرلمان السوداني وأن تتبوأ مراكز متقدمة في كل الوزارات الحكومية ، جامعة الخرطوم ، القضاء ، الاٍدارة ، الشرطة، القوات المسلحة....الخ

من خلال اٍيمانها بقضايا تحقيق العدالة الاٍجتماعية وقضايا تحرر المرأة اٍنضمت اٍلى الحزب الشيوعي السوداني وصارت أول اٍمرأة تحصل على تلك العضوية.

تدرجت في السلك الوظيفي حتى وصلت لدرجة وكيل وزارة في وزارة الصحة. من خلال عملها جابت كل أقاليم السودان منادية وناشرة للوعي بصحة الطفل والمرأة وحقوقها ومحاربة للعادات الضارة. وقدمت كثيرا من الخدمات الكبيرة والجليلة عندما عملت لفترة من الزمن مديرا لمركز رعاية الطفل باأمدرمان الواقع بالقرب من مستشفى التيجاني الماحي.

منحت الدكتورة الفخرية من جامعة الخرطوم في احتفالها الماسي في 24/2/2000 وذلك لريادتها ومساهمتها في تطور المجتمع السوداني ومسنادتها قضايا المرأة ظل هنالك دوما شئ يميزها وهي شجاعتها وجرأتها وقدرتها على قول الحق واٍبداء الرأي مع النظرة الثاقبة للمستقبل وسعة صدرها في سماع صوت الآخرين. ذلك النهج أجبر حتى من يخالفونها الرأي على اٍحترامها .

ابوعبيده محمد ضيف الله
17-07-2007, 09:22 PM
السيدة نفيسـة المليــك


ولدت السيدة نفيسة كامل بسنار لوالد جاب معظم أقاليم السودان حينها وهو يعمل محاسبا في مالية حكومة السودان، وفي طفولتها نقل والدها للعمل بكادوقلي فأرسلها مع شقيقتها للدراسة في المدرسة الإرسالية ببورتسودان في كنف جدهما لأمهما الذي كان يقيم هناك حينها حيث أكملتا مدة الدراسة ذات السبع سنوات، وعادتا للانتقال مع الأسرة من جديد إلى ملكال عام 1928م، ثم إلى الأبيض، حيث تزوجت من الأستاذ حسن علي كرار من خريجي كلية غردون ومن أهالي الأبيض وقر بها المقام هناك فلم تعد تتنقل مع أسرتها بعد.

عملت السيدة نفيسة على تثقيف نفسها بدعم زوجها لها ثم بمراسلة عميد الأدب العربي طه حسين حيث استجابت لدعوة قدمها لمساعدة كل من يريد الارتقاء بمستواه العلمي، وصار العميد يرسل لها كل مرة قائمة جديدة من الكتب في الأدب والتاريخ والثقافة الإسلامية والعالمية أربعة عشر كرة آخذا بيدها خطوة خطوة حتى الفطام فأكملت جرعاتها التعليمية بقراءات في الثقافة والتاريخ السوداني.. كل ذلك الدأب لتطوير ثقافتها كان بجهد ذاتي وبشعور عميق بضرورة العلم، الشيء الذي عمق لديها الإحساس بظلم النساء المعرفي وخطل حرمانهن من دروس المدرجات النظامية.. تحكي السيدة نفيسة في كتابها المذكور عن نضالها لتعليم بناتها الاثني عشر (اللائي سماهن أحد الموظفين الإنجليز -السير بل- فريق كرار للبنات) وذلك رغم اعتراض جدهن لأبيهن فكانت تهربهن للمدرسة سرا عبر سور المنزل حتى أكملن دراستهن الأولية، ثم تنفست الصعداء بالانتقال إلى منزل منفصل فأكملن تعليمهن الأوسط بالأبيض، ثم الثانوي بالعاصمة ودخلت خمس منهن كلية المعلمات. أما في الشأن العام فقد كان دور السيدة نفيسة كبيرا، وقد بدأت بمناشدة مؤتمر الخريجين أن يهتم بشئون النساء، ففي 1942 كتبت - بتوقيع (ن. كامل)- في صحيفة السودان الجديد (كلمة صريحة) لرجال المؤتمر لائمة لهم أن كل المدارس الأهلية التي أنشاوها كانت للبنين فلم تجد البنت منهم الاهتمام المستحق، وتكررت كتاباتها على صفحة مجلة كردفان بنفس التوقيع، حتى صارت تحرر صفحة كاملة في المجلة كانت أول صفحة نسائية في صحيفة سودانية. قالت السيدة نفيسة عن تلك الكتابات: "ولأن المجتمع لم يكن مهيأ في ذلك الحين إلى تقبل فكرة أن تكتب امرأة على صفحات الصحف فقد اخترت أن أكتب باسم رمزي اخترت له اختصار اسمي الأول".. "وكان من حسن الصدف أن يكون الحرف الأول المختصر من اسمي مطابقا لنون النسوة في اللغة العربية، وقد منحني ذلك شعورا بعظم المسئولية الملقاة علي حتى أنني كنت أشعر بأني أكتب باسم جميع نساء بلادي".


عملت السيدة نفيسة كامل في العمل النهضوي النسوي عبر الجمعيات النسوية في الأبيض وفي الفاشر وفي الخرطوم، وكانت من مؤسسات جمعية الطفولة والأمومة وقائداتها العظيمات اللائي دفعن من لحمهن وعظمهن وجهدهن وعصبهن بل ومالهن للعناية بالطفل المشرد والمحروم وللرقي بالأم وبالمرأة عامة وانتشالها من وهدة الجهل و"أسر الخدر" على حد تعبيرها. كانت رائدة للتعليم لأنه لم يعلمها أحد مدى ضرورته بل أحست ذلك بذاتها، ورائدة في تحرير المرأة لأنها حينما أحست بضيم النساء وخرجت لنصرتهن لم تكن تقلد أما ولا جدة بل تتبع صرخات سمعتها داوية (لقاسم أمين أو لمي زيادة أو لغيرهما) وإن كن كثيرات حولها لم ينتبهن لذاك الصوت أو لم يطرق طرف آذانهن، وكانت رائدة تربوية أخرجت من ذريتها ثمارا نفعت البلاد في مجالات التعليم (مثل فتحية) والدبلوماسية الشعبية (مثل عزيزة) والعمل الطوعي (مثل عالية) والاستثمار (مثل وداد) والأكاديميات (مثل ليلى)..

وعملت في العمل الحزبي النسائي بعد ثورة أكتوبر من خلال حزب الأمة، ثم واصلت عملها خلال اتحاد نساء السودان في العهد المايوي مناضلة من أجل قضايا المرأة، ومثلها مثل كثرات غيرها من الرائدات النسويات وجدن استجابة النظام المايوي لمطالبهن في تعديل القوانين وفي الاهتمام باتحادهن دافعا لهن في الاستمرار في دعم ذلك النظام واعتباره فتحا للنساء، رحـم الله السيدة نفيسة واسكنها فسيح جناته

همسه
17-07-2007, 09:43 PM
البوست ده عنصري متزمت
يعني مهيرة دي ما بتنفع ولا عشان شايقية


الــليلة العقيد شوفنه متمسكن
وفي قلب التراب شوفنه متجكن
الراي فارقه لا بشفي لا بمكن
ما تتعجبن ضيم الرجال يمكن
خلوكن براكن الليلة وحدكن
بتمشن تحاربن ..ولا بتتبكن

ويا ابوعبيدة الابيات الى آخرها ده كلام مهيرة

الليلة استعدوا وركبوا خيل الكر
وقدامم عقيدم بالأغر دفر
جنياتنا الاسود الليلة تتنبر
ياالباش الغشيم قول لجدادك كر

وبعد أن هدأت النفوس الليلة قايم علي حق أهل أمي


غنيت بالعديلة لعيال شايق
البراشو الضعيف ويلحقوا الضايق

:poster_kewlpics:

لك التحية يا مهدي

وضيف لكلامك دا كلام انو مهيرة كانت بتتمتع بشخصية قوية وعظيمة جداً ويقال انها لما تلبس التوب الحوليها بزحو بعيييد
البلد دي مرو عليها نساء عظيمات حقيقي ...

فلك التحية يا مهدي

ابوعبيده محمد ضيف الله
21-07-2007, 06:47 PM
رابحة الكنانية

<<<نقلاً عن صحيفة السوداني>>>

رابحة الكنانية من قبيلة كنانة التي تسكن النيل الأزرق وبوادي النيل الأبيض ولما أندلعت ثورة الأمام المهدي كان أهل رابحة الفرع الواقع شمال شرق جبال النوبة ولما لجأ الأمام المهدي وأنصاره إلى تلك الجبال كان فرع من كنانة في تلك الأدغال وأتتهم حركة غريبة فيها الخيل والرجال وكثير من المشاة والحركة الحربية لاتخطئها العين وعلمت الفتاة رابحة بهذه الغزوة وأتجهاها إلى ضرب حركة الإمام المهدي.
فلم تجد رجالاً حريصين يعاونونها في إخطار الإمام المهدي بهذا الجيش الحافل والمدجج بالسلاح .

الإخوة المتداخلون..
وصلت هذه الرسالة من أحد المتصفحين الغير مسجلين أنشرها كما هي ..



السلام عليكم
الاخ/ ابوعبيدة
اولا نشكرك علي ما كتبته عن السودانيات وخاصة السيدة /رابحة
ولكن استوقفني كلامك بانها لم تجد رجالا حريصين يعاونونها مع ان الكنانة هم في حالة حرب من اجل الدين والعرض منذ ايام السلطنة السنارية
بني عكرمة هم كنانة كان لهم الدورالاكبر في نشر الاسلام بالسودان
اصرار ملك سنار علي الزواج من كنانينة في اوج عظمة حكمهم اضطر الكنانة الي حربهم
ثورة عامر المكاشفي في سنار علي الاتراك كان اغلب فرسانها من كنانة
عندما رفض بعض الصوفية المهدي ماكان عليه الا ان نزل علي كنانة وتزوج منهم وكانوا هم اول من اوقد شرارة المهدية وكانت معهم قبائل دويح والحسنات ودغيم وبعد انتصارهم في الجزيرة ابا هاجرو الي قدير وكان اخوان واهل رابحة هم من كان سندا للمهدي فهي اصلا من قريش وتعلم ان كل حروب الاسلام شاركت فيها المراة
موقعة ابوطليح التي يتبجح بها الجعليين كان قادتها من كنانة هم البشير عجب الفيا واخيه ابراهيم عجب الفيا اضافة الي ابن اختهم موسي ود حلو وكان جل فرسانها من راية كنانة
كل السودان كان مقسما ايام المهدية الي اربعة رايات وكانت ل كنانة وحدها راية باسمها مع دغيم
ثورة الهاشمي في سنجة انتهت بحرقه واقفا ايام الاستعمار تم سجن غالبية من كان معه ومنهم من هو حي الي يومنا هذا وهو الشيخ شكرالله الكناني في قرية ودالنيل
كما ان ود حبوبة كانت امانيه بان يجد مدد ب 200 رجل من كنانة
اخر حاكم عام وفي لقاء مع نعمات حماد لم يذكر الا كنانة وحربه ضدها بتوزيع الاموال علي قبائل النيل الازرق لشراء ابقار كنانة لكي يرتاح من الكنانة
والكناني صاحب القصة الاسطورية في التسعينات وكيف استطاع ان يثار للحكومة من الشفتة في القضارف
وعليك ب قراء كتاب هولاء هم الكنانة وهذه ديارهم
...ولك تحياتي



amen alamen amenlmn@yahoo.com

ابوعبيده محمد ضيف الله
02-07-2011, 02:18 PM
بالإذن يا ود الشيخ
.
.
.
اللهم أرحم عطبراوي وأطرح البركة في أهله وأولاده
.
.
آمييييييييييين

زهرة الروض الظليل
02-07-2011, 02:43 PM
عطبراااوي
معذرة للخطأ الكلام للحاردلو
بتفهق برى الكبد الحقن ناواى

ودالشيخ
02-07-2011, 02:53 PM
وبعد اذنك يا ابوعبيدة اريد ان احول البوست
لمكان يليق به فهل اذنت

ابوعبيده محمد ضيف الله
02-07-2011, 03:01 PM
وبعد اذنك يا ابوعبيدة اريد ان احول البوست
لمكان يليق به فهل اذنت
ووالله وبي حليفتها يا ود الشيخ
.
.
لو تحولني أنا من محلي دا لمحل تاني أنا مديك الإذن وبكل طيب خاطر
.
.
معقولة ياخ؟؟؟

ابوعبيده محمد ضيف الله
02-07-2011, 03:18 PM
بتفهق برى الكبد الحقن ناواى


فعلاً يا زهرتنا الكلمات للحاردلو وأنا كنت غلطان
.
.
قلبي المن نشوه للبنات هواي
وداب من زاد علي وغلب الداوي
من مسكة خنيصره المو شديد لاواي
بتفهق بري الكبد الحقن ناواي
خلقولها الشتيم شاشايا جاي بي جاي
جات بتشلع الفوق النجيم ضواي
ست تبري أب نقش والداير الباراي
يا ستار علي من عيها السراي
.
.
.
خليتني اقعد أبحت ساكت زهرتنا لكن شكلك جايبه كرسيك وحاتلة معانا في البوست دا ( ودي المرة التانية أوجه ليك دعوة في بوست وراسك عارفو مليان ):1; (25)::1; (25):

أخو أشجان
02-07-2011, 03:55 PM
لم أري اسمها يكتب تحت قصديتها في أخوها ولا أعرف اسمها
غالباً ما يقترن اسمها باسم أخوها
(شقيقة النعيم ود حمد)

أنا غنيت للولد
الاسمو النعيم ود حمد
وكت العيش ِبقى بالقِبض
ديوان النعيم ولا بنسد

***
غنيت لدابي الرجيمة
ما بحوى على البهيمة
هو لك الشكرات قديمة
ما بشيل المال الفي القسيمة

الدرديري
02-07-2011, 04:40 PM
شكراً جميلاً أبوعبيده



أغلب قصايدها غناها الكابلي
في علاقه ؟؟؟

ابوعبيده محمد ضيف الله
02-07-2011, 04:43 PM
لم أري اسمها يكتب تحت قصديتها في أخوها ولا أعرف اسمها

غالباً ما يقترن اسمها باسم أخوها
(شقيقة النعيم ود حمد)

أنا غنيت للولد
الاسمو النعيم ود حمد
وكت العيش ِبقى بالقِبض
ديوان النعيم ولا بنسد

***
غنيت لدابي الرجيمة
ما بحوى على البهيمة
هو لك الشكرات قديمة

ما بشيل المال الفي القسيمة



تسلم يا الريح

القصيدة ( والعهدة علي الراوي ) لم ترويها فتاة بل صاحبها رجل إسمه ( بابا ) وبيتكرر في المقطع ( يا بابا قول )
.
.
والقصة أن النعيم عمدة لبلدة المعيليق ومدحه بابا وغضب عليه أهله لمشاكل بينهم والنعيم وإشتكوه للشيخ الجيلي ود العباس ود بدر ناظر منطقة نواحي الكاملين فمدح الشيخ بقصيدة البشيل فوق الدبر ما بكل
.
.
وكالعادة يا الريح معلوماتي أغلبها قوقلية لكن هذا ما أظنه

.
.
النعيم ودحمد
يا الأحييت سنن البرامكه
وعاجبني طول ايده سامكه
يا يابا قول النعيم درّاج المتابكة
النعيم يا فحل القبائل
كريم لمام الهمايل
شيتا براك ما أظنو خايل
ايدو أم ِرويق والقِبلي شايل
النعيم يا قاصدين لبا
خشمو انطبع لي مرحبا
هو عزيمتو ما بردخا
والبتسبل للضيف بضبحا
النعيم قادل وحدو
ما تكترو وتتقعدو
هو رب القدرة ساعدو
ختو لو الصحة ما فنتدو
غنيت لدابي الرجيمة
ما بحوى على البهيمة
هولك الشكرات قديمة
ما بشيل المال الفي القسيمة
أنا غنيت للولد
الاسمو النعيم ود حمد
وكت العيش ِبقى بالقبض
ديوان النعيم ولا بنسد (انت الكبرى الركز البلد )
غنت ليك أم رشوم
هو مو لها وطق خُشوم
وكت العيش بقى معدوم
فوق ضهرو الولية تنوم
النعيم الشكر ليهو ُقلتو
بسبل بتوب سترتو
زي القمر في ُبهرتو
باجور شخرت ماسورتو
يا الشرفت القضا
ويا الحاكيت من مكوار بدا
خدامتو القعدا
هيِ بتدرِش قالت قضى
انا غنيت جبت وصفو
مكتوب الشرف على ك...
ناطو ليه ما لحقو حرفُو
ديل القبيل ماكلنو حرفو


وزمان عادي كان الرجال يغنوا للمشاهير والشيوخ الأكارم وذكرتني قصة ( سليمان الزغراد ) أفتش عنها ويقال أنه كان يتغني بمدح الشيوخ ورجال الطرق الصوفية وكان يزغرد في غناهو

ابوعبيده محمد ضيف الله
02-07-2011, 04:52 PM
شكراً جميلاً أبوعبيده



أغلب قصايدها غناها الكابلي
في علاقه ؟؟؟

والله يا دكترة ما عارف لكن ( أظن ) أن الكابلي مولع بأغاني الحماسة وقام لقي أغلب نتاج الحماسة قدامه عبارة عن نتاجها
.
.
لكن حا تخليني أقوم أفتش عن العلاقة..:1; (25):

الدرديري
02-07-2011, 05:16 PM
وكالعادة يا الريح معلوماتي أغلبها قوقلية لكن هذا ما أظنه

حسسه دايرك تقوقل معاي الكنداكه

لأني لقيت كنداكات كتار ودايرين نحدد الموضوع ده :1; (25):

وزمان عادي كان الرجال يغنوا للمشاهير والشيوخ الأكارم وذكرتني قصة ( سليمان الزغراد) أفتش عنها ويقال أنه كان يتغني بمدح الشيوخ ورجال الطرق الصوفية وكان يزغرد في غناهو عدييييييييييييييييل كده ؟؟:1; (34):

ابوعبيده محمد ضيف الله
02-07-2011, 05:55 PM
أماني ريناس الأصلية والباقيات تقليد
.
.
بفتش ليك بي رواقها
.
.
إن شاء الله...

ابوعبيده محمد ضيف الله
02-07-2011, 06:04 PM
عدييييييييييييييييل كده ؟؟:1; (34):

البروفيسور والباحث الحاج الدوش قال: ان الزغرودة هي عبارة عن خطاب موجه للجماعة تختص به النساء للتعبير عن الفرح . مشير الى انه مظهر تعبيري عن الفرح تجده في النجاح والطهور والعودة من الحج ويأخذ بعداً آخر كحماسة عند الحرب. مضيفاً انها كانت تستخدم في السابق عند عودة المغترب حينما كان له شنة ورنة..
.
.
بروفيسور الدوش اوضح ان الزغرودة في السودان استخدمت في النواحي الدينية واستشهد بذلك عند اشهار الزواج (عقد القران) .
واضاف الرجال لا يزغردون وعندهم الروراي كواحدة من ادوات اطلاق واظهار الفرح وفي ذلك يقولون فلان (ضرب الروراي) اي كورك وهي تكون بوضع اليد على الفم واطلاق صيحة رجولة قوية يعرف بها اعلان الفرح وعندها يطلقن النساء الزغرودة وتعم مظاهر الافراح .
بروف الحاج الدوش قال: الرجال لا يزغردون لكن احد العلماء قال: اشار محمد ود ضيف الله الى أنه في مملكة الفونج كان هنالك شخص من المتصوفة اسمه سليمان الزغراد يعتقد انه من الاولياء يزغرد في حلقات المديح . وهذا الفعل على غير العادة وكان مستحباً منه .
الدكتور فيصل احمد سعد (كبسور) عضو فرقة الاصدقاء واستاذ الصوت بكلية الموسيقى والدراما . اوضح ان قوة الزغرودة هي من كمية الهواء المندفع من تجويف الرئتين والاعضاء المنتجة للصوت . مضيفاً انها صفير ينتج داخل الفم من الهواء الخارج من الرئة عبر الصوت من اللسان والشفتين بمعنى انه صفير بشري قوي يختلف من امرأة لأخرى.
د. فيصل أكد ان الزغرودة تعرفها كل شعوب العالم ويتم توظيفها حسب الاستخدام المراد . وقال: انه متعارف عليها في السودان وتوظف للبهجة والفرح وموطنها الاساسي في الارياف والمدن الصغيرة. مشير الى ان بعض النساء يحركن الصوت فقط وهنا تعتبر الزغرودة للمجاملة . لكن عندما تكون الزغرودة مع حركة الاسنان واللسان تعبر عن الفرح وكلما كان مداها الصوتي ممتداً كلما عبرت اكثر عن حقيقتها . كبسور قال : الزغرودة اهزوجة نصر في الجيش او كرة القدم او المصارعة . وهي محركة لحماس الجيش عند الذهاب للمعركة وعند العودة ظافرين بالنصر .
الاستاذ فيصل احمد سعد في معرض حديثه ذكر ان فم الانسان هو عبارة عن أوركسترا موسيقية متكاملة. ومضى في تشبيه الزغرودة الى انها اقرب الى آلة الكمنجة كما في اغنية الراحل عثمان حسين (والمشاعر زغردت)..

دي نتايج فتيش قوقل
.
.
لكن أنا عندي ليه قصة في واحدة من مجلات الخرطوم ما عارفها معاي هنا ولا في الخرطوم