المساعد الشخصي الرقمي

مشاهدة النسخة كاملة : الإباحية في الغناء السوداني وعينك يا تاجر


الصفحات : [1] 2

ودالشيخ
12-02-2008, 10:33 AM
عندما نكتب في المنديات موضوع يتناول الحب والعاطفة
وعندما ندخل بعض الكلمات هاج وماج الأعضاء
واستنكروا هذه الكلمات ولكن نغنيها فهي عادية
لما كل هذا التناقض في موضوعي هذا لن اكتب من عندي ولكن
مقاطع من الأغاني التي ترنم بها الفنانين ورددها الناس
هذا اول مقطع
أقول ليه تعال لى نجلس جلسة غزلية
أمتع فيك عيني أشوفك وأنسى ألامي

وده سواها واضحة والبيت يحمل كل المعاني
وقلبي لي سواك ما شفتو مال
خذيني باليمين وانا راقد شمال

وطيب ده نقول فوقو شنو عديل كده داير بأي طريقة

داير أشوفو غافل داير أشوفو جازع
محنن ، دون قنلة وحدو وتوبو واقع
يلتجي بي مرافقو وأطراف المضاجع
يتلب فوق شفاهو لؤلؤة المدامع
يردد لي نغيما تشتاقلو المسامع

علاء الدين كرار
12-02-2008, 11:00 AM
عندما نكتب في المنديات موضوع يتناول الحب والعاطفة
وعندما ندخل بعض الكلمات هاج وماج الأعضاء
واستنكروا هذه الكلمات ولكن نغنيها فهي عادية
لما كل هذا التناقض في موضوعي هذا لن اكتب من عندي ولكن
مقاطع من الأغاني التي ترنم بها الفنانين ورددها الناس
هذا اول مقطع
أقول ليه تعال لى نجلس جلسة غزلية
أمتع فيك عيني أشوفك وأنسى ألامي

وده سواها واضحة والبيت يحمل كل المعاني
وقلبي لي سواك ما شفتو مال
خذيني باليمين وانا راقد شمال

وطيب ده نقول فوقو شنو عديل كده داير بأي طريقة

داير أشوفو غافل داير أشوفو جازع
محنن ، دون قنلة وحدو وتوبو واقع
يلتجي بي مرافقو وأطراف المضاجع
يتلب فوق شفاهو لؤلؤة المدامع
يردد لي نغيما تشتاقلو المسامع

ابو بشرى

بالله دي يصوروها فيديو كليب كيف ؟؟؟؟؟؟؟؟؟؟؟

نسأل الله السلامة و العافية

مودتي

ودالشيخ
12-02-2008, 11:18 AM
ود كرار صباح الخير
يعني شوف عليك الله ده دايرا عريانة
داير أشوفو غافل داير أشوفو جازع
محنن ، دون قنلة وحدو وتوبو واقع

والله تكتب موضوع وتقول جنس الكلام ده يبلعوك ليهو

كمان شوف دهق قال خايف من الريح بدور يندسا في مره
احب الخوف ده

يا صبية الريح ورايا
خلي من حضنك ضرايا

اخونا ده مفلس وكمان داير يسكن

ساكنة فؤادي وما ليكي جار
سكني روحي معاك بالايجار

وده يا ود كرار سواها واضحة والناس تشيل وتردد في الاغنية

جداول الموية كابة
ونسايم العذر هابة
وكل زول مشغول بزولو
عيون لعيون محاربة
شفاه لشفاه مقاربة

غايتو لينا الله وعيشة السوق ما عيال فقر

اراك نفور وجافي بعيد عن ارتيادي
تجدني لو اقبل خدودك النوادي

وده رقد سلطة عديل ولا خايف

احبو احب نوناتو
نوناتو الفي وجناتو
احبو واحب تقديرو
احب رمان صديرو
اموت ما بعشق غيرو

ود علوب
12-02-2008, 11:35 AM
عمنا صباحك زي العسل بالقشطه

وهاك دي

عالى صدرك لى خصرك برا فيهو جوز رمان جل البرا

النهيد باع فينا و اشترى الشعر اقدامك سترا رقيصيبو قلوبنا البعترا

وقال وردي في هذه الجزئية

البرتكان نهدك مدردم يا القمر بوبا

والله يا عمنا تقول الكلام ده بدون موسيقي زهير يعتقلك مش يوديك الخور

صباحك ورد يا ابو الزهور

نقشة:
عمنا طلال رسل ليك حاجة ولا شنو
انا بحنس فيهو الليل كلو وللحين ما رسل لي حاجه

Talal
12-02-2008, 11:35 AM
شفت يا ود الشيخ يقعدوا ناس زمان ديل يقولوا ليك الحاجات دي ولما يصلوا مراحل معينة يتموها (الليلة هووووووي ياليلى)


زي الترجمة بتاعة تباً لك في الأفلام الأجنبية

علاء الدين كرار
12-02-2008, 11:42 AM
ود الشيخ
اسعد الله صباحك

فعلا شيء يحير كيف اجازة لجنة النصوص في ذلك الوقت مثل هذه الكلمات السافرة لتبث عبر الازاعة .

...ق معك في تناولك بالنقد لهذه الاغاني و مضامينها السافره و اعتقد انها واكبت موضة الميني جيب و المايكروجيب و افلام سامية جمال و ما شابه ذلك .

و لكن اختلف معك في أن تتخذ كمبرر لخدش الحياء بما لا يتلائم مع الزوق العام

و لك خالص مودتي

ودالشيخ
12-02-2008, 12:01 PM
ود علوب
عشان عارف زهير الفه ما جبت حاجة من عندي ده تراث يا خي
سوداني محض وديل شعراء الحقبة

طلال
أنا خايف مع العولمة واتفاقية السلام والضيق الفي شوارع الخرتوم
هوي هوي هوي ياليلة تبقى هو هو يا انتي

اها شوف ده في بدور القلعو وجوهرا شرقان بس

الصدير اعطافك فترا
النهيد باع فينا و اشترى
الشعر اقدامك سترا
رقيصبو قلوبنا البعترا

وده في اغنية صدر المحافل يا عيني يا عين

صدرك يرجح وكتفو خاسل
رنا طرفك للسيف يماسل

ليه ما يجندل كل باسل
ساحبه دغس وخدود اسيله

يعني بازرعة قال هو شنو سوها لانو جيل متفتح بعد جيل الحقبة
وقال بكل ووضوح

في وكرنا المهجور والصمت قد عما
تحلو لنا الشهوة والحب والنجوى

لن انسى نجواكي والهمسة والبسمة
وحرارة الانفاس في قبلتي لما

ضمتك يمنايا يا سعد دنيايا
وغفوتي في صدري نشوانه في الاحلام

عليكم الله هسع ده ما اوبرا عديل يعني الواحد يغمض عثمان حسين
يصور ليهو فيديو كلب

ودالشيخ
12-02-2008, 12:32 PM
ده غايتو بذكر فيها زي داك الحلمنتيشي القال ليها
دافع ليك في البوكسي
عشان لاتزوغي ولا تنسي

اذكرني ايام ايام صفانا واذكري عهد القاء
والليالي الفي حبور

اذكري ايام صفانا والليالي الفيها متبادلين هوانا
جينا بكل اقتراب

كنا داخل روضة مافيش حد سوانا
غير القمري يهتف بي هوانا

يا ود علوب لجنة النصوص بتكون نشواه في الاحلام على قولة بازرعة

غايتو دي مابقدر ابترا ولا حاجة كلها ملمومة على بعضها


الناحر فؤادى مولع جوفى حر
أضرم نار وجدى نسام السحر
الكتف المهدل والجسم انبتر
والغيم المزمزم والصاد والتبر
والضهر المتنى والتيه يا الابر
دا الخلانى ساهر ماء عينى تبر
لاحم كتفه كفله ماج جيده الوفر
عمعم ديسه درعه فى بعضه انضفر
حاكى الغيم تعرجن يا غالى النفر
قول للوزة غورى فى عينك ضفر
ما أطراك حبيبى الا وقلبى فر
اتلظى واكظم الغيظ الوفر
ينعش روحى طيبك لو بدرك سفر
زى ما بى تفعل ذنبك مغتفر
شاغل غير شواغل بى سوحك مرر
على أسمعن من فاهك درر
من فولاذ قليبك وكبدك من حجر
ما أحلاك عندى إن زر أو هجر

Bahasin
12-02-2008, 12:38 PM
د الشيخ :
تعرف عندنا غنا بشبه صور الزواج زمان شوف اية صورة عرس من ال70 وراجع لوراء والله العظيم الناس دي تقول ما براها مش جكسا في خط مافي زاتو
أها جنس دا هو الجاب الغنا
بعدين الجماعة ديل عطاشي ودي أحلام زلوط لانهم ما لامين في الجكس بس يتخيلوا ويعصروا في الخيال
زيهم وزي شعراء الجاهلية
نسوان شوية وممنوعات
تقول شنو في البتغزل في ( الطابق البوخة ) دا مش شروع في زنا ( بتدخن يعني متزوجة ) الوداهو ليها شنو
ولا شوف نفس الموضوع عند محمد المهدي المجذوب غايتو تصويره الا يتموه ترللللللللللللللللللللللللللم ترللللللللللللللللم والباقي تفهموا براك أو هيلاري زوجة أخونا
لكن عجبني الناصر قريب الله رغم انو ود شيخ قال في الصبية في أمبادر :
وفتاة لقيتها تجني ثمر السنط في انفراد الغزال ( يعني هو والقون )
تمنح الغصن أسفلي قدميها ويداها في صدر آخر عال ( شوف المرجحة دي بتودي التوج)
فيظل النهدان في خفقان الموج والكشح مفرط في الهزال ( يعني المعني لابد لمان شاف الموج دا كلو )
شاقني صوتها تنادي والعصافير ذاهب الآمال ( صورة وصوت وموسيقي تصويرية ) وفي النهاية يقولوا زي ما قال طلال ( الليلة هويييييييييي ياليلي ) لمان يصلوا حدود البلد
أستاذي حسن عباس صبحي كان معجب جدا بهذا الشاعر في جمال تصويره فكان يقول هذا ما لا يتأتي لكميرا حساسة تصويره
صدق هو في كميرا بتشوف الشافوه دا والله لو فيها 100 بيكسل ما تشوف زيهم
قال شعر قال
متكوين ويفضوا في الشعر

ودالشيخ
12-02-2008, 01:10 PM
بهاء شوف اخونا ده ما فاضل ليهو الا يشيل الفركة

وحفرة بدخان الطلح فاغمة
تُندي الروادف تلويناً وتعطيرا

لمحتُ فيه وما أمعنت عاريةٌ
تخفي وتظهر مثل النجم مذعورا

مدت بنانا به الحناء يانعة
ترد ثوباً على النهدين محسورا

قد لفها العطرُ لف الغيم منشراً
بدر الدجى وروى عن نورها نورا

يزيد صفرتها لمعاً وجدتها
صقلاً وناهداها المشدود تدويرا

وشملة غمرت ساقين وابتدرت
كالموج تلمس جيداً رفَ مشهورا

يرق تحت دُخان الطلح ساورهُ
كالدمع في الخد تلماحاً وتغويرا

تعرف القصيدة دي مجارة لها كتبت نثرا في سودان نت نقل هذا البوست
اخونا ود القبايل كتبت

مع قطرات المطر ومع رائحة الدعاش وخليط رائحة حطب الشاف الخضراء وصفار
طلح بكر من قلب شجرة صغيرة نبتت في ارض بلادي الرحبة ، أُحِرقَتْ والتوى
دخانها راقصاً رقصة باليه متصاعداً إلى السماء يعبقها وبنثر الأريج فيها تشتمه
خياشيمي المسكينة .
دخنة جلست بها فاتنة لم أرى جمالا يضاهيها وليس له مثيل يشابهه ولا ندٌ ينادده
منذ فُتحت عيني على الخليقة في دنياي العجيبة، مدت فاتنتي يدها الخطبة بحناء
السودان لتخنق تسرب الدخان في عنقها ليطيب قدها الحريري المبروم وليتشبع
بأريج الشاف المخلوط بالطلح ولتكتسي لوناً من سناء الشمس في البكور وتصمم
على القدمين لون الخطاب المحمر اللون كتفاحة أخذت من الصفار وال.... لونا متفردا
لم يطوف بمخيلة مايكل أنجلو يوماً .
يتناغم الدخان مع الجسد في فرح لا يضاهى ويغرق الجسد في ندى العرق ويكتسي
لونا قلما تجده في ريم الفلا وأنا أحس بالغيرة تجري في اوصالي من تلك الشملة
ليتها كانت مذكر فيجتمع الشملُ .
انتهت طقوس الدخان ومن بين غمامه الرهيف انشقت عن شملتها كمحارة لؤلؤٍ أضفى
عليها لون الحطب المتوهج لوناً رمانياً خلاب يقطر الندى من جسدها كالطل على ظهر
كوب بارد ينقط قطرات من أريج فواح ولو لم يمسه عبق بخور الصندل بعد ، أقبلت
الفاتنة تدثرها فركة احتوت جسدها الحوري وتمايلت معه حيث اعتلى وهبط ثم اعتلى
وتدلى ، آتت تخطو في دلال حتى إذا ما مدت الساق المبرومة شعرت بخطواتها على
قلبي تضخ دمائه في عروقي ولا يقر لقلبي قرار ،وعيناي مبحلقتان
على خصلات شعر حريري التصق على الخد مبللا بالندى فبدأت كحورية خرجت من
مياه عذبة زرقاء ، فاغرة ألفاه لتستنشق اكبر قدر من الهواء وكان ألفاه محمرا كرزيٌ
اللون عنبيُ الشكل وويحي من لحظ أضفى عليه الدخان لوناً يعكس عن دم حار ثائر
يجري في كل عرق وشريان تضاهي عيون المها في وقت الأصيل .
أنا حاسدكم ايها الشاف والطلح وإني أغير منكما وأحسِدِكْ يا أيتها الفركة وابقر منك
يا بخور الصندل ، وهنيئاً لكن يا نساء وطني وويحي أنا

وده يا اخوي متحرق شديد
يفتتح المورد من إبلا عطشت تسقيها بدويه
في لوحة نهدٍ ملتهبٍ في المورد رساما وغويا

زهير
12-02-2008, 01:29 PM
ود علوب
عشان عارف زهير الفه ما جبت حاجة من عندي
الحبيب أبو بشرى
لا أسمع لا أرى لا أتكلم. :1; (80):
بس طيرتو الحمَام من البوست. :1; (25):

زهير
12-02-2008, 01:33 PM
بهاء شوف اخونا ده ما فاضل ليهو الا يشيل الفركة

وحفرة بدخان الطلح فاغمة
تُندي الروادف تلويناً وتعطيرا

لمحتُ فيه وما أمعنت عاريةٌ
تخفي وتظهر مثل النجم مذعورا

مدت بنانا به الحناء يانعة
ترد ثوباً على النهدين محسورا

قد لفها العطرُ لف الغيم منشراً
بدر الدجى وروى عن نورها نورا

يزيد صفرتها لمعاً وجدتها
صقلاً وناهداها المشدود تدويرا

وشملة غمرت ساقين وابتدرت
كالموج تلمس جيداً رفَ مشهورا

يرق تحت دُخان الطلح ساورهُ
كالدمع في الخد تلماحاً وتغويرا

تعرف القصيدة دي مجارة لها كتبت نثرا في سودان نت نقل هذا البوست
اخونا ود القبايل كتبت

مع قطرات المطر ومع رائحة الدعاش وخليط رائحة حطب الشاف الخضراء وصفار
طلح بكر من قلب شجرة صغيرة نبتت في ارض بلادي الرحبة ، أُحِرقَتْ والتوى
دخانها راقصاً رقصة باليه متصاعداً إلى السماء يعبقها وبنثر الأريج فيها تشتمه
خياشيمي المسكينة .
دخنة جلست بها فاتنة لم أرى جمالا يضاهيها وليس له مثيل يشابهه ولا ندٌ ينادده
منذ فُتحت عيني على الخليقة في دنياي العجيبة، مدت فاتنتي يدها الخطبة بحناء
السودان لتخنق تسرب الدخان في عنقها ليطيب قدها الحريري المبروم وليتشبع
بأريج الشاف المخلوط بالطلح ولتكتسي لوناً من سناء الشمس في البكور وتصمم
على القدمين لون الخطاب المحمر اللون كتفاحة أخذت من الصفار وال.... لونا متفردا
لم يطوف بمخيلة مايكل أنجلو يوماً .
يتناغم الدخان مع الجسد في فرح لا يضاهى ويغرق الجسد في ندى العرق ويكتسي
لونا قلما تجده في ريم الفلا وأنا أحس بالغيرة تجري في اوصالي من تلك الشملة
ليتها كانت مذكر فيجتمع الشملُ .
انتهت طقوس الدخان ومن بين غمامه الرهيف انشقت عن شملتها كمحارة لؤلؤٍ أضفى
عليها لون الحطب المتوهج لوناً رمانياً خلاب يقطر الندى من جسدها كالطل على ظهر
كوب بارد ينقط قطرات من أريج فواح ولو لم يمسه عبق بخور الصندل بعد ، أقبلت
الفاتنة تدثرها فركة احتوت جسدها الحوري وتمايلت معه حيث اعتلى وهبط ثم اعتلى
وتدلى ، آتت تخطو في دلال حتى إذا ما مدت الساق المبرومة شعرت بخطواتها على
قلبي تضخ دمائه في عروقي ولا يقر لقلبي قرار ،وعيناي مبحلقتان
على خصلات شعر حريري التصق على الخد مبللا بالندى فبدأت كحورية خرجت من
مياه عذبة زرقاء ، فاغرة ألفاه لتستنشق اكبر قدر من الهواء وكان ألفاه محمرا كرزيٌ
اللون عنبيُ الشكل وويحي من لحظ أضفى عليه الدخان لوناً يعكس عن دم حار ثائر
يجري في كل عرق وشريان تضاهي عيون المها في وقت الأصيل .
أنا حاسدكم ايها الشاف والطلح وإني أغير منكما وأحسِدِكْ يا أيتها الفركة وابقر منك
يا بخور الصندل ، وهنيئاً لكن يا نساء وطني وويحي أنا

وده يا اخوي متحرق شديد
يفتتح المورد من إبلا عطشت تسقيها بدويه
في لوحة نهدٍ ملتهبٍ في المورد رساما وغويا

والله البوست ده شكلو حينتهي بـ (الليلة هووووووي ياليلى) :1; (97):

Talal
12-02-2008, 01:33 PM
البوست دا عكس سياسات تنظيم الأسرة تماماً
يا أخوانا الناس توزع في الحبوب والواقيات الذكرية وإنتوا تولعوا في النيران؟؟؟؟

ودالشيخ
12-02-2008, 01:50 PM
والله يا زهير
بالله ما تحرش علي بنات اخواني ديل المفروض يجن يدين راين

طلال ما عارف اقول ليكم شنو لكن ده الواقع في الغنا السوداني
إباحية مفرطة لكن حتى الحمام تتلقاهو بغني فيها
وعشان خاطرك بفتل البوست فتلة بسيطة تضامنا مع دعوتك لتحديد النسل
برائعة دكتور بادي العكودابي

يمر الحول وحول بى زول والزول غول
ونحن ضهابة نحن تعابة لا نقدا ولا محصول
يا قشارة ما معقول يا فقاسة ما معقول عليك
عزينك المبهول تضربى الجملة بالميت قداحة فول
وعيشة ضنيب ام سيسى عرض وطول
وجاز اللمبة فى غلبا وحق الفطرة للطلبة
ولو الروح بقت سلبه نمص الصلصه من علبا
وكانت جاتنا فى الرقبة
دا كلو كوم والوليه ام العيلة كوم
الوليه الفنجريه حلاوة نبق
الوليه الغجرية ودايره دق
البطن ديمه منفوخة طبق طبق
ومره تديها الهواده وترمى زى زولين زياده
الله اريتو الزول يزاول يا حكم صفر ده فاول
البطن بت اللذينة عايزة تعمير القبائل
واب شنب تعبان وعرقه يسيل جداول
يلحس الكوع رغم انفه وكان مزاول
وديمه يشبع فى البشاتن وديمه يشبع فى البهادل
شايله فوق الصفحه سوسو واحد الله
باليمين مقيوده سيسى مالو تانى
اب شنب شايل أمانى تلاتة بركه
وكل حركة معاها بركة فى البطن بنجوسها فرفر
والقطر بوراها صفر والله يستر
عينى باردة ومانى حاسد وربنا يتم المقاصد
والله ما شقالو حنكا ضيعو
والله ما سوالو طفلاً ماسقاهو ورضعوا
الا الرباية خشم بيوت والمعايش ماها توت
والمعذب اخير يموت
الوليد اكان مبرجل شن بسوى
زى كليب جربان يعوى يصبح والمصران مهوى
ويمسى والمصران مهوى لا يبهرج لا يضوى
الوليد كان يربى قوى عمله استرلينى سايره
يبقى صاروخ ارضى جوى
النجاح مو مهم كتير والبيطير
من ارض جاعت كان اخير
والليلة جيتكم بى بشارة وقولوا خير
ربنا يخلى الخواجة عشان ما تقيف قدامو حاجة
يا خلق يا عقل صبه تشربو الويسكى المعبا
وتلحسو الرز بالمربى
تبلعو عروق المحبة وتدو كضبه وراها كضبه
عشان تقيف ماتدى حبه والمصائب هى هى ...
لا بطوناً كالخيام ولا سمايه ولا كرامه
قد تقولون حراما .. لستُ مفتى ...
ولماذا لستُ أفتى ؟!
شيخنا خريج الخلاوى يكتب البخرة ويداوى
يعشق الماحى وطارته وأبوكساوى
قافل اضانو من البلاوى
لا يفهم إلا فى عرس وطلق
قد يجيب بعض الفتاوى ...
حالته ساتره ونص ُكم
بيعه فى سوق السماسره
بيعه رابحه وبيعه خاسره
وهو حامد متشكر ليس ملحد منكر
يمشى ما بين السرارى ونساوينه الحوارى
لا تغيب عن قلبو ابداً
حاجة سعدة لجنة خردة
وهى حاربت فى المهدية
ثم آلت لجلابط وكراضم
عن قريب ستزور الأبدية
ثم تأتى سعدية وهى رهن الخدمات
ومفاخر ومباخر وعيون فاهمات
تعرف الوقت المناسب لتحاسب ..
ليس فى الدين حرج
آخر العنقود ليلى اصغر الزوجات ليلى
شيخنا ودالشايقى افلح اشترى ليلى مكعكع فتصلح
وتصبين وتنحنح وهو شيخ فى هجيع الليل يمدح
يا ليلى ليلك جنى معشوقك أوه وانى
وتجيب المدح ليلى وتغرود غير هدنه
وتزيد الشيخ قرباً قاب قوسين أو ادنى
أنها دنيا المطالب بأسم ليلى من يطالب
فى مره والممرات كثيره
صلى الشيخ الصبح ونافلة بآيات قصيره
وتعوذ ودعا الله بأن لايتجوز
وتشهق وتمنطق وبراس السبحه طق طق
ومضى يتلو الكتاب ...
مر بالمال والبنون فتبسم وترنم
وبآيات الطلاق فتجشم وتكشم
وإذا مالاقى مثنى وثلاث ورباع
وقف الشيخ طويلا مثل فحل الضباع
وبكى وهو يرخى من حبال وتريه
وجرى دمع الزراعة المطرية
وقال اين منى زوجة بكرا طرية
وقال اين منى المحلبيه ؟ اين منى السرتيه ؟
فى نقاء كبحيرة طبرية
ودعا الله عروسه ....
وخرج يحشش بعبايه وزناد وكدوسه
خطفها خطفها جاب ضحية هايله ومذهله
جزار وفالح فى تجارة القرصنة
خلف الكراع فوق الكراع وكدوسه زى المدخنه
بالكفتين زى الخشب حرق شباب السوسنا
وتفوت سنه وتمر سنه وشيخنا عجز وانتنى
بقى فى الحرد والطنطنه وهو ذاتو عجز وانتى
شيخنا يا شيخ السجم خلف زرازير البجم
واحدين اساميهم عرب واحدين اساميهم عجم
بدأ صلىالله عليه وسلم ثم زوجات الرسول العشرة
وكل الذين تجمهروا فى البيعة تحت الشجرة
طلحه الخير والزبير ثم سعد وسعيد
ثم ستة مبايعين ثم عبد مايشاء من البنين
عبدالرحيم عبدالمعين ثم سمى فى الختام
عبد مالك الملك زوالجلال والإكرام
وتنوع فى القوافى وفى تراكيب المضافى
شمس الدين قوس الدين
ولهب الدين وقمر صناعى الدين
أخر الدور تقول مسحور
وما بخليلو مرةً بور
وزراعته ما بتقع واطه
بقت الطلبات بالدست
حتو درج الخزنة حت
الوليه تنبح كان أصبحت
وان كان مست
خرائط ولفايف ومحزق ومنمق
أنها نكبة روما والمتمه
إن طعم العرس حلو ولذيذ
وهو كاسات افراح ونبيذ
ثم تأتى انتفاخات القرنتى
وباعوض كالنتمتى
لا يقاوم بالدي أم تي
حنى حنى ... وتتى تتى ... ولا عليا .


طيب ارجع البوست لقواعدو سالم واختمو كما بدأ
اسع شوف جنس ده أنا قلتو ما قمت لقيتو

مالـنور الـفي حـليـهو رافل
في حُـق نـهدو قـلوبنا قافل

كالظـبي الفـي مـقـيلو غافل
تـارة يميـل والتـانية جـافل

وجـهو يــنور والبـدر آفـل
فـوق للـبدر يزيــد نفـيلا


عمنا ده زي بوست الركب بالله علقو ليهو بطارية بسرعة

فريـع البـانة المِـنْ نسمة يـتـمـايل حـاكى المـنقسمة
نار قـلبي بتوقد من وسمه تلـمع فـي خـديدا وفـر بسمه

الفـم الزي خاتم نص قسمة يالـمـاك داريه بَـي الغي قسمة
حـبـوب الفـاطـر دُرّيـة وسـطـك يتـلاعب بـحـريـة

الجـبـهة تـلاصـف بدرية والحـالة البَـيّ مـاها مـدريـة
وسـطـك خـاتم بـي زندو و صـديرك قـايم الديـس جندو

صـديـرك قـلع مـن عندو واكـتـافك فوقو ياروحي بتسندو
زُمـرُّد لـونـك اخــضـرّ دا الـولّـع قـلـبي و آخ ضـرّ

حيبو ليهو عثمان ود اليمني يغني ليهو تقولني منو تقوليني شنو

ود الجريف
12-02-2008, 01:52 PM
يا جماعة هوووووووووووووووي في شنو ماشين كويس جابت ليها دخان

هذا أحد شعراء الحداثة يمجد في مكتشف الدُخان :1; (25):

كل المطــــاعم تحلــو إذ نتبلها
فكيف نترك زاد الليل ممسوخا

أجدادنا الغرُّ أضنتـــــهم تجاربهم
ولم يكن همهم في الصنع صاروخا

ونقبوا الأرض لا للبترول غايتهم
بل كي يعدوا لهذا الشيء بخبوخا

وجيء بالشملة الحزاء يتبعــها
نطعٌ فأصبح مثل العهن منفـوخا

لله درك يا من كنت مختــرعاً
لك البراءة إذ أحسنت مطبوخا


* عمنا أبو بشرى الرجاء تكبير هذه الصورة لعموم الفائدة ....

http://www.3aza.com/imgresize/imgresize_files/images/temp4.jpg

ودالشيخ
12-02-2008, 02:01 PM
يا الجريفاوي
يا اخوي عوجت البوست وفتلتو قلنا احسن نصغرا

afroman
12-02-2008, 04:01 PM
:1; (105):

مالكم لينا يا ناس.....
على كدة "دق الباب وجانا" محتشمة

البشير دفع الله
12-02-2008, 06:35 PM
ابو بشرى سلام

البوست ده مالو كلو عزابة ؟؟؟

ودالشيخ
12-02-2008, 06:44 PM
:1; (105):

مالكم لينا يا ناس.....
على كدة "دق الباب وجانا" محتشمة

عليك الله يا افرو معى جنس ده تاني في قول

الفـم الزي خاتم نص قسمة يالـمـاك داريه بَـي الغي قسمة
حـبـوب الفـاطـر دُرّيـة وسـطـك يتـلاعب بـحـريـة

الجـبـهة تـلاصـف بدرية والحـالة البَـيّ مـاها مـدريـة
وسـطـك خـاتم بـي زندو و صـديرك قـايم الديـس جندو

ود الامام
12-02-2008, 09:01 PM
وحفرة بدخان الطلح فاغمة
تُندي الروادف تلويناً وتعطيرا

لمحتُ فيه وما أمعنت عاريةٌ
تخفي وتظهر مثل النجم مذعورا

مدت بنانا به الحناء يانعة
ترد ثوباً على النهدين محسورا

قد لفها العطرُ لف الغيم منشراً
بدر الدجى وروى عن نورها نورا

يزيد صفرتها لمعاً وجدتها
صقلاً وناهداها المشدود تدويرا

وشملة غمرت ساقين وابتدرت
كالموج تلمس جيداً رفَ مشهورا

يرق تحت دُخان الطلح ساورهُ
كالدمع في الخد تلماحاً وتغويرا
يا



الايام دي العيال بي غادى

ودخاخينك دي وصلتنا .. لي هنا ..


ابا بشري اهلكت فاستبق بعضنا **** حنانــيـك بعض الشر اهون من بعض

ودالشيخ
12-02-2008, 10:07 PM
والله يا أبوصلاح
دي دراسة نقدية في الاباحية الغولية الغنائية السودانية
طيب انت هاك الوجع الخرافي ده

شوف الجيع ده ونحن نشيل ونغني وبناتنا كورس

أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

اها يا ابوصلاح كان الحكاية ولعت والله مافي كف بتطفيها شوف الجلع

ما بنسي ليلة كنا تايهين في سمر بين الزهور
انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ما بنسي ليلة كنا في شاطي النهر
نتعاطي خمر الحب بكاسات الزهر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر


خلي بالك يا ابوصلاح زولنا ده من سكان الكهوف والعصر الحجري سنة يا رجل

والله يا ابوصلاح فتحت شهيتي للنقد
يا حليف الخدري التايه في نعيمك
ما دام هاجرني ارسل لي نسيمك
وانعش لي روحي بندي جسيمك
او طيب المسك الفايح من تبسيمك
يا اماني حياتي البيك نور اقليمك

الما داير معاي ما يهبشني عشان ما انكت ليكم الاباحيات دي
كلكم دايرين يا مستهبلين

ود الامام
12-02-2008, 11:18 PM
الما داير معاي ما يهبشني عشان ما انكت ليكم الاباحيات دي
كلكم دايرين يا مستهبلين


ياررررررررررراجل

:1; (25)::1; (25)::1; (25):

ابو بشري ... بينى وبينك كلهم دايرين

(طبعا انا ما معاهم)...


بوستيك دة عجبني شديد ..

وكمان عندى فيهو دلو ..

واصل ..

بجيك بي مهلة .. وبحيرك

كان الله هون ..


تقديرى واحترامي ..

ودالشيخ
12-02-2008, 11:44 PM
v/IsT7TssgHEY&rel

عشان خاطرك يا ابوصلاح

afroman
13-02-2008, 01:49 AM
عارف احنا السودانيين كان لقينا فرقا بنفوت العالم فى الإنحراف.....

عبدالمنعم محمد
13-02-2008, 02:07 AM
يا آفرو ما إنحراف دة إنبساط وفرفشة وناس خواطرم طيبة والكلمة والإيقاع جزء من تشكيل الوجدان السوداني

kamal Ahmed
13-02-2008, 02:45 AM
الخال ود الشيخ

زي ما فتحت بوست بخصوص المجون والخلاعة في الاغنية السودانية حقو تفتح بوست عن الشرك والكفريات في الاغاني السودانية

وممكن اديك عينات لكن اكيد انت حافظ اكتر مني:

كل الشافوك سجدوا عبدوك (فرفور)

او ابقى راهب ليها واعبدها (زيدان)

حبك منيتي فرضي وسنتي ناري وجنتي (ما عارف منو)

دي مجرد عينات بسيطة من البسمعونا ليها في المواصلات لغاية ما الواحد جاهو ضغط.

Bahasin
13-02-2008, 05:54 AM
أبو بشري :
كمحارة لؤلؤٍ أضفى عليها لون الحطب المتوهج لوناً رمانياً خلاب يقطر الندى من جسدها كالطل على ظهر كوب بارد ينقط قطرات من أريج فواح

قرضتها قرض ياخي دي تاني كان تطبق البوخة بتاع قدلة يا مولاي يبقي خنفس

ودالشيخ
13-02-2008, 08:45 AM
يا كمال يا اخوي ده بوست جاي قريب واسمو الكفر
في الغناء السوداني على قول كشك
قال في فنان سوداني ولاحظ برضو في البفن الحجر يقول ليك فناهو بحجر
وفنيت الحجر ما علينا الشيخ كشك قال إيه
في فنان اسمو قفل يقصد ترباس آل إيه البعبدا يا أخي أتنيل
والله مين الي حيعبدو استغفر الله العظيم
بالله ده موضوع برضو حنعمل منو ورشة عمل

ودالشيخ
13-02-2008, 09:23 AM
ايها الشفيف بهاء
يا اخوي الكتبتو لا يقارع من كتبوا فافتننا فكتبنا اهديك
عطر الكلام من احلى الكلام ومن شهده
الكلمات الخالدات على مر الزمان وجميل ما سمعت من
كلمات لحنا وفنا إليك اهديها وانت في البلد البعيد علها تذيب شيئاً
من الصقيع الذي اتاكم على حين غرة


يا بت النيل أحب النيل يا جميل
ظبية المسالمة و في الخما يل حالمة
و فيك يا ظالمة ويا ظالمة ويا ظالمة
يا بت النيل النيل احب النيل يا جميل

يجرحني ليه وليه وليه وليه
و انأ كلى جراح
لابد يجى يوم ألقاك و ارتاح
ما أظن يجى يوم أنساك و ارتاح

أنا آه أنا من عيونه الساحرة
أنا آه إنا من خدوده النايره
أنا آه أنا من ضفايرا السادله
يتعبني تعب شديد لو حلحلا

و فيك من سحر الجنوب نسماتو
و من طيب زهر الشمال نفحاتو
أحبو و أحب نوناتو
نوناتو ألفى وجناتو

أحبو و أحب تقديرو
أحب رمان صديرو
و سيف لحظو محل ما يديرو
أموت ما بعشق غيرو

شيخ إدريس قوم نتسلى
إنا عقلي فارق و ولى
ريدك سبب لنا علة
الحاج يا ود دفع الله

فقدنا الصواب يا شبابنا
يا أبو عابده وين أحبابنا
إن متنا فهم أسبابنا
العودا يا أحبابنا

يا ألسهمك لينا مبادر
إنا فكرى غارب و سادر
كل لحظة بقول يا ساتر
دره الجنن عبد القادر

مع فائق تقديري يا سيد إيهاب وهكذا كلمات تخلي العقل يولي
في يبابات الدنا وأحي من هكذا وصف واحب السودان وكلماتو

Bahasin
13-02-2008, 11:12 AM
ود الشيخ : ياخي بتفتق في جراحات نتناساها بالبعد عنهم وهم في طيات ضمير الخاطر المترع بهم
هم الدثار الشفيف للمنطقة المحرمة من الفؤاد هم من قطنها وأقام ليال لا تعد
ود الشيخ :
أحيييييييييييييييييييييييييييييييييي من امدرمان والبشاتن البتعمل فيها قديما وحديثا
ياخي دي فيها ناس كدا أخدوا اذن من الجنة أو ويك اند وراجعيين جوا وشح...ا روحنا ورجعوا جنهم وبوراهم جنينا وجننا فات عبدالقادر
انت صحي عبد القادر جنا ؟ ووين جنو من جن بوبي ؟
ياخي برد وعشق وحرف يجرح الخاطر كر من الوتين للوتين ودايرنا نقعد يا حلاة لقلقلق
بهاء

ود الامام
13-02-2008, 12:31 PM
عشان خاطرك يا ابوصلاح[/size][/color][/align][/B]


مشكور ياعمنا ..

ويافريع البان ساهرت بينا ..

كدى اسمع دة بيقول في شتو ..





.......

الجميل واصـل درة واصـل

الله لاوراك العلـي حـاصـل

العذاب أنواع جملة غير فاصـل

مجلي كبريته كبدي فـي بنزيـن

--------- كـبـريـتـه

أصلو هالكني منـه مـا بريتـه

ياجراح غور إن شاء الله ما بريته

طابق البوخه قام نـدا يهتـف

نــام مــن الـدوخــه

إيده عاقبـاه جدلـه مملوخلـه

لي معالق الجوف موسة مجلوخـه


......
وبجيك صادى (بالليل )

AlPrince
13-02-2008, 02:46 PM
v/IsT7TssgHEY&rel




و أ ر ح ح ح ح ح ح ح ح ح ح ح ح ح ح ح ح
و أ ح ح ح ح ح ح ح ح ح ح ح ح ح ح ح ح ح
http://i166.photobucket.com/albums/u91/mozus2/dance-7.gifhttp://i166.photobucket.com/albums/u91/mozus2/dance-7.gif
http://www4.0zz0.com/2007/08/19/04/52800320.gifAlPrince
الامير الشغل الضمير
http://roselol.jeeran.com/884447269.gif
انا الكت دائما
يا حنين بحسبك
في مسارب الروح
ووين ما اروح
انت معاي
شوق وحنين
وتوأم روح

http://www.mesdar.com/download/images/img/1179848471.gif

Rami
13-02-2008, 03:34 PM
البعيو عندو (رمية) بيقول فيها:
الزول الجميل, النهيدو مقدد العراقي
يجمع شملي بيهو المكاشفي عبد الباقي.......

الكلام دا الواحد لو قالو في إطار تاني ممكن عادي يفتحو ليك بلاغ (شروع في الزنا)

ودالشيخ
13-02-2008, 03:43 PM
حرم يا رامي طلال رسل ليك كوتة ما حقت نيالا البنعرفا
يا أخي انا جنبك فركة رجل بجيك
وكمان ملط عراقي شنو

بالله يا ناس انكتو المكنون زي كلام رامي المجنون وخلونا نعشق جمال الكلمات المعصورات

:1; (95):

اها دي بعد رمية البعيو والله لو كان عملاق آبوك يا السارة
كتو ركتوني ترب ساي همله والله
دي ابليس ما فكر يا رامي ينزلا هنا

Talal
13-02-2008, 03:49 PM
الزول الجميل, النهيدو مقدد العراقي
يجمع شملي بيهو المكاشفي عبد الباقي.......
يارامي ماظااااااهرة
الكلام دا الواحد لو قالو في إطار تاني ممكن عادي يفتحو ليك بلاغ (شروع في الزنا)
هي أصلا شروع في زنا وجاتهم الكشة وإلا مافي سبب وااااااااحد يخليها تلبس العراقي عشان يتقدد

قال إطار تاني قال!!!
إطار تيوب لس؟؟؟

ودالشيخ
13-02-2008, 04:16 PM
رامي
يا اخي نيالا كيف في الايامات دي تنفع

watanmohabsh
13-02-2008, 04:34 PM
الغناء السوداني جميل جمال الامة السودانية
بي مناسبة الكلمات الجميلة انت يا ابو بشري وين الرائع نزار النينو والله ليهو وحشة شديدة

السيال الكبير
13-02-2008, 05:21 PM
السلام عليكم ورحمة الله وبركاته
التحية للاخوه والله بوستكم ده شديد جنس شده وهذه اول مشاركة لى فى منتداكم العامر وقد أعجبتنى نقد الاباحية فى الغناء السودانى لاننى كنت احب الموسيقى فقط يعنى لايهمنى اذا كان راجل المره ده حلو حلا والله حامض عدييل كده لانى لا اسمع جيدا ولكن قبل هذا البوست كنت أعتقد ومازلت أن آلهة ترباس ( البعبدا وين ياناس البعبدا) هى أعظم اباحية ولكنها مؤدبه شويه من الكلام الفوق ده , ومازلت اتخيل فى هبله او امونه رع التى يعبدها ترباس ومن يترنمون بهذه الترنيمة ولكنى أعتقد أن شعراء زمااان كانو بحبو السكريات شديد

Talal
13-02-2008, 06:23 PM
عن إذنكم يا أخواننا شوية كلام محتشم في نص الإباحية الحايمة دي
يا السيال الكبير
إنت هيل ناس منو في عيال كريم الدين وأبَارو؟؟
باقي الدم بيجمع ياخوي

خال زيد
13-02-2008, 07:27 PM
هوي ياناس لو الحكايه نزلت لي تحت بعد ده بتصل با(999)
وناس النظام العام جابت ليها برش دخان بعد شويه بتجيب ليها حاجات تانيه ..............!!!!!!!!!!!

Rami
13-02-2008, 07:46 PM
حرم يا رامي طلال رسل ليك كوتة ما حقت نيالا البنعرفا
يا أخي انا جنبك فركة رجل بجيك
وكمان ملط عراقي شنو

بالله يا ناس انكتو المكنون زي كلام رامي المجنون وخلونا نعشق جمال الكلمات المعصورات

:1; (95):

اها دي بعد رمية البعيو والله لو كان عملاق آبوك يا السارة
كتو ركتوني ترب ساي همله والله
دي ابليس ما فكر يا رامي ينزلا هنا

يا ود الشيخ ما سمعت القال في الغنا الشعبي:
الساعة ستة, والدقيقة ستة
ستة إلا ستة.. الدخان والدلكة خلن قلبي لكة (بكسر اللام وتشديد الكاف)..

في المقطع تشجيع واضح للعبة الحلوة وال apéritif زي ما بيقولو أهلنا الفرنسيين

ودالشيخ
13-02-2008, 08:14 PM
ها يا ارمي
الدخان والدلكة
خلن عقلي لكة
الساعة ستة جوني
وفي الغلاي غلوني
وفي الفندق دقوني
وأنا يا ناس الله ليه الليلة
اتا ماك خابر ساي ده زمناً بخبرو تب

ودالشيخ
13-02-2008, 08:16 PM
الغناء السوداني جميل جمال الامة السودانية
بي مناسبة الكلمات الجميلة انت يا ابو بشري وين الرائع نزار النينو والله ليهو وحشة شديدة
حبابك والله اخونا ده سحنان في الكفل
اقصد بيات شتوي غتسان في العسل
رفعوهو بقى مشرف في سودان نت افتكر روحو مشرف باكستان

ودالشيخ
13-02-2008, 08:21 PM
هوي ياناس لو الحكايه نزلت لي تحت بعد ده بتصل با(999)
وناس النظام العام جابت ليها برش دخان بعد شويه بتجيب ليها حاجات تانيه ..............!!!!!!!!!!!

والله يا خال زايد
ما اجيب شئ من عندي لانو العندي انا ما بدي
لكن الا ما ترنم به الجميع وانطرب
يا اخي قال ليك الشئ داك يقد العراقي الوداها تلبس هدوم الرجال
شنو يكون في زول دق الباب واتلخبت الاختساس
زي داك القال
قبلتها تسعة وتسعون قبلة وواحده على عجل
يعني لو كان ما مستعجل الصباح ما كان يخلي ليها شلوفة

ودالشيخ
13-02-2008, 08:29 PM
السلام عليكم ورحمة الله وبركاته
التحية للاخوه والله بوستكم ده شديد جنس شده وهذه اول مشاركة لى فى منتداكم العامر وقد أعجبتنى نقد الاباحية فى الغناء السودانى لاننى كنت احب الموسيقى فقط يعنى لايهمنى اذا كان راجل المره ده حلو حلا والله حامض عدييل كده لانى لا اسمع جيدا ولكن قبل هذا البوست كنت أعتقد ومازلت أن آلهة ترباس ( البعبدا وين ياناس البعبدا) هى أعظم اباحية ولكنها مؤدبه شويه من الكلام الفوق ده , ومازلت اتخيل فى هبله او امونه رع التى يعبدها ترباس ومن يترنمون بهذه الترنيمة ولكنى أعتقد أن شعراء زمااان كانو بحبو السكريات شديد

حبابكم
يا السيال الكبير وفي واحد داير يكون السيال الاصفر
مع إنو المريخ بالحمرة الاباها مهدي الله ابو زينب
قلنا ليك الشيخ كشك قال عليهو إفل يعني قفل
والله أبو عمه اكبر منو لو كتر لينا من من تعبتا دي يسيح ركب الناس
الدايرة تنتج كهربا في ذاك البوست الشهير
ويعيشوا في ظلام دامس
اهلا بك رافد من روافد جبل المطاريد كما نعتونا

Talal
14-02-2008, 12:59 PM
الدخان والدلكة
خلن عقلي لكة
الساعة ستة جوني
وفي الغلاي غلوني
وفي الفندق دقوني
وأنا يا ناس الله ليه الليلة
صدقاً لي كلامي
شفت يجيبوا ليك سيرة هوي الليلة متين؟؟؟
يا ابو بشرى ناس زمان ديل كانوا مشاركين في المنتدى دا؟؟
شايف مما الكلام يصل حتات معينة كدة ابو الحروف بتاعهم بيشتغل ويقص ويدخل كلمة هوووي الليلة!!!

ودالشيخ
14-02-2008, 01:31 PM
طلال لو رديت عليك المشرفين بحظروني
وأنا ما كبير على الحظر
المجنون اهلو برشدو والله كان جبت ليك الدايفنج تقول عمك فقد المنطق
ارجع لمجنون ليلى قبل ما اجيب ليك أبو نواس

يسرا مصطفى
14-02-2008, 02:19 PM
عندما نكتب في المنديات موضوع يتناول الحب والعاطفة
وعندما ندخل بعض الكلمات هاج وماج الأعضاء
واستنكروا هذه الكلمات ولكن نغنيها فهي عادية
لما كل هذا التناقض في موضوعي هذا لن اكتب من عندي ولكن
مقاطع من الأغاني التي ترنم بها الفنانين ورددها الناس
هذا اول مقطع
أقول ليه تعال لى نجلس جلسة غزلية
أمتع فيك عيني أشوفك وأنسى ألامي

وده سواها واضحة والبيت يحمل كل المعاني
وقلبي لي سواك ما شفتو مال
خذيني باليمين وانا راقد شمال

وطيب ده نقول فوقو شنو عديل كده داير بأي طريقة

داير أشوفو غافل داير أشوفو جازع
محنن ، دون قنلة وحدو وتوبو واقع
يلتجي بي مرافقو وأطراف المضاجع
يتلب فوق شفاهو لؤلؤة المدامع
يردد لي نغيما تشتاقلو المسامع

الينا ابو بشري
اشكرك للتطرق لهذا المنحني
الاباحيه في الغناء هي الاباحيه في الشعر ورصانة الاسلوب الفرق بيناتهم دا بي تلحين وبتغني للناس بتسمعوا وفي اشعار بتكون قويه في درجة اباحيتها لكن مااتغنت

الاباحيه في الغناء او الكمات موجوده من زمان وتناول الناس ليها كلِ حسب عصره

انا باخد الاباحيه من جانب واحد وهو جانب الغزل والتمني وحسب نظرتي بتكون هي اصدق احساس امتلك الشاعر في هذا الوقت الطلعت فيو القصيده او المقاطع وفي كثير من الاحيان تتغلب الرمزيه علي القصايد واخري تكون الاباحيه فيها اخدت مساحتها من القصيده

والحته دي زي ما الرجل بكتب وببوح المراه كمان مافي شي يمنع
وعندك مثال الاورده الاخ افور ( دق الباب وجانا انا جريت لي حفيانه ) اكيد الفهم هنا ما الجري لكن الفهم انها سعيده بي جيتوا وزيارتو واتمنياتها في انو يجيهم
وايك هنالك اباحيات

افردت بوست عن الشاعر محمد احمد الحبيب لكن مااواصلت انشاء الله اواصل فيو تغزل عن محبوبته كثرا وكل امنياته كانت تظهر في مطلع اشعاره وكتاباته # تعالي علي الاقل نرتاح # وكتير من الاشعار تحكي عن الغزل والتمني او الشعر الاباحي



الشاعر لمن جا واتكلم عن حفر الدخان بالتاكيد ساعتها شاف زوجتوا ماشاف وحده تانيه وهنا كلاموا بقي مباح يبقي مافي حاجه تمنع الاباحيه

انا عن نفسي بقول احسن الحاجات تكون اباحيه بفهم واحد انو الناس لما تكون عارفه الحاجه او مباحه بالنسبه ليها الحفاظ دافع التمني والحفاظ عليها بجبر الناس تسعي لانوا تحقق امانيها في ظل المباح والمشروع ( فهمتوني؟؟؟)

ود الامام
14-02-2008, 02:33 PM
الشاعر لمن جا واتكلم عن حفر الدخان بالتاكيد ساعتها شاف زوجتوا ماشاف وحده تانيه وهنا كلاموا بقي مباح يبقي مافي حاجه تمنع الاباحيه

انا عن نفسي بقول احسن الحاجات تكون اباحيه بفهم واحد انو الناس لما تكون عارفه الحاجه او مباحه بالنسبه ليها الحفاظ دافع التمني والحفاظ عليها بجبر الناس تسعي لانوا تحقق امانيها في ظل المباح والمشروع ( فهمتوني؟؟؟)


طبعا مافهمناك ..

او انا تحديدا ما فهمتك ..

يعنى الشاعر لما يشوف زوجته في وضع

زى دة يجى يوصفها للناس ..

ويخلى الناس تغنى بيها كمان ..

دة كلام دة ..!!!!!




تقدير ي

Rami
14-02-2008, 02:51 PM
الشاعر لمن جا واتكلم عن حفر الدخان بالتاكيد ساعتها شاف زوجتوا ماشاف وحده تانيه وهنا كلاموا بقي مباح يبقي مافي حاجه تمنع الاباحيه

انا عن نفسي بقول احسن الحاجات تكون اباحيه بفهم واحد انو الناس لما تكون عارفه الحاجه او مباحه بالنسبه ليها الحفاظ دافع التمني والحفاظ عليها بجبر الناس تسعي لانوا تحقق امانيها في ظل المباح والمشروع ( فهمتوني؟؟؟)

ما داير أقول ما فهمت حاجة لأني فهمت التالي:
الإباحية إنك تكتب شعر وغنا في نسوان الناس.. أما إذا كانت زوجتك فأكتب ولا يهمك, كل التفاصيل...

Talal
14-02-2008, 02:54 PM
الشاعر لمن جا واتكلم عن حفر الدخان بالتاكيد ساعتها شاف زوجتوا ماشاف وحده تانيه وهنا كلاموا بقي مباح يبقي مافي حاجه تمنع الاباحيه
هذا فيما يخص الكلام
طيب لو صورها ووزع صورها في الموبايلات والنت كيف؟؟
الغزل غزل
والإباحية إباحية
والخطاب الجنسي خطاب جنسي
والباقي أمور مشتبهات!!!!

يسرا مصطفى
14-02-2008, 03:12 PM
هذا فيما يخص الكلام
طيب لو صورها ووزع صورها في الموبايلات والنت كيف؟؟
الغزل غزل
والإباحية إباحية
والخطاب الجنسي خطاب جنسي
والباقي أمور مشتبهات!!!!

معقوله !!! في راجل يشيل صور مرتوا يوزعها؟؟ لو لابسه هدوم مافي سوداني بقبل ... خليك من تكون بي فستان بيت
الا الاصلهم حريمهن عرسوهن بالفهم دا وعشان يصورهن وبس
دا انت سوداني وعارف حماقة وغيرة الرجل السوداني
يبقي الافتراض بتاعك دا ماعندوا مكان في الواقع

Talal
14-02-2008, 03:19 PM
الشاعر لمن جا واتكلم عن حفر الدخان بالتاكيد ساعتها شاف زوجتوا ماشاف وحده تانيه وهنا كلاموا بقي مباح يبقي مافي حاجه تمنع الاباحيه
وأين موقع هذه المداخلة من
حماقة وغيرة الرجل السوداني
وإين هي من الواقع
والفرق شنو؟؟
مش الشعر والنت والتلفزيون والراديو والجرائد كلها وسائل جماهيرية؟؟

يسرا مصطفى
14-02-2008, 03:28 PM
طبعا مافهمناك ..

او انا تحديدا ما فهمتك ..

يعنى الشاعر لما يشوف زوجته في وضع

زى دة يجى يوصفها للناس ..

ويخلى الناس تغنى بيها كمان ..

دة كلام دة ..!!!!!




تقدير ي

غالينا صلاح الامام
انا برضوا حسيت انو كلامي غامض شويه
لا طبعا ماحايجي يقول زوجتي
لكن بقول بالرمزيه الانا اطرقت ليها فوق وبعد دا الكلمات هي البتلعب دورها في نفس كل متلقي
زوجتوا حبيبتوا امنيتوا كده وبتبدأ بي اقرب اصدقاءك انت كشاعر اكيد بطلع علي اشعارك وصاحبك عجبتوا الكلمات وحفظها او الشاعر دونها في مدونه ووقعت في يد زول تاني اخد الكلمات واحتفظ بيها

يسرا مصطفى
14-02-2008, 03:31 PM
ما داير أقول ما فهمت حاجة لأني فهمت التالي:
الإباحية إنك تكتب شعر وغنا في نسوان الناس.. أما إذا كانت زوجتك فأكتب ولا يهمك, كل التفاصيل...

الاباحيه في كتابات الشاعر وامنياته مِن مَن يتمني وممكن تكون شخصيه خياليه لاوجود لها في الواقع

يسرا مصطفى
14-02-2008, 03:32 PM
صلاح الامام رامي طلال

طيب من منهج تربوي كده


عندي اولاد خلي البنات بعيد
من اساليب التربيه الحقيقيه انك ماتدس منهم حاجه يعني هم حايعرفوها حايعرفوها احسن تجي منك ولا يعرفوها بي طريقتهم ؟؟؟
اليوم لو منعت ابنك يمشي حفله قدامك اكيد ماحايمشي لكن لو لقي فرصه من وراك مابفوتها لانو داير يمشي
يبقي علي ذلك قس
الامنيات والتمني زي ما انت بتتمني ابنك بتمني وطالما في تمني يبقي انا لازم افتح ابني واوريهو الحاجات دي ماعيب انك تتمني لكن التمني لازم يكون في حدود المسموح به يعني انا لمن اتمني مامعناتو احقق امنياتي تحت مسمي الغايه تبرر الوسيله
انا لازم اوريهم انو التمني مباح لكن تحقيقيو برضوا لازم يكونفي حدود المباح اخدت الموضوع من ناحيه تربويه فقط

الكلمات الاباحيه بتنفس عن صاحبها
وبتخليهو يتمسك بي حاجاتو
وبتخليهو يحافظ علي اكبر قدر ممكن علي فتاة احلامه وتمنياته و العكس
وهنا بتكون الكلامات الاباحيه لعبت دور لايستهان به
اتمني اكون وصلت المعني المقصود

Talal
14-02-2008, 03:42 PM
من اساليب التربيه الحقيقيه انك ماتدس منهم حاجه يعني هم حايعرفوها حايعرفوها احسن تجي منك ولا يعرفوها بي طريقتهم ؟؟؟
اليوم لو منعت ابنك يمشي حفله قدامك اكيد ماحايمشي لكن لو لقي فرصه من وراك مابفوتها لانو داير يمشي
يبقي علي ذلك قس
الامنيات والتمني زي ما انت بتتمني ابنك بتمني وطالما في تمني يبقي انا لازم افتح ابني واوريهو الحاجات دي ماعيب انك تتمني لكن التمني لازم يكون في حدود المسموح به يعني انا لمن اتمني مامعناتو احقق امنياتي تحت مسمي الغايه تبرر الوسيله
انا لازم اوريهم انو التمني مباح لكن تحقيقيو برضوا لازم يكونفي حدود المباح اخدت الموضوع من ناحيه تربويه فقط

الكلمات الاباحيه بتنفس عن صاحبها
وبتخليهو يتمسك بي حاجاتو
وبتخليهو يحافظ علي اكبر قدر ممكن علي فتاة احلامه وتمنياته و العكس
وهنا بتكون الكلامات الاباحيه لعبت دور لايستهان به
اتمني اكون وصلت المعني المقصود
الفوق دا كله ما عندي فيه رأي وكلام صاح في 99 في المية من تفاصيله
بس الحارقاني حكاية الغزل في مرته في حفرة الدخان دي وانه رأيك فيها انها شئ عادي!!!
هو كان قال قصيدة زي دي في بت جيرانهم ساي يكون فيها قولان خلي في مرتو عديل

يسرا مصطفى
14-02-2008, 04:02 PM
الفوق دا كله ما عندي فيه رأي وكلام صاح في 99 في المية من تفاصيله
بس الحارقاني حكاية الغزل في مرته في حفرة الدخان دي وانه رأيك فيها انها شئ عادي!!!
هو كان قال قصيدة زي دي في بت جيرانهم ساي يكون فيها قولان خلي في مرتو عديل

اي راجل بتغزل في مرتوا وبقول اي كلام اباحي لو قدامها ولو مع نفسه
لكن الرمزيه غالبا بتكون هي البتطغي والنقطه دي قتها قبيل
لاسباب زكرتها في المداخله السابقه
شكرا طلال

ود مسمار
15-02-2008, 01:36 AM
الله يحلك يا يسرا يا اختي ... انت البدخلك الحفر دي شنو؟

ودالشيخ
15-02-2008, 08:59 PM
الله يحلك يا يسرا يا اختي ... انت البدخلك الحفر دي شنو؟

ود مسمار

يسو دي بعشرة
اجيب ليك زهير

همسه
15-02-2008, 09:39 PM
عمنا والله انت موش مرسلين ليك من نيالا

دا من غرب الإستوائية ....

البوست دا تحفة البقراهو بحس بنقله حقيقية من فترة طويلة

لكن يقراهو بأفق واسعة وما يتعقد ...



قفذة:

اصلاً انحنا السودانيين بطبعنا الميس عندنا كبير والشخيط عريض

عشان كدا واضحيييييييين في احاسيسنا باللف والدوران يعني بعد عنا

بعد ما يقول المقدمات كلها ...

ذي السفرة الدمشقية كمية من المقبلات ولما تجي للوجبة تكون شبعته وقلت الحمدلله

بس الحريق عندنا واجب ...........!!!

Rami
15-02-2008, 11:50 PM
امبارح انا وقصبة مدالق السيل في ونسه وضحك .. لامن قسمنا الليل .. وكتين النعام اتشقلبمبو الخيل .. لابخلت علي .. ولا جادت علي بالحيل

نفهم شنو يا عمنا من الكلام ده?

Talal
15-02-2008, 11:59 PM
لابخلت علي .. ولا جادت علي بالحيل

دي قريبة من المثقفاتي القال لي ست الشاي: عليك شاي واعملي فيه سكر بسييييييييط زي الما قاصدة كدة!!!

وزي لوريا رخوله التندة
وزي مدفع المانيا الضرب هولندا

ودالشيخ
16-02-2008, 03:38 AM
والله بوست يخشوهو الجاهبذة
الرباعيين علا اشرد منو عديل من غير خجل
لا قدركم ولا لحم سدركم
اديتكم ليهو يا رامي وطلال
ابقو عشرة على همسة ويسرا
ودمسمار ده دبيب ساي

ود علوب
16-02-2008, 08:50 PM
إقتراااااااااااااااااااااااااااااااااااح000!!!

أًطالب بتثبيت البوست ده 000؟؟؟؟؟

طلال :

انا جاي نيالا لكن علي شرط تديني نفس الصنف بتاع رامي وعمنا

يسرا:

اسمعي كلام عمك ود مسمار وامشي احرسي البروفايل بتاعك ( المنطقة محظورة )

ودالشيخ
17-02-2008, 12:25 AM
ود علوب كتا داير اتظهمر بالبوست ده واتمختر
غلبوني يا ود اخوي
تصدق يسرا وانعام طلعو ختيرين
وطلال ده نيالا هنيالا

Bentalneil
17-02-2008, 01:36 AM
بوست دمو خفيف و ما دايرين العقد ياخوانا

الغزل في الشعر او النسيب معروف منذ القدم في الشعر الجاهلي

في الزمن الكان شعراء الحقيبة بكتبوا كلامن دى كان البلد لسه بي خيرا و ما كان في انحلال زي

الانحلال الموجود في الزمن دى و فرص التلاقي ما كانت متاحة زي الايام دي

عشان كدى الناس ديل كانوا بفكوا كبتهم دى في الشعر و كلها حاجات

بصوروها في خيالم و ما عندها اي وجود في الواقع ,يعني الواحد كان شاف ليهو توب ساي معلق فوق

حبل الغسيل يقعد يكتب فوقو شعر وللا كان شاف ليهو نُطع معلق فوق الحيطة يتخيلو مرة و يسرح بي خيالو

لكن تعالوا شوفوا الغنا بتاع اليومين دى اكثروا محترم رغم كثرة الانحلال و ظهور تكنولوجيا التواصل

و كثرة الاختلاط , يعني في النهاية الغنى او الشعر ما بعكس الواقع

Rami
17-02-2008, 01:40 AM
ومن اس العصير جيت بي فريقن حايم ...
لقيت ود الاريل الجادع وريدو ونايم ..
فرع المحلب التحتو القرنفل قايم ..
نفسك مستكه وريقك فطور الصايم ...

ودالشيخ
17-02-2008, 01:42 AM
اشيد بي بنات اخوي
ذات الرأي والفهم واشيد بكل سودانية
بأئعة الشاي دكتورة اشراقة مصطفى
انتو بناتنا وعقابنا وكلياتنا
بنات واماتكم قالو فيكم إح واخوانكم ركزوا ليكم وقالوا سي
بنات التقيلة وابواتكم سي

ودالشيخ
17-02-2008, 01:46 AM
ومن اس العصير جيت بي فريقن حايم ...
لقيت ود الاريل الجادع وريدو ونايم ..
فرع المحلب التحتو القرنفل قايم ..
نفسك مستكه وريقك فطور الصايم ...

ابشر يا اب شرا والله ينخاف منك
يا السمح ضاوي سنك
اسمع بت النيل دي ختيره شوف لينا مشرف يحظرا

afroman
17-02-2008, 09:00 AM
Filipino Dance Craze in Sudan - Dance Evolution

UNMIS DANCE GROUP c/o Mhar Cascato of UNMIS Sudan

afroman
17-02-2008, 09:06 AM
خرطوم المشروع الحضارى..../

ودالشيخ
17-02-2008, 09:07 AM
افرو يا فقري ده شنو
الجن ده
ما معانا يا شخص
مكرينا دي بتسوي لينا اللولي
بعدين الجكس ده بهلوس بس بي عمك
المرة تجي تضاربو
اشكيك لمنو أنا

ودالشيخ
17-02-2008, 09:09 AM
Filipino Dance Craze in Sudan - Dance Evolution

UNMIS DANCE GROUP c/o Mhar Cascato of UNMIS Sudan

tsiuCj5Pkwg
DYWh2-EHO_c


سبحانك اللهم وبحمدك، أشهد أن لا إله إلا أنت، أستغفرك وأتوب إليك

يا ود يا حريف أبو العريف سنة

afroman
17-02-2008, 09:12 AM
المصحيك بدرى شنو......

ودالشيخ
17-02-2008, 09:19 AM
شلاقة يا أفرو أعمل شنو
اتو بخلوكم براكم أجي القاكم سطو لي الواطة

afroman
17-02-2008, 09:29 AM
شلاقة يا أفرو أعمل شنو
اتو بخلوكم براكم أجي القاكم سطو لي الواطة

انا مالى دى فى خرطوم المشروع الحضارى.,,,
بين الاذان والإقامة

Bahasin
19-02-2008, 12:01 PM
ود الشيخ :
عليك بشيخهم القديم واحد كدا اسمو ( دوقلة المنبجي ) شوف اسمو ساي يسوي الخلعة خلي شعرو يخوف عديل ويجيب قوات أممية بس شوف البداية دي الباقي ما بتموا لو دايرو فتش ليهو براك أو جيب أضانك ( وسوسوسوسوسوسو) ":
وهن راب مجسته حشوه ......................................... يا ليلي هوي يا ليلي
أو عمنا محمد أحمد محجوب وعليك بسفره الخالد :مسبحتي ودني ( ديل اتلموا كيف ؟؟؟؟
أها قال الشاعر :
ضاق القميص بطامح **** تحت القميص له شبوب
نهد تكور مثل حق العاج*** توجـــــــه اللهيب
لو كنت أملك أمره****** لتفتقت عنه الجيوب
وهفا يطاول ما يشاء *** وتستجيب له القلوب
مابين صرعي كبروا*** والساجدين لهم وجيب( دا أنقلوا لبوست الكفر في الغناء السوداني )
يانهدها !!!!!ماذا جنى ***** عشاق حسنك هل تجيب؟؟؟؟؟

الزول دا خطير شوف في الفردوس المفقود برضو وكلهم حافظينوا بنات وأولاد :
........................................... والعقد جال بين النهدين ظمآنا
كدا قرض علي كدا

د. محمد حسن
19-02-2008, 12:27 PM
وناس القبلة السكرى

في الوكر المهجور

Talal
19-02-2008, 04:53 PM
والعقد جال بين النهدين ظمآنا
يا بهاء جال على
هو كان وصل مرحلة بين كان كتب القصيدة دي!!!!

ود علوب
19-02-2008, 04:56 PM
طلال:
هو كان وصل مرحلة بين كان كتب القصيدة دي!!!!

يا طلال يا اخوي هو ما بقدر يصل
وبعدين كلام بنت النيل كان واضح
قالت ليكم الناس دي كانت عايشة علي الخيال
والواحد لو شاف ليهو توب معلق في الحبل بقطع فيهو قصيد

النهيد باع فينا واشتري

حاول اشرح البيت ده بينك وبين نفسك وشوف الشاعر ده ختري كيف

Talal
19-02-2008, 07:54 PM
النهيد باع فينا واشتري
حاول اشرح البيت ده بينك وبين نفسك وشوف الشاعر ده ختري كيف
أخوك مازول سوق يا ودعلوب
ضغل البيع والشراء دا أنا كيشة فيه

ودالشيخ
19-02-2008, 08:59 PM
هاكم وتقولوا لي انتو شنو
اخفي ريدي مرة واجهرا نار غرامك ربك يقهرا
عالي صدرك لي خصرك ضرا في جوز رمان جل البرا
الخطيبة وردفك منبرا الشعور البسطل عنبرا
الصدير اعطافك فترا والنهيد باع فينا واشترا
الوضيب اقدامك سترا لقطيهو قلوبنا البعثرا
صيدة غيرك ايه الجسرا تستلم افكارنا وتأسرا
حال محاسنك مين الفسرا يا الثريا الفوق اهل الثرا
جارحة صالح كل ما يحضرا وفي مدينة الجوف ساكن الضرا
الرشيم والرشمة الخضرا زي فريع في موية منضرا
هل حبيبي نسي ام لي طرا يا ام شلوخا عشرة مسطرة
النسايم بالند عطرا ده الدفق لي دموعي ومطرا
حفلة يا ابو الحاج اتذكرا ورنة الصفارة اتفكرا
وهبة بي مزيكتو اتحكرا كم طرب افكارنا وسكرا
البدور النارت مسفرا قاصدة تشتري قلوبنا تسفرا
عبد الرحمن دمت بتظفرا بي نعيم وحظوظ متوفرا

طلولوي ده جبل مرا

Talal
19-02-2008, 09:03 PM
عالي صدرك لي خصرك ضرا
وفي رواية
عالي صدرك لي خصرك برى

وكان متضاري وكان مبري
في الحالتين .............
تموها براكم

ياناس النظام العام
أقبضوا الراجل دا

ود علوب
19-02-2008, 09:03 PM
تعرف يا عمنا

ابو صلاح ده كان ختري جدا وبكاي جدا جدا زي حالتك كده

يبكي بدون دموع

ودالشيخ
19-02-2008, 09:06 PM
والله يا طلال وودعلوب خترين جد
شنو طلعتو جلاكين
ما تخلوها لينا

Talal
19-02-2008, 09:10 PM
أربعة صفحات وما وصلتوا الليلة هوي ياليلى؟؟؟
وشابكني إباحية إباحية
أنا قلت من صفحة 2 الناس ديل بيودونا الخور
لامن تصلوا مرحلة
دقا الباب وجانا وانا جريت ليه ............. ما قصدي الخيانة دايراهو يبيت معانا
وطيارة جوبا ياللبسة الحارما كان ما أبوي أبا أكان جناي حبا
وياأب شرى

أدوني مسكول أأه

Bentalneil
20-02-2008, 04:12 AM
وبعدين كلام بنت النيل كان واضح
قالت ليكم الناس دي كانت عايشة علي الخيال
والواحد لو شاف ليهو توب معلق في الحبل بقطع فيهو قصيد

[COLOR="red"]

زي في واحد لام أحمدشوقي في قوله عن الخمر : رمضان ولى هاتها يا ساقي ,,, مشتاقة تهفو الي مشتاق

قال ليه كيف شاعر كبير زيك يكتب كلام زي دى قام احمد شوقي قال ليه مش ربنا قال ( انهم يقولون ما لا يفعلون)

فحسي شعراء الحقيبة برضو يقولون ما لا يفعلون

ودالشيخ
20-02-2008, 07:02 AM
اسع ده شنو

نضرالله وجه ذاك الساقى
إنه بالرحيق حل وثاقى
فترأي الجمال مزدوج الاشراق
يسبى معدد ألآفاق
كسلا أشرقت بها نار وجدى
وهي في الأصل جنة الاشراقي
كان صبحا طلق المحيا نديا
إذ حللنا حديقة العشاق
نغم الساقيات حرّك أشجانى
وهاج الهوى حنين السواقى
بين صب فى حبه متلاش
ومحب مستغرق فى عناق
وتلاقت فى حلبة الرقص أيدٍ
وخدود والتف الساق بساق
فظللنا والظل والكل هام
فى انسجام وبهجة واتساق
وفتاة تختال تختار كرما
وغرير لمخدع منساق
والغوانى الحسان بين يدينا
تتثنى فى القيد والأطلاق
أقبل الصبح والشهود نهود
مسفراتٍ وما لها من واق
ظلت الغيد والقوارير صرعي
والأباريق بتنّ فى إطراق
إئتنى بالصبوح يا بهجة الروح
ترحنى إن كان فى الكأس باقٍِ
يا ابنة القاش أن سري الطيف
وهنا واعتلى هائما فكيف لحاقى
والمنى بين خصرها ويديها
والسنا فى ابتسامها البراق
كسلا أشرقت بها نار وجدي
فهي في الأصل جنة الاشراق



تقولوا لي مافي اباحية

ودالشيخ
20-02-2008, 07:05 AM
هاتى كأسى هاتى خمرى
ثم هاتى العود هاتى
علنى يازهرة عمرى
انسى آلآم حياتى
هاتى كأسى ملآن خمرة
تبعث النشوة وتملأ
قلبى سكرى ثم هاتى
نظام دردقة وكده موش
يا اخي الناس دي عجيبة يدردقو في الجناين ويقول ليك أنا ما خين
ويقوموا كدي يتجدعو ليك ويقولوا شنو
أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

وكان خلاص اشكعو بقوموا طوالي يهضربو وينتشوا ويتمنتشو

ما بنسي ليلة كنا تايهين في سمر بين الزهور
انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ما بنسي ليلة كنا في شاطي النهر
نتعاطي خمر الحب بكاسات الزهر

سمح الناس الغلابة الزينا ديل نقول
يا قلبي يا مقتول كمد



وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

لكن جناين كسلا كان فيها رحلة متل الفوق مش يحل وثاق بالله يحل بطنو
لاحظو إنه بالرحيق حلا وثاقي
قالوا ليك الزول كان حلف ووقف الكاس ادلعوا ليهو
وحلفو قلبو حنه يا اخي السماحة دي ما بتنقدر
قال حالف قال

يا صادحاً بضفاف النيل غنينى
واذكر ديار أليف جد مفتون

غن.. فإن هوى بالقلب يقتلنى
يبعثر القلب اشلاءاً فيشجينى

وإن حدا الركب عن قرب فخبرهم
بأن فى الحى من تفنى ليأتونى

فهل ترى يحملوا شوقا أنوء به
الى الاحبة فى الأعماق يعيينى[

وان سربت لأرض التاكا خبرها
بمن سبتها فقد تحنو تناجينى

أحبيتى قسماً ما فارقت خلدى
ذكراكمو ابداً.. ولو الى حين

مازلت أذكر نهر القاش منهمراً
والطير تصدح والاغصان فى لين

والورد يضحك والأنسام فى دعة
فأين(قرطبه) فى شهر تشرين

اواه يا كسلا فالشوق يزحمنى
وذكرياتى بذاك الحى تعزينى

ولهف نفسى الى رؤياك يظمئنى
من يأتنى قطرات منك تروينى

ما كان بعدى عن سأم ولا ملل
لكن دروب المعالى تلك تدعونى

فجئت يا كسلا الخرطوم يدفعنى
عزم اكيد له الأمال تحدونى

لكننى لم أجدها مثل ما عهدت
اما رؤوما لفقدى قد تواسينى

فهزنى المى وأشتد بى سقمى
وأشتقت يا حلمى للأرض والطين

للقاش للفاتنات الخضر يطربها
فى الشط فوح أريج للبساتين

للفجر يطلع من توتيل مبتسماً
وللأصيل اذا حياك يحيينى

ودالشيخ
20-02-2008, 07:23 AM
كيف الحياة غير ليمك
في بعدك اصبح حظي
زي لون هضليمك
يا نعيم الدنيا
يا حليف الخدري التايه في نعيمك
ما دام هاجرني ارسل لي نسيمك
وانعش لي روحي بندي جسيمك
او طيب المسك الفايح من تبسيمك
يا اماني حياتي البيك نور اقليمك
يتمنى التبري يلمع كأديمك
مشتاقة الشمس تظفر بي ليمك
تاخد من نورك تلثم لي قديمك
يا فرع البانة المايل في خميلك
من قامتو حبيبي متعلم ميلك
يا البدر التم ما بتم تكميلك
لو ما تجعل لي محبوبي زميلك
سيوف الهندي من لحظة عينك
ليه بيها تصيبني ايه بيني وبينك
غير كوني بريدك وحياة خدينك
كف عني صدودك يا روحي وبينك
ليك حق في صدودك وتيهك وتذليلك
ليك حق تهجرني .. ويكتر تعليلك
ما دام فردي ... على جيلك
تمتاز بالعفة المانعني اجيلك
مع صدك وهجرك لا زلت اريدك
ومنام عيني بين حظوظ جيدك
تيه بي نعيمك مولاي يزيدك
ضيعت حياتي تسلم لي ايدك

AlPrince
20-02-2008, 11:42 AM
خالي يا حنين
وضيوفك الحِبان
اسمعوا معاي ده وكدة
ودوس ولا تبالي
وسلام كتير
http://tabatpeople.com/songs/ahmed/mabansa.ram

http://www.moveed.com/data/media/125/smrbk170a.jpg

و أ ر ح ح ح ح ح ح ح ح ح
http://i166.photobucket.com/albums/u91/mozus2/dance-7.gifhttp://i166.photobucket.com/albums/u91/mozus2/dance-7.gif
http://www4.0zz0.com/2007/08/19/04/52800320.gifAlPrince
الامير الشغل الضمير
http://roselol.jeeran.com/884447269.gif
انا الكت دائما
يا حنين بحسبك
في مسارب الروح
ووين ما اروح
انت معاي
شوق وحنين
وتوأم روح

د. محمد حسن
20-02-2008, 03:56 PM
يا ود الشيخ

فاتح لي عدييييييييييييييل

يعني الا اكتب ليك

ست بتول المدرسة

يا خ مشتاق وبس

ود الامام
20-02-2008, 04:21 PM
ضعنا والنفس فينا ما ندر
الشعر نزل للردف ستر
وزاحم القدم وفيه كم عثر
الصدير قلع والردف نتر
الضمير تعب حالتو في خطر

Bahasin
21-02-2008, 12:25 PM
عمو :
وصلنا وين لسع ما قطعوا الرحط؟؟؟
ياس ايق الفيات ؟؟؟؟عووووووووووووووووك
عمو طلال سأل ما وصلتوا هوي يا ليلى هوي ؟؟
طائر الأحلام يا جميل أصحي

يسرا مصطفى
21-02-2008, 12:32 PM
ود مسمار

يسو دي بعشرة
اجيب ليك زهير

شكرن ياعمنا
جات متاخره
لكن بعد استوعبنا وكده

يسرا مصطفى
21-02-2008, 12:34 PM
ود الزومه قال شنو في محبوبتو آسيا لمن عرسوها وشالها البابور وروح

الكتاب انا حافظوا صم
والشعر بدا ابونا ادم
انتي فيكي اتقطع العسم
وصدرك المصحف للقسم

يوم فراقا انا كت داير اموت
وصفر البابور دار يفوت
البحر صفا ليها مبسوط
وشوف عيني يتشرف الحوت




لووووووووووول
انا بره ولاقت ولا كتبت
دا اصبعيني والكيبورد

Talal
21-02-2008, 12:44 PM
انا بره ولاقت ولا كتبت
دا اصبعيني والكيبورد
نكران شديد يا يسرا آه
وإن عدتم عدنا

ود القبايل
21-02-2008, 01:06 PM
آآآآآى اقعدو اتزواغو لى كدة
اها هاكم
وعلى هذى السفوح المطمئنة
نحن قاتلنا سنينا واغتتلنا
نحن حققنا التجانس فى انفعالات الاجنة

خبئنى بين جدران المسام قبلينى مرة فى كل عام
فأنا أحتاج ان اولد فى عيــنــيك طفلا من جديد
ارتدى لو البنفسج اعتلى شكل الهوية

اححححححححححححح
والمدلدل دا تانى وين نلقى

استغفر الله

يسرا مصطفى
21-02-2008, 01:09 PM
عمنا مهدي كل صباح وانت تفتح فينا جراحات الشعر والشعراء والجمال
اديك قصديه ماعارفه الكتبها منو لكنها تغنت وكانت معبره حقيقي


تفهم من كلمات القصيده ان الشاعر مراقب هذه التلميذه في احد الامتحانات والامتحان طلع صعب علي الطالبه وبكت وقطع فيها القصيده دي

اديك الفي الجراب وشوف براك حجم الجمال دا

قاليها

ربك يهون كل قاسي عليكي لو كان مستحيل لاتبكي ارجوك ياجميل
ياخي الدموع انا بكرهن لو كانوا من طرفا كهيل لاتبكي
ومابرضي فيكي قسم فد دمعه فوق خدك تسيل
شان انتي ماك شبه الدموع تبكي انتي شن بيسوو ديل ( ياربي قاصد ناس طلال) :1; (25):
الامتحان لو قت حار ماتنسي ربك بيك كفيل
ما انتي زاتك حار ومن حرك ادوهن قليل
ما انت ناجح في الجمال والناس محبتها ليك دليل
والحكمه ناجح من زمان يوم اتولدت بلا مثيل
يوم الجمال جابوهو ليك قالولك اعزل منو شيل
ادوك سبيب اسود طوال سود علي ليلي الطويل
فك الرباط بي صفحه مال شوف عييني قرب للكِفيل
وادوك عيون فيهن رموش رامالي ضلها للمقيل
مابمشي فيها ومحل اقيف القاها راميه الضليل
ودوك قوام من خيزران لو داعبه الهبال يميل
ومنك عبير شميتو مسخ علي ريحة الفتيل
اما الضمير قرب يروح بالجوع قفاك بقيت نحيل
وفوقو الحزام خط استواء وقاسمك شمال وجنوب عديل
وادوك قديم خطوة حمام احلامه في التاتي عطيل
فوق البلاط بين الفصول دايرلوا صاح وترس تقيل
انا لاني جاركم لاني اخوك بالصدفه جيت عابر سبيل
جيتكم من اهلنا سليم كيفن ترضي اني افوت عليل
املي الوحيد لو تبتسم تطرح وشيك متل قبيل
واقع وراك لاتقولي ابيت والناس يقولو عليك بخيل


اقع البحر انا والقي زول يقطع فيني قصيده :1; (25):
كف؟ كف شنو يازول قول بسم الله

Talal
21-02-2008, 01:12 PM
وعلى هذى السفوح المطمئنة
نحن قاتلنا سنينا واغتتلنا
كتال حي

قالوا بينقلوا في السلاح ليهم شهر
MBC action

ود القبايل
21-02-2008, 01:17 PM
احححححححححححح
تلال انت سفوه دا ما تأرف ؟

يسرا مصطفى
21-02-2008, 01:18 PM
نكران شديد يا يسرا آه
وإن عدتم عدنا

كيف طلال نكر بت اعمو
انا البخليني ما انكر شنو
عايدين وانشاء الله عايدين يا الله

عدنا وسنعود بعد قليل

Talal
21-02-2008, 01:30 PM
ود القبايل:
تلال انت سفوه دا ما تأرف ؟
داير تغتس حجري مش؟؟
أكون هندي فايته بص في كولالامبور!!!

عساف
21-02-2008, 02:40 PM
ضعنا والنفس فينا ما ندر
الشعر نزل للردف ستر
وزاحم القدم وفيه كم عثر
الصدير قلع والردف نتر
الضمير تعب حالتو في خطر

لو كلماتك يا اخوي يا صلاح بعلق لو ما كلماتك

مافي داعي اعلق

( تعليق بخصوص وزن في اللحن بس ) تطلع مضبوطة اكتر

تحية

عساف
21-02-2008, 02:42 PM
غايتو البوست دا فيهو جنس شتري كدا مبالغة

والامر متوقف على خيال الشاعر

--------------

متابعين حبا في الشعر

ود الامام
21-02-2008, 02:54 PM
لو كلماتك يا اخوي يا صلاح بعلق لو ما كلماتك

مافي داعي اعلق

( تعليق بخصوص وزن في اللحن بس ) تطلع مضبوطة اكتر

تحية



وينك يالحبيب ..

ما كلماتى .. لكن ضروري تعلق..

وهالك ليها كاملة ...







الكواكب

الكواكب احتفلو بالقمر
ام دي روض دريه السمر
اقرب بهجه الاهيف الضمر
وديسو للدروع قسم الخبر
طريت شباك ورشرشو العمر
العيون سيوف تقضي ما امر
وديسو للقدم وصل الخبر
الصدير برز قلع وانتبر
والنهيد رخص لسه ما جبر
وقلبي مالو طار هجا ما صبر
ودمعي مالو فاض شابه البحر
ما طفى العلي من لهيبو حر
عقلي انفقد وقلبي ما انسحر
وتدري بالعلي نجمه السحر
العشق نصيب والغرام قدر
القلوب تطيع امرك الصدر
ونارنا ما انطفت وشوقنا ما فتر
ضعنا والنفس فينا ما ندر
الشعر نزل للردف ستر
وزاحم القدم وفيه كم عثر
الصدير قلع والردف نتر
الضمير تعب حالتو في خطر
خاتم السعود من نجم زهر
الاحتفال ختام نور اشتهر
انتهز فرص ويانع الزهر
وعشته في نعيم مده الدهر..


وجاييك .. بهناك .


تحياتى

عساف
21-02-2008, 04:08 PM
اقع البحر انا والقي زول يقطع فيني قصيده :1; (25):
كف؟ كف شنو يازول قول بسم الله

هسه شعراء البنبر قصدي المنبر

مافي واحد كدا يدق صدروا ويقطع في يسرا دي قصيدة

ان شاء الله الدايرينها تقع البحر جد جد

ما معقول يا جماعة

عساف
21-02-2008, 04:11 PM
وينك يالحبيب ..


موجود يا الحبيب لكن في الشعر بكون مستمتع وانا مشاهد

زي بوستيك الاندياح الخاص في العام


ما كلماتى .. لكن ضروري تعلق..

وهالك ليها كاملة ...


ان شاء الله

ود علوب
21-02-2008, 04:31 PM
العزيز عساف
يسرا دي انا بقطع ليك فيها ابيات لكن برضو مسروقة

يا ضيفة لا تردِي المويي ,,, حرام عليك تشيلي الباغه
عشان هي فااااااااااااضية عليكي تقيلي
اها رأيك شنو

اشرح ليك الابيات

بقول الشاعر للبنت الضيفة الجات ليها في مناسبة في البلد

يا ضيفة ما تجيبي الموية وانت ضيفة حلوة رقيقة
حرام عليك تشيلي جركان الموية مليان كده وهو فاضي عليك تقيل

أموووووووووووووووووووووووووت انا في الرقة

يسرا ما تصدقي

يسرا مصطفى
21-02-2008, 05:03 PM
هسه شعراء البنبر قصدي المنبر

مافي واحد كدا يدق صدروا ويقطع في يسرا دي قصيدة

ان شاء الله الدايرينها تقع البحر جد جد

ما معقول يا جماعة

اي والله ياعساف
نجدتني

Talal
21-02-2008, 05:07 PM
بتكوركي مالك
ما ياهودا ودعلوب شيَلك الباغة
وإنت دايرة تشيلينا القفة!!!
أنا بقع بي قد القفة
وكمان إنتي بي غتاتتك دي يمكن تلزيني عديل وترميني بي أضان القفة عينك يا تاجر

ودالشيخ
21-02-2008, 05:14 PM
http://www.sudaneseoffline.com/forum/image.php?u=2135&dateline=1198937949اي والله ياعساف
نجدتني
ها زوقي زهير بجي بحمر لينا

يسرا مصطفى
21-02-2008, 05:18 PM
العزيز عساف
يسرا دي انا بقطع ليك فيها ابيات لكن برضو مسروقة

يا ضيفة لا تردِي المويي ,,, حرام عليك تشيلي الباغه
عشان هي فااااااااااااضية عليكي تقيلي
اها رأيك شنو

اشرح ليك الابيات

بقول الشاعر للبنت الضيفة الجات ليها في مناسبة في البلد

يا ضيفة ما تجيبي الموية وانت ضيفة حلوة رقيقة
حرام عليك تشيلي جركان الموية مليان كده وهو فاضي عليك تقيل

أموووووووووووووووووووووووووت انا في الرقة

يسرا ما تصدقي

تتعلم فيني آآآآ ود علوب؟؟
نان ماكان اخير رطانه عشان اصدق !!
غايتو (وش يكعوج في خشمو)

عساف
21-02-2008, 10:17 PM
العزيز عساف
يسرا دي انا بقطع ليك فيها ابيات لكن برضو مسروقة

يا ضيفة لا تردِي المويي ,,, حرام عليك تشيلي الباغه
عشان هي فااااااااااااضية عليكي تقيلي
اها رأيك شنو

اشرح ليك الابيات

بقول الشاعر للبنت الضيفة الجات ليها في مناسبة في البلد

يا ضيفة ما تجيبي الموية وانت ضيفة حلوة رقيقة
حرام عليك تشيلي جركان الموية مليان كده وهو فاضي عليك تقيل

أموووووووووووووووووووووووووت انا في الرقة

يسرا ما تصدقي

هو يا ود علوب ما بطال ما مشيت بعيد

البت قالت البحر

وانت جبته فيها حلل وموية وكبابي

يعني قربته كم محاولة كدا

وتفتح محل عرديب

مبالغة لكن يا ود علوب

عساف
21-02-2008, 10:28 PM
http://www.sudaneseoffline.com/forum/image.php?u=2135&dateline=1198937949
ها زوقي زهير بجي بحمر لينا

هي الحكاية فيها حمر لي

خلاص من هسه انا ما معاكم

ودالشيخ
24-02-2008, 08:55 AM
هوي شنو قلبتو لي البوست ونسه دده بوست خاس جدا
بالغنى والشعر السوداني اها هاكم حاجات على الماشي نأنو
عندي ليكم مفاجئات

ما النور الفى حليهو رافل فى حق نهدو قلوبنا قافل
كالظبى الفى مقيلو رافل تاره يميل والتانيه جافل
صدرك يرجح وك... خاسل رنا طرفك للسيف يماسل
ليه ما يجندل كل باسل ساحبه دغس وخدود اسيله


هسع أنا جبت حاجة من عندي أشان أكون إباحي


:1; (25):

يسرا مصطفى
24-02-2008, 12:32 PM
بتكوركي مالك
ما ياهودا ودعلوب شيَلك الباغة
وإنت دايرة تشيلينا القفة!!!
أنا بقع بي قد القفة
وكمان إنتي بي غتاتتك دي يمكن تلزيني عديل وترميني بي أضان القفة عينك يا تاجر


بكورك من التهمييييييييييييييييييش

ماشايف دارفور والجنوب جايطه والسبب كلو التهميش؟
شكلي كده حا اشيل سلاح بعد دا

اعمل حسابك انت وقفتك بنسفكن

يسرا مصطفى
24-02-2008, 12:34 PM
http://www.sudaneseoffline.com/forum/image.php?u=2135&dateline=1198937949
ها زوقي زهير بجي بحمر لينا


لوووووووووووووول
عساف زح كده النزوغ
كلو ولا الحِمير

ودالشيخ
24-02-2008, 03:09 PM
كفى كفاك بعاد حلماتك من كتفاك در ومدام
والراح فى فاك شعرك عاتم وبدر صفاك وحسنا دام

غريزة حياك عيونا تخشى جمال محياك تاخد السام
ويفوح رياك ينعشنى يجيب خمرا جالياك النسام

اسع عليكم الله لو كتب الكلام ده ما كلكم بتحمرو لي


يسو اجري زهير جايكي

يسرا مصطفى
24-02-2008, 03:12 PM
يسو اجري زهير جايكي

عمنا مشتاقين
بالواضح كده

زهير
24-02-2008, 03:14 PM
يسو اجري زهير جايكي

أها أنا جيت وشيلو شيلتكم. :1; (25):

يسرا مصطفى
24-02-2008, 03:44 PM
أها أنا جيت وشيلو شيلتكم. :1; (25):

:1; (56): سمعني ياعمنا قت ليك مشتاقين؟؟:poster_kewlpics:

:1; (66)::1; (145):

انسحب :1; (45):

ودالشيخ
24-02-2008, 08:26 PM
غايتو شوفو براكم والله دي يجي الزول بعشار وعنج
اسمحو لي عمكم قالوا من دقنو وافتل لبهو
هاكم الفتل

ليالي الخير جادن
من المحبوب

نسائم الليل عادن
من المحبوب

شفت في الأحلام ظبى يتهادن
برخيم نغمات خلى تنادن

عبرات الشوق بى ازادن
تلكم أحلام ليت تمادن

شفت الحسن الحافل رافل
في ثياب العز والعز كافل

رانع واحل تايه غافل
لادن هادل ضامر كافل

هادئ ساكن آمن قادل
بهجة هيبة حاكم عادل

لافح فره وطارح سادل
ليل عسعس كاسى الهادل

بوبح جيده وأبصر واقل
ظن مراقب صدق العاقل

قلب المخضوب فوق الفاقل
تل اليمنى ومشى متاقل

رنا متخاوف بارق لجّ
بعضه فى بعضه ترادف لجّ

نصفو تثنى وآخر لجّ
لاطم أمواج من غير لج
رفع الهدب شفت محور
نوره تدفق صعد أتدور

فكر في شئ فضل أتصور
بسم النوار فتح نور

فيه تأمل أيسر بند
لدن المثمر غصنه البندى

مايقه ترقرق شهر الهندي
فوح منو العرف الرّندى

وصحيت ندمان نومي انقل
تناوم غش وقواي كل ّ

حاولت النوم لكن كلا
هيهات يعود الكان ولّى

شوفو التحتو خط

Bentalneil
24-02-2008, 08:54 PM
سمت روحي و عمر الحسود ........ فداه ساعة الوفا


يالشويدن ال أسر ألأسود ......... ليه دانت و جد خوفا

جوز عيونوا المكحولة سود ......... فيها حد الموت و الوفا


يا حليل هاتيك الخدود .......... البهيجة و بدر الصفا

من غرامه النجا يا ودود ......... زاد غرامي و ما انصفا


يا ظبية الروض الصدود ......... شده المفرود اسعفا

لو قفلت الباب و الحدود ........ قول علي يا صاحي العفا


يا غزال التيه و الرهود ........ مهجتي التبريح أرجفا

كيف سلينا و اين العهود ....... صار جزاي الجور و الجفا


فيك جماح المهر العنود ........ و الغزال حين قيل غفا

في وريدك زينة البنود ......... يا الملول الراقد قفا


فيك رشاش حبكت جنود ....... لاح بريق العين كشفا

تحته سيف الصاعقة أم زنود ...... كهرب العشاق نشفا

Bentalneil
24-02-2008, 09:38 PM
الجسم المثل ناعم الحرير و الهندي

بدم الصبا و نور الملاحة بيندي

و لامع شعرك المكشوف لكل افندي

الرسول غتيه يا مهرة ملوك ناس شندي

AlPrince
25-02-2008, 02:13 AM
كيف الحياة غير ليمك
في بعدك اصبح حظي
زي لون هضليمك
يا نعيم الدنيا
يا حليف الخدري التايه في نعيمك
ما دام هاجرني ارسل لي نسيمك
وانعش لي روحي بندي جسيمك
او طيب المسك الفايح من تبسيمك
يا اماني حياتي البيك نور اقليمك
يتمنى التبري يلمع كأديمك
مشتاقة الشمس تظفر بي ليمك
تاخد من نورك تلثم لي قديمك
يا فرع البانة المايل في خميلك
من قامتو حبيبي متعلم ميلك
يا البدر التم ما بتم تكميلك
لو ما تجعل لي محبوبي زميلك
سيوف الهندي من لحظة عينك
ليه بيها تصيبني ايه بيني وبينك
غير كوني بريدك وحياة خدينك
كف عني صدودك يا روحي وبينك
ليك حق في صدودك وتيهك وتذليلك
ليك حق تهجرني .. ويكتر تعليلك
ما دام فردي ... على جيلك
تمتاز بالعفة المانعني اجيلك
مع صدك وهجرك لا زلت اريدك
ومنام عيني بين حظوظ جيدك
تيه بي نعيمك مولاي يزيدك
ضيعت حياتي تسلم لي ايدك

خالي يا حنين
وضيوفك الحِبان
اسمعوا معاي ده وكدة
ودوس ولا تبالي
وسلام كتير
http://tabatpeople.com/songs/ahmed/mabansa.ram

http://www.moveed.com/data/media/125/smrbk170a.jpg

و أ ر ح ح ح ح ح ح ح ح ح
http://i166.photobucket.com/albums/u91/mozus2/dance-7.gifhttp://i166.photobucket.com/albums/u91/mozus2/dance-7.gif
http://www4.0zz0.com/2007/08/19/04/52800320.gifAlPrince
الامير الشغل الضمير
http://roselol.jeeran.com/884447269.gif
انا الكت دائما
يا حنين بحسبك
في مسارب الروح
ووين ما اروح
انت معاي
شوق وحنين
وتوأم روح

عطـــبراوى
25-02-2008, 07:16 AM
والله البوست ده شكلو حينتهي بـ (الليلة هووووووي ياليلى) :1; (97):

تصدق يا زهير المفروض ينتهى بالليلة هوى أو حتى ..
يا ليل يا عينى بتاعت المصريين .

ودالشيخ
25-02-2008, 12:17 PM
والله يا بت النيل طلعتي خترية
شكرا على الاثراء

حبيبنا البرنس الغالي
انت طوالي شارقنا

عطبراوي

اتا قايلو ح ينتهي اسكت ساي لسع
الما خمج جايلك سمح هاك الرمية دي

بتلقاك باسمة كالزهر
المنسق في زمن المواسم
تشوف في مقلتيه حيا ودلال وتيه
واللحظ البجرح والوجد المبرح
انا من دون أصرح
لي قليبي الاصطفاهو
وهسع هناك معاهو



اموت في الجرسة الزي دي

ود علوب
26-02-2008, 01:08 AM
الجسم المثل ناعم الحرير و الهندي

بدم الصبا و نور الملاحة بيندي

و لامع شعرك المكشوف لكل افندي

الرسول غتيه يا مهرة ملوك ناس شندي

بنت النيل
الليييييييييييييييييييلة

عرفنا ركوب العجلة 00!!! الدخلك في حق الرجال ده شنو 000؟؟؟؟:1; (25):

Bentalneil
26-02-2008, 03:45 AM
بنت النيل
الليييييييييييييييييييلة

عرفنا ركوب العجلة 00!!! الدخلك في حق الرجال ده شنو 000؟؟؟؟:1; (25):


اجي يا ودعلوب انت نسيت انو موضوع البوست عن الاباحية في الغنا ؟؟ و اهو انا بجيب امثلة من شعر الحقيبة

Bahasin
26-02-2008, 06:08 AM
بنت النيل :
أها شفتي متل كلامات ناس ود علوب دي ياهو زاتو الخلاهم زمان يقولوا القالوه دا
لآنهم عندهم دا شيء حق رجال ودي شيء حق نسوان ساكت
المسعلة مي كدي المسعلة مسعلة فهم وخد وهات في الهم الثقافي العام ودا ما بمنع أختنا بنت النيل تدلي بدلوها
هوييييييييييييي أنا عارف ودعلوب ما قاصد شيء كعب بس مكاواة وكدا
فتكم بعافية البرد ينخر العضام شوفو أبو بشري يجيب لينا شيء يدفينا

ودالشيخ
27-02-2008, 11:34 AM
اتا يا ودعلوب
اقيف النسعلك غياظ طوال عشان شنو ما تجيب متل
كلام زوبا بت النيل دي

اها كم ده واحد برضو جرسة محاكي من الاسكلا وحلا

داهى العذاب حلّ
وبى تذكارو بتسلى

قلبي الذاب واختلّ
وين بدر التمام هلّ

صفر ودع الوابور
حاجزين قمره أتنين دور

الوابور مرّ بالمجرور
شال ظبيا سكونو خدور

جبل أوليا حبيبي غشا
وحصل في القطينة عشا

يا قلبي الطفش وفشا
الما آليته ينكفشا

حل زى الصقر خوى
بالبدر الدويم ضوّى

عاد لا حوله لا قوّه
حبيبي الليله في الكوه

صباح الخير على ام نفلين
أهني البيها محتفلين

سيد الحسن رب اللين
شرف ...تى والجبلين

هنيئا حان وقت زهاك
الرنك احتفل ببهاك

وين الليله يا النشهاك
يا ليت كنت في جلهاك

يا كاكا الحبيب طلاك
بعده الزاد نفوسنا هلاك

يا ملوط حليل نزلاك
يازمن الفراق نسلاك

بقدومك كدوك أصبح
سوقو من الكساد ارباح

انا من نياحى صرت ابح
كأنى فى مبرك المذباح

زاد من بعدك الانكال
قلبى البالهمومانكال

شاطري العاصمه يا ملكال
توفيقيه صبرى انا كال

شامبى أضحى بيك مسرور
بعد المنقلا يا سرور

يا جوبا حي أنا المضرور
بعده النوم بقى لي ضرور

من دا الهم ما بنجى
حبيبي الليله في تونجا

يا خالق الخلق تنجا
تركاكاحلت العنجا

سلام متنامى ما غبّ
..ما مرّ النسيم صبّ

يرضى ال للعفاف ربى
ويخدم كامل الرتبا

صب يا دمعي لا تكون جاف
وياقلبى البقيت رجاف

البدر الخفا الانجاف
اليوم شرفالرجاف

يسرا مصطفى
27-02-2008, 11:45 AM
عمنا مهدي بالله ول سمحت تاني ماتطول كده ممكن؟
افتقدناك

زهير طلع؟؟ عايزه اقوليك كلام !!
دا بره النص
تلج خفيف كده
افتقدتك ياصباحي والظلام ضارب العشيه
وافتقدك وانت عارف زيي يعشق للثريا
وافتقدك ياهناي وياسعد روحي الشقيه
وافتقدتك ألف مره ولما شمتوا اصحابي فيا

لوووووووووووول
ود علوب بالله أطلع بره لو سمحت ،،

ابوعبيده ولا كلمه ،،

اصلو الواحد مايبوح معاكم ؟؟ مش قتو الاباحيه تاني شنو؟؟

ودالشيخ
27-02-2008, 11:54 AM
عارفة يا يسرا بتي
أنا ما درت افضح زهير والله كان قاعد
وبقرا في كلامك
والله كلام جميل وطلعتي برضك زي زوبا بت النيل
ماك هينة
ود علوب ممكفروض يشجع المادة الثقافية من الجنسين
وأنا البوست قصدة منو نغني لكن منتكلم ولا نكتب نثر
وبعدا نهو هو

ودالشيخ
27-02-2008, 11:55 AM
عدد الأعضاء الحاليين الذين يشاهدون محتوى هذا الموضوع : 2 ( 2 عضو و 0 ضيوف )
أبو بشرى*, زهير


أقبضي هذا الشاب

Talal
27-02-2008, 12:04 PM
الروووووووووووووووووووووووووب

زهير
27-02-2008, 12:09 PM
اتا يا ودعلوب
اقيف النسعلك غياظ طوال عشان شنو ما تجيب متل
كلام زوبا بت النيل دي

اها كم ده واحد برضو جرسة محاكي من الاسكلا وحلا

داهى العذاب حلّ
وبى تذكارو بتسلى

قلبي الذاب واختلّ
وين بدر التمام هلّ

صفر ودع الوابور
حاجزين قمره أتنين دور

الوابور مرّ بالمجرور
شال ظبيا سكونو خدور

جبل أوليا حبيبي غشا
وحصل في القطينة عشا

يا قلبي الطفش وفشا
الما آليته ينكفشا

حل زى الصقر خوى
بالبدر الدويم ضوّى

عاد لا حوله لا قوّه
حبيبي الليله في الكوه

صباح الخير على ام نفلين
أهني البيها محتفلين

سيد الحسن رب اللين
شرف ...تى والجبلين

هنيئا حان وقت زهاك
الرنك احتفل ببهاك

وين الليله يا النشهاك
يا ليت كنت في جلهاك

يا كاكا الحبيب طلاك
بعده الزاد نفوسنا هلاك

يا ملوط حليل نزلاك
يازمن الفراق نسلاك

بقدومك كدوك أصبح
سوقو من الكساد ارباح

انا من نياحى صرت ابح
كأنى فى مبرك المذباح

زاد من بعدك الانكال
قلبى البالهمومانكال

شاطري العاصمه يا ملكال
توفيقيه صبرى انا كال

شامبى أضحى بيك مسرور
بعد المنقلا يا سرور

يا جوبا حي أنا المضرور
بعده النوم بقى لي ضرور

من دا الهم ما بنجى
حبيبي الليله في تونجا

يا خالق الخلق تنجا
تركاكاحلت العنجا

سلام متنامى ما غبّ
..ما مرّ النسيم صبّ

يرضى ال للعفاف ربى
ويخدم كامل الرتبا

صب يا دمعي لا تكون جاف
وياقلبى البقيت رجاف

البدر الخفا الانجاف
اليوم شرفالرجاف

يا أبو بشرى كـوستي دي مظلومة مع مانع الكلمات شوفوا ليها حل.
تخريمة:
بانتظار البوست.

يسرا مصطفى
27-02-2008, 12:25 PM
عارفة يا يسرا بتي
أنا ما درت افضح زهير والله كان قاعد
وبقرا في كلامك
والله كلام جميل وطلعتي برضك زي زوبا بت النيل
ماك هينة
ود علوب ممكفروض يشجع المادة الثقافية من الجنسين
وأنا البوست قصدة منو نغني لكن منتكلم ولا نكتب نثر
وبعدا نهو هو

الله بعلم يا ابوي الحاج انت حجيت؟؟؟ عشان تطلع زابطه
الاحترام خلانا نحس ان والاباحيه معاكم متاحه ومافي زول بفهمنا غلط
يعني في النهايه انتو الخير والبركه

اما ود علوب دا اظنو خايف من الحمام يطير
ماعارفه خفت القلب دي لزومها شنو ياودعلوب ( ولا دي ضربة الصباحيه عشان تودي الولد المدرسه) :1; (25):

تسلم علي البوست
استفدنا منو الكتير
والبركه فيك وفي الاعضاء

يسرا مصطفى
27-02-2008, 12:26 PM
الروووووووووووووووووووووووووب

انت ياطلال حالف تجيب لي نعومه الالتهاب ولا شنو؟؟
قنا ليك اركز وبطل حت

Talal
27-02-2008, 12:30 PM
يسرا:
انت ياطلال حالف تجيب لي نعومه الالتهاب ولا شنو؟؟
هو غير ناس نعومة الخلانا نقول الروب مع سبق الإصرار والترصد شنو؟؟

يسرا مصطفى
27-02-2008, 12:35 PM
هو غير ناس نعومة الخلانا نقول الروب مع سبق الإصرار والترصد شنو؟؟

ورورورورووروروووووووووك
اعترافات خطيره
نعومااااااااااااااااااااااا
اجري تعالي شوفي الشمار
حايمه وين انتي ؟؟

ودالشيخ
27-02-2008, 02:17 PM
بختي البوست جايب زباين
طيب هاكم نواح والتحتو خط خلو طلال يضرب الروري

تيه واتاكا مراض وصحاح
مقله الفتاكا ظبى الرام

خريف وشتاك ميس يابان
المصرى اتاك النسام

البى افتاكا جاب لى رويحتك
لى هتاكا عود يا منام

ما بيغباك شغفى عليك ومتى
متى اصباك تذيدنى هيام

وترينى صباك وتزيدنى عتاب
وحنان نتباكا على الايام

لعلى اراك ضحا تتجلى بطيب
واراك ولو فى منام

ويكون سمراك جوارى تيلاد
وبعض امراك وبعده تنام

كفى كفاك بعاد حلماتك
من كتفاك در ومدام

والراح فى فاك شعرك عاتم
وبدر صفاك وحسنا دام


سمح بكرة بكتب ليكم نثر والله يجي مشرف يقل لي البوست اديهو طوالي
يعني أنحنا حقبة من حقيبة شنو يا ناس

Talal
27-02-2008, 02:20 PM
ويكون سمراك جوارى تيلاد
وبعض امراك وبعده تنام

كفى كفاك بعاد حلماتك
من كتفاك در ومدام

والراح فى فاك شعرك عاتم
وبدر صفاك وحسنا دام

وكما تنبأ أبو بشرى
أوروروروروروروك

ودالشيخ
27-02-2008, 02:26 PM
عدد الأعضاء الحاليين الذين يشاهدون محتوى هذا الموضوع : 3 ( 3 عضو و 0 ضيوف )
ود علوب*, صلاح الامام* إنعام
الشماشرة العاجبوم الكلام

طيب بجيكم بما لذا وطاب واصبح مستطاب

واجيب ليك يا حلو يا مستطاب غني لنا غني

ود علوب
27-02-2008, 02:29 PM
ود علوب يا احباب بعد الحصل ليهو في منامو الخطير داك
قرر ما يكسر تلج ولا يغني ولا يغيظ ما لم يتحقق المنام
عشان الشماته

امووووووووووووت في الحمام
شوربة
وزعلان
وطاير
ومهاجر

إنعام
27-02-2008, 02:44 PM
شايفة شعركم رابى ( مارابى حقة البورد)
والله محن ..
طلال والله بحكم العشرة فى الاوفلاين
اقدرك واحترمك جدا
وكل الاعضاء ..
عمنا مهدى
زهير
يوسو
والجميع
بوست يرسم الابتسامة
ويصنع الفرح المشتت فوق متاهات الكآبة ..


تسلموا ..

ود الامام
27-02-2008, 02:51 PM
عدد الأعضاء الحاليين الذين يشاهدون محتوى هذا الموضوع : 3 ( 3 عضو و 0 ضيوف )
ود علوب*, صلاح الامام* إنعام
الشماشرة العاجبوم الكلام

ي

لازم تحرجونا يعنى ..


(خلي الباب متاكا ...)..

دى بعض كلمات اغنية
بتغنيها مرة سودانية لابسة توب
سمعتها و انا بين صاحي ونايم ..
يعنى ماقدرت اعرف الباقي شنو ..!!

المهم ...

كنا عايزين نشارك بحماس ..
الا الحريم ديل سادات الدرب !!

تحياتى

Talal
27-02-2008, 03:44 PM
ود الإمام
بتغنيها مرة سودانية لابسة توب
سمعتها و انا بين صاحي ونايم ..
صدقناك سمعتها بين صاحي ونايم
لكن التوب اللابساهو المرة السودانية داعرفته كيف؟؟ سمعتوا ولا شفتوا ولا جابوه ليك؟؟
إنعام:
طلال والله بحكم العشرة فى الاوفلاين
اقدرك واحترمك جدا
يا ستي بالأكتر والله (ما مجاملة ربنا يعلم ويشهد)


يسرا يا شمتانة
كلام إنعام دا في لغة الشواكيش إسمه (خلينا اصدقاء وولدي الكبير بعدين حا أسميه عليك)

إنعام
27-02-2008, 03:58 PM
يسرا يا شمتانة
كلام إنعام دا في لغة الشواكيش إسمه (خلينا اصدقاء وولدي الكبير بعدين حا أسميه عليك)

العزيز طلال ..

يوسو كما يسميها زهير ...( شفت التلج دا كيف ) ..

زولة شمارات .. وحركات بهلوانية ..

وعن اسمك :

بس الله يمد فى العمر ..

يستاهل يشيل اسمك ( الولد الكبير ) ..

ويوافق عليه ابوه ..

تخريمة : صلاح الامام لسة واقف جنب الباب .. ماتقرض اصبعك ..؟؟

عطـــبراوى
28-02-2008, 07:39 AM
والله البوست زى ما قالوا رابى .
غايتو انا من ناس الليلة هووووووى .

Bahasin
28-02-2008, 08:03 AM
الأخ عطبراوي :
تعرف طوال وقت امتداد هذا البوست كنت محتار أين ذهب لم لا يدخل ويدلي بدلوه ؟؟؟
وكان عندي رهان أنك حتما داخل داخل لا محالة وها أخيرا دخلت
لكن الليلة هوووووووووووووووووي ما بتحلك خت الشيرنغ بتاعك
بهاء

ودالشيخ
28-02-2008, 08:42 AM
إنتو بتتكلمو لاوندي

يا جومعاه
إبياحية ؤبث




:1; (47):

Bahasin
28-02-2008, 11:33 AM
عمو:
ما دا هو زاتووووووووووووووووو الاباحية والذي منو

يسرا مصطفى
28-02-2008, 12:26 PM
يسرا يا شمتانة
كلام إنعام دا في لغة الشواكيش إسمه (خلينا اصدقاء وولدي الكبير بعدين حا أسميه عليك)

طلال مافي شماته
الموضوع كلو نوري الحقيقه بس :1; (25):
لكن لقيت حريف في لعب البِلي

كم وحده سمت عليك؟؟

يسرا مصطفى
28-02-2008, 12:30 PM
العزيز طلال ..

يوسو كما يسميها زهير ...( شفت التلج دا كيف ) ..

زولة شمارات .. وحركات بهلوانية ..

وعن اسمك :

بس الله يمد فى العمر ..

يستاهل يشيل اسمك ( الولد الكبير ) ..

ويوافق عليه ابوه ..

تخريمة : صلاح الامام لسة واقف جنب الباب .. ماتقرض اصبعك ..؟؟

نعمومه خلي الزمزقه
تسمي عشان كل يوم تتناقروا ويطفش يخلي ليك البيت ؟؟
نو نو مابأيد لو لميت في راجلك دا بحرشوا عليك

قول الروب ياطلال بغير رايي
:1; (25):

ود الامام
28-02-2008, 12:37 PM
ود الإمام

صدقناك سمعتها بين صاحي ونايم
لكن التوب اللابساهو المرة السودانية داعرفته كيف؟؟ سمعتوا ولا شفتوا ولا جابوه ليك؟؟




لا طبعا شفتو
وازيدك بيتين
من الشعر
التوب فنان
و لونه اصفر
و شكله يبهر

و الفنانة..
قمحية
ممتلئة قليلا
لا تخلو من حسن
و جمال
وتيه
ودلال

صوتها جميل
وغناؤها
يتجاوز التطريب
ويقترب من حدود
الترغيب

في يدها اليسرى
تسعة اسورة
من الحجم
الكبير
ويتزين جيدها
بعقد من الجنيهات
الذهبية
وعلى راى من قال
ذهب يلامس
الحرير

وبس ..
دة كل اللمحته
وانا بين نايم وصاحى
والتلفزيون بعيد منى
وغيره ما متذكر شي

وكمان
اكتر من كدة
ما بقدر اقول
ما داير اصرح
يمكن زول يبوح
يمكن قول يجرح ..
يمكن شيء (يروح)
والناس مابتريح ..




كدة كفاية ياطلال ؟

........

واحلى تخريمة ..
وسلام ..
لبتنا الغالية انعام ..
ونقول ليها وليسرى برضو
عشان ما تزعل ..ولكل الاخوات
وجودكم منور ..
الا سادى علينا الدرب ..

تحياتى

Talal
28-02-2008, 01:02 PM
ود الإمام:
لا طبعا شفتو
وازيدك بيتين
من الشعر
التوب فنان
و لونه اصفر
و شكله يبهر

و الفنانة..
قمحية
ممتلئة قليلا
لا تخلو من حسن
و جمال
وتيه
ودلال

صوتها جميل
وغناؤها
يتجاوز التطريب
ويقترب من حدود
الترغيب

في يدها اليسرى
تسعة اسورة
من الحجم
الكبير
ويتزين جيدها
بعقد من الجنيهات
الذهبية
وعلى راى من قال
ذهب يلامس
الحرير

وبس ..
دة كل اللمحته
وانا بين نايم وصاحى
والتلفزيون بعيد منى
وغيره ما متذكر شي
دا لمحته بين صاحي ونايم؟؟
والله كان بقيت وداعيَة ما تشوف زي دا في لمحة
إنت خايف زول يقول ليك بتعاين مالك؟؟

كتبت يسرا:
كم وحده سمت عليك؟؟
في واحدات سموا مش أولادهم بس سموا شوارع بيوت عديل
لكن برضو ما بنيأس

Bahasin
28-02-2008, 01:07 PM
أخي طلال :
يكون دا القالو عليهو :
أمات البنات إتلمو بقوا يلدو عليهو ويسموا
مع الفارق بين الضكر والانتاية في المسألة
لكن تخيل مخرج لذيذ ننسي الريدة ونسمي

يسرا مصطفى
28-02-2008, 01:38 PM
كتبت يسرا:

في واحدات سموا مش أولادهم بس سموا شوارع بيوت عديل
لكن برضو ما بنيأس

كترت المحلبيه ياطلال

Talal
28-02-2008, 02:50 PM
كترت المحلبيه ياطلال
يا يسرا الحركة دي ما مؤشر كويس
دي معناها شواكيش بالطرناطة
وإنسحابات تكتيكية من البنات

ودالشيخ
01-03-2008, 10:34 AM
والله القى البوست مشى في الصفحة االتانية
بس إن شاء الله في آخر الصفحة الأولى
طوالي بستعمل حق الفيتو واثبتوا
ولو جا واحد من المشرفين فكاهو بعمل ليهو نوك آوت

طيب شوفوا الجرسة دي والشحدة الشديدة

وإنتي لمّا الحب يهوِّم
في عيوني ، وفي عيونك
يبقى حائر بالأمارة
الفرح منك يجيني
ويعتريني الخوف عليك
خطوة منك .. خطوة ليك
راجي منك بس إشارة
كلمة تديني البشارة


وغايتو خليل فرح رقد سلطة ساي بالله زي الروم مرة واحدة
وبالمناسبة الروم نوع من الويسكي
يعني شا يف الدم جاري عديل
في النهيد الرومان

شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم

اسع كان قلنا زيو تقولوا قلليين أدب

ودالشيخ
01-03-2008, 06:04 PM
شنو يا أعضاء ما تعبرونا
يا أخوان
والله اجيب ليكم التقيل إمروء القيس ما يلحقو لو فناهو بي نبلة

ود الامام
01-03-2008, 08:47 PM
ود الإمام:

دا لمحته بين صاحي ونايم؟؟
والله كان بقيت وداعيَة ما تشوف زي دا في لمحة
إنت خايف زول يقول ليك بتعاين مالك؟؟




فعلا لمحة .. بس

شكلك مش مصدق ..


ما علينا ....


يجلى النظر يا صاحِ منظر الانسان
الطرفه نايم وصاحي صاحي كالنعسان
فى الضي جبينها النادى والبدر خلان
تجمع لطافة ورقة ونفرة الغزلان
ما بين أن جسيمها اللادن الكسلان
يزرى الحرير الناعم والفريع اللان
دعجة ومكحلة خلقة عظمها الرحمن
بكمال جمال الخلقة وشحها الإيمان
جذب المناظر مننا منظرها الفتان
حين جات تميس تتختل وشفنا فيها البان
بدرى وغمامة ودميه فى فريع البان
وردفاً يتب بدروعه والقديم غلبان
من دون مرور النسمة أم قوام نديان
تجى فى الدروع منقسمة تميل تخذ أحيان
تقدل تتاتى كفيلة ويلعب الطغيان
وتبرع المتبرع وبالخمرة نديان
أنا قلب طار من صدرى يا صديقى عشان
شفت حور الجنة داخل الحيشان

ودالشيخ
01-03-2008, 09:02 PM
والله الناس التفتيحة ديل
بكتلو حيلي
كلو زول يفتش روحو
طبعاً في ناس حلاوة مصاصة سغنونيين
لا قطعوا نجيلا ولا اطوطحوا في مرجحيينة
بس انشروا شرة العدو
سنة يا الشر الما بتنتدر

بالمناسبة المكابرة شينة وبتغلب حريف كوتشينة

Talal
02-03-2008, 12:22 AM
قال ليها:
أحبك ينقطع نفسي
وأضمَك نتفرق واحد
ونتقسم على العاشقين
ونتقابل بدون ندري
ألقاك ولَا تلقيني
لا دايرك معاي عروس
ولا بيك ينجبر ديني

ودالشيخ
02-03-2008, 05:59 AM
قال ليها:
أحبك ينقطع نفسي
وأضمَك نتفرق واحد
ونتقسم على العاشقين
ونتقابل بدون ندري
ألقاك ولَا تلقيني
لا دايرك معاي عروس
ولا بيك ينجبر ديني

بدرى وغمامة ودميه فى فريع البان
وردفاً يتب بدروعه والقديم غلبان

طلال
انت وصلاح الإمام خلاس ماشين بعد هوي يا ليلى
بعدين ما تقولوا ود الشيخ أنا بري منكم
اتو سعبين خلاس

عطـــبراوى
02-03-2008, 07:38 AM
الليلة هووووووووووووووووووووووووووووى ..

Bentalneil
02-03-2008, 10:01 AM
شنو يا أعضاء ما تعبرونا
يا أخوان
والله اجيب ليكم التقيل إمروء القيس ما يلحقو لو فناهو بي نبلة

و الله يا ود الشيخ انا حافظة شعر كتير من اشعار الحقيبة الفيها الكلام مضمون البوست

لكن خايفة من ودعلوب :1; (145):

ودالشيخ
02-03-2008, 01:49 PM
و الله يا ود الشيخ انا حافظة شعر كتير من اشعار الحقيبة الفيها الكلام مضمون البوست

لكن خايفة من ودعلوب :1; (145):

زوبا بت النيل

اسمعي ود علوب ده بعمل ليك ليهو نوك آوت بس اخليهو يتاوق

عليك الله شوفي الجرسة دي قال ليها

يا من الحرير قدما
ويا بنات الحور خدما
كل شئ قسما
ويا طيبت الأسما
عقلي ضاع
ما بين الوجنة والبسمة

غايتو انا قلتا لي ستي رفيقة دربي وبسميها ستونة
مع إنو اسمها نجلاء أستاذة ومربية أجيال غايتو أنا ربتني في الأول
والله ما الخبط ليك عجين :1; (95):
يا أخي خترية شديد خلاس
لومن تحمر لي تختي فيني بيض افقسو ليك

اوتذكري يوما جلسنا فيه
قرب النيل وضاعت الكلمات

والبسمة على ثغرك حالمة
يزينها الخال والوجنات

ومياه النيل تجري بقربنا
كأن صوتها يدعو لنا بالبركات

أنا وانتي والنيل والقمر
ما أحلى الليالي والذكريات


جنس جرسه

ناس شفقانه وبكاية الشر ما بتر يدو

مع إو في الشر ده الغناين السودانين كلهم مشرورين في حبل غسيل
يا نا س عطبراوي قاعد يحرشني في شان
اوريكم بعد يا ليلى هوي
لكن قولوا ليهو نيفا
أنا ما عوير ليهو يجي زهير طاير
المال مال ابونا وناس زهير يحظرونا هو صحي أنا ما كبير على الحظر
لكن سوات الجعلي البحلق ليهو في دقنو عانيهو
وقف ليهو موس الجلاقة في حلقومومو
قال ليهو يا سيدي اتو ما بتدونا بناتكم عشان شنو؟
قال ليهو يا بخيت ولدي اتو طلبتوهوم وانحنا رفضنا

حلة حمد في بحري كيف؟

ودالشيخ
04-03-2008, 01:29 AM
يا خلايق والله أيتوها عضو يفتح لي اقفل ليهو
بيتنا وجيرانا فاتحين نفاج
عبرونا لو في الأثير
على قول كابلي المثير الخطر
ثم على غناء زيدان العندي أنا ما بدي
يا جوماعة أنا خايف من زهير
بس ما داير أقول إنو هو فقري بخوفني
ده قاعد يشطب لي مواضيعي ومشاركاتي ويحمر لي
زهير ده هكر عديل

Talal
04-03-2008, 01:37 AM
ده قاعد يشطب لي مواضيعي ومشاركاتي ويحمر لي
زهير ده هكر عديل
يشطب ويحمر
هي نان المواضيع القاعد تتناولها ما ياها هيلة الشطيب والحمير ذااااتها

ودالشيخ
04-03-2008, 03:45 AM
يشطب ويحمر
هي نان المواضيع القاعد تتناولها ما ياها هيلة الشطيب والحمير ذااااتها

تلال
دي تحريشة وميتة وعقاب شهر
يا أخي اخوك ما سغيير تفطسو ضحك
غايتو الصباح رباح بكرة بنيشكم وما من عندي
نأنو العندي أنا ما بدي
لكن من تراث حقيبة الفن
عليك الله يقول ليها النهيد القدا العراقي
والوداها تلبس عراقي الرجال شنو
عشان ما اكتر بجيب الأغنية والبنات يرقصن
والرجال كورس هوي يا ليلى

وانتو تنقو فينا ولو علمتوا أنها اغنيات خالدات
سمح استمع لعثمان حسين وقبلته السكرى
حتى غفت في صدره نشوانة في الاحلام
ولا احمد المصطفى عليه رحمة الله وغفرانه
احبو واحب تمثيلو
احبو واحب رمان صديرو

موش عليك طوالي تجري لبركات وتشيل كورس
إن شاء الله أجن وازيد في الجن
وإنتو علي ما تحنو


يا اخي ده حرق كروتو وشبابو حلف ساي


دي حقيبة وعلى وزن أغنية الكابلي عندي المثير الخطر


سلام يا المهدي الإمام

عطـــبراوى
04-03-2008, 07:29 AM
غايتو يا بوبشرى لسانك بقى طالق شديد وورقك زايد .
وقربت من الخرف . ويمكن تكون خلاص دخلت .
غايتو ستونا أو زهير واحد بقص لك لسانك .

ود الامام
05-03-2008, 01:50 PM
غايتو يا بوبشرى لسانك بقى طالق شديد وورقك زايد .
وقربت من الخرف . ويمكن تكون خلاص دخلت .
غايتو ستونا أو زهير واحد بقص لك لسانك .


الله يستر على الباقين من الخرف ...


ماعلينا ..

........................



فرع الياسمين المن النسيم يتــنى

سالكه مضمره والتنه فوق التــنه

عب نهوده كتلنا وجاء يكتلنــــــــا

فزنا بالشهادة منو اللقاها متلـــنا

ودالشيخ
06-03-2008, 08:19 AM
والله يا عطبراوي وصلاح الامام
كدي حرشتوني
اها اقيفوا بس اصل المكتب
اوريكم بعد هوي يا ليلى

ودالشيخ
07-03-2008, 01:03 AM
خلاس وصلت الحلقوم جنس ده كيف ؟
هوي يا ليلى ما تفكها بي جردقه
يعني نساقد ما ننوم
نبقى في هوي يا ليلى



كل ما سالت عليك صدوني حراسك
ردو الجواب قاسى مع انى من ناسك

ردو الجواب قالو كم غيرك احتالو
غير صدهم لاشئ مننا نالو

ياقاسى ياقاسى هل يرضى ماقالو
كان انتا ماهاميك ولا حرك احساسك

ياغالى ياغالى يالديمه فى بالى
وجفاك حارمنى من لهجك الحانى

انافى هواك ياجميل تتحطم آمالى
انا برضى بستناك والصبر يحلالى

كل ماشذاك يسرى فى قلبك السحرى
ييقظ لهيب الشوق والهوى العذرى

اهواك ودارى هواك لوينقضى عمرى
انا عمرى بادئ على عطفك واحساسك



شئ لله يا حسن

ودالشيخ
07-03-2008, 10:08 AM
ده خلو بت النيل زوبا تعمل ليهو جمعية السقده والشفقة
نأنو انبرش عديل كده

بوبح جيده وأبصر واقل
ظن مراقب صدق العاقل

قلب المخضوب فوق الفاقل
تل اليمنى ومشى متاقل

رنا متخاوف بارق لجّ
بعضه فى بعضه ترادف لجّ

نصفو تثنى وآخر لجّ
لاطم أمواج من غير لج

رفع الهدب شفت محور
نوره تدفق صعد أتدور

فكر في شئ فضل أتصور
بسم النوار فتح نور

فيه تأمل أيسر بند
لدن المثمر غصنه البندى

مايقه ترقرق شهر الهندي
فوح منو العرف الرّندى

وصحيت ندمان نومي انقل
تناوم غش وقواي كل ّ

حاولت النوم لكن كلا
هيهات يعود الكان ولّى

ودالشيخ
10-03-2008, 06:32 AM
ده ميت كمد قال شنو قلبو هواي
سنه يا رهيف
قلبي المن نشأهو للبنات هواي
من مسكة خنيصرو
المو شديد لاوي
ضربولو الشتيم شاشاهو جاي جاي

جنس جرسة شنو يا أخوانا

والبناتت يرقصو ويشيلن

عطـــبراوى
10-03-2008, 07:29 AM
خطييييير يا بوبشرى غايتو .
الكلام ده بى تجيبوا من وين ؟

ودالشيخ
10-03-2008, 07:38 PM
خطييييير يا بوبشرى غايتو .
الكلام ده بى تجيبوا من وين ؟

لكن يا ابو روان شوف جنس ديل وتقول لي هوي يا ليلى
ليلى ذاتا محتاره وزولك ده عندو غضروف


حبيب العمر يا غايب
بتدرى هواى
بحبك وإنت فى قلبى
نعيم دنياى
وعزّة نفسى تمنعنى
أبوح لى سواى
بآلامى وأحلامى و كل شقاى
ما إنت فى بالى يا حبيبى
ليه غيابك طال
حبيب العمر ما صدقت عنى تغيب
يصبح حالى فى لوعه كشمعة تذوب
وحالى البى لو جربتو يالمحبوب
كنت بكيتو من قلبك ودمعك سال
ما إنت فى بالى يا حبيبى ليه غيابك طال
وحات لهيب الشوق مصيرو رماد

ودالشيخ
13-03-2008, 12:00 PM
عطبراوي شوف ده خارق حارق ولو يموت
الكتوف واقعه
والعيون يا ناس مويتن ناقعه
الوجن قا دحات في الظلام فاقعه
قصدي شبالها وراضي بالصاقعه

ود الامام
13-03-2008, 12:35 PM
ديمه في شكرك جهودي....

وديمه غارق في رهودى

انت أظن عاجبك سهودى......

مسلمه وقلبك يهودي

ود الامام
13-03-2008, 12:38 PM
الكتيف ستى اهدلى....

جارد السبحه بهدلي

فوق بهاك تيهي واقدلى.....

شارع الحاره صندلي

ود الامام
13-03-2008, 12:41 PM
ودى مخسوس عشان ود الشيخ ...

.........................


لحظك دار كؤوسه...

راح الروح سقالى

كنت سمير هناى....

وكنت نشيد مقالي

قصدي أتم شرابي......

لكن ما بقالي

عنب الشام بحبه.....

إلا عصيره غالى...


..........................

وان عدتم عدنا ..

ودالشيخ
16-03-2008, 12:40 PM
صلاح الحبيب
شوف ده من الاول جرسا ساي

عيونك شولة يرتاح
فيها وحيح الجملة

ما قلت ليك الزول ده حوص تب

***
16-03-2008, 12:45 PM
عندما نكتب في المنديات
وطيب ده نقول فوقو شنو عديل كده داير بأي طريقة

داير أشوفو غافل داير أشوفو جازع
محنن ، دون قنلة وحدو وتوبو واقع
يلتجي بي مرافقو وأطراف المضاجع
يتلب فوق شفاهو لؤلؤة المدامع
يردد لي نغيما تشتاقلو المسامع

تحياتي لك ابو بشري
كلام يحوي ايحاءات جنسية بل ليست ايحاءات انما دعوة صريحة للجنس . والغريب أن هذه الأغنية تغني بها المرحوم خلف الله حمد عقودا طويلة دون أن يلقي لها أحد بال.
تحياتي

ودالشيخ
16-03-2008, 01:03 PM
الحبيب عبد الرحيم
شرفتنا والله شرف كبير
يعني هسع لمن تكتب ودي أنا حاسويها بشبك كلمات الاغاني دي في نص نثري
مستخدم كل الكلمات دون ان ابدلها واطلع بموضوع يفكني الله
من الاعضاء طيب الاغنية دي يعني لمن يقول ليها داير اشوفو دون قنيلا
ولمعلوميتك هي كانت بدون قنيلا قالوا ليهو سويتا ظارة
الحق شيل البا يشيلا ولا يخليها الفيهو اتعرفت
وطيب دايرا براها وتوبا واقع يعني ملط دا كان داير امروءالقيس يكون فردتو
ليكم الله وعيشة السوق

ده بالغ داير يهشم ساي كده

جيدو جيد غزلان
في العسين بِـِرعو
والنهيد رمان
ما اتهشم ضرعو

ودالشيخ
18-03-2008, 12:36 PM
الشاعر العبادي الجرسة

الجرحو نوسر بي غور في الضمير
في قلبي خلف الكي
يا ناس الله لي
كان ما الشي قسم وأنا عقلي مداير
ليش عاشق المدلل بيهو شن داير
يمشي الكي قبل وينسف الداير
والديس الغزير لي قامتو يضاير
والمحى المتل قمر العشا الداير
يتب في عجن ويقول لي شن داير
رحماك يا المعشوق طاش الفكر حاير

***
18-03-2008, 04:03 PM
الحبيب عبد الرحيم
شرفتنا والله شرف كبير
يعني هسع لمن تكتب ودي أنا حاسويها بشبك كلمات الاغاني دي في نص نثري
مستخدم كل الكلمات دون ان ابدلها واطلع بموضوع يفكني الله
من الاعضاء طيب الاغنية دي يعني لمن يقول ليها داير اشوفو دون قنيلا
ولمعلوميتك هي كانت بدون قنيلا قالوا ليهو سويتا ظارة
الحق شيل البا يشيلا ولا يخليها الفيهو اتعرفت
وطيب دايرا براها وتوبا واقع يعني ملط دا كان داير امروءالقيس يكون فردتو
ليكم الله وعيشة السوق

ده بالغ داير يهشم ساي كده

جيدو جيد غزلان
في العسين بِـِرعو
والنهيد رمان
ما اتهشم ضرعو
العزيز ابو بشري - أنت الذي دائما يشرفنا فلك الود.
طيب ومن زمان والناس بتسمع كل هذه الاغاني فلماذا لم ينتبه أي واحد لذلك؟ ولى الحكاية دقة ومزيكا ورقيص. طيب ده كان زمان فما بالك بشباب اليوم؟ وانت شايف أذواقهم في كل شيء ، في اللبس و غناء بدون كلمات. حتى الفنان لا هم له سوى الرقص والفنانات سوى هز الوسط. وسمعت أن فنانة تدعي شيرين اتت للسودان والتذكرة بــ 100 ألف ومن كثرة الناس والزحمة ، لم يجد عدد كبير فرصة للدخول مما أدى الي تكسير السور. هل هذا صحيح؟

***
18-03-2008, 05:16 PM
الاباحيه في كتابات الشاعر وامنياته مِن مَن يتمني وممكن تكون شخصيه خياليه لاوجود لها في الواقع
تحياتي - هل تسمحوا لي بالتطفل؟
أكيد مش حاتقولوا لا!
عليه فان كان الأمر يتعلق بالزوجة فهذا من المحرمات التي نهى عنها الاسلام بعدم افشاء اسرار الحياة الزوجية الا في حالات معينة مثل أمر يتوقف عليه حكم محكمة مثلا ( اذا كان هناك مايدعو)
اي اقامة شهادة. فاذا كان الامر كذلك بالنسبة للزوجة فما بال غيرها. أما ان كان يخص شخص مجهول فهو أيضا يصبح من الغناء المحرم( الشعر) الذي فيه ابتذال وفحش والفحش معروف الحكم فيه. وكيف وقد أفضي الزوجان بعضهم لبعض ويكون من ذلك قولا يتناقله الناس. لذلك أمر الدين بعدم كشف العورة - نظر المرأة عورة المرأة ونظر الرجل عورة الرجل. ومنع من وصف المرأة محاسن غيرها حتي لزوجها.
أخوتي أرجو المعذرة . سنواصل غدا والان أذن العصر

ودالشيخ
19-03-2008, 11:14 AM
كما خايف من زهير كنت قلت يا يسو
مشاركتك قيمة النثر والشعر والهضربة في الغناء السوداني بعيدة
عن الاسرة غاية البعد ده كلو ينوحن لي حماماتن
يا عبد المنعم كلامك صاح الشخلعة حقت ناس حمادة بت والشريف بحب فني
ده بعتبرو لقط وسفاسف إمور
أنا قاصد الغزل حق ناس أبو صلاح وجيلو كدي شوف القصيدة التي تغنى بها
المرحوم سيد خليفة ولاحظ آخر الأبيات التي تحتها خط
غنى سيد من كلمات الشاعر حسين عثمان منصور
بي حاجة كدي تودر وتسوقك هناك وتجدعك بي هنا في البوست ده
الزول ده قال يدشدشوه يفركو ورق هو الجرسة ما بخليها
لأنو يا أخي تعبان تعب شديد
بتتذكر القال لي ترباس غني لي يار يت وكتر لي من واتعبتا
ده ود عمو

أغنيات فى شفاه الحب غنّاها الجمال
والمنى يا روح قلبى ليس يفنيه الدلال

أغرقتنى بين أمواج المنى
والمنى شطّ على بحر الغرام
وسقتنى خمر أعناب الهنا
والهنا كأس وهمس وإنسجام
علمتنى كيف أنسى من أنا
وأنا لفظ حرام فى الهيام

يا سقاة الكأس من عهد الرشيد
ما لكاسى ظامئا أبدا وحيد
ونديمى
قد سرى نجما مع الأفق البعيد
حطم الكأس وولى
وانطفأ نجم تلألأ
وغدت
تبكى على شفتيّ أصداء النشيد
ليل وخمر وشفاه
هنّ للقلب لظاه
هنّ إكسير الحياة

شعرها ليل تموّج
صدرها الوثّاب هودج
شفة عطشى وأخرى هى كأس
خمرها نار وجمرة
ليتنى لو ذقتها فى العمر مرة

يعني الضواقة ما فيها شئ هي والزوادة والهوادة
النبي كما ضوقتوهو

ودالشيخ
21-03-2008, 08:35 PM
غايتو بخرم بيكم شوية لكن القصيدة دي ما بشرحا
وناس العربي يموتو بيها دي بس داير الف بيها البوست شمال شوية كدي
وبرضو ده شعر أنا ما قلتو لكن درسوهو لينا في المدرسة
زي غددوت بعد البين ولهانا
وذقت من الم التبريح الوانا

لهفي على وعد وما خلقت إلا لطول بليتي وعد

الوجه مثل الصبح مبيض والشعر مثل الليل مسود
ضدان لما استجمعا حسنا والضد ويظهر حسنه الضد

وجبينها صلت وحاجبها شخط المخط ازج ممتد
وتريك عرنينا يزينه شمم وخدا لونه الورد

وتجيل مسواك الأراك على وتل كأن رضا به الشهد
وبصدرها حقان خلتهما كافورتين علاهما ند

ولها بنان لو اردت له عقد بكفك أمكن العقد
والبطن مطوي كما طويت بيض الدياض يصونها الملد

والفت فخذاها وفوقها كفل تجاذب خصرها نهد
والساق خرعبة منعمة عبلت فطوق الحجل منسد

ولها هن دأب مجسته صعب المسالك حشوه وقد
إذا طعنت طعنت في لبد واذا سللت يكاد ينسد

ومشت على قدمين خصرتا واليشا فتكامل القد
ماشأنها طول ولاقصر في قدها فقوامها قصد

ودالشيخ
27-03-2008, 10:33 AM
إنت عيون الصيد عيونك والبروق بسماتك
إنت ديل نون فوق وجيهك ولا دي حويجباتك
أنا قصدي نشيلك يا أم سوحا المجازي وطاتك
وطاعون القلب عالجية بي نهيداتك

عيون الصيد عيونك والبروق سنانك
والعجوه البيجرولها العيال في لسانك
إنت يا المثلتي تاجوج الشرق في زمانك
هاكي قليبي سوي زراره في فستانك


عالم تعبانة شديد

Talal
27-03-2008, 12:20 PM
وطاعون القلب عالجية بي نهيداتك

هاكي قليبي سوي زراره في فستانك

دا إسمه تبادل مصالح مشترك في عالم الإقتصاد
أما في عالم البوستات الإباحية إسمه (الليلة هووووووووووووووووووووووي ياليلى)

ودالشيخ
27-03-2008, 01:00 PM
طلال
يا اخي ما تشوف بهاء بتاع اللغة العربية ده
بدل ادرس لينا اليابانين
يجي يشح ليا ابقصيدة الفوق ديك

العربي حقي من كمبوني

والله يا طلال اجدعنا ليك في بورتسودان
جديع خمج قبال ما يجي الفقري داك يخرب السودان
والله كنا بنقرأ في كمبوني
طبعا الحمام يومي ومن الصباح
والرداء بكوي لي عسكري عبد الرحمن اخوي
يا زول الجكس ذات اليمين والشمال
بعدين كنا بنصم أي حاجة يا زول الغلت قدامن مو هين
والعجب كان قالوا فيك قر اسبوع تزوغ من المدرسة
بس انا كنتا دلوع ، أخوي قائد سلاح البحرية
والحاكم العسكري لمحافظة البحر الاحمر
الصباح بنزلني في المدرسة بالعربية أم بيرق
واحيانا بمشي انوم مع اختي
عشان زوجها مدير صحة المحافظة برض عند بيرق حق وزارة الصحة
والله ياطلال بقيت ازوغ من الجكس

في واحده من عايلة كبيرة المهم مشيت جبت لي كلبه بيضاء كالثلج
وسميتا فيفي عشان لمن تجي قدام البيت اكورك لي فيفي
واحده من الجكسويات جات وجابت معاها فيفي الاصلية
قالت لي ليه سميتا فيفي وفيفي حقتي فيفي السرور
بحميها كل يوم وما ولد دلعو عندها الشامبوهات
والفتمينان وشامبو عشان شعرا يلمع ويرقش زي ست الاسم
المهم قلت ليها بالتمويه والله فيفي دي بحبها شديد خلاس
قالت لي إن شاء بس ما يفتر
المقصوفه جو لقطوها وأنا رحت في الباي باي
ده خاتني معاهو نأنو البيت مليان بنات
أبوي واحد في اخواتو شبك ليك عبد الرحمن أخوي
عشان مسميهو علي ابوهو
يا ابو البنات يا ابو البنات
انقر ما جابم سبعة بنات دقشه واحد
اها التامن جا ولد سماهو ياسر مرتو حملت مشو يبلبصو
قال وداها العـُمره
جاب ليك التامنه سماها منى
يا زول ما بعرفو سوا شنو الأخير
جا ولد سماهو محمد وقال للوليه قرضي على كده
التاسعة بتحرج موقفو
لمن ناس ابوي حردوا البلد قال هو ما جاي معانا
البنيات بدور يعرسلهم
وحياتك خ...هم منو وخلو اباطو والنجم
غايتو ما شاء بجو الايجازات بإتفاق عشان يتلاقو
تبارك الله وضة ماما صفيه
دي عمت أمي


يا طلال حبوبتي عمة أمي اسما كلتوم ....ا عمدت طوكر
عندنا قرية اسمها إيرم حقتنا برانا
ما فيها إيتو غريب
خيلاني ناس أوشيك وبامكار
ومحد علي استلم العمودية من أبو
بعدين استلما خالي أوشيك
الانقلاب بتاع بورتسودان خالي كان مشترك فيه
قال المك نمر ما أحسن منو فكاها ليك في نص ساعة
في كرن قال إن شاء النسوان بعدو يعقرن

والله لو شفت خيلاني الهدنوية ديل
ما تقول خالتي راجلا دينكاوي مسلم اسمو عبد الرحمن عزام
الله يرحمم كلهم

خالي اشيك قال لي لمن ثورة اكتوبر
والناس تكورك وطبعا ديل الشيوعية
راس القرشي براس عبود
خالي قال لي أبود إرفنا القرشي ناناتو

يعني القرشي ده شنو

قال واحد من اهلنا الهدنوه ديل اشتغل رباطي
لقى واحد بي شنباتو جا يهمبتو
سلا اسيف وقال آدول اقيف اتا قايل بلد ما إندو أسيا
وريني إنك شنو
أب شنب قال ليهو عندي اب سته
قال ليهو لالا سته ريال قليل
جيب نشوف ده دخل ايدو في جيبو طلع ليهو المسدس
قال ليهو يأمنا اتا دول تيب
المهم قلعو ليك هدومو لمن وصل السروال

قعد يتحنس يا أمنا أليك الله سروال خلي
اتا ما تردي لي هقاره

ودالشيخ
27-03-2008, 02:45 PM
يا الجرسوك عليَّ سنة وسنتين شويه



زاهي في خدرو ما تكلم
إلا يوم كلموا و تكلم
حن قلبو و دمع سال
هف بي الشوق قال و قال

باهي كل ما قالو كلمة
خت كلمة كالنبال
لو تراهو .. في سماهو
النور كساهو الجمال
كنت تعلم .. كيف جهنم
تحرق الجنب الشمال الشمال

قالوا ليهو القطر تقدم
و كفرة نيرانا زي جهنم
حن قلبو و دمعوا سال
هف بي الشوق قال و قال
كلموه
ألموه
علموه الإنفعال
أرخى سمعو
و أجرى دمعوا
البرق سمعو .. كال و هال
كم تألم .. ما تكلم
إلا تمتم في المقال
في المقال

زي لسان الرضيع
كليمو
كلامو جوهر و سط بسيمو
ياتو في الجوهر المقال
هف بي الشوق قال و قال
إيدو عندم
ريقو زمزم
طهر مريم في المثال
في المثال
صدرو رمان فيهو عايم
و طرفو ساهي
و حزامو خاتم
و جسمو من نقش توبو شال
هف بي الشوق قال و قال
قلبي دايرو
كيف أسايروا
في مسايرو نجمي ضال
في عيونو
و في سنونو
و من فنونو
الموت حلاال
الموت حلال

Talal
27-03-2008, 02:52 PM
أبو بشرى
قرَط على كدة ياخوي
مشرفينك ديل بيودوك الخور عديل
إنت إتعديت مرحلة هووي يا ليلى وبقينا في الأفلام الثقافية عديل

ودالشيخ
27-03-2008, 10:59 PM
تلولي
أن شاء الله اجن وازيد في الجن
بتعبني تعب شديد لو حلا حلحلا
شديد في شديد
شديد في شديد
شديد في شديد
شديد في شديد
آهـ يا بت النيل النيل آه يا النيل يا جميل النيل يا جميل
ليه من سحر الجنوب نسماتو
ومن طيب طيب زهر الشمال الشمال نسماتو
احبو واحبو نانتو نانتو في الفي وجناتو
احبو واحبو تقديرو واحب رمان صيديرو

ود علوب
29-03-2008, 02:29 AM
عمنا

خفف شوية يا ابوي

طلال ده بضيعك اسمع كلامي أنا

ديل لسه شباب ما بتعمل ليهم حاجة

لكن يا عمنا الشافك في الخور ما كذب

ودالشيخ
29-03-2008, 07:40 AM
والله يا ود ارروك يودوني الخور
بقفلو طوالي والرهيفة تنقد
الفي إيدو القلم ما بكتب نفسو شقي

على ابوتامر
29-03-2008, 08:54 AM
والله انتو الاجرام ذاتو...هاهاهاهاهاهاااااااااااااا الله يجازيكم
قلته لى الزول داك قال شنو يا منو...؟
هسه ديل اخير منهم..
دق الباب وجانا..

ودالشيخ
29-03-2008, 09:00 AM
ابو علوة
إنزيك والله مرحب بيك اسع بجيب ليكم من بيت الكلاوي
قال مسخت العزارى
يعني طاعمة شديد
قال يمتع بيها عيوني ويضوق في فاها السكر

ودالشيخ
07-04-2008, 12:21 PM
فقلت وا ظامي الوشاح
تحسب قلوب اهل الصلاح
ما تعشق الغيد الملاح
تقفيل
كم من تقي يازينة الاشـله
وياسحور المنطــــــقِ
يطيش عقله ويعيش مُوَلّه
حين تنطقي او ترمقي
بيت
من حاد حسنك يا طويلة الجيد
ومن سمع منك الكلام
وكَّلتِ طرْفه ببِكا وتسهـــــــــيد
واغريت قلبه بالغرام
ما خضَّبوا خدك فويق توريــــد
وقلدوا جيدك نظـــــام
ولا نُسِج لك ذا الجمال حُــــــلِّه
يا ريم الَّا تعشــــــقي
توشيح
لما خطرتي يا رداح
شلَّ الشِّلال قلبي وصاح
كما يصيح دامي الجراح
تقفيل
حين قلّدوك الزهر والاهلِّه
يا ريم سفح الابـــــرق
والفت فشلَّت قلبي الاشــلِّه
فصحت شاطيح ارفقي
بيت
اح يا رداح بالله قفي وشُقّي
قلبي بصــــــــارم اعينك
وفتشي قلبي عسى تــــرقي
--حين تنظري اين مسكنك
هواك مــــــلَّكْ مقلتيك رِقِّي
وفي عــــــــــيوني زيّنِك
اصبحت عبدك احكمي بذِلِّهْ
بيعي والا فاعـــــــــــتقي
توشيح
عتقي التزامك في العناق
واحل طوقك والنطاق
والثم فمك حالي المذاق
تقفيل
واشتَمّ ما ورد الخفر بقبله
من وجنتيك حين تعرفي
ونلتقي داخل خِبا وكـــــــِلِّه
قريـــــب على الله نلتقي


بري ما قلتو دي شرحبيل بغنيها اجيبا ليكم كلها

ودالشيخ
09-04-2008, 08:53 AM
ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت



والله جنس جرسه بالله كأنو الواحد شافوم
قال انجذبت ما وصفك ده البنية مغناطيس ساي

***
09-04-2008, 09:58 AM
الشاعر العبادي الجرسة

الجرحو نوسر بي غور في الضمير
في قلبي خلف الكي
يا ناس الله لي
كان ما الشي قسم وأنا عقلي مداير
ليش عاشق المدلل بيهو شن داير
يمشي الكي قبل وينسف الداير
والديس الغزير لي قامتو يضاير
والمحى المتل قمر العشا الداير
يتب في عجن ويقول لي شن داير
رحماك يا المعشوق طاش الفكر حاير

أبو بشرى لك التحية مجدداً
يا أخي بعض الأغاني تشبه شعر ود العيلفون سابقاً- لو سمعت عنه وإليك بعض من أشعاره - كما سمعتها:
حبيبتي ماشه على البرميل ************** أشرت ليها بالمنديل
كش كشحت الوساخة
يا البتشيلي مننا النار في القلاي *********** حبك موجعني في كلاي
أهلك حموك ولى الحكاية شنو
يا الزارعــنو في الباقــــــير *********** يا الحارسنو من الطير
ما قالوا المطر في بلدنا كتير ********* ما تراه في المناقل أكتر

ودالشيخ
09-04-2008, 02:09 PM
زولك ده زي داك
قال
طلعت راس البيت اعاين الهوا
ونظرت محبوبي وقلبي انكوا

عبد الرحيم وحات ابوك ما تضرب لينا ابوست
زي ده كتير بجوك متلبين والله بضحك

***
09-04-2008, 02:21 PM
زولك ده زي داك
قال
طلعت راس البيت اعاين الهوا
ونظرت محبوبي وقلبي انكوا

عبد الرحيم وحات ابوك ما تضرب لينا ابوست
زي ده كتير بجوك متلبين والله بضحك

أنا عارف يا أبو بشرى لو سمعوا ، بوستك ده حايقيف في جبال إفرست

ودالشيخ
10-04-2008, 11:48 AM
اها ده قال صدرها قيافة ونهيداتا برتكان يافا


CZ508BMI250&hl

ودالشيخ
13-04-2008, 10:26 AM
أنا عارف يا أبو بشرى لو سمعوا ، بوستك ده حايقيف في جبال إفرست

عبد الرحيم الحبيب
افرست شنو يا اخي والله ديل يسيحو ليك تلجو ظاطو
كدي شوف الشايقية ديل بكايين كيف

لما شفتك قلبي دقا واهدي للزمن ارتعاشا
والعيون في عز خريفا عانق الاحساس دعاشا
الخطاوي تراها ماشي ماني عارف وين هي ماشا
والربيع فوح زهورك في انتطارك يافراشا

غنا في اعماقي صوتك غنوة الشوق والصبابه
والبرق لاح من سنونك داعب احلام السحــــابه
الحنين الفي عيونــــــك بدد الهم والكئــــــــــابه
والمشاعر الشارده جاتك ما لقين ميعاد ايـــــابه

يلا ارحلي توهيــني فيني الـــق الزكري بـــــاقي
الحذن لمن افارقـك بلقي في صــــــوت السواقي
مدي ايديك وانـقــــذيني مـــددي جسور التـــلاقي
داير القاك جـــمبي دايما تطــفي نيران اشتـــياقي

بي صراحه الدنيا اجمل من نعيشا اسي وتجــافي
شيلـــــو وعــــد اللقــيا واقع لفجر بشرق تصافي
النخل قمريه هاجـــــر والنجم في سمـــــانا مــافي
والظلام ياحلوه خـــــــيم في انتـــظار انـــك توافي

لما شفـــــتك نور امـــامي ما قـــــدرتا اديــــك قفــــــايا
امشي وين عاد انا من عيونك وانت اي مكان معــــــايا
اعزرينـــــي اذا اتنظرتـــــك زهره في عتـمور شقـــــايا
وسامحيني عشان بقولك طيري طيري حلقي في سمايا

ودالشيخ
14-04-2008, 09:11 AM
من مدافع صدرو قلبي صابو رايش
علي الذكري الجميله تراني عايش

وده ما اختشى كلو كلو

اغنية الفريد في عصرو

قال ليها
اهدي لي منفضلك نظرة من رمانك

والله كلو ذوق بستأذن كمان

محسن الفكي
09-10-2008, 09:12 PM
.........................................

خالد الكيجابي
11-10-2008, 12:10 PM
عندما نكتب في المنديات موضوع يتناول الحب والعاطفة
وعندما ندخل بعض الكلمات هاج وماج الأعضاء
واستنكروا هذه الكلمات ولكن نغنيها فهي عادية
لما كل هذا التناقض في موضوعي هذا لن اكتب من عندي ولكن
مقاطع من الأغاني التي ترنم بها الفنانين ورددها الناس
هذا اول مقطع
أقول ليه تعال لى نجلس جلسة غزلية
أمتع فيك عيني أشوفك وأنسى ألامي

وده سواها واضحة والبيت يحمل كل المعاني
وقلبي لي سواك ما شفتو مال
خذيني باليمين وانا راقد شمال

وطيب ده نقول فوقو شنو عديل كده داير بأي طريقة

داير أشوفو غافل داير أشوفو جازع
محنن ، دون قنلة وحدو وتوبو واقع
يلتجي بي مرافقو وأطراف المضاجع
يتلب فوق شفاهو لؤلؤة المدامع
يردد لي نغيما تشتاقلو المسامع
الاباحية في الغنا السوداني
ياعمنا دا باب بجيب الهوا .. جزء مش شوية من غنا الحقيبة اتقال في اولاد (وش غاضب شديد)

ودالشيخ
31-10-2008, 10:49 PM
طبعا البوست ده انا طلعتو مرة تانية لغاية في نفس يعقوب

المهم بالله رايكم شنو في
با حبيبي انا عيان

ود علوب
31-10-2008, 11:39 PM
والله يا عمنا انا عاجبني المقطع البقول

النهيد باااااااااااع فينا وأشتري

والعندو كلام يمشي يقولو لكاتب الاغنية او للمغني

أبومهند العيسابي
01-11-2008, 03:21 AM
ياود البشرى ،،،،،،،،، تحياتي
قمت بالمرور ،،،،،،،،،،،، ولاتعليق ،،،،،،،،،،،،،،،،،،،، :1; (34):

ودالشيخ
06-02-2009, 10:34 PM
ود ارروك
يا الحبيب لزوم التخفيف وابقى حريف هاك السمده دي
مداح عيونك ومشتهيك
مهما تجور بنزف واجيك
لا بقسى لا بزعل عليك
لانك انت تهمني


يعني مافي ليها طريقة

ودالشيخ
10-02-2009, 04:43 AM
فــــــــــــــــــــــــــــــــــــوق

ودالشيخ
12-02-2009, 10:49 AM
دي اباحية من سنة 1941 لاحظ التحتو خط

سنة 1941 لحن وغناء كرومة
ما بنسى ليلة كنا تايهين في سمر بين الزهور أنا وأنت والنيل والقمر
وين يا جميل يوم كنا تايهين في سمؤ
من انسنا اتمتعنا بي جني الثمر
كم قلبي بالأنفاس لأنفاسك غمر
الجو سكر من ريك اتعطر خمر
ما بنسى ليلة كنا في شاطىء النهر
نتعاطى خمر الحب بكاسات الزهر
والبدر مزق ظلمته وسفر ازدهر
في النيل سطع بي نوره واتقطع بهر
الليل هدأ والجو صفا وغاب الأتر
النسيم يجيب من توتي أصوات النتر
انا يا جميل بي صوت ضميري المستتر
من شعري كم اسمعتك ألحان في وتر
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف يا حبيب خالين من قدر
في هوانا لا واشي ولا مراقب حذر
أنا بي غرامك يا حبيب دمعي انفجر
انا غناك ايقظت سكان الشجر
قبال اراك انا كنت في حيره وضجر
اليوم حظيت بلقاك يا ظبي الحجر



تاني تعالوا قولوا لي مرق العنقريب اتكسر

Talal
16-02-2009, 03:20 PM
طبعا البوست ده انا طلعتو مرة تانية لغاية في نفس يعقوب
طبعاً أنا رفعت البوست دا عشان نشوف يعقوب ذااااااتو

ودالشيخ
21-02-2009, 09:45 AM
يا طلو يعقوب جاك بالذي منو لاها هاك

وديسو للقدم وصل الخبر
الصدير برز قلع وانتبر
والنهيد رخص لسه ما جبر
وقلبي مالو طار هجا ما صبر

وكمان اتصبر وهاك

عالي صدرك لي خصرك برا
فيهو جوز رمان جلّ البرا
الخطيبة وردفك منبرا
الشعور البسطل عنبرا

هو انت يل طلو شفت حاجة هاك كمان

والصدر البى النهد برز قلع
تقلو رجح بالضمير الانتحل

والكفل في المشيه يقلع ويتنتل
زى مشية المهره في الطين الوحل

وازيدك يا كلو ابيات

شوف صديرا المزالفا
شوف ضميرا الموالفا
من كفيلا المخالفا

هسع كان الواحد كتب زس ده يجيك أبو زوز يوديهو غي الباي باي
لكن نعيهو ما فيهو حاجة سمح خلينا في الغنا الدقاق ده

دي يا طلو وصفوها وهي بس بترقص


الناحر فؤادى مولع جوفى حر
أضرم نار وجدى نسام السحر
الكتف المهدل والجسم انبتر
والغيم المزمزم والصاد والتبر
والضهر المتنى والتيه يا الابر
دا الخلانى ساهر ماء عينى تبر
لاحم كتفه كفله ماج جيده الوفر
عمعم ديسه درعه فى بعضه انضفر
حاكى الغيم تعرجن يا غالى النفر
قول للوزة غورى فى عينك ضفر
ما أطراك حبيبى الا وقلبى فر
اتلظى واكظم الغيظ الوفر
ينعش روحى طيبك لو بدرك سفر
زى ما بى تفعل ذنبك مغتفر
شاغل غير شواغل بى سوحك مرر
على أسمعن من فاهك درر
من فولاذ قليبك وكبدك من حجر
ما أحلاك عندى إن زر أو هجر

وخاتمة وليس آخر ما زالت السفاهة طفل يحبولاحظ التحتو خط

لو ما الشيء قسم
وانا عقلي مداير
ليه عاشق المدلل
بيهو شن داير
يمشي الكي قبل
وينف الداير
والمحي المتل قمر
العشا الداير
والديس الغزير
لي قامته يداير
يجيك بي عجن
ويقولي شن داير
رحماك ياعشوق طاش
الفكر حاير
ياناس الله لي

وما زال في .... نغس يعقوب الكثير

زهير
21-02-2009, 10:06 AM
والديس الغزير
لي قامته يداير
يجيك بي عجن
ويقولي شن داير


وما زال في .... نغس يعقوب الكثير

أحححححححححححححححححححححح ..
أبو بشرى صباحات خير
جينا نسلم وبث ..:1; (80):

Talal
22-02-2009, 03:17 PM
وديسو للقدم وصل الخبر
الصدير برز قلع وانتبر
والنهيد رخص لسه ما جبر
وقلبي مالو طار هجا ما صبر

وكمان اتصبر وهاك

عالي صدرك لي خصرك برا
فيهو جوز رمان جلّ البرا
الخطيبة وردفك منبرا
الشعور البسطل عنبرا

هو انت يل طلو شفت حاجة هاك كمان

والصدر البى النهد برز قلع
تقلو رجح بالضمير الانتحل

والكفل في المشيه يقلع ويتنتل
زى مشية المهره في الطين الوحل

وازيدك يا كلو ابيات

شوف صديرا المزالفا
شوف ضميرا الموالفا
من كفيلا المخالفا

غايتو الناس ديل بيصفوا في مناطق (التماس) دي بصورة غريبة

زمان ما كان في إختراع إسمو (البتاعة البيلبسوها في الحتات دي)** ولا شنو؟؟



**كان كتبت إسمها قطع شك بيرفدوني من المنتدى

ودالشيخ
22-02-2009, 03:46 PM
زمان ما كان في إختراع إسمو (البتاعة البيلبسوها في الحتات دي)** ولا شنو؟
**كان كتبت إسمها قطع شك بيرفدوني من المنتدى


يا أخي عارفك قاصد كبوت العربية موش ؟

ورح ارح

شوف صديرا المزالفا
شوف ضميرا الموالفا
من كفيلا المخالفا

خالد الكيجابي
17-03-2009, 03:16 PM
للمزيد من تسليط الضوء

Talal
17-03-2009, 04:18 PM
تسليط الضوء في صفحة تمانية
دي يازول كان فتحتها بتشم ريحة الدخان طالعة عديل

ودالشيخ
31-03-2009, 03:25 PM
ضيف يشاهد موضوع
الإباحية في الغناء السوداني
قاعد يا طلال في الصفحة 8

Talal
31-03-2009, 03:30 PM
قاعد يا طلال في الصفحة 8
الضيف ولا الدخان؟؟
القاعد في صفحة تمانية

ودالشيخ
31-03-2009, 03:40 PM
والله يا طلال عندنا جنس جو فول شنو جو سمك
اسأل ناس الغربية بهمبريب صحراء كمان

والدحنة اسكت ساي

http://www.art.gov.sa/vb/imgcache/3682.png

Talal
31-03-2009, 03:58 PM
والله يا طلال عندنا جنس جو فول شنو جو سمك
اسأل ناس الغربية بهمبريب صحراء كمان
ناس الغربية منو؟ظ
بسألكم ليك
لكن عجبتني بهمريب صحراء دي

والدحنة اسكت ساي
كيفن ما بسكت عاد؟؟

ودالشيخ
23-04-2009, 11:33 AM
والله صدق المتوله ده
قال الشالت قلبي دابا صغيرة
ولا في خجل
لكن صدق والعجب السيسبان النادي
الودر رويحتي لي غادي
خلاني احاتي وانادي
يا قلبي انت ما سبب عنادي
الوداك شنو بي غادي

ودالشيخ
23-04-2009, 02:17 PM
عناكبGoogle يشاهد موضوع
الإباحية في الغناء السوداني


هلا عم قوقال عندكم الليلة قعده

خالد الكيجابي
13-05-2009, 02:25 PM
_____________________________

kijinki
13-05-2009, 03:36 PM
الطابق البوخه
قام ندى يهتف
نام من الدوخه
ايدو عاقباه
الجدله مملوخه
لى معالق الجوف
موسو مجلوخه

كفاك ياابوبشرى

kijinki
13-05-2009, 03:59 PM
وتانى هاك

يا خليل دقق

الجمال والذوق فيهو متحقق

الكفل عالى والحشا مرقق

والقديم في البيت كان مشى يبقق

ودالشيخ
14-05-2009, 01:21 PM
بالله شوف لمن يتم الحت يقول يا ناس الله لي
كُــــر

ودالشيخ
11-09-2009, 10:38 PM
عناكبMSNBot http://www.sudaneseoffline.net/forums/images/misc/question_icon.gif يشاهد موضوع
http://www.sudaneseoffline.net/forums/images/misc/subscribed.gif الإباحية في الغناء السوداني (http://www.sudaneseoffline.net/forums/showthread.php?t=14662)



طاف بعمنا الحنين طاف بيهو الشجن
قال متين تصلو هوي يا ليلى هوي



عدد الأعضاء الحاليين الذين يشاهدون محتوى هذا الموضوع : 2 ( 1 عضو و 1 ضيوف ) أبو بشرى (http://www.sudaneseoffline.net/forums/member.php?u=836)*

Talal
12-09-2009, 05:22 PM
يا أخواننا
الدنيا رمضان!!!!

خالد الكيجابي
26-09-2009, 11:18 AM
يا أخواننا
الدنيا رمضان!!!!
رمضان ولى................

اماسينا
26-09-2009, 04:45 PM
في واحد في حتة كدا شبكني خليك موضوعية وكدا..
اها ما حصل فتحت بوست لقيت الناس بيناقشوا في الموضوع الاساسي..
غايتو.. نهايتو..
انو الشعر الوصفي هو احد اهم انواع الشعر عند العرب.. وبما انو اخواننا الزمان من شعراء الحقيبة كانوا متأثرين بالحاجة دي فبقت اشعارهم جلها وصفية.. والعرب زمان زي ما عارفين وزي ما ذكر هنا برضو كانوا مغرمين بالشعر الغزلي.. حتى بشار بن برد.. وكان اعمى منذ مولده.. كانت معظم اشعاره غزل وصفي في النساء..وحتى لما قاموا يكتبوا مدائح كانوا بيبدوها بالمرأة مع انو ماف اي علاقة بس كان ما جابوا سيرة ود النمير الكلام ما بسير..

Talal
26-09-2009, 04:50 PM
والعرب زمان زي ما عارفين وزي ما ذكر هنا برضو كانوا مغرمين بالشعر الغزلي


هسة عليييييك الله
المكتوب في البوست دا غزلي؟؟
دا قلة ادبي عديييييييييييل
وإباحي
ويمكن المادة 152 لبنى ذاتو!!!

اماسينا
26-09-2009, 05:00 PM
هسة عليييييك الله
المكتوب في البوست دا غزلي؟؟
دا قلة ادبي عديييييييييييل
وإباحي
ويمكن المادة 152 لبنى ذاتو!!!

ما هو الغزلي كان شنو عند العرب؟؟ ما ياهو من نفس النوعية المذكورة هنا دي..
احنا بنناقش في نوعية شعر والا الفكرة في انها جاتكم لحد عندكم يعني؟؟
ياهو دا الشعر من اهلو البدوهو (العرب) ولغاية ما وصل عندنا.. يعني اهلنا ديل كانوا بيقلدوا فقط لا غير..
وبعدين الشعراء يتبعهم الغاوون يا طلال.. والمدينة الفاضلة لسة ما اتوجدت.. دا اضافة لي انو التعبير حق من حقوق البشر.. لانو الكبت يولد الانفجار.. احسن يتغزلوا ويبيحوا بالشعر بدل ما يستبيحوا اعراض الناس في الحقيقة ويلبدوا ليهم في الشوارع..
اهلنا الكتبوا الشعر دا ما كانوا بضايقوا النساء او بيتعرضوا ليهم في الحقيقة.. اهو ماسكين في غناهم دا وكافين النسوان شرهم..

بعدين المادة 152 دي زاااتا المعترف بيها منو عشان تبقى مقياس بالله؟

ودالشيخ
29-09-2009, 09:34 AM
اماسينا سلام
مع احترامي لوجهة نظرك لكن خليني ادلي بدلوي
دقي على عمنا قوقال واكتبي الشعر الاباحي عند العرب
غايتو بتجيك رؤس الاقلام دي
1- الغزل الاموي (الاباحي والعذري) - ديوان العرب (http://www.diwanalarab.com/spip.php?article14329) ( يعني فرق بين الاباحية والغزل )
2- الـشعر الاباحي.. والكبت العاطفي..!!
3- الاباحية والتمرد … فى شعر نزار قبانى
4- الأدب المكشوف جرأة أم ابتذال مبدعون عرب يبحثون عن الشهرة
:1; (34):

وقيسي على كده وده على سبيل المثال وأنا مؤيد لكلام طلو الناس ما بتملو

خالد الأمين
20-10-2009, 09:55 AM
يا خال كده كيف

امتع بيها عيوني
اضوق في فاها السكر

الضواقة دي بالملعقة يعني مثلا

ودالشيخ
20-10-2009, 10:20 AM
خالد
ده زول مسكين ساي كدي هاك شوف
المتطلعين بالمعرفة والخبرة

فتاة لقيتها تجني ثمر السنط
في انفراد الغزال
تمنح الغصن أسفل قدميها
ويداها في صدر آخر عال
فيظل النهدان في خفقان الموج
والكشح مفرط في الهزال

afroman
01-12-2009, 12:24 PM
لو لبنا الله يهدينا و يهديها اول واحدة إتقال فيها الكلام ده قدام الناس...
الكلام الفي البوست ده إتقال في ناس من بوركينا فاسو )زي ما المصرييين بقولو(

Talal
01-12-2009, 12:40 PM
يا أفرو ياخي ماتلخبت الكيمان

هسة العشرة صفحات ديل
في واحد فرنسي مؤلف ليهو بيت شعر في سودانية؟؟

زيتنا في بيتنا عادي لكن للغرباء لاع والف لاع!!!!

afroman
01-12-2009, 12:52 PM
قلتا كدة....سمح

ودالشيخ
18-12-2009, 09:08 PM
يا أفرو ياخي ماتلخبت الكيمان
هسة العشرة صفحات ديل
في واحد فرنسي مؤلف ليهو بيت شعر في سودانية؟؟
زيتنا في بيتنا عادي لكن للغرباء لاع والف لاع!!!!

بالله يا طلال كلمو
وقليهو فريع البان والسيسبان واحب شغرؤنا

afroman
19-12-2009, 09:26 AM
فريع البان والسيسبان والله خليني ساكت..
لو في زول من الناس الكتبو الكلام الإباحي ده جاء شاف الحور الحواليني ديل
كان غير مسار الشعر السوداني و العالمي و الإباحي...