المساعد الشخصي الرقمي

مشاهدة النسخة كاملة : معادلة الشهادات العربية الى الشهادة السودانية ؟؟؟؟


الشفت
17-05-2005, 07:31 PM
نتيجة الشهادة السودانية على الابواب
ثم من بعدها سيكون التقديم للقبول في الجامعات السودانية
ومعها تظهر المشكلة السنوية

معادلة الشهادات العربية بالشهادة السودانية

هل انت مع المعادلة ام ضدها ؟؟؟؟؟

الرجاء بعد التصويت في الاعلي
وضع الاسباب ان امكن في كلت الحالتين

خالد الأمين
17-05-2005, 07:36 PM
بالطبع ضد المعادلة وضد انقاص درجة طلاب الدول العربية ولكن لو كانت المعادلة من حيث انها تعادل الشهادة السودانية اسوة بالشئ المعمل به في دول مجلس التعاون فلا مانع علما بان الدراسة وخصوصا في دولة الامارات صراحة المنهج قوي وما يجنيه اولادنا ثمرة جهدهم فلم الإحباط ولكا يحسسوا بأن تعليمهم ناقص

محمد عبدالرحيم
17-05-2005, 07:41 PM
يمكن تطبيق المعادلة على شهادات بعض الدول العربية على ان لاتكون هي الاساس

الشفت
17-05-2005, 07:42 PM
اود ان انوه ان المقصود هنا
معادلة الشهادة لغرض الدخول في الجامعات السودانية
وليس معادلتهما كشهادتين مختلفتين

الشفت
17-05-2005, 07:45 PM
معلومة

لو لا معادلة الشهادة العربية للسنة الماضية
لما دخل اي طالب شهادة سودانية حتى الاول هذه الكليات

1) طب الخرطوم
1) طب الجزيرة
1) كهرباء الخرطوم

معروف ابراهيم حمدين
17-05-2005, 07:46 PM
الشفت الحبيب

شكرا على الطرح وضد المبدأ لانو أولادنا فعلا بيدرسوا العام كاملا ومع مناهج

قوية جدا اضف اليها مجهودهم طوال العام ونسبة لتوفر كل اساليب الراحة ومع اهتمام

الاباء والامهات وما يحققونه فعلا نتاج مجهود حرام أن ننقصهم حقهم وعرقهم.

ولاأعرف صراحة كيف ولماذا وضع هذا الهراء.

الشفت
17-05-2005, 07:58 PM
الشفت الحبيب

شكرا على الطرح وضد المبدأ لانو أولادنا فعلا بيدرسوا العام كاملا ومع مناهج

قوية جدا اضف اليها مجهودهم طوال العام ونسبة لتوفر كل اساليب الراحة ومع اهتمام

الاباء والامهات وما يحققونه فعلا نتاج مجهود حرام أن ننقصهم حقهم وعرقهم.

ولاأعرف صراحة كيف ولماذا وضع هذا الهراء.

ابو مهند يا حبيب

ربنا يخلي ليكم اولادكم
ويكبرهم وتفرحوا بيهم


لكن كلامك الفوق ده ضد مصلحتهم بالنسبة للتقويم

في ناس هنا بقولوا يعني الا نغترب حتين تقروا لينا اولادنا
لو ما قريتوهم كلنا بنطفش نسيب البلد
عشان نقريهم من بره

بعدين كمان في ناس القرى البعيد
يعني الطالب ما عنو استاذ
ولو لقى استاذ بكون خدمة الذامية وما مؤهل اساسا للتدريس
كما ان المدارس غير مؤهلة
ولا يوجد كهرباء في المنزل
حدهم المغرب في المذاكرة
ولا القراية باللمبة ام ضنب

وبعد ده كلوا بنجحوا

فهل يجوز مساواتهم بمن وفرت لهم كل الاشياء
يعني نبقى نحن والدنيا عليهم

مع المودة

17-05-2005, 08:10 PM
وليد أخوي:
والله الموضوع ده معقد بي صورة غريبة خلاص..
انا واحد من الكادحين القريت شهادة سودانية ومجازفات في القراية شي كورسات وشي من الفرد وشي براي وشي وشي ..
كنت من أكثر المنادين بعدم المساواة بيننا وبين الشهادات العربية وكنت أعتقد إنه من الظلم بمكان ..
الأن انا متواجد في بلاد أولاد الشهادات العربية وبدأت نوعاً ما أحس بظلم تجاههم وأقول نوعاً ما !!!!!!!!!!!!!!!!!!
كنت في السابق مع مقرراتنا وذلك عندما كانت تتساوي مع مقررات الشهادات العربية ولكن الأن لهم مقررات ت...ق علينا وأصعب بكثير من مقرراتنا ..
كانت لدينا إمتحانات من الصعوبة بحيث تحتاج لساعة حتي تفهم السؤال ناهيك عن الإجابة وليس بمسألة (النملة الماشة في مرايا) في الفيزياء ببعيدة ..وإمتحان الرياضيات 1983 والذي حتي الأن لم تشهد إمتحانات السودان مثله !!!!!
الأن الإمتحان أصبح سمع ما يلي وهو ما يشابه إمتحان الشهادات العربية ..
طلاب الشهادات العربية لهم من الإمكانيات ما يجعلهم يقرأون طول اليوم (مكيفات- عصيرات- كهرباء طول اليوم- مقفولين-إمكانيات دراسية- كل زول في كرسي- ماف حصة فاضية...الخ)
طلابنا المساكين (حالياً طلاب الحكومي) كل عشرة في كتاب الكهربا قاطعة المراسيل طول اليوم الشخانة الزهج الأستاذة الليلة ما جات عشان ولدت أمبارح وحاتغيب 40 يوم ..الخ ..
لدينا تجارب في جامعتنا كان قوامها طلاب الشهادة العربية حيث كانوا هم الأكثر ...قاً وكذلك كان هناك النقيض من الشهادات العربية رواد الكافتريات ..
انا مع المعادلة ولكن ليس بالدجة الكبيرة وذلك بسبب أن هنالك بعض الدرجات التي يتم إعطائها لطلاب الشهادة العربية في النصف الأول من العام كهدايا ومكرمات حيث يكافأون علي الحضور وووووووووو التربية الوطنية والفنون والموسيقي ووووو..

الموضوع بي الجد محييييييييييييييير يا وليد والفتوي فيهو صعبة لكن انا لي الضمان كده ولأني عنصري :wink: انا مع معادلة شهادة الأولاد المغذيين ناس الشيكولاتة والجلكسي ولبن المراعي ... :lol:

الشفت
17-05-2005, 08:31 PM
طيب عشان كلام عمر الفوق ده
منذ العام الماضي
لم تعادل الشهادة العربية الى الشهادة السودانية

وهذا ما اضر بطلاب الشهادات العربية في السنة الماضية

ماذا حدث
اعتمد نظام جديد
بموافقة بل ودعم واصرار جهاز المغتربين

هو نظام الكوته
كيف يكون نظام الكوته حسب فهمي البسيط

تحدد المقاعد في الكلكية المعني فل نقل طب الخرطوم
200 مقعد

ثم يحدد الطلاب السودانيين المهؤلين لدخول الجامعات للكلية المعينة
العام الماضي كانو 85 الف وهذا على مستوى الكالوريوس
اي حاصلين على سبعة مواد
كل الناجين كانو 147 الف
والمقاعد الموفرة من التعليم العالي
150 الف في مجملها
بكالريوس ودبلومات 3 سنوات وسنتان

ثم يحدد عدد الطلاب المؤهلين من الشهادات العربية لنفس الكلية
كل شهادة لوحدها حتى لا يضيح طلاب شهادة بعينيها

ثم تحسب نسبتهم من طلاب الشهادة السودانية
فاذا كان اكبر من مقعد تحسب كما هي
واذا كانت اقل يعتمد المقعد الواحد

اي
اذا كان المؤهلين طب الخرطوم شهادة سودانية 10000
المؤهلين طب الخرطوم شهادة عربية السعودية 20
اذا النسبة هي 0.2
وبما ان المقاعد هي 200 مقعد
فلطلاب الشهادة السعودية 4 مقاعد

يتنافسون عليها فيما بينهم

وهذا هو السبب الذي جعل طلاب الشهادة العربية السعودية لا يدخلون الا ب 99.5 على ما اذكر

والسبب هو عدم معادلة الشهادة واعتماد نظام الكوتة الذي دعمه المغتربين بانفسهم

محمد عبدالرحيم
18-05-2005, 02:38 PM
الشفت :
طلعت ما قاعد ساي في الوزارة :wink:

sun
18-05-2005, 03:14 PM
الاخ الشفت
سلام
انا ضد هذا لانه والله ظلم دا اذا كان علي مستوي الشهادة السودانية الامتحناها
زمان
بعدين في بعض الدول العربية بياخدوا اعمال السنة والامتحان سمستر
والله ظلم شنيع للشهادة السودانية
انا ضد هذا القرار الجائر

ودالكريل
18-05-2005, 03:47 PM
الاخ الشفت
مثل هذا الكلام نحتاج فيه الى اهل الخبرة لان فيه جوانب فنية خذ مثلا طرقة الامتحانات ورصد الدرجات ففي الشهادة العربية يتم اعتماد الحضور والمواظبة والواجبات في النتيجة النهائية ولكن في الشهادة السودانية لا تعتمد وقس على ذلك الكثير من الجوانب الفنية 0

ولي عودة

ود المـــــرجي

فطومة
18-05-2005, 03:59 PM
فضل المرجي كتب :
مثل هذا الكلام نحتاج فيه الى اهل الخبرة لان فيه جوانب فنية خذ مثلا طريقة الامتحانات ورصد الدرجات ففي الشهادة العربية يتم اعتماد الحضور والمواظبة والواجبات في النتيجة النهائية ولكن في الشهادة السودانية لا تعتمد وقس على ذلك الكثير من الجوانب الفنية .
[center:e0b8cc8e55][table=width:100%;:e0b8cc8e55][cell=filter:;:e0b8cc8e55][align=right:e0b8cc8e55]بسم الله
كنت دائما ضد مساواة طالب الشهادة العربية مع طالب الشهادة السودانية
لعدم تساوي الظروف والمواد والامتحانات وطريقتها
ما ممكن ناس تجيب 99% والناس هنا يا الله ويامين تكابس فس التسعين
لكن صراحة صراحة زي ما قال فضل المرجي الموضوع يحتاج لدراسة
ورأي علمي مختص من خبراء وذووا صلة .
طبعا وقطعا نحن ضد ظلم اخواننا الجلاجل والجلجلات وكمان برضو لازم
نراعي عدم ظلم الآخرين
العدالة المتوازية هي المطلوبة .
ولك التحية شفوتي على هذا البوست .
شكلك رايق وانتهيت من تصميم الموقعين .
---- فطومة ----[/align:e0b8cc8e55][/cell:e0b8cc8e55][/table:e0b8cc8e55][/center:e0b8cc8e55]

Relaxed
19-05-2005, 12:42 AM
لماذا لا يلغى نظام القبول الموحد من أساسه ....؟؟ ويترك للجامعات ان تقبل بالمعايير التي تراها مناسبة ؟؟؟
وبالتالي تلغي طريقة امتحانات الشهادة بطريقتها الحالية (مرة في السنة) و يستعاض عنها بامتحانات منفردة للمقررات المختلفة ، تضعها لجان اكاديمية تتكون من الجامعات المختلفة ، وبالتالي يتحرر التعليم العام من بعبع الشهادة (و التعليم التجاري ، و الممارسات الغير تعليمية ....الخ والتي تمارسها بعض المدارس لرفع نسبة النجاح).
وهذا بالطبع يقود لاعادة النظر في فلسفة التعليم العام من جديد ..لكي يصبح تعليما بحق و حقيقة ...بدلا من ان يكون مجرد مطية للدخول للجامعة ...التعليم العام الان سادتي لا يقدم للجامعات طلبة علم بل ماكينات حفظ (سواء كان الطالب من شهادة سودانية او عربية)....
نحن نملك في السودان عقولا نيرة و ممتازة..ولكننا نردمها تحت اطنان من اللامبالاة ، و السبهللية ...

طبعا اخونا الشفت سيقول ان هذا الرأي مشاتر...

ولكن ...استحملوني....لقد درست في جامعات سودانية مختلفة لمدة 9 سنوات بدأت من قبل زمن الانقاذ

tarig
19-05-2005, 01:29 AM
بسم الله الرحمن الرحيم¨
السلام عليكم ورحمة الله وبركاته

كنت اظن انه سوف يكون هنالك خيار ثالث
لا أدرى

الشفت
19-05-2005, 12:15 PM
الشفت :
طلعت ما قاعد ساي في الوزارة :wink:

موش كده

الشفت
19-05-2005, 12:30 PM
الاخ الشفت
سلام
انا ضد هذا لانه والله ظلم دا اذا كان علي مستوي الشهادة السودانية الامتحناها
زمان
بعدين في بعض الدول العربية بياخدوا اعمال السنة والامتحان سمستر
والله ظلم شنيع للشهادة السودانية
انا ضد هذا القرار الجائر


يا كده
يا نغترب كلنا

ولا كيف

ودالكريل
19-05-2005, 01:55 PM
الاخت العزيزة
فطــــــومة
كنت في لجنة بخصوص هذا الموضوع وكان رئيسها المرحوم الدكتور محجوب عبيد عليه رحمة الله طلب منا الوزير كتابة مقترحات على اسس فنية يتم فيها وضع الشهادة السودانية والعربية جنباً الى جنب في المقارنات وفيها مساواة بين الجانيين فما كان من احد اعضاء اللجنة الا ان قال ان حل هذه المشكة يكمن في ارسال المغتربيين ابناءهم للامتحان داخل السودان او عمل مدارس سودانية بالمهجر 0
الحديث على ان المققررات والمواد الدراسية والظروف التعليمة احسن في الخارج من السودان هذا ينسف دور وزارة التربية والتعليم , والحديث على ان الطالب في الخارج اشطر واكثر استيعاباً هذا فيه ايضا استهانة بمقدرات الجيل القادم 0
فارجو ان يكون الحديث علمياً اكثر من اي شئ اخر 0

ولكم الود
ود المــرجي

الشفت
19-05-2005, 05:28 PM
الاخ الشفت
مثل هذا الكلام نحتاج فيه الى اهل الخبرة لان فيه جوانب فنية خذ مثلا طرقة الامتحانات ورصد الدرجات ففي الشهادة العربية يتم اعتماد الحضور والمواظبة والواجبات في النتيجة النهائية ولكن في الشهادة السودانية لا تعتمد وقس على ذلك الكثير من الجوانب الفنية 0

ولي عودة

ود المـــــرجي

فعلا وعين الصواب

الشفت
19-05-2005, 05:29 PM
فضل المرجي كتب :
مثل هذا الكلام نحتاج فيه الى اهل الخبرة لان فيه جوانب فنية خذ مثلا طريقة الامتحانات ورصد الدرجات ففي الشهادة العربية يتم اعتماد الحضور والمواظبة والواجبات في النتيجة النهائية ولكن في الشهادة السودانية لا تعتمد وقس على ذلك الكثير من الجوانب الفنية .
[center:0369244d00][table=width:100%;:0369244d00][cell=filter:;:0369244d00][align=right:0369244d00]بسم الله
كنت دائما ضد مساواة طالب الشهادة العربية مع طالب الشهادة السودانية
لعدم تساوي الظروف والمواد والامتحانات وطريقتها
ما ممكن ناس تجيب 99% والناس هنا يا الله ويامين تكابس فس التسعين
لكن صراحة صراحة زي ما قال فضل المرجي الموضوع يحتاج لدراسة
ورأي علمي مختص من خبراء وذووا صلة .
طبعا وقطعا نحن ضد ظلم اخواننا الجلاجل والجلجلات وكمان برضو لازم
نراعي عدم ظلم الآخرين
العدالة المتوازية هي المطلوبة .
ولك التحية شفوتي على هذا البوست .
شكلك رايق وانتهيت من تصميم الموقعين .
---- فطومة ----[/align:0369244d00][/cell:0369244d00][/table:0369244d00][/center:0369244d00]

فطومة حبابك

ما انتهيت لكن القبول قرب
والمشاكل قربت
قلنا نشوف راي الناس

sally
21-05-2005, 04:32 AM
I don´t agree .
The issue should be handled in a scientific way.
I have stastistics from last year that I can sumerize in the following points:
Eight percent of sudanese sitting for sudanese certificate had final grades more than 85%.

Forty percent of sudanese sitting for arabic certificates had final grades more than 85%.

The ratio of sudanese certifacte students: arabic certifate is 1:13

If we consider the faculty of medicine at Geizera University as a battle field, 42% of arabic certifiactes student passed the 3rd day with problems, while the figure was 78% for sudanese certificate students.

There should be criteria for accepting students from different parts of the arabic world.


I need one rational to justify our hypothesis that

Sudanese certificate= the arabic certificate

Abubakr.

sally
21-05-2005, 04:37 AM
I am sorry, I reversed the ratio

The ratio of sudanese certifacte students: arabic certifate students is 13:1

sally
21-05-2005, 04:51 AM
Dear Walid
salaam

In addition to what I mentioned earlier, I can add that I was invited to take part in the discussion of this issue 3-4 years ago and we did not reach anything.

Do you know why Prof Ali Bari was removed from office as an under-secretary of the Ministry of Higher education?

This issue is very difficult to be handled , it is not so easy.

Abubakr

اسعد إبراهيم
21-05-2005, 08:32 AM
طبعا ضد مساواة طالب الشهادة العربية بطالب الشهادة السودانية
ان تعادل شئين مهما كان هو ان تقر بأنهما متساويان في كل شئ ولا ستكون قد ظلمت
احدهم. يقيني ان طالب الشهادة السودانية مقرراته اصعب وكذلك كل الظروف المحيطة
به لذلك لا يمكن ان نظلمه.

الشفت
21-05-2005, 12:57 PM
Dear Walid
salaam

In addition to what I mentioned earlier, I can add that I was invited to take part in the discussion of this issue 3-4 years ago and we did not reach anything.

Do you know why Prof Ali Bari was removed from office as an under-secretary of the Ministry of Higher education?

This issue is very difficult to be handled , it is not so easy.

Abubakr

عزيزي ابوبكر
البروفسيور على بري مدير جامعة سندي سابقا وامين عام وزراة التعليم العالي السابق وجراح المخ الشهير
تنحى من منصبه في التعليم العالي
والان يتولاه د. عمر محمد توم

البروفيسور على بري صديق شخصي لي وكان -ابان تولية مهمة امين عام الوزارة- تربطني به علاقة جيدة
هو الان متفرغ للتدريس في جامعة الخرطوم كلية الطب
وقد فرغ الان من كتابة كتاب عن اصابات الراس ، عملت معة في جمع وطباعة واخراج هذا الكتاب وهو تحت الطباعة وتشرف عليه الهيئة العليا للتعريب
اود ان اعرفك ان الكتاب باللغة العربية

مع الود

نجلاء المهدي
21-05-2005, 02:45 PM
r]بالطبع ضد المعادلة وضد انقاص درجة طلاب الدول العربية ولكن لو كانت المعادلة من حيث انها تعادل الشهادة السودانية اسوة بالشئ المعمل به في دول مجلس التعاون فلا مانع علما بان الدراسة وخصوصا في دولة الامارات صراحة المنهج قوي وما يجنيه اولادنا ثمرة جهدهم فلم الإحباط ولكا يحسسوا بأن تعليمهم ناقص


السلام عليكم :

ياخوانه انتو وهمانين انو الشهاده السودانيه اقوى الكلام ده انتهى ولنفترض
انها اقوى فهي تقيس جانب واحد الا وهو المعرفي ام الجوانب الاخرى فيخرج
الطالب في السودان خاوي الوفاض الامن انعم الله عليه من الصدقين والشهداء
وحسن اؤلئك رفيقا ومن هم الدين تشملهم هده الايه هم الشهادات الاجنبيه الدين
ياتون من الخارج او داخل السودان من اصحاب المواهب لدلك اسالكم ان تعيدوا
النظر في هده الشهاده ومعادلتها وكمان عشان اكون صادقه ارجو من الدول العربيه
عدم معادلة الشهاده السودانيه لانها تقيس جانب واحد الحفظ لقد درست جنسيات
متعدده وكان السوانين اشطرهم واقلهم ثقه في انفسهم وقليلي المهارات الاخرى
نجلاء المهدي [/size]

الشفت
21-05-2005, 03:26 PM
السلام عليكم :

ياخوانه انتو وهمانين انو الشهاده السودانيه اقوى الكلام ده انتهى ولنفترض
انها اقوى فهي تقيس جانب واحد الا وهو المعرفي ام الجوانب الاخرى فيخرج
الطالب في السودان خاوي الوفاض الامن انعم الله عليه من الصدقين والشهداء
وحسن اؤلئك رفيقا ومن هم الدين تشملهم هده الايه هم الشهادات الاجنبيه الدين
ياتون من الخارج او داخل السودان من اصحاب المواهب لدلك اسالكم ان تعيدوا
النظر في هده الشهاده ومعادلتها وكمان عشان اكون صادقه ارجو من الدول العربيه
عدم معادلة الشهاده السودانيه لانها تقيس جانب واحد الحفظ لقد درست جنسيات
متعدده وكان السوانين اشطرهم واقلهم ثقه في انفسهم وقليلي المهارات الاخرى
نجلاء المهدي

والله انتو الفاكنها في اولادكم
وكان جيتي للحق طلاب الشهادات العربية هم الما بعرفوا شي غير القراية الحافظنها حفظ ، علمناهم التعامل مع الناس هنا في الجامعات ، كنا بنوصلهم واحد واحد لي بيتهم بعد نهاية اليوم الدراسي ولي مدة شهر من وصولهم السودان ، كنا بندخلهم في الناس وكيف يتعاملوا معاهم ، اجتماعياتهم ميحي ، وحتى في الاكاديميات ، قرينا معاهم وشفناهم ...عادي
ما تفكوها فينا
50% من درجاتهم جايبنها حضور

كفاية الزول الجاب في الشهادة السودانية من قرية في دارفور وتحت ازيز الطائرات ومن جوه المسكرات وبدون اي استاذ ولو في استاذ بكون خدمة الذامية ومافي كهربا يعني حدو في القراية المغرب والعصر بمشي ليه 20 كيلو متر عشان يجيب جركانة موية ، وبعد ده كلو نجح وجاب 60%

هي العبقرية كيف لو ما كده
قال شهادة عربية قال

خالد الأمين
21-05-2005, 03:32 PM
السلام عليكم :
نجلاء المهدي

والله انتو الفاكنها في اولادكم


المديدة حرقتني

نجلاء المهدي
21-05-2005, 03:37 PM
[


بقية الموضوع :
زمان كان الطالب السوداني يفهم الموضوع اولا ثم يناقشه ثم يقتنع
ثم يفتي وكان ممكن جمله واحده تستحود على تفكيرك، والله لم تجي
اسئلة الدكاء مافي واحد بيرفع ايده لو خرجت من النص شويه يقول
ليك مادرست الكلام ده
اصبح التعليم عندنا زي المصريين نحفظ حفظ
ام من جانب المهارات الحياتيه رغم انهالاتدخل في الشهادات
ولكن تخلق جيل مبدع ملم بجميع الجوانب بحيث لو سحبت الكتاب وناقشتوا
ممكن ان تجده ملم بجميع الجوانب والوضع هدا مستفيد منه الاجانب أكثر من
اهل البلد وكانهم مثقولين بعدة ثقافات
نرجع للموضوع الاساسي :
انا بفتكر انه الشهاده العربيه مااقل من السودانيه ولكن الفرق الوحيد هو
بعد ان يدرس
الطالب المنهج القوي جدا في نهاية العام الدراسي يوضع
الامتحان لقياس ماوضع له
فيراعىالاتي :
مستوى الطالب المتوسط في الامتحانات لان الهدف مش تعجيزي
في امكانيات وفي جامعات والهدف النجاح وفي النهايه كل يدهب
حسب مستواه
ويظل المتميزين هم ايضا المتميزين
ويوزع البقيه حسب المجاميع الكليات التقنيه والتجاريه وغيرها
ووالله احسن ليه طالب طب في الثمانين وشاف كل شئ امامه
ولا طالب من يوم مادرس الطب لم يمارس عمليا الايوم في السنه
اقصد الامكانيات المتوفره والاشياء العمليه تترك اثرها اكثر
ادكر في الاجازه السابقه وجدت طالبه جامعيه بتدرس كمبيوتر
فسالتها من باب الفضول عن سرعتها في الطباعه فمادا اجابتني
انها لم تمس الكمبيوترابدا ولكنا تدرسه نظريا .
نجلاء المهدي
[/align]

الشفت
21-05-2005, 03:41 PM
السلام عليكم :
نجلاء المهدي

والله انتو الفاكنها في اولادكم


المديدة حرقتني


هاهاهاهاهاهاهاها
لكن لقيتك

جمجااااااااااااااااااااااااااااااره

21-05-2005, 04:05 PM
موضوع معادلة الشهادات العربية..
من واقع تجربتى كمحاضرة سابقة فى الجامعة الاسلامية العالمية..درست كلية علوم الوحى وكلية الهندسة...

اضعف شهادة عربية هى الشهادة السعودية.. بالتجارب.. يحرز الطالب كم وتسعين ويقبل فى الهندسة.. وفى الغالب يفصل من اول سمستر..او يحول لكلية تدرس باللغة العربية. كما انهم كلهم دون استثناء يبقون لفترات
طويلة جدا فى مركز اللغات...
بعدها علمت ان الوزارة تعطى امتحان نهائي بنسبة 40% الباقى اعمال سنة
يمنح من المدرسة..لا ادرى عن الشهادة القطرية و العمانية والامراتية شئ لاني لم اصادف طلاب لاحكم.. ولكن الطلاب الاكثر ...قا هم طلاب العراق والاردن..و فلسطين من العرب...
ولذلك على الوزارة ان تعامل الشهادات بصورة منفصلة تراجع المناهج وطرق التقويم..
ولا تشملها بكلمة شهادة عربية..
الممضحك انه السودان عنده رأي فى شهادة لندن ذات نفسها..المافى مقارنة بينها وبين السودان.. الذى يدرس الى الان مناهج من زمن حفرو البحر..ولذلك يجب النظر الى الاشياء بموضوعية..
وشكرا

خالد الأمين
21-05-2005, 04:09 PM
دختوره ارجوج لا تتجلمين على الامارات
ترى حنا وايد تعليمنا مطور
والله يسلمج

21-05-2005, 04:29 PM
لا ادرى عن الشهادة القطرية و العمانية والامراتية شئ لاني لم اصادف طلاب لاحكم..
سارتانا... شوف ما تحته خط لا نحكم عن غائب..

بالله اللهجة كدى؟
اخير اللغة الملايوية.. اوكى لالالالالالالالالاه

الشفت
21-05-2005, 04:31 PM
مكرر

الشفت
21-05-2005, 04:32 PM
اود ان انوه
ان عدد المقاعد المخصصة للبكالوريوس في العام الماضى قرابة الـ 70 الف مقعد في مجملها ... وعدد المؤهلين لدخول كليات على مستوى البكالوريوس يفوقون الـ 100 الف من الشهادة السودانية ... الشهادات العربية قرابة الـ 4000 طالب
نسبة الطلاب الممتحنين علمي الى ادبي 1:3
يعني كل ثلاثة ممتحنين علمي قصادهم طالب ممتحن ادبي
اغلب هؤلا الطلاب يقدمون لكليات بعينها
العلوم الصحية بفروعها على التوالي ( طب ، طب اسنان، صيدلة ، مختبرات)
العلوم الهندسية بفروعها على التوالي ( كهربائية ، معمار، مدنية ، مساحة ) في جامعات بعينها على التوالي ( الخرطوم ، السودان )

اذا العرض اقل ن الطلب
فكان لابد انه يكون في غربال يصفى الطلاب ديل

بالنسبة لطلاب الشهادة السودانية الغربال هو النسبة مع المواد التي تحتاجها هذه الكلية ( المفاضلة ) زائدا شروط القبول الاساسية وهي 7 مواد اربعة مواد اساسية 3 مواد متخصصة للكلية
وفي هذا خلل ايضا لان كل من نجح هو مؤهل للتقديم للجامعات ، والكليات هي من تحدد ما اذا مان يستحق الدخول اليها م لا ... لكن ولان العرض اقل من الطلب فكانت هذه الشروط

المشكلة هي الشهادات غير السودانية

كيف تحل المشكلة
فالوزراة ملزمة تجاه الشهادة السودانية وطلبتها باعتبار انها وثيقة سودانية ، ولها الاولوية في دخول الجامعات السودانية على بقية الشهادات .

فكانت معادلة الشهادات العربي وخلافة

لكن المعادلة قد توقفت منذ العام الماضي
وبُدِلت بنظام جديد هو نظام الحصة (الكوته)

اي انه تستخرج حصة لكل شهادة من نسبة المقاعد المعلنة للكلية المعنية حسب عدد الطلاب المؤهلين لهذه الكلية من هذه الشهادة ونسبتهم الى الشهادات الاخرى ،ومن بين هذه الشهادات الشهادة السودانية، ليتنافس طلاب الشهادة المعنية فيما بينهم بدون ان تنقص درجاتهم

وللحق فقد اضر هذا الاجراء بطلاب الشهادة العربية كثيرا ... لان عدد مقاعدهم في الكيات تقلص كثيرا جدا ( معلومة اصر المغتربية على نظام الكوته مقارنة بنظام المعادلة )


اذا الان في السودان لا توجد معادلة للشهادات العربية ...
وانما توجد حصص من المقاعد مخصصة لكل شهادة عربية لوحدها ، ليتنافس طلاب تلك الشهادة عليها ، وتستخرج هذه الحصص من نسبة عدد الطلاب الى بقية الشهادات الاخرى


بخصوص شهادة لندن
تم حل مشكلة شهادة لندن في العام الماضي وبقرار وزاري

نجلاء المهدي
21-05-2005, 05:41 PM
الشفت r]كتب:
اقتباس:
السلام عليكم :
نجلاء المهدي


والله انتو الفاكنها في اولادكم

نعم التعامل اللي علمتوه لاولادنا وانا مستعده اعمل ليك فيزا ادا
انت في السودان وتعال افك هنا لو رجعت قابلني في البوست
وانا مستعده اقابلك بوحده من بناتي في مطارحه شعريه انجليزيه
فاستعد يافاكيها في روحك علما انها مش من الم...قات . فهي جيده
جدا فقط . وسوف اختار ليك بعض المواد مثال:
مادة الكمبيوتر او الرياضيات والفالح يكمل مش انت شهاده
سودانيه مع العلم انا عندي الابتدائيه والاعداديه من السودان وما اضافت
ليه اي شي سوى حمرنه زياده
ولو فهمت البوست هدا ماقصدته في ان الشهاده العربيه بتصقلك
بحيث ادا فشلت اكاديميافهنالك مجالات تسعك
نجلاء المهدي [/font]

الشبح
21-05-2005, 05:53 PM
انا شخصيا مع معادلة الشهاة العربية فمن الناحية الاكاديمة ومع ان منهج الشهادة السودانية صار اضعف الا ان الشهادة السودانية هي الاقوى والتحصيل الاكاديمي ورغم ظروف الطالب يكون جيدا مع العلم بان نسبة كبيرة من درجات الشهادة العربية تعتمد على الحضور واعمال السنة وهو ما لا يطبق في السودانية ناهيك عن الدرجات التي تعطى لطالب العربية في شكل ( بوش ) حتى ترتفع نسبة النجاح وقد يصل البوش الى ( 45 ) درجة من الدرجة الكاملة ( 100 ) واسالوا الاساتذة السودانيين بالخارج.
وربنا يورينا يوم في ( بوش )

الشبح
21-05-2005, 06:31 PM
بعد اذنك يا شفت،،،،،،
" وإذا فهمت البوست هذا ما قصدته في ان الشهادة العربية بتصقلك بحيث
اذا فشلت اكاديميا فهنالك مجالات تسعك" وده الكتبتو ( نجلاء المهدي )
يا ابنتي الشهادة العربية والتربية في الدول العربية بتولد الفشل:
1- الاجتماعي
2- الثقافي
وانسان الشهادة العربية حين ياتي الى السودان فكانه يولد من جديد بحيث يحتاج الى تاهيل اجتماعي شامل وثقافي من دخلت نملة لحدي ما تطلع فمنهم من ياخذ الحبه ومنهم من تقرصه النملة فيهرول فلا يسعه الا ان يصقل نفسه بالتقوقع او بالبوهية.
ولا شنو سمك

21-05-2005, 07:19 PM
غايتو انا يا وليد بحذرك من الموافقة بي شرط الأخت نجلاء وفي رواية (الخالة) بعد قالت ليك حاتجيب ليك بناتا لي مطارحة ..
أتفق مع الأخت نجلاء في قوة المناهج الإنجليزية خارج السودان خصوصاً من ناحية المخاطبة والتي نجد فيها أبناء السودان ضعفاء جداً علي العكس من جانب القواعد Grammer ..
مققرات الإنجليزي في السودان متدهورة فمنذ الهاندرايت ثم البوك إنتقلنا إلي الإسباين وهو في نظري ضعيف..
غايتو يا وليد وافق بي كلام نجلاء ده وليها ترسل ليك الزيارة ولمن تصل هناك أعمل يع :lol:

ودالشيخ
21-05-2005, 07:26 PM
هو شنو يا وليد حكومة طاردة لابنائها
ممتصة لعرق جبينهم
مطلعة ودكتهم
كمان عندها مسئوليه تجاه طالب الداخل
على حساب ممحوق الخارج
مش كلهم سودانية واولاد تسعة
وبعدين هم طلعوا من السودان بارادتهم
لا يا وليد قول غير كلامك ده

اسعد إبراهيم
21-05-2005, 07:38 PM
الاخوة الكرام يجب ان نفصل بين امرين :
الاول: هو الضرائب والرسوم الكثيرة والباهظة والتي يدفعها المغترب
والثاني: مطالبته بان يتساوي ابناءه بطلاب الشهادة السودانية
يقيني ان كثير من المغتربين وبمجرد انه يدفع ضرائب ورسوم باهظة للحكومة السودانية
فان ذلك يعطيه الحق في كثير من الامور، ومن بينها طبعا مسألة الشهادة العربية.
لا اعتقد اطلاقا ان هنالك علاقة بين الامرين. هذه النقطة الاولي.
النقطة الثانية مسألة ...ق ابناء المغتربين في اللغات الاجنبية:
وسأضرب مثالا اصغر ابنائي عمره خمسة سنوات فقط يتحدث لغة انجليزية افضل مني بعشرات المرات، هل يدفعني هذا الي اعتبار هذا الابن نابغة زمانه ويجب ان تفتح له الجامعات بالسودان وان يكون اول الداخلين؟
لا اظن ذلك فمعرفته باللغلة الانجليزية طمست عنده الكثير من الاشياء "السودانية جدا"
وفي ظني ويقيني ان خير من يخدم السودان واهله هو من بقي صابرا بالداخل وليس ذلك
الذي عاد للسودان فقط من اجل الجامعة وهو يتأفف من كل شئ حوله.
سؤال:
لماذا لا يبعث المغتربين اينما ما كانوا ابنائهم للدراسة الجامعية بالخارج مثلما درسوا
جميع المراحل الدراسية بالخارج؟؟؟؟؟
مع الشكر
أسعد

نجلاء المهدي
21-05-2005, 08:00 PM
هدا الوطن التعيس الدي لم يقدم لابنائه شيئا وحملوا انفسهم وتعلموا
خارجه ولم يكلفوا حكومته اي شي مدة نمؤهم بل بالعكس حملوا له
العملات الصعبه في يوم من الايام عندما كانت العمله الصعبه تسوى
شيئا وعندما كبروا رجعوا لتقطع الحكومه من لحومهم كعادتها لم تكافئهم
لانهم كانوابعيدا في دمة حاكم آخر أكثر شهامه في تحملنامن وطننا
يتحمل عنا مصاريف الصحه والتعليم وغيرها الى ان صار هدا الوضع
غير محتمل فردت الحكومات الاجنبيه ابناء غيرها لوطنهم ليتحملوا
قليل من تبعات الهموم فادا الحكومه تعاقبهم وتقطع من لحومهم ودرجاتهم
وتعاملهم كوافدين صحيح الاستحو ماتوا ياحكومة السودا ن وياشعبها
الممثل في النسبه التي ضد الاستفتاء
ولايسعني الا ان ارفع يدي بالدعاء لله لكي لاتكونوا ناقصين عشره
درجات للدخول للنار وواقفين امام الاعراف مستنين العفو ويكون
حق المغتربين

نجلاء المهدي

الشفت
21-05-2005, 09:34 PM
الشفت r]كتب:
اقتباس:
السلام عليكم :
نجلاء المهدي


والله انتو الفاكنها في اولادكم

نعم التعامل اللي علمتوه لاولادنا وانا مستعده اعمل ليك فيزا ادا
انت في السودان وتعال افك هنا لو رجعت قابلني في البوست
وانا مستعده اقابلك بوحده من بناتي في مطارحه شعريه انجليزيه
فاستعد يافاكيها في روحك علما انها مش من الم...قات . فهي جيده
جدا فقط . وسوف اختار ليك بعض المواد مثال:
مادة الكمبيوتر او الرياضيات والفالح يكمل مش انت شهاده
سودانيه مع العلم انا عندي الابتدائيه والاعداديه من السودان وما اضافت
ليه اي شي سوى حمرنه زياده
ولو فهمت البوست هدا ماقصدته في ان الشهاده العربيه بتصقلك
بحيث ادا فشلت اكاديميافهنالك مجالات تسعك
نجلاء المهدي [/font]

الانقليذي الفرحانة بيه ده اقري بيه انت
والكمبيوتر اختي دربوا عشان ما تحرجي روحك
ومالها المطارحة الشعرية باللغة العربية

وبعدين ده ياهو فهمك عن الثقافة
اها انا اقول ليك ... الشعر بكتبو انا ما بحفظ حق الناس .... ومن اسع متحدي بناتك وانت معاهم خليهم يكتبوا بالانقليذي من شعر الخواجات ... وانا برد ليهم بالعربي من شعري الشخصى

اما بخصوص انو الابتدائية والثانوي العام ما اضافت ليك شي
ده بكون راجع ليك انت ... لكن نحن والحمد لله اضافت لينا الكتير ومرقتنا من صنف الحمير

ياخوانه انتو وهمانين انو الشهاده السودانيه اقوى الكلام ده انتهى ولنفترض
انها اقوى فهي تقيس جانب واحد الا وهو المعرفي ام الجوانب الاخرى فيخرج
الطالب في السودان خاوي الوفاض الامن انعم الله عليه من الصدقين والشهداء
وحسن اؤلئك رفيقا ومن هم الدين تشملهم هده الايه هم الشهادات الاجنبيه الدين
ياتون من الخارج او داخل السودان من اصحاب المواهب لدلك اسالكم ان تعيدوا
النظر في هده الشهاده ومعادلتها وكمان عشان اكون صادقه ارجو من الدول العربيه
عدم معادلة الشهاده السودانيه لانها تقيس جانب واحد الحفظ لقد درست جنسيات
متعدده وكان السوانين اشطرهم واقلهم ثقه في انفسهم وقليلي المهارات الاخرى
نجلاء المهدي
الفوق دي مداخلتك الرديت عليها سابقا
وين الكلام عن الشهادة العربية

افهم بوست شنو!!!!!!! .... البوست ده عاملوا انا افهم ليه شنو؟؟؟؟!!!!!

برضو قرينا مع الشهادات العربية والاجنبية .... وعلمناهم كيف تكون الاجتماعيات السودانية .... الحاجة الغلبكم انتو تعلموهم ليهم .... وكت غلبكم بقيتو تنبزوا في التعليم السوداني ... وبالتالي بتنبزو في مخرجاتو

ونحن لا عاجبنا الانقليذي
ولا الانقليذ البقروكم ليه


بخصوص الفيزا
انت مفتكره اي زول همو يشرد من البلد دي
ابدا ما حا تصدقي لو قلت ليك انو الكفيل رسل مديرو التنفذي مخصوص بالاسم عشان اغترب زيكم
رد ليه كان لو عندك فايض عماله تعال انا بشغلها ليك في السودان ... وحولته على جامعة السودان بعد ما رشحته ليه زول ... والحمد لله ادى المهمة على اكمل وجه ورجع السودان تاني

بنقعد نحن في البلد دي ... وبنقعد اولادنا هنا ... وبنقريهم القراية الشينه الما عاجباكم دي
وبنطلعهم عباقر بي التعليم الردي ده .. ونخلي الناس تاشر ليهم زي ما الناس هسع باشروا لينا بي السلم التعليمي الشين ده .. اما الفيزا .. فالله الغني عنها ... شكرا جزيلا

كلامي ولا الكلام الني
بليلتي ولا ضبائح طي
لغتي العربية حديث النبي ولغة القرآن
وتعليمي سوداني من الروضة لحدي ما اتخرجت من الجامعة والحمد لله




مع الموده

الشفت
21-05-2005, 09:44 PM
هو شنو يا وليد حكومة طاردة لابنائها
ممتصة لعرق جبينهم
مطلعة ودكتهم
كمان عندها مسئوليه تجاه طالب الداخل
على حساب ممحوق الخارج
مش كلهم سودانية واولاد تسعة
وبعدين هم طلعوا من السودان بارادتهم
لا يا وليد قول غير كلامك ده

ود الشيخ العزيز

الحكومة التي تمتص العرق
تمتص عرق من في الداخل اولا ثم تاتيكم ثانيا في الخارج
طالب الداخل ما احن من طالب الخارج

لكن مسئوليتها على شهادة طالب الداخل التي تسمى الشهادة السدانية
تحمل في عنواها في الاعلى
الشهادة الثانوية السودانية

يعني ما حقت الحكومة
بكره الحكومة بتمشي وبتجي غيرها
وبرضو حا يفضل اسمها كما هو
الشهادة الثانوية السودانية

ومن هنا بتجي افضلية طالب الداخل على طالب الخارج
انو بحمل زيادة على الجنسية والميلاد والجواز شهادة مدرسية سودانية
ود ما بحملها طالب الخارج

فكيف يتساون


مع الود الكثيف يا بوي ود الشيخ

الشفت
21-05-2005, 09:44 PM
بعد اذنك يا شفت،،،،،،
" وإذا فهمت البوست هذا ما قصدته في ان الشهادة العربية بتصقلك بحيث
اذا فشلت اكاديميا فهنالك مجالات تسعك" وده الكتبتو ( نجلاء المهدي )
يا ابنتي الشهادة العربية والتربية في الدول العربية بتولد الفشل:
1- الاجتماعي
2- الثقافي
وانسان الشهادة العربية حين ياتي الى السودان فكانه يولد من جديد بحيث يحتاج الى تاهيل اجتماعي شامل وثقافي من دخلت نملة لحدي ما تطلع فمنهم من ياخذ الحبه ومنهم من تقرصه النملة فيهرول فلا يسعه الا ان يصقل نفسه بالتقوقع او بالبوهية.
ولا شنو سمك

الشبح اخد راحتك

البيت بيتك

الشفت
21-05-2005, 09:47 PM
الاخوة الكرام يجب ان نفصل بين امرين :
الاول: هو الضرائب والرسوم الكثيرة والباهظة والتي يدفعها المغترب
والثاني: مطالبته بان يتساوي ابناءه بطلاب الشهادة السودانية
يقيني ان كثير من المغتربين وبمجرد انه يدفع ضرائب ورسوم باهظة للحكومة السودانية
فان ذلك يعطيه الحق في كثير من الامور، ومن بينها طبعا مسألة الشهادة العربية.
لا اعتقد اطلاقا ان هنالك علاقة بين الامرين. هذه النقطة الاولي.
النقطة الثانية مسألة ...ق ابناء المغتربين في اللغات الاجنبية:
وسأضرب مثالا اصغر ابنائي عمره خمسة سنوات فقط يتحدث لغة انجليزية افضل مني بعشرات المرات، هل يدفعني هذا الي اعتبار هذا الابن نابغة زمانه ويجب ان تفتح له الجامعات بالسودان وان يكون اول الداخلين؟
لا اظن ذلك فمعرفته باللغلة الانجليزية طمست عنده الكثير من الاشياء "السودانية جدا"
وفي ظني ويقيني ان خير من يخدم السودان واهله هو من بقي صابرا بالداخل وليس ذلك
الذي عاد للسودان فقط من اجل الجامعة وهو يتأفف من كل شئ حوله.
سؤال:
لماذا لا يبعث المغتربين اينما ما كانوا ابنائهم للدراسة الجامعية بالخارج مثلما درسوا
جميع المراحل الدراسية بالخارج؟؟؟؟؟
مع الشكر
أسعد

ناس الخارج بدفعو شنو قروش

والله لكن

طيب ما يجوا يشوفونا انحنا بندفع دم قلبنا

على الاقل هو شغال وبياخد مرتب قدر شغلوا
نحن هنا شغالين
وبناخد مرتب اقلا من ربع مجهودنا


خلاف الضنك والعيشة القرف العايشينها
هم ما يحمدوا ربهم انو البدفعوه قروش بس
ونحن هنا بندفع حاجات تانية

الشفت
21-05-2005, 09:50 PM
غايتو انا يا وليد بحذرك من الموافقة بي شرط الأخت نجلاء وفي رواية (الخالة) بعد قالت ليك حاتجيب ليك بناتا لي مطارحة ..
أتفق مع الأخت نجلاء في قوة المناهج الإنجليزية خارج السودان خصوصاً من ناحية المخاطبة والتي نجد فيها أبناء السودان ضعفاء جداً علي العكس من جانب القواعد Grammer ..
مققرات الإنجليزي في السودان متدهورة فمنذ الهاندرايت ثم البوك إنتقلنا إلي الإسباين وهو في نظري ضعيف..
غايتو يا وليد وافق بي كلام نجلاء ده وليها ترسل ليك الزيارة ولمن تصل هناك أعمل يع :lol:


فيزه شنو يا عمر
لمن يجيك صحبك القاعد هناك
خلي يحكي ليك انا مكتبي وين ... وقدر كيف ... ومفاتيحوا مع منو

بخصوص المطارحة انا قلت ليها تجي هي وبناتها
هم يكتبوا بي لغة الانقليذ العاجباهم دي ومن شعر الخواجات
وانا بد بالعربي لغة النبي العاجباني وبرد من شعري الخاص

الشفت
21-05-2005, 09:55 PM
هدا الوطن التعيس الدي لم يقدم لابنائه شيئا وحملوا انفسهم وتعلموا
خارجه ولم يكلفوا حكومته اي شي مدة نمؤهم بل بالعكس حملوا له
العملات الصعبه في يوم من الايام عندما كانت العمله الصعبه تسوى
شيئا وعندما كبروا رجعوا لتقطع الحكومه من لحومهم كعادتها لم تكافئهم
لانهم كانوابعيدا في دمة حاكم آخر أكثر شهامه في تحملنامن وطننا
يتحمل عنا مصاريف الصحه والتعليم وغيرها الى ان صار هدا الوضع
غير محتمل فردت الحكومات الاجنبيه ابناء غيرها لوطنهم ليتحملوا
قليل من تبعات الهموم فادا الحكومه تعاقبهم وتقطع من لحومهم ودرجاتهم
وتعاملهم كوافدين صحيح الاستحو ماتوا ياحكومة السودا ن وياشعبها
الممثل في النسبه التي ضد الاستفتاء
ولايسعني الا ان ارفع يدي بالدعاء لله لكي لاتكونوا ناقصين عشره
درجات للدخول للنار وواقفين امام الاعراف مستنين العفو ويكون
حق المغتربين

نجلاء المهدي


بلادي وان جارة على عزيزة ... واهل وان ضنوا على كرام

هي بقت بالقلبه
من يقدم لمن
ومن يصنع من
العيب ليس فيك يا بلادي
فانت لا تصنعين الانسان بل يصنعك الانسان

عَشمُ الاطفال
لبن ... حلوى
وقصة ما قبلِ النوم

املُ الابطال
معركةٌ .. بلوى
رزاز الدم

و نعشم في عودتكم
قبل ان يتخطاها
ندم

يختطتف الموت
اباً او ام

كل المدن المنسية
امست بسواعدكم
كشُعاع

يضئ ظلام الليل
الحالك

وانت يا مدينتنا
ما حالك ???

هَجَركِ ابناوكِ
للغربة

تركوكِ في
عز الكربة

ما سالوا عنكِ
ولا عادوا

اختاروا الملجاء
في مدن اوربا

وخليج العُربِ
صار حكاية
تتناقلُها الاخبار

وحروب بلادي
حكاية...
تتناقلها الاخبار

والهمُ على الاسوار

وجَحَافِل مغول وتتار
عند الباب


هلا عُدتُم
هلا عُدتُم

عودوا او متوا

فالدمُ قد ساح
والعرضُ مباح
والحَملُ سِفاح
والاملُ ..
في عفوِ السفاح

عودوا او موتوا
ماعاد في الغربة كِفاح

عودوا

يامن بَعتُم
سر مدينتنا
بالتفاح


وليد محمد المبارك
جامعة الخرطوم
17/5/2005م
جامعة الخرطوم

نجلاء المهدي
22-05-2005, 12:44 AM
عَشمُ الاطفال
لبن ... حلوى
وقصة ما قبلِ النوم

املُ الابطال
معركةٌ .. بلوى
رزاز الدم

و نعشم في عودتكم
قبل ان يتخطاها
ندم

يختطتف الموت
اباً او ام

كل المدن المنسية
امست بسواعدكم
كشُعاع

يضئ ظلام الليل
الحالك

وانت يا مدينتنا
ما حالك ???

هَجَركِ ابناوكِ
للغربة

تركوكِ في
عز الكربة

ما سالوا عنكِ
ولا عادوا

اختاروا الملجاء
في مدن اوربا

وخليج العُربِ
صار حكاية
تتناقلُها الاخبار

وحروب بلادي
حكاية...
تتناقلها الاخبار

والهمُ على الاسوار

وجَحَافِل مغول وتتار
عند الباب


هلا عُدتُم
هلا عُدتُم

عودوا او متوا

فالدمُ قد ساح
والعرضُ مباح
والحَملُ سِفاح
والاملُ ..
في عفوِ السفاح

عودوا او موتوا
ماعاد في الغربة كِفاح

عودوا

يامن بَعتُم
سر مدينتنا
بالتفاح


وليد محمد المبارك
جامعة الخرطوم
17/5/2005م
جامعة الخرطوم
_________________
دخلت نملة
شالت حبه
وطلعت

جامعةالخرطوم باين عليها تعليم خاص
وادا ماخاص بين عليها شهادتك في زمن نميري
ايام التعريب لانه يااخوي بكل صراحه انت انسان احمق
والمكان اللي فيه مفاتيح مكتبك جديد عليك وشكلك كده
انت مستجد نعمه وخالعك المنصب ابو مفاتيح ده
وانا معانا مفاتيح مدينة امدرمان فتحوها جدودنا
وكان انت جابتك الحكومه دي بكره ستك امريكا
بتشيلك وبتعين واحد افهم منك عل اقل يفهم لغه
انجليزيه عشان يقابل الوفود اللي في نظرك مش
فاهمه ويا.......... سيد سيدك الانجليزي هو الوضع ليك المنهج
وهو اللي وضع ليك ...اقية السلام في بلدك
لكن للاسف القلم مابزيل بلم وهدا ليس افتخار بالانجليز
ولكن فقط بدكرك من تكون ياغشيم وانت انسان غير تربوي
لانك تركض وراء الدرجات بغض النظر كيف كانت ظروف كل
الاشخاص اثناء الدرجات المريض الحصلت ليه ظروف
وبعدين الحاجه الكتبتها انفا واعتقد تقصد بيها شعر
ده كلام خارم بارم وآـسفه عشان صارحتك بالحقيقه دي
لاني انا مفروض عليه كتربوية اراعي شعورك ولكن انا
بعاملك بمثل ماتحب ان تعامل به الناس وشكلك كده من مطاريد
دارفور وانا من هدا المنبر اناشد الاعلى منصبا منك ان يرموك في الزباله
لانك اهلا لها وانت لاتصلح لهدا المنصب
نجلاء المهدي

Relaxed
22-05-2005, 10:02 AM
يبدو ان النقاش اتخذ منحى مغايرا لما اريد له
....كما يبدو انكم ...لا ترون ما ارى ..في التفكير جديا في إلغاء نظام القبول الموحد
المهم
يا الشفت ...ارجوك ثم ارجوك ...ابلاغ خالص التحايا للدكتور عمر التوم
(اذا كان هو عمر التوم بتاع الهندسة الزراعية جامعة الخرطوم)

قول ليه ...زكريا بيسلم عليك

خالد الأمين
22-05-2005, 10:25 AM
الاخت نجلاء المهدي

اسمحي لي اختي ان اقول لك ان انفعالك غير مبرر
وتهجمك بكلمات خارج الاحترام غير مرغوبة وليس لها داعي
ولم اكن اتوقعها من جندرية نكن لهن الاحترام ونتطلع لان يبادلنا له
ليس دفاعا عن الشفت ولكن دفاعا لروح النقاش في المنبر
ارجو ان تتقبلي نقدي وليسعنا المنبر جميعاً

نجلاء المهدي
22-05-2005, 01:32 PM
Sartana



شكرا للملاحظه وان شاء الله الواحد يقلل من الانفعال
ولكن انفعالي مبرر
نسبه لاننا نحن السودانين ادا شقينا لازم الجميع يشقى مش
انحنا تعبنا اولادنا نوفر ليهم حياة ا كرم لا لازم نعذبهم زي
ماحصل لينا نوع من الساديه الغير مبرره
ويجلس الواحد منهم يتشدق بالكلام لو قمت قلت ليه نفذ الكلام
ده عملي اول واحد بيتجرس المسؤول نفسه
صدق انحنا عندنا شهادات خرافيه وعندنا نظره حتى في الشهاده الانجليزيه
زي ماقال الاخ طيب معنى كده مافي منهج احسن مننا طيب انا معكم

سؤال بسيط جدا ؟
اين مخرجاتنا التعليميه . اين الاف سته عشر اين صناعتنا
المتطوره اين تقنيتنا طيب انا ح اجاوبك ، الاجابه المعهوده
مافي امكانيات
طيب ماهي البرامج والمشاريع التي نستطيع ان بيعها للعالم لكي
يصنعها ونستفيد ببراعة الاختراع من هنا يا احبه تقاس الشعوب
بمخرجاتها التعليميه ومن هنا نفتخر باولادنا انهم حصلوا على
معدلات عاليه والمسأله هنا تقاس بالكيف وليس بالكم من الشهادات
والامتيازات
نجلاء المهدي


على

الشفت
22-05-2005, 05:13 PM
جامعةالخرطوم باين عليها تعليم خاص
وادا ماخاص بين عليها شهادتك في زمن نميري
ايام التعريب لانه يااخوي بكل صراحه انت انسان احمق
والمكان اللي فيه مفاتيح مكتبك جديد عليك وشكلك كده
انت مستجد نعمه وخالعك المنصب ابو مفاتيح ده
وانا معانا مفاتيح مدينة امدرمان فتحوها جدودنا
وكان انت جابتك الحكومه دي بكره ستك امريكا
بتشيلك وبتعين واحد افهم منك عل اقل يفهم لغه
انجليزيه عشان يقابل الوفود اللي في نظرك مش
فاهمه ويا.......... سيد سيدك الانجليزي هو الوضع ليك المنهج
وهو اللي وضع ليك ...اقية السلام في بلدك
لكن للاسف القلم مابزيل بلم وهدا ليس افتخار بالانجليز
ولكن فقط بدكرك من تكون ياغشيم وانت انسان غير تربوي
لانك تركض وراء الدرجات بغض النظر كيف كانت ظروف كل
الاشخاص اثناء الدرجات المريض الحصلت ليه ظروف
وبعدين الحاجه الكتبتها انفا واعتقد تقصد بيها شعر
ده كلام خارم بارم وآـسفه عشان صارحتك بالحقيقه دي
لاني انا مفروض عليه كتربوية اراعي شعورك ولكن انا
بعاملك بمثل ماتحب ان تعامل به الناس وشكلك كده من مطاريد
دارفور وانا من هدا المنبر اناشد الاعلى منصبا منك ان يرموك في الزباله
لانك اهلا لها وانت لاتصلح لهدا المنصب
نجلاء المهدي


شكرا جزيلا
في قاموسي لن تجدي مني اساءة شخصيه لكي ابدا .. حتى لو نبذتي اكتر من كده
في موضوع الشهادات العربية ما حاتلقي مني غير الكتبتو ليك لو عجبك ولا ما عجبك .. برضو لو نبذتي اكتر من كده

شكرا جزيلا
على تذكيرك لي من اكون


اسئلة

1) ومن هم مطاريد دارفور ؟؟؟ وهل اضحت دارفور نبز ؟؟؟!!!
2) من هو سيدي هذا !!؟؟ هل تقصدين الكيزان الارهبوكم خلوكم تشردوا من البلد دي ؟؟؟ حريقه فيهم كلهم من شيخهم لي اصغر دقن فيهم ؟؟؟ ديل اسياد الناس البخوفهم ويخلوهم يجروا لحدي القطب الشمالي ؟؟؟ ما انحنا القاعدين في البلد دي رغم انوف الكيزان ومعارضيهم ومن يدعون ملكيتها وملكية شعبها
3)ومن القال ليك انا تربوي انا موظف في الدولة .. في السودان ... بغض النظر عن الحاكمها منو .. كان حاكمها الترابي ولا نميري ولا الصادق ولا عمر البشير... كلهم ده يطقوا بهم ده ... ما كلهم استغلوها وسرقوا دمنا .. عشان كده البلد دي الله مبتليها بي غضب ... من حرب لي حرب ... عشان في ناس قايلين روحهم فوق الناس ... ونحن ما عندنا سيد غير الله ... موش كان عنكم مفاتيح امدرمان ... كان عندكم مفاتيح الكعبة ذاتها
4) من اكون انا حسب ما ذكرتيني وتعرفين؟؟؟

ما تتوقعي ارد عليك بنفس الاسلوب ونفس النبز .. ما بتلقيها مني ... موش انت سودانية ... اشيلك في راسي من فوق .. واصلا ما بتمرق كلمة شينة في حقك .. لكن الكلام الصحي والبحرق بقولو ليك
كان عجبك ولا ما عجبك

الشفت
22-05-2005, 05:27 PM
نرجع لي موضوعنا

المعادلة او نظام الحصص

وحا اتكلم بي لسان اب سوداني قاعد هنا في السودان
موظف في الدولة مافي الحكومة
وما عاوز يغترب

وعندي ولد وبت عاوز اقريهم هنا
يعني المفروض استنا اولاد المغتربين او اسياد امدرمان لحدي ما يدخلوا اولادهم ويفضلوا لينا باقي المقاعد بعد داك
ما هو ده الشي المودي البلد دي لي وراء ... ناس سيدي وسيدك ديل ...

يعني المفروض انو ابناء المزارعين الكادحين ... وغفير جامعة الخرطوم المسكين البصرف مترتبه عشان يجيب مرجع لي بتو ... يقيف في الصف .. ويستنى اصحاب اللغات الاجنبية .. بي شهاداتهم الاجنبية يدخلوا اول ... عشان زمان جدهم عندو مفاتيح امدرمان .. وبعد شوية يجينا سليل الشيخ ارباب العقائد ويقول لينا انا جدي سوى الخرطوم ... ادوني كم مقعد بي شهادة ما عارف جنسها شنو ..
وتنتظر
الشهادة الثانوية السودانية

لحدي ما يشيل اهل الحظوات ما يستطيعون ... ثم يتكرون الباقي للشهادة السودانية وشعبها .. كما عودونا ... دايما يتقاسمون كل شي
وما عرفنا البلد دي سيدها منو

معروف ابراهيم حمدين
22-05-2005, 06:38 PM
الاخ/الشقت

والاخت/نجلاء


الموضوع/ هموم اولادنا ونحن نحملها نيابة عنهم لم يغتربوا هم بل نحن من أغترب

ومن أجلهم .الحديث ا لمطروح من أخونا الشفت اعتقد صادقا أنه لولا أهتمامه بأبناءه بدول المهجر لما طرحه اساسا ؛ وكان كمن يعيش هموم أخوته والطرح كان كمن يبحث عن طريقة مثلى للمعادلة كلنا تلقينا تعليمنا بالسودان وبرغم كل شى، فأننا لانعيب ذلك العلم بدليل أننا بالخارج بعلم بلدنا.

ولكن ظاهرة المعادلة فعلا تحتاج بحث طالما أن الابناء متساوون فى الحقوق مع أبناء الداخل بسودانيتهم قبل كل شىء. ويجب أن لا ندع لبذور التفرقة أن تلاقى غرسا طيبا فى نفوس أبناءنا .

مبدأ الراحة والشقاء حتى داخل الوطن موجود وليكن نقاشنا فى كيفية المعادلة وحتى لوكان
هنالك أمتحان معادلة للشهادات العربية .بعد أمتحان الشهادة .

نجلاء الشفت اكن لكم أحتراما ؛ ولنتحاور بعقلانية ولنبعد عن الانفعال ولكم محبتى.
ابومهند

الشفت
22-05-2005, 07:11 PM
العزيز ابو مهند

غايتو من ناحيتي انا شخصيا ما عندي معاها مشلكة
وبخصوص التجريح والتجاوز ما بتلقاها مني زي ما عملت ... حتى لو تجاوزت اكتر من كده
اما فيما يختص وراي الشخصي وبدون الاساءة الشخصية ... بقولوا حتى لو ما عجب الناس .. ما عندنا سيد غير الله ... وما بنخاف من زول ... وما بمقرق من لسانا الشين .. انشاء الله

نعم ابحث عن حل لمشكلة الشهادة العربية
لكن ما على حقوق اولادنا .. عشان ديك مغتربين وبدفعوا ضرائب ... او اولاد مصارين بيض ... وجدهم زمااااااااااااااااااااااااااااااااااااااااان كان المهدي .... كلنا اولاد تسعة ... والافضلية للورق والشهادات ( بالنسبة للسودنة) ... ويا حبابو الامتحان


يعني خلاص نعتمد الشهادة العربية زي ما هي وتضيع حقوق اولادنا ... عشان في ناس ما لقوا جامعات لي اولادهم بره .. بعد ما قروهم من سنة اولى .. لحدي ثالثة ثانوي ... ووكت ما قفلوها في وشهم بالنسبة التعليم العالي .... جو جري على السودان ... وبنبزوا في الشهادة السودانية ومخرجاتها ..

طيب التعليم السوداني لو كعب ... مالكم جارين على جامعاته ... ما تشوفوا جامعات تانية ... ولا ما لقيتو طريقة


انا يا ابو مهند ما بتكلم عن الاولاد في حد زاتهم
كلهم سودانية زي ما قلته

لكن بتكلم عن شهاداتهم
ما كلها سودانية
وبما انهم حا يقروا في جامعة سودانية
يبقى لاذم يعادلوهم بالشهادة السودانية
ولا خلاص نلغيها من اساسو الشهادة السودانية

وبسال سوال
هل الدولة ما عندها التزام تجاه شهادة تحمل اسم السودان ؟؟؟؟؟!!!!
يعني الشهادة السودانية ما عندها افضلية حتى في دخول الجامعات السودانية ؟؟؟!!

بالله ده كلام


عشان نحن من هسع نعرف راسنا من كرعينا ... ونعرف حا نقري الاودنا شنو ...
ويين
... يمكن نغترب ... ولا نفتش لينا جد يكون عندو مفاتيح لندن ... ولا نقراء لينا لغة صينية عشان نجي نتجدع على الناس ... اصلوا قالوا اللغة الصينية عام 2025 هي اللغة الاولى

الشفت
22-05-2005, 07:17 PM
يبدو ان النقاش اتخذ منحى مغايرا لما اريد له
....كما يبدو انكم ...لا ترون ما ارى ..في التفكير جديا في إلغاء نظام القبول الموحد
المهم
يا الشفت ...ارجوك ثم ارجوك ...ابلاغ خالص التحايا للدكتور عمر التوم
(اذا كان هو عمر التوم بتاع الهندسة الزراعية جامعة الخرطوم)

قول ليه ...زكريا بيسلم عليك

حبيبنا سلامات


لو الغي نظام القبول الموحد ... بيضيع اولادنا نحنا ... وما بكون في حل الا نغترب زي باقي الناس .. ونخلي البلد فاضية .. يقدلوا فيها اسيادها ...


حا اوصل التحايا انشاء الله

اتمنى انك تفضل في البوست
حا نرجع النقاش لمجراه الطبيعي
وسنبتعد عن الهتر والهدر
بس خليك معانا

الشفت
23-05-2005, 12:19 PM
فوق

ودالكريل
23-05-2005, 12:39 PM
الاخ :
الشفت
تشكر على الانضباط والنفس الطويل والاسئلة الحرجة :
((طيب التعليم السوداني لو كعب ... مالكم جارين على جامعاته ... ما تشوفوا جامعات تانية ... ولا ما لقيتو طريقة ؟؟؟))
((وبسال سوال
هل الدولة ما عندها التزام تجاه شهادة تحمل اسم السودان ؟؟؟؟؟

السؤالين ديل البجاوب عليهم له جائزة كبرى يا شباب
نحن مع معادلة الشهادة العربية ولكن بطرق عادلة وعلمية فمن يملك الخبرة مرحب برأيه
لا للشتم لا للسب لا للتجريح ((لاءات ود الشيخ الثلاثة ))
ولي عــــودة
ود المـــــرجي

الشفت
23-05-2005, 12:55 PM
ود المرجي
شكرا كتير


هذا هو المقصد من البوست

نحن مع معادلة الشهادة العربية ولكن بطرق عادلة وعلمية فمن يملك الخبرة مرحب برأيه

نجلاء المهدي
23-05-2005, 02:49 PM
ter]تشكر على الانضباط والنفس الطويل والاسئلة الحرجة :
((طيب التعليم السوداني لو كعب ... مالكم جارين على جامعاته ... ما تشوفوا جامعات تانية ... ولا ما لقيتو طريقة ؟؟؟))

لان الدول العربيه بترجع السودانين بعد الثانويه العامه
وليس حبا فيها
نجلاء المهدي [/size]

ودالكريل
23-05-2005, 03:39 PM
الاخت
نجلاء مهدي

انا بصحح الاجابة قبل الشفت ما جاء وبديك حق المرور 12 من 1000 كويسة معاك
كتبت
(( وليس حبا فيها))
في جوازات تشادية ويمنية في السوق0
000 قال ميثاق الجامعة العربية قال 0000

ولي عــــــودة

ود المــــرجي

الشفت
23-05-2005, 03:56 PM
حبه يا ود المرجي

بقوموا بطردونا من امدرمان ولا يقطعوا مننا الضرايب والهبات ،
انا بديها 1012 من 1000


وليس حبا فيها

يعني في بعض المغتربين بنطبق فيهم المثل ده
شجر الدليب مزروع جوه وضله عند الجيران

23-05-2005, 06:31 PM
الأخت نجلاء دون إنفعال وحتي لا نجعل من أبناء المغتربين القربان التي تقدم لتعليم يجب أن يكون لدينا كلمة حق تجاه الشهادات العربية من خلال مشاهداتنا لهم في الجامعات ..
إهتماماتهم ..ميولهم ..سلوكهم ..مدي قابليتهم للتعليم ..
للأسف أبناء الشهادة العربية (ليس كلهم) بل معظمهم يقدم صورة مقلوبة للوضع الأسري الذي يعيشونه ..
مزيد من الإنفتاح ..السلوك الغريب (لبس ..موسيقي.. كلام)..
معظمهم رواد للكافتريات ميالون للإختلاط القليل منهم ن تجده مهتم بالدراسة ..
كنت مساعداً للتدريس في الجامعة لمدة عام ونصف {ايت مدي إهتمامهم التعليمي وكيفية معالجتهم للأمور التعليمية ..
حتي لا تحتجوا كثيراً لماذا لا يلجأ أولياء أمور الطلاب لتعليمهم خارج السودان ؟؟؟؟؟؟
طالما أنكم تتحدثون عن أن الدراسة في السودان مكلفة هنالك حلول كثيرة (ماليزيا القاهرة الهند ...) ..

لي عودة ..أحببت أن أضع طوبة حاجزاً مكاناً للنقاش..

الشبح
23-05-2005, 06:47 PM
هدا الوطن التعيس الدي لم يقدم لابنائه شيئا وحملوا انفسهم وتعلموا
خارجه ولم يكلفوا حكومته اي شي مدة نمؤهم بل بالعكس حملوا له
العملات الصعبه في يوم من الايام عندما كانت العمله الصعبه تسوى
شيئا وعندما كبروا رجعوا لتقطع الحكومه من لحومهم كعادتها لم تكافئهم
لانهم كانوابعيدا في دمة حاكم آخر أكثر شهامه في تحملنامن وطننا
يتحمل عنا مصاريف الصحه والتعليم وغيرها الى ان صار هدا الوضع
غير محتمل فردت الحكومات الاجنبيه ابناء غيرها لوطنهم ليتحملوا
قليل من تبعات الهموم فادا الحكومه تعاقبهم وتقطع من لحومهم ودرجاتهم
وتعاملهم كوافدين صحيح الاستحو ماتوا ياحكومة السودا ن وياشعبها
الممثل في النسبه التي ضد الاستفتاء
ولايسعني الا ان ارفع يدي بالدعاء لله لكي لاتكونوا ناقصين عشره
درجات للدخول للنار وواقفين امام الاعراف مستنين العفو ويكون
حق المغتربين

نجلاء المهدي

حقيقة هم وافدين الذين يترعرعون خارج الوطن ويكيلون المدح لحكومات البلاد التي اوتهم مع العلم انهم خرجو بارادتهم بمبدأ ان من ضاق عليه العيش في ارضه فارض الله واسعة اما من يتعللون بمبدأ خلافاتهم مع السلطة كسبب للهجرة فهؤلاء من لا مبدأ لهم.
وكونه وطن تعيس فأقول:( بلادي وإن جارت علي عزيزة وأهلي وإن ضنوا علي كرام ). ويكفي بلادنا انها علمتنا الحياة. وانتي مخلوعة بالامارات دي كنت عايشة وين اول.
ومن كانو بعيداً في ذمة( وبالمناسبة حرف الذال تحت Esc أو فوق Tab ) حاكم اكثر شهامة فليس من الشهامة أن تاكل خارج البيت وعندما تعود تطالب بالتحلية الزاما دون ان تعرف ما احتوته صينية الاكل اصلا ناهيك عن التحلية والحمد لله اتضحت الشهامة بالطرد عند الجامعة وعدم شهامتنا تقول فقط لنعمل مقارنة حول الوجبة ومن ثم تاتي التحلية.
والعملة الصعبة وما ادراك ما العملة الصعبة ما كلنا بندفع مالك بتتبجحي بيها ما بترجع لينا في اهلنا وكل مرحلة عندها متطلباتها وقريبا ستلغي فصبراً.
ومع المعادلة حتى النهاية وبالمناسبة في معادلة اجتماعية غايبة عنك ومزيد من الدروس.
وآآآآآآآآآآآآميييييييييييييييين
" حنبنيهو البنحلم بيهو يوماتي "
" وطن شامخ وطن عاتي "

الشبح
23-05-2005, 08:03 PM
افادت المدعوة نجلاء بأن المغتربين يرسلون أبناءهم للجامعات السودانية ليس حباً فيها ولا أدري من فوضها لتكون لسان المغتربين الاعوج وتحدثت سابقاً عن ارتفاع المستوى التعليمي في المدارس العربية.
افيدك علما يا ابنتي بان الدول العربية بما فيها الامارات تتبع سياسة توطين الوظائف ( لتعودي لوطن يرفض امثالك من المتنكرين له ولكنه سيتقبلك لرحابة صدرهـ ) منذ سنين ليست بالقصيرة ولكن من الاسباب التي تحول دون ذلك وهو من اسباب بقائك هناك هو ان نظامه التعليمي غير ناجح ولو كان ناجحاً كفاية لزاد عدد المؤهلين من المواطنين وبالتالي لشغلوا الوظائف المليئة بالاجانب ومن ثم لطردت ماسوفاً عليك كمادحة ومطبلة لأولى الامر الشهمين.
وكقياس آخر لفشل السلم التعليمي وبالتالي بطء عملية التوطين الوظيفي نسبة لعدم وجود مؤهلين محليين هو ازدياد نسبة الاغتراب وليس من السودان وحده ولكن نسبة السودانيين العاملين بالامارات والدول العربية والدارسين بالسودان الكعب ده اقصد التعيس حسب وصفك هم الاكثر نجاحا ويعود هذا الى ان تاهيلهم كان ممتازا والا لما نجحوا في دول تضع في اولوياتها سياسة التوطين.
عليه عندما ترسلين ابناءك للدراسة بالسودان فحبا فيه اولا ورغماً عنك ثانيا. حبا فيه ان يؤهل ابناءك من جديد وهو نعم المؤهل لو تصدُقين ورغما عنك لطردهم دراسيا بعد الثانوية.
فليكن دعاءك هذه المرة ان يبقي الله الجهل في الدول العربية حتى يتسني لك البقاء فيها وسنؤمن حتى لا نبتلى بامثالك في هذه الارض الطاهرة

" حنبنيهو البنحلم بيهو يوماتي "
" وطن شامخ وطن عاتي "

الشفت
24-05-2005, 02:23 PM
عمر الفاروق في الانتظار
عارف انك اكتر زول ممكن يتكلم في الموضوع ده
فما تبخل علينا


الشبح
خشمك فيه اللبن
ولافض فوك
مافي كلام بعد كلامك

من اسباب بقائك هناك هو ان نظامه التعليمي غير ناجح ولو كان ناجحاً كفاية لزاد عدد المؤهلين من المواطنين وبالتالي لشغلوا الوظائف المليئة بالاجانب


عليه عندما ترسلين ابناءك للدراسة بالسودان فحبا فيه اولا ورغماً عنك ثانيا. حبا فيه ان يؤهل ابناءك من جديد وهو نعم المؤهل لو تصدُقين ورغما عنك لطردهم دراسيا بعد الثانوية.


خليك قريب يا حبه

الشفت
27-05-2005, 10:51 PM
نتيجة الشهادة السودانية على الابواب


عشان كده دفرة

ابو اضنين
28-05-2005, 02:55 AM
وليد الشفت والاخوة

انا عندي صديقي درس لحدي المتوسطة بالسودان ومن ثم اكمل دراسته بالامارات وامتحن الشهاده هناك لكن المجموع الذي تحصل عليه لم يسعفه من الدخول لكلية الهندسة في السودان فقرر ان يعيد سنة ثالثة ثانوي في السودان وفعلا امتحن من السودان وتحصل علي نسبة 67% ( الفترة التي اتحدث عنها كان الدخول بالبوكسنج وليس بالنسبه ) وهي ايضا لم تؤهله للدخول فاضطر ان يدرس الجامعه بالخارج .
في راي طالما ان ابناء المغتربين محتجين فيمكن ان يُخضع ابناء المغتربين الذين يودون دخول الجامعات السودانية ان يجلسوا لامتحان آخر يشرف عليه التعليم العالي في السودان ويكون الامتحان في السودان في اغسطس من كل عام ودي فترة اجازة معظم المغتربين .
أما بالوضع الحالي فمن الظلم الكبير معادلة الشهاده السودانية الزمااااااان بالشهاده العربية.
ولي عوده تاني انشاء الله

الشفت
28-05-2005, 04:11 PM
حبابك ابو اظنين

وفي انتظارك

الشفت
29-05-2005, 07:09 PM
وفوق

الشفت
29-05-2005, 07:22 PM
وطني ولا ملي بطني
سكاتي ولا الكلام الني
بليلتي ولا ضبايح طي
قليلتي ولا كُتُر سّمي
(( مقطع من بين الموجة والخزان حلم إنسان للاستاذ حميد ))

الشبح
03-06-2005, 07:40 PM
يبدو ان التصويت لصالح المعادلة وكي لا يشعر ابناء المغتربين الدارسين بالخارج بالظلم نقترح بان تشكل وزارة التعليم العالي لجان لتنظر في المناهج التي تتدرس لابناءنا بالخارج ومن ثم عمل امتحان في الجوانب التي فيها قصورا بمنظور الشهادة السودان وعليه تتم المعادلة عن طريقه وان تكون اللجان مشتركة من جانبين الاول الشهادة السودانية والثاني التعليم العالي (ولا انصح بخصم الدرجات التي تهبها الشهادات العربية مقابل الحضور واعمال السنة حتى تتسنى لهم المنافسة) وان تعرض اقتراحات اللجان على اسر الطلاب والضالعين بالامر حتى يشاركو فيها بالراي ومن ثم ينتهي الاحساس بالظلم لديهم تجاه ابناءهم ولا تكون هناك ضغينة.
مع العلم بانني اثق تماما بان المعادلة تتم بشكل علمي وعادل وعليه اناشد اصحاب القرار والراي بان يوضحوا لآباء طلاب الشهادات الاجنبية النقاط التي على ضوءها تتم المعادلة
حتى لا تكون هناك ضغائن.



واجعني في البحر السكات
وسكتني في الوجع البحر

الشفت
03-06-2005, 08:53 PM
الشبح

شنو يا حبه

بتجينا من شهر لي شهر


ما قاعد توحشنا وكده


كتر طلاتك عليك الله

الشبح
03-06-2005, 09:06 PM
وليد
ياني اكتر زول بريدك
ياني صفوة عاشقيك
ياني راكز الحيل عليك



وما مرقو مروق الحنة من ضفر العروس

الشفت
03-06-2005, 09:23 PM
وليد
ياني اكتر زول بريدك
ياني صفوة عاشقيك
ياني راكز الحيل عليك



وما مرقو مروق الحنة من ضفر العروس

قلت كده

طييييييييييييييييييب

تعال لي بهانك
حا افتح بوست للدوبيت

تعال وجادعني

زهير
01-07-2007, 01:02 PM
up!!!!!!!!!!!!!!!!!!!!

نخلة ونخلتان
01-07-2007, 01:38 PM
يا عالم كلامكم دا دحين في محلو ؟ كيفن ما تتعمل معادلة كان حليتو الاسئلة دي بتقتنعو بالمعادلة
اول الشئ يعني شنو معادلة ؟ دا بحلو ليكن لانو صعب بس انشاء الله يكون سؤال اجباري ويدوني فيهو درجات
المعادلة معناها الكفة دي تساوي الكفة دي
طيب ندخل تووووووووووش للاسئلة لانو الزمن محدود
هل انت في الدول العربية دفعت قروش عشان درس العصر زي هنا ؟
هل انت في الدول العربية دفعت تذكرة مواصلات كان طالب واللا ما عندك بطاقة زي هنا؟
هل انت في الدول العربية اشتريت كراسات واللا دفاتر من الدكان عشان تجي المحلية تلقى حقها عند سيد الدكان كاش ما تلقاها مواد خام ؟
هل انت في الدول العربية اشتريت ليك متر قماش هالك بـ 10 الف ( ما بعرف جنيه واللا دينار ) عشان اللبس؟
هل انت في الدول العربية لاحقت من الصباح سيد الطعمية وسيد العيش ؟
هل انت في الدول العربية وقفت خمس دقايق في الشمس حداداً في انتظار حافلة او بوكسي او كارو عشان تلحق الجرس؟
هل انت في الدول العربية عشان انت طالب المواصلات بتذوق منك ؟
هل انت في الدول العربية فقدت مقعد جلوسك للامتحان مرة علشان ما عندك رسوم ؟
هل انت في الدول العربية انت ياكا انت في السودان ؟
اجابات بالهنا والشفا وحقو لوما حليتو يعادلوكم خمس مرات