المساعد الشخصي الرقمي

مشاهدة النسخة كاملة : الشايقية... ماضيهم المشرق... حاضرهم الأخضر... ومستقبلهم الواعد...


أبو الحسين
08-04-2006, 02:24 PM
إخوتي الكرام في منتديات سودانيز أوف لاين…

سلام وأشواق.. وأنا العضو القديم (الجديد) بينكم...

أدعوكم إخوتي الكرام إلى دخول حوش الشايقية… (جبنة في الأرتيق –ضُل الضحى- ...العنيقريبات متقابلات ....الرميلة مرشوشة ... بخور التيمان معجعج المكان… ربيطة برسيم جَنْب كانون (منقد) الجَبنة… والقلوب والنفوس الطيبة تقابلكم بالبشاشة المعهودة... لا داخُل... حبابكم عشرة بلا كشرة..)…

أدعوكم أحبتي... لنبحر سوياً في حوش الشايقية وتراثهم الذي شغل الدنيا بما حواه من مادة ثقافية ثرة ومفيدة... وأنا إخوتي الكرام… وأعوذ بالله من كلمة أنا… جلست كتيييييييييييير مع الباحث في التراث محجوب كرار الله يرحمه… وكتبت منه الكثير… وأيضاً جلست كثيراً مع الغالين جداً مُحُمد ود حُمد إحمد الشايقي… الشاعر المعروف بكريمة… ومحمد جيب الله كدكي الله يمد في أعمارهم ويديهم الصحة والعافية… وكتبت من الجميع كثير جداً… وإنشاء الله أطلعو هنا في هذا البوست حتى يعلم الجميع ما هو تُراث الشايقية…

وستدور كل حواراتنا عن الشايقية بين الماضي المشرق والحاضر الأخضر والمستقبل الواعد بإذن الله تعالى.... بما في ذلك عاداتهم وتقاليدهم في الحياة اليومية إبتداءاً من بناء اللبنة الأولى في المجتمعات (الحب، الزواج، الولادة، الختان، تنشئة الطفل، النضوج، أشعار الحماسة والحرب،، أشعار الحنين والغربة... إلخ) ثم ثقافاتهم الأدبية من أشعار وقصص....

فإلى أُولى هذه المشاركات وهي قصة إستوقفتني ملياً.... وهي وضع الأفندي (الموظف) والمزارع الكادح في ميزان الشايقية زمان!!!!......
يقول أحدهم ناصحاً لفتاة نضُجت وأصبحت على أعتاب دخولها القفص الذهبي على سبيل الوصية والنصح لها....
أُوصيك ريلة.... لا تاْخدي المصُوبِن لي كريمي
أُخدي القشَّقة وقلع الهديمي
المنضِّف تمرو قالِبلو اْلمي ديمي
والمعلِّق تورو كارِبْلو التميمي....
فأضع بين أيديكم هذه الوصية التي تُعتبر ـ على حدِّ نظر قائلها ـ قيِّمة للغاية في زمنها.....

ولكم ودي وحبي قواسيب قواسيب…

أبو الحســـــين.....

الدِكْشِنري للشايقية البطريين وكدي!!::
المصوبِن: هو الشخص اللابس نضيف غاسل ملابسه بالصابون وإحتمال يكون كاوي!!!!
القشَّقها: جاية من كلمة القُشُق والفانوق... ودي كلمات نوبية من مفردات الساقي... وهما عودان يوضعان لتثبيت الساقية من الدوران.... ودايماً يضعها المزارع عندما ينتهي من إستخدام الساقي....

kijinki
08-04-2006, 04:35 PM
تسجيل حضور واقامه مستديمه.......

أبو الحسين
08-04-2006, 07:21 PM
تسجيل حضور واقامه مستديمه.......


الغالي جداً كجنكي...

أسعدني حضورك الأولاني دا...

ويا مراااااااااااحب بيك... الحوش لو ما شالك تشيلك رموش العين يا اخوي...

لك من المودة والمحبة كمشرق القرير... وعجو المحس...

أبو الحســــــــين....

عبد الغفار عبد الله المهدى
08-04-2006, 11:52 PM
ابو الحسن
عزرا وفضلا منك اقحام نفسى فى تلك الروعة
مهديا اياك كلمات خالد شقورى عن معاناة المراة فى صدر التسيعنيات
وهى
حواء ماتت لما ماتت امها وكانت طفيلى(1)
ماسك كف التوب تخسط والدموع تنزل هميلى
ابوها قاليها مالك والعذاب كيفن مشالك
حواء قالت داير تشرب ما لقت ولا حتى ريقه
حواء قالت داير تاكل ان لقتلها لقمة نية
قالوا ليها ان داير تاكلى اكلى فى خاطرك شوية
اضحكيلن وابسميلن تلقى بدل اللقمة ميه
حواء قالت داير تلبس حشمة ما شرطا قيافة
قالوا ليها الدايرتلبس الا تقلع توب عفافه
سوت الشاى للعطالة ما جنت غير الرزالة
حامت الحلال تغسل شالو ناس الحلة حاله
صنقرت فى ضل مصقر سارحه تلتق فى نعاله
فى ضجيج عجلات زمانه ما لقت لمحة جماله
ما لقيت غير انو ترحل لمدائن الهم ذليله
هذا فسض من بحر ابداع الشايقية والذى لمس الواقع بعبقرية فذة ونتمنى التواصل معك عزيزنا ابو الحسن
حاشية(1) تصغير لكلمة طفلة لكنها لاتخلو من كسر الحرف الاخير فى لهجة الشايقية

احمد حسن جدعه (قندفه)
08-04-2006, 11:53 PM
إخوتي الكرام في منتديات سودانيز أوف لاين…

سلام وأشواق.. وأنا العضو القديم (الجديد) بينكم...

أدعوكم إخوتي الكرام إلى دخول حوش الشايقية… (جبنة في الأرتيق –ضُل الضحى- ...العنيقريبات متقابلات ....الرميلة مرشوشة ... بخور التيمان معجعج المكان… ربيطة برسيم جَنْب كانون (منقد) الجَبنة… والقلوب والنفوس الطيبة تقابلكم بالبشاشة المعهودة... لا داخُل... حبابكم عشرة بلا كشرة..)…

أدعوكم أحبتي... لنبحر سوياً في حوش الشايقية وتراثهم الذي شغل الدنيا بما حواه من مادة ثقافية ثرة ومفيدة... وأنا إخوتي الكرام… وأعوذ بالله من كلمة أنا… جلست كتيييييييييييير مع الباحث في التراث محجوب كرار الله يرحمه… وكتبت منه الكثير… وأيضاً جلست كثيراً مع الغالين جداً مُحُمد ود حُمد إحمد الشايقي… الشاعر المعروف بكريمة… ومحمد جيب الله كدكي الله يمد في أعمارهم ويديهم الصحة والعافية… وكتبت من الجميع كثير جداً… وإنشاء الله أطلعو هنا في هذا البوست حتى يعلم الجميع ما هو تُراث الشايقية…

وستدور كل حواراتنا عن الشايقية بين الماضي المشرق والحاضر الأخضر والمستقبل الواعد بإذن الله تعالى.... بما في ذلك عاداتهم وتقاليدهم في الحياة اليومية إبتداءاً من بناء اللبنة الأولى في المجتمعات (الحب، الزواج، الولادة، الختان، تنشئة الطفل، النضوج، أشعار الحماسة والحرب،، أشعار الحنين والغربة... إلخ) ثم ثقافاتهم الأدبية من أشعار وقصص....

فإلى أُولى هذه المشاركات وهي قصة إستوقفتني ملياً.... وهي وضع الأفندي (الموظف) والمزارع الكادح في ميزان الشايقية زمان!!!!......
يقول أحدهم ناصحاً لفتاة نضُجت وأصبحت على أعتاب دخولها القفص الذهبي على سبيل الوصية والنصح لها....
أُوصيك ريلة.... لا تاْخدي المصُوبِن لي كريمي
أُخدي القشَّقة وقلع الهديمي
المنضِّف تمرو قالِبلو اْلمي ديمي
والمعلِّق تورو كارِبْلو التميمي....
فأضع بين أيديكم هذه الوصية التي تُعتبر ـ على حدِّ نظر قائلها ـ قيِّمة للغاية في زمنها.....

ولكم ودي وحبي قواسيب قواسيب…

أبو الحســـــين.....

الدِكْشِنري للشايقية البطريين وكدي!!::
المصوبِن: هو الشخص اللابس نضيف غاسل ملابسه بالصابون وإحتمال يكون كاوي!!!!
القشَّقها: جاية من كلمة القُشُق والفانوق... ودي كلمات نوبية من مفردات الساقي... وهما عودان يوضعان لتثبيت الساقية من الدوران.... ودايماً يضعها المزارع عندما ينتهي من إستخدام الساقي....

الأخ أبوالحسين سلام
قالبلو ألمي ديمي و كاربلو التميمي
ديل ما شرحتهم مالك.
ماعشاني أنا. عشان قمر أربعطاشر ;)

Gamar14
09-04-2006, 12:10 AM
الأخ أبوالحسين سلام
قالبلو ألمي ديمي و كاربلو التميمي
ديل ما شرحتهم مالك.
ماعشاني أنا. عشان قمر أربعطاشر ;)
اولاد عمي الشوايقي كيفنكم .. الغاليين ود الحسين وقندفي

دقيقة يا ابو الحسين خليني اشرح لي قندفة الكلام دا: :p

المي يعني الموية

كاربلو التميمي : يعني خايف عليهو من العين وملبسو تميمة


قندفة لو عندك اي سؤال تاني .. قمراربعتاشر حاضرة لتجيب على كل اسئلتك يا غالي .. هوا نحنا عندنا كم قندفة ;)

احمد حسن جدعه (قندفه)
09-04-2006, 01:07 AM
اولاد عمي الشوايقي كيفنكم .. الغاليين ود الحسين وقندفي

دقيقة يا ابو الحسين خليني اشرح لي قندفة الكلام دا: :p

المي يعني الموية

كاربلو التميمي : يعني خايف عليهو من العين وملبسو تميمة


قندفة لو عندك اي سؤال تاني .. قمراربعتاشر حاضرة لتجيب على كل اسئلتك يا غالي .. هوا نحنا عندنا كم قندفة ;)

القمر
كاربلو التميمي دي خلي أبوالحسين يشرحا ليك
بعدين أنا شايقي من جدي أبو أبوي وجدي أبو أمي
وحبوبتي أم أبوي وحبوبتي أم أمي. علا ما شايقي
من تالا حكومتي(مرتي) ;)

ود مسمار
09-04-2006, 01:25 AM
مرحب ود الحسن.. شكرا للبوست الممتع.. اتمني ان تواصل

المنصورى
09-04-2006, 02:04 AM
الاخ ابو الحسين
مرحبتين حبابك .

الاخوه المتداخلين ،اطلب السماح لشرح كلمة التميمى .
التميمى حبل يصنع من ليف التمر او من السعف . بعض الناس يطلقه على الحبل الذى يلف به خشم الدابه ( اللجام ) .
والبعض الآخر يطلقه على الحبل المكون من جزئين ( عصاء و تميمه ) فالجزء الآخير من الحبل يكون بزرقينه ويوجد حباس فى نهاية الحبل لكى لا يقطع رجل الدابه ، فيعرف هذا الجزء بالتميمى .
اتمنى ان اكون وفقت فى الشرح .

احمد حسن جدعه (قندفه)
09-04-2006, 02:39 AM
الاخ ابو الحسين .
التميمى حبل يصنع من ليف التمر . .


;) اللشميق ;)

أبو الحسين
09-04-2006, 10:42 AM
ابو الحسن
عزرا وفضلا منك اقحام نفسى فى تلك الروعة
مهديا اياك كلمات خالد شقورى عن معاناة المراة فى صدر التسيعنيات



الغالي جداً عبد الغفار ود عبد الله ود المهدي... إسمك حلااااااااااااتو مقعد وكيف سمح...

لا إقحام ولا غارة يا اخوي... الحوش حوش الجميع... وموش شعر الشايقية بس... أي أشعار وتراثيات نقبلها... وعندي زخيرة كبيرة من أهلنا ناس البطانة والجزيرة حا أنزلها واااااااحدي واحدي... بس الإنتهي من تراث أهلنا الشايقية والمناصير والبديرية ديل!!! لووووووووووووول!!! :mad: :p ;) :o :eek:

لك من المحبة والمودة كحلاوة.. روائع خالد شقوري والسر عثمان الطيب وكل فحول الشعر بالقرير...

وأرجوك واصل معانا تشرفنا ويسعدنا دايماً مرورك علي الحوش بي جاي... بس كلما تجي لا تجي إيدك لا ورى وواحدي لا قدام... تعال شايل معاك زي دي زي دي... لوووووووووول!!! كريم وشحاد:rolleyes:

أبو الحســــــــين...

أبو الحسين
09-04-2006, 12:08 PM
الأخ أبوالحسين سلام
قالبلو ألمي ديمي و كاربلو التميمي
ديل ما شرحتهم مالك.
ماعشاني أنا. عشان قمر أربعطاشر ;)

الغالي جداً قندفة...

ألمي... طبعاً الموية...

وقالِبْلو ألمي... يعني فاتح فيهو الموية من الجدول..

ديمي: طبعاً دايماً..

التميمي... تفضل الأخل المنصوري بشرحها لووووووووووول!!! ورديت عليهو بالأشميق؟؟؟ أها الأشميق دا ذااااااااااتور دايرين ترجمتو لي شوايقة لندن...:p ;) :D :o :)

لك من المودة والمحبة أحلاها وأعذبها...

وأبقى مشارك لا تطلب دايماً!!!

أبو الحســــــــــين...

mazin
09-04-2006, 06:16 PM
مرحباً بنا وبكم فى الحوش الكبيـــــــــــــــــــــــــــــــــــر،،،،،،
وانشاء الله البينا دايماً عامــــــــــــــــــــــــــــــــــــــــــــره، ،،،،،،،،،،،،،

عبد الغفار عبد الله المهدى
10-04-2006, 12:05 AM
ابو الحسين
هاك دى
يا وفا ليه بتردى المويه ما حرام عليكى تشيلى
ما كان حقو تملى الباقه عشان هى فاضى عليكى تقيلى
ايديك تتعبه الهبابه والعين متعباله قبيلى
والضيف ان جاء للشايقية تالت يوم وقعته تقيلى

احمد حسن جدعه (قندفه)
10-04-2006, 02:44 AM
الغالي جداً قندفة...

ألمي... طبعاً الموية...

وقالِبْلو ألمي... يعني فاتح فيهو الموية من الجدول..

ديمي: طبعاً دايماً..

التميمي... تفضل الأخل المنصوري بشرحها لووووووووووول!!! ورديت عليهو بالأشميق؟؟؟ أها الأشميق دا ذااااااااااتور دايرين ترجمتو لي شوايقة لندن...:p ;) :D :o :)

لك من المودة والمحبة أحلاها وأعذبها...

وأبقى مشارك لا تطلب دايماً!!!

أبو الحســــــــــين...

أطالع?
أطالع في قمر شقا الخمار طالع
أطالع في بدر نور بهر ساطع ;)

احمد حسن جدعه (قندفه)
10-04-2006, 07:48 AM
قدر الله ما مدً السما
في قلبي ريدك مددو ;)

أبو الحسين
10-04-2006, 11:00 AM
اولاد عمي الشوايقي كيفنكم .. الغاليين ود الحسين وقندفي

دقيقة يا ابو الحسين خليني اشرح لي قندفة الكلام دا: :p

المي يعني الموية

كاربلو التميمي : يعني خايف عليهو من العين وملبسو تميمة


قندفة لو عندك اي سؤال تاني .. قمراربعتاشر حاضرة لتجيب على كل اسئلتك يا غالي .. هوا نحنا عندنا كم قندفة ;)

الغالية جداً قمرنا الضاوي...

والله لكن لقيتك شايقية عدييييييييييييل... ربنا يحفظك ويغتيك قولي آمين...

بس لكن يا ستي التميمي عكس التميمة...

والقصة دي قبل كدة إتكلم عنها كدكي في التليفزيون في برنامج ما إتذكر هسي إسمو,.. نحن في الشايقية عندنا كلمات لا تُفتح ولا حاجة... زي مثلاً كلمة الحِيبِي ... اللي هي بالمعنى القريب كدي السبخة لوووووووووووول... ويعني برضو التراب الناعمة التلقوها لا تِحِت من درب الجمل... يعني لاها لامي في الواطة الدراشة ولاها لامي في الطين اللا تحت!!!! لووووووووول:rolleyes:

وتاني مثلاً زي كلمة التميمي دي... لو فتحتيها يعني قلتي التميمة... تكون ياها الإنتي قصدتيها يعني بتاعت العين والسحر وكدي... وكان بقت مكسورة شايقية التميمي تكون ياها زي ما قال المنصوري!!! أها لقيتوني كيف؟؟؟؟

لكم من المودة والمحبة أحلاها وأعذبها...
وبجيكم راجع شويي للمفردات دي لو ربنا حيانا...

أبو الحســـــــين...

احمد حسن جدعه (قندفه)
10-04-2006, 11:45 AM
عووووووووووووووووووك
القمر طشششششششششششت ;)

أبو الحسين
10-04-2006, 02:52 PM
القمر
علا ما شايقي
من تالا حكومتي(مرتي) ;)

لوووووووووووووووووووول!!! يا قندفة!! :D :o :) :confused: :p

دا معناهو ما شايقي.. لأن نحن في عالمنا المعاصر أهم شئ هوية الحيكومة!!! يا الله تحكِمْنا لو بي خواجيي!!! ;)

لك ولحيكومتك من المودة أحلاها وأعذبها...

أبو الحســـــــين...

أبو الحسين
10-04-2006, 07:28 PM
مرحب ود الحسن.. شكرا للبوست الممتع.. اتمني ان تواصل

الغالي ود مسمار...

شكراً على مرورك الجميل... (البخيل)... المرور ساكت كدي ماب نقبلو لازم تنزل وإيديك ملياني كمان!!! :p :D

لك من المودة كحلاوة:
عميمتك المكروبة والهجيري الواقف فيها دي!!!

أبو الحســــــين...

احمد حسن جدعه (قندفه)
11-04-2006, 04:59 AM
لوووووووووووووووووووول!!! يا قندفة!! :D :o :) :confused: :p

دا معناهو ما شايقي.. لأن نحن في عالمنا المعاصر أهم شئ هوية الحيكومة!!! يا الله تحكِمْنا لو بي خواجيي!!! ;)

لك ولحيكومتك من المودة أحلاها وأعذبها...

أبو الحســـــــين...

ما قلنا نحسن النسل لي باقي الجماعة.
مقطع صغير مهداء لي قمر14

جــوز القمــاري بقدس الحـب والمحنة
يا ريت لو زولي شافو أكيد كان قلبو حنا
بيعرف اللوم والعتاب لو حبيبو عليهو ضنا
ويعتزر عن اي غلطة ما التسامح عندو سُنه
وقشـه قشـه بيبني عُشـو لا فتـر لا شُفنا ونـا
بيهـزم الريـح البتهزم لـي أمانينـا وأملنـا ;)

حيدر عثمان سعيد علي
11-04-2006, 06:46 PM
الاخ ابو الحسين
اولاً الف حمداً على سلامة العودة للبنبر
ارجو امتاعنا بالمزيد

احمد حسن جدعه (قندفه)
14-04-2006, 04:02 AM
فووووووووووووووووووووووووووق

أبو الحسين
16-04-2006, 08:09 PM
فووووووووووووووووووووووووووق


الغالين الحلوين...

رواد حوش الشايقية...

مساكم الله بالخير والرضا...

والله ما قطعني منكم إلا الشديد القوي... وجاييييييييييكم (لو ربنا حيانا) وجرابي ملاااااااااااان تب...

لكم من المودة والمحبة أحلاها وأعذبها....

أبو الحســــــــين....

أبو الحسين
06-05-2006, 08:11 PM
إخوتي الكرام رواد الحوش العامر بيكم دوماً... مساكم الله بالخير والرضا...
اللللللللللللللله يا الحب الصادق عند الشايقية زمان.... الما زي حب ناس واحدين هسع !!!!؟؟؟

خصمتكم بالله شوفو جنس الكلام دا حصل لاقاكم في حكايات ألف ليلة وليلة؟؟؟؟

مرسالي الهميم أركب هجَّاني..
روح بي سُرعة أنزل في الحِتَّاني..
أمِش واندلّة بالدرب التِحتاني...
كُورك بي سُتُر قول يا فلاني...
زايلي الدنيا مُخْلاتي المَلاني...
أنا ماب انساكي لا مُدةْ زماني...
عند القرقرة وعَقْدةْ لساني....
أجيب الكلمة واْخْتِمها بي فلاني....


لوووووووووووووووول... شوفو بالله يجيب لا إله إلا الله ويختمها بي إسم محبوبته (الغبا اليغباهو) وزي ما قالو الجن بي ينداوى!!!!

ولكم ودي حتى تستغيثون...

أبو الحسين.....

احمد حسن جدعه (قندفه)
06-05-2006, 09:43 PM
مرسالي الهميم أركب هجَّاني..
روح بي سُرعة أنزل في الحِتَّاني..
أمِش واندلّة بالدرب التِحتاني...
كُورك بي سُتُر قول يا فلاني...
زايلي الدنيا مُخْلاتي المَلاني...
أنا ماب انساكي لا مُدةْ زماني...
عند القرقرة وعَقْدةْ لساني....
أجيب الكلمة واْخْتِمها بي فلاني....[/POEM
أبو الحسين.....


;) لو كان مُقدر إني اروح سويلي في روحك ضريح ;)

أبو الحسين
07-05-2006, 02:55 PM
إخوتي الكرام رواد الحوش العامر بيكم...

نهاركم سعيد..

الللللللللللللللللللللللله يا المخاطرة من أجل المحبوب....
أخونا دا كان من كبار المزارعين المرموقين،،، لكن محبوبته في الحي الآخر،، فأراد أن يخاطر بمكانته الرفيعة بين زملائه المزارعين ،،، وعشان سواد عيون محبوبته يُصير شحاداً يمر بالحلاّل حقيراً ذليلاً يسأل الناس!!!!:rolleyes: ;) أي مخاطرةٍ هذه؟؟؟؟:confused:
يقول شاعرنا....

دايْر أقِد القرعة مالي علي الشقاوة...

وداير أباري الحِلِّي واشحدها شاوة شاوة...

في التمُر والسكر والعيش والحلاوة...

أتقِّل دمي عِنْ بيت الزغاوة... (دا بيت محبوبته)!!!!

وأشوف الدابو بالمِتِّيق إتساوة...

الصَّمَدو علي السواقي أخد البراوة....

عليكم الله حُب جماعتنا الزمن دا... يجي بي جنب دا؟؟؟ ;) :confused: :rolleyes:

قالوا حُب قالوا!!!!

ولكم من المودة والمحبة أحلاها وأعذبها...

أبو الحســــين.....

أبو الحسين
09-05-2006, 08:59 PM
من جمال أبريـــــدة إهداء إلى كل العشاق في البورد... وإلى رواد حوش الشايقية...



...معاك يا غالية أحس الدنيا ملكي براي...

سارِح فيها بي كيفي
نازِل بالعُرُض والطُول
عشْمان في غدٍ أجمل
مُستقبل ملان اْفراح
يحكي كوامِن العِشِق النَبَع جُوَّاي...
...معاك يا غالية أحس الدنيا ملكي براي...

مابين القوافي التايهة في محياك
غنِّيتِك شِعِر من نور
إسترجَعْتَ ماضينا
عِشْتِك فرحة في الداخِل
حلااااة ذكراكِ لما تكوني حاضرة معاي...
...معاك يا غالية أحس الدنيا ملكي براي...

تتوسع مداخل النور يجينا الضو
تِتْسارع خُطى الأيام علي الشاطئ
وفوق شاطئ الغرام نبني العُشْ الموعود
نهنئ النفس بالباقي الفَضَل فيها
ويكون حققت بي قُربِك سعادتي هناي...
...معاك يا غالية أحس الدنيا ملكي براي...

نطْرُد من دُنانا الخوف
نِتْصالَحْ مع الأيام
نَوِزْنَ الصورة بالعَدَلَة
تِنْشاف واضحة بالجِيهتين
في الزمَنْ الردئ ومكَّار تكون سلواي...
...معاك يا غالية أحس الدنيا ملكي براي...

نسوِّي أغاني للأطفال
مُتْنفَّس تسلِّيهُم
تَوَسِّع قُدْرَتُم للوعيِ والإدراك
تَحَفِّز فيهُم الجِد لي بلوغ المَجْد
تهْديهم تجارُب حية فكرِ وراي...
...معاك يا غالية أحس الدنيا ملكي براي...

طيفِك لمَّا يغْشاني
إتْمَطَّق حلاةْ شَهْدِك
إتْحَسَّسْ خطاويكي
وصْلِ وصَال وصُول وصْلِك
مبتَغى قَصْدي كلَّ مُناي...
...معاك يا غالية أحس الدنيا ملكي براي...

كم سَاسَقْ علي بابِك
واقِف لما جاني نِداكْ
أدخُل قلبي مفتوح ليك
وبي نشوةْ عشيق فرحان وجَد ليلاهُ
كُل الكون سِمِع لغُناي...
...معاك يا غالية أحس الدنيا ملكي براي...

فِ ليلة سعيدة ما اْحْلاها
خطِّينا الغَد الموعود
رسَمْنا حياتنا أحلى نشيد
عشمنا سَعَد في بُكرة الخِير
نعيش اللحظة والفَرَح اللِّي قادِم جاي...
...معاك يا غالية أحس الدنيا ملكي براي...

صلاةُ الله على الهادي
محمد خيرِ خلق الله
المعصوم من الزَلاَّت
منَّ (أبريدة) راويها
تُنِير عُتمة ظلام دنياي...
...معاك يا غالية أحس الدنيا ملكي براي...ولكم من المودة والمحبة أحلاها وأعذبها...

أبو الحســـــــــين...

احمد حسن جدعه (قندفه)
09-05-2006, 09:08 PM
http://9q9q.com/May/1147190729.jpg (http://9q9q.com/)

please see ur private messages;)

أبو الحسين
10-05-2006, 11:20 AM
إخوتي الكرام...

صبحكم الله بالخير والرضا ياااااااااارب...

إهداء إلى كل العشاق...

معاك يا غالية أحس الدنيا ملكي براااااااااااي...

...معاك يا غالية أحس الدنيا ملكي براي...

سارِح فيها بي كيفي
نازِل بالعُرُض والطُول
عشْمان في غدٍ أجمل
مُستقبل ملان اْفراح
يحكي كوامِن العِشِق النَبَع جُوَّاي...
...معاك يا غالية أحس الدنيا ملكي براي...

مابين القوافي التايهة في محياك
غنِّيتِك شِعِر من نور
إسترجَعْتَ ماضينا
عِشْتِك فرحة في الداخِل
حلااااة ذكراكِ لما تكوني حاضرة معاي...
...معاك يا غالية أحس الدنيا ملكي براي...

تتوسع مداخل النور يجينا الضو
تِتْسارع خُطى الأيام علي الشاطئ
وفوق شاطئ الغرام نبني العُشْ الموعود
نهنئ النفس بالباقي الفَضَل فيها
ويكون حققت بي قُربِك سعادتي هناي...
...معاك يا غالية أحس الدنيا ملكي براي...

نطْرُد من دُنانا الخوف
نِتْصالَحْ مع الأيام
نَوِزْنَ الصورة بالعَدَلَة
تِنْشاف واضحة بالجِيهتين
في الزمَنْ الردئ ومكَّار تكون سلواي...
...معاك يا غالية أحس الدنيا ملكي براي...

نسوِّي أغاني للأطفال
مُتْنفَّس تسلِّيهُم
تَوَسِّع قُدْرَتُم للوعيِ والإدراك
تَحَفِّز فيهُم الجِد لي بلوغ المَجْد
تهْديهم تجارُب حية فكرِ وراي...
...معاك يا غالية أحس الدنيا ملكي براي...

طيفِك لمَّا يغْشاني
إتْمَطَّق حلاةْ شَهْدِك
إتْحَسَّسْ خطاويكي
وصْلِ وصَال وصُول وصْلِك
مبتَغى قَصْدي كلَّ مُناي...
...معاك يا غالية أحس الدنيا ملكي براي...

كم سَاسَقْ علي بابِك
واقِف لما جاني نِداكْ
أدخُل قلبي مفتوح ليك
وبي نشوةْ عشيق فرحان وجَد ليلاهُ
كُل الكون سِمِع لغُناي...
...معاك يا غالية أحس الدنيا ملكي براي...

فِ ليلة سعيدة ما اْحْلاها
خطِّينا الغَد الموعود
رسَمْنا حياتنا أحلى نشيد
عشمنا سَعَد في بُكرة الخِير
نعيش اللحظة والفَرَح اللِّي قادِم جاي...
...معاك يا غالية أحس الدنيا ملكي براي...

صلاةُ الله على الهادي
محمد خيرِ خلق الله
المعصوم من الزَلاَّت
منَّ (أبريدة) راويها
تُنِير عُتمة ظلام دنياي...
...معاك يا غالية أحس الدنيا ملكي براي...


ولكم من المودة أحلاها وأعذبها...

أبو الحســــــــــين...

doogi
13-05-2006, 02:57 AM
الشوايقة متين كان عندهم ماضي عشان يكون عندهم حاضر؟؟؟
بس لو ما كان علي عثمان و ابو الجاذ الشعب السوداني كان لحكم
امات طة زماااااااااان

أبو الحسين
13-05-2006, 11:51 AM
الشوايقة متين كان عندهم ماضي عشان يكون عندهم حاضر؟؟؟
بس لو ما كان علي عثمان و ابو الجاذ الشعب السوداني كان لحكم
امات طة زماااااااااان

لووووووووووووووووووول!!!

كدي قول بسم الله ويا سيدي الحسن...

مالك جايي داخل كدي مادْ كازومك... لا سلام ولا كلام...:rolleyes: ;)

بس نحن نقول ليك أول مرحب بيك في حوشنا... وشرفت ونورت...

وبجيك راجع لي موضوع علي عثمان وود الجاز دا...

كدي هسع قلنا بس نرحب بيك...

لك من المودة والمحبة أحلاها وأعذبها...

أبو الحســــــين...

أبو الحسين
17-05-2006, 05:52 PM
الأحباب الحلوين رواد حوش الشايقية...

نهاركم سعيد...

أهديكم هذه القصيدة جميعاً وخصوصاً العاشقين ومكسرين راقدين رز...

نور محياكي يحكي سعادة المُستقبل القادم

الزمن الوقف من مُدَّة تِتْحَرَّك خطاويهو
النيل الحَسَر مجراهو يرجع تااااااني منساب خير
الولد الهَجَر أوطانو عاد من رحلة التسفار
الروض الزَبَل أزهارو إتْفَتَّح كما الإشراق
والليل الرفض ما يْعَدِّي إتحدَّاهو نور محياكي
ضوَّ جميــــع العـــوالم...

نور محياكي يحكي سعادة المستقبل القادم...

عِشِقْتِك روحي شَان اْكَّدْت حُبِّك ليْ
قاسيت لي رجوع حُضْنِك
عانيت قسوة التيار وعصف الريح
جازَف بين عباب الموج
أرسيت فوق شواطيكي
براحات قلبِك الوافي
ضَمَّت قلبي بي تِحْنان
أحبببببِّك يا اْم ضميراً طيب مسالِم...

نور محياكي يحكي سعادة المستقبل القادم...

مِنِّك كم عِرفت الدنيا ما احلاها
إتعلمت معنى العِشْقِ والإخلاص
ومنك ضُقْت طعم الحُب الحقيقي
إتخرجت من معهد غرامك درجة دكتوراه
ومنك نلت شرف الدنيا بالجيهتين
من جيهة سعادتي معاك.. وفرحة عمرنا القادم...

نور محياكي يحكي سعادة المستقبل القادم...
(1)
سعادتي معاكي مااااااب تحصيها أشعاري
دُرة فريدة بيكي المولى خصَّاني
توَّجِك الكريم علاَّك
سوَّاك كيِّي للقمرة
شان ما تَتْغَى تِتْفُوجَجْ
وخصَّاك بي جمال حوري
لبَّسِك العفاف مقنع
وسواك للبنات عنوان
دا شان مكنونك الطاهر..
البيهو المولى عالِم...

نور محياكي يحكي سعادة المستقبل القادم...

وااااااااااهيبة جلالك بين بنات الحي
صافية كما الندى الفجري
أحلى من الشَهَد محياك
ليلي الحالِك إتبدَّل معاك بقى ضيْ
جملة وحيدة في عينيكي بقراها
من أول لقانا الكان بردِّدها يوت
أهواك يا جمال دُنياي
ليكَ وهَبت حُبي فريد
دا كلَّ الكان وما قد كان
والكائن في علم الغيب
نِسْتَشْرَفْ مراميهو
سعادة هنا ووفا واخلاص
مادام الوجود قايم...

نور محياكي يحكي سعادة المستقبل القادم...


ولكم جميعاً أحبتي من المودة أحلاها وأعذبها...

أبو الحســـــــــين..

البديري
17-05-2006, 06:04 PM
قدر الله ما مدً السما
في قلبي ريدك مددو ;)

العزيز قنيدفة ;)

ممكن تورينا قائل هذه الأبيات ;)

عبدالوهاب الشريف
17-05-2006, 06:21 PM
وملعون أبو عِلانْ ،

القالْ تهاجر .. يجيكْ

شِيتاً كتيرْ . . بلحيلْ
شِيتاً يجيكْ بالوَعَا ..
وشيتاً يجيكْ بالليلْ
ناساً يجوكْ طاشينْ
وواحدين يجوك ْ نازلينْ
من السَما العشرينْ ،
زىّ الخِدرْ .. داجينْ
شايلين كلامَ الكتابْ
وشايلين كتابَ الكلامْ ،
وشايلينْ . . كمان شايلين
كلّ السَمحْ .. والزينْ ،
-2-
سمِعْ كلام السَفِيهْ
وقُمتَ دَجيتَ
ومشيتْ وراكْ يا سرابْ
ناماً .. أنا حِفيتَ ،
كُلْ ما أدور أرتاحْ ..
أشم دُعاشَكْ قريبْ
وأتابعَ السِكة ،
يا سكة آخرِك وين
يا سكه وين الوصول
داير لى ضلا زين
وزول يقول لى الزين
يقعد حداى يكب الجبنه .. فنجانين
وأقول كفاى .. ويقول .. تدفنى .. تانى .. اتنين
يا حليل ضلول الضحا
ويا حليل بيوت الطين
ويا حليلن الطيبين


العندهم حقك .. حتى ولكان ملين

عُبد
17-05-2006, 07:05 PM
أيا الشايقية شِعركم على سديـــــرنا نوّر
سمح النضم من روحـــــكم للمودة سوَّر
شفت شمس الرهف على لسـانكم تتكوّر
وسَما الشمــال بحروف شعركم تتجوهّر

أبو الحسين
17-05-2006, 07:19 PM
العزيز قنيدفة ;)

ممكن تورينا قائل هذه الأبيات ;)

الغالي البديري...

إنت عارف يا البديري يا اخوي أنا أريدك تلاتة ريدات.. :D ;)

(1) أولاً: لأنك راجل مهذب ورقيق وحساس !!! بس دا لا تقول غزل... كتاباتك وهدوءك يقولِن كدي :D

(1) ثانياً لأن إسمك دا يصادف هوى جميل في نفسي ... على إسم البديري (البدري إسماعيل) وإسم الدلع ليهو البدريري...

(2) ثالثاً لوريك الشاحن دا... دااااااااااايماً يذكرني السوق الشعبي أُمدرمان... وأيام ناس عادل أب حوة ولواري العطياب لوووووووووووووول!!! يا لها من أيام جميلة..

أها للفِتني وحرب الديك... والمديدي الحارة!!!

قنيدفة دي... لزوم الدلع ولة عندك فيها راي تانيييييييييي؟؟؟!!! :rolleyes: :razz: ;)

لك وللغالي قندفة من المودة والمحبة أحلاها وأعذبها...

أبو الحســــــــــين....

أبو الحسين
18-05-2006, 10:23 AM
داير لى ضلا زين



اللللللللللللللله يا عمو قبلايا...

ما أروعك وما أجملك...

الضُل الزين دا ذكرني أياماً جميلة... عشناها... في ضُل نيمات حاج أحمد ود أب شوك الله يغفر ليهو ويرحمو... وحلقة ياسين ود الشندهابي وأحمد ود محمد وعثمان ود بخيت والتاج ود عبد الله و و و و... الله يغفر للراحو منهم ويدي الصحة والعافي للباقين...

ونسأل الله يوصل سكتنا وسكتكم لي طريق الخير والهدى يااااااااااااااارب...

ولك من المودة والمحبة أحلاها وأعذبها....


(راجع بريدك الخاص)...

أبو الحســـــــــــــين...

احمد حسن جدعه (قندفه)
19-05-2006, 03:48 AM
العزيز قنيدفة ;)

ممكن تورينا قائل هذه الأبيات ;)

بوريك بس رجع لي اللوري حقي.

خلاص خلاص ما تزعل حا أوريك.

الشاعر اسمه خالد النِمِر (من منطقة مُساوي)
والفنان البغنيها اسمه ميرغني النجار ودا أسأل مِنو
ودالحسين صاحب البوست دا;)

أبو الحسين
21-05-2006, 08:03 PM
أيا الشايقية شِعركم على سديـــــرنا نوّر
سمح النضم من روحـــــكم للمودة سوَّر
شفت شمس الرهف على لسـانكم تتكوّر
وسَما الشمــال بحروف شعركم تتجوهّر

الغالي جداً عبد...


بي جيتك حبيبنا الحوش فِرِح طربان...

وتاق نخل الشمال بي مقدمك نشوان...

الليلي الجميع بي إلفة بس إخوان...

وبي كرم الجدود .. مفتوحة كَمْ ديوان...

أسعدتنا أخي الكريم عبد بي روائعك هذه ويا ريت لا تتقطع من الحوش...

لك ولجميع الإخوة رواد الحوش من المودة أحلاها وأعذبها...

أبو الحســـــــــــين...

kijinki
23-05-2006, 10:26 AM
[quote=أبو الحسين]

مرسالي الهميم أركب هجَّاني..
روح بي سُرعة أنزل في الحِتَّاني..
أمِش واندلّة بالدرب التِحتاني...
كُورك بي سُتُر قول يا فلاني...
زايلي الدنيا مُخْلاتي المَلاني...
أنا ماب انساكي لا مُدةْ زماني...
عند القرقرة وعَقْدةْ لساني....

أجيب الكلمة واْخْتِمها بي فلاني....
ود اختى الجميل
الحتانى دى الليلتنا...؟؟
القدام حسينارتى..؟؟
ولا حتنتاتن كتر..؟؟؟كرفه..وقلده..لى الحتانى الليلتنا..ولكل حتانى....

أبو الحسين
23-05-2006, 11:38 AM
[quote=أبو الحسين]

ود اختى الجميل
الحتانى دى الليلتنا...؟؟
القدام حسينارتى..؟؟
ولا حتنتاتن كتر..؟؟؟كرفه..وقلده..لى الحتانى الليلتنا..ولكل حتانى....




خالي الغالي...

لك التحية والود... وسعدنا جداً بي طلتك البهية الصباحية...

القصيدة من الشعر القديم... لكن في إعتقادي تكون الحِتَّاني بتاعت الصعيد... قول لي ليش؟؟؟ عشان حتَّانَتْنا نحن الفي الشمال عَقَبَة موش كدي؟؟؟!!!

أنا طبعاً ما شفتها لكن بسمع بيها من أبوي يقول ليك نزلنا في عقبة الحِتاني بالجمال وهُم جايين من كَدِي من علي بحري!!!

لك مودتي وحبي قواسيب قواسيب...

أبو الحســــــــــين...

محمد سعيد
25-05-2006, 02:53 PM
سلام بعد غياب طال
ابو الحسين والاخوة
ولكم هذه

شاعر الشايقية احب تلك الفتاة ومدحها وبعد ان تركته هجاها .
في المدح :

المشيرقية الفقعت وسيدها حامينا الوقعت
المشيرقية اللا تحت ومن سنيناتا النور يحتحت

بعد ما كنتي سمحي بقيتي شيني
ويا البفاشنبك بنات حوش الحزيمي
كنت تشبهي شيخنا الخليفة ان جيتي فايتي
بقيتي تشبهي ام جرق الفي الموية بايتي

(ام جرق ) سمكة التامبيرا المنتفخة ـ وقد ماتت وزادت انتفاخا وطفت علي الماء

عُبد
26-05-2006, 08:06 PM
الغالي جداً عبد...


بي جيتك حبيبنا الحوش فِرِح طربان...

وتاق نخل الشمال بي مقدمك نشوان...

الليلي الجميع بي إلفة بس إخوان...

وبي كرم الجدود .. مفتوحة كَمْ ديوان...

أسعدتنا أخي الكريم عبد بي روائعك هذه ويا ريت لا تتقطع من الحوش...

لك ولجميع الإخوة رواد الحوش من المودة أحلاها وأعذبها...

أبو الحســـــــــــين...

أكنك تطلب من شعـــوري يتململ
قليبي بين صخــور الجمُر يتولول
صرخاتــه بتخلي الجبــــال تزلزل
جروحي خلت عروقــــــي تتهلهل
بس حوشكم خلَى الفرحـــة تسلل

خضر عطا المنان
27-05-2006, 03:30 AM
أدعوكم إخوتي الكرام إلى دخول حوش الشايقية… (جبنة في الأرتيق –ضُل الضحى- ...العنيقريبات متقابلات ....الرميلة مرشوشة ... بخور التيمان معجعج المكان… ربيطة برسيم جَنْب كانون (منقد) الجَبنة… والقلوب والنفوس الطيبة تقابلكم بالبشاشة المعهودة... لا داخُل... حبابكم عشرة بلا كشرة..)…

*********************
يا سلام عليك يا رائع يا أبوالحسين

لوحة ناطقة ..

لك مودتي ..

خضرعطاالمنان
attamanan@hotmail.com

أبو الحسين
27-05-2006, 12:38 PM
سلام بعد غياب طال
ابو الحسين والاخوة




(ام جرق ) سمكة التامبيرا المنتفخة ـ وقد ماتت وزادت انتفاخا وطفت علي الماء


الغالي جداً محمد سعيد...

شرفت ونورت وزدت حوشكم بهجة يا اخوي...

ما أروع تشبيه هذا الرجل الغضبان على المرأة دي..!!! وما أجمل تعريفك لأُم جرَّق...

أنا بي صراحة أعينك مترجم وقاموس للكلمات القديمة البي تورد هنا... تترجمها لي شوايقة لندن!!! :rolleyes: :D ;)

لك من المودة والمحبة كحلاوة::
التمودة الفوق جدولها..

جيت أمِد إيدي إتناولها..

الحراريس قالو لي لأ..

إنت فقري وماب تقدرها..

إلا ديل أهل المقدرة...

أبو الحســــــــين...

أبو الحسين
05-06-2006, 05:41 PM
أكنك تطلب من شعـــوري يتململ
قليبي بين صخــور الجمُر يتولول
صرخاتــه بتخلي الجبــــال تزلزل
جروحي خلت عروقــــــي تتهلهل
بس حوشكم خلَى الفرحـــة تسلل

الغالي جداً عبد...

يا ناثر الدر والفل في هذا المنبر...

لاحظت ردودك معظمها إن لم تكن كلها ردود شعرية...

وأنا أسلمك الحوش دا بما أنو حوش الجميع... وأكون من ضيوفك...

لك التحية والود كله قواسيب قواسيب يا روعة في الزمن الماشي تاتاي... واااااااااااصل إبداعك وأنا بجيك صاد لو ربنا حيانا...

أبو الحســــــــين...

عُبد
05-06-2006, 06:20 PM
الغالي جداً عبد...

يا ناثر الدر والفل في هذا المنبر...

لاحظت ردودك معظمها إن لم تكن كلها ردود شعرية...

وأنا أسلمك الحوش دا بما أنو حوش الجميع... وأكون من ضيوفك...

لك التحية والود كله قواسيب قواسيب يا روعة في الزمن الماشي تاتاي... واااااااااااصل إبداعك وأنا بجيك صاد لو ربنا حيانا...

أبو الحســــــــين...

هوي ماني بشـــــــــايقي نضـام شعر
فحول السنـــــــــاجك بيكسروني كسر
لامن أشوف قوافيــهم شعوري بنبهر
وتسلمني حوشـك البالشواقية مزدهر
صدقني ما بقدر على شعرهم المنهمر

أبو الحسين
05-06-2006, 07:16 PM
هوي ماني بشـــــــــايقي نضـام شعر
فحول السنـــــــــاجك بيكسروني كسر
لامن أشوف قوافيــهم شعوري بنبهر
وتسلمني حوشـك البالشواقية مزدهر
صدقني ما بقدر على شعرهم المنهمر

الغالي جداً عُبد...

حقيقة أصبحت نكهة هذا البوست... والقومة ليك حبيبنا...

وأهديك الرباعية النفسها قصير دي::

يا عُبد الجميل الجو معاك أجمل...

هابي الهمبريب والليل خلاس أليَل...

النسَّام برد والوارِد إتْكَمَّل...

وشيطان الشِعِر بيناتنا إتْجَوَّل...



ولك مودتي كلها قواسيب قواسيب...

أبو الحســـــــــين....

عُبد
05-06-2006, 07:37 PM
الغالي جداً عُبد...

حقيقة أصبحت نكهة هذا البوست... والقومة ليك حبيبنا...

وأهديك الرباعية النفسها قصير دي::

يا عُبد الجميل الجو معاك أجمل...

هابي الهمبريب والليل خلاس أليَل...

النسَّام برد والوارِد إتْكَمَّل...

وشيطان الشِعِر بيناتنا إتْجَوَّل...


ولك مودتي كلها قواسيب قواسيب...

أبو الحســـــــــين....

هديتك إكليل ورود لسديــرنا جمّل
فيهو ندى الروح من قليبـك إتنزل
خليك ديمة لينا صادي شان نتهلل
وشيطـــانك يـاريتو بعيد من الأوّل

أبو الحسين
06-06-2006, 10:53 AM
أدعوكم إخوتي الكرام إلى دخول حوش الشايقية… (جبنة في الأرتيق –ضُل الضحى- ...العنيقريبات متقابلات ....الرميلة مرشوشة ... بخور التيمان معجعج المكان… ربيطة برسيم جَنْب كانون (منقد) الجَبنة… والقلوب والنفوس الطيبة تقابلكم بالبشاشة المعهودة... لا داخُل... حبابكم عشرة بلا كشرة..)…

*********************
يا سلام عليك يا رائع يا أبوالحسين

لوحة ناطقة ..

لك مودتي ..

خضرعطاالمنان
attamanan@hotmail.com

الغالي جداً إبن العم خضر...

إستبشرنا جداً بحضورك معانا ووجودك في هذا المنتدى العامر وسعادتنا كانت أكثر بعودتك لحوش أهلك الشايقية... لعلمنا التام بمعرفتك ودرايتك الكاملة بتراث هذه القبيلة وجذورها وكم كانت لنا لقاءات مع بعض...

أرجو أن تعدل عن رايك وإنسحابك من هذا البورد وترجع لهذه الدوحة الغناء...

لك مودتي وحبي كله بلا حدود...

أبو الحســــــــــين...

أبو الحسين
19-06-2006, 12:11 PM
إخوتي الكرام...

فوق لزوم جايكم بي رواقة...

وتاني موضوع يومياً لو ربنا حيانا...


محبتي وودي قواسيب قواسيب...

أبو الحســــــــــين...

أبجكة
19-06-2006, 05:18 PM
الاخ أبو الحسين... تحية طيبة

حاضر الشايقية بدون شك أخضر وأغلب الظن (وأتمنى ذلك) مستقبلهم واعد... أود لو أتحفتنا بقليل من إشراق ماضيهم...
أخاك لا يعرف منكم غير "مهيرة بت عبود" أم انها غير؟
دمت

أبو الحسين
19-06-2006, 06:21 PM
الاخ أبو الحسين... تحية طيبة

حاضر الشايقية بدون شك أخضر وأغلب الظن (وأتمنى ذلك) مستقبلهم واعد... أود لو أتحفتنا بقليل من إشراق ماضيهم...
أخاك لا يعرف منكم غير "مهيرة بت عبود" أم انها غير؟
دمت

الغالي جداً أبجكة...

آلاف مراحب بيك في حوش الشايقية... ويا هلا بيك تاني وتالت ورابع... شرفت الحوش من جوانبو الخمسة... وتابع معانا إنشاء الله ترى ما يسرك ويسر بالك...

لك مودتنا وحبنا قواسيب قواسيب...

أبو الحســـــــــين...

أبو الحسين
28-06-2006, 08:02 PM
إخوتي الكرام مساكم الله بالخير والرضا...

أُقدم إليكم اليوم نموذج آخر للبذل والعطاء إلى آخر رمق من أجل المحبوبة... وهي قصيدة لا تخلو من الفكاهة والنكتة في مناطق كثيرة من جوانبها... فهذا العاشق الولهان يُريد أن يضحي أن يكون خادماً لمحبوبته إلى أن يتم له مراده ويتزوجها...

أُنظروا ماذا يقول....

وين فرحة قلبي، وتمامة كيفي، التقول يا ضيفي،، دي البَعَجِب صُباها...

بالذوق والجمال الله خصَّاها

الأدب والهيبة من الأُم حارساها

عِن جيرانها بَسمع بي نباها

إن لِقت وإن عِدمت إبليس ما غشَّاها

وماب تشارع صاحبها النفس إن هداها

يا فهيم صدقني إنو اللوم حاشاها

خِطابك أقْفِلوا لا يِتْعَدْ سفاها

أنا عاوز أمشيلها آخد اْسبوع معاها!!!! (لزوم الخدمة)

وابيِّض نيتي والمقسومة أرجاها...

واشتغِل مجان كفاءاً لي رُضاها

واكِنس الأُوضة والأزيار أملاها

واْفُرشَ المرتبة وانْفُض غتاها

وألقِّط صيغتها إن كانت راماها

وابقى محادثة إن جات بت عاوزاها!!!!
(يا له من سكرتير جيد!!!)

واقيف بالموية عِن ساعة غداها

وتخسِّم فيي لامن بطني املاها

إن نوت للفُسحة للجيران أبراها

ماب اْرفع راسي اعاين لي قفاها!!!! (عليكم الله شوفو كمان الأدب دا)

وخطِوْتي تكون سوى مترين وراها

وما بَعَلِّي الصوت إن اتْكَلَّم معاها

يا البنات المترشِّحات ودايرات نباها

كلُّ بهيمة ترجع لي مرعاها

الرايقي كُلما تِتْفتِح خانات تملاها

وأنا يومي أقدِّم طلبي كان الله هداها!!!! شوفو عدم اليأس كمان....

غير زواج بالسنة ما أمسك يداها.....

الللللله العفة كمان تجلت في نهاية القصيدة أسأل الله أن تعود تلك العادات السمحة الإخلاص ،، الوفاء ،، العِفَّة ..........

وإلى أن ألقاكم لكم محبتي وودي...

رجائي أن تتناولوا البيت (( وماب تشارع صاحبها النفس إن هداها)) بالشرح والتحليل ولكم ودي....

أبو الحســــــــين.....

أبو الحسين
16-07-2006, 05:44 PM
إخوتي الكرام مساكم الله بالخير والرضا...

أُقدم إليكم اليوم نموذج آخر للبذل والعطاء إلى آخر رمق من أجل المحبوبة... وهي قصيدة لا تخلو من الفكاهة والنكتة في مناطق كثيرة من جوانبها... فهذا العاشق الولهان يُريد أن يضحي أن يكون خادماً لمحبوبته إلى أن يتم له مراده ويتزوجها...

أُنظروا ماذا يقول....

وين فرحة قلبي، وتمامة كيفي، التقول يا ضيفي،، دي البَعَجِب صُباها...

بالذوق والجمال الله خصَّاها

الأدب والهيبة من الأُم حارساها

عِن جيرانها بَسمع بي نباها

إن لِقت وإن عِدمت إبليس ما غشَّاها

وماب تشارع صاحبها النفس إن هداها

يا فهيم صدقني إنو اللوم حاشاها

خِطابك أقْفِلوا لا يِتْعَدْ سفاها

أنا عاوز أمشيلها آخد اْسبوع معاها!!!! (لزوم الخدمة)

وابيِّض نيتي والمقسومة أرجاها...

واشتغِل مجان كفاءاً لي رُضاها

واكِنس الأُوضة والأزيار أملاها

واْفُرشَ المرتبة وانْفُض غتاها

وألقِّط صيغتها إن كانت راماها

وابقى محادثة إن جات بت عاوزاها!!!!
(يا له من سكرتير جيد!!!)

واقيف بالموية عِن ساعة غداها

وتخسِّم فيي لامن بطني املاها

إن نوت للفُسحة للجيران أبراها

ماب اْرفع راسي اعاين لي قفاها!!!! (عليكم الله شوفو كمان الأدب دا)

وخطِوْتي تكون سوى مترين وراها

وما بَعَلِّي الصوت إن اتْكَلَّم معاها

يا البنات المترشِّحات ودايرات نباها

كلُّ بهيمة ترجع لي مرعاها

الرايقي كُلما تِتْفتِح خانات تملاها

وأنا يومي أقدِّم طلبي كان الله هداها!!!! شوفو عدم اليأس كمان....

غير زواج بالسنة ما أمسك يداها.....

الللللله العفة كمان تجلت في نهاية القصيدة أسأل الله أن تعود تلك العادات السمحة الإخلاص ،، الوفاء ،، العِفَّة ..........

وإلى أن ألقاكم لكم محبتي وودي...

رجائي أن تتناولوا البيت (( وماب تشارع صاحبها النفس إن هداها)) بالشرح والتحليل ولكم ودي....



أبو الحســــــــين.....

إخوتي الكرام...

مساكم الله بالخير والرضا ياااااااااارب...


إعتذر للغياب الطال من هذا البوست وهسع جيت ودي بس لزوم أرفع البوست لا فوق وبجيكم راجع... باقي عندي مشغوليةً كبييييييييييري اليومين دي... بس ما تقولولي شنو؟؟؟!!:rolleyes: ;)

المودة والمحبة قواسيب قواسيب...

أبو الحســـــــــين...

أبو الحسين
19-07-2006, 07:44 PM
إخوتي الكرام...

رواد حوش الشايقية...

أعود إليكم وأهديكم هذه القصيدة من أشعار شاعرنا الهمام الشامخ شموخ نخيل القرير وجبل البركل الدكتور ود بادي...

ود بادي...
كابي المقنع الجرجار علي موية الوجه يا حوا كابيه
وزازي الدمعة منك بي طريف التوب احزمي حشاك واكربيه
خيراً ولىّ مو مدخور ، رزق الليلة داب الليلة والباكر تشابي وما بتجيبيه
ويا حوا الوكت مرواح وزمنك راح امسكي ضرع شويهاتك احلبيه
ليش ماك حامدة ليشن جاحدة والرزق العليك هطال شربتي التاني فوق بكريه
محمود الغني ومشكور ، غيارك فردة من نسج الكمالي وتاني توب جاراته بنغالي
ومحمود الغني ومشكور ، وعاجك فضة من دق ود تبيد الغالي
ومحمود الغني ومشكور ، نارك موقدة ماعونك ملان مو خالي
ومحمود الغني ومشكور ، وابو زينوبة ناهض فيها ما هو الخملة عنقالي
ومحمود الغني ومشكور ، وأحمد قلتي نور عينيك مختّر فوق بطان الحلة خوجالي
عصاية الصبينة المكسية بي جلد الندف والخامة سرهيتة
وسرج المرقة سناري ومسمّر فوق سراة الباني سنكيتا
وجزلانا مجنزر وطيه رزماً من بطون الطينة مبحوتة
ولازم الفنجرة اتبشَقت سبع خمسات تصل حاكت حجول المارقة من بيتا
ومتلفح كساوي الساكوبيس صوبان وظهرة تقيلة تبرق سنو سوميتة

جيد ياجيت ، وجيدلك حوا بي جنس الجنا القاري
وجيدلك حوا بالولد البعوم الشبكة سداري
متلك حقو لاتنضامي لا تنلامي لا تتضاري
وانت ولدت للبلد البيجيب راس العشاري

عدلك هادو في كُـم الرجال أحمد ، يمين مقنع ولايا
وفي دارة البنات زينوبة فرقت منهن فرقة كتيفها من الفداية
عصاري الوردة فوق المشرع اب مسكا دفق شرق الترايا
بنات الحلة كان عقدن تياب المرقة فوق روسن وقايا
وسون قدلة الوز الرطن صباحي شاقات اب شراية
تبين زينوبة حين تتوقى شعراً كاب بعد ما انساب على الخد المرايا
عصاري الفزعة والفازعات يجن بكر تنايا
نار الهجعة نار الوجعة نار الفزعة لا حطب التكايا
ويات من تبقى حازمة التوب على النص القناية
تبين زينوبا حين تتحزم الخصل الشرابهن صندل الناس الغنايا

شن معنى الكسوف يا حوا والحزن البيجيب ليك الشماتة
وكنزك في الكنوز زينوبة وأحمد كل يوم زايدين قراطين فوق تلاتة
نجوم السعد فوق حجرك تباسم وانت شارفة ترمي في ودع البخاتة
شتول الفرحة تتفتح قبال تتمد ليك الليد وما لاقية التفاتة

اقطعي الزند البقودك من فلاة الخير علي بلد الدراهم
واقلبي الطوف إن كسح بك من جروف الخير علي جزر المراهم

ياديار حوا المراقدك في رويس عبدلة وينك
يا المشاوير المشيتك . يا المشارع السالكة وينك
بالي فيكي إلا درب العيشة باعد بيني بينك
يا لبينة المغربية النازلة من أطراف سعينك
يا السرابة الحبلى كل الناس تعاين لي جنينك
يا السبايك الساوي شيلك ولا طويرة الجنة تسكر من مدينك
يا السواقي النايحة زيك زي حنان اماتنا في حرقة حنينك

يا بنية طرية طامرة كنوزا بي طرف الطريحة
يا نسيمة رشة باردة تجيني ساعة اشيلك موية الصفيحة
يا مليحة .. يا العقيد النام موسد راسه حبات السبيحة
يا صباح الرحمة يا الروح البتلفى حوارها تمرق من ضريحها

يا حزيمات القمح منشرة في زمن الحصاد قبل السراديب
يا رياح الشتوي هابة على مساجين المشال بالفرحة والفرج القريب
يا نزيل قمر التمام الحشو في شيلتو السناجك والارابيب
يا ولد .. نقرات تقيك الفي الحصاد عاقباها بعد المسرة نقرات الدليب

ولكم جميعاً من المودة أحلاها وأعذبها...

أبو الحســــــــــــين...

أبو الحسين
06-08-2006, 07:24 PM
إخوتي الكرام،،،

مساكم الله بالخير والرضا...

عودة إلى موضوع العشق الجنون عند الشايقية...
حكى لي الأُستاذ/ الشاعر (الثوري) محمد محمد الشايقي (المعروف بكريمة)...

قال لي عندما كان ببورتسودان عضواً في نادي الخريجين وفي أحد الجلسات الأدبية طُرحت مسابقة مالية عن أكثر (بيت شعر قيل في الحب الصاااااااااادق)... فقال لي،،، معظم الإخوان تكلموا بأبيات عنتر وعبلة وقيس وليلى وجميل بثينة... وما شاكلهم من الشعراء الفطاحلة في الشعر العربي والغزل... فقال لي أنه بعد هؤلاء العمالقة طلع المسرح وقال للجنة التحكيم والجمهور أُريد أن أحكي لكم قصة ومعها مقطع قصيدة....

القصة... زماااااان كان في واحد يحب ليهو واحدة لكن طبعاً زي ما تكلمنا في مواضيع سابقة الحب كان بالدس فإتفق هو معاها يسافر يغترب في بلاد بحري (الدناقلة والمحس) ويلم القروش ويجي راجع ويدخلوا قفصهم الذهبي السعيد كأحلام كل الشباب... وفعلاً حمل هذا الإتفاق الذي جعله يشتغل ليل نهار وحماس منقطع النظير.... (بدل التَبَّانة الظاهر عليهو يشيل تبانتين)!!!!:) :rolleyes: لاحدي ما جمع القروش وجاء راجع،،،، في الفترة دي البت تقدم ليها ود عمها وخطبها وتزوجها وحتى لو ما أكذب عليكم كانت حامل!!!!:p ;) وطبعاً ما ممكن تقول أنا مرتبطة كان حا يقطعو لسانها.. لأن الزمن داك ما كان في حاجة إسمها الإرتباط... إلا الإرتباط بالهوية والبلد...

فعندما رجع المسكين وجدها قد تزوجت بإبن عمها ولم يُظهر أي معارضة خارجية كتم حبه بين ضلوعه ليش لم يزعل،،، لأنه يعرف تماماً إنها لم تدِّيهو شاكوش إنما التقاليد هي التي فعلت به هذه الإفاعيل... فاستغفر ربنا وصبر...:mad:

ففي يوم من الأيام صادفها وهي تشتري من الدكان القريب لبيتهم فقالت له السلام عليكم،،، فرد عليها السلام... (والسلام سنة الإسلام)... فذهبت هي خجلانة لصديقتها وقالت لها قابلت اليوم حبيبي فلان وقلت له السلام عليكم لو كان عارفني (حامل) ما كان قال لي عليكم السلام!!!!
فصديقتها أخذت الكلام حااااااااااااااااااار وأخبرته به... فهنا قال هذه الأبيات...
قال لها....


تريديني وبرِيدِك ومن زماااااااااااان كُتْ فيكي عشمان...

إن وِلِدْتي إنشاء الله تيمان...

إن بِقى لا رابِع بُطان...

إن لِقيتك ماني ندْمان....:p ;) :confused:


فهنا قررت اللجنة إعطائه الجائزة.... أسأل الله أن يعطي شاعرنا الفذ السياسي البارع محمد محمد الشايقي العافية وأن يجمعنا به في داره العامر بأُمبدة في أسعد اللحظات...
عليكم الله يستاهلها ولَّة ما يستاهلة؟؟؟

لكم وللغالي محمد ود حُمد إحمد الشايقي مودتي ومحبتي قواسيب قواسيب...

أبو الحسين....

أبو الحسين
27-08-2006, 02:58 PM
إخوتي الكرام...

نهاركم سعيد...

فووووووووووووووق... لزوم الزهرات المفتحة جديدة في المنتدى...

لكم جميعاً المودة والمحبة كلها بلا حدود...

أبو الحســــــــــين...

(المتحدث بإسم الناطق الرسمي بإسم الشايقية.. عمو قبلايا)...

aamnna
29-08-2006, 10:32 PM
السلام كلكم يا جماعه التميمى دى دحين ما ياها الحبل البيربطوبو الحماره ولا الغنمايه وتكون طوله زى شبرين كدى وبعدين يجى الحبل وتكون فيها عقده حره الحركه عشان الحبل ما يتبرم و يوجع كراع الدابه
وتسلموا اخوكم آمنا

أبو الحسين
30-08-2006, 10:17 AM
السلام كلكم يا جماعه التميمى دى دحين ما ياها الحبل البيربطوبو ال....ه ولا الغنمايه وتكون طوله زى شبرين كدى وبعدين يجى الحبل وتكون فيها عقده حره الحركه عشان الحبل ما يتبرم و يوجع كراع الدابه
وتسلموا اخوكم آمنا

الغالي جداً آمنا...

صبحك الله بالخير والرضا...

لكن قبل ما أرد علي إستفسارك... أول شئ خلني أرحب بيك حد الترحيب ما يصل ليهو حد... بكل صفاتي في المنبر دا... بصفتي الشخصية... وبصفتي الناطق الرسمي بإسم البورد... وبصفتي المتحدث بإسم الناطق الرسمي بإسم الشايقية (عمو قبلايا)...


نرحب بيك أولاً شرفت دارك دوحة الأوف لاين...

وثانياً شرفت حوش الشايقية حد الشرف ما يصل ليهو حد... وأبقى دايماً بي جاي رعاك الله... وتسلم يا الحِبَيِّب...


أما تفسيرك للتميمة... عندها تفسيرين...

التفسير الأول هو ياهو ذااااااااااتو القلتو دا وحتى فسرتو بطريقة جميلة خالص خالص.. يعني براوة مية المية...

والتفسير التاني في ناس بيطلقوهو على الحبل الفي قرون ولة أضان (أُذن) التور بتاع الساقي أو المحرات... وبرضو إسمها التميمي... واللللللله أعلم... لاحدي ما يجيك عمو قبلايا يديك الرأي الأخير...

لك مودتي قواسيب قواسيب...

أبو الحســــــــــــــين...

أبو الحسين
13-09-2006, 06:56 PM
إخوتي الكرام...

مساكم الله بالخير والرضا...

نرحب بإسم كل رواد الحوش... لكل الإخوة الكرام العائدين والإخوة الجُدد ونسأل الله للجميع طيب مقام بيننا...

ونتساءل عن الإخوة عُبد والشايقي وأبو إبراهيم... مالُم قطعوا وصالهم مننا؟؟!!

لكم جميعاً مودتي قواسيب قواسيب...


أبو الحســـــــــين...

SHIBKA
13-09-2006, 10:22 PM
بت البلد
السر عثمان الطيب

وبلا خبر طق الخبر مالي البلد
قالوا العريس قام بالأحد
والحلى جاطت والحريم يتهامسن
جاي الولد
كوم من بنات للبير ورد يتحدثن
جايي الولد
يا بختها وواشوقنا نحن الفينا جمر الشوق وقد
كل الحديث الليلي فوق بت البلد
وساعة خلاص الليل دخل
وآخر شعاع من الشمس روح نزل
ضي القميره جا من بعيد بهر قدل
دافر ظلام الحلى قدامو ووصل
ناس البلد النام رقد
والماسك السبحي وعبد
مشغول هو بي خبر العريس
القالوا قام يوم الاحد
وهناك بعيد بي غادي فى آخر الديار
راكوبه ضلها احرّ من حر النهار
كوم من بروش وجريد تمر عيدان صغار
ودلوق هدوم موروثه من زمن الكبار
وتلات عنا قريبا صغار
كرابا متقطع نزل والنوم من البي فوقا روح تب جفل
راقد هناك كوم من ضياع مركب مسافري بلا شراع
احلام مسافري بلا وداع ودموع ضياع
تتجارا من غير انقطاع احرف انين ما خطتن
ايد بي يراع وليلاً نجومو يودعنو
خلاص مسافرات هن سراع
بت البلد عبراتا سدت فى الحلق
تبكي وتنوح تشرب دموعا وتنشرق
لمان حسيس نقاره جاها من الشرق
اتوسدت ايدا وبكت قامت على الحيل صنقرت
وبكت بكت تانى انتكت شالت طريحتا للدميعات كفكفت
فجأة السنين الفاتو جن ايام زمان اتلملمن
واتذكرت كانت تقوم فجر الصباح
لمان يقوموا اهل الصلاح
ابوها شايل السبحي صاح يا شافعي
سوي الشاي سريع شدى الملاح
شيلى المناجل وامشي قدامي الجرف
واتذكرت كانت تسبقو وتمشي تنزل بي تحت
تمسك سبيط التمره بي ايدا وتحت
تقعد تحش اللوبي للكاويق تقس
تصل البحر والموج يداعب فوق هدوما ينط يرش
وبعدين تشيل القش ...ت
واليوم يفوت وتمر سنين و...ت سنين
يكبر عمير بت البلد يكبر معاهو كمان حنين
وبعد تمر كمين سنه في يوم صباحو صباح هنا
واحة حنان نغمة غنا ريحة لبيني مقننا
مر الجنا سلم على بت البلد
زى عادتو سلم وابتعد تابعاهو عين بت البلد
بت البلد سمعت ضريبات القلب
بعد الثبات كيفن خرب بت البلد .. عرفت تحب
والغي سهامو عليها جات شاقي الدرب
واليوم داك بت البلد ما جاها نوم
كيفن تنوم ؟ ما دام خيال ودالبلد يمشي ويحوم
بين الخيال شافت وجيهوالهاش وباشن
شافت عيونو الفيها فيض احلاما عاش
شافت سحاب الريده فوق واديها راش
بت البلد تاهت مع الشوق اللي ماعاد ينكتم
والصورة هادي الفي قليبا بتترسم
واسمو العلى نوتات خدودا صبح وسم
تاهت خلاص بت البلد تاهت مع ربط الحرير
والقعده جنبو على السرير لمان يجيها كدي ويسير
والرقصه قدام البنات يا ربي وين تلقى الثبات
والقرمصيص وغنا البنات والصفقه من تالا الولاد
ماب تسمعا وجاياها من آخر البلاد
تاهت مشت سايقاها دقات الدليب
لى دار حبيبا منى القليب
لى قعده عصراويه فوق العنقريب
للونسي والخاطر يطيب لى مسكه في إيد الحبيب
وسيرة فرح شاقي الدريب
وشفع حنان اسماء وحنان عادل كمان
وصوت الحبيب لمان يرن وشمعات هواهو ينورن
في دار جديدي بتنسكن
وفجأة النقاقير جاتا راني من الشرق
وبت البلد عبراتا سدت في الحلق
واتذكرت كيف حاج محمد والدا حالف يمين
ودالبلد ما ياخدا
واتذكرت كيف حاج محمد والدا قال ليها ما عندك أدب
تعبان سنين فوقك تعب واديكي لى زولا كعب
تربال وعيشتو عدم عدم لا قاري لا ماسك قلم
يشقيك يزيد ليك الألم ياخدك بتندمي صح ندم
واتذكرت كيف حاج محمد والدا
وصف القالوا قام يوم الأحد كتر محاسنو وعددا
واحد موظف وعندو مال يأويكي في بيت الحلال
تبقيلو عاد أم العيال ما فيش مثيلو ابدا محال
واتذكرت لمان أبت قول حاج محمد والدا
كيف نهرا وحالف يمين بيودرا
لو ما رضت بالجايي بي قطر الأحد
واتذكرت كيف الحبيب ودالبلد ساب البلد
شايل عذابو معاهو زاد ما حن لى دار اهلو عاد
وبكت بكت بت البلد لما الخبر ذاع في البلد
إنو العريس قام بالاحد
والحلى جاطت والحريم يتهامسن جايي الولد
كوم من بنات للبير ورد يتحدثن جايي الولد
يا بختها وواشواقنا نحن الفينا جمر الشوق وقد
لكنهن ما عرفن الشوق كيف وقد
ما عرفن غتو هي شوقا تب ما ليهو حد
مو للعريس ليهو الحبيب ودالبلد
ده الراح وفى زحمة ضياعو هو ما أتوجد.

أبو الحسين
14-09-2006, 10:19 AM
بت البلد
السر عثمان الطيب


ده الراح وفى زحمة ضياعو هو ما أتوجد.

الغالية جداً شِبكا...

صبحك الله بالخير والرضا يا اختي...

ويا هلا ومراحب بيك في حوش عموم السودانيين شرفتي ونورتي وابقي متحكري لا داخُل وورينا إبداعاتك...

وبجيك بي رواقة...

لك مودتي قواسيب قواسيب...

أبو الحســـــــــــين...

أبو الحسين
27-09-2006, 11:34 AM
قصيدة وتعليق...

دايْر أجُر النَّم يا جِنات...

وسِتَّكِن عاجباني آبنات...

أُم لهيجاً سكَّر نَبات...

تَعَرِف الذوق سِت الوِهَاط..

أُم خشيماً ماهو غَلاَّت...

رُتْبَتا القايْد الحرَابات...

وظِيطا من دينار غادي فات...

وتَكْرِم الضيفان بي ثَبَات...

البَقُول بَطَّالة لخْبَات...

ويِنْسئِل يوم جَبْد الصراط...



إخوتي الكرام... صبحكم الله بالخير والرضا...

كل سنة وإنتو طيبين وكل عام وأنتم بخير...

أمس أقرأ في كتاب شدتني القصيدة دي وشوفو عليكم الله الراجل دا وصَّف البِت دي كيفِن؟؟؟
أولاً إستأذن ودي لزوم الإستلطاف وبعدين سواها سِت البنات من جم... وبدأ عاد في شُكْرو لهيجها زييييييي سكر النبات.. وذوقها وإحساسها المرهف وضميرها الحساس دا خليهو ساكت... ووسط الجيران حلاااااااااتة لاب تغلِّت على زول ولا حاجة... أما منزلتها في الحي بس تقول الضابط القائد للجيش من هيبتها وجلالة قدرها... وشُهرة فضائلها أكبر من شُهرة علي دينار الفاقت شهرتو حدود السودان... وأهم صفة هي زي ماب يقولو أهلنا الكبار المرة لو مابقت مرة ضيفان ماها مرة شئ!!!
أما واااااااااااااويل من يقول بطالة ولة يصيبها من شيتاً يُنقص مقدارها... الله يسألو يوم القيامة ويجب خبرو...

قصة حقيقة فيها كل الصفات الكفيلة بأن البنت تكون بهذا المدح...

أسال الله يحفظ بنياتنا وبنيات المسلمين ويكونِن متلها ياااااااااااااااارب...

ولكم جميعاً مودتي كلللللللللها قواسيب قواسيب...

أبو الحســــــــــــين....

أبو الحسين
15-11-2006, 06:05 PM
في يوم صباحو صباح هنا
واحة حنان نغمة غنا ريحة لبيني مقننا
مر الجنا سلم على بت البلد
زى عادتو سلم وابتعد تابعاهو عين بت البلد
بت البلد سمعت ضريبات القلب
بعد الثبات كيفن خرب بت البلد .. عرفت تحب
والغي سهامو عليها جات شاقي الدرب
واليوم داك بت البلد ما جاها نوم
كيفن تنوم ؟ ما دام خيال ودالبلد يمشي ويحوم
بين الخيال شافت وجيهوالهاش وباشن
شافت عيونو الفيها فيض احلاما عاش
شافت سحاب الريده فوق واديها راش


الله ينصر دينك يا السر عثمان الطيب...

يا ريت لو في واحد عندو هذه الأُغنية بصوت محمد جبارة يتفضل ينزلها لينا...

مودتي...


أبو الحســــــــــــــين...

شاكوش
15-11-2006, 06:54 PM
ابو الحسن

شكرا لفتح هذا الحوار عن هؤلاء الرائعون
الشايقية هم نكهت هذا السودان
هم عنبره وطيبه
هم شعره وادبه
هم الثقافة وهم الحصافة
هم العلم والادب
هم التاريخ والاستبسال
هم النار والحديد
هم الورد والعبير
هم التاريخ والحاضر
هم حياتي
انفاسهم هي ما تدفعني للبقاء
عزرا
فقد هزني هذا البوست
فثملت
بعبيرهم
وتذكرت
رائحة النخيل وجريده
وماء الجدول العزب
ويا شوقي لماء الجدول (الضكر)
وبجيك صاد
ودعتك الله

أبو الحسين
16-11-2006, 11:40 AM
ابو الحسن

ويا شوقي لماء الجدول (الضكر)



الحِبيِّب شاكوش...

سُعداْ لإنضمامك لحوش أهلك وأحبابك الشايقية...

لكن قلت لي شوقك للجدول الضَكر ولة القَرَّاع؟؟؟

ولة الشوق للبلد بي حالها...

والشوق للترابلة أهلي...

وأهديك وكل الأحباب جبل البركل والجروف ولاحظ عليك الله للجرف واللوبيا دي...

http://www.sudanvoice.com/up/files/1KJ57592.jpg

كميات مودتي... لك وإقامة طيبة في هذا الحوش ويلة راجينك تجينا صاد...


أبو الحســــــــــــــين...

فداء
17-11-2006, 10:19 PM
التحية للناس الحنان
أهلنا الشايقية
اولاد خالتى منكم يا ابو الحسين
يا ريت تشوف لينا اغنية بصوت اليمنى
نشرب بيها القهوة دى
ابو الحسين البوست دا عشرة على عشرة
وتسلم من تهم العنصرية واخواتها

فداء
17-11-2006, 10:25 PM
أمونه بـــت الشيــــــــــخ حمــــد

أموني بت الشيخ حمد
أبوها زول مزواج خلاص
ناسب جميع ناس البلد
ميلاده كان عرساً كبير
هيصة وضبايح مالا حد

يوم السماية إتيتمت
حكم القدر في الأم نفد
كانت شبيهت أمها
في القدله والعود اللمد
في مره رف قليبها يوم
حبّت قريبها الشيح حمد
وأظن كمان حباها هو
سوا الضلوع لحبو سد

كاتمين غرامن في القلوب
ولع لهيبو وما برد
خايفين يصارحوا
ومايلقو للدايرنو رد
خايفين عيون الناس
تشوفهم والخبر يملا البلد
والحب هناك عيباً كبير
لا بت تبوحبو ولا ولد

في يوم ابوها ضحك كتير
وبرم شواربو بلا الأسد
نادّاها آمني تعالي جاي
وفوق البرش اتربع قعد
قالتلو هووي جاياك خلاص
قليبها فره ومارقد
قالّها
حاج الخضر عارفاهو داك
قالّتلو آيّ.... ابوسند؟
جاني الصباح طالب يداك
داير نسب شيخ البلد
وأنا قتلو أهلاً بيك تعال
يومين تلاته تكون عقد
راجل عظيم عندو القروش
عندو الحرير راقد لبد
وكمان كريم وأخو رجال
ماعونو فديوم ما برد

جرن الدموع من عينا شو
سكتت وابت تديهو رد
بس قام مرق خلاها فات
لو سبه لو كايس غرض
عند المغيرب تاني جاها
كدي لمحاسن الحاج سرد
داير ااثر في قلبه
لو كان تقوم تديهو رد

وكتين غلب وإحتار خلاص
وولع فوادو جمر وقد
فسر سكات البت رضى
جاب زولو ولما الناس عقد

المال مخمخم والحرير
تحت الرجول مدوهو مد
يوم الصفاح والناس تجوط
وبالفرحه مقلوبه البلد
أمونه تبكي بكى السواد
بدل الفرح جاها النكد

وبشيش قامت للمروق
منسرقي ماحسابا حد
كان الحبيب راقد هناك
والصدمي قدّت قلبو قد
وقفت قصادو بكت كتير
لامن دميع العين جمد
قام جاها بشوقو الكتير
وقليبو داك تنهده هد
قالتلو مابيدي شي
ديل ناس ابوي وابوسند
تلملمو وسوو الكلام
وأنا لا رضيت لا جبتا رد
داك عندو مالاً موقليل
وأبوي شاف المال سجد
أداني للراجل العجوز
المن عروقو الدم شرد
قايلني بسعد بالقروش
ولا المراح الماتورد
لكن محال أسعد بلاك
كان السما انهده هد
بديك قليبي وروحي ديل
وهناك بعيش صوره وجسد
واتراجعت دارت تصد
لكن قليبه رجع رفض
ومسكت دريبن موغريب
كم بيهو صف بنوت ورد
قاصده البحر داير تموت
لا عيشه لا هم لا نكد
واترددت وقفت كتير
لامن قليبه خلاص صمد
شافت مسار النيل حزين
حتى النخيل حزنان خمد
وبشيش فكفكت الحرير
لا زيني لا ربيط عقد
مادام حياته بقت دموع
وقليبه من زولا انفرد
قالت اخير ارتاح خلاص
أرسى وشقاي ألقالو حد
وفي لحظه موج النيل علا
وفي جوفو غابت للابد
في لحظه موج النيل علا
وأمونه غابت للابد

ابو الحسين الشعر دا حق الزول السمح ولا انا غلطان

gagool
17-11-2006, 10:42 PM
أبو الحسين

لك الود

واتارك مننا وانا الطلعتا غشيم

لكيييييييييين

القعده ..دايره ليها جبنه عصراويه

فى ضل العصير..بعد غدوه بى ملاح كداد

وخلنى اللورق...واجيب لى طايوقه ..لزم التشحيم

ووحاتك يانى المكنكش هنا تانى

وبرررررضو...غتاتك يا ابو بشرى

تعمينى .....وسمح بنتلاقا فى الرمله الدقاقه

gagool
17-11-2006, 10:48 PM
وبجيكم صاد...وعاد بلو روسيكم

سمح ياأبو الحسين..وأبو بشرى

سمح

أبو الحسين
18-11-2006, 08:34 PM
التحية للناس الحنان
أهلنا الشايقية
اولاد خالتى منكم يا ابو الحسين
يا ريت تشوف لينا اغنية بصوت اليمنى
نشرب بيها القهوة دى
ابو الحسين البوست دا عشرة على عشرة
وتسلم من تهم العنصرية واخواتها

تسلم يا اخوي يا فداء...

ويسلمو ولاد خالتك...

وغااااااااااالي وطلبك رخيص...

حا أنزل ليك ود اليمني بإذن الله تعالى... والنعام وصديق أحمد ومحمد جبارة بس أصبر علي شويي...

وخليك متابع معانا...

قواسيب مودتي...


أبو الحســــــــــــين...

أبو الحسين
19-11-2006, 08:15 PM
أبو الحسين

لك الود

واتارك مننا وانا الطلعتا غشيم

لكيييييييييين

القعده ..دايره ليها جبنه عصراويه

فى ضل العصير..بعد غدوه بى ملاح كداد

وخلنى اللورق...واجيب لى طايوقه ..لزم التشحيم

ووحاتك يانى المكنكش هنا تانى

وبرررررضو...غتاتك يا ابو بشرى

تعمينى .....وسمح بنتلاقا فى الرمله الدقاقه

أبشر يا عزة أمااااااااااني عندنا سماحة جبنة عصراوية...

بس أبقى لا داخُلْ...

وأهديك هذه اللوحة الجميلة تذكرك والإخوة الكرام حلاوة ريفنا الحنون وحَشْ التمُر...

http://www.alnilin.com/sudaniat/image/a3.jpg

كميات مودتي...


أبو الحســــــــــــــين...

gagool
20-11-2006, 12:02 AM
:D :D أبو الحسين
سلام من ريحة اللوبى وحد الترمس الفواح

ومن هذا اليوم ..وأيضا كذلك..أيامنا تبقا أفراح

و
مرة تجود على تشفينى ومرة تزيد قليبى جراح

فيها تمر تعدى سنينى بى آهاتا والأفراح

ويبقى شرابى دمعة عينى أطمن فى القليب الناح

أقول داك السحاب غاشينى شوف يى داك بريقو اللاح

أقول يبقى الخريف طارينى يتفرق عصار ورياح

وترجع بالسهر تورينى ليلن ما لقيتلو صباح

بس مشكلتى معاك..ما بلقاك أون لاين عشان أرتاح

وسلام من مروى..والشفت فيها كل جميل وفى البال وابت تنزاح

لك حبى وودى..

:D

أبو الحسين
21-11-2006, 11:28 AM
:D :D أبو الحسين
سلام من ريحة اللوبى وحد الترمس الفواح

ومن هذا اليوم ..وأيضا كذلك..أيامنا تبقا أفراح

و
مرة تجود على تشفينى ومرة تزيد قليبى جراح

فيها تمر تعدى سنينى بى آهاتا والأفراح

ويبقى شرابى دمعة عينى أطمن فى القليب الناح

أقول داك السحاب غاشينى شوف يى داك بريقو اللاح

أقول يبقى الخريف طارينى يتفرق عصار ورياح

وترجع بالسهر تورينى ليلن ما لقيتلو صباح

بس مشكلتى معاك..ما بلقاك أون لاين عشان أرتاح

وسلام من مروى..والشفت فيها كل جميل وفى البال وابت تنزاح

لك حبى وودى..

:D

نسأل الله يجعل أيامنا وأيام الجميع كلها أفراح يا عزة يا اخوي...

وإنشاء الله حا أحاول أنزل ليك الأُغنية دي بصوت النعام آدم أو عبد الرحيم البركل...

كدي الأبحَتْ في سحارة مكتبتي الفنية وأجيك راجع...

قواسيب مودتي...


أبو الحســــــــــــين...

الشاهين
23-11-2006, 01:08 PM
الشوايقة ..
أحنّا الناس ..
أنا إتربيت في بيت شايقي .. والله .. وهم خيلاني وخالاتي ..
والله فيهم طيبة تعجّز اللسان .. وهم ناس أصيلين جداً ..
الأم عند الشوايقة ولا خليها .. والمرة الشايقية عندها حضور .. ودورها واضح ..

شيوخ الشايقية ناس الحكمة والراي .. وصعب زول يغلب شايقي في المنطق .. ناس أذكياء .. وناس بديهة ..




علاّ شواكيشم .. تجرّس !!!

يسرا مصطفى
23-11-2006, 03:52 PM
أدعوكم إخوتي الكرام إلى دخول حوش الشايقية… (جبنة في الأرتيق –ضُل الضحى- ...العنيقريبات متقابلات ....الرميلة مرشوشة ... بخور التيمان معجعج المكان… ربيطة برسيم جَنْب كانون (منقد) الجَبنة… والقلوب والنفوس الطيبة تقابلكم بالبشاشة المعهودة... لا داخُل... حبابكم عشرة بلا كشرة..)…

والعجب يااخ ابو الحسين لو كان معاهن طمبور
ودليليكه كدي عشان القعده تحلو وزي ماقالوا
*************
الطمبور صديقنا وعزنا وملجانا وكتين السنين تفتح بوابة احزانا
مماقمنا نسمع فيهوا لا ملينا لاملانا زي ابل الرحيل شايله السقا وعطشانا
اوتاروا الحنيني تملي عايشي معانا في الريف والحضر ومحل ماتمشي خطانا
والله لو بشيشي تداعبوا ايد فنانه تتراقص تميل الدنيا بي اركانا
لو قلبك حديد وغنانوا شايفوا رطانه اول ماريرن تلقاك وقفت معانا
احساسك يزوب قامتك تميل طربانا ذي مر النسيم وكتين يداعب البانا
نتلمه ونكون في شله زاهيه الوانا نضحك وننبسط لما الصباح يلقانا
الطمبور نفارقوا النار تبق جوانا احلامنا العراض تحرق كانها ذانه
معروف من زمن طمبورنا فيه دوانا من غيروا الوجود تبقالنا زي زنزانه

اها نمشي واجيكن صادي تاني ودعتكن الله
لك كل الود
يسرا

gagool
25-11-2006, 12:52 AM
محنة وماني متعنصر أصلي كتير بريد أهلي
اسافر في كليماتن واحلق في الفضاء السهلي
وما شفتوني كيف برتاح وكت زولاً يقيف قبلي
ويجيب لو كليمة شايقية تقول ساحراً سحر عقلي
خفيفي وفي الخشيم حلوة مسقية بى طعم عسلي
أتوه لا فتحة لا ضمة وامسك الكسرة بى عدلي
أكرن حين ألاقيهم واصنقر وابقى بى مهلي
متل فرح البطان افرح واصد راجع على جهلي
نصيح والتاس تقول مجنون متيم بى عشق أهلي
دحين يا اخواننا عشق الدار وكت في الجوف يفور يغلي
وارضاً فيها احلامي ودافن فيها كل أملي
ومن فتحت في عيني وناساً فيها من أصلي
أجن كيفن وكت القاها في مقلي
ومحكرة في سواد العين وناسا كمان جمال شيلي
وحاتكم مو عمى الوان ولا صابني العشى الليلي
وكل الماشي بى كرعينو من شاشوقة لى نمولي
منو القالو لو يوم ولدهو دمك في العروق كحلي

الثغراوي

أبو الحسين
25-11-2006, 02:03 PM
علاّ شواكيشم .. تجرّس !!!

تسلم كتير يا الشاهين يا اخوي على مدح هذه الصفات الحلوة في اهلك الشايقية... واللي بتشترك فيها معظم عادات وتقاليد قبائلنا السودانية الأصيلة...

والشويكيش الجاك في راسك دا يا اخوي سامحك...

بركة الما رَكَّبَك التونسيي!!:rolleyes: :D :D :D

كميات مودتي...

ويا هلا بيك وسط أهلك وأحبابك... وأبقى قريب...


أبو الحســـــــــــــين...

أبو الحسين
26-11-2006, 12:48 PM
[quote][COLOR=#ff6600]والعجب يااخ ابو الحسين لو كان معاهن طمبور
ودليليكه كدي عشان القعده تحلو وزي ماقالوا
*************
الطمبور صديقنا وعزنا وملجانا وكتين السنين تفتح بوابة احزانا
مماقمنا نسمع فيهوا لا ملينا لاملانا زي ابل الرحيل شايله السقا وعطشانا
اوتاروا الحنيني تملي عايشي معانا في الريف والحضر ومحل ماتمشي خطانا
والله لو بشيشي تداعبوا ايد فنانه تتراقص تميل الدنيا بي اركانا
لو قلبك حديد وغنانوا شايفوا رطانه اول ماريرن تلقاك وقفت معانا
احساسك يزوب قامتك تميل طربانا ذي مر النسيم وكتين يداعب البانا
نتلمه ونكون في شله زاهيه الوانا نضحك وننبسط لما الصباح يلقانا
الطمبور نفارقوا النار تبق جوانا احلامنا العراض تحرق كانها ذانه
معروف من زمن طمبورنا فيه دوانا من غيروا الوجود تبقالنا زي زنزانه


يسرا



بتنا يُسرا...

نهارك سعيد...

بمناسبة الطنبور الفوق دا... أهديك والجميع كمية الإبداع دي... الشاعر المبدع... الفاتح إبراهيم بشير... وعبد الرحيم البركل في طير المحنة... وعليكم الله شوفو المحَنة دي مرسلنها عبر طير المحنة دي كيف؟؟؟

http://andorra.indymedia.org/uploads/2006/10/gumeria.wma

وأبقوا قُراب...

كميات مودتي...


أبو الحســــــــــــــين...

أبو الحسين
27-11-2006, 12:05 PM
وما شفتوني كيف برتاح وكت زولاً يقيف قبلي
ويجيب لو كليمة شايقية تقول ساحراً سحر عقلي
خفيفي وفي الخشيم حلوة مسقية بى طعم عسلي
أتوه لا فتحة لا ضمة وامسك الكسرة بى عدلي
أكرن حين ألاقيهم واصنقر وابقى بى مهلي


الثغراوي

الللللللللله يا قاقول لهذه الروعة...

الله يديك العافي كدي في عضيماتك...

حقيقة الكلمة الشايقية كلها محنة... وكسرتها الفي النهاية دي... زايداها طعم وحلاة... زي ما قال شاعرنا كدكي...

أريد أيِّي وحلاااااااة... أيِّي...

وحلاة بتاً تتَاقِي الباب عليها من الشمِس حيِّي...


كميات مودتي...

وأبقى مواصل...


أبو الحســــــــــــــين...

zainalzaineen
27-11-2006, 04:39 PM
زينة العمر
كلمات شيخ العاشقين / عبدالله محمد خير
اداء المبدع الفنان / صديق احمد

من الازاهر اندى يا ضوء القمر
يا المنو صافى واهدا يا زينة العمر
لهواكى مابتعد واحفظ لى عهودك يا المحاسنك عده
عن حبى ما برتد لى ليلة الزفاف بعمل واعد العده
حبك عقيده ومبدأ ريدك لى طريق انا منو لازم ابدا
بحسب جفاكى موده واترقب لقاك مهما تطول المده
اه من شذاك يا ورده واه انا من عيونا بالسلاح تتحدى
فى هوانا ايه الجد ليه قلبك نسانا وجار علينا وصد
عطفك على لابد هجرك لايطول يا الجاهله لا يمتد
خايف الطريق ينسد خايف للبنيتو معاكى يوم يتهد

zainalzaineen
27-11-2006, 04:40 PM
مليت من الغربه
كلمات الاستاذ/ محمد سعيد دفع الله
اداء المبدع الفنان / عبد القيوم الشريف

مليت من الغربه آعلى .. يا ولدى يا ايدى اليمين
داير الرجوع بس كيف يكون ... وتفكيرى فيهو انا من متين
كل ما اقول اصبر شوى باكر تكون الحاله زين
القى الظروف ياها الظروف .. بس زايده سؤ بحلف يمين
وآخد لى لفته على الزمان ... القاها مرت كم سنين
لمتيـــــــــن بتتفك القيــــــــود ... القاسى قلبها ما بيلـــــين
**********
جيت فاكر انى اكون سعيد ... بى مال بيجرى على اليدين
لكنــو مقسوم يــا لعــــزاز .... رزقا يكون دائمــا ضـــنين
والشئ العجيب مما وصل ولليلى فوق اكتافى دين
حســرة وهموم متواليات .... والدمعه يوت هالابه عـيــن
نيران مولعى فى القلب مسكين فقد لضرا الامين
كان عيشو هاديه قبل يجى ... و فى بيتو كان قوتو اليقين
والليله فى الاهوال دوام يصرخ ومو لاقى البعين
وينــك بعــدتى على ّ ليه ... وانا ليكــى كاتلنــى الحــنيــن
يا السمحه سموكى القرير والناس تجيك من وين ووين
وانا قـمــت منك شــن اقول .... غير ده المسطر فى الجبين
يا درة الوطن العزيز يا النادره يا لماليك وزين
عشمى ومناى ارجع واجيك ....... انا غير هواك متل السجين
داير اكون بين الاهل محضون وحاضن اعز طين
داير حياتى مع الصحاب ..... واللقمه ما بين العوين
***********
يا لوبه شمر للضراع والليلى جيت اوصيك دحين
كونك تقصر ما اظن وانا عارفو طبعك يا الخزين
يات من معلم درسك شاكرك علم وخلقا يزين
ما عليك خوف ما دام معاك زولا مسمى الزين وزين
انت البتعرف للاصول كاسب رضاء الوالدين
من قمت درفونا صغير ما كت يوم نيا عجين
دائما مواظب و مجتهد فى الجانبين دنيا ودين
ورافع السماوات غير عمد داعيهو ينصر وليك يعين

الشاهين
27-11-2006, 07:35 PM
أبو الحسين .. أفتح يدينك ..

تاكيت الباب !

تاكيت الباب واستنيتك..
صيفين..وشتا..ورشة مطره
ما حسك كان صاحي وبي خير
والو انك واضحة ومختصرة
وكتين ما جيت …….
ضايرت الخوف..حزمت التوب
وصيت الغيمة تلاوح البيت
وما تسد الباب..جايين راجعين
متيمنة بيك ..وشاردة معاك
حافتش ليك.. برات الضل …جوات الدمْ
ما بين النار و صراخ جمرة
حاجيك…….حاجيك
وبراى ..هل كنت براي قايل ؟
صورتك جواي ……
و الفكرة الخاصة المجنونة..
ونستنا في آخر الليل …
و الليل..
ومشيت عديت كم ساحة
حالقاك..
سجمانة..ورازة..ونطاحة
متعكننةْ ….
بشتنتة الساعات …….
ودقا يق الروح المتراوحات..
والزمن ألما بيكون منحاز …….
ويلمني بيك رحيتو دقيق..
نسوان السوق عاسنو فطير ..
ميتان حيلو
مازمنك ما بقبل غيرو ..
ولا غيرك غير
سكران بالهم..ما وعيتك
مطعون جرحك متسربل دم ..؟
ما داويتك ..
غبيت احترته ..
ومِرّق الصبر الشايل حيلك ….
مال بالحيل ..
ضللت عليك بي قولة الحق ..
ما عارف إني معاك بسواك..
لكن وحدك متغابي وطيب
وغايظني..
عدن كم حول مستني أقول …
يآخي احبك
وأتآمر ضدك . . .
أناْ . . . و . . . الشوق
تسريحة بت الجيران
وغُنا الصِبيان ساعة المطرة ..
وريتم اسمك في الشجرة..
بي خط فرحان منحوت اسمك..
قوسين و … فلان
حاتكسر الليل ولا أفوتك..
الشوق والبيت .
تاكيت الباب..واستنيتك
صيفين .. وشتا ..
و أول مطره. . . .
ذاعت أخبارك في دمي
وانحسرت تواً لفحه حر
كِبرت فجأة ضلالة البيت..
يا هل طليت..
يا هل . . .
طليت..
يا ..
هل ..
طليت…؟؟

نجلاء عثمان التوم
شاعرة شايقية

أبو الحسين
28-11-2006, 05:54 PM
عطفك على لابد هجرك لايطول يا الجاهله لا يمتد
خايف الطريق ينسد خايف للبنيتو معاكى يوم يتهد

الللللللللللله من إنهداد الطريق لمن يكون ماشي حلاوة ويقول كدي يعَكْرِنْ...

نسأل الله يسهل للجميع طريقهم ومشاوير حبهم يااااااااارب...

ويقوي أخونا الشاهين علي الدقِيشَات دِقِيشَات زي الفاتت دي...

قواسيب مودتي ليك يا زين الزينين...

وبجيك راجع لي وقفة مع صديق أحمد وعبد الله محمد خير ديل...


أبو الحســــــــــــــين....

يسرا مصطفى
28-11-2006, 07:23 PM
بتنا يُسرا...

نهارك سعيد...

بمناسبة الطنبور الفوق دا... أهديك والجميع كمية الإبداع دي... الشاعر المبدع... الفاتح إبراهيم بشير... وعبد الرحيم البركل في طير المحنة... وعليكم الله شوفو المحَنة دي مرسلنها عبر طير المحنة دي كيف؟؟؟



وأبقوا قُراب...

كميات مودتي...


أبو الحســــــــــــــين...


اشكرك الاخ ابو الحسين الشكر الجزيل علي الكلمات الجميله دي
وانشاء الله دايما رايق انا باقي طولت شويه من الحوش
ولي عوده انشاء الله
لك كل الود
يسرا

أبو الحسين
29-11-2006, 07:42 PM
مليت من الغربه
كلمات الاستاذ/ محمد سعيد دفع الله
اداء المبدع الفنان / عبد القيوم الشريف

مليت من الغربه آعلى .. يا ولدى يا ايدى اليمين
داير الرجوع بس كيف يكون ... وتفكيرى فيهو انا من متين
كل ما اقول اصبر شوى باكر تكون الحاله زين
القى الظروف ياها الظروف .. بس زايده سؤ بحلف يمين
وآخد لى لفته على الزمان ... القاها مرت كم سنين
لمتيـــــــــن بتتفك القيــــــــود ... القاسى قلبها ما بيلـــــين
**********
جيت فاكر انى اكون سعيد ... بى مال بيجرى على اليدين
لكنــو مقسوم يــا لعــــزاز .... رزقا يكون دائمــا ضـــنين
والشئ العجيب مما وصل ولليلى فوق اكتافى دين
حســرة وهموم متواليات .... والدمعه يوت هالابه عـيــن
نيران مولعى فى القلب مسكين فقد لضرا الامين
كان عيشو هاديه قبل يجى ... و فى بيتو كان قوتو اليقين
والليله فى الاهوال دوام يصرخ ومو لاقى البعين
وينــك بعــدتى على ّ ليه ... وانا ليكــى كاتلنــى الحــنيــن
يا السمحه سموكى القرير والناس تجيك من وين ووين
وانا قـمــت منك شــن اقول .... غير ده المسطر فى الجبين
يا درة الوطن العزيز يا النادره يا لماليك وزين
عشمى ومناى ارجع واجيك ....... انا غير هواك متل السجين
داير اكون بين الاهل محضون وحاضن اعز طين
داير حياتى مع الصحاب ..... واللقمه ما بين العوين
***********
يا لوبه شمر للضراع والليلى جيت اوصيك دحين
كونك تقصر ما اظن وانا عارفو طبعك يا الخزين
يات من معلم درسك شاكرك علم وخلقا يزين
ما عليك خوف ما دام معاك زولا مسمى الزين وزين
انت البتعرف للاصول كاسب رضاء الوالدين
من قمت درفونا صغير ما كت يوم نيا عجين
دائما مواظب و مجتهد فى الجانبين دنيا ودين
ورافع السماوات غير عمد داعيهو ينصر وليك يعين

تسلم يا زين الزينين يا اخوي...

ويا ريت تشوف لينا كمان تنزلها لينا بصوت المبدع عبد القيوم الشريف...

كميات مودتي... وأبقى قريب...


أب الحســــــــــــــين...

أبو الحسين
02-12-2006, 06:20 PM
أبو الحسين .. أفتح يدينك ..

تاكيت الباب !



يا هل طليت..
يا هل . . .
طليت..
يا ..
هل ..
طليت…؟؟

نجلاء عثمان التوم
شاعرة شايقية

آلاااااااااااف مراحب بيك الشاهين أخوي...

وبشاعرتنا المجيدة الأُستاذة نجلاء عثمان التوم...

وندعوك وإياها لإقامة طيبة إنشاء الله في داركم...

وكميات مودتي...


أبو الحســــــــــــين...

أسى
02-12-2006, 09:44 PM
الليلة يا جمال الزومة خسرت معركة الصعود المباشر امام المهدية
ورأيت الحزن الشايقاوي على الهواء
رأيته وهارلكم

أبو الحسين
03-12-2006, 06:56 PM
اشكرك الاخ ابو الحسين الشكر الجزيل علي الكلمات الجميله دي
وانشاء الله دايما رايق انا باقي طولت شويه من الحوش
ولي عوده انشاء الله
لك كل الود
يسرا


أها عشان تجينا راجعي سرييييييييع يا بتنا يُسرا الأهيج مشاعرك والجميع ببنطون مروي ولوحة جميلة من المعَدين من مروي شرق علي مروي غرب...
http://www.biologie.uni-hamburg.de/b-online/afrika/0656/0656_55.jpg

مع كميات مودتي...


أبو الحســـــــــين...

أبو الحسين
04-12-2006, 05:47 PM
الليلة يا جمال الزومة خسرت معركة الصعود المباشر امام المهدية
ورأيت الحزن الشايقاوي على الهواء
رأيته وهارلكم

الأخ الكريم أٍسي...

تسلم يا اخوي على شعورك النبيل مع أهلنا في الزومة...

وإنشاء الله نتمنى لفريق الزومة العريق التأهيل في المرة الجايي...

ولك مودتي كلها بلا حدود... وأبقى قريب...

أبو الحســــــــــــين...

أبو الحسين
06-12-2006, 12:17 PM
حبي انا ليك كان زادي :
الشاعر علاء الدين أبو سير...
أهداء إلى كل الأحباب...

.................................................. .........

حـبـى أنــا لـيــك كـان زادى وكـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
وكـــت بــــرجــاك فــوق الـنــار لما وكت لقانا يحين
نونس فــى بـراءة أطفال وفى الحب نروى ننهل زين
وكـلــمــا يــوم يـــزيـــد البـيــنا لـمـا بقينا قاب قوسين
اتارى أنا كت فيك مخـــدوعه وكم من زي مخدوعين
مــا قــايــلاك حـبــيـــب آلاف وقـلـبـــك قبله للضالين
ومــا قــايــلاك بتـنسي حبيب صبر راجيك سته سنين
وســاهـــر كـم لــيـــالــى طــوال يـتقلب شمال ويمين
كـيــفــن يـهــون عـليك تنساهو زولاً كان عليك حنين
وتـشــغــل بــالـك الأشــواق لــمــّن تـزبــــل الياسمين
كــت دايــراك بـسـمة عريضة فى وجه الزمان الشين
وكــت دايــراك سـاعة الحاجة تبقى ليّ دخرى خزين
كــت دايــراك مـقــنــع حـوبــه وكتين المضارى يبين
وكــت دايــراك فـارس احـلامى تـشاركنى ونتم الدين
وكــت دايــراك أمــل بـســام يــزيــل ألم البعاد والبين
كــت دايـــراك شـريـك الروح واخدمك حافية القدمين
وكــت بـحــلــم بك انت معاي مجرتق بالعديل والزين
جنـبـك فـى يــمــيـنــك قــاعــده نـسمع فى دقر يا عين
تـبــشـــر زيــن مــع الأصحــاب وتتشـبـل من الوزين
أنا الأبـحــرت راكــبه الموج اكيد مرسايا بين موجتين
وداعــاً يـا زمـن ظــالـــــم وبــالأفــــراح عـليّ ضنين
وداعــاً يـا قـــلــب قـــاســـي لا بـيــحـــــــن ولا بيلين
وداعــاً يـا ســراب خــداع محال ما بيروي عطشانين
وداعــاً يـا كــلام معـســول حــدو ومكـمـنـــو الشفتين
وداعــاً يـا سحـابـة صيــف شايلى مطر ضليلا رهين
تبـشــر بـى خـريف جايـيـنا ياما الناس رجوهو سنين
كل زولاً يـفـكــر فـيــهــا مـا مـعـــروفـة تـنــزل وين
وألف سلام عليك يا قلبي المـسـالم وديمه طبعو حنين
يتـاورو الـشــوق ويلعـب بيـهو تنحر فى حشا السكين
تـعــاودو الـذكــري تــنــتـر جوا حالو يحنن المسكين
أخــيــراً مــى لـيــك سلام وقبل ما تجف دموع العين
وقـبــال مـنــى مــا تـعـــدى وقــبــال الفـراق ما يحين
بخيت وسعيد عليك إن شاءالله يـبـقالـك عـمــار وبنين
وقـلـبى أنـــا خـلــى فـى أنـاتو بـعـدك ياما راجى أنين
ولو كــان يــا قـلــب حـبـيـت بـعـدو بعـد قسمت يمين
مـا يـنــتـــمّ لــيــك مــراد لا تضـوق لا حلو ولا زين
وتفضل طول حياتك تبكى طول عمرك تعيشو حزين
وعـمـرك مــا تجـيـك سـعــادة مـا تـتـهـنــا قـول آمين
وتـــانـى الحـب عليك حرمان ووعد الحر أمانه ودين .


وكميات مودتي...


أبو الحســـــــــــــين...

أبو الحسين
10-12-2006, 08:42 PM
إهداء صورة المعدية والبنطون رامي...

http://www.biologie.uni-hamburg.de/b-online/afrika/0656/0656_36.jpg

لعمو قبلايا والجميع...

كميات مودتي...


أبو الحســـــــــــين....

ودالزين
20-12-2006, 06:49 PM
وينك يا جمال أبيتنا
زغت وين؟

أهديك اعلان من ركن طلبات زواج في جريدة خرطومية رخيصة المحتوى
" رباطابي أعمل في أعمال حرة أبلغ من العمر 45 عاماً. أرغب في الزواج من شايقية
صفراء اللون ذات جمال وميسورة الحال ولا تزيد عن 25 سنة".
الرباطابي دا لاقاني في الشارع حأقول ليه عندي صاحبي اسمو
أبو الحسين كان لاقاك بخنقك :D :D

أبو الحسين
21-12-2006, 10:52 AM
وينك يا جمال أبيتنا
زغت وين؟

أهديك اعلان من ركن طلبات زواج في جريدة خرطومية رخيصة المحتوى
" رباطابي أعمل في أعمال حرة أبلغ من العمر 45 عاماً. أرغب في الزواج من شايقية
صفراء اللون ذات جمال وميسورة الحال ولا تزيد عن 25 سنة".
الرباطابي دا لاقاني في الشارع حأقول ليه عندي صاحبي اسمو
أبو الحسين كان لاقاك بخنقك :D :D


الله يجازي محنك يا ود الزين يا اخوي...

والله خليتني أفَتْفِت من الضحك مع الصباح... زي الماني طيبي...:D :D :D :D

نان الراجل دا بس ما يكون موضوعي شويي... دايرها شايقية وبيضاء اللون وميسورة الحال وكمان عمرها 25 وهو عجوز غابرين 45 سنة؟؟؟:p

بس ما يخليها شويي كدي حلوي... تكون 35 سنة..!!!:rolleyes:

همسة:: أفوتكم وين أنا يا الغالين...

لكن والله يا ود الزين بس مشاغل الدنيي... لكن قاعد أتاااااوق كل لحظة متااااااااابع... الله يديكم العافي ما مقصرين تَبْ ما تقصُر بيكم إنشاء الله قول آمين...

كميات مودتي...


أبو الحســـــــــــين...

أبو الحسين
10-01-2007, 08:05 PM
أحلى الذكريات

كلمات الشاعر: ود المنابير من الزومة.. متعه الله بالصحة والعافية...

إهداء إلى الجميع... مع مودتي...



نفس المكان .. ونـفس النفــوس الشاربة مــن نبــــع الحنان

وسبـحـة أمى وســــيف أبوى .. ومـــــراح غنيماتن السُمان

ونـفس الحـقول .. وعـالى التلال .. الفييها نفحــة من الجنان

والقمرى فــوق طرف الجريد .. طــربان يغرد .. ما استكان

جــيــت ليكـــى راجــــع والحنيـن دافرنى .. بالأشـــواق ملان

جيت ليكى راجـع يا بلـــــــد .. تعبـــان شِبِـــعْ .. ذُل وإمتهان

لى منبــــــع الولـف الطبـــــــع جوايا .. أنســـــــان ليهو شان

داير أنـــــــوم وأنسى الهـمـــوم .. أكيــــد سقط فى الإمتحان

ضمـينى فى حضــــنك شـــــديد .. خلينى أشعـــــــــر بالأمان

أنا ما وليدك يا عشق روحى ..و بلاكى حياتى كاسيها الـدخان

أنا جيت مشتـــاق ليــك كتير .. مشــتاق أعـــيد أيــــام زمان

أيام صـــــبايا المنى ضـــاعت .. مـــن مشيــت ســـبتَّ البكان

وركبت للدرب الصعــــــب .. وفى الغربـــــة قاسيــتَّ الهوان

وعشـــــتَّ الدرادر والشقـــــا .. ومُــر البكا وطعــــــن السنان

وحالى الفقـُـر .. وســـط الزحام .. خلاَّنى أشيــــب قبل الأوان

فارقـت للوجـــــــه الصبوح .. والسمحــــــــــة أمورة الحِسَّان

العفـــة الــــذوق والكمـــــال .. وحديثــا زى عــزف الكمـــان

تروينى مــن نبــــع الصــــدق .. وأشجــــيها بى حِـلْو البيـــان

فى القمرة جلســـة ريد كبير .. ولى أحلامـــنا طالقـــين العنان

نحلــم كتــير ونبنى القصور .. وكيف بكــرة يصبــح لينا شان

وفى بيتــــنا نزرع للزهــــور .. وبالمـــال نعمـــــرو والبـُطان

جيـــت ليكا يا بلـــــدى الحبيب .. صــدرك حنــين كـــم لىَّ لان

فيك بلقى راحتى وكل هناي .. وباقى الكـــــرامة يكون مصان

أفتــــح زراعيك ضــــمنى .. خلـــــينى أنــسى الكـــــان وكان

وتانى آب أفـــوتك إن شحـــد .. ملعــــون أبو المـــال لو أُهان...


أبو الحســــــــين...

zainalzaineen
21-01-2007, 05:21 PM
الاخ العزيز ود الحسين نعلك طيب
اهل الحنان وزينيين عوافى
باقى لى زمن بدور ادخل واشارك فى البوست ده علا انا انزوزوته وانطرطرشته ودر كلمه المرور وحد ما اجرب واخبت شمال يمين الاقيها مى ياها لامن ربك رب الخير لقيتها مهكوره فى وريقه صغيره كت لامها من زمن ....
اهلنا الشايقيه اصحاب ترات وماضى عريق فى الشعر والحكم وارث تليد ضارب فى الاعماق فى الشجاعة والاقدام والجود والكرم وتعتبر مناطق الشايقيه من اغنى المناطق فى السودان معنويا وروحيا رغم انها اقل المناطق فى مجال التنميه والعمران والحكيومات البتجى كلها ما بتاخد خبرنا رغم ان معظم قادتها من مناطق الشايقيه وبعد ده كلو الناس ما خالانا فى حالنا وشايلين حسنا وقالوا شنو؟ نحن مستاثرين بى كل شىء . واخر فريه طلعوا بيها انو الشايقيه شلخوا الجنيه الجديد وسموا الجنيه الشايقى عليكم الله شفتوا جنس النبيشه دى والافتراء ده ! وهو ذاتو نحن شلوخنا دى القالكم رخيصه وهينه كدى منو عشان نحن نقبل يختوها فى الجنيه ؟ واحاه سيدى الحسن نحن من كترت ما عاجبانا شلخونا دى ان بقوا شلخوبا الخواجه اب صليعه الصورتوا مختوته فى الدولار ولا ختوها فى جضيمات الخواجيايه السميحه المرسومه فى الجنيه الاسترلينى نحن مانا راضين . وده طبعا كلوا افتراء وهجوم وتعبيه منظمه ضد قبيله ما بيقدروا ينالوا منها ومن حضارتها وفنونها .
نرجع تانى لى قصه الابداع والشعر عند الشايقيه وابداء معاك من مكان كنا واقفين محل القروش والفلس , عاد باقى الفلس ده معكر دم الناس حد ما يبقى شاعرنا محمد عيسى ود تاير ( ولد بكورتى ونشأ بها وينتمى الى البديريه الطرفيه درس وحفظ القرآن بخلاوى دويم ود حاج ) له ابيات طريفه وجميله بخصوص الفلس قال:-
داير اوصيك داير اقول ليك يا حلو العنوق
يا عجو المحس المبيوع فوق الكرووق
والله الفلس لا بيعرس لاب يبل الشوق
وااااااشناه الفقرى وكتين يطلع السوق
حتى ان جابوهو اجواد نضمو ممحوق .

الشاعر المبدع الفنان السر عثمان الطيب له ابيات يذم فيها الغربه ومفارقه الاهل من اجل جمع المال بهذه الابيات

جيت هنا فى الغربة متكرن طاش
بكيت وبكيت والشوق فى دمعى بقالى طشاش
قروش الجن دى اريت يا وطن بعيد
عن ارضك ما تتلم ..... ما تتلم وماتنحاش

زى ما بيقولوا ناس التلفزيون ابقوا معنا تابعونا واحدين يقولوا كمينق آب . انا دان كمان بقولكم بجيكم صاد الرسول فوقكم تبقوا قراب

zainalzaineen
21-01-2007, 05:34 PM
اهلى الحنان وعزاز
جيتكم صاد
الشاعر المبدع الفنان محمد جيب الله كدكى له قصيده جميله يوضح بها صفات الزوجه المثاليه
الزوجه المثاليه
قالوا من الرب هديه
تكون لى امك بنيه
وتكون لى اختك اخيه
تكورك لها تلقى اييي
وقبل تتم كلامك تلقاها جييه
واحلى شىء تبقى شايقيييه
تفرش ترجاك عشيه
وتشيل همك على الجيه
تنسيك العزوبيه
بالدلكه مع الصندليه
والموص كوريييه كورييييه
احلى شىء تبقى شايقيييه
زولتنا باقى عرضيه
زى امها بت فنجريييه
تلم الواقعه مرميه
وتضارى البره منسيه
فشان ناس احمد ورقيه
توفر من الشويه
واحلى شىء تبقى شايقيه
بقولها بدون عنصريه
ان عرست اجنبيه
توديك فى كركيه
خشمك تخليهو زرديه
تخليك لافى صينيه
وياكا الضارب امييه

أبو الحسين
21-01-2007, 08:05 PM
الاخ العزيز ود الحسين نعلك طيب
اهل الحنان وزينيين عوافى
باقى لى زمن بدور ادخل واشارك فى البوست ده علا انا انزوزوته وانطرطرشته ودر كلمه المرور وحد ما اجرب واخبت شمال يمين الاقيها مى ياها لامن ربك رب الخير لقيتها مهكوره فى وريقه صغيره كت لامها من زمن ....
اهلنا الشايقيه اصحاب ترات وماضى عريق فى الشعر والحكم وارث تليد ضارب فى الاعماق فى الشجاعة والاقدام والجود والكرم وتعتبر مناطق الشايقيه من اغنى المناطق فى السودان معنويا وروحيا رغم انها اقل المناطق فى مجال التنميه والعمران والحكيومات البتجى كلها ما بتاخد خبرنا رغم ان معظم قادتها من مناطق الشايقيه وبعد ده كلو الناس ما خالانا فى حالنا وشايلين حسنا وقالوا شنو؟ نحن مستاثرين بى كل شىء . واخر فريه طلعوا بيها انو الشايقيه شلخوا الجنيه الجديد وسموا الجنيه الشايقى عليكم الله شفتوا جنس النبيشه دى والافتراء ده ! وهو ذاتو نحن شلوخنا دى القالكم رخيصه وهينه كدى منو عشان نحن نقبل يختوها فى الجنيه ؟ واحاه سيدى الحسن نحن من كترت ما عاجبانا شلخونا دى ان بقوا شلخوبا الخواجه اب صليعه الصورتوا مختوته فى الدولار ولا ختوها فى جضيمات الخواجيايه السميحه المرسومه فى الجنيه الاسترلينى نحن مانا راضين . وده طبعا كلوا افتراء وهجوم وتعبيه منظمه ضد قبيله ما بيقدروا ينالوا منها ومن حضارتها وفنونها .


الحِبيِّب زين الزينين...

مساك الله بالخير والرضا يا اخوي...

الله يجازي محنك يا اخوي خليتني أفتفت من الضحك...

إنت عارف يا الحِبيِّب أول من رد على موضوع الجنيه المشلخ دا أنا... في سودانيز أون لاين... لمن بقال نزل المقال... أنا مفتكرو يقرٌِّق ويهظر...:rolleyes:

فقمت رديت ليهو نفس ردك الفوق دا... بأن القطيعات دي نحن ماب نرضى بيها تكون شلوخ شايقية... شلوخنا عُرااااااااااض من بداية الجُضُم لي نهايتو... بلا فجأة كدي لقيت ليك الراجل جااااااادي في موضوعو...;) :D

ربنا يهديهو والجميع ياااااااارب...

وبجيك راجع لي أشعارك عن الفلس وبجيك بي جرابي المليان...

مودتي...


أبو الحســـــــــين...

أبو الحسين
23-01-2007, 12:26 PM
داير اوصيك داير اقول ليك يا حلو العنوق
يا عجو المحس المبيوع فوق الكرووق
والله الفلس لا بيعرس لاب يبل الشوق
وااااااشناه الفقرى وكتين يطلع السوق
حتى ان جابوهو اجواد نضمو ممحوق .



الحِبيِّب زي الزينين...

هاك المقطع دا من ود اليمني في قصيدة آسيا...


العجو الجايي من المِحُوس...

إن عَوَل ماب ينقُرو السوس...

المَفلِّس إش دارْ يكُوس...

بس يعايِن ويشبع مغُوس...


كميات مودتي... وبجيك راجع...


أبو الحســـــــــين...

إنعام
23-01-2007, 04:59 PM
الشايقية ماضيهم المشرق .. حاضرهم ..
مشاركات 100 مشاهدات 920
تانى مافضلوا الا ناس البركل

أبو الحسين
28-01-2007, 08:17 PM
الشايقية ماضيهم المشرق .. حاضرهم ..
مشاركات 100 مشاهدات 920
تانى مافضلوا الا ناس البركل

بتنا إنعام...

مساكي الله بالخير والرضا...

عشان مشاركتك الجميلة دي... أهديك الصورة دي خصوووووووووصاً ليكي...

http://www.sudaneseonline.com/u/IMG_0074.JPG

مع كميات مودتي...


أبو الحســـــــــين...

إنعام
29-01-2007, 04:47 PM
الرائع ابو الحسين
تشكر جدا على الاهداء الرائع
وشموخ النخيل الباسق
وكيمان مودتى الى الشايقية وحاضرهم المشرق
تسلم

أسى
01-02-2007, 05:10 PM
ابو الحسين
يا جماعة ما تشوفو لينا شايقية حنينة وحاجة كده
على سنة الله ورسوله
ما قلنا الرووب
كل المنى

zainalzaineen
04-02-2007, 01:46 PM
--------------------------------------------------------------------------------

احبائى واخوانى الزينييين وسمحين
نعلكم طيبيين
انقل اليكم كلمة شيخ العاشقين فى الاحتفال الذى اقيم تكريما له بمعرض الخرطوم الدولى برعاية الشركة السودانية للمناطق والاسواق الحرة وسوف اوفيكم بتفاصيل الاحتفال فى وقت لاحق لانى باق اليوم ميرود ومحموم .



بسم الله الرحمن الرحيم
السلام عليكم ورحمة اللة وبركاتة
ويسألونك عن التكريم قل هو من الكرم والاكرام و مكارم الاخلاق وهذه المعانى نجدها كلها محتشدة فى هذا المكان .
ايها الاحباب لقد كرمت قبل اربعون عاما يوم نبشت عرضى باظافرى فتقبلنى الناس ولم ينظروا الى شذرا. وكرمت يوم احتفى الناس بقصيدة

مــــن الازاهـــــر انـــــدى يـــــا ضـــــوء الـقــمــر

يـــا الـمـنـو صـافــى واهــــدا يــــا زيــنــة الـعـمــر
فتمدت مدا وجزرا كما النيل فى فيضانه .وكرمت حين صدح شيخى واستاذى الراحل حسن الدابى بشهادة غير مجروحة

صحيح ياعبدو اخوى قولك حقيقه
كتير الطفشه ( الجلا ) من فريقه
يزازى نقل سميحات الخليقه
ورنين صفارتو نفسى ابت تطيقه
معاها انا كيف اسوى شنو الطريقه
تعيق فى الناس اله الناس يعيقه
وكرمت يوم لقبنى الشهيد محمد طه محمد احمد بشاعر منحنى النيل فأمتلات عزا وفخرا . ويوم صرح الطيب صالح لصحيفة الحياة اللندنية بانه من المنطقة التى أنجبت عبدا لله محمد خير . وطاف باشعارى مضارب الفرنج بصحبه الحردلو والفيتورى .
أيها الأحباب
اليوم اكر منى ربى بتتويج مجهودات الدكتور خليفة العوض الحسن وأركان حربه بالمركز القومي لجراحة وإمراض الكلى لاقف بعونه مشدودا أمامكم لحضور هذا العرس الجميل فهل يزين الدكتور حسن احمد طه عنق كهلا فى الستين بسوميت ولآلىالاسوق الحرة ؟ لتصدق رؤيا من قال يوما


لامتـيـن يــا نـومـى فـيــك رؤاى تـصــدق
لامـتـيـن يــــا شــــوق موالى قـلـيـبـى تــحــرق
امتى جــود باللقـيـا يــا زمـانـى المـفـرق
وامتى يا اجمـل صبـاح فـى عمـرى اشـرق
يـا حـلات العشـرة لمـا تبقـى صـح صــح
ويا حلات الريـده وكتيـن تصفـى تفـرح
يـا حـلات ليلـن معـاك مــا درنــا يصـبـح
ويـا حـلات صبحـن تكـون انـت المصبـح
أيها الاحباب
انا من طينة لكه من جروف الشمال تشكلت بين اصابع اطفاله وصباياهو خيولا وعرائس تمثلت فى وجدان شبابه مثالا للفرح الجميل وكانت مثار اندهاش شيوخه كنشطار يوازن بين الحزن والفرح لاتدرى ايهما هو متوشح به .
اختتم حديثى بقول الشاعر الاستاذ/ محمد سعيد دفع الله


لو قلت شكرا ماب تفى
وقولا يعبر ماهو فى
وكل ما اكتب اسطر مداد ماب تشرح الفى جوف خفى
وكيفن اوريكم شعورى الليله وآ غيب احرفى
يا احرفى !!! بالله جودى وانصفى
فد مره بس وحيدى ارقشى وانصفى .
طاوعينى انا ادينى ابيات من غنا وفى اهلى قولى واسرفى
.
ايها الاحباب :
الان آن لابى حنيفة ان يمدد رجليه.

النافعابى
04-02-2007, 09:41 PM
اولى مشاركاتى كارب تميمتى
وجايك فى حوشك السمح ده
يا ود اختى (خالك الزين)

أبو الحسين
11-02-2007, 10:23 AM
الرائع ابو الحسين
تشكر جدا على الاهداء الرائع
وشموخ النخيل الباسق
وكيمان مودتى الى الشايقية وحاضرهم المشرق
تسلم

بتنا إنعام...

صباحك زين...

ويا هلا بيك...

وتاااااااااني أهديك الهدية دي...

http://www.sudaneseonline.com/u/IMG_0031.JPG

إقامة طيبة في ديار أهلك وأحبابك...

كميات مودتي...


أبو الحســـــــــين...

أبو الحسين
14-02-2007, 08:32 PM
ابو الحسين
يا جماعة ما تشوفو لينا شايقية حنينة وحاجة كده
على سنة الله ورسولهما قلنا الرووب
كل المنى

يجازي محنك يا أسي يا أخوي...:rolleyes: :rolleyes:

كدي قدِّم أوراقك وإعتماداتك وتوصية من عمو قبلايا ويُنظَر ويُفاد في طلبك!!!:D :D :D

كميات مودتي... وأبقى قريب...


أبو الحســــــــين...

أبو نون
14-02-2007, 10:12 PM
الرائع ابو الحسين ..
لك التحايا العطرة ..
واسف لعدم تداخلي في هذا البوست الذي يعنيني أماً وأباً ..
ونفخر بنشر حديث عنه في صحيفة الرأي العام الصادرة امس في صفحة يحررها الصحفي القدير ضياء الدين البلال ..

أبو الحسين
15-02-2007, 10:32 AM
الرائع ابو الحسين ..
لك التحايا العطرة ..
واسف لعدم تداخلي في هذا البوست الذي يعنيني أماً وأباً ..
ونفخر بنشر حديث عنه في صحيفة الرأي العام الصادرة امس في صفحة يحررها الصحفي القدير ضياء الدين البلال ..

الحِبيِّب أبو نون...

إحتفالاً بي مقدمك الميمون وزيارتك الطيبة... أهديك كمية الفرح دا...

شتيلة قريرة...

الشاعر: حسن الدابي...

الفنان: النعام آدم...


http://3aza.com/uploader/uploads/grera.mp3

كميات مودتي... وإقامة طيبة...


أبو الحســـــــــين...

أبو نون
15-02-2007, 12:51 PM
وده رابط الموضوع في صحيفة الراي العام
http://www.rayaam.net/malaf/sport.html

أبو الحسين
17-02-2007, 07:10 PM
وده رابط الموضوع في صحيفة الراي العام
http://www.rayaam.net/malaf/sport.html

الحِبيِّب قريبي أبو نون...

مساك الله بالخير والرضا...

وأنا بدوري أُنزل الموضوع كاملاً... كما جاء في صحيفة الرأي العام السودانية... بقلم الأُستاذ/ ضياء الدين البلال...

الشايقية.. والهنود الحمر
ضياء الدين البلال...

تصدر بوست (الشايقية.. ماضيهم المُشرق.. حاضِرهم الأخضر.. ومستقبلهم الواعد) الصفحة الأولى في موقع (سودانيز أون لاين) بمتصفحين بلغ عددهم (6637)، قدموا (819) مداخلة حتى لحظة كتابة هذه المادة، لا تحمل فكرة البوست أي مدلولات عرقية أو عصبية، ولا يمكن إدراجه ضمن الموجة القبلية السائدة الآن، بل يهدف لنقل تراث هذه المجموعة السكانية في السياسة والحب والشعر والمعاناة، سوى بعض إشارات ربما يكون البعض قد ألقاها لجر البوست لخارج سياقه التاريخي الثقافي الإجتماعي.
أطرف ما جاء في البوست مداخلة يدعي مرسلها أن عمته تطلق عليهم لقب (طير الصعيد البوم) لأنهم ولدوا ونشأوا بعيداً عن جذورهم في (الحجير)، ويقول المتداخل إن لديه قناعة أن أهله ترجع أصولهم إلى مدينة (لتل روك عاصمة ولاية أركنساس)، لأن العربية من(لتل روك) تعني الحجيرالتي كان يسكنها الهنود الحمر قبل التطهير العرقي الذي حل بهم، وهذا أغرب نسب للشايقية، يعتبرهم هنوداً حمر هاجر أسلافهم قبل (400) سنة، وإستوطنوا لتل روك السودانية.
وحين تساءل أحد المتداخلين من غير الشايقية في البوست رد عليه صاحبه (بإذن الله ريحة عُنصرية هنا، وما تلقاها ولا في واحد يشمها حتى)، وأية محاولة لتشتيت البوست عن هدفه ـ أو كما قال ـ لي عنصريات وقبليات، فلن يجد مكاناً في قلوب رواد البوست، و(حا يمشي براهو بدون ما يُطرد).
البوست كله دراسة في أدب وشعر الشايقية وغنائهم ويقدم وجبة دسمة عن ثقافة السودان الشمالي، ودرس سياسي إجتماعي ثقافي عن المنطقة يحكي معاناتهم ومعاناة المنطقة و (تهميشها)، على الرغم من ان أبناءها ظلوا يحكمون السودان منذ الإستقلال، ولم يفت البورد ذكر الولاء السياسي للحزب الإتحادي الديمقراطي ولطائفة الختمية، إذ أن صورة السيد محمد عثمان الميرغني تزيّن أكثر من عنوان في البوست، فضلاً عن صور للمنطقة بكل ثرائها الطبيعي.
ثم يعرج البوست لآخر فرعي بعنوان (الجابرية تحيي الثورة، دايرين بوسطي.. ومدرسة وسطي)، والجابرية قرية صغيرة وادعة عند مُنحنى النيل، تعاني قضايا سياسية واجتماعية كتلك التي يعاني من ويلاتها أدروب في تلال البحر الأحمر، وأبكر في صحاري دارفور، ومنقو زمبيري في غابات الأبنوس، وفقيري في أرض الحجر، وهجو في حواشات الجزيرة المروية. إنها قضايا التهميش التي يجسدها عرضحال أهل الجابرية.
ويعلق أحد المتداخلين على إحدى قصائد الشاعر محمد الحسن حميد بقوله إنها تثبت رؤية الراحل جون قرنق، أن مشاكل السودان ليست بسبب القبلية أو الدين، إنما سببها طبقة معينة من (ربائب الإستعمار يتمركزون فى الخرطوم)، لا يريدون التفريط فى مكاسب ورثوها عن الإستعمار، فهمشوا من أجلها كل أقاليم السودان.


وأقول للأُستاذ/ البلال صح قلمك وصدق حسك وما نطقت إلا صدقاً... فالحوش يسوده الحُب والتصافي... ينبذ العصبية والعنصرية والقبلية... يدعو للمحبة والإلفة بين الأهل والوطن الواحد... حقيقة إخوتي الكرام أثبت الأخ ضياء متابعته اللصيقة بحوش الشايقية ومتابعته الدقيقة جداً بكل ما يُكتب فيه من تعليقات وتحليلات... فله مني ومن الإخوة رواد حيشان الشايقية الأربعة... في البركل وسودانيات والأوف لاين والأُون لاين... التحية والتجلة والتقدير... ومزيداً إلى الأمام...

كميات مودتي...


أبو الحســـــــــين...

أبو الحسين
18-02-2007, 10:37 AM
--------------------------------------------------------------------------------

احبائى واخوانى الزينييين وسمحين
نعلكم طيبيين
انقل اليكم كلمة شيخ العاشقين فى الاحتفال الذى اقيم تكريما له بمعرض الخرطوم الدولى برعاية الشركة السودانية للمناطق والاسواق الحرة وسوف اوفيكم بتفاصيل الاحتفال فى وقت لاحق لانى باق اليوم ميرود ومحموم .



بسم الله الرحمن الرحيم
السلام عليكم ورحمة اللة وبركاتة
ويسألونك عن التكريم قل هو من الكرم والاكرام و مكارم الاخلاق وهذه المعانى نجدها كلها محتشدة فى هذا المكان .
ايها الاحباب لقد كرمت قبل اربعون عاما يوم نبشت عرضى باظافرى فتقبلنى الناس ولم ينظروا الى شذرا. وكرمت يوم احتفى الناس بقصيدة

مــــن الازاهـــــر انـــــدى يـــــا ضـــــوء الـقــمــر

يـــا الـمـنـو صـافــى واهــــدا يــــا زيــنــة الـعـمــر
فتمدت مدا وجزرا كما النيل فى فيضانه .وكرمت حين صدح شيخى واستاذى الراحل حسن الدابى بشهادة غير مجروحة

صحيح ياعبدو اخوى قولك حقيقه
كتير الطفشه ( الجلا ) من فريقه
يزازى نقل سميحات الخليقه
ورنين صفارتو نفسى ابت تطيقه
معاها انا كيف اسوى شنو الطريقه
تعيق فى الناس اله الناس يعيقه
وكرمت يوم لقبنى الشهيد محمد طه محمد احمد بشاعر منحنى النيل فأمتلات عزا وفخرا . ويوم صرح الطيب صالح لصحيفة الحياة اللندنية بانه من المنطقة التى أنجبت عبدا لله محمد خير . وطاف باشعارى مضارب الفرنج بصحبه الحردلو والفيتورى .
أيها الأحباب
اليوم اكر منى ربى بتتويج مجهودات الدكتور خليفة العوض الحسن وأركان حربه بالمركز القومي لجراحة وإمراض الكلى لاقف بعونه مشدودا أمامكم لحضور هذا العرس الجميل فهل يزين الدكتور حسن احمد طه عنق كهلا فى الستين بسوميت ولآلىالاسوق الحرة ؟ لتصدق رؤيا من قال يوما


لامتـيـن يــا نـومـى فـيــك رؤاى تـصــدق
لامـتـيـن يــــا شــــوق موالى قـلـيـبـى تــحــرق
امتى جــود باللقـيـا يــا زمـانـى المـفـرق
وامتى يا اجمـل صبـاح فـى عمـرى اشـرق
يـا حـلات العشـرة لمـا تبقـى صـح صــح
ويا حلات الريـده وكتيـن تصفـى تفـرح
يـا حـلات ليلـن معـاك مــا درنــا يصـبـح
ويـا حـلات صبحـن تكـون انـت المصبـح
أيها الاحباب
انا من طينة لكه من جروف الشمال تشكلت بين اصابع اطفاله وصباياهو خيولا وعرائس تمثلت فى وجدان شبابه مثالا للفرح الجميل وكانت مثار اندهاش شيوخه كنشطار يوازن بين الحزن والفرح لاتدرى ايهما هو متوشح به .
اختتم حديثى بقول الشاعر الاستاذ/ محمد سعيد دفع الله


لو قلت شكرا ماب تفى
وقولا يعبر ماهو فى
وكل ما اكتب اسطر مداد ماب تشرح الفى جوف خفى
وكيفن اوريكم شعورى الليله وآ غيب احرفى
يا احرفى !!! بالله جودى وانصفى
فد مره بس وحيدى ارقشى وانصفى .
طاوعينى انا ادينى ابيات من غنا وفى اهلى قولى واسرفى
.
ايها الاحباب :
الان آن لابى حنيفة ان يمدد رجليه.


تشكرات تشكرات أخي زين الزينين...

وأسأل الله أن يسبغ نعمة الصحة والعافية على المبدع عبد الله محمد خير... وكل مرضى المسلمين... وإنشاء الله في ميزان حسناتكم ما قُمتم به من عمل جميل... وتحياتي وتقديري لإبن عمتي الدكتور/ خليفة العوض ولرجل البر والإحسان الدكتور/ حسن أحمد طه ولشخصك الوفي طارق...

كميات مودتي...


أبو الحســــــــين...

أبو الحسين
19-02-2007, 05:58 PM
اولى مشاركاتى كارب تميمتى
وجايك فى حوشك السمح ده
يا ود اختى (خالك الزين)

تسلم يا خالي النافعابي...

مشرف ومنور حيشانك التلاتي...

كميات مودتي...

ويا هلا بيك وإقامة طيبة...


أبو الحســـــــــين...

النافعابى
20-02-2007, 10:31 PM
الاستاذ الرائع دوما ابو الحسين نهنيك
ونهنى انفسنا بموضوع الراى العام
وده تكريم لى بلد بى حالها وانت تستاهل كمان وكمان لى مجهوداتك
التى بذلتها من اجل المنطقه وتراثها وفقك الله

أبو الحسين
21-02-2007, 07:24 PM
الاستاذ الرائع دوما ابو الحسين نهنيك
ونهنى انفسنا بموضوع الراى العام
وده تكريم لى بلد بى حالها وانت تستاهل كمان وكمان لى مجهوداتك
التى بذلتها من اجل المنطقه وتراثها وفقك الله


خالي النافعابي...

تسلم يا اخوي كتير... ودا من مجهودكم وكل الشباب في الحيشان الأربعة... في البركل والأوف لاين وسودانيات والأون لاين...

وإليك ما نشره اليوم الصحفي الأُستاذ/ زاهر الكندري في تحت عنوان فارس الرمال... ودعوة إلى الخير والجمال...

أضغطوا على هذا الرابط لتقرأوا ما كتب هذه الصحفي جزاه الله خيراً وجعلها في ميزان حسناته... فقد أحسن وأجاد وحلل وأفاد فله التحية والتجلة والتقدير...

أضغط على هذا الرابط لتقرأ نص المقال...
http://aafat.org/upload/uploading/doc0211.jpg

مع كميات مودتي... إخوتي زوار الحوش...


أبو الحســـــــين...

أبو الحسين
24-02-2007, 11:07 AM
الإخوة رواد الحوش...

صبحكم الله بالخير والرضا...

هاكم كمية الجمال دي... وتجسيد السفر وليلة السفر مع د. خليفة العوض الحسن...

ليلة السفر

شمس الغروب ..الإتكت..ولدت نسيمات القمر

سكبت على وجهو الصبوح..فيض الرؤى الفواح زهر

ضاحك يداعب في جفون..اتلقحت دمع السهر..

ينساب شعاع النور حنين يحضن بسيمات الثغر..

يندل بي عند الجفون..يمسح دميعات الكدر..

ويرسم خطوطو على الجبين..الصافي زي نبع المطر..

يحمل وميضات القليب..الداجي أضناهو السفر..

الشايل الشوق والحنين ولهان يدافر كم شهر..

كلما يطول بيهو البعاد تلقاهو اتجلد ..صبر..

راجي النهار..يصبح يطيب..تتفتح..أكمام الزهر..

يخضَّر وادينا الخصيب..تزهر غصينات الشجر..

يوم الحبيب يصبح قريب ..تصدح نغيمات الوتر..

*******

جهزت حالي أنا للقيام .. وقطفت تذكرة السفر..

وحجزت فوق ضهر الغيوم..بين السحاب..وسط المطر..

داير أحلق للحنين.. ألقاهو محتضن القمر..

ما شفتو .. ليّ زمن طويل ..بي شوقو عانيت السهر..

كلما أقول ..قرب المعاد ..تبقى الدقيقة علي شهر..

والليل بيتلكع يدب.. زي العجوز.. ساعة الكبر..

********

يا ريتني يا فجر الوداد ألقالي من حظك سطر..

يحضني زي حضنك حبيب..ويعيش معاي أبد الدهر..

تتكامل الفرحة ونشيل الليل ..علي نغم الوتر...

********

في الغربة ساير في دريب لا فيهو أنسة ولا سمر..

لا فيهو واحة بلا السموم.. النشفت ورق الشجر..

وما فيهو نقطة من الرذاذ..مع انو كل الجو مطر..

وعزايَ في قمراً هناك..وسط النجوم بلّج ظهر..

يربطني بالوطن العزيز واتذكر النيل الأغر..

والشاطي..والليل..والنجوم..والواحة ..والطيب والزهر..

وافرح براي..اسكب غناي..ومعاك احتضن القمر..


د. خليفة العوض الحسن

مع كميات مودتي... وإقامة طيبة يا دكتور بين أهلك وأحبابك يا رجل الإنسانية الأول...


أبو الحســـــــين...

النافعابى
26-02-2007, 10:34 PM
غايتو يا ابو الحسين الله يديك العافى فى عضيماتك


انت والدكتور عجبنى كلامو بلحيل

النافعابى
26-02-2007, 10:35 PM
غايتو يا ابو الحسين الله يديك العافى فى عضيماتك


انت والدكتور عجبنى كلامو بلحيل
في الغربة ساير في دريب لا فيهو أنسة ولا سمر..

لا فيهو واحة بلا السموم.. النشفت ورق الشجر..

وما فيهو نقطة من الرذاذ..مع انو كل الجو مطر..

وعزايَ في قمراً هناك..وسط النجوم بلّج ظهر..

يربطني بالوطن العزيز واتذكر النيل الأغر..

أبو الحسين
10-05-2007, 12:09 PM
غايتو يا ابو الحسين الله يديك العافى فى عضيماتك


انت والدكتور عجبنى كلامو بلحيل

تسلم خالي النافعابي...

والتحية **رك للدكتور/ خليفة العوض وكل مبدعي بلادي...

لك وللجميع قواسيب مودتي...


أبو الحســـــين...

يسرا مصطفى
10-05-2007, 02:54 PM
ابو الحسين يعني انت حي؟:D :D

ودي وتقديري
يسرا

حيدر عثمان سعيد علي
10-05-2007, 05:38 PM
ابو الحسين
لك التحية والله يديك العافية ويرجعك لاهلك سالم وغانم
كم هي رائعة وجميلة كلمات د. خليفة
متعكما الله بالصحة والعافية

أبو الحسين
12-05-2007, 12:22 PM
ابو الحسين يعني انت حي؟:D :D

ودي وتقديري
يسرا


الشكية لاب إيداً قوية منك يا بت العم يُسرا:poster_kewlpics: ...

كيفِن ماني حي وأُرزَقْ كمان!!:walla:

كميات مودتي وأبقي لا داخُل...


أبو الحســـــين...

أبو الحسين
06-06-2007, 11:58 AM
ابو الحسين
لك التحية والله يديك العافية ويرجعك لاهلك سالم وغانم
كم هي رائعة وجميلة كلمات د. خليفة
متعكما الله بالصحة والعافية

قريبي حيدر الحنكابي الأصيل...

تسلم يا اخوي على مرورك الجميل وعبرك التحايا النواضر للغالي د. خليفة العوض وكل آل العوض ود التومي وآل ود حُمد إحمد وآل شبيلي بالطرف الغادي...

لك قواسيب مودتي... لك وللأُسرة ولصديقي اللدود أُستاذ/ عمر عبد الله... وهنيئاً لك يا أخي برفقة الأخيار في سودان الخير والبركة بعد غربة طالت كتيييييييير...


أبو الحســـــــين...

فداء
16-11-2007, 10:32 PM
تلاتة شهور يا عريس
ونحن ما شفناك
اظهر وبان عليك الامان يا عريس

أبو الحسين
26-12-2007, 02:52 PM
تلاتة شهور يا عريس
ونحن ما شفناك
اظهر وبان عليك الامان يا عريس

صديقي الجميل فداء الطيب...

تسأل منك العافية يا اخوي وإنشاء الله كل عام وأنت والوليدات بألف خير وعافية يااااااااارب...

أها يا اخوي يي دا ظهرت بس ربنا يقدرنا نجاري!!

قواسيب مودتي لك ولكل رواد حوش الشايقية والأُوف لاين عموماً...


أبو الحُسين...

علي سليمان
26-12-2007, 03:45 PM
الاخ الغالى ود الحسن

سلامات
شكرآ على الدعوه الجميله

بس انته متأكد ازا جينا الحوش بنلقى نفس الحاجات الزمان

:1; (2):

يسرا مصطفى
26-12-2007, 06:36 PM
صديقي الجميل فداء الطيب...

تسأل منك العافية يا اخوي وإنشاء الله كل عام وأنت والوليدات بألف خير وعافية يااااااااارب...

أها يا اخوي يي دا ظهرت بس ربنا يقدرنا نجاري!!

قواسيب مودتي لك ولكل رواد حوش الشايقية والأُوف لاين عموماً...


أبو الحُسين...


معقوله ابو الحسن شخصياً
ايه الهنا دا كلو ؟ حلة علينا ليلة القدر ولا شنو؟؟
غالينا الف حمد لله علي السلامه بالرجعه وبركه الشفناك طيب
ويارب تكون معانا علي طول
جد افتقدناك وافتقدنا كتير من المبدعين
وماعندي كلام اقولو غير الشوق من هني لاعندك وبراحات الاوف تنور بي طلتك
كن بيننا رجاءاُ

تخريمه
والله لي كم يوم في بالي ارفع البوست دا بس المشغوليات مابتزكروا الا لما اكون بعيده من النت
عموما البركه في الزملاء ماقصروا
وحاتتفاجأ ،،،


مودتي لك والشكر للغالي فداء
وكل سنه وانت كما تشتهي وكل امنياتك حقيقه يارب
فائق احترامي

أبو الحسين
12-02-2008, 02:24 PM
الاخ الغالى ود الحسن

سلامات
شكرآ على الدعوه الجميله

بس انته متأكد ازا جينا الحوش بنلقى نفس الحاجات الزمان

:1; (2):

أكييييييييد يا علي ود سليمان...

بس أكنك خليك قريب مننا وما تلقى إلا اليَسُرَّك!!

مع قواسيب مودتي... وأبقى حضور جميل...


أبو الحُسين...

يسرا مصطفى
12-02-2008, 03:48 PM
منور والله يا ابو الحسن
عليك الله ماتحندكنا
تعال عديييييييل ومابنخليك ...ت تاني

أبو الحسين
17-04-2008, 02:29 PM
الاخ الغالى ود الحسن

سلامات
شكرآ على الدعوه الجميله

بس انته متأكد ازا جينا الحوش بنلقى نفس الحاجات الزمان

:1; (2):

الجميل علي سليمان...

يا هلا بيك وشرفت ونورت الحوش...

أنا أضمن ليك... لو جيت الحوض تلقى كل ما تحب من زمن الزمن الجميل...

وأهديك يا عزيزي...

http://www.biologie.uni-hamburg.de/b-online/afrika/0656/0656_38.jpg

فتحة شهية ليك... وللأحباب الكرام زوار الحوش...

ولك وللجميع قواسيب مودتي...


أبو الحُسين...

عبدالمنعم محمد
17-04-2008, 03:10 PM
أبو الحسن سلامااااااااااااااااااات
وقعت لي في جرح وكايس لي لي درب

البوست دة لو ماجاب يسرا تبقي البنية دي ماطيبة
ونقوم نشوف ليها حل
ولو ماجات
بركب راسي وامشي
ليها أجيبا
بمش براي لأنو راسي مابشيل اتنين

hani mohamed
17-04-2008, 10:24 PM
اذا كنت شايقي فأفتخر
واذا كنت غير ذلك فأنتحر

عبدالمنعم محمد
17-04-2008, 10:51 PM
اذا كنت شايقي فأفتخر
واذا كنت غير ذلك فأنتحر

ودة إقتباس من هاني محمد نقول وقت كتب الكلام الفوق دة كان في راسو ياتو
داهية من الدواهي ديل

غايتو الاندايه والعبار ما حضرنا زمنه
خلونا مع الجون ولكر والرامنوف والسميرنوف والبيره البااااااارده الكنج فيشر
(الا هبي بكأسك فأصبحينا ....ولا تبقي خمور الاندرينا)

أبو الحسين
19-04-2008, 11:59 AM
أبو الحسن سلامااااااااااااااااااات
وقعت لي في جرح وكايس لي لي درب

البوست دة لو ماجاب يسرا تبقي البنية دي ماطيبة
ونقوم نشوف ليها حل
ولو ماجات
بركب راسي وامشي
ليها أجيبا
بمش براي لأنو راسي مابشيل اتنين

الجميل منعم...

سلامات وتحايا نواضر...

بنت العم يُسرا... إنتظر بس... هسسسسسسع دا تكون معاك...

أهديك وأهديها كمية الجمال دا... من كاميرا الأخ ود كروم...

http://www.alnsri.com/upload/uploads/D010017.JPG

مع قواسيب مودتي...


أبو الحُسين...

أبو الحسين
14-02-2009, 02:08 PM
اذا كنت شايقي فأفتخر


تسلم يا الحبيب هاني ويا هلا بي طلتك الجميلة...

لك قواسيب مودتي وابقى حضور جميل...


أبو الحُسين...

يسرا مصطفى
14-02-2009, 03:34 PM
منور ابو الحسين
وين الزمن دا كلوا
عاد جيت في يوم عجييييييييييييييييب
واحلي مافيها الرياضيه 104fm كل خميس بليل ( 10 او 10.30 ) سهره رهيبه خليك متابع

عبد الرحمن المنصوري
14-02-2009, 03:45 PM
الشمـــــــــــــــــــــــال طوّلت منــــــــــــــــو .. قولي كيفـــــــــن حالوا هســــــــّع


يا بويتــــــــــــات في الضهاري .. القرى الــ( الله ) كفيلن

يسرا مصطفى
14-02-2009, 03:48 PM
الشمـــــــــــــــــــــــال طوّلت منــــــــــــــــو .. قولي كيفـــــــــن حالوا هســـــــّع
قولي كيف الحال هناك طمنوني انا لامن ارجع



وحاتم قال
ياحليل ربوعك يالقرير عزرا ترا الايام جنت

nooreldinn
14-02-2009, 09:31 PM
ابوالحسين
السلام ليك ولي المعاك والاوضه قاعدين
والله حوشكم يعجب الزول وكلامك يشهي
دحين بدور اذن شان ارجع .

وهديتي للشمال لامن ارجع ياها دي خصمتكم بالنبي تقبلوها

فسراع يانسايم أشواقـي ودن لـي السـلام مطبـوق
لاهلنا وجميع حبانـا فـي الحلـة التحـت والفـوق
****
هبي علي الشمال تلقيه ده المال فـوق جريـده يتـوق
يتراقص مـع نغمـات قماريـه .. التسـوي القـوق
بي طيبة الحنان يلقـاك يهـش ليـك ويطـول لفـوق
ويكتر في السلام يقلد مثـل عاشقـا لـي المعشـوق
****
هناك ساقةً محاضنة النيل تدفق فـي دمـوع الشـوق
تتبكي وتبكي الـزول وكـت نـص الليالـي تسـوق
باري جديولها اطلعي فوق وشوفي دحين شنو المسيوق
وبعدين بي بشيشـك لفـي قدّامـك شتيـل مكـروق
***
داك حالي الرحل مندلي جايـب للخضـار مـاروق
وداك بدر يحش في قشيشو عجلان باقي لاحق السوق
وداك قراع مقرن مويتو فتـران دار شـوي يـروق
عشان يفتل حبيل يربطبـو قادوسـا نعـس مطلـوق
ديل اهلي الحنان يانسمـة اهديهـم سلامـي وشـوق
طول داير ازورهـم مـرة الا قديمـي ..مامطلـوق
وان سالوكي عن احوالي البـي مايصيـب مخلـوق
تاهـت بـي مراكـب الغربـة لاريـس ولاواسـوق
****
والدرب المسافر بيه فـي طولـه بتهابـه النـوق !!
خمس سنين قعد في ظلامه ما بان لي صباحه شروق
اساهر الليل مـع الباكنـوا يتجـاري الدمـع سبلـوق
وابكي علي الزمان الفات وما اظن البفـوت ملحـوق
***
انسلب اللحم من جسمي واصبح طب عضام وعـروق
واما قليبـي لوشافـوه بـي نـار الغـرام مشقـوق
لا لاقي اليحـن فـي حالـي او زولا علـي شفـوق
وان بقي عاد دي حالتي البي ما اظن للسعادة اضـوق

أبو الحسين
16-09-2009, 03:11 PM
أحبتي الكرام... نهاركم سعيد...

حضور من جديد... مرحب بالجميع هنا وبالذين إنضموا حديثاً لحوش الشايقية...

قواسيب مودتي للجميع...


أبو الحُسين...

ودالشيخ
16-09-2009, 08:11 PM
أحبتي الكرام... نهاركم سعيد...

حضور من جديد... مرحب بالجميع هنا وبالذين إنضموا حديثاً لحوش الشايقية...

قواسيب مودتي للجميع...


أبو الحُسين...

فسراع يانسايم أشواقـي ودن لـي السـلام مطبـوق
لاهلنا وجميع حبانـا فـي الحلـة التحـت والفـوق

mustapantteri
17-09-2009, 01:36 AM
احلي شئ في البوست مافيهو البوم ده كلام تب طييب افتحو كل الحيشان نعرف بعضنا ونحب بعضنا نتقبل الاخر مناقرات جماعة سيدي الرئيس وجماعة الرفيق لبني كرهونا الموقع

mustapantteri
18-09-2009, 01:59 AM
الشوايقة متين كان عندهم ماضي عشان يكون عندهم حاضر؟؟؟
بس لو ما كان علي عثمان و ابو الجاذ الشعب السوداني كان لحكم
امات طة زماااااااااان
ولا كتر خيرك والدليل الصورة الخاديها قولت اسمك منو يشق .......

mustapantteri
18-09-2009, 02:02 AM
الاخ أبو الحسين... تحية طيبة

حاضر الشايقية بدون شك أخضر وأغلب الظن (وأتمنى ذلك) مستقبلهم واعد... أود لو أتحفتنا بقليل من إشراق ماضيهم...
أخاك لا يعرف منكم غير "مهيرة بت عبود" أم انها غير؟
دمت
انت مابتعرف اي شيء اله يكون في عونك

أبو الحسين
27-09-2009, 03:43 PM
فسراع يانسايم أشواقـي ودن لـي السـلام مطبـوق
لاهلنا وجميع حبانـا فـي الحلـة التحـت والفـوق


صاحبي أبو بشرى... أمااااااااني كمان الحلة دي إن كان كسرتها وبِقَت (الحِلِّي) تبقى مُو حلوي وطاعمي...

كل عام وأنت وبشرى وكل الاحباب في الأُوف لاين بألف خير وعافية...

ولك من المودة أحلاها...


أبو الحُسين...

همسه
01-10-2009, 11:31 PM
البوست دا مبالغة ما كنت قايلاهو بالروعة دي

مؤمنة انو الشوايقة ما محتاجين يتكلمو عنهم ... فعذراً العنوان ضللني

ابو الحسن شكراً





واصل متابعنك

أبو الحسين
16-04-2011, 03:07 PM
البوست دا مبالغة ما كنت قايلاهو بالروعة دي

مؤمنة انو الشوايقة ما محتاجين يتكلمو عنهم ... فعذراً العنوان ضللني

ابو الحسن شكراً

واصل متابعنك

يا هلا بيك أُستاذة همسة... وأبقي حضور جميل وفاعل...

ياسر علي نايل
17-04-2011, 08:18 AM
اخي وصديقي ابو الحسين
مع الصباح الجميل دخلت المنتدى الاجمل
وجدت كلمات نافع عن شيخه الترابي
قمت بالتعليق بما يجيش في خاطري
تجولت هنا وهناك وجدت ما سطره
قلمك الرائع عن حوش اهلنا الشايقية
ابت نفسي والا اكتب حروفاً تدعم
ما كتب بالحوش واهل الحوش وزائري الحوش
تقبل تحياتي وسلامي وللشايقية عموم
واكيد سوف نلتقي مرات ومرات في الحوش الكبير
لاهلنا الشايقية
مودتي لك ولجميع الاعضاء

سمل ود الولياب
17-04-2011, 09:50 AM
تسجيل حضور و متابع

أبو الحسين
24-04-2011, 06:09 PM
اخي وصديقي ابو الحسين
مع الصباح الجميل دخلت المنتدى الاجمل
وجدت كلمات نافع عن شيخه الترابي
قمت بالتعليق بما يجيش في خاطري
تجولت هنا وهناك وجدت ما سطره
قلمك الرائع عن حوش اهلنا الشايقية
ابت نفسي والا اكتب حروفاً تدعم
ما كتب بالحوش واهل الحوش وزائري الحوش
تقبل تحياتي وسلامي وللشايقية عموم
واكيد سوف نلتقي مرات ومرات في الحوش الكبير
لاهلنا الشايقية
مودتي لك ولجميع الاعضاء

_______________________

ياسر يا صديقي الجميل تعرف الحوش دا للراحة والترويح من أزمة السياسية وشلاقة بعض الساسة...

زيارتك ليها طعم خاص...

أهديك والمرور الجميل هنا... أُغنية من الزمن الجميل... زيل ألمي أمشي وازور غزال سلمي...

الرائع محمد جبارة:

http://www.youtube.com/watch?v=Acw75SXXutk

وابقى قريب...