مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: علي نمط زهرة الروض الظليل (آخر رد :ودكافوت محمد)       :: ]والله يا الحنينها الما بتجافي (آخر رد :بشير التوم إبراهيم)       :: قليلاً من التعقل (آخر رد :زهرة الروض الظليل)       :: الما بتشوفو في بيت ابوك بخلعك (آخر رد :بشير التوم إبراهيم)       :: (يالله تعرس لينا ) (آخر رد :نجاة النور)       :: أبرز عناوين صحف الخرطوم الصادرة اليوم 26/8/2014 (آخر رد :محسن الفكي)       :: ماذا كتب مزمل ابو القاسم عن افراح المريخ الخريفية (آخر رد :الباحث عن الحقيقة)       :: لحوم حمير في طريقها للاسواق (آخر رد :ابو مؤيد -)       :: د.عمر محمود خالد يتحدث عن فوز المريخ (آخر رد :محسن الفكي)       :: أبرز عناوين صحف الخرطوم الصادرة اليوم الإثنين 25/8/2014 (آخر رد :محسن الفكي)      

إضافة رد
 
أدوات الموضوع انواع عرض الموضوع
قديم 31-07-2006, 12:47 PM   #1
سامية سيف الدين
Guest
 
المشاركات: n/a
افتراضي فتيات إثيوبيات في شوارع الخرطوم

فتيات إثيوبيات في شوارع الخرطوم

المكان : الخرطوم عاصمة السودان الجديد بعد تدفق البترول ، ...اقيات السلام ، هامش حريات معقول ، الأمم المتحدة وسياراتها التي تملأ الشوارع وموقعها العسكري الحصين قبالة حي الطائف الراقي من الجهة الغربية لشارع عبيد ختم ، وحديقتهم أوزون في الخرطوم 2 بالقرب من مقابر فاروق ناحية البوابة الرئيسية من الجهة الشمالية حيث كل شي متاح ومباح ، ووفدت إلى الخرطوم جيوش عديدة ، جيش الحركة ، وجيش مني اركو ميناوي ، وجيش من لا جيش له، وجيش الأمم المتحدة الذي يتجول في الأحياء تحت نظرية ( على عينك يا تاجر ) وأصبح الهامسون يقولون جهرا : ( لم نرى مثل هكذا مشاهد ومناظر حتى في عواصم دول مجاورة عربية وافريقية مصنفة بعلاقتها الوطيدة مع أميركا، حيث لا يشاهد عامة الناس اللباس العسكري والبرانيط على الرؤوس والسيارات المتحركة لغير جيشهم الوطني ولكنهم يسمعون وربما يعرفون أن هناك قاعدة عسكرية أمريكية في المكان الفلاني أو بالقرب من المدينة الفلانية ) هل هذه مؤشرات استقرار ووحدة وسلام ورفاه يعم السودان ، أم إنه الغيظ المكتوم وعدم الاقتناع بالآخر والرقبة في الإقصاء والتمدد ، و ( الكتاحة التي تسبق العاصفة ) .

الزمان : يوليو 2006 ميلادية .

مشهد : أرقو... شابة إثيوبية سمراء جميلة ونشيطة تعمل في منزل احد الأقارب بحي المعمورة بالخرطوم تحدثت معها ظننا مني إنها تتحدث العربية باللهجة السودانية فأومأت لي إيماءة فهمت منها إنها لم تفهم كلامي وسألتها مرة أخرى باللغة الانجليزية فعلمت أن اسمها(مارقو) وان عمرها (22) عاما وإنها مسيحية جاءت للعمل في السودان و تعمل في هذا المنزل منذ شهر ، وان الظروف في إثيوبيا أغرتها بالهجرة للسودان وإنها علمت من صديقاتها أثناء وجودها في أثيوبيا أن السودان أصبح بلدا غنيا ، وقالت إنها الآن تتقاضى راتبا شهريا مقداره مائة دولار وتستطيع ادخاره لمساعدة أسرتها .

بعد حوالي ساعة من وجودنا في المنزل حضرت شابة إثيوبية أخرى تعمل لدى جيران أقاربي وجاءت لزيارة صديقتها ، وعلمت من مارقو إنها لا تعرف العربية ولا الانجليزية ، ولاحظت إنها محتشمة بينما مارقو متبرجة وتلبس بنطلون لاصق وتى شيرت .

مشهد ثاني : في الجمعة التالية قادتني قدماى من أمدرمان إلى مناسبة في حي الرياض بالخرطوم ولفت نظري تواجد مجموعة من الفتيات الأثيوبيات في المنزل تتراوح أعمارهن بين ( 18-25 ) عاما حضرن إلى المناسبة برفقة ربات البيوت اللائي يعملن معهن ، بعضهن يحملن أطفالا وأيضا جزء من الوجاهة والونسة.... سالت صديقاتي عن سر الفتيات الإثيوبيات وكثرة تواجدهن بالخرطوم هذه الأيام ؟ فقالن إن بعض الوكالات تعمل على استقدام الفتيات الإثيوبيات عن طريق القلابات إلى الخرطوم بغرض الزيارة وبصورة رسمية حيث يحمل معظمهن جوازات سفر إثيوبية ممهورة بتأشيرة دخول للسودان عن طريق القلابات ولمدة شهر واحد فقط ، والبعض الآخر يدخل إلى السودان عن طريق التهريب بسبب المجاعة في إقليم الارومو ، حيث تقلهن حافلات مظللة من مناطق حول أم ضوا بان إلى داخل الخرطوم ويتم ذلك في ساعات مبكرة من الصباح في الفترة من ( الخامسة إلى السابعة صباحا ) . هكذا قالت صديقاتي ولا ادري من أين أتين بهذه المعلومات الخطيرة ، وهل هي معلومات أم مجرد ( شمارات ) .

ظاهرة الفتيات الإثيوبيات المراهقات في شوارع الخرطوم ظاهرة تستحق الدراسة والتقنين ، وبالإضافة إلي المسائل الأخلاقية والاجتماعية وزيادة معدلات انتشار مرض الايدز المنتشر أصلا عبر العلاقات غير المشروعة ، فان هذا التواجد الكثيف يشكل خطرا على العمالة السودانية المحتاجة إلى العمل في المنازل وغيرها . قال زميلي في العمل عماد : ليس فقط في المنازل إنهم يعملون في المطاعم ودكاكين الحلاقة وقيادة الشاحنات وحفر المجاري وحتى (العتالة ) ، وقال إن هذه المهن لن يمر عام حتى تحتكرها تماما العمالة القادمة من شرق إفريقيا .



سامية سيف الدين عبد الرحمن
امدرمان
sameaabdrahman@hotmail.com

  رد مع اقتباس
قديم 31-07-2006, 02:13 PM   #2
أبو الحسين
 
الصورة الرمزية أبو الحسين
 
تاريخ التسجيل: Apr 2005
الدولة: المملكة العربية السعودية ـ الخُبر
المشاركات: 1,575
افتراضي

اقتباس:
المشاركة الأصلية كتبت بواسطة سامية سيف الدين
فتيات إثيوبيات في شوارع الخرطوم


ظاهرة الفتيات الإثيوبيات المراهقات في شوارع الخرطوم ظاهرة تستحق الدراسة والتقنين ، وبالإضافة إلي المسائل الأخلاقية والاجتماعية وزيادة معدلات انتشار مرض الايدز المنتشر أصلا عبر العلاقات غير المشروعة ،

سامية سيف الدين عبد الرحمن
امدرمان
sameaabdrahman@hotmail.com
الأخت الكريمة سامية...

بصفتي الناطق الرسمي بإسم البورد دا...

أولاً: أرحب بيك بعد طول غيابك...

ثانياً: إنتشار النوع إياه في شوارع الخرطوم... حقاتنا ذاااااااااااتِن ما منتشرات وماشاء الله فوق حِشْمَتِن... :rolleyes:

أما حكاية الإستقدام من أثيوبيا دي... ضحكتني والله... يعني الواحد بالخِبرة الكسبها من المملكة من هنا يجي يفتح ليهو مكتب بتاع إستقدام... ويجيب العمالة الآسيوية كمان... رايك شنو...

بس أدرسي لي الحكاية دي كوييييييييس وشوفي الرواتب كيف ويا حبذا لو ترسلي لي نسخة من نظام العمل السوداني...

لك مودتي كلها قواسيب قواسيب... وتااااااااني مراحب بيك...

أبو الحســــــــــــين...
__________________
وَتولّني يَا وَليّ يَا عليّ بالولاية وَالرعاية وَالعناية وَالسلامة بمزيد إِيرادِ إِسعادِ إِمدادِ ذلكَ خير ذلكَ من فضل الله.
أبو الحسين غير متواجد حالياً   رد مع اقتباس
قديم 31-07-2006, 02:50 PM   #3
ايمن
Distinguished Member
 
الصورة الرمزية ايمن
 
تاريخ التسجيل: May 2005
الدولة: وطنى حقيبتى (امدرمان)
المشاركات: 17,977
إرسال رسالة عبر Yahoo إلى ايمن إرسال رسالة عبر Skype إلى ايمن
افتراضي

اقتباس:
المشاركة الأصلية كتبت بواسطة أبو الحسين
[font=Simplified Arabic] يعني الواحد بالخِبرة الكسبها من المملكة من هنا يجي يفتح ليهو مكتب بتاع إستقدام... ويجيب العمالة الآسيوية كمان... رايك شنو...

بس أدرسي لي الحكاية دي كوييييييييس وشوفي الرواتب كيف ويا حبذا لو ترسلي لي نسخة من نظام العمل السوداني...
font]
اخوى أبو الحسين
كان ده مشروعك الراجع بيهو السودان ياك المقلبت اتمقلبت
كدى لامن تجى اجازة حاول امشى ليك عرس( كشخه )كده ولا نادى محترم وحتشوف العجب
أسرة مكونه من أب +أم + طفلين +فلبينية
جنبهم كده حتلقى أسرة تانيه : واحده سمييييحه كدة ومعاها طفل سغمبروتى شايلاهو سيريلانكية
بعد داك أمشى الحدايق تلقى كم اسرة بوليتاريا كدة ومعاهم عدد 2حبشيات وكم واحدة كده بوهيات تانية
من هناك امشى شوف كم موقع بتاع انشاءات كده ,سيريلانكيين طن.
خش أى واحد من المراكز الطبية الحديثه تلقى نمور تحرير التاميل بالكوم
شركات التوزيع ,موزعين مصريين أو مصارية على قولكم
حلاقين حبش
اسياد شركات أغاريق

بعد ده كله تعال راجع البورد هنا .....
تلقانى قٌااااااجى الغترة والعقال الما خمج ولابس لى شبشب شرقى واقول: وش فيك متاخر اليوم )
__________________
واجعنى فى البحر... السكات
وسكتنى فى الوجع....البحر

التعديل الأخير تم بواسطة ايمن ; 31-07-2006 الساعة 02:52 PM
ايمن غير متواجد حالياً   رد مع اقتباس
قديم 01-08-2006, 12:14 AM   #4
مٌحمد ود أحمد الشايقي
Guest
 
المشاركات: n/a
افتراضي

اقتباس:
المشاركة الأصلية كتبت بواسطة سامية سيف الدين
ظاهرة الفتيات الإثيوبيات المراهقات في شوارع الخرطوم ظاهرة تستحق الدراسة والتقنين ، وبالإضافة إلي المسائل الأخلاقية والاجتماعية وزيادة معدلات انتشار مرض الايدز المنتشر أصلا عبر العلاقات غير المشروعة ، فان هذا التواجد الكثيف يشكل خطرا على العمالة السودانية المحتاجة إلى العمل في المنازل وغيرها . قال زميلي في العمل عماد : ليس فقط في المنازل إنهم يعملون في المطاعم ودكاكين الحلاقة وقيادة الشاحنات وحفر المجاري وحتى (العتالة ) ، وقال إن هذه المهن لن يمر عام حتى تحتكرها تماما العمالة القادمة من شرق إفريقيا .
الأخت / ساميه
السلام عليكم
قبل شهر كنت في السودان لقضاء اجازتى السنويه وجدت معظم ما ذكرتيه في كلامك ... واقول نفس كلام زميلك ... واجد العزر في ذلك لاننا شعب ( كسول ) وانا بقول كده عن تجربة !!! كان عندى بناء في البيت وتشطيبات ......قت مع مقاول ...والله كل يوم عزر واستأذان ومرات ما بيتصلو عشان يورك هم حا يشتغلو اليوم ولا لا ...وحتى اليوم البيجو يشتغلو فيه يجوك بعد الساعه 10 صباحاً .... واعطيك مثال لاحد اعزارهم ....( جارنا مات وجينا من الدفن بعد صلاة الصبح ) ... معليش يا ود أحمد ( امبارح والله ما قدرنا ننوم اصلو الباعوضه في ....... حمتنا النوم للصباح ) ....و....و.....و.....و
اقول : اذا كان عمالة شرق افريقيا منتجون فألف مرحب بهم ......
  رد مع اقتباس
قديم 01-08-2006, 03:35 PM   #5
سامية سيف الدين
Guest
 
المشاركات: n/a
افتراضي

الأعزاء أبو الحسين ، أيمن احمد إبراهيم ‘محمد ود احمد ، أشكركم على المرور ومناقشة الموضوع ، وأقول للأستاذ أبو الحسين إن العمل في خدمة المنازل أصبح مرتبط بدخل الأسرة وكل جنسية وعندها سعر و عشان خيالك ما يمشي بعيد ( حسب المهارة والنشاط والنظافة ) ، فلأسر الكبيرة والغنية تجتهد أن تكون العاملات أسيويات ( فلبينيات- سيرلانكيات- بنغلاديش ) ، والأسر ذات الدخل المتوسط وفوق المتوسط ( أسيويات + إثيوبيات ) ، واسر ذات دخل متوسط ودون ذلك ( عمالة محلية ) ، والعمل في المنازل لا يقتصر على الفتيات فقط فهناك فتيان من جنسيات مختلفة .

أما عن المرتبات فسأوافيك بأسعار العمالة من احد الوكالات العاملة في هذا المجال ،وحسب ما علمت من خلال اتصالاتي أن هناك أكثر من عشرين وكالة تعمل في مجال استقدام العمالة الأجنبية والمحلية بولاية الخرطوم

التعديل الأخير تم بواسطة سامية سيف الدين ; 01-08-2006 الساعة 03:38 PM
  رد مع اقتباس
قديم 02-08-2006, 04:09 PM   #6
ايمن
Distinguished Member
 
الصورة الرمزية ايمن
 
تاريخ التسجيل: May 2005
الدولة: وطنى حقيبتى (امدرمان)
المشاركات: 17,977
إرسال رسالة عبر Yahoo إلى ايمن إرسال رسالة عبر Skype إلى ايمن
افتراضي

فوووووق لحد ما ود الشيخ يلقى نضارته
__________________
واجعنى فى البحر... السكات
وسكتنى فى الوجع....البحر
ايمن غير متواجد حالياً   رد مع اقتباس
قديم 09-08-2006, 02:43 PM   #7
سامية سيف الدين
Guest
 
المشاركات: n/a
افتراضي

طيب يا ابو الحسين وسؤالك السابق عن اسعار العمالة في السودان :
العمالة الاسيوية : رسوم الوكالة خمسمائة دولار + 150 الف جنيه سوداني رسوم تسجيل . اما الراتب الشهري فهو 120 دولار للرجال او للشباب المستقدمين و200 دولار للنساء او الفتيات المستقدمات من اسيا .
العمالة الاثيوبية : اما العمالة الاثيوبية فرسوم الوكالة 200 دولار + 150 الف جنيه رسوم تسجيل والراتب للفتيات 110 دولار والشباب غير مطلوبين في المنازل
  رد مع اقتباس
قديم 09-08-2006, 02:58 PM   #8
أبو الحسين
 
الصورة الرمزية أبو الحسين
 
تاريخ التسجيل: Apr 2005
الدولة: المملكة العربية السعودية ـ الخُبر
المشاركات: 1,575
افتراضي

اقتباس:
المشاركة الأصلية كتبت بواسطة سامية سيف الدين
طيب يا ابو الحسين وسؤالك السابق عن اسعار العمالة في السودان :
العمالة الاسيوية : رسوم الوكالة خمسمائة دولار + 150 الف جنيه سوداني رسوم تسجيل . اما الراتب الشهري فهو 120 دولار للرجال او للشباب المستقدمين و200 دولار للنساء او الفتيات المستقدمات من اسيا .
العمالة الاثيوبية : اما العمالة الاثيوبية فرسوم الوكالة 200 دولار + 150 الف جنيه رسوم تسجيل والراتب للفتيات 110 دولار والشباب غير مطلوبين في المنازل
الغالية جداً سامية...

كدي الأمشي أضرِّب الحسابات دي وبجيك راجع...

لك مودتي كلها بلا حدود...

أبو الحســـــــــــين...
__________________
وَتولّني يَا وَليّ يَا عليّ بالولاية وَالرعاية وَالعناية وَالسلامة بمزيد إِيرادِ إِسعادِ إِمدادِ ذلكَ خير ذلكَ من فضل الله.
أبو الحسين غير متواجد حالياً   رد مع اقتباس
قديم 15-08-2006, 01:49 AM   #9
الضهبان
Guest
 
المشاركات: n/a
افتراضي

ممكن واحدة تحلب لينا البهايم عشان السرة بت المبارك اليوميين ديل عملالا لخوخة

انشاء الله قدوم خير

اديك العافية علي الطرح

احترامي
  رد مع اقتباس
قديم 15-08-2006, 02:36 AM   #10
عبدالوهاب الشريف
 
تاريخ التسجيل: Jun 2005
الدولة: المملكه العربيه السعوديه
المشاركات: 3,986
افتراضي

وأنا لاحظت ان معظم رفقاء أو ضحايا هؤلاء الفتيات من الأجانب سواء خواجات أو (حلب) ولا انسى تلك الفتاة التي تلبس لبسا ضيقا وكاشفا وهى تتمايع مع شاب عربي داخل مطعم فخم وزاد حنقى عليها لحركاتها التي تتعمد بها لفت انظار الآخرين اليها ولكن حمدت الله عندما قرّبت منى وهى تغادر المكان وفي وجهها صليب صغير مما يعني بأنها (حبشيه).
__________________
كن رجلاً رجله في الثرى وهامة همته في الثريا
عبدالوهاب الشريف غير متواجد حالياً   رد مع اقتباس
قديم 15-08-2006, 08:28 AM   #11
زرياب الفيتورى
Guest
 
المشاركات: n/a
افتراضي

الاخت سامية شكراً لهذا الموضوع الجميل والخطير فى نفس اللحظه وبجيكى راجع
  رد مع اقتباس
قديم 15-08-2006, 08:32 AM   #12
زرياب الفيتورى
Guest
 
المشاركات: n/a
افتراضي

اقتباس:
المشاركة الأصلية كتبت بواسطة الضهبان
ممكن واحدة تحلب لينا البهايم عشان السرة بت المبارك اليوميين ديل عملالا لخوخة

انشاء الله قدوم خير

اديك العافية علي الطرح

احترامي
هههههههههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههه
هههههههههههههههههههههه
ههههههههههههههههه
هههههههههههه
هههههههه
ههههه
هههه
ههه
هه
ه

لكن بالغت عديــــــــــــــــــــــــــــــــــــــل لامن مسكنى وجع ضحك
  رد مع اقتباس
قديم 15-08-2006, 10:25 AM   #13
أبو الحسين
 
الصورة الرمزية أبو الحسين
 
تاريخ التسجيل: Apr 2005
الدولة: المملكة العربية السعودية ـ الخُبر
المشاركات: 1,575
افتراضي

اقتباس:
المشاركة الأصلية كتبت بواسطة عمو قبلايا
وأنا لاحظت ان معظم رفقاء أو ضحايا هؤلاء الفتيات من الأجانب سواء خواجات أو (حلب)
الغالي عمو قبلايا...

صبحك الله بالخير والرضا...

من وين لقيتها كلمة الحلب دي جبتها...

لوووووووووووووووووووول!!! :rolleyes:

والحمد لله الضحاياهم حلب ما ولاد بلد... بالرغم من إني متأكد إنو أَبَّان شعيرات ديلك ومنيطلينات تلقاهُنْ مبارييييييييييييينهِن... الله يكف الشرور من بلدنا الطيب المحافظ ياااااااااارب العالمين...

لكن والله داير تبور مشروعي النازل عليهو... كرهتني في الموضوع دا... لأن عندي صفقة مع الأخت سامية تعمل لي دراسة جدوى لفتح مكتب إستقدام في أُمدرمان ـ أم بدة الجميعاب...

لووووووووووووووووووووووول!!!

لك مودتي كلها قواسيب قواسيب...

أبو الحســـــــــــــين..
__________________
وَتولّني يَا وَليّ يَا عليّ بالولاية وَالرعاية وَالعناية وَالسلامة بمزيد إِيرادِ إِسعادِ إِمدادِ ذلكَ خير ذلكَ من فضل الله.
أبو الحسين غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
نقل مواقف المواصلات بولاية الخرطوم مطلع العام ........... عامر السودانى منبر الأعضاء الـحــــر 20 14-06-2010 02:06 PM
اعضاء المجلس العسكري السوداني الرائد جلال البدوي ابو حراز منبر الأعضاء الـحــــر 34 05-09-2009 06:00 AM
قولوا لا لهذه الحكومة المجنونة يرحمكم الله الصادق محمد منبر الأعضاء الـحــــر 19 23-04-2009 03:22 PM
الخرطوم مدينة العجائب بشارة المــقــالات 1 30-03-2009 02:16 PM
ضيق الهدوم فى شوارع الخرطوم .... كاراكاتير صدقى منبر الأعضاء الـحــــر 16 23-06-2008 01:03 AM


الساعة الآن 08:08 PM


Powered by vBulletin® Version 3.8.7
Copyright ©2000 - 2014, vBulletin Solutions, Inc.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .