إريـــتريا .... جمال الطبيعه والسلام

[محسن الفكي]

احسن حاجة مجاهد ما جا كتب ليك يا "دوك" ..شكلو كده نسى اسمك ذاتو
واحسن شئ يا الدرديري انك زنقت الانصرافيين في اول هاوية
تجي تكتب عن جمال طبيعة والسلام ، وهم مصرين يجرفوك ،وانت سايق بينا في هذا الشريط الملتوي كالثعبان


ليه بيحاولو يشتتو الكورة
ليه الناس دي لا بتحس بالجمال ولا حتي بانو زول يجتهد ويرفع صور ويبذل وقته الغالي لاسعادنا ..؟
المهم انك نجمتهم ولجمتهم .
-
كتب ابراهيم الجريفاوي صاحب الصورة المرفقة في مداخلتي الفائتة والقادمات ما يلي:

في السفر من الخرطوم إلي أسمرا بالطريق البري أكثر من سبعة فوائد ...
علي هذى الفرضية تحركنا أنا وصديقى الراسخ "ماو" نقصد شق الديار الشرقية بسهولها وهضابها ، من كسلا محطة 14 اللفة عبرنا الحدود " الوهمية" ودخلنا -والحمد لله-أرتريا . أقليم "قاش بركه" Gash Barka ، المُسمى علي اسم نهرين يجريان موسمياً في المنطقة، نهر القاش الذي ينبع من الهضبة في المرتفعات الجنوبية وينتهي بمستنقع في السودان بعد مدينة كسلا ، النهر الثاني هو نهر بركه ، ينبع من الجزء الغربي من الهضبة وينتهي في الساحل الشمالي للسودان . وعلي ذكر الأنهار فهناك في ارتريا نهر ثالث هو نهر "عنسبا" ويقال ان أصل تسميته "عين سبأ !"، يصب في نهر بركة ويعتبر رافدا من روافده. اما نهر "ستيت " الذي يشكل جغرافية الحدود بين أثيوبيا وأرتريا فيمضي الي السودان فيتحول أسمه هناك الي نهر عطبرة .
المهم بعد نصف ساعة او يزيد بعد عبورنا الحدود وصلنا الي "تسني" Tesseni وتسني الموازية لكسلا تشبه فيما تشبه المدن الحدودية التجارية "داخل -مارق" وفيها سوق لتحويل العملات من وإلي النقفة الارترية ( ناكفا-اونقفة هي اسم جبل و مدينة كانت مركزاً وبداية لحركة التحرير الارتري سُميت عليها العملة سنة1997م بعد تغيير البر الأثيوبي) وتكثر في تسني الفنادق الصغيرة والبنسيونات والغرف للمسافرين والبارات والمطاعم، قضينا فيها الليل وسافرنا مع شروق الصباح الباكر بعد استخراج أذن السفر للأجانب (أنا وماو) نقصد مدينة كرن Keren . ثلاثة ساعات بالميني بص ، ممرنا عبرها "باقوردات-اكوردات " و هياكوتا" Haykota حيث نصب الشهيد البطل حامد إدريس عواتي الذي بدأ اول عمل عسكري لحركة تحرير ارتريا 1961م ، وقد اقامت له الحكومة الارترية بعد التحرير سنة 1994 هذا التمثال هناك تخليداً لذكرى الثورة . نزلنا في بارينتو Barentouالتي تعتبر العاصمة الإدارية لاقليم قاشا بركه ،كثير من البشر هناك بانتظار استخراج اوراق سفر من والي بارنتو "تصاريح" مصالح حكومية وسوق كبير ، مساجد وكناس وإستراحات ، عرفت هناك ان أقليم قاش بركه يعتبر من أغنى اقاليم ارتريا اثنيا ، فتنوع سكانه الاثني واضح في ازياءهم وجمالياتهم وتفاصيلهم فهناك توجد وتعيش معظم قوميات ارتريا من تقراي ،تقرنجه، وبالين ،ساهو ورشايدة . بعدها بدأت ملامح الأرض والغطاء النباتي في الاختلاف ، نحن نمضي صوب الهضبة أذا ، جبال متصلة ببعضها البعض سلسة طويلة تكسوها خضرة خريفية باهرة . خرجنا من قاش بركه الي أقليم عنسبا .ثم دخلنا كرن...

[محسن الفكي]

مهما حدثك الناس عن كرن ومهما خبرت السفر والبلاد والمدن فانك بمُجرد خروجك من محطة كرن متوجها نحو وسط البلد بالبيرقو سيشلي فإنك لامحالة مسحور ، سيسحرك مالم يكن في بالك ومالم يكن في بيت ابيك والشبه الشديد لبيت ابيك وستشعر بإلفة وهدؤ وطمأنينة غير مسبوقة مع منظر المدينة الهادئ الموزون ، سترى اجمل السقوف واكثر من هذا ستلفك عيون الناس بترحاب والفة وإبتسامات ودودة، سياخذك الانسجام العجيب بين البيوت ذات المباني التقليدية المبنية من الحجر وسيقان الزرى والمبانى الحديثة المبنية من الحجر والأسقف المموجة والالوان ،لدرجة انك تشعر كمن وجد شئ ضاع من طفولته ، كرن تشبه ماضاع من الطفولة .
كرن Keren وهي كلمة معناها الحجر في لغة "البلين " ، فالمدينة كلها محاطة بالجبال والصخور الجبلية ، ولسكانها علاقة روحية قوية بالسودان والسودانيين فهم يعرفون كل صغيرة وكبيرة عن السودان وله مكانه ومعزة خاصة في نفوسهم ، حتي ان هناك حي سكني يُسمى حلة سودان ، يسكن فيه ارتريين من اصول سودانية جاءوا بغرض التجارة وبدأو زراعة المحاصيل واستقروا هناك ربما ماقبل الحرب العالمية وربما ايضاً الذين لم يعودوا من قوة دفاع السودان وطابت لهم كرن . سريعاً ما خلقنا علاقات وصداقات مع بعض سكان كرن ، مجموعة من المثقفين الجادين جداً يلتقون في أول المساء علي واجهة كرن هوتيل يشربون المشروبات الساخنة ويتحدثون عن هموم العالم وعن ارتريا الواعدة والموعودة .
في كرن نشأ اول حزب سياسي ارتري سنة 1940 م بعد ان سيطرت الادارة البريطانية هناك في فترة مابعد الاستعمار الايطالي ، فالاستعمار الايطالي الفاشي العنصري لم يكن يسمح بقيام احزاب اوتجمعات ولم يكن يدعم التعليم بل ان كثير من الشوارع والفنادق والسينمات لم يكن للارترين الحق في دخولها ، سنة 1946 تكون الحزب بمسمى الرابطة الاسلامية وكان رئيسه السيد ابوبكر بن عثمان الميرغني زعيم الطريقة الختمية في كرن . وكان الحزب ينادي بالاستقلال وبوحدة الارتريين .
للمسلمين مسجد كبير يسمى الجامع العتيق بُني في سنة 1893 م بدعم من الايطاليين وهو مبني اثري في غاية الجمال ، تُحفة معمارية اسلامية ، يحكي اهالي كرن انه دائماً يكون مفتوحاً يوم الجمعة لم يغلق الا مرتين فقط ، مرة ايام الحرب الايطالية-البريطانية ومرة ايام تفتيش الاثيوبين عن قادة الجبهة الشعبية للتحرير ، فامرو الناس بالبقاء في منازلهم .
توجد كنيسة ارثوذوكسية ، كنيسة السيدة العذراء ، سانت ماري يقيم فيها المسيحين طقوسهم الدينية ومناسبات تباريك الزواج وطقوس الدفن ،كما توجد كنيسة كاثوليكية سانت انتوني كما هناك وجود كبير للبروتستانتية التي وصلت عن ريق مصر والسودان وقامت ببناء مدرسة وكنيسة ودار للأيتام .

في مدخل كرن يوجد مزار سانت ماري بالقرب من شجرة استوائية ضخمة اسمها البأوباب ، يوجد عليه تمثال برونزي اسود للقديسة مريم
عرفت انه مصنوع في باريس واحضر الي كرن في 1878م . ومن يومها اصبح مزارا محاطاً بالنبابتات والأزهار الملونة يزوره الناس سنويا في مايو 26من كل عام في طقس مثير .
ولأهالي كرن ولع شديد بالقراءة فتوجد مكتبة عامة مأهولة وتلحظ بوضوح ازدحامهم امام اكشاك بيع الصحف والمجلات ( توجد في ارتريا جريدة واحدة اسمها "حداثة ارتريا" اي ارتريا الحديثة تصدر منها بروفايل بالانجليزية ونسخة بالعربية). سباق الدراجات في كرن يعتبر اكثر الرياضات شعبية والجميع يتابع ويهتم بالسباق الاسبوعي صباح كل جمعة .
قضينا هناك ثلاثة أيام من أجمل ثلاثة أيام في حياة البشر وفي يومنا الأخير ذهبنا انا وماو لزيارة مقابر الكومنويلس وقوات دفاع السودان الموجودة هناك في منطقة كرن لعاليا ، لزيارة قبور السودانيين الذين حققوا الاستقلال الفعلي للسودان علي حد قول ماو الموثوق...

اذا لنذهب معا ونزور قبور ابطالنا الاشاوس في الحرب العالمية II
1939-1945

>>>

[العمدة]

الحكاية شنو الناس دى لاعبين حريق؟؟؟؟؟؟؟

[العمدة]

عليك الله يا دكتور الناس دى وكت بلدهم حلوة زى متل دا عاملين لينا زحمة فى الكوشة بتاعتنا دى مالم؟

[الدرديري]

المشاركة الأصلية كتبت بواسطة الدرديري

مسجد كرن العتيق ووراهو طوالي الكنيسه

في تسامح وتعايش

للمسلمين مسجد كبير يسمى الجامع العتيق بُني في سنة 1893 م بدعم من الايطاليين وهو مبني اثري في غاية الجمال ، تُحفة معمارية اسلامية ، يحكي اهالي كرن انه دائماً يكون مفتوحاً يوم الجمعة لم يغلق الا مرتين فقط ، مرة ايام الحرب الايطالية-البريطانية ومرة ايام تفتيش الاثيوبين عن قادة الجبهة الشعبية للتحرير ، فامرو الناس بالبقاء في منازلهم .
توجد كنيسة ارثوذوكسية ، كنيسة السيدة العذراء ، سانت ماري يقيم فيها المسيحين طقوسهم الدينية ومناسبات تباريك الزواج وطقوس الدفن ،كما توجد كنيسة كاثوليكية سانت انتوني كما هناك وجود كبير للبروتستانتية التي وصلت عن ريق مصر والسودان وقامت ببناء مدرسة وكنيسة ودار للأيتام .

[الدرديري]

المشاركة الأصلية كتبت بواسطة العمدة

عليك الله يا دكتور الناس دى وكت بلدهم حلوة زى متل دا عاملين لينا زحمة فى الكوشة بتاعتنا دى مالم؟

والله يا العمده ده السؤال البسأل فيه لغاية ما جيت راجع


سؤال:
إنت لمن تقول الحبش بتتكلم عن الإريتريين ولا الإثيوبيين؟؟
ولا كلو عندك صابون؟؟

[الدرديري]

ومن الأشياء الجميله
صادفنا سباق إريتريا الدولي للدراجات

[الدرديري]

سباق أريتريا الدولى الذى أقيم خلال الفترة من 20 - 26 يوليو
لمسافة تصل إلى 900 كيلو مترمقسمة على خمس مراحل مختلفة.

أقيم أول مره 1946 في زمن الإستعمار الإيطالي Giro de Eritrea
والآن بعد 65 عاماً ورغم قلة الفرق المشاركه
إلا إنه يعتبر من أقسى سباقات الدراجات الهوائيه

وشاركت فيه 3 فرق إريتريه وطنيه
وفريق من السودان, ومصر والجزائر

المرحله التي صادفناها هي المرحله الرابعه صعوداً من مصوع إلى أسمرا مسافة 115 كم لأرتفاع 2400 متر
وتليها المرحله الأخيره وهي 6.2 كم داخل أسمرا

الوجيد الشفناهو منافس للإريتريين كان واحد جزائري
أما ناس الفريق السوداني لغاية ما مشينا مافي واحد ظهر

[الدرديري]

طريق أسمرا - مصوع

والسكه الحديد شغاله ليها أكتر من 60 سنه

[الدرديري]

مشقشقين ليها الجبال



ياربي الخلوها لينا الإنجليز وضعها شنو ألان؟؟
ولا نرجى القرض الصيني لأعادة التأهيل يا همسه

لابديل لسكه حديد إلا السكه حديد

[الدرديري]

مسجد في الخلفاء الراشدين
أكبر مساجد أسمرا - سنة 1900

[الدرديري]

دعاية أبوسلامه ده مقابلانا من ما دخلنا البلد
أنا كمت قايلهم ناس شرطة المرور









طلع ده الواقي الذكري بتاعهم

[الدرديري]

مكتب السيد الرئيس


شكلو رئيسهم زول عادي

[الدرديري]

الكاتدرائيه

[الدرديري]

[الدرديري]

السفاره السودانيه

[الدرديري]

مستشفى سيمبل الخاص



ومستشفى أوروتا الحكومي

[العمدة]

المشاركة الأصلية كتبت بواسطة الدرديري

والله يا العمده ده السؤال البسأل فيه لغاية ما جيت راجع


سؤال:
إنت لمن تقول الحبش بتتكلم عن الإريتريين ولا الإثيوبيين؟؟
ولا كلو عندك صابون؟؟

تعرف يا دكتور عندنا هنا فى الخرطوم كلمة حبش تطلق على الارترين خاصة لان اصلا حبش اثيوبين مافى فى الخرطوم اللهم الا طبعا الارومو وديل معروفين شكلا ومضمونا عاملين كدا زى ناس الضهارى عندنا سحنات لفحاها الشمس بادى التعب والارهاق على وجوههم ظهورهم تئن من هم كبير لاتدرى ما سببه
اما الاثيوبين بالمعنى الصحيح قليلين شديد تكاد ت... بعدمهم كل الكثافة السكانية الموجودة فى الخرطوم تتشكل من 90% من الارتيرين وعشرة فى المئة ارومو والارمو ناس اعمال شاقة ساى اما الارتيرين فهم بتاعين الليل واخره من قهاوى وعمل فى المنظمات والكافتريات وكل ماهو خفى من خدمات اخرى

[ايمن]

أبورغد كان معاكم ؟؟؟؟؟؟

[الدرديري]

المشاركة الأصلية كتبت بواسطة ايمن

أبورغد كان معاكم ؟؟؟؟؟؟

والله على حسب علمي لأ
في واحد في السفاره قرررررررب بشبهو



شايف سيدو ولا طرف إيدو؟؟؟

[الدرديري]

مطارهم زاتو صغييييييير وسمح



بركة الجينا بالبر

[الدرديري]

من أجمل الحاجات في الرحله دي
قابلت واحده دفعتنا إختصاصية أطفال
من 95 ما إتلاقينا

غادرت السودان 1995 مع والدتها الإريتريه -والدها سوداني متوفي منذ مده
بعد إستقرار الأوضاع هناك (في ناس بترجع يا العمده)

وتزوجت دكتور هناك توفي 2009 وخلى ليها ولد عمره الآن 10 سنوات
عرفت - أثناء زيارتي- إنو كان وزير الصحه وبعدها وزير الثروه الحيوانيه والسمكيه
وشكلو كان زول مشكور جداً


الكلام التحت الصوره كاتبو ولدو

وبعد زياره ليهم في البيت بدعوه من زميلتنا دي
زهلنا من شخصية المرحوم ومكتبتو العملاقه


قوقلتو ولقيت الكلام ده من بوست في الحله ديك كاتبو abu rawa

وزير الصحة الارترى اسمه (دكتور صالح مكى)توفى قبل اقل من عام
وهو ليست من اصول سودانية ولكن تقدر تقول سودااااااانى اصيل

ياريت تدي البوست ده نظره يالعمده

[الدرديري]

[ايمن]

شايف سيدو ولا طرف إيدو؟؟؟

شايف العجله ياخ متكوله جنب باب الفندق

[محسن الفكي]

المشاركة الأصلية كتبت بواسطة ايمن

شايف العجله ياخ متكوله جنب باب الفندق

> >