اللمبي السوداني فديو وضحك وحسرااااات !!!

[khatir]

[khatir]

والله الواحد ما عارف يضحك ولا يبكي

ولا يطرش عووووووووووووع

[khatir]

وزير دفاع السودان

لايدري ولا يدري انه لا يدري

انه يراقب الهجوم الاجنبي الجوي بالنظر

اين نحن من العالم

اتمني وارجو من محكمة الجنايات الدوليه صرف النظر عن القاء القبض عليه
واعفائه من كل التهم الوجهه له

لانه بصراحه وببساطه

لا يدري

[khatir]

[khatir]

[احمد حميد حمد]

الاخ خاطر
السلام عليكم لا ادري هذه هي الصدفة التي يقال عنها ولا ماهي ياترى
حقيقة وصولولي اليوم مع دخولك من بعد غياب
شكرا لعجة عبيط الدفاع والانقاذ

[حكيم الرمال]

خاتر .. الخترى
فى بلدنا السودان لمبات كثيرااااااااااااات
رغم أن الفيديو لم يظهر لكن أظنها حاجة مضحكة ,, وشر البلية مايضحك !!!
تحياتى

[khatir]

المشاركة الأصلية كتبت بواسطة احمد حميد حمد

الاخ خاطر
السلام عليكم لا ادري هذه هي الصدفة التي يقال عنها ولا ماهي ياترى
حقيقة وصولولي اليوم مع دخولك من بعد غياب
شكرا لعجة عبيط الدفاع والانقاذ

ياريت كانت بس عباطه دي ايا ابوحمد شطاطه في العباطه
والبلد بقت زي زريبه مكشوفه من كل النواحي ورعيها يرقص بالرحاطه
لا فيها قائد لا فيها ساسه بس راكوبه مربط بي بروش او باقي السباته
وزيرنا قال البلد محروسه بزرقاء اليمامه
وصوارخو محفوظه لي يوم القيامه


مرحب بيك اخونا احمد
وتحياتي للجميع بعد غيبه
ومشتاقين

[khatir]

المشاركة الأصلية كتبت بواسطة حكيم الرمال

خاتر .. الخترى
فى بلدنا السودان لمبات كثيرااااااااااااات
رغم أن الفيديو لم يظهر لكن أظنها حاجة مضحكة ,, وشر البلية مايضحك !!!
تحياتى

حكيم الرمال تحيات الاف
الله يكفينا شر اللمبيات
ويحفظ بلدنا

[احمد حميد حمد]

أخي خاطر
وتير الدفاع من محبي عجة بيض الخراف

[المنصورى]

الأخ خاطر لا ادرى السر من وراء ترك هذا الأهبل فى هذه الوزارة المهمة شنو ؟؟؟؟؟؟؟؟؟؟؟؟؟

[sari_eleil]

الاخ خاطر سلامات..
حسبي الله ونعم الوكيل... حامينا الله.... فوق لما نجي برواقة... ده يا مجنون يا مسطول... لانه شافع في الروضة ما ممكن يقول كلامه ده..

[khatir]

وقال وزير الإعلام والناطق الرسمي باسم الحكومة السودانية أحمد بلال عثمان إن الطائرات الإسرائيلية استعملت تقنية عالية وشوشت على الرادارات السودانية، قبل قصف المصنع الذي "لا يصنع أسلحة محرمة دوليا، وإنما يصنع أسلحة تقليدية".

ووصف الوزير الهجوم الإسرائيلي بأنه قرصنة واختراق للسيادة السودانية ومحاولة لإضعاف معنويات الجيش السوداني، وأكد أن بلاده ستقوم بكافة الإجراءات بما فيها اللجوء إلى مجلس الأمن الدولي، مع الاحتفاظ بحق الرد في الزمان والمكان اللذين تختارهما.

الى متى الى متى !!!!

هل نعتبر كلام السيد الوزير لوم لإسرائل كونها لاتعلم محتويات المصنع?

اين تقنية المراقبة بالنظر ?


الظاهر النظار او المنظرين او المنظراطيه كانو في صف الفته!!!

[khatir]

وقد هون الوزير السوداني من حجم الهجوم، وقال إنه لا يشكل أي خطورة على الأمن القومي السوداني ولن يؤثر على مقدرات الجيش السوداني، مشيرا إلى أن مجمع اليرموك الصناعي التابع للجيش "مصنع تقليدي يصنع بعض الأسلحة والذخائر غير المحظورة دوليا".

[ود الشيخ]

خاطر
بركة الشوفة والولد ازيو الغريبة امس اتذكرتك
عيدك مبارك وينعاد عليم بالبركات

[khatir]

المشاركة الأصلية كتبت بواسطة khatir

وقد هون الوزير السوداني من حجم الهجوم، وقال إنه لا يشكل أي خطورة على الأمن القومي السوداني ولن يؤثر على مقدرات الجيش السوداني، مشيرا إلى أن مجمع اليرموك الصناعي التابع للجيش "مصنع تقليدي يصنع بعض الأسلحة والذخائر غير المحظورة دوليا".

السيد الوزير لا يعرف ايه يعني امن قومي

ولا يعرف يعني ايه سياده

60% من ميزانية السودان من اجل القومي كما ذكرو

الى متى نقبل ان يحكمنا هولاء..........

[khatir]

المشاركة الأصلية كتبت بواسطة ود الشيخ

خاطر
بركة الشوفة والولد ازيو الغريبة امس اتذكرتك
عيدك مبارك وينعاد عليم بالبركات

سلامات ابونا
الحمد لله كلو تمام
وكل عام وانت بالف خير
اتمنى ان يجعل كل ايامك عيد مع دوام الصحه وطول العمر

[ود الشيخ]

والله من امس والواحد ضاربو ارو يعني الانقاذ دي وصلتنا
لمرحلة الواحد يخجل يلف عمة في مراية
يقوم يشوف وشو وما يعرف يواري نفسو من الخجل
والمخجل اكتر انك قاعد تخجل علي ناس ما بعرفوا الخجل
مصيبة ربنا بس يلطف بينا

[khatir]

المشاركة الأصلية كتبت بواسطة ود الشيخ

والله من امس والواحد ضاربو ارو يعني الانقاذ دي وصلتنا
لمرحلة الواحد يخجل يلف عمة في مراية
يقوم يشوف وشو وما يعرف يواري نفسو من الخجل
والمخجل اكتر انك قاعد تخجل علي ناس ما بعرفوا الخجل
مصيبة ربنا بس يلطف بينا

صدقني
انا من امبارح حاسي انو عقلي قررب يقيف
من كثرة التفكير وبسآل نفسي
هل السودان دا دوله بمعنى كلمة دوله?
وهل السودانيين ديل عارفين ان امن بلدهم في السهله
وهل نحن في امان ان يحكمنا ويقرر مصيرنا مثل هولاء
بصراحه حاجه موش تخجل
دي حاجه تخوف