مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: افضل العروض علي اسعار كاميرات المراقبة (آخر رد :مازن محمد خالد)       :: حروف جر + اسم الجلالة (آخر رد :الثلج الساخن)       :: يا وزارة الخارجية - من هو وزير الخارجية الجديد ؟ (آخر رد :الثلج الساخن)       :: وزارة العدل - الإقالة النهائية للمستشارين القانونيين ب تبدا بالنقل للوزارة (آخر رد :الثلج الساخن)       :: ‫(الضريسة) أشواك (مؤذية) وبتكرج السنون لو كتابة (آخر رد :Gamar Alanbia)       :: هل تحقق حلم توقيعي ذات يوم من غير ميعاد (آخر رد :Gamar Alanbia)       :: العمامة تاج العرب والزول ومتى لبسها ميزتموه (آخر رد :ود الشيخ)       :: كلااااام (آخر رد :ود الشيخ)       :: أبشـروا ايها العرب --- بشائر عـزالشموخ من سوق الشيوخ (آخر رد :أقبـــــال)       :: أيهما أفضل صناعة الأدوية أم صناعة الأحذية؟ (آخر رد :الثلج الساخن)      

إضافة رد
 
أدوات الموضوع انواع عرض الموضوع
قديم 18-08-2014, 01:20 PM   #1
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي آه .... آه يُــمه النار وا لـوعــة شقاف الروح المشققة عناء

آه .... آه يُــمه النار وا لـوعــة شقاف الروح المشققة عناء

مين غيرك
من غيري انا .. بســكب عصير الذات ويكتبك غــنوات
يكسر حاجز الصوت ويتوقد فنار وينسى الذات
وآه يا وعد مين من غيرك بيوفي العهد بعــد وقعنا بالقبلات
يوقد شموعك الضاويات ويمسح خدك الكاويهو بالدمعات
من بعدما هرب الأمل وإتحجرت في صحاف النشوة
كل الأمنيات
حبات أملا ما كان مرادك تكون مجرد ثواني عابرات
لمحتك هيجته فيك صهوات وصال قمزاتو متطابقات
وكان الوعد خيول عشقك معاك أنا وإتناسيتي كل الفات
وآه يا وعد مين غيرك بيوف العهد بعد وقعنا بالقبلات
وأحلى كلام وأضوى صلات
أبدا ما نسينا وكم في الخلد غنينا وأتقاسمنا
أنخاب الهوى المترع بسلاف الإلفة والرعشات
ومين غيرنا نحنا .. مين
مين بينسى الذات ويرتق جرحو بالآهة ويقول غنوات
مين غيرك من بنات حوا أمين على الغايب ينزف الدمعات
بحبك يا اللامستي إحساسي ونسيتني كل الفات
خلاص ريدك خالطني في الإحساس
وعذوبة إنسان وديع وناس
صحيح يا دنيا قبل المحبة لابد تكون المحنة أساس
قالت لي حبك لي بحـر زاخر وعمقو ما بنقاس
أعجز المقامر وكضب الغطاس
ومن بعد العزيمة الحقة والإخلاص
تعال بدري مخفور بي ليلة القدري
تعال دغري وبريدك ليا ولي ودخري
قول ليهم بريدها .. من جهلي من زمنا بعيد بدري
سودانية محصونة دون العرض تنضرب رصاص
تعال بي ترف المحنة ولاقيني في الإحساس
بلاقيك بي القبول والإثرة والإعزاز
شان نكون غدوة للشباب شعارنا الهبية والإخلاص
على السنة وكتاب الله ويفرحوا بينا كل الناس
بدورك يا حفي الروح زولا بحق شرع الهوى
نمد تمرة فؤداً ودود وسموح
ترياق شافي يبرد جوفنا البراهو النوح
وجرحا كم لجوج كاواي ياما أدمى فينا ضلوع
وشهقة الزول البراهو الشوق
ولهفة الظامئ الونى أرهفت روحو آهة المعشوق
ما الغرام الحقَّ لا سيئة ولا سلعةً مشرية من السوق
***
آه منك ندية وتريانة يا مخبوزة من بحر العفاف والزوق
وكابيات ظلال وجدك وأنهمار شوقك الممحوق
وآه من رفة الزول الحنين زولا ودود وشفوق
تمس الخد وتطفي الوجد
ومين غيرك بي ضحكة صبوحة
يقدر يجفف دمعة فاصدة الخد
***
آه منك ليه زرعت الشوق ونار الفرقة في دربي
طال هجري يا عميري ما ذنبي ليه بس يا حبيب عني متخبي
انا الحبيتك من جوة من صميم قلبي أرجوك قول ليا إيه ذنبي
ليه تبكيني بي الدمعات والبيناتنا ختمنا عليهو بالآهات
****
حبيبي وحات البينا وموثق العاشقين
نصير أيامنا ما ضـاعوا
وأمل بسام في أعماقنا شلناهو .. داريناهو
وعشمنا نطول ظلام الهم ونبعثر أسقامو واتراحوا
ونضم العش بحنية وهنانا بين الحِبان تتناسل حناياهو
الخفقة الشهقة الواحدة في جســدين
كتبناهو غرام قلبين وداريناهو الإعماق
وشلناهو في حباب العين
عليك حُبنا .. وأحلى لحظة حب ضمتنا ويشهد ربنا
قول ليا الفراق والشوق دا حدو متين
عليكا الريدها والحب الأمناهو عمق الخاطر
وخوابي البال وحلفنا يكون غدوة للأجيال
إنو الوعد وأنو الشهد وإنو أعماقو ما بتنطال
لمتين بنظل على صابرين على هذا الحال
والبينا مسطر جوه في الإحساس
وإنو حدود لا بتنطال ولا بتنقاس
دا شيتا في خبايا الروح اضوى من الماس
وما بحوشها أمنع سد
دي ريده عميقة عميقة لا بتنهار ولا بتنهد
الوفاق والهيبة ليها أساس
عزفناها موسيقى حبيبة ليها أجراس
عمــيقة فايته الحــد وجد الجد ..
زمان الفُرقة مهما يطول ما بتفارق روحنا
الآماني والأحلام
لا بد في يوم بنتلاقى ونتوحد ونكتب في قفا الأيام
فرحنا الليلة السعد زانو حبيبي البان وميسانو
عظم يا الكريم ليا من شانو
وإنو شموخ العزة أبـدا قصار القامة ما بطولو لمسانو
وآه يا إنسان رفيف النسمة لما يناغم الزهرة
من رقراق الروح تنداح أشجان
البوح المعطن بطيب الطيب
العشق النبضو رفيف إنسان
وسماح إنسان موسم بي ريدةَ
ما بتعرف غير سموها مكان
طوينا البون بي ريح سليمان
الريدها البدار مـدارك
حلاتا القسمة لما تبادر وتبارك
الإنكتب وإترسم تنور وجاء
وإهزوجة وفاق ورجاء
يا حلات شمس القبول الما بتغيب
يا مجدولة بين ضفايرالغيب عناء
وحيرتك إنكسار عوالم تخاصر مهجتك
أعاصير المنى الأول وداع .. وداع
الروح المشاقة وليالي الدموع
الوداع الوداع
الأمل البخت الشوشو روحنا هم وألتياع
طال جمرة هوانا ودار
أثخـن جراحك .. نزفك لوعة وودار
هد مفاصل الروعة أشعل فيها النار
الليلة في حضرتك هل وهد الجدار ..
لملم وجيعاتك المحقونه أنكسار
يا حنان الدنيا وبهجتا
واله الزيك ما بستاهل طعنة غادرة ولئيمة في القفاء
إلا القسمة وقت تتطاول
والعِـرفة تفقـد عفتها
ونشوق روحها وإلفته
في لحظة حزينـها ومحبطة
كل سواد الدنيا في عينيك إتجسم
وتصبح زي رُفات أمل مسجور ميتم
عمق إحساسك بارود الجوف المكتم
في جوف تنور حلم الصبا النوخ حصادو
دمعة دم
وا حسـرتك يا إنسان سمح صورة وبين نارين مقســم
يا مشــنوقة بين موات وحيا ما بين آه وأه
ويُــمه النار شقاف الروح المشققة عناء
وصورة المرسوم في الفكر وشاغل البال
يا مجنــون بحبك
مهما أتناسلت حمى الأشــواق حمم من نار
وبطء الثواني وخطوة الترحال زلزال
ومحرقة الإنتظار واللجلجها
بين طاحونة الرجاء وتنور الأسى
مرافي الصمود والوصال
وما بين لهبات سجال وسجال
بحبك يا رقيق الحال
آه منك أرقتة الحصون وسالت مهاجر الآغبية
براحات أدمت مآقي العيـون
وسالت بي حرارة كل الشجون
قلبي غناك نداء وصفق وأتشهق وأدفق
ألاقي الفكر أتمحق
بين الماضي والحاضرتقابة الوجع
بين المطرقة والســندان
أهازيج الفرح
يا طارق إبن زياد أبحر فانا البحر والبركان
أعبر المضين فأنا السفين والربان
أفارق وأجيك .. وكل الدنيا تصبح حريق
وأضمك بين صلوعي وأرويك حنان
وألآزمك في الخفقة والميسـان
وننسى الماضي والأحــزان
يا شايلني في الآحضان
سماي روحك .. غطاي بوحك
حبيب ما أروعك ..
دوزن صهيل خيلها
و أشعل بإحترافية العشاق الولها
سعيرها
أرويها وأسقيها من دنك حنان
برد مكامن الوجاء الناغاي
وأفرد جناح اللهفة وأحضن حبيبا ليكا منو زمان
كان طبيبا بشفي لي جروحك ويبكيك بي دمع سيال
وكون رفة الزول الفرد جنحاتو راجي الزفة تعود
صهيل فارس الرجاء وزفة بي طبال
وجال في مدارك ثقب روحك
وإمتده في وردانك بقت فال
لظف أعماقك ونزفا يفضح ربيع الحال
ريك زلال وحضنك دافي ومالو مثال
وفيض هواك هدم القلاع وكسح جلاميد المحال
آه منك ما أروعك .. كرمة وفاء
قسامة ووسامة ويتنزف سماك غيمات رضاء
هيبة الروح البتتوسد عروق الزول وتهدهدا
هيلك أنا وقيثارة شجونك وداير اكـونك الصوت والصدى
وصـداقك راسمالي أنساني
الموسم بي سماحك رجاء
أحاسيسي البي شذاكي مضرجة
والبسمة من فاهك شفاء
واللحظة في حضنك فرحة ضنى
يا تمام روحي ورؤاها ومسكنها
تمامك أنا
ياكي فاطنة السمحة الفي حنايا الجوف متوطنها
وأنا الروح المشاقة وما بتعرف سكة غيرك سكتك تطرقا
وطارقك أنا حرق كل السفائن عبرالمضيق
ودوزن مشاعرك وزلزلا
وقال إنتي قيثارة زمانو وعزفك موسيقى ودندنة
وآه يا السمحة الغَلبْ وصفها المثال
سماح الزول البدارُ وصال
نول ونوال .. تبذر بذور الإلفة سماحك طال حنكة التربال
بحبك يا غيمات المنى السيال
يا سوسنة ..
الحـــبوب

بشير التوم إبراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:33 AM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .