مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: افضل العروض علي اسعار كاميرات المراقبة (آخر رد :مازن محمد خالد)       :: حروف جر + اسم الجلالة (آخر رد :الثلج الساخن)       :: يا وزارة الخارجية - من هو وزير الخارجية الجديد ؟ (آخر رد :الثلج الساخن)       :: وزارة العدل - الإقالة النهائية للمستشارين القانونيين ب تبدا بالنقل للوزارة (آخر رد :الثلج الساخن)       :: ‫(الضريسة) أشواك (مؤذية) وبتكرج السنون لو كتابة (آخر رد :Gamar Alanbia)       :: هل تحقق حلم توقيعي ذات يوم من غير ميعاد (آخر رد :Gamar Alanbia)       :: العمامة تاج العرب والزول ومتى لبسها ميزتموه (آخر رد :ود الشيخ)       :: كلااااام (آخر رد :ود الشيخ)       :: أبشـروا ايها العرب --- بشائر عـزالشموخ من سوق الشيوخ (آخر رد :أقبـــــال)       :: أيهما أفضل صناعة الأدوية أم صناعة الأحذية؟ (آخر رد :الثلج الساخن)      

إضافة رد
 
أدوات الموضوع انواع عرض الموضوع
قديم 09-08-2014, 12:40 PM   #1
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي خفقات إنسان .. الجوه القلب شايلاني وفا وإخلاص وحنية سودانية ميه المية

خفقات إنسان .. الجوه القلب شايلاني وفا وإخلاص وحنية سودانية ميه المية


خفقة أولي
أيه اقول غير يا حلات الدنيا بيكا يا إنسان
جملته حياتي بالوصل الزائد والحنية
ولإكتست أيامي معاك ورود وزهور
وكبرت أحلامي الوردية
وأتبدلت أيامي أفراح وأعياد فرايحية
مابين همسة شوق وبسيمة نورية
وأناديك يا أروع ريد من الله هدية
وأتوه معاك في رحلة أنسية
وأقول سمحة وخلاصية
وأناغم طرفها الوسنان
وأقول مياسة فاقت فريع البان
أخو زينة السمحات أنا
وبشوفِن في خاطري عيان وبيان
وتسلم الغندورة كرمة الحبان
اللي اللروح ملاز وأمان
وأمجد صنعة الرحمان
وأقول ضواية أضوى من قمحة
وأقول بحرا بالعفاف مغمور
مابين زهور وزهور بيتوقد شعاع النور
هيبة وصدق نية
وخفرا بي الحيا والطهر مخفور
وما بطولوا المراكبية
يا وداعة وإلفة وفي الجمال آية
وفي الحسن روعة
هتف خاطري ناجاك لهفةعيونك يا مها
جمالك فاطنة السمحة حكاوي حبوبة في الحجى
وهتف جواي دخيلك ياقمرة جواي فنارك إحتفى
إنتي الوفاء وإنتي المحال المشتهى
كل البعاين في مداك .. أبداً ولا قط ما رآك
أتعبت عيني القسامة ومُرالسجال بين عين وعين
غض طرفو إستسمحك
كتبك سماح في الخافقين
ولازم رؤاك في كل حين
ولقاك ملاك مكتوب على خدُ الأسيل
المنعة والطبع الرزين، وجمال ورقة المرهفين
خلاصة سماح أنوارُ أصفى من اللجين
وأرتسمتك في الخيال مخبوزة من انوار ودين
محفل رزانة وكون من حلاة
وجبينك الضواي براري
شوف عينىّ أمامو الشمس ذواية منسدلة
وجاثية مبهورة تحت رجلينك القمرة
وأشتعل جواي بضي شمعة
يا سلاف فراديس الجمال والهيبة والروعة
وناجيتك بطيب خاطر وحنية
يا حبيبة قلبي يا أشجى من غنوات فرايحية
وافجعة الوله الشفيف لما تتفجر عواطف
ويبقى بحـرا ما لو قيف
قالت وين؟ وين وكيف
يا خفقة الزول الرهيف
لما يرحل وخفقو خطو
ملازمو خيالك ويعصى قطفو
ويتفصد النزق اللهيف
ويتفتق القلب الرهيف
حفقة ثانية :-
بريدك .. ويتمحق حرف الكلام
بين رجع الصدى والصدود
لا أستاذي يا غالي.. من جواي همت دمعة
وأتفصدت تاني مجامع الشجون لوعة
يا راح الروح والروح عليك في نزوح
وإدفقت غناوي البوح
وأستسلم الصادي العنيد وجموح
امام الرقة والروعة .. شقاف القلب إتقّصَف
وسال سواد العيون دمعة
جفف دميعاتك الحزاينية
وتوب وأرجع واخلص النية
يا منحور على وضم جريرة الريد الصرايحية
ما إنته بقيت بي الصد والحرمان موعود
فاض بيكا الشوق وللصبر معاكا حدود
قلت ليها الفيك دليك معدن وسامتك يا أم خدود
شوق الشوق العانق بعضو
وإتجذر في قفا الخاطر زهور وورود
إنداحت غيمة الوجا الحراق
وصبح في لجج الأسى موؤد
وكيف يا سمحة نطفى شروق قمر العشاء الداداي
ويتسهد وليد العين وتتمحق بحار الشوق
وفي مسامك بترمح رفة الزول الحنون وودود
ديمة راحل في خوابيكي وخيالك
رسم منقوش في عمق الخاطر
وين وكيف؟ الرهيف الغائب عن عيونا
ومتين يعود
قلت ليها يا الرضية
تسلم القمرة الحفية
القليب عندك هدية
ولسه فاكرك، كون من رحابة وطلة أسرانا وسخية وأنا آهة حراقة منسية
وأنا رفة حِـن شاشاي سرمدية
وشجون بي الحسرة والأشواق جنية
وشتلة ريدة عطشانة
عند القيف أسيانة متكيه
وا غربة القلب النزق اللهيف
لما يرمح بحراً بشيل عوامو عندالقيف
وين وكيف؟ يا حورية
يا رقيقة مسالمة ومهولة رضية
وين وكيف؟ جوة في الأعماق مصفد
والقليب مكسور جريح
يا أهة مسقية بي رهق التباريح
ومشنقوة بين رفة القلب الحنون
ورقة الريد الصريح
وين وكيف بتهاتي بيا؟
ولا إية حاصل عليا
آه لو تمور وتدفق الدمعة العصية
عارفو قلبك حاسي بيا وحتى لو كان في الثريا
ياكي القليب الرؤوم وبيدفق إنسانية
ولو بي مرادي قلبي الرهيف أتكيوه وأنحروا
وما بهم إيه يحصل عليا
وكيف أنحروا وأنتي فيهو
وأعيش عمري اللي باقي في حزن وأسية
وإنتي ناري وإنتي نوري وأنتي عمري الباقي ليا
راقية وسمحة خفورة ونِقية
أقابلك كيف وأسالمك كيف
وين وكيف عيان وبيان ولا خفقة وطيف
وأمتع عواطفي بي الدهشة
وأبوس أيديكي يا الملكة
وأخفض طرفي في لمحة
وفي جواي اهتف وأقول سمحة
رهيبه ومهابة
حنينة هيابة ووقوره جذابه
وفي جوايا شاغلة كل مرفى
ولما تناغم وين وكيف
أهيم وأتلقاها بي لهفة
وأقول .. وين وكيف؟ شيشك قليبي رهيف
حنون وعفيف

خفقة ثالثة:-
وين وكيف؟ وا لهفتي وا لهفتك
والجرح العميق لابيندمل ولا بيترتق
القك حياك توبك عفافك وروضتك
وين وكيف؟ في مرافي الأسى
مستني الحظ يحالف لحظة رضاكي وأوبتك
رائعة وحفية ما أعذبك ما أروعك
خفقة ثالية:
خفيفة روح ومتل البانة منقمسة
تمس الروح تدوب فيها
تطول الآهة تشفيها
عقلك غلاك وميزانك
العفاف والرقة عنوانك
وعذرا يا ملاذ الروح غلبني أدوزن ألحانك
وأنا إنسانك ووهج أشجانك وأنا عنوانك
يا أحلى وأندى حروف في جوايا مخفية
وإنسانيتك والحنية
الجوه القلب شايلاني وفا وإخلاص وحنية
سودانية ميه المية
خفقة ليست بالأخيرة:
يا زينة بنات حواء ويا فخر للأوطان
أول مرة في التاريخ ألآقي ملاك ف شكل أنسان
وأتوه أتوه وأرجع أمجد الرحمان
كار أجدادنا ما مشريه من دكان
أشد أوتاري وأغنيلك
واقول مياسة فاقت البان
وأتدفق وأتدفق أحاكي بلابل الأغصان
يدُقّ قلبي ويفيض حني
وألاقيك في أحساسي نخلة باسقة الأغصان
ويزيد الحرف في الخفقان
وإلازمك في الخطي وأشيلك في الجبين عنوان
وأمجد فيك صدي الأوطان
وأقول سمحة وأناغم طرفك الوسنان
وأدق سدري وأقول للدنيا كل الدنيا
بحبك إنتي يا عظيمة الشان
حبيبت قلبي يا سودانية
ياعقل متفتح وقلب يفيض تحنان وإنساينة


الحبوب

بشير التوم إبراهيم غير متواجد حالياً   رد مع اقتباس
قديم 11-08-2014, 09:32 AM   #2
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي رد: خفقات إنسان .. الجوه القلب شايلاني وفا وإخلاص وحنية سودانية ميه المية

صــباح الخـــــــير ... هـــدية لكم والهـــدية من الله .. يا قناديل .. وروانق منــــــتدانا العــامر بكلم ولكن للكلمات منكم طـُــولة .. فهــلا أمتطيتم صــهوات خــيولكم ألـىٍَّ لنتجــأذب حـــديث الروح للروح .. كــرما لا أمــرا هــيا


هتف خاطري ناجاك لهفةعيونك يا مها
جمالك فاطنة السمحة حكاوي حبوبة في الحجى
وهتف جواي دخيلك ياقمرة جواي فنارك إحتفى
إنتي الوفاء وإنتي المحال المشتهى
كل البعاين في مداك .. أبداً ولا قط ما رآك
أتعبت عيني القسامة ومُرالسجال بين عين وعين
غض طرفو إستسمحك
كتبك سماح في الخافقين
ولازم رؤاك في كل حين
ولقاك ملاك مكتوب على خدُ الأسيل
المنعة والطبع الرزين، وجمال ورقة المرهفين
خلاصة سماح أنوارُ أصفى من اللجين
وأرتسمتك في الخيال مخبوزة من انوار ودين
محفل رزانة وكون من حلاة
وجبينك الضواي براري
شوف عينىّ أمامو الشمس ذواية منسدلة
وجاثية مبهورة تحت رجلينك القمرة
وأشتعل جواي بضي شمعة
يا سلاف فراديس الجمال والهيبة والروعة
وناجيتك بطيب خاطر وحنية
يا حبيبة قلبي يا أشجى من غنوات فرايحية
وافجعة الوله الشفيف لما تتفجر عواطف
ويبقى بحـرا ما لو قيف


عــذرا إنها .. رعشــة الروح المشــاقة .. لكل الجميلين

الحبوب
بشير التوم إبراهيم غير متواجد حالياً   رد مع اقتباس
قديم 11-08-2014, 04:55 PM   #3
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,919
افتراضي رد: خفقات إنسان .. الجوه القلب شايلاني وفا وإخلاص وحنية سودانية ميه المية

لك يا بشير كل نبضات المعزة
القك لا يجارى وشكرا لا تكفي وزيدنا من ندى قلمك
الموشح
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 12-08-2014, 12:12 PM   #4
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي رد: خفقات إنسان .. الجوه القلب شايلاني وفا وإخلاص وحنية سودانية ميه المية

هاك الرجفي يا ود الشــيخ .. بس أوعا تقفشك الحاكـومة ترى أنا برة وليمــونة جـــوه .. كان يقــدر يجيب ليك محامي شــاطر يخارجك ....



سودانية والسمحة نهلنا

لو تعرف يا إنتة من غير مرادي بيك أُفتُتنه
لحظة شفتك غنيتك بجوه خاطري ورجفته
صهيل أشجاني ضَجه صَلِيلو وزحم الحتة
سودانية والسمحة نهلنا
في عينيك سافرته رحلته
رفيف رحماني ما أتمالكته
هتف جواي حسنك بديع يا الملكة
رحل فؤادي عليكي يَغني من حنان الدنيا عُجنتي
ومن نسيج الإلفة للسِكُون إنسان فُصلتي
سودانية صِرف يا إنتي والحب الصراح أسرني
ود الخلاني أنظم فيكي شعري وعليكي أغني
أنا كم بهواكي وفي بحر الريدة أبحرته غرقته
لكن يا حنونة بكل صراحة أنا كم من قبلك
حبيت وجُرحته وكتمته السر أبدا ما بحته
وأكيد حنيتي لحالي أصلو الحب جميل يا إنتي
قالت ليا صاح يا إنته إلا البحر بشيل عوامو
وأنا من دُون الناس (يا إبراهيم) بشيلك إنته
لأنك شلته كِتيف الغُنــية معايا رفة وخفقة
ومشيتا معايا بي لطافة ورقة
آه منك يا حنونة من أول لمحة أدركتي عرفتي
وإنجنينا .. وكم تاتينا عزفنا الخطوة
بكل إخلاص عَبَّدنا السكة
بتغريد حِنْ قيثارة ريدة معاها رفيف القلب يرن
العشق للذات .. العشق للذات ولا للنزهة
كاسة ريدها من كل لذائذ الدنيا أصفى وأشهى
سرحنا بعيد مزجنا الروح في الروح
ولفظنا الجته
وأبحرنا عبرنا الأُنس من ضَفة لِضَفة
وبين أزهار الروض فجأة جلسنا
شبوب القلب إتوقد
لما لمحتُو رشقني سفيرك خلسة
ومن مزن عينيك إرتشفته الحِن وسكرته خِـدرته
في أحضانك إفترشنا شقاف القلب زفاف
وإتغطينا بنثيث الروح وإتنفسنا سلاف العفة
سودانية بتقري الضيف ونهجك إلفة
وسودانية والعفة مددنا
عليها عقدنا العزم ما ترددنا
بالسمحة رفدنا سبيل حارتنا
شربوا الناس ونحنا روينا أذهبنا عطشنا

الحبــــــــوب
بشير التوم إبراهيم غير متواجد حالياً   رد مع اقتباس
قديم 20-09-2014, 10:42 AM   #5
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي رد: خفقات إنسان .. الجوه القلب شايلاني وفا وإخلاص وحنية سودانية ميه المية

اقتباس:
المشاركة الأصلية كتبت بواسطة بشير التوم إبراهيم مشاهدة المشاركة
هاك الرجفي يا ود الشــيخ .. بس أوعا تقفشك الحاكـومة ترى أنا برة وليمــونة جـــوه .. كان يقــدر يجيب ليك محامي شــاطر يخارجك ....



سودانية والسمحة نهلنا

لو تعرف يا إنتة من غير مرادي بيك أُفتُتنه
لحظة شفتك غنيتك بجوه خاطري ورجفته
صهيل أشجاني ضَجه صَلِيلو وزحم الحتة
سودانية والسمحة نهلنا
في عينيك سافرته رحلته
رفيف رحماني ما أتمالكته
هتف جواي حسنك بديع يا الملكة
رحل فؤادي عليكي يَغني من حنان الدنيا عُجنتي
ومن نسيج الإلفة للسِكُون إنسان فُصلتي
سودانية صِرف يا إنتي والحب الصراح أسرني
ود الخلاني أنظم فيكي شعري وعليكي أغني
أنا كم بهواكي وفي بحر الريدة أبحرته غرقته
لكن يا حنونة بكل صراحة أنا كم من قبلك
حبيت وجُرحته وكتمته السر أبدا ما بحته
وأكيد حنيتي لحالي أصلو الحب جميل يا إنتي
قالت ليا صاح يا إنته إلا البحر بشيل عوامو
وأنا من دُون الناس (يا إبراهيم) بشيلك إنته
لأنك شلته كِتيف الغُنــية معايا رفة وخفقة
ومشيتا معايا بي لطافة ورقة
آه منك يا حنونة من أول لمحة أدركتي عرفتي
وإنجنينا .. وكم تاتينا عزفنا الخطوة
بكل إخلاص عَبَّدنا السكة
بتغريد حِنْ قيثارة ريدة معاها رفيف القلب يرن
العشق للذات .. العشق للذات ولا للنزهة
كاسة ريدها من كل لذائذ الدنيا أصفى وأشهى
سرحنا بعيد مزجنا الروح في الروح
ولفظنا الجته
وأبحرنا عبرنا الأُنس من ضَفة لِضَفة
وبين أزهار الروض فجأة جلسنا
شبوب القلب إتوقد
لما لمحتُو رشقني سفيرك خلسة
ومن مزن عينيك إرتشفته الحِن وسكرته خِـدرته
في أحضانك إفترشنا شقاف القلب زفاف
وإتغطينا بنثيث الروح وإتنفسنا سلاف العفة
سودانية بتقري الضيف ونهجك إلفة
وسودانية والعفة مددنا
عليها عقدنا العزم ما ترددنا
بالسمحة رفدنا سبيل حارتنا
شربوا الناس ونحنا روينا أذهبنا عطشنا

الحبــــــــوب

صــباح الخــــــير يا ود الشــــــــــــــــــيخ

يا خـــوي إنت خــفــته بي الجــــــــــــــــــــد

الحــاكومة بتقــول ليــك في زمن نـدر الــزيت والبصل .. .. وبــذور الباســطة
كــان بتــقـــــــــــــــــدر ســـــــــــــوي مـمثنى .. بس شــيل الشــيلة بـراكـــــــــا
يا ودمــــــــــي .. .. ونــادوا ليا حــنوني .. ونادوا ليا حــــــــــنوني ..
وناس تلب ظلمــوكا .. وظــلموني ..

الحبوب
بشير التوم إبراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:35 AM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .