مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: ويأبى الله إلا أن يظهر الحق (آخر رد :ود الشيخ)       :: شركة تشطيبات فى القاهرة باقل الاسعار (آخر رد :مازن محمد خالد)       :: دورة تأمين محطات تموين السيارات من أخطار الحريق 2019 (آخر رد :سمر السعيد)       :: ترمب: إحتلال العراق أسوأ قرار في التاريخ الأمريكي (آخر رد :أقبـــــال)       :: دورة استخدام معلومات الجغرافيا المكانية في التدقيق على الاستجابة والتعافي من الكوارث (آخر رد :سمر السعيد)       :: ظ…ط§ ط¨ظٹظ† طھط¬ظ…ط¹ ط§ظ„ظ…ظ‡ظ†ظٹظٹظ† ظˆط.ط±ظƒط© ط§ظ„ط·ظ„ط§ط¨ ط§ظ„ظ…ط.ط§ظٹط¯ظٹظٹظ† (آخر رد :ابو مؤيد -)       :: يا الكباشي (بوست برعاية السيدة منى) (آخر رد :محسن الفكي)       :: دورة برنامج خاص لـلرؤساء التنفيذيين للطيران المدني/2019 (آخر رد :سمر السعيد)       :: جيل الشمس (آخر رد :عبدالماجد موسى)       :: بعد الغياب (آخر رد :عبدالماجد موسى)      

إضافة رد
 
أدوات الموضوع انواع عرض الموضوع
قديم 05-05-2019, 10:29 PM   #26
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,412
افتراضي رد: يرجع مشروع الجزيرة ويرجع ميتينو ذاتو

سنوات،الدراسة في السودان لحدي اولى جامعة، 12 سنة، أو حداشر قبل الجامعة، شافعتك دي لو خشت 7 سنوات المدرسة، يعني بكون عمرها بنهاية تالتة ثانوي ، مادون ال 18 ولو بي إسبوع
أها أي شافع دون طمنطاشر ، ولو بي يوم ، القانون بيتعامل معاه كطفل، حتى إنتخابات ما عنده حق الاقتراع .عشان كده قلت ليك ممكن تكون طفلة في أولى جامعة، أو معهد،بإعتبار خشت المدرسة تحت سن سبعةاو ستة سنة .
البيدوفيليا دي ما الا، ملامسة انت براك قلت شهوة، وقلت منبرشات، وقلت الناس ح تزرع، وقربت تقول في ناس ح يزرعو في القمر، ده كلو بسبب اشتهاء (تقرأ إنبراش) صورة طفلة!

اقتباس:
المشاركة الأصلية كتبت بواسطة عبد السلام مشاهدة المشاركة
انت البيدوفيليا دي جبتها من وين!
ديك بتكون شهوة ومشاهدة صور عريانة وملامسة وكدة
محسن الفكي غير متواجد حالياً   رد مع اقتباس
قديم 06-05-2019, 12:30 AM   #27
عبد السلام
 
تاريخ التسجيل: Jan 2010
المشاركات: 2,881
افتراضي رد: يرجع مشروع الجزيرة ويرجع ميتينو ذاتو

هسة الدخل الإعجاب بالجمال مع الانتخابات شنو؟
وقبيل برضو ربطتها مع الزواج
يعني كوني معجب بجمال ميج رايان مثلاً معناها لازم أكون مفكر في زواجها
الإعجاب دة مسألة بريئة وتقديس للجمال يعني لما تعاين في وش واحدة حلوة ما بالضروري يحصل ليك انتصاب بل في الغالب بتكون مستقر ومنبرش نفسياً ساي لكن ما مشتهيها في سرير
الانبراش دة اعجاب سااااااي كدة ما بتفكر بعدو في خطوة عملية يعني تعجبك البت وتتغزل في جمالها وينتهي الموضوع

نحن هنا ما بنتعامل بالقانون وحتى قانون السودان ما محدد سن للزواج عشان تصنف البنت على أساسه كطفلة .. ربط الانتخابات بتاعك دة غريب خلاص يعني لاقتني بت ثانوي عجبتني أقول ليها وريني اصبعك فيه حبر انتخابات ولا لأ!

البيدوفيليا دي شهوة منحرفة لطفلة ما فيها علامات أنوثة عشان كدة قلنا ليك أقل من 10 سنوات والأطباء بفرقوا تفريق واضح بين اشتهاء الطفلة واشتهاء المراهقة اللي فيها علامات أنوثة ممكن تثير الغريزة وما بتعتبرها انحراف طبي
نحن في مجتمعنا البنات عاااادي بتزوجن في الثانوي وقبل الثانوي ذاتو يعني المجتمع السوداني أو مجتمعنا بتاع الجزيرة على وجه التدقيق ما بتعامل بالحساسية بتاعتك دي ولا بفترض سن 18 للأنوثة

وعشان ما تجي تلف حول نفس النقطة تاني جيب لي مرجعية طبية بتصنف حب فتاة في الـ 17 من عمرها على إنه بيدوفيليا
عبد السلام غير متواجد حالياً   رد مع اقتباس
قديم 06-05-2019, 08:41 AM   #28
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,412
افتراضي رد: يرجع مشروع الجزيرة ويرجع ميتينو ذاتو

اقتباس:
المشاركة الأصلية كتبت بواسطة عبد السلام مشاهدة المشاركة
ديل بنات في نهاية الثانوي تقريباً وممكن يتخطبن بل ويتزوجن عادي لو أهلهم ما عندهم مشكلة
اها عرفت منو الجاب سيرة الزواج ولا ما عرفت؟
اقتباس:
المشاركة الأصلية كتبت بواسطة عبد السلام مشاهدة المشاركة
وقبيل برضو ربطتها مع الزواج
اقتباس:
اقتباس:
المشاركة الأصلية كتبت بواسطة عبد السلام مشاهدة المشاركة
ديل بنات في نهاية الثانوي تقريباً وممكن يتخطبن بل ويتزوجن عادي لو أهلهم ما عندهم مشكلة

الرد اقتباس محسن؛ "زواج الأطفال والقصر محرم دوليا، ماعدا العقليات العايشة في البلدان، البتفخر انها عملت ثورة وعي .
أما الرد بطريقة أركان النقاش، انت مصور معاها شهادة ميلادا ؟! عشان تكتب نهاية الثانوي ! وحتي لو كبيت موية وقلت أولى جامعة، فهي طفلة!"
مصادرك خليناك منها عشان قلت غلاط، كمان كلامك الكاتبو، بي يدك وردي عليهو تنكرو حطب!
انا غالبني اكتب ، محمد بن عبد الله تزوج،بطفلة دون العاشرة، بحسب مصدرك ، ونخليها حجة،ومراقة ،يالا بلا علم بلا قانون ؟!
زي المشروع العاوز ترجعو بنفس طريقة التفكير البائدة المتخلفة!، قال محالج قال .
محسن الفكي غير متواجد حالياً   رد مع اقتباس
قديم 06-05-2019, 10:49 AM   #29
عبد السلام
 
تاريخ التسجيل: Jan 2010
المشاركات: 2,881
افتراضي رد: يرجع مشروع الجزيرة ويرجع ميتينو ذاتو

اقتباس:
المشاركة الأصلية كتبت بواسطة محسن الفكي مشاهدة المشاركة
وكمان السودان تحول لأعلى الدول التي فيها زواج القصر .
نظام دي ما شفتها يعني
عبد السلام غير متواجد حالياً   رد مع اقتباس
قديم 06-05-2019, 11:05 AM   #30
عبد السلام
 
تاريخ التسجيل: Jan 2010
المشاركات: 2,881
افتراضي رد: يرجع مشروع الجزيرة ويرجع ميتينو ذاتو

اقتباس:
المشاركة الأصلية كتبت بواسطة محسن الفكي مشاهدة المشاركة
انا غالبني اكتب ، محمد بن عبد الله تزوج،بطفلة دون العاشرة، بحسب مصدرك ، ونخليها حجة،ومراقة ،يالا بلا علم بلا قانون ؟!
غايتو أنا ما فاهمك انت بتعمل في شنو لكن المتأكد منه كويس إنك ما فاهم بيدوفيليا يعني شنو
انت بتكرر في كلمة قانون وما عندك أي مادة في القانون السوداني بتحدد سن الزواج يبقى حتة قانون دي يا إما تتجاوزها يا إما المرة الجاية تجي داخل البوست والمادة ماشة قدامك
ثانياً موضوع السن الأمثل للزواج يخضع لتقاليد المجتمع، وهنا ما بعني الناحية الصحية أو النفسية أو هل صغار السن مؤهلين لبناء أسر ولا لأ. وإنما أشير لإنه زواج واحدة عمرها 14 سنة في أي قرية من قرى الجزيرة حدث عادي ما بتصنف شذوذ جنسي ولا في زول بعتبرها جريمة
هل الموضوع دة صح ولا غلط دة issue تاني مختلف تماماً عن سياق التجريم بتاعك لآلاف المعلقين على جمال البنت وصرف روشتة علاج بيدوفيليا نفكه بطيارة عشان يعالج الفيسبوك كلو


زواج سيدنا محمد من عائشة ما كان شاذ ولا ورد تجريم ليه في وقته دلالة على إنه مقبول مجتمعياً ومافي معنى لمحاسبة أحداث تاريخية بعقلية من خارج الزمكان دة .. كدة بكون أشبه بمحاسبة الرق في دولة المدينة بالإعلان العالمي لحقوق الانسان

التعديل الأخير تم بواسطة عبد السلام ; 06-05-2019 الساعة 11:07 AM
عبد السلام غير متواجد حالياً   رد مع اقتباس
قديم 06-05-2019, 08:11 PM   #31
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,412
افتراضي رد: يرجع مشروع الجزيرة ويرجع ميتينو ذاتو

اقتباس:
المشاركة الأصلية كتبت بواسطة عبد السلام مشاهدة المشاركة
نظام دي ما شفتها يعني
ببساطة شديدة لأنو البيعرس شافعة في الألفية الجديدة، كمن تعاطى (المكروه) البيدوفيليا عمدا، لأنه تعاطى الحرام، كونك ما قادر تربط بينهما وفي نفس الوقت تجتزئ من مداخلتي السطر الأخير (الهامشي) أي انه ورد على هامش المداخلة وتترك لب النقد الموجه لطريقة التعاطي والتفكير عن مستقبل المشروع ، يضع عدة علامات تعجب وإستفهام .
https://www.sudaneseoffline.com/foru...ad.php?t=17497
http://www.sudaneseoffline.net/forum...ead.php?t=5350
الروابط أعلاه اقرب رابط فيهم ،زمانيا ليهو حداشرسنة .
محسن الفكي غير متواجد حالياً   رد مع اقتباس
قديم 06-05-2019, 09:29 PM   #32
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,412
افتراضي رد: يرجع مشروع الجزيرة ويرجع ميتينو ذاتو

اقتباس:
المشاركة الأصلية كتبت بواسطة محسن الفكي مشاهدة المشاركة
انا غالبني اكتب ، محمد بن عبد الله تزوج،بطفلة دون العاشرة، بحسب مصدرك ، ونخليها حجة،ومراقة ،يالا بلا علم بلا قانون ؟!!
اقول ليهو أنا غالبني، يقول ليك جيب القانون، أقول ليهو بلا علم بلا قانون، يقول ليك، الطيارة فيها بوري .. وهكذا ..
اقتباس:
المشاركة الأصلية كتبت بواسطة محسن الفكي مشاهدة المشاركة
زي المشروع العاوز ترجعو بنفس طريقة التفكير البائدة المتخلفة!، قال محالج قال.!
أي نهضة عشان تقوم، عاوزة فكرة، مش يافطة من طفلة "ننبرش" حولها، أو كليمة قالها إعلامي ساعة غضب( لا رأي لغاضب)، نجعلها من شعارات التندر،وفي ذات الوقت هم طالبوا بمقاطعة قناته، فقال لهم قاطعو ... فإذا القطيع يتلقفها ببغائية لتسير بها حوافرهم .
عاوزين إنسان صالح ، عشان يعمر الأرض، (إني جاعل في الأرض خليفة)، عاوزين معاه فكرة هذا الانسان بيفكر في شنو، خاصة حول الدين والفلسفة والثقافة، دايرين إدارة، تعرف كيف تخطط للمستقبل، وده كلو مربوط بالعلم وأحدث ما توصل له، في كافة المجالات من قانون ونظريات وتقنية .
يستحيل المشروع يتطور ، وهو قائم أساسا على فساد فكرة، حول إختلال التنمية المتوازنة ، مما جعل إنسان الجزيرة يتفوق ، وبقية الاقاليم تتهمش ولا تواكب التطور .فضلا عن فساد فكرة ربطه بمصانع المستعمر التي أنشأها في بلده، بينما يجعلنا نفاخر بالمحالج،(مرحلة وسيطة) حتى بعد أن أصبحت خارج عجلة الزمن والإقتصاد .
وحتى هذا المنتج طويل التيلة المصاب بالعسلة، والآفات ما كان له ان يصدر، دونما (مشايلته) بأقطان مشاريع جبال النوبة قصيرة التيلة، وزهيدة تكلفة إلإنتاج، حيث تروى مطريا .
محسن الفكي غير متواجد حالياً   رد مع اقتباس
قديم 06-05-2019, 11:19 PM   #33
عبد السلام
 
تاريخ التسجيل: Jan 2010
المشاركات: 2,881
افتراضي رد: يرجع مشروع الجزيرة ويرجع ميتينو ذاتو

كلمة قاطعوا ميتينها حلوة
ونحن أصلاً شعب بلتقط الفلتات زي نبز محمد مصطفى عبد القادر اللي اتعمل نغمة منبه واتعمل فيه كمية فيديوهات على سبيل التندر
حسين خوجلي ليس شخص عادي بل رئيس تحرير صحيفة ومدير قناة وإذاعة وإعلامي قديييييم عشان كدة شئ طبيعي الناس تمسك عليه ذلة لسان
موش زمان زياد بن أبيه قال ليهم إن كذبة المنبر بلقاء مشهورة والراجل فيكم كدي اليمسك لي كلمة!

نحن ناس مساكين ما عندنا مزارع لكن أغلبية أهلنا وبلدياتنا كانوا فاتحين بيوتهم من وظائفهم في المشروع كان عمالية كان إدارية وكانوا عايشين في أمان الله يركبوا عجلاتهم من الصباح متجهين للمحالج والفبارك والمطارات (مخازن القطن) والإداريين ساكنين في سرايات حكومية كل خدماتها مجانية لحدي التلفونات ومصانع الغزل والنسيج كانت مدورة تش ومشغلة أغلبية الحريم .. باختصار المشروع كان مصدر رزق للجزيرة كلها حتى الما عندهم زراعة. ومؤسسات المشروع كانت بتشتغل 3 ورديات لدرجة إنك لو ماشي أي قرية بتمشي تركب بص المصنع ولا المحلج لأنه كل القرى عندها تراحيل دة غير القطر والترماي المجاني اللي بيجوا بيه طلبة القرى للمدارس
الحياة دي كلها تم اعدامها بفعل ولاة الجزيرة لحدي ما جاء الشريف عمر بدر وكفن المشروع وكل المواطنين الكانوا عايشين عليه أصبحوا عطالة

بالمثل كانت في مشاريع النيل الأبيض للإعاشة ومشاريع حكومية ومصانع في نهر النيل وهكذا
ما اعتقد في سبب يخلي الحكومة تقفل كل البيوت دي حتى لو كانت ارباح المشروع بسيطة لأنه توفير مصادر رزق للمواطنين أكبر مكسب، وهي الدولة أصلاً بتكسب عشان شنو! موش عشان رفاهية المواطن دة!
المشروع واقع في أكبر رقعة زراعية في افريقيا والوطن العربي الحكومة بدل تطوره أعدمته وأعدمت كل المشاريع والمصانع الحكومية في الولايات وأصبح مافي مصدر رزق غير الخرطوم عشان كدة ازدحمت بالشكل المهول دة
هل كونه الجزيرة رقعة زراعية محاوطة بالأنهار معناها ما نستغل خصوبتها عشان باقي الأقاليم ما تزعل!
المفروض كلامك يكون البحث عما يطور الأقاليم التانية موش اعدام مشروع الجزيرة عشان انسان الجزيرة متفوق!!!!
عبد السلام غير متواجد حالياً   رد مع اقتباس
قديم 07-05-2019, 12:01 AM   #34
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,412
افتراضي رد: يرجع مشروع الجزيرة ويرجع ميتينو ذاتو

اقتباس:
المشاركة الأصلية كتبت بواسطة عبد السلام مشاهدة المشاركة
المشروع واقع في أكبر رقعة زراعية في افريقيا والوطن العربي الحكومة بدل تطوره أعدمته وأعدمت كل المشاريع والمصانع الحكومية في الولايات وأصبح مافي مصدر رزق غير الخرطوم عشان كدة ازدحمت بالشكل المهول دة!!!!
قصدك المشروع، أصبح أكبر رقعة زراعية، مش واقع في أكبر رقعة زراعية، لأنو بلد فيهو ±200 مليون فدان صالحة للزراعة يعني شنو خمسة مليون فدان ؟!
الحكومة دي منو، الحكومة دي ما المواطن ،لأنو بيجيبها عشان تخدمو من خلال إدارتها وتخطيطها وعلمها، والذي لابد أن يكون بمشاركة الفلاح .
هذا الفلاح، الذي عندما أغتني وبطر، وكما كتب عبد السلام، "مشا الخرطوم"، وشاف صهريج الماء المطلي بشعار البيبسي، قال دي قروشنا يشربوها بيبسي، وقرر إلا يزرع، كي يجني ناس البندر شقاه، أو كما قالت الطرفة .
في نقاط ما عاوز اتناولا بالرد، لانو في قارئ .
لكن "غلبني" ما أكرر الرد على اللولوة في موضوع مقاطعة قناة أم درمان، وصحيفة ألوان، لأنو "غلب" المقاطعين يقاطعوها، والدليل "آلولو" !
محسن الفكي غير متواجد حالياً   رد مع اقتباس
قديم 07-05-2019, 12:12 AM   #35
عبد السلام
 
تاريخ التسجيل: Jan 2010
المشاركات: 2,881
افتراضي رد: يرجع مشروع الجزيرة ويرجع ميتينو ذاتو

والله لا بحضر قناة امدرمان ولا شغال بيها
لكن بقرأ صحيفة الوان وما قاطعتها


مواطن الجزيرة ما مشى الخرطوم إلا بعد اتلجن المشروع
الطرفة قالها ود البشير عشان يبرر بيها إغلاق المشروع
أنا عشت زمن فيه ناس الجزيرة لو في غرض وداهم الخرطوم بيجوا البلد الساعة 2 صباحاً عشان ما يبيتوا في الخرطوم
أنا نفسي قبل كدة كان عندي اجراءات بسافر الخرطوم يومياً وارجع مدني عشان اسافر تاني الخرطوم بكرة
قبل زمن نميري ما كان في سوداني بعرف الاغتراب وقبل الانقاذ ما كانوا ناس الجزيرة بستحملوا الخرطوم فما تمشي فيك حنك البشير بتاع الضحك على ناس الجزيرة
عبد السلام غير متواجد حالياً   رد مع اقتباس
قديم 07-05-2019, 12:42 AM   #36
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,412
افتراضي رد: يرجع مشروع الجزيرة ويرجع ميتينو ذاتو

اقتباس:
المشاركة الأصلية كتبت بواسطة عبد السلام مشاهدة المشاركة
اتلجن المشروع
الطرفة قالها ود البشير عشان يبرر بيها إغلاق المشروع
ياربي Google maps دي قاعدة تكضب علينا، ولا شنو ؟!

غير بعيد عن مشروع الجزيرة، وعلى مرمى حجر منه، تقع جنوب سنار وشمال سنجة على الضفة الشرقية النيل الأزرق،مدينة السوكي ،ومشروعها الزراعي .
الخلاني أجيب سيرة السوكي؛ العلاقة الإنتاجية، مزارع بزرع بي جاي، مصنع السكر بستلم بي جاي، لا محالج.. لا رش.. لا عسلة ..لا كلام المفتش..لا مبيدات وسرطانات .
في معظم الاحيان البوكس الدبل قبين (قمرتين) بيكون هو حصاد الفلاح السوكاوي .
هسه الشباب "التفتيحة" الشغالين في مشروع الجزيرة، برضو طورور من التقانة وادخال منتجات حقلية جديدة ، ورمو بقرءان الدورة الزراعية، وغندلو لمن بي هناك.
ايوة عبد السلام قال المشروع "اتلجن" ، لكن ده "لجاج" منو ساي .
محسن الفكي غير متواجد حالياً   رد مع اقتباس
قديم 07-05-2019, 01:47 AM   #37
عبد السلام
 
تاريخ التسجيل: Jan 2010
المشاركات: 2,881
افتراضي رد: يرجع مشروع الجزيرة ويرجع ميتينو ذاتو

أهااااااا
يعني هو المشروع كان كويس لكن الموظفين والعمال فصلوا روحهم من الشغل وباعوا أصول المشروع
يعني إدارة المشروع المعينة من قبل الحكومة ما عندها علاقة بالموضوع


غلطانين العمال والمزارعين والله .. والمجد للإنقاذ ومشروعها الحضاري
عبد السلام غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:12 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .