مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: بمناسبة اليوم العالمي للديمقراطية : خمسطاشر سبتمبر (آخر رد :الثلج الساخن)       :: من الفجر الى العصر المقاومة العراقية تزلزل الارض تحت اقدام البريطانيين والامريكان (آخر رد :أقبـــــال)       :: أوقدوا الشموع يا ملائكة (آخر رد :ود الشيخ)       :: احدث انواع وماركات كاميرات المراقبة (آخر رد :مازن محمد خالد)       :: الله اكبر ولله الحمد هجوم للمقاومة العراقية الباسلة على امدادات قوات الاحتلال (آخر رد :أقبـــــال)       :: صاروخين لاثالث لهما سقطا على القوات الامريكية بمحيط مطار بغداد قبل قليل (آخر رد :أقبـــــال)       :: بمناسبة اليوم العالمي لضحايا الإخفاء القسري : تلاتين أغسطس (آخر رد :الثلج الساخن)       :: لـن يمـروا -- ارتال القوات الامريكية تحت نيران المقاومة العراقية الباسلة (آخر رد :أقبـــــال)       :: في هجوم جديد .. استهداف ما تسمى المنطقة الخضراء بصاروخي كاتيوشا (آخر رد :أقبـــــال)       :: الجاهل عدو نفسه (آخر رد :زهرة الروض الظليل)      

إضافة رد
 
أدوات الموضوع انواع عرض الموضوع
قديم 05-08-2020, 12:40 PM   #1
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,625
Icon3 أيهما أفضل صناعة الأدوية أم صناعة الأحذية؟

الكاتب الصحفي عثمان ميرغني قال
صناعة الحذاء.
إت شن قولك؟

محسن الفكي غير متواجد حالياً   رد مع اقتباس
قديم 08-08-2020, 12:52 AM   #2
الثلج الساخن
 
تاريخ التسجيل: May 2019
المشاركات: 170
Icon34 رد: أيهما أفضل صناعة الأدوية أم صناعة الأحذية؟

طبعن صناعة الادوية أحسن ,
لأنه لمن تنهض ب تنهض معاها وبيها
صناعات تانية كتيرة ,
يمكن منها كل الصناعات المتعلقة بالحيوان والنبات ,
ولأنها لمن تتطور في بلدك ب تطور في الانسان جوانب
علمية وأكاديمية وعملية وابداعية واستثمارية واقتصادية ,
أكثر بكتيييير من صناعة الجلود .

الصيدلة والطب والنظام الصحي هي
حاجات منظمة في كوبا أكتر من أمريكا.
كوبا الصغيرونة دي بقت مصنع صيدلاني متطور جدن جدن,
ده على رغم ضيق ذات اليد,
وعلى رغم الحصار الأمريكي الطويل.

كوبا دي قصة نجاح كبيرة بدت بحكومة هدفها توفير الدواء
بس لناس البلد وانتهت هسه بشركات أجنبية كبيرة عايزة
تستثمر برساميل طائلة في القطاع الدوائي المحلي
وعايزة تستفيد من أسرار التطور الدوائي والصيدلاني الحصل هناك في فترة وجيرة
يمكن بس من بداية أو منتصف التسعينات.


كسرة :

من ناحية رأس المال
الصيدلة وعلوم الادوية أحسن حتى من الطب,
لأنو الطب حاجة خدمية وديل حاجات انتاجية,
مرتيطات ببعض آي .. لكن الفرق واضح

الدكاترة ديل مهمتهم إنهم يوصفوا الدوا ويكتبو الروشتات
وكلما زاد عددهم زادت روشتاتهم وزادت طردن وطردن
أرباح شركات الدواء .
اللعبة كلها هنا
__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 08-08-2020 الساعة 12:56 AM
الثلج الساخن غير متواجد حالياً   رد مع اقتباس
قديم 09-08-2020, 04:51 PM   #3
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,625
Icon3 الوقاية خيرٌ من العلاج

اقتباس:
المشاركة الأصلية كتبت بواسطة الثلج الساخن مشاهدة المشاركة
كسرة :
من ناحية رأس المال
الصيدلة وعلوم الادوية أحسن حتى من الطب,
لأنو الطب حاجة خدمية وديل حاجات انتاجية,
مرتيطات ببعض آي .. لكن الفرق واضح

الدكاترة ديل مهمتهم إنهم يوصفوا الدوا ويكتبو الروشتات
وكلما زاد عددهم زادت روشتاتهم وزادت طردن وطردن
أرباح شركات الدواء .
اللعبة كلها هنا
كسرتك دي كارثة ياخ
يعني بتتعامل-كمفهوم-على إنو صناعة الأدوية كصناعة الغذاء، شئ كده أي زول بيتناولو.
الشئ الخطير انو كلامك قائم على إنو كل البلد عيانة.
تقدم الدول-كوبا-نجح لإنها فلحت في منع المرض،وليس علاج المرض.
الطب الوقائي له القدح المعلى.
محسن الفكي غير متواجد حالياً   رد مع اقتباس
قديم 09-08-2020, 11:06 PM   #4
الثلج الساخن
 
تاريخ التسجيل: May 2019
المشاركات: 170
افتراضي رد: أيهما أفضل صناعة الأدوية أم صناعة الأحذية؟

اقتباس:
بتتعامل-كمفهوم-على إنو صناعة الأدوية كصناعة الغذاء، شئ كده أي زول بيتناولو.
ده افتراض من عندك ساكت.

أنا ب افتكر إنو الغذاء هو دواء في المقام العام,
ولكن بالتأكيد صناعة الدواء ما زي صناعة الغذاء.

أنا ما عارف إنتا من ياتو زاوية فهمتا
إنو انا ب اعتبر دي زي دي ؟

في اختلاف ظاااهر بين الصناعتين
لكن مافي اختلاف في المفهوم العام
بين والدواء والغذاء.

الزول مسلن بيقولو ليه قوم أمشي ( أكول ) عشان ما تمرض.
والعيان الراقد ب يوصوهو ياكل , ده حتى لو كان عايف الاكل.

ف شي عااااادي جدن إنو نتعامل مع الغذاء كدواء.

كمان شوف ياخي ..
في حاجات غذائية ( كده ) ب يحتاجها ال ( بنو) آدم
حتي يقدر يعيش حياة صحية ومريحة.

الحاجات دي ما ب ينتجها جسمو بصورة طبيعية ,
لكنها موجودة في الغذاء بصورة يمكن أقول جذرية .
زي مسلن فيتامين بي اطناشر.

الفيتامين ده مهم جدن جدن لانتاج كريات الدم الحمراء,
وللاعصاب وللحمض الجيني كمان.
إذا انتا أمتنعتا منو ب يبدا ينقص منك ويعمل ليك
مشاكل كبيرة بعد خمسة أو عشرة سنوات,
وإذا نقص عندك فجسمك ما ب يقدر يفرزو زي ب ما يفرز اللعاب.
عشان كده ب يوجهو الواحد ب يقولوا ليهو :
اتناول السمك والدجاج والخضروات وكده
عشان تقدر تعوض الفيتامين ده .

وأنا هنا أنصح إنو الزول يتناول البطيخ,
ويحتفظ بحبوب البطيخ ويجففها ويتناولها بعدين,
لأنو فيها نسبة كبيرة من الفيتامين ده .

المثال ده يمكن يوضح إنو الغذاء هو صورة من صور الدواء .

لكن اسمع ...

عملية تصنيع فيتامين بي اطناشر كحبوب
قطع شك ما ب تشبه عملية تصنيع الجلود والاحذية .

دي ثروة في العقل ودي ثروة في الطبيعة

ثروة العقل .. عثمان ميرغني يمكن يلقاها في كوبا
و ثروة الطبيعة يمكن يلقاه في السودان ...


كسرة :

ويمكن بعد شوية ما يلقاها
__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 09-08-2020 الساعة 11:09 PM
الثلج الساخن غير متواجد حالياً   رد مع اقتباس
قديم 09-08-2020, 11:29 PM   #5
الثلج الساخن
 
تاريخ التسجيل: May 2019
المشاركات: 170
افتراضي رد: أيهما أفضل صناعة الأدوية أم صناعة الأحذية؟

اقتباس:
الشئ الخطير انو كلامك قائم على إنو كل البلد عيانة.
ما خطير ولاحاجة .. لأنو كلامي بتاع الانتاج الرأسمالي للدواء في كوبا
ما ب يوديك لحتة إنو البلد لازم تكون كلها عيانة ..

أصلن كوبا من البداية ما كانت قادرة تنتج الدواء لوحدها بصورة تجارية.

الانتاج التجاري ما نقطة قوتها في مجال الادوية .
نقطة قوتها هي الاسرار العلمية لانتاج الادوية ,
والابتكارات الجديدة, وبراءات الاختراع في المجال ده .

الرصيد العقلي ده جذب للكوبيين رساميل الاستثمار من الخارج للداخل
و ح يساعدهم حتى يقدروا ينتجوا مخترعاتهم الصيدلانية .

لكن الانتاج التجاري الربحي للادوية في كوبا قطع شك ما معناه
انو كل الكوبيين محتاجين للادوية دي .

من وين جاتك الفكرة دي ؟

في ناس عايشين بره كوبا محتاجين للادوية وللاجهزة الطبية الكوبية
أكتر من الكوبيين زاتهم.

شركة بيوكوبافارما
هي شركة صيدلانية وعلمية رائدة في كوبا
بتشتغل بيزتس كيف ؟
ب تروج لامكانتها العملية و الصيدلانية والطبية
بالاعتماد على الاستثمار من الخارج.

كسرة :

شركة زي دي يمكن في المستقبل تنتج لقاح ( وقائي )
وتجيب خبر كوفيد عشرين وكوفيد واحد وعشرين كمان
وتنتج اللقاح ( الوقائي ) ده بصورة تجارية رأسمالية
وتااااني ..
ده ما ح يكون معناهو إنو كل كوبا
لازم تكون مصابة بالفيروسات دي
__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 09-08-2020 الساعة 11:42 PM
الثلج الساخن غير متواجد حالياً   رد مع اقتباس
قديم 10-08-2020, 12:17 AM   #6
الثلج الساخن
 
تاريخ التسجيل: May 2019
المشاركات: 170
افتراضي رد: أيهما أفضل صناعة الأدوية أم صناعة الأحذية؟

اقتباس:
كسرتك دي كارثة ياخ
كويس

لكن أنا ب افتكر إنو ..

الكارثة هي اللعبة بتاعت إنو نقوم ننتج الدواء
بكميات تجارية لاهداف تجارية .. ونقوم نستخدم الاطباء
والصيادلة الخريجين بس كأدوات عميانة
في البزنس السيال ده ..

دي فعلن هي الكارثة

يمكن عشان كده ب نحتاج للطب الوقائي
والكسرة كان الهدف منها الاشارة للحتة دي ..
ولكن ..

وعلى فكرة النوع ده من الطب
يمكن على عكس توقعاتك
يشمل كمان انتاج أدوية ولقاحات

ف ما في تعارض بين الوقاية واستخدام الدواء ..

من الجهة دي بسس
أنا متوافق معاك في توصيفك للكسرة بالكارثة

أنا قلتا إنها لعبة وانت قلتا إنها كارثة

ف ما في مشكلة

بين الكلمتين يمكن في نفس الاختلاف the same difference
أو ما يمكن أصلن ما في أختلاف .


كسرة :

كينيدي قال إنو
الصينيين ب يستخدمو رمزين لكتابة كلمة كارثة
الرمز الاول معناه خطر
الرمز التاني معناه فرصة

__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 10-08-2020 الساعة 12:29 AM
الثلج الساخن غير متواجد حالياً   رد مع اقتباس
قديم 16-09-2020, 06:52 PM   #7
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,625
Icon7 التلج في فتيل

اقتباس:
المشاركة الأصلية كتبت بواسطة الثلج الساخن مشاهدة المشاركة
طبعن صناعة الادوية أحسن ,لأنه لمن تنهض ب تنهض معاها وبيها ،صناعات تانية كتيرة
هو إنت الفتيل ماك قادر تصنعو، تاني شنو ليك!!
محسن الفكي غير متواجد حالياً   رد مع اقتباس
قديم 17-09-2020, 01:08 PM   #8
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,625
افتراضي رد: التلج في فتيل

اقتباس:
المشاركة الأصلية كتبت بواسطة محسن الفكي مشاهدة المشاركة
هو إنت الفتيل ماك قادر تصنعو، تاني شنو ليك!!
بالمقابل،كل مدخلات صناعة الأحذية متوفرة بدءا من الجلود نفسها،وليس إنتهاءً بالنعل نفسه،وبالامكان صناعتها محليا.
لا أحد يستغنى عن لبس الحذاء،فهو ليس حبه بندول عند اللزوم.
فلكي تنهض أي دولة عليها بتنمية المكون المحلي، وتصويره وتحقيق التفوق فيه،ومن ثم الالتفات الى بقية الصناعات.
وهذا التطوير ليس خاصا بتطور الصناعة فحسب،بل حتى في المجالات الإبداعية والفنية،علينا بتمنية وتطوير المكون المحلي، لن يحفل بك احد كثيرا وانت تعزف أشهر مقطوعات بتهوفن أو موزارت، لكن الجميع يصغي إن كانت الجراري والتّم تم!.

يُستتبع
محسن الفكي غير متواجد حالياً   رد مع اقتباس
قديم 17-09-2020, 05:21 PM   #9
Gamar Alanbia
 
الصورة الرمزية Gamar Alanbia
 
تاريخ التسجيل: Mar 2007
المشاركات: 5,167
افتراضي رد: التلج في فتيل

اقتباس:
المشاركة الأصلية كتبت بواسطة محسن الفكي مشاهدة المشاركة
بالمقابل،كل مدخلات صناعة الأحذية متوفرة بدءا من الجلود نفسها،وليس إنتهاءً بالنعل نفسه،وبالامكان صناعتها محليا.
لا أحد يستغنى عن لبس الحذاء،فهو ليس حبه بندول عند اللزوم.
فلكي تنهض أي دولة عليها بتنمية المكون المحلي، وتصويره وتحقيق التفوق فيه،ومن ثم الالتفات الى بقية الصناعات.
وهذا التطوير ليس خاصا بتطور الصناعة فحسب،بل حتى في المجالات الإبداعية والفنية،علينا بتمنية وتطوير المكون المحلي، لن يحفل بك احد كثيرا وانت تعزف أشهر مقطوعات بتهوفن أو موزارت، لكن الجميع يصغي إن كانت الجراري والتّم تم!.

يُستتبع
كلام صحيح جداً يا محسن .. وليت من يجلسون على مقاعد صنع القرار يلتفتون لهذه الامور ...وبهذه النظرة الموضوعية ...
__________________
يا أصدقائي وراء الباب..
في أي عصر نحن؟
Gamar Alanbia غير متواجد حالياً   رد مع اقتباس
قديم 18-09-2020, 08:33 AM   #10
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,625
افتراضي رد: أيهما أفضل صناعة الأدوية أم صناعة الأحذية؟

تحياتي يا Gamar Alanbia
البوست ده، من أسباب كتابتو، ما حدث في عيد الأضحى الماضي، عندما تحولت شوارع الخرطوم،الى مكب لمخلفات الاضاحي، خاصة الجلود، والسبب توقف المدابغ الخاصة والحكومية، لعدم توفر( الملح!)،بحسب بعض الإفادات، والسبب الأهم،الحظر المفروض بسبب جائحة كورونا.
محسن الفكي غير متواجد حالياً   رد مع اقتباس
قديم 19-09-2020, 10:42 AM   #11
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,938
افتراضي رد: أيهما أفضل صناعة الأدوية أم صناعة الأحذية؟

اقتباس:
الدكاترة ديل مهمتهم إنهم يوصفوا الدوا ويكتبو الروشتات
وكلما زاد عددهم زادت روشتاتهم وزادت طردن وطردن
أرباح شركات الدواء .
اللعبة كلها هنا
كلامك ده انت حنكوشة
حضرنا زمن الطبيب يحدد العلة ويكتب الملة
والصيدلي اسمو اجزجي علية تحضير ما وصف له .
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 19-09-2020, 09:33 PM   #12
الثلج الساخن
 
تاريخ التسجيل: May 2019
المشاركات: 170
افتراضي رد: أيهما أفضل صناعة الأدوية أم صناعة الأحذية؟

اقتباس:
المشاركة الأصلية كتبت بواسطة ود الشيخ مشاهدة المشاركة
كلامك ده انت حنكوشة
حضرنا زمن الطبيب يحدد العلة ويكتب الملة
والصيدلي اسمو اجزجي علية تحضير ما وصف له .


سيبك من زمنك وما أظنو قديم ..

أنا حاليا عايش في بلد غربي متقدم ومنظم ..
الصيدلاني فيهو ما زال
ب يحضّر الدواء بناءا على وصفة الدكتور

ولكن خليني أقول ليك حاجة :

تركيب الادوية في الاجزخانة للزبون
جزء مهم من الخدمة الصحية ..
لكنو جزء تافه جدن بالنسبة لعلم الصيدلة الواسع والمتطور.

أنا ب اتكلم هنا عن الاستثمار في علوم وبحوث الصيدلة
ودي موضوع للأسف السودان ما عندو فيهو سهم ..
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 19-09-2020, 09:47 PM   #13
الثلج الساخن
 
تاريخ التسجيل: May 2019
المشاركات: 170
افتراضي رد: التلج في فتيل

اقتباس:
المشاركة الأصلية كتبت بواسطة محسن الفكي مشاهدة المشاركة
هو إنت الفتيل ماك قادر تصنعو، تاني شنو ليك!!
إذا كلامك الفوق ده معناه إنو :
مدخلات الادوية ما موجودة في السودان
ف ده كلام مش دقيق...

عناصر الادوية موجودة في الطبيعة
في السودان وفي غير السودان

مدخلات الانتاج موجودة

المهم هو التخليق والابتكار والتوظيف
وده ب يحتاج لنهضة ونشاط عقلي ويحثي وعلمي
ودي حاجة ما متوفرة بالقدر الكافي في السودان

في إطار السوق العالمية ...
في أكتر من ميتين مليار حيوان ب يتم ( انتاجهم ) سنويا (كمنتجات)
لاغراض الغذاء وللاستفادة من الجلود و البقايا والمخلفات.

العالم عندو ثرواات حيوانية ضخمة أكتر من السودان
ثرواات محمية بالقوانين وبالأسبقية العلمية والعملية

شنو ال ح يخلي العالم يلتفت للحاجة العندك ويسيب العندو ؟؟.

ياخي طور نفسك وأطرح في السوق حاجة جديدة .
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 19-09-2020, 10:01 PM   #14
الثلج الساخن
 
تاريخ التسجيل: May 2019
المشاركات: 170
افتراضي رد: التلج كسر الفتيل

اقتباس:
المشاركة الأصلية كتبت بواسطة محسن الفكي مشاهدة المشاركة
هو إنت الفتيل ماك قادر تصنعو، تاني شنو ليك!!

فتيل ؟؟؟؟ هههه

يا زول ها ,
السودان بدأ يصنع الزجاج من نهاية الخمسينات.
السودان ب يصنع فتايل الريحة وقزاز الحاجة الباردة من بدري

ولكن للاسف

لحدي اليوم في فجوة في صناعات الزجاج
ذات العلاقة بالمجالات التانية
زي الاضاءة والمستلزمات الطبية والمعملية وهلجرا.

السودان ب يستورد اليوم الزجاج بالاشكال وللأنواع والأغراض
الما ب يقدر ينتجها بصورة تجارية.

ح نلقى السودان فشل في تطبيق وتطوير الخبرات
والعلوم المتعلقة بالصناعات دي ..
وده على الرغم من توفر معظم مدخلات الانتاج.


يا ترى ليه ؟؟؟



أمشي أسأل عثمان ميرغني ؟
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 19-09-2020, 11:59 PM   #15
الثلج الساخن
 
تاريخ التسجيل: May 2019
المشاركات: 170
افتراضي رد: التلج في فتيل

اقتباس:
المشاركة الأصلية كتبت بواسطة الثلج الساخن مشاهدة المشاركة
إذا كلامك الفوق ده معناه إنو :
مدخلات الادوية ما موجودة في السودان
ف ده كلام مش دقيق...

عناصر الادوية موجودة في الطبيعة
في السودان وفي غير السودان

مدخلات الانتاج موجودة

المهم هو التخليق والابتكار والتوظيف
وده ب يحتاج لنهضة ونشاط عقلي ويحثي وعلمي
ودي حاجة ما متوفرة بالقدر الكافي في السودان

في إطار السوق العالمية ...
في أكتر من ميتين مليار حيوان ب يتم ( انتاجهم ) سنويا (كمنتجات)
لاغراض الغذاء وللاستفادة من الجلود و البقايا والمخلفات.

[[[ القصد أكتر من عشرين مليار حيوان ]]]]

العالم عندو ثرواات حيوانية ضخمة أكتر من السودان
ثرواات محمية بالقوانين وبالأسبقية العلمية والعملية

شنو ال ح يخلي العالم يلتفت للحاجة العندك ويسيب العندو ؟؟.

ياخي طور نفسك وأطرح في السوق حاجة جديدة .

[[[ القصد أكتر من عشرين مليار حيوان ]]]]
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 20-09-2020, 05:16 PM   #16
Gamar Alanbia
 
الصورة الرمزية Gamar Alanbia
 
تاريخ التسجيل: Mar 2007
المشاركات: 5,167
افتراضي رد: أيهما أفضل صناعة الأدوية أم صناعة الأحذية؟

اقتباس:
المشاركة الأصلية كتبت بواسطة محسن الفكي مشاهدة المشاركة
تحياتي يا Gamar Alanbia
البوست ده، من أسباب كتابتو، ما حدث في عيد الأضحى الماضي، عندما تحولت شوارع الخرطوم،الى مكب لمخلفات الاضاحي، خاصة الجلود، والسبب توقف المدابغ الخاصة والحكومية، لعدم توفر( الملح!)،بحسب بعض الإفادات، والسبب الأهم،الحظر المفروض بسبب جائحة كورونا.
ده سبب يزيد من استحساني للبوست يامحسن ..

شكراً وياريت لو الرسالة توصل ..

مع خالص الاحترام
__________________
يا أصدقائي وراء الباب..
في أي عصر نحن؟
Gamar Alanbia غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:05 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .