مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: عاجل اغلاق السفارة الامريكية في بغداد (آخر رد :أقبـــــال)       :: ] الصحفي (عمار) يواصل كشف الأسرار حول (البشير) (آخر رد :زهرة الروض الظليل)       :: اليوم العالمي لاستئصال شأفة الأسلحة النووية : ستة وعشرين سبتمبر (آخر رد :الثلج الساخن)       :: الشاري السهر تكعيب (آخر رد :عبدالماجد موسى)       :: بمناسبة اليوم العالمي للديمقراطية : خمسطاشر سبتمبر (آخر رد :الثلج الساخن)       :: من الفجر الى العصر المقاومة العراقية تزلزل الارض تحت اقدام البريطانيين والامريكان (آخر رد :أقبـــــال)       :: أوقدوا الشموع يا ملائكة (آخر رد :عبدالماجد موسى)       :: احدث انواع وماركات كاميرات المراقبة (آخر رد :مازن محمد خالد)       :: الله اكبر ولله الحمد هجوم للمقاومة العراقية الباسلة على امدادات قوات الاحتلال (آخر رد :أقبـــــال)       :: صاروخين لاثالث لهما سقطا على القوات الامريكية بمحيط مطار بغداد قبل قليل (آخر رد :أقبـــــال)      

إضافة رد
 
أدوات الموضوع انواع عرض الموضوع
قديم 03-08-2020, 12:29 PM   #1
الثلج الساخن
 
تاريخ التسجيل: May 2019
المشاركات: 172
افتراضي حسين خوجلي : انقلاب للبيع - والعمبلوق ال بدور الضبح

اقتباس:
الذاكرة الشعبية تختزن حكاية (المداحين) الذين نزلوا على ود النور وأكرمهم بمائدة متواضعة، وقد كانوا يأملون في وليمة بذبح عظيم خاصة وأن ود النور كان له عمبلوق طري ودهين ظل يتقافز أمامهم جيئة وذهاباً دون أن تحرك اغراءاته مدية الجراح.

فقال كبير المداحين وهو يخاطب العمبلوق ويرمي بطرف خفي صاحبه تعريضاً: ( والله يا العمبلوق أصلك ما قصرت، لكن إلا تشيل السكين دي وتضبح روحك)

والملمح من هذه الحكاية تذكرني بالتحالف العدمي الذي يجمع بين الشيوعيين والبعثيين والناصريين والجمهوريين، وكوادرهم المستترة في الأحزاب الطائفية. فهؤلاء بعد أن سرقوا الثورة أعيتهم الحلول والحيل بادارة المرحلة سياسيا واقتصاديا واجتماعيا وأمنيا، فصاروا يتقافزون أمام الشعب بكل مافي جعبتهم من رزائل الأقوال والأفعال:

١/ فقد جردوا الوثيقة الدستورية من دين الأغلبية ولسانها، وشطبوا حتى قصار السور من كراسات أطفالنا

٢/ تحرشوا بساقط القول والفعل ضد القوات النظامية تارة بالتآمر العملي بالتفكيك، وتارة بالاغتيال المعنوي عبر الحملات (معليش معليش ما عندنا جيش).. (كنداكة جاء بوليس جرى) .. (الدم الدم يا كلاب الأمن)

٣/ وعبر سياسة ( دة حار ودة ما بتكوابو) جربوا الخبز فصنعوا الندرة والغلاء وجربوا الطاقة والوقود فأدخلوا الصفوف السودانية موسوعة غينيس، وجربوا التأمين فصارت الحماية بالسكاكين والسواطير، وصار السلب والسرقة عادة في وضح النهار

٤/ افسدوا علينا علاقاتنا الاقليمية وسوقوا لنا علاقات دولية مزيفة ودفعوا كل حصيلتنا من العملة الصعبة لضحايا المدمرة كول التي برأنا القضاء الأمريكي من دمها، فصارت الفضيحة التي حارت فيها البرية واستدعوا في جهالة جهلاء الأمم المتحدة لكتابة دستورنا وحماية حدودنا، واستعمارنا من جديد ليعود الزمان القهقرة

٥/ صادروا كل مؤسسة ومدرسة وجمعية رأوا فيها خيرا أو أقل منها اسلاماً

٦/ وفوق ذلك سرقوا أحلام الشباب في غضبتهم ولم يتركوا لهم من زاد إلا هتاف قتيل في حلوق يابسة، وقدموا للشعب افكارا عقيمة من (اثداء بدري ماتن وغرزن)، وقيادات محاصصة حزبية امتيازاتها في الخرطوم ووظائفها ومنازلها وأسرها مبعثرة ما بين لندن وبون وستكوهولم وباريس وفرجينيا والرباط، ورضا المؤسسات المشبوهة

٧/ وحين بلغ الجوع مداه والعطش منتهاه والداء مبتغاه ورست (جنازة البحر ) على الشاطئ الأدنى، ماتت في أفواههم حتى مفردات البذاءة وتطايرت من أيديهم الأوراق العجفاء، فاضطروا لقبض الريح. ومثلما تشاهدون الآن ليس في الجبة إلا العواء والبكاء والتخبط الذي يشعلون ناره صبح مساء متلهفين لانقلاب عسكري يخلصهم من خطيئة المرحلة العمياء، لا يهم من الذي سيفعلها الكيزان، الحيران، الشعب الجيعان أو الشباب الحيران لا يهم، المهم أي انقلاب يفك أسرهم ويبدأ بعده لعب دور الضحية الذي يجيدونه شعرا وغناءً وهتافا وهجرة.

وعلى سيرك الوهم ظلوا يتقافزون مثل عمبلوق ود النور والشعب السوداني الساخر يطلق عبارة المادح (الشهيرة الا تشيلوا السكسن وتضبحوا روحكم)

والبرقية الأخيرة في بريد التحالف العدمي لا عتبى ولا عتاب ولا انقلاب الاستقالة فقط والإذن بالانصراف إلى مزبلة التاريخ

حسين خوجلي

ود خوجلي الكلام كملو تب
والواحد يعني ما بالضرورة متوافق مع كلامو


كسرة :

العمبلوق الاسود أخير تقبضو وتضبحو بسرعة والشمس فوووق
لأنو في الضلمة ما ب ( تشيييييفو )

قرصة في الأضان:

البوست ده صحي بمناسبة عيد الضحية
لكن يا زول ( ها ) ما تاكل لحمة كتيرة
الله يكفينا شرك
__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 03-08-2020 الساعة 12:32 PM

الثلج الساخن غير متواجد حالياً   رد مع اقتباس
قديم 03-08-2020, 09:14 PM   #2
الثلج الساخن
 
تاريخ التسجيل: May 2019
المشاركات: 172
افتراضي رد: حسين خوجلي : انقلاب للبيع - والعمبلوق ال بدور الضبح

في الكلام فوق
بالحييل في أخطاء هجا
لكن الواحد ما ب يعرف دي من حسين خوجلي
وللا من المطبعجي بتاع الكمبيوطر


كسرة :

ب نتعلم من الغلط
ما في زول اتولد استاذ
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 20-09-2020, 05:15 PM   #3
Gamar Alanbia
 
الصورة الرمزية Gamar Alanbia
 
تاريخ التسجيل: Mar 2007
المشاركات: 5,167
افتراضي رد: حسين خوجلي : انقلاب للبيع - والعمبلوق ال بدور الضبح

الاخ الثلج الساخن

لما الواحد يقول فلان كمل الكلام تب ..بيعني اتفاقه التام ..

فهل انت متفق مع كلام حسين خوجلي ده ولا ما متفق معاهو ؟؟؟

مع تحياتي وتقديري ..
__________________
يا أصدقائي وراء الباب..
في أي عصر نحن؟
Gamar Alanbia غير متواجد حالياً   رد مع اقتباس
قديم 20-09-2020, 10:56 PM   #4
الثلج الساخن
 
تاريخ التسجيل: May 2019
المشاركات: 172
افتراضي رد: حسين خوجلي : انقلاب للبيع - والعمبلوق ال بدور الضبح

اقتباس:
المشاركة الأصلية كتبت بواسطة Gamar Alanbia مشاهدة المشاركة
الاخ الثلج الساخن

لما الواحد يقول فلان كمل الكلام تب ..بيعني اتفاقه التام ..

فهل انت متفق مع كلام حسين خوجلي ده ولا ما متفق معاهو ؟؟؟

مع تحياتي وتقديري ..


الأخ Gamar Alanbia

انا ما قلتا أنا مش موافق على كلامو.
انا قلتا مش بالضرورة اكون موافق على كلامو.
في فرق, مش ؟

في الحقيقة انا موافق على النقاط اللي قالها
بنسبة تسعين في المية,لأنها حقايق ظااااهرة
ب تعكس اخفاقات انتحارية للحكومة الانتقالية

قالها حسين خوجلي أو قالها غيرو
دي حقايق بالمسطرة عن حكومة الثورة
و ربع الحقايق دي ب يقلب الانقاذ عشرة انقلابات
ناهيك عن حكومة انتقالية

لكن شنو ..

انا عارف قصد حسين خوجلي من مقالو الفوق
قصدو سياسي .. وهنا أنا مختلف معاهو

حسين خوجلي كتب اللي كتبو لأنو ببساطة
عايز يطعن في خصومو السياسيين بالحقايق دي
ولأنو يمكن عايز الاسلاميين يتمكنو في السلطة التنفيذية
من اول وجديد

وده شئ ب يعمل من حسين خوجلي زول سياسي
لكن بالتأكيد ما بيعمل منو معتوه ب يقول أي كلام

في الحقيقة مقالو الفوق
مقال مرتب ومرصوص
ومكتمل الادوات والأركان
مقال ب يوري إنو الزول ده قاري كتابو كويس
مقال لو قرأه اي زول ما عندو خلفية عن حسين خوجلي
كان وافق عليهو

لكن إذا كنت انتا من خصومو السياسيين
أو مستقطب لصالح اتجاه سياسي مناوئ ليهو
ف مرجح جدن انو المقال ما يعجبك
على الرغم من الحقايق اللي فيهو



كسرة :

اقرأ الرسالة وما تقتل الرسول
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 23-09-2020, 04:20 PM   #5
Gamar Alanbia
 
الصورة الرمزية Gamar Alanbia
 
تاريخ التسجيل: Mar 2007
المشاركات: 5,167
افتراضي رد: حسين خوجلي : انقلاب للبيع - والعمبلوق ال بدور الضبح

الاخ الثلج الساخن

شكراً للرد والتوضيح ..
وعشان نمشي لي قدام في النقاش ودون ما اجرح - وليس اقتل - الرسول .. ارجو شاكراً توضيح النقاط التي تتفق فيها مع حسين خوجلي في هذا المقال ..

ولك كل الود والتقدير

هشام
__________________
يا أصدقائي وراء الباب..
في أي عصر نحن؟
Gamar Alanbia غير متواجد حالياً   رد مع اقتباس
قديم 23-09-2020, 10:32 PM   #6
الثلج الساخن
 
تاريخ التسجيل: May 2019
المشاركات: 172
افتراضي رد: حسين خوجلي : انقلاب للبيع - والعمبلوق ال بدور الضبح

الأخ Gamar Alanbia

بعد التحية والسلام .

والله أنا ما عارف أشرح ليك شنو ؟


لكن أمسك معاي سادس نقطة :

بحسب الوثيقة اللي اتعاقدت عليها انت كصاحب قرار مع الجيش ...
مش كان المفترض تجينا حكومة كفاءات فوق المنافسة الحزبية؟ صح ؟
اللي حصل انو الحكومة جات على عكس كده .
ومن أول شوط من أشواط التعيين والتوظيف حصل اقصاء متعمد لفصائل بعينها
وايثار متعمد لفصائل اخرى.

أسأل نفسك الناس ديل الفي الحكومة ..
رشحهم منو للوزارات والمكاتب ؟
وكيف اترشحو ؟
وهل اترشحو بأخوي وأخوك ؟
أم بانتخابات ؟
أم باتفاقات سرية من النظام المباد ؟

أمسك خامس نقطة :

انت كصاحب قرار .. ليه صادرت رسالة منظمة الدعوة الاسلامية؟
لييييه ؟
أنا ب اقول رسالة لأنو رسالة المنظمة في حد ذاتها ما كان فيها مشكلة .
المشكلة كانت في القائمين على المنظمة .
أما المباني والأصول والأموال اللي صادرتها كصاحب قرار , ف دي
كان يمكن بسهولة تتنظم وتتهيكل من جديد ويتم توجيهها لخدمة الفقراء .
كل اللي ب تحتاج ليهو هو رؤية جديدة وأهداف جديدة ومجلس أمناء جديد.

لكن وااضح إنك كنت ما عايز تعمل كده ..
وكنت متحمس شديييد للمصادرة النهائية.
ليه ؟ لأنو عندك حساسية عالقة مع الإسلاميين .
الحساسية دي غبشتك عليك المقدرة على اتخاذ قراراتك.

طيب ليه ما فكرتا في تأثير قراراتك دي على المستفيدين مباشرة من إحسان منظمة الدعوة؟
( طبعن أنا ب أقصد هنا المستفيدين من غير الإسلاميين ) وفيهم اطفال على فكرة ؟

أكيد إنت ما فكرتا فيهم . لأنو اللي ب يهمك كصاحب قرار هو بس
الإقتصاص من الكيزان, وتصفية خصوماتك معاهم.
ياخي معقولة تفكر تقفل مدارس المنظمة دي وتعاقب الأطفال الصغار
بس عشان ب يدرسو تحت اشراف خصومك السياسيين ؟
عايز تعاقب الأطفال بس عشان انتا زعلان من الكيزان ؟
ده فهم شنو ده ؟

أمسك رابع نقطة :

كصاحب قرار هل انت عندك دليل على تورط السودان جنائيا في
الحوادث الإرهابية محل الخصومة مع الولايات المتحدة, ؟

طيب قول لينا ..

وين الجناة ؟ و وين الأدلة ؟ وليه ما قدمتهم أمريكا للعدالة الدولية ؟
وانتا كصاحب قرار ,
هل انت ح تدفع لأمريكا من جيبك ولا من جيب الشعب السوداني ؟
إذا ح تدفع من جيب الشعب السوداني , طيب فرقك شنو من الكيزان اللي
ورطوا السودان في ديون وقروض كتييرة ؟

أمسك تالت نقطة :

ما في زول ب يقول إنو الصفوف بتاعت المعاناة بدت لما الإنقاذ وقعت .
الصفوف بدت في نهايات الإنقاذ .
لكن ح نتفق إنو الشعب السوداني عاش تمنية وعشرين سنة تحت الإنقاذ بدون
صفوف عيش وغاز وبنزين.
في الحقيقة الإنقاذ جات وحلت المشاكل دي بالذاات اللي كانت مستفحلة في
زمن الديقراطية بتاعت الصىادق المهدي.
دي حقيقة ب يعرفوها الناس اللي حضروا الزمان داك .

ف طيب إنتا كصاحب قرار ..
هل غالبك كمان تحل مشاكل الصفوف دي .. ؟
غالبك تحلها حتى بعد سنة ونص من الثورة على الإنقاذ ؟
يعني حتى بداية مع الشعب السوداني زي بداية الإنقاذ ما قادر عليها ؟.
كصاحب قرار , بالله فشل زي ده ب يقول عنك شنو ؟
موش بيقول عنك إنك انتحاري مستعد تقدم رقبتك لأول سكين تخلصك من مسؤولياتك.؟

سيب النقطة التانية وأمسك الأولى .

ياخي بخصوص الوثيقة الدستورية اللي ب تتغير كل شهرين دي ,
أنا هنا عايز أسألك سؤال,

الشيوعيين بقيادة عبدالخالق محجوب قاموا دخلوا في حاجة زي دي مع الجيش وخانهم الجيش,
والإسلاميين بقيادة حسن الترابي قاموا دخلوا في وثيقة مع الجيش وقام الجيش خانهم كمان .

فياخي إنتا كصاحب قرار ..
هل تاني في زول ناضج وواعي ب يتعاقد في وثيقة مع عسكر ؟
ما ب تتعلم اطلاقن من تجارب شعبك ؟,


كسرة

أقرأ الرسالة وما تقتل الرسول ....
__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 23-09-2020 الساعة 10:39 PM
الثلج الساخن غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:30 AM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .