مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: بمناسبة اليوم العالمي للديمقراطية : خمسطاشر سبتمبر (آخر رد :الثلج الساخن)       :: من الفجر الى العصر المقاومة العراقية تزلزل الارض تحت اقدام البريطانيين والامريكان (آخر رد :أقبـــــال)       :: أوقدوا الشموع يا ملائكة (آخر رد :ود الشيخ)       :: احدث انواع وماركات كاميرات المراقبة (آخر رد :مازن محمد خالد)       :: الله اكبر ولله الحمد هجوم للمقاومة العراقية الباسلة على امدادات قوات الاحتلال (آخر رد :أقبـــــال)       :: صاروخين لاثالث لهما سقطا على القوات الامريكية بمحيط مطار بغداد قبل قليل (آخر رد :أقبـــــال)       :: بمناسبة اليوم العالمي لضحايا الإخفاء القسري : تلاتين أغسطس (آخر رد :ود الشيخ)       :: لـن يمـروا -- ارتال القوات الامريكية تحت نيران المقاومة العراقية الباسلة (آخر رد :أقبـــــال)       :: في هجوم جديد .. استهداف ما تسمى المنطقة الخضراء بصاروخي كاتيوشا (آخر رد :أقبـــــال)       :: الجاهل عدو نفسه (آخر رد :زهرة الروض الظليل)      

إضافة رد
 
أدوات الموضوع انواع عرض الموضوع
قديم 17-12-2006, 06:34 PM   #1
vivid
 
تاريخ التسجيل: Jul 2006
الدولة: المملكة العربية السعودية
المشاركات: 174
افتراضي النسوان و مديدة الدخن

كانن مكومات حول صينية القهوة . . ما أحلاهم . . شالوا معاي الهم بالجملة . . و هتفوا . . و هتفت وراهم . . البحر البحر البحر . . و اتمنيت لو كنتوا معاي . . نقطة سطر جديد . . في معرض حديثها مع صويحباتها في تلك الحلقة العامرة . . عن السمنة . . و شبح السمنة . . حاولت محاسن الدبشة الوقوف علي حيلها . . للتعبير عما يجيش به صدرها الرامي العاتي . . لكن ما قدرت تقيف . . حاولت مرة تانية . . هيييييييييع . . برضو مافي فايدة . . دي شنو الورطة دي . . و محاسن العنيدة مصممة علي الوقفان . . عاد يا محاسن ما بسعلك . . نان تقومي كيفن!!! . . الصلب الصلاة علي النبي . . قدر دا . . شايل شيل السبت و الأحد . . و محاسن بالعزيمة و الإصرار . . وقفت . . لكن متنية . . و النسوان المعاها ما بريحن . . قعدن يقولن ليها . . هييييييلة هوب . . هييييييلة هوب . . و هررررردلب . . محاسن تاني وقعت علي مؤخرتها الجبارة . . النساوين . . قرقرقرقر قعدن يضحكن . . و انتهزن فرصت شنقيلة محاسن . . و قعدن يقرصن فيها . . قالت ليهن . . و هي تتسند بي كتف عشة الدلالية . . انتن أقعدن لي كدا للضحك . . إن شاء الله متل دا يقوم ليكن اتنين . . تضحكن؟؟؟ . . إن شاء الله تضحكن بلاهن . . بي بركة سديد الحسن . . و محاسن الزعلانة تمسك فوق كتف عشة الملحم . . محاولة منها للوقف تارة أخرى . . عيلا لكن الصلب داير ليهو ونش (كرين) يرفعوهو بيهو . . و هرررررردلب . . انتي يا محاسن أقعي لي عشة الدلالية في طرفها . . و محاسن الدبشة قنعت من الوقفان . . سرخت فوق النسوان . . ياااااااا نسواااااااااان هووووووي ما تلحقني . . شاحد الله يلحقن عزراييل . . يا نعمات . . يا بلالة . . تعالن لي أرفعني انتن خفيفات . . و نعمات و بلالة الخفيفات فنترب . . يقيفن علي حيلن . . متل الغزلان . . و يجرن لي محاسن و يرفعنها من أباطاتا . . وقفت محاسن . . بي قدرة قادر . . و خاطبت جموع النسوة المتحلقات . . يا نسوان هووووي . . أسمعن و أعن . . انا حالي و حالكن دا ما عاجبني . . و حا ادخل ليكن في صلب الموضوع مباشرة . . وحات نظري يا نسوان . . السمنة الوقعت فوقنا دي . . بتسكنا الآخرة قوام قوام . . نحنا لازم نشوف لينا حل جزري للنصيبة الوقعت فوقنا دي . . و محاسن قالت كدا و مدت . . يدها طويييلة . . و قبضت . . مريم من فقرتها . . و هزتها . . هسي النبي فوقن يا نسوان كدي قولن لي . . جنس دا نوديهو وين . . الربيت دا فايدتو شنو . . غير سجّمنا و رمدنا . . يا كافي البلا رجاجيلنا ديل في البيت كرهو خلقتنا دي . . و صلبتنا ديل غير طعين الحقن ما شايفة ليهن فايدة تاني.

أنا الوقت داك جيت سايق لي ترتار . . كوركت لي النساوين المجمهرة . . يا نسواااااان . . خالتي السعدية قالت ليكن . . جيبن ترامس القهوة نعبيها ليكن تاني . . و محاسن تتلفت وراها . . و تشوفني سايق ترتاري . . و تناديني . . يا فيييييفيييييد . . تعال لي يا وليدي . . قمت جيتها . . ترتاري في يدي . . و أكرف في مخاتي . . محاسن الله يطول عمرها و يمد ايامها . . و يديها الفي مرادها محل ما قبلت . . مسحت لي مخاتي . . و لشقت وشي بي موية . . و مسحتو بي طرف توبها من الغبشة . . و قالت للنساوين المتحلقات . . أها يا نسوان . . شوفن فيفيد دا حلاتو كيفن . . شوفنو ضعيف كيفن . . الله بسعلكن . . في زييييو . . صيييييييييدا يا نسوان صيييييييييدا . . يا الشول صنيتي و اتبلمتي كدا مالك. . كان عندك كليمة قوليها . . كلتوم البوم . . من قبيل ما كنتي بتتفاصحي . . مالك كضمتي . . و انا يا نساوين هوووووي . . و الله متنضرة و متقسمة . . وليداتي ديل كان أربيهن علي الضعفة . . دايرة ليهن ضعفة متل ضعفة فيفيد دا . . الله يقطع السمنة و سنين السمنة . . الشول جرتني من يدي و وقفتني في نص الحلقة . . و ختت أصابعينها في خشمها و صفقت و صفرت صفارة زات أيقاع سباعي . . و سرخت فوق النساوين . . يا نسوان . . دي الضعفة المثالية . . دي البنكوس ليها . . شايلات دششتكن المتل اسنام البعير دي . . المفروض تكون الواحدة مننا ذي فيفيد دا . . و نطت سعاد صاحبة الخلفية المبهولة . . و ضربتني في صلبي . . و قالت . . يا فيفيد . . أجري أجري شيل ترتارك دا ألعب بيهو بعيد . . النساوين العجاز ديل . . بسحرنك.

و تقعد محاسن . . و تقوم الشول . . و تدلو بدلوها في موضوع السمنة . . و تقول . . يا نساوين . . انتن عارفات . . انو الواحدة فينا ما بتسمن عيلا بعد يطهروها . . الطهور دا التقول قاعدين يعملوا لينا فوقو سماد . . و الواحدة من يوم يطهروها تتنفخ و تدردم . . و كان طهروها و ما بقت سمينة . . تاني ما بتسمن عيلا بعد العرس . . العرس دا . . هو الدوامة الخترية . . الواحدة فينا تتربع و تتكوم بعدو طوالي . . و تسرخ فيها كلتوم من بعيد . . يا الشول هوي . . بطلي فصاحتك دي . . انتي سمنتي بعد الطهور . . و اتكومتي بعد العرس . . هسي الرسول فوقك شوفي جنس الشخت الواقع فوقك دا.
و تجلس الشول و تقيف سعاد . . و تقول سعاد . . لازم يا نسوان . . نضع جدول مكافحة للنصيبة دي . . أولا . . نحنا نمتنع من أكل المدايد . . خسوساً مديدة الحلبة . . و مديدة الدخن . . الدخن دا بالذات يا نسوان . . أختنوا كدا و الا كدا . . تاني شي ناكل وجبة واحد في اليوم و يكون أكل مسلوق . . و تالت شي . . نعمل برنامج جكة صباحية.

و تجلس سعاد . . بعد موجة من التصفيق . . و كلمات الاستحسان.

و خالتي السعدية . . تجيهم من بعيد و تكورك ليهن . . يا نسوان هوووووي . . ألكعن . . ألكعن . . المديدة جهزتها ليكن . . ألكعن قبل كلب فيفيد . . يدخل فيها خشيمو.

و أنا شايل ترتاري . . ما حسيت بي روحي . . عيلا و الشول فاشقاني في صفحتها . . و جارية بي لي مديدة خالتي السعدية . . و بي وراي سامع صوت كرعين نساء حلقة القهوة و هن يسرعن للمديدة . . يسون دل دل . . دل دل . . دل دل.


و برضو ما أحلاهم

التعديل الأخير تم بواسطة vivid ; 17-12-2006 الساعة 06:43 PM

vivid غير متواجد حالياً   رد مع اقتباس
قديم 18-12-2006, 06:16 PM   #2
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

فيفيد
كل سنة وانت طيب
قالوا بتجهز فى الشربوت
تسلم يا رائع
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
قديم 19-12-2006, 06:18 PM   #3
vivid
 
تاريخ التسجيل: Jul 2006
الدولة: المملكة العربية السعودية
المشاركات: 174
افتراضي

اقتباس:
المشاركة الأصلية كتبت بواسطة فداء مشاهدة المشاركة
فيفيد
كل سنة وانت طيب
قالوا بتجهز فى الشربوت
تسلم يا رائع


الشربوت قاعدة تجهز لي فيهو جارتي في السعودية

ريدة كدا لي وجه الله

أنا غايتو ما عارف النسوان الكبار ديل بريدني كدا لي شنو

لكن بعرف بعد أشرب الشربوت

انتظروني جاييكم مع لحمة الضحية
vivid غير متواجد حالياً   رد مع اقتباس
قديم 14-05-2007, 10:23 AM   #4
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 27
افتراضي

vivid

وين انت يا حبيبي ليك مده ما بنت
ومن فرط اشتياقنا ليك
ودالشيخ غير متواجد حالياً   رد مع اقتباس
قديم 14-05-2007, 11:47 AM   #5
إنعام
 
الصورة الرمزية إنعام
 
تاريخ التسجيل: Nov 2006
المشاركات: 11,372
افتراضي

فيفيد دا واحة المنبر ...
لو سمحت تسجيل حضور هنا ..
__________________
كان الزول اباك من غير سبب ماتسكو امسح اسمو من خارطة ضميرك حكو جامل البجاملك
والبسكك سكو وحب البحبك والبدكك دكو ...
إنعام غير متواجد حالياً   رد مع اقتباس
قديم 16-07-2007, 11:32 AM   #6
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 27
افتراضي

جيوبوا لينا فيفد ده يا ناس السعودية
ودالشيخ غير متواجد حالياً   رد مع اقتباس
قديم 01-09-2010, 11:19 PM   #7
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 27
افتراضي

اقتباس:
عاد يا محاسن ما بسعلك


تعرف يا فيفد محاسن دي تطير لا حنتا شالت
ولا قادرة تقيف شنو هو
حنة محاسن الما شالت ( 1 2 3 ... الصفحة الأخيرة)
أبو بشرى
__________________
متفائل بأمل جديد
ودالشيخ غير متواجد حالياً   رد مع اقتباس
قديم 01-09-2010, 11:58 PM   #8
تــــابط شيئا
 
تاريخ التسجيل: Aug 2010
المشاركات: 41
افتراضي

ففيدا
سلام صيامي كده
انت يا اخوي فى عريس معاك ولاشنو
تــــابط شيئا غير متواجد حالياً   رد مع اقتباس
قديم 04-04-2020, 08:21 PM   #9
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,938
افتراضي رد: النسوان و مديدة الدخن

اب عن جد والى العلا يحفد
ذكرى عطرة وبوست يحمد
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أطلقوا سراح علم الدين عبد الغني حاج سابل عزالدين حسون منبر الأعضاء الـحــــر 7 29-09-2007 12:28 PM
إهداء لبهاء الدين سنار ودالزين منبر الأعضاء الـحــــر 4 17-07-2007 03:03 PM
اريحيات الطيب صالح .... او.. د. غازى صلاح الدين اديبا وليم والاس منتدى الأدب والشعر والنثر 0 27-06-2007 11:12 AM
اخي الامدرماني الاصيل ,, علاء الدين وديدي الصفر البارد منبر الأعضاء الـحــــر 0 10-05-2007 12:29 AM
أدب النفس - للعلامة الشيخ جمال الدين القاسمي -رحمه الله- ابوعبدالرحمن المنبر الديني 0 28-11-2006 12:53 AM


الساعة الآن 11:18 AM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .