مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: شهر مجّاني عند الاشتراك في تطبيق Jawwy TV (آخر رد :بنت الخرطوم)       :: قوانين الغباء .....لماذا وكيف يصنع الأغبياء (آخر رد :زهرة الروض الظليل)       :: البيانات مضاعفة ومعها خصم 20% من stc (آخر رد :بنت الخرطوم)       :: بمناسبة اليوم العالمي للإحتفال بالآباء والأمهات : واحد يونيو (آخر رد :نادر ليمونه)       :: خصم 20% على باقات بيتي 5G اللامحدودة مع راوتر مجّاني (آخر رد :بنت الخرطوم)       :: اليوم العالمي لتكريم حراس السلام : تسعة وعشرين مايو (آخر رد :الثلج الساخن)       :: الجمل بمشي كيف؟ (آخر رد :محسن الفكي)       :: انترنت Stc بدون سياسة الاستخدام العادل مع خصم 20% (آخر رد :بنت الخرطوم)       :: هل تعلم ............... (آخر رد :نادر ليمونه)       :: نكات العيد السعيد ... تضحك ولا ما تضحك .. بظروفك (آخر رد :نادر ليمونه)      

إضافة رد
 
أدوات الموضوع انواع عرض الموضوع
قديم 14-04-2007, 06:58 PM   #1
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي ندعم فكرة قوات دولية

هذا ما جاء علي لسان نقروبونتي في زيارته للخرطوم وعلي ماذا يستند الامريكيي هذا
هل علي نجاحهم في فيتنام
ام هل علي ما فعلوه في بنما
أمهل يا تري علي جميل صنيعهم في الصومال
ولربما علي ما حققوم من انجاز في البوسنة والهرسك
بل أعتقد علي حمايتهم للعالم من الافغان
أجزم انه علي الديمقراطية التي جاءوا بها الي العراق

الم يراجع التاريخ قبل ان ياتي
ام انها قوة القطب الواحد

حسبنا الله ونعم الوكييييييل

ودمتم..
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...

انا البحر غير متواجد حالياً   رد مع اقتباس
قديم 14-04-2007, 07:30 PM   #2
Man_With_Vision
 
الصورة الرمزية Man_With_Vision
 
تاريخ التسجيل: Aug 2005
الدولة: UAE
المشاركات: 322
افتراضي

سلام يا بحر....
الإداره الأمريكية الحالية عندها مخططات لتقسيم السودان وهي تسعى لتحقيقها كلما حانت لها الفرصة... بالأمس كانت تدعم المعارضه و الحركة الشعبيه و الاَن تريد ان تتدخل من بوابة دارفور... و للأسف نحن ما زلنا لا نعتبر.
__________________
إتق الله حيثما كنت واتبع السيئة الحسنة تمحها و خالق الناس بخلق حسن.
Man_With_Vision غير متواجد حالياً   رد مع اقتباس
قديم 15-04-2007, 06:23 PM   #3
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي

يا مان
اين تكمن المشكلة هل في تعامل الادارة الامريكية معنا او في تعاملنا مع الادارة الامريكية ؟؟؟
سؤال مهم ليه ؟
لانوا الادارة الامريكية تعمل وفق مؤسسات بحوث وايضا مراكز ضغط تعمل علي تعديل او التاثير علي السياسة الاخارجية والخارجية فقط للادارة الامريكية اذ ان السياسة الداخلية تكاد تتشابه بين ادارة واخري.
ولكن مشكلتنا في تعاملنا نحن وفق ماذا ننطلق في تعاملنا مع الادارة الامريكية من منظور مصالح السودان العليا ام من منظور ديني ام من منظور شخصي او حزبي واين مراكز البحوث التي تعين صانع القرار .
كل هذا يجب ان يرد عليه قبل ان نعرف الاجابة
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...
انا البحر غير متواجد حالياً   رد مع اقتباس
قديم 16-04-2007, 12:58 PM   #4
المكاشفي
 
الصورة الرمزية المكاشفي
 
تاريخ التسجيل: Apr 2005
الدولة: الخرطوم
المشاركات: 3,401
افتراضي

اقتباس:
المشاركة الأصلية كتبت بواسطة انا البحر مشاهدة المشاركة
ولكن مشكلتنا في تعاملنا نحن وفق ماذا ننطلق في تعاملنا مع الادارة الامريكية من منظور مصالح السودان العليا ام من منظور ديني ام من منظور شخصي او حزبي واين مراكز البحوث التي تعين صانع القرار .
كل هذا يجب ان يرد عليه قبل ان نعرف الاجابة
الأخ انا البحر لا اعتقد ان للولايات المتحده استراتيجيه خاصة للسودان او تمزيقه بالضبط امريكا لها استراتيجيه واضحه لكل إفريقيا والسودان جزء مهم في افريقيا وباعتبار انه قد يكون موقعه المحوري لدول مجموعنه التي تضم السودان واثيويبا وارتريا وتشاد وافريقيا الوسطي ويجب ان تكون هنا دولة محور واعتقد ان السودان هو هذه الدولة المختاره التي تعول عليها الأدارة الامريكية في تنفيذ هذه الاستراتيجية التي تنبني علي مصالحها في افريقيا لذا يجب ان يكون السودان بن وحليف مطيع لدي امريكا لتنفيذ رغباتها وهذا هو سبب مشكلتنا اننا في السودان لا نرضي ان نكون يدا لأمريكا في تنفيذ مخططاتها وأجندتها في المنطقة .
__________________
بسم الله الرحمن الرحيم
أَتَى أَمْرُ اللَّهِ فَلا تَسْتَعْجِلُوهُ سُبْحَانَهُ وَتَعَالَى عَمَّا يُشْرِكُونَ
صدق الله العظيم
المكاشفي غير متواجد حالياً   رد مع اقتباس
قديم 16-04-2007, 02:38 PM   #5
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي

الاخ المكاشفي تحية
سؤالي مش احسن نكون نحنا اليد الطولي في المنطقة لغاية ما نمشي شوية لي قدام وبعدين نقول لا نلعب سياسة بالعربي ولا يبقاغيرنا وندفع في الاثمان.

ودمتم..
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...
انا البحر غير متواجد حالياً   رد مع اقتباس
قديم 22-04-2007, 04:54 PM   #6
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي

يا مكاشفي يعني ما رديت علينا
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...
انا البحر غير متواجد حالياً   رد مع اقتباس
قديم 22-04-2007, 05:32 PM   #7
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

اقتباس:
المشاركة الأصلية كتبت بواسطة انا البحر مشاهدة المشاركة
يا مان
اين تكمن المشكلة هل في تعامل الادارة الامريكية معنا او في تعاملنا مع الادارة الامريكية ؟؟؟
سؤال وجيه

اقتباس:
المشاركة الأصلية كتبت بواسطة انا البحر مشاهدة المشاركة
لانوا الادارة الامريكية تعمل وفق مؤسسات بحوث وايضا مراكز ضغط .
يعني ما شغالين هبتلي سااااكت

اقتباس:
المشاركة الأصلية كتبت بواسطة انا البحر مشاهدة المشاركة
ولكن مشكلتنا في تعاملنا نحن وفق ماذا ننطلق في تعاملنا مع الادارة الامريكية من منظور مصالح السودان العليا ام من منظور ديني ام من منظور شخصي او حزبي
من منطلق امريكا روسيا قد دنا عذابها (والكورة واطة والضرب زوي والخاين الله يخونه)

اقتباس:
المشاركة الأصلية كتبت بواسطة انا البحر مشاهدة المشاركة
واين مراكز البحوث التي تعين صانع القرار .
هبتلي ساااااااااااكت
اقتباس:
المشاركة الأصلية كتبت بواسطة انا البحر مشاهدة المشاركة
يا مكاشفي يعني ما رديت علينا.
مكاشفي شنو البيرد على الكلام المدروس دا!!! دا اديه (الإمبريالية والصهيونية والعمالة والإستهداف واليد الطولى ) فرمالات معينة بيقولها في اي مداخلة!!!

تعقيبا على كلامك قال احد الحكماء (معرفة العدو وعدم التقليل من حجم إمكانياته وتكتيكه وأسلوب تفكيره هي الفيصل الذي يحدد مسار المعركة ويحسم لحد كبير إتجاه الحرب)
احد الحكماء دا انا بالمناسبة!!
__________________
Do not take it personally
Talal غير متواجد حالياً   رد مع اقتباس
قديم 22-04-2007, 06:25 PM   #8
المكاشفي
 
الصورة الرمزية المكاشفي
 
تاريخ التسجيل: Apr 2005
الدولة: الخرطوم
المشاركات: 3,401
افتراضي

الأخ انا البحر بجيك راجع للموضوع بس عن أذنك شايف الزول ده جاب سيرتي
شوف يا طلال انت عايز تصل لشنو بالظبط بعدين انت الماعندك فرمالات ورينا طرحك وموضوعيتك وانسي الباقي ونصيحه ليك احسن تخلي عندك شوية زوق وادب واتكلم في حدود المعقول فالسماحة مطلوبة خاصة وانك زول بتعمل زي ما قلت في مجال (انساني) احترم نفسك علي الاقل وما تحاول تقلل من قيمة البشر . وانا شايفك شغال سك سك زي ما قلت ليك قبل كده (دي بسموها شنو ) وعامل الحكاية اغلبني واغلبك ولو فاكر انك في يوم بتغلبني بي قلة ألادب اها من اسي مبروووك عليك ، ولو داير اي حاجه غير كده انا لها ومعاك للاخر بس خليك راجل وقول بالواضح كده وخلي الغتغته بتاعة الكلام البتعمل فوقها دي . تعال تاني قول لي شنو ؟ ومنو ؟ ومضض ؟ وكلامك الفارغ ده تاني
__________________
بسم الله الرحمن الرحيم
أَتَى أَمْرُ اللَّهِ فَلا تَسْتَعْجِلُوهُ سُبْحَانَهُ وَتَعَالَى عَمَّا يُشْرِكُونَ
صدق الله العظيم
المكاشفي غير متواجد حالياً   رد مع اقتباس
قديم 23-04-2007, 11:06 AM   #9
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

اقتباس:
المشاركة الأصلية كتبت بواسطة المكاشفي مشاهدة المشاركة
ونصيحه ليك احسن تخلي عندك شوية زوق وادب
زوق ممكن لكن أدب؟؟؟ الله أعلم (كدي شوف أدبك ولو دايرني أبقى زيك!!! مستحيييييييل. أنا ود ناس)
اقتباس:
المشاركة الأصلية كتبت بواسطة المكاشفي مشاهدة المشاركة
واتكلم في حدود المعقول فالسماحة مطلوبة
حااااااااااااااااضر (إحترم عقولنا ووالله تلقى مني كل المعقولية والسماحة
اقتباس:
المشاركة الأصلية كتبت بواسطة المكاشفي مشاهدة المشاركة
احترم نفسك علي الاقل وما تحاول تقلل من قيمة البشر
والله نفسي محترمها تماماً وواثق من كدة (ما بسمح ليك تتكلم في الحتة دي خالص) اما تقليل قيمة البشر فليس في نيتي إطلاقاً (لو جاك إحساس زي دا انا آسف )
اقتباس:
المشاركة الأصلية كتبت بواسطة المكاشفي مشاهدة المشاركة
ولو فاكر انك في يوم بتغلبني بي قلة ألادب اها من اسي مبروووك عليك
الله يبارك فيك (لكن مستحيل لأني ود ناس)
اقتباس:
المشاركة الأصلية كتبت بواسطة المكاشفي مشاهدة المشاركة
ولو داير اي حاجه غير كده انا لها ومعاك للاخر.
حاجة تانية زي شنو؟؟؟؟؟
اقتباس:
المشاركة الأصلية كتبت بواسطة المكاشفي مشاهدة المشاركة
بس خليك راجل وقول بالواضح كده وخلي الغتغته بتاعة الكلام البتعمل فوقها دي
انا ما قاعد اغتغت أي حاجة (بالمناسبة ما عارف علاقة الكلام دا بالرجالة شنو؟)
اقتباس:
المشاركة الأصلية كتبت بواسطة المكاشفي مشاهدة المشاركة
تعال تاني قول لي شنو ؟ ومنو ؟ ومضض ؟ وكلامك الفارغ ده تاني
جيتك تاني : شنو ومنو ومضض وكلامي الفارغ أها تاني!!!!
__________________
Do not take it personally
Talal غير متواجد حالياً   رد مع اقتباس
قديم 23-04-2007, 01:37 PM   #10
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي

الاخ طلال
انا داير رد مش كلام شعارات تحاول تسيف بيها الموضوع مافي دولة بتشتغل هبتلي ساكت دا كلام.
ومراكز البحوث الفي ام ريكا ما طوالي بياخذوا بي رايه ولا ما كان احداث العراق من البداية في لوبيهات برضوا خليك شوية منطقي في ردودك..
ودمتم..
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...
انا البحر غير متواجد حالياً   رد مع اقتباس
قديم 23-04-2007, 03:00 PM   #11
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

يا خوي أسئلتك دي الردود عليها إلا شعارات وأقوال حكماء
لأني إطلاقاً لست في موقع يعلم الإجابات لمثل هذه الأسئلة !!
أولاً وأخيراً : امريكا ليست قدوة لي لكي استمد ردودي وتجاربي منها
كدة منطقي ؟؟
__________________
Do not take it personally
Talal غير متواجد حالياً   رد مع اقتباس
قديم 25-04-2007, 05:39 PM   #12
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي

الاخ طلال
ما تزعل المثل بيقول الحكمة ضالة المؤمن اين وجدخا أخذها
ونحن العلم ممكن ناخذوا من اي حته .
والحقيقة ان امريكيا في المدنية وحقوق المواطن يمكن تكون ملتزمين أكثر من المسلمين معرفة العمل وقيمته والمحافظة علي الوقت دي كلها قيم حتي اذا امريكيا ما قدوتنا لازم نأخذ بيها ونترك السالب لديهم .
امريكا اهلها بيفتخروا انهم بدؤا من حيث انتها الاخرون ف نحنا ممكن نتعاهد ونبدأ من جدييييييييد

ودمتم.
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...
انا البحر غير متواجد حالياً   رد مع اقتباس
قديم 25-04-2007, 08:59 PM   #13
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

اقتباس:
المشاركة الأصلية كتبت بواسطة انا البحر مشاهدة المشاركة
الاخ طلال ما تزعل .
انا ما زعلان ولا في حاجة بتخليني أزعل!!
لاحظ إجابتك على مداخلتي
اقتباس:
المشاركة الأصلية كتبت بواسطة انا البحر مشاهدة المشاركة
الاخ طلال
انا داير رد مش كلام شعارات تحاول تسيف بيها الموضوع
.
وبرضو ما زعلت!!
المهم انه زي ما حانستفيد من أمريكا -زي ما قلت إنت- يكون عندنا قدرة نتحمل آراء بعض!!!

تخريمة:
ما تزعل دي بقت موضة
__________________
Do not take it personally
Talal غير متواجد حالياً   رد مع اقتباس
قديم 26-04-2007, 01:22 AM   #14
ود مسمار
 
الصورة الرمزية ود مسمار
 
تاريخ التسجيل: Aug 2005
المشاركات: 2,926
افتراضي

لاخوان المكاشفي وطلال ..
الرجاء ان لا ينحو حديثما منحا شخصيا ...

طلال ما عاجباه الحكومة وده رايو وعلينا احترامه
المكاشفي معجب للطيش بالحكومة وبرضو ده رايو ويجب ان نحترمه ..

اتمني ان نصل الي منطقة وسطي ...
وهي النقطة التي فشل السودانيون جميعا في الوصول اليها حتي الان
ود مسمار غير متواجد حالياً   رد مع اقتباس
قديم 26-04-2007, 10:58 AM   #15
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

ود مسمار:
شكراً لجهود الوساطة!!! (أبوجا2)
تعديل بسيط (انا مش ما عاجباني الحكومة مطلقاً) لأنه الرفض المطلق لشئ فيه نوع من الجهل( وكذلك الإعجاب المطلق بالشئ) لأن النقاش والرؤية للعالم لن تكون محايدة في الحالتين أنا أحب أن أرى الأشياء كما هي وأن أعطيها أسماءها الحقيقية ليسهل إستيعاب المشكلة بحجمها الحقيقي وبالتالي التعامل معها كما يجب.
اما من ناحية أخد الموضوع شخصي (أنا عندي إعتراف كبيييييييييييييير في البوست التاني أني ما ماخد حاجة شخصية) رغم السباب الأتوجه لي.
النفاش رأس قصاد رأس وفكرة قصاد فكرة

سلام
__________________
Do not take it personally
Talal غير متواجد حالياً   رد مع اقتباس
قديم 26-04-2007, 11:20 AM   #16
يسرا مصطفى
 
الصورة الرمزية يسرا مصطفى
 
تاريخ التسجيل: Nov 2006
المشاركات: 7,669
إرسال رسالة عبر ICQ إلى يسرا مصطفى إرسال رسالة عبر AIM إلى يسرا مصطفى إرسال رسالة عبر Yahoo إلى يسرا مصطفى
افتراضي

اقتباس:
المشاركة الأصلية كتبت بواسطة Man_With_Vision مشاهدة المشاركة
سلام يا بحر....
الإداره الأمريكية الحالية عندها مخططات لتقسيم السودان وهي تسعى لتحقيقها كلما حانت لها الفرصة... بالأمس كانت تدعم المعارضه و الحركة الشعبيه و الاَن تريد ان تتدخل من بوابة دارفور... و للأسف نحن ما زلنا لا نعتبر.
اختلف معاك خاااالص الادارة الامريكية حريصه كل الحرص علي السودان الموحد لانها تريد سودان موحد ليسهل عليها سياستها في التدخل

ودي وتقديري
يسرا
__________________
انا امراة لاتنحنى كى تلتقط ماسقط من عينيها
يسرا مصطفى غير متواجد حالياً   رد مع اقتباس
قديم 26-04-2007, 11:29 AM   #17
إنعام
 
الصورة الرمزية إنعام
 
تاريخ التسجيل: Nov 2006
المشاركات: 11,372
افتراضي

اقتباس:
اختلف معاك خاااالص الادارة الامريكية حريصه كل الحرص علي السودان الموحد لانها تريد سودان موحد ليسهل عليها سياستها في التدخل
الاخت يسرا
تحياتى
امريكا متى تريد الوحدة للسودان ؟ والله أول مرة أسمع بالكلام دا ...
__________________
كان الزول اباك من غير سبب ماتسكو امسح اسمو من خارطة ضميرك حكو جامل البجاملك
والبسكك سكو وحب البحبك والبدكك دكو ...
إنعام غير متواجد حالياً   رد مع اقتباس
قديم 26-04-2007, 03:23 PM   #18
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي

الكلام دا ممكن لانوا الادراة الامريكية حرصة كل الحرص علي جمع الحكومة والتمرد في الجنوب ودا يدل علي انها تريد وحدة السودان ولكن السؤال المهم لييييييييييييييييييييييييييييييه.

ودمتم أعزائي..
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...
انا البحر غير متواجد حالياً   رد مع اقتباس
قديم 26-04-2007, 03:37 PM   #19
يسرا مصطفى
 
الصورة الرمزية يسرا مصطفى
 
تاريخ التسجيل: Nov 2006
المشاركات: 7,669
إرسال رسالة عبر ICQ إلى يسرا مصطفى إرسال رسالة عبر AIM إلى يسرا مصطفى إرسال رسالة عبر Yahoo إلى يسرا مصطفى
افتراضي

اقتباس:
المشاركة الأصلية كتبت بواسطة انا البحر مشاهدة المشاركة
الكلام دا ممكن لانوا الادراة الامريكية حرصة كل الحرص علي جمع الحكومة والتمرد في الجنوب ودا يدل علي انها تريد وحدة السودان ولكن السؤال المهم لييييييييييييييييييييييييييييييه.

ودمتم أعزائي..

لانو امركيا عايزه سودان موحد وما من مصلحتها خااالص السودان يتفكك عشان ماتسهل عليها التدخل
ودي وتقديري
يسرا
__________________
انا امراة لاتنحنى كى تلتقط ماسقط من عينيها
يسرا مصطفى غير متواجد حالياً   رد مع اقتباس
قديم 27-04-2007, 02:15 PM   #20
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي

ممكن لما تكون الادارة واحدة تسهل عليها تمرير الرسائل والمطلوبات لكن هذا ليس الهدف في نظري فالسياسة الامريكية أكثر تعقيدا بعد ما بدء بوش عربه الصليبية علي العالم الاسلامي .
اعتقد هو تفكيك السودان من الداخل بعد تقوية الشريك الجنوبي في الجنوب وعلمنة الاقليم الجنوبي والتدخل الكنسي السافر في بعض اقاليم دارفور دارفور القرآن .
وبذلك تتم محاصرة الاسلام ومنع تمدده الي داخل افريقيا.
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...
انا البحر غير متواجد حالياً   رد مع اقتباس
قديم 29-04-2007, 04:26 PM   #21
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

اقتباس:
المشاركة الأصلية كتبت بواسطة انا البحر مشاهدة المشاركة
التدخل الكنسي السافر في بعض اقاليم دارفور دارفور القرآن .
وبذلك تتم محاصرة الاسلام ومنع تمدده الي داخل افريقيا.
أنا بس كان فهمت التدخل الكنسي السافر والتبشير ديل وين في دارفور برتاح
الحكومة إسلامية: وهي المتحكم الأول والأخير في الجهات التي تعمل في دارفور (سافر دي يعني واضح مش؟) طيب كيف تسمح به الحكومة (دا تقليل من شأن الحكومة).
الحركات المسلحة : هي مسلمة لأنها نشأت من دارفور القرآن (القلتها دي) يعني برضو ما بيسمحوا بأنشطة تبشيرية في اوساطهم.
الإسلام دا ما هش لدرجة يتغير بأنشطة تبشيرية وهمية غير موجودة (على حد علمي) أو بحلاوة ما سمعنا بيها قبل كدة (تلاتة سنين في دارفور) سنة كموظف حكومي وسنتين كموظف أمم متحدة ما لاقتني الحلاوة دي.
يا أخواننا الكورة لامن تغلبنا ما نقعد نكورك التحكيم فاشل
أو نصنع طواحين وهمية ونصارعها
المشكلة نتعامل معاها كما هي ويكون عندنا القدرة البنعترف بيها بأخطاءنا ونتحمل نتائجها!!!!
__________________
Do not take it personally
Talal غير متواجد حالياً   رد مع اقتباس
قديم 29-04-2007, 06:25 PM   #22
انا البحر
 
الصورة الرمزية انا البحر
 
تاريخ التسجيل: Feb 2007
الدولة: سودان
المشاركات: 1,410
افتراضي

أخي طلال
رخم كلامك وخبرتك كموظف حكومي وبرضوا شغال في الامم المتحدة أستميحك عذرا
كونوا ما لاقوك ما بينفي ذلك وجودهم .
دي واحدة
وبعدين ما كلنا مصادرنا الجرايد
عندنا ناس مشوا دارفور وعارفين الناس بيعملوا في شنوا
وقبل ما اقول ليك أنا جبتا كلامي من وين
رخم وجود الاسلام والحركات مسلمة ماضروري يحاربه أجنبي
دي تانية
يعني تركية دولة أسلامية هل العلمانية ودعاتها في تركيا مسحيين ودي واحدة من المشاكل برضوا لانها ماقادرة تخرج من هويتها الاسلامية كي يسمح لها الاتحاد الاوروبي بعضويته وما المماطله الا لان علي راس السلطة الحالية حزب أسلامي أتت به ديمقراطيتهم اليه,
وانا كنتا قاعد مع واحد من أحدي المنظمات المدنية المنطمة سودانية عاملة في جنوب دارفور وكان بيحكي عن دخولهم لبعض القري ووجدوا بيها كنائس مبنية بناية كويسة في حين ان مسجدها من القش والسعف .
وكان يناشد الناس للتبرع بمايستيعون ملابس مواد عينية لان الحملة شرسة وقال دايرين كتب ومصاحف ومدرسين لانهم بيستهدفوا قري نائية في عملهم .
الكلام دا في الجامع مسجد ابو بكر الصديق ببحري ومكن تسال حتي وزع للناس طرق الدعم لايصاله للمحتاجين ومحاربة هذه المنظمات بالدعم المعاكس .
وبعدين منو القال ليك الاسلام هش؟
الهشيييييييييين نحنا يا شاب الناس ما الاسلام وهذا مربط الفرس .
وبرضوا كلامك علي الراس والعين
وجهة نظر

ودمتم أعزائي
__________________
راقِبْ أفكارَكَ لأنها ستُصبِحُ أفعَالاً...
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...
انا البحر غير متواجد حالياً   رد مع اقتباس
قديم 29-04-2007, 08:29 PM   #23
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

تصحيح صغير يا الأخو
جنوب دارفور دي فيها كنسيتين ولا تلاتة بس وهنا في نيالا!!!
قرية شنو دي الفيها كنيسة سمحة وجامع شين؟ (وين بالضبط؟؟)
وبعدين الدرب ما يروح في الموية تركيا علمانية ودا تبشير البتتكلم عنه والفرق كبير.
الحلاوة دي انا بجزم ليك ما فيشة.....
انا ما قلت ليك مصادرك جرايد (كلكم دي قاصد معاك منو؟) انا بتكلم من واقع شايفه ومعايشو هنا
__________________
Do not take it personally
Talal غير متواجد حالياً   رد مع اقتباس
قديم 29-04-2007, 09:45 PM   #24
ابو طلال
 
الصورة الرمزية ابو طلال
 
تاريخ التسجيل: Dec 2006
الدولة: الرياض
المشاركات: 2,160
افتراضي

الأخ انا البحــر

ســـلام وتحيــة

مســــألة التبشــير... ونظــرية فــرق تســـد وهلمــو جــرا... أصبــحت مــن الوســائل التــقليدية فــي الســياســة الأمـريكيــة لفــرض هيمنــتها وبســط نــفوذها... يعنــي مــن زمــن البــندقيــة أبــو عشــرة ومدفــع الدلاقيــن أصبحــت الآن بالمتــاحف للذكــرة والتــاريخ...
النظــريــات الآن تغيــرت تطــورت وتعـولمــت وبــقت تبنــى علــى دراســات اســتراتيجيــة تحليليـــة دقيقـــة تمكنــها مــن الوصــول إلــى أهــدافهــا مــن خــلال تحليــلات اجتمــاعية وســياســية وعســكرية ونفســية وجغــرافيــة وســـكانية وجيلــوجيــة... وتغطيــة كــافــة الجـوانــب حتــى تصــل لنــقاط الضعــف التــي تتمكــن مـن خــلالها الدخــول... يعنــي تركــب معــاك المـوجــة وتقــربـك منهــا فــي محاولــة لكســب جــانبك حتــى ترضــى وترضــخ لهــا... وان ابيــت تــكون وصلــت معــاك نــص البــحر محــل غــريــق تغطــس حجــرك... ولــو نظــرنـا إلــى العــراق ومــا قــامت بــه تجـــاه الرئيــس صــدام حســين (المســـلم) نجــدها ركبــت معــه ودعمتــه فــي حــربــه مـــع إيــران حتــى اســـتنفذت منــه أغــراضها ثــم قلبــت عليـــه... وكذلــك مــا قـــامت بــه وقــدمته تجــاه أســامة بــن الادن (المســلم) صنعــت منـــه قـــوة ضـــاربة لمواجهــة الاتحــاد الســوفيتي مــع أفغانســتان... وبعــد انتهــاء الأمــر صــار الآن مطلــوبــاً مــن قبـــلها...
لذلـــك صـــار الأمريكــان لا ينظــرون ان كنــت مســلماً و غيــر مســـلماً... بــل ينظــرون إلــى أيــن نقـــاط الضعــف موجــودة وكيـــف يســتغلونها لمصــلحتهم... يعنــي إذا كنــت مســلماً يمشــون بجــوار اســلامك... وإذا كنــت خــلاف ذلــك تجــدهم أيضــاً يمشــون إلــى جــوارك وينتظــرون عثــراتـك...

مــع كــل الـــود،،،
ابو طلال غير متواجد حالياً   رد مع اقتباس
قديم 30-04-2007, 01:33 PM   #25
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

ما قلنا يا اخواننا النغمة بتاعة (التحكيم فاشل) ناس الهلال والمريخ إكتشفوا أنها بقت ما بتخدر الجماهير وشدَوا حيلهم وبقوا يغلبوا.
يبقى النغمة بتاعة (الإمبريالية والصهيونية وإستهداف الإسلام والسودان دولة محورية) بقت عند الجمهور زي (التحكيم فاشل) وفقدت معناها . حقو نشد حيلنا ونخت الكورة واطاة ونكرب نصَنا ونلحق العالم , ما في زول واقف راجينا ولا في فاول حايدونا ليه الحكام ضد أمريكا وما حانكسب الشكوى كان خسرنا المباراة!!!
__________________
Do not take it personally
Talal غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اذا كان كرهي للانقاذ جريمة فليشهد التاريخ اني مجرم الرائد جلال البدوي ابو حراز منبر الأعضاء الـحــــر 4 17-12-2018 01:35 PM
حمله وليد دارفور فى المملكه المتحده-لندن sawra منبر الأعضاء الـحــــر 26 12-07-2007 05:12 AM
قوات دولية قوات مختلطة مافي قوات الحالة واحدة انا البحر منبر الأعضاء الـحــــر 10 29-04-2007 11:21 AM
هل تعتقد بأن نشر قوات دوليه بدارفور قد يحقق السلام؟؟؟؟؟ عبد الحفيظ الحاج منبر الأعضاء الـحــــر 9 11-01-2007 11:46 AM
التوم النور دلدوم يقول: الحركة تريدنا في الصفوف الخلفية لتقضي علينا زائر المــقــالات 0 26-12-2006 05:11 PM


الساعة الآن 03:40 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .