مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: مانريـد الخبز والمـاي بس سالم ابو عــداي (آخر رد :أقبـــــال)       :: افضل انظمة انذار ضد الحريق (آخر رد :مازن محمد خالد)       :: افضل العروض علي اسعار كاميرات المراقبة (آخر رد :مازن محمد خالد)       :: الله اكبر ولله الحمد، حالات الإنتحار في الجيش الأمريكي تفوق قتلى المعارك (آخر رد :أقبـــــال)       :: اليوم انتصفت فيه العرب من العجم على ايدي ثوارالعراق -هنا نستقبل التهاني (آخر رد :أقبـــــال)       :: احدث سنترالات باناسونيك (آخر رد :مازن محمد خالد)       :: الدفاع الأمريكية: القوات المنسحبة من سوريا الى العراق ستعود الى امريكا (آخر رد :أقبـــــال)       :: وأمـا بنعمة ربك فحـدث (آخر رد :أقبـــــال)       :: من هنا مرّ الأتراك (آخر رد :محسن الفكي)       :: اللي يرش ايران بالمي ترشه بالدم -- والدليل القناصه (آخر رد :أقبـــــال)      

إضافة رد
 
أدوات الموضوع انواع عرض الموضوع
قديم 06-08-2014, 03:00 PM   #1
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي النقش على خفق المســام .. حبيبتي الســــــمراء

النقش على خفق المســام .. إلي حبيبتي الســــــمراء

بُــكائــيات الحـــبوب

حبيبتي السمراء
إليكي وحدك أهدي هذا البوح
المتوشح بالشجون
والحنين والشوق
لشخصك الشامخ
من شخصي الضعيف
هل ترى يا دهر سأقضي بقية عمري حسرةً وتأسي
ام ستتقراني بدر البدور يوما – ما - بلمس ..
إليكي أهـدي

هـذه الشجون التي نحرتها نحتها نقشتها
بكبـدي وشقاف قلـبي

أوبريت كلو أسمر .. كلو زول
المشهد الأول
يدخل مجوك وساغه وميري وبتول
(صوت لموسيقى ســوداني بيلادنا وكلنا إخوان يملأ أجواء المسرح)
ثم تدخل الجوقة ومعها المغني الرئيسي ..
(وتتشابك الأيدي عالية بطريقة مؤثرة جداً)
ويبدأ الغناء ..
الجوقة مع المغني:-
إيدي في إيد نهتف نقول .. كلو أسمر كلو زول
وطن واحد
من حلفا لي راجا .. وبيبور
من نمولي لي كاجا وكتول
وطن واحد .. . شعب واحد( يتم ترديدها مرتين)
الجوقة:-
غابة وحقول صحراء وسهول
كلو أسمر .. كلو زول
المغني:-
يلا نهتف بيها راعدة .. ضد المكابر والعزول
شعب واحد ... وإلفة ما بتعرف نفور
وطن واحد .. وطن واحد .... كلو اسمر كلو زول
المغني: -
كلو أسمر .. كلو زول
سوداننا ما بعرف تشظي .. وكل تواريخو بتقول
ميلادنا من قبس التسامح والتخاصر والقبول
وأروحنا من زمننا عهيد فتقت علىنهج المحبة والإصول
الجــوقة - ترديد
وطن واحد .. وشعب واحد .. كلو أسمر وكلو زول
المغني:-
نحنا عزم لا يلين، محجلين ومولدين .. عمال مصانع ومزارعين
ناس طورية ومسطرين .. عشاق ربابة ومندلين
الجوقه:-
همة وطرب، وفي الوجدان موحدين ومُوحدين
المغني:-
وعشق واحد .. . وعشق واحــد معينو لا غاض لا نضب
عبر التوارخ والحقب
شعب واحد .. زنج وفور نوبه وعـرب
الجـوقة:
وعشق واحـد لوطن جمـــيل، لبناتو من نبض التعب
المغنى:-
كلو بيهتف عشق واحد محال يزول
ووطن مهول بيسع الجميع من غير فواصل أو جســور
الجوقة؛-
كل أسمر كلو زول
كلو أسمر كلو زول
المغني:-
تتغني بيك ميري الأصيلة، والراقية ست الجيل بتول
وطن واحد .. سوا سوا .. سوا .. سـوا .. سوا .. سوا
ما فيش فرق بين زول وزول
الكل موشح بالإصول
ولتسلمي يا أُمـتي يا شمس عزة لن تزول
ســوا ..سـوا .. سوا .. سوا
(تردد الجوقة والمغنى)
كلو أسمر كلو زول مافيش فرق بين زول وزول
ولتسلمي يا أمة التسابيح والنذور
يتغني بيك أدروب وشول
سوا سوا توتو وطبيق .. بسمات وكور
ســـوا .. ســـوا ياعشق واحد لن يبيد ولن يزول
قسماتو من نبض التمازج والقبول
ســوا .. ســوا ..
وحدتنا ما بتعرف قواسِم أو فتور
محبة ما بتعرف مواسِم أو فصول
وكلو أسمر كلو زول
كلو أسمر كلو زول
واحد .. واحد .. سـوداننا واحــد
حاني وعنيد جوهر فريد
نخلة وكجور غابة وسهول
ســوا .. سوا ..
مافيش فرق بين زول وزول
عبر الأيام، عبر السنين، عبر الدهــــور
نحنا عزم لا يلين ضد المكابر والعزول
المغني:-
سودانا واحد، سمح مسامح، وفي وجبور
فيهو الرمالي ورث الشلك ...
فيهو الشيوخ فيهو الكجور...
وكلو أسمر كلو زول .. كلو أسمر كل زول
مافيش فرق بين زول وزول
المغني والجوقة:-
نحنا التلاحم والملاحم
سوا .. ســوا .. سوا ... سوا
في كل حال وعلى كل حال
أخوان بنات وأحفاد رجال
نهـوى الوطن من غير سجال
سوا .. سوا .. سوا .. سوا
خُـبزنا من رحم الأرض
حمالين شيل حافظين عرض
تيلادنا من رحم الأرض
ونحنا الهياثم والنسور
***
وطن واحد عشق واحد .. عبر الزمن مر الدهور
كلو أسمر كلو زول ... ما فيش فرق ما بين زول وزول
الجــوقة(نساء فقط)
دمته يا بلد التسابيح والمعابد، والنقاقير والطبول
دمته يا بلد التفرد والقناعة والمثول
وطن واحد وشعب واحد .. كلو أسمر كلو زول
المغني :-
وطن واحد .. تتغنى بيهو سرسيو والبتول
سمح الغنى الما فيهو قول
ويشيل معاك كتفى الغنى
مقبول وشول .. أونور وبول
الجـــوقة:-
هالي لويا .. سوا .. سوا .. هالي لويا ... سوا ..سوا سوا
المغنى:-
سوا ..سوا .. سوا ..سوا
من حلفا لي راجا وبيبور
من نمولي لي كاجا وكتول
إيد في إيد نهتف نقول
كلو أسمر كلو زولو .. كلو أسمر كلو زول
الجوقـة:-
وطن واحد .. شعب واحد .. وإلفة ما بتعرف فوارق أوجذور
ســــوا .. ســـوا
كلو أسمر كلو زول
ســــوداننا واحد عبر الحقب
مر الزمن عبر الدهور

الحـــــــــبوب

بشير التوم إبراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:00 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .