مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: مانريـد الخبز والمـاي بس سالم ابو عــداي (آخر رد :أقبـــــال)       :: افضل انظمة انذار ضد الحريق (آخر رد :مازن محمد خالد)       :: افضل العروض علي اسعار كاميرات المراقبة (آخر رد :مازن محمد خالد)       :: الله اكبر ولله الحمد، حالات الإنتحار في الجيش الأمريكي تفوق قتلى المعارك (آخر رد :أقبـــــال)       :: اليوم انتصفت فيه العرب من العجم على ايدي ثوارالعراق -هنا نستقبل التهاني (آخر رد :أقبـــــال)       :: احدث سنترالات باناسونيك (آخر رد :مازن محمد خالد)       :: الدفاع الأمريكية: القوات المنسحبة من سوريا الى العراق ستعود الى امريكا (آخر رد :أقبـــــال)       :: وأمـا بنعمة ربك فحـدث (آخر رد :أقبـــــال)       :: من هنا مرّ الأتراك (آخر رد :محسن الفكي)       :: اللي يرش ايران بالمي ترشه بالدم -- والدليل القناصه (آخر رد :أقبـــــال)      

إضافة رد
 
أدوات الموضوع انواع عرض الموضوع
قديم 15-01-2012, 11:35 AM   #1
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي صهيل المنافي .. إلى الأنثى التي أعشق

صهيل المنافي

اقبلت كالشذا الفواح منداحة كالعطر المعتق
هتفت عمو .. عمـو ..
قالتها والحسن منها فى حنو وانثيال يتدفق
فكدت أتقراه بلمس والصبر مني قد تمحق
وأنا أغرق ... أغرق..
وترشفني بالنجل القاصماتِ عمدَا .. فأشهق
شفتاها والحقُ المعبُود....
الشفقُ رنا لها وتضرع
الكرزُ فيهما قد أزهر وأينع
والشهد سال كالندى وتدفق
قالت عمو ..... دعنا نغرق ..
قلت دعينا نمضي أعمق .. أعمق
ونشعل جوف النهر حنانا حتى يشرق
فرت ثقرها طربا وتفتق الدر وأشرق
فتت الشوق حناياها...
عمو... عمو...
نحرتني بها عمدا .. وغدت ولهى تتحرق
قالت إني عطشى هيا نغرق .. نغرق
دعنا نغرق .. نمضي أعمق
قلت (شئ في صدري يؤرقني) إني وله مغرق
قالت يا ويحي من بوحك العذري المهرق
دوما في وجداني كالنهر تتدفق ..
يناغمني .. يصرعني ..
يسري كالصهباء يخدرني
يذويني ... يفُصِدُ قلبي ..عمدا لا يشفق ..
وأنا أغرق.... وأراكي خلسة تناجيني ..
أمضي أعمق ... أعمق .. أعمق ..
أمطريني بوحا عذريا وتلظي ..
حوري بركاننا يتقلى ...
ودعيني أتناسل في وردانك نهرا
ودعينا ننساب تحنانا وعشقا
عمو ... عمو الجرح همى وتدفق
وروحي عطشى تتضرع ..
إنا .. نغرق .. نغرق .. نغرق ..
وسنمضي ....
اعمق .. اعمق .. أعمق ..
وكعناق الأبيضِ للأزرق
سنمكث بالعفة صرعى حتى نشرق ..
عمو ... عمـو ...عمـو
نحرت كبدي كالمبضع
هل تسمع دقات القلب تنادي
هيا نغرق .. نغرق .. نغرق
يا ربيعاَ في الدنا قد أهله أشرق
وتمادى في الغى وأغرق
هيا نغرق ... نغرق .. نغرق

بشير التوم إبراهيم غير متواجد حالياً   رد مع اقتباس
قديم 15-01-2012, 12:20 PM   #2
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,806
افتراضي رد: صهيل المنافي .. إلى الأنثى التي أعشق

اقتباس:
ترشفني بالنجل القاصماتِ عمدَا .. فأشهق
شفتاها والحقُ المعبُود....
الشفقُ رنا لها وتضرع
الكرزُ فيهما قد أزهر وأينع
والشهد سال كالندى وتدفق

صهيل المنافي .. إلى الأنثى التي أعشق

عجبتني لامن ختيتا في توقيعي
إني اشتشف الجمال
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 16-01-2012, 02:27 PM   #3
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي رد: صهيل المنافي .. إلى الأنثى التي أعشق

اقتباس:
المشاركة الأصلية كتبت بواسطة ود الشيخ مشاهدة المشاركة
عجبتني لامن ختيتا في توقيعي
إني اشتشف الجمال
ود الشيخ الجميل الكتاب ....
المرهف الشفيف ....
هــي هدية لك خالصة من أعماقي ..
تعجبني بل تأسرني حروفك النميقة المتأنقة ... فأنته تعتصر حلمات الحروف .. مدادا .. وتمتشق تمرة الفؤاد يراعا وقرطاسك .. يا للهوى العذري شقاف القلب ...
لك الله حافطا في الحل والترحال
يا صاقعة النجم .. زين الشباب ...
أعشق فيكا احاسيسك ا لنبيلة وشفافية روحك الذكية ...
أنه البوح العذري ورفيف القلب المفتق .. من بعدما رتقته كل ثقوبه ... ورففتُ كل حراحه ...
نحرتني بها عمــدا ... وهي جزلى .. طريف مكسور كسر قلبا صميم وجسور.
فها أنا ذا أندلق وإدلق في فضاءات النحوم وأسكب عصير الدواخل ..

وأهـــدي لك بكل ود ومحبة هــذه المتواضعة

عهد

أنا يا هوى .. بهواكا وبتمنى لو أنساكا
وأجفف منابع الريده أكان ألقى من ريدتك شفاء
آه منو آه ..
فتّقّ جدار القلب وإتوارى في عمق الحشا
وأنا يا هوى
شفايا كان أنته .. وإنته ما منك شفا
العهود الجاتني منك .. ما بقدر أوصفا
لو أوظف حنان العمر كلو .. كلو ...
محال أقدر أوفيها حقها وأنصفا
إلا يا بحر الحنان .. الما منو خوف ولا نجاة
ما رايت سواكا ف دنيتي
حطم كل المتاريس والأرصفة
وإتوسد شقاف قلبي وإتناسل حنان ووسم حنايا الأوردة
وبقيت بخاف علكيا من جور العيون وجرح الهوى
وا خوفي ..
لو تنساني أوتنسى جرحا فتقتو لسه نازف ما أنطوي
لا من نار هواكا جمرً إبترد .. ولا من عبيرك إرتوى
وأنا يا هــوى عليشان هواكا بتحدى كل الأصعدة
خوفي لو تتبدل عواطفك .. وتغبرني في لهب الشجون
وأفضل وحيد وأزرف دموع الحرقة على الحب الجنون
ويتوه مني زولا ما أفتكرتو يرضخ يخون شرع الهوى
يتفتت قليبي وأصبح حطام .. يتقلى في عصف الجوي
وأنا يا هـوى
بهواكا وبتمنى لو أجفف منابع الريدة
أكان القى من ريدتك شــفاء ..

أبدا لك / الحبوب
بشير التوم إبراهيم غير متواجد حالياً   رد مع اقتباس
قديم 16-01-2012, 05:59 PM   #4
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,806
افتراضي رد: صهيل المنافي .. إلى الأنثى التي أعشق

دي معناها الا اهديك وردي
عذبني وتفنن في الوان عذابي
روعة في غير انتهاء
ود الشيخ غير متواجد حالياً   رد مع اقتباس
قديم 06-08-2014, 07:36 PM   #5
محاسن النور
 
الصورة الرمزية محاسن النور
 
تاريخ التسجيل: Oct 2013
المشاركات: 1,490
افتراضي رد: صهيل المنافي .. إلى الأنثى التي أعشق

اذيكم الاستاذان بشير وودالشيخ ..ياسلام مداخلات حلوه شديد .وتعليق ود الشيخ عنك ...بس ياهو ذااااتو عايذين نقولو وغلبنا ودالشيخ طبعا سيد الكلام الجميل ..اها بقينا تلاته معجبين وأكيد حنشوف كمان ..تحيات جميله ليكم
سلام...
__________________
........
شمس الصباح والصباح رباح
شمسك ياوطني...
محاسن النور غير متواجد حالياً   رد مع اقتباس
قديم 07-08-2014, 12:01 PM   #6
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي رد: صهيل المنافي .. إلى الأنثى التي أعشق

ود الشــيخ .. وبت النــور
صباح النور .. صباح الخير والهناء والحبور
صباح المطرة الصبت وقالت جــو ..
دعاشات خريف خدرانة بي وهج الخوابي المترفة
هدت حيل الداخر عواطفو تقاة ..
وأندفق سيل الكلام .. غبطة ووصال
ياكم أهلي وعرفتي .. وشاية الظليلة البعرفا
أهل معارف وكرمة وفاء
حرنت خيول الكلام .. قالت
البيني ما بينكم ما بتقدر ولا حا تقدر
توصــفا ..
توصفا ..


وبس بهديكم هــذا النص ... أتمني أن ينال رضاكما ..


مالو لو حبيناكا إنته
ومالو لو ردناكي إنتي

نبـذر بذور المحنة .. حرف حرف
نشتل جرف ونحصد جرف
غرس الولوف .. سلم وسلام
ضد التشظي والشتات ..
ضد الحيريب والحرب
ما ريدنا ليك راحة قلب
ما ريدنا ليك حقيقة وماها كضب كضب
يا شيخنا يا ربان السفين
بحر المشاعر .. غريق .. غريق
وقف سفينك وأرمي الهلب
خلينا في محفل معانيها ندخل وننسرب
نشجي القلوب .. نغني غــناوي الإلفــة
ونسكر ننطرب ..
ونناغم السـمرة الحــنون
يا واقفة ما بين حلمات الشجون
القشة ما بتنقذ غريق ..
يا سالكين قصب الطريق
مالكم وقفتو في نص الدرب
اللام ألف .. آه يا ريق النشف سببو الولف
باء المحبة باب مفتوح للخير وَقف ..
كاتلو الحنان وشرقان بي الولف
ما البر شرابك وسليل خوابيكي ونشوتك
والوفاء راسمالك وعرفتك
العفاف توبك غطاكي وحلتك
أريتنا نتوسد هواك ونتوسم خطاك
كان بس يفارقنا العنى
وننسى الشقى ونكسب رضاك
ويتم المنى .. ونحضنك كالضنى
ومالو لو ريدناكا إنته يا بعيد هناك
براك .. آه براك يا مرهفة
وحلقنا طيرا فى سماك وسبحنا حالمين بي هـواك
وتغرد كل القلوب فرحانة تنعم من سناك
زى النجوم فوق من سماها مالت عليك
مبهورها بي نور وجنيتك طالبه لرضاك
مالو لو ردناكي إنتي .. براك .. براك
ودنيانا تسعد بى وجودك
وشفنا فيك ما الدنيا زاهية
رياضها مزدانها بي ورودك
ما لو لو ردناكي إنتي
وسبحنا فى واحات عيونك
غرقنا بين موج السحر والسحر
وإرتشفنا من أزهار خدودك
ما لو لو ردناكي إنتي
وصليتينا بى نيران صدودك
وحلفتي قلبك ما هو لينا
إلا بحن علينا عليشان وجودنا من وجودك
وخليتنا فى خارج حـدودك
لا مني لا منك جات المحبة
القلوب العامرة بتجمع أي زولا قلبو حبه
ما القصه ريده وتانى ريدة
وبرضو ريده كمان فريدة
لا الـزمان الولى ولا حتى الجـاي
فى يوم يقدر يعيدها
وحتبقى بس كاتلانا ريـدتك
وحتبقى بس كاتلانا ريـدتك
ونجيك نهنى وليك نبارك
ننتشى بفرحة جديدك
والقصة تبقى إنـو بس كاتلانا ريـدتك
وشايقانا شوفتك يوم نلتقيك نتأملك
نرتشف من حياكي وفطنتك حبة نور
ونرتسمك في الضمير أنسان
ونعيد كلام الريدها من جديد ونكتبك
الحبوب
بشير التوم إبراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:49 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .