مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: مانريـد الخبز والمـاي بس سالم ابو عــداي (آخر رد :أقبـــــال)       :: افضل انظمة انذار ضد الحريق (آخر رد :مازن محمد خالد)       :: افضل العروض علي اسعار كاميرات المراقبة (آخر رد :مازن محمد خالد)       :: الله اكبر ولله الحمد، حالات الإنتحار في الجيش الأمريكي تفوق قتلى المعارك (آخر رد :أقبـــــال)       :: اليوم انتصفت فيه العرب من العجم على ايدي ثوارالعراق -هنا نستقبل التهاني (آخر رد :أقبـــــال)       :: احدث سنترالات باناسونيك (آخر رد :مازن محمد خالد)       :: الدفاع الأمريكية: القوات المنسحبة من سوريا الى العراق ستعود الى امريكا (آخر رد :أقبـــــال)       :: وأمـا بنعمة ربك فحـدث (آخر رد :أقبـــــال)       :: من هنا مرّ الأتراك (آخر رد :محسن الفكي)       :: اللي يرش ايران بالمي ترشه بالدم -- والدليل القناصه (آخر رد :أقبـــــال)      

إضافة رد
 
أدوات الموضوع انواع عرض الموضوع
قديم 15-12-2013, 02:05 PM   #26
المونة
 
الصورة الرمزية المونة
 
تاريخ التسجيل: Nov 2006
الدولة: الخرطوم
المشاركات: 339
افتراضي رد: رواية الصكوك

متابعين قصة شيقة وحكي مجيه
المونة غير متواجد حالياً   رد مع اقتباس
قديم 15-12-2013, 02:10 PM   #27
همسه
 
الصورة الرمزية همسه
 
تاريخ التسجيل: Jul 2007
الدولة: ضــل الهجـــــير
المشاركات: 6,994
افتراضي رد: رواية الصكوك

يا عمدة ازيك وكيف حالك

القصة دي من الواقع السوداني وما مرقت منو .... شاهدتها متكررة ...

البت الصغيرة دائماً عندها شي في راسه بغض النظر انو سلبي ولا ايجابي وكتير تلاقي قبول في الاسرة

واصل .... متابعة
__________________
لست أدري ...
ما بعيني ...
غير أني ...
لم أنم
همسه غير متواجد حالياً   رد مع اقتباس
قديم 15-12-2013, 02:32 PM   #28
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

الصكوك(١٢)
في اليوم ده اصبح اليوم عادي جدا. بس سهی سرحانة وماعارفنها سرحانة علی طول في شنو..امها افتكرت انها خلاص وقعت ف الحب والغرام مع هشام ...وهي فكرها شغال في موضوع شرف ..ياربي الزول ده عايز يرسل لي فيروز شنو?...وانا لازم اصحصح صح ..عشان ما ادقس نهائي ...مر اليوم ...زي الضهرية كده وهي ماسكة التلفون ومكنكشه فيهو، .اتصل عليها شرف ...بعد سلم وسالها عن صحتها وعبر ليها عن الاشتياق والاستعجال للزفاف واللقاء بها ....قال ليها يلا اسمعي كويس ...انا زي ما قلت ليك عايز زول امين وسند ..وانا عايزك تكوني زوجتي وسندي حتی في الامور التجارية ..انا مرسل ليك مستندات..بتاعة توكيلات ومرسل ليك شيكات بالبريد السريع ..في طرد مغلف ...تمشي تستلميها من مكتب العمارات...وتخليهم معاك ....عشان عندنا حاجات عايزين نشتريها لحياتنا المستقبلية ..وهو بتكلم وهي قلبها بيضرب ..تف ..تف ..تف.. قال ليها الشيك الاول بي مبلغ كده ..تمشي تشتري بيت علی مزاجك في المكان البعجبك...والشيك التاني تصرفيه علی دراستك ..رسومك ومصاريفك. وكل احتياجاتك ...انا ما عايز خالي تاني يصرف عليك قرش لحدي ماانا ارجع لاني انا عايزك تكملي الجامعة سواء كان اجلنا الزواج او عجلناه...قالت ليه ممكن اطلب منك طلب ? قال ليهااطلبي ...قالت ليه هسي في الوقت الحالي ماعايزاك تجيب لي بابا سيرة بمكالماتنا دي ولا تفاتحه في اي موضوع لغاية مانكمل تخطيط حياتنا .. ...عشان لو حسو انه موضوعنا اتظبط...طوالي سهی بتخش في الموضوع ..وانا ما عايزاها تخش في اي موضوع..لانها لسة صغيرة ..بس توعدني مافي زول يعرف اي حاجة. .قال ليها مادام ده اول طلب تطلبيه مني يا فيروز انا بوعدك ( يلاالموضوع كده بقی جاهز والشيكات دي ياها الصكوك ست الاسم)
المساء كدة اتصل عليها هشام. قالت ليه بكرة الصباح عايزاك تلاقيني...عندنا مشوار.ضروري شديد ...قال ليها يا هناي ده يوم مناي ....وفعلا الصباح قالت لامها انا ماشة ناس عمتي .. بغشی فاطمة صحبتي وبنمشي مع بعض ...امها قالت ليها فيروز قاعدة ومحمد قاعد خلي واحد يمشي معاك..قالت ليها ياامي لو ماعايزاني ما امشي ببطل ..بس واحد فيهم ما ببراهو..امها قالت ليها خلاص ما تزعلي افطري واطلعي ...قالت ليها بفطر مع فاطمة انا هسي انا ما جيعانة ....( طبعا هي لاماشة لي فاطمة ولاشي) طلعت طوالي وشايلة تلفون امها ومشت لاقت هشام ف المكان ال...قو عليه ..وقالت لهشام فيروز اختي عيانة شوية وخطيبها شرف ودعمتي مرسل ليها حاجات من برة ..ماشة استلما نيابة عنها ومرة واحدة نتونس انا وانت.وتحكي لي واحكي ليك ....ومشت طوالي للمكتب المفروض تستلم منه الصكوك وقالت للموظف المسؤول.،: انا فيروز عندي خطيبي مرسل لي طرد من برة وانا مفروض استلمه...الموظف قال ليها لو سمحتي اثبات شخصية ..قالت ليه ما عندي اي اثبات شخصية بس انت اتصل علی المرسل لو ما متاكد واهو انا معاي شاهد ..هشام ارتبك ماعرف يقول حاجة ...: قال للموظف كلامها صح ..الموظف قال ليها اتصلي علی شرف انا بعرف...اتصلو عليه وقال ليه السلام عليكم يا استاذ شرف كيف الصحة? الطرد بتاعك وصل وجات واحدة تستلمه وقالت هي بت عمك ...وانت وصيتها بالاستلام...انا بديك ليها في التلفون عشان تاكد لي لو هي ولا لا ....قال ليه: اديني ليها ..اداها التلفون. سلم عليها وقال ليها وصلتي? ? قالت ليه وصلت الحمدلله. اها اقنع الراجل ده يديني البتاعات. عشان انا اتاخرت . طوالي شرف اتكلم مع الموظف وقال ليه سلمها وسلمها وطلعت وطبعا هشام مافاهم حاجة ...لحظة شوفو المصيبة ..ههه ...هههه .هشام في حاجة واحده ربكته ربكة شديدة .
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 15-12-2013, 02:35 PM   #29
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

الاخ المونة
تحياتى
ومرورك اسعدني شديد
والقصه حلوة والغريق قدام
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 15-12-2013, 02:38 PM   #30
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

الاخت همسه تحياتي من علي البعد
تابعي معانا
اصلو الجماعه هنا قايلين قصتي دي زى قصص سيفو لكن الوضع هنا مختلف
وفعلا القصه من الواقع السوداني وقد تكون عاديه لكن معاشه ولابد من التطرق لهذه الظاهرة وهى ظاهرة عجن الحتاله بنت او ولد
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 15-12-2013, 02:40 PM   #31
نزار العمدة
 
الصورة الرمزية نزار العمدة
 
تاريخ التسجيل: Mar 2007
الدولة: نيالا
المشاركات: 11,796
افتراضي رد: رواية الصكوك

اقتباس:
الاخ المونة
تحياتى
ومرورك اسعدني شديد
والقصه حلوة والغريق قدام
ياخي ممكن تأجل التحايا وسعادتك بالمرور وتكب لينا القصة هنا
السادة القراء رجاءا لا تزعجو العمدة بنوعية متابعين وشنو ما عارف لحدي ما ينتهي من القصة .... ممكن تتابعو وإنتو ساكتين
__________________
" وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ "
نزار العمدة غير متواجد حالياً   رد مع اقتباس
قديم 15-12-2013, 02:46 PM   #32
المونة
 
الصورة الرمزية المونة
 
تاريخ التسجيل: Nov 2006
الدولة: الخرطوم
المشاركات: 339
افتراضي رد: رواية الصكوك

اقتباس:
المشاركة الأصلية كتبت بواسطة نزار العمدة مشاهدة المشاركة
ياخي ممكن تأجل التحايا وسعادتك بالمرور وتكب لينا القصة هنا
السادة القراء رجاءا لا تزعجو العمدة بنوعية متابعين وشنو ما عارف لحدي ما ينتهي من القصة .... ممكن تتابعو وإنتو ساكتين
قراءة صامتة وكدا (مطالعة )............... يا نزار طلعت انت ما متابع ...........قالو اليوم حبتين ..........والحبتين وصلوا ............تاني الا بكره
المونة غير متواجد حالياً   رد مع اقتباس
قديم 15-12-2013, 02:51 PM   #33
نزار العمدة
 
الصورة الرمزية نزار العمدة
 
تاريخ التسجيل: Mar 2007
الدولة: نيالا
المشاركات: 11,796
افتراضي رد: رواية الصكوك

اقتباس:
.قالو اليوم حبتين ..........والحبتين وصلوا ............تاني الا بكره
كان كده ود أبوي العمدة إلا يوتسبني " يعني يرسلا لي في الواتساب "
__________________
" وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ "
نزار العمدة غير متواجد حالياً   رد مع اقتباس
قديم 15-12-2013, 03:22 PM   #34
المونة
 
الصورة الرمزية المونة
 
تاريخ التسجيل: Nov 2006
الدولة: الخرطوم
المشاركات: 339
افتراضي رد: رواية الصكوك

اقتباس:
المشاركة الأصلية كتبت بواسطة نزار العمدة مشاهدة المشاركة
كان كده ود أبوي العمدة إلا يوتسبني " يعني يرسلا لي في الواتساب "
لينا الله وعيشة السوق
المونة غير متواجد حالياً   رد مع اقتباس
قديم 15-12-2013, 03:34 PM   #35
نزار العمدة
 
الصورة الرمزية نزار العمدة
 
تاريخ التسجيل: Mar 2007
الدولة: نيالا
المشاركات: 11,796
افتراضي رد: رواية الصكوك

اقتباس:
لينا الله وعيشة السوق
ما عندك واتساب ؟؟؟؟؟؟؟؟؟؟ ولا فايبر ؟؟؟؟؟؟؟؟؟؟؟؟؟؟؟؟؟؟؟؟
أكيد عندك تانقو
__________________
" وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ "
نزار العمدة غير متواجد حالياً   رد مع اقتباس
قديم 15-12-2013, 05:01 PM   #36
همسه
 
الصورة الرمزية همسه
 
تاريخ التسجيل: Jul 2007
الدولة: ضــل الهجـــــير
المشاركات: 6,994
افتراضي رد: رواية الصكوك

اقتباس:
المشاركة الأصلية كتبت بواسطة نزار العمدة مشاهدة المشاركة
ما عندك واتساب ؟؟؟؟؟؟؟؟؟؟ ولا فايبر ؟؟؟؟؟؟؟؟؟؟؟؟؟؟؟؟؟؟؟؟
أكيد عندك تانقو
قلبتها ونسه .... وتقول لينا ما تتداخلو ....
__________________
لست أدري ...
ما بعيني ...
غير أني ...
لم أنم
همسه غير متواجد حالياً   رد مع اقتباس
قديم 15-12-2013, 05:33 PM   #37
نزار العمدة
 
الصورة الرمزية نزار العمدة
 
تاريخ التسجيل: Mar 2007
الدولة: نيالا
المشاركات: 11,796
افتراضي رد: رواية الصكوك

اقتباس:
المشاركة الأصلية كتبت بواسطة همسه مشاهدة المشاركة
قلبتها ونسه .... وتقول لينا ما تتداخلو ....
يا همسة الزول الإسمو المونة ده جراني للونسة جر عديل كده ... بعدين هو العمدة ذاتو وينو ما إستجاب لي توسلاتنا وتطلعاتنا
ياخي أنا عايزو يتم القصة دي عشان أشوف نهاية البت الإسمها سهى شنو .... أكيد نهايتها حتكون بشعة وهي تستاهل بي صراحة
__________________
" وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ "
نزار العمدة غير متواجد حالياً   رد مع اقتباس
قديم 16-12-2013, 01:17 AM   #38
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

اقتباس:
المشاركة الأصلية كتبت بواسطة نزار العمدة مشاهدة المشاركة
يا همسة الزول الإسمو المونة ده جراني للونسة جر عديل كده ... بعدين هو العمدة ذاتو وينو ما إستجاب لي توسلاتنا وتطلعاتنا
ياخي أنا عايزو يتم القصة دي عشان أشوف نهاية البت الإسمها سهى شنو .... أكيد نهايتها حتكون بشعة وهي تستاهل بي صراحة
بقيتو لناهيتها الشئ يا نزار اخوى صبرا يبل الابري مافي
والله حقوالواحد يقلبها ليكم زى مسلسل ملكه اجانسي
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 16-12-2013, 01:19 AM   #39
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

لكن عشان خاطرك ياخوي نزار وخاطر همسه والمونة
بجدع ليكم حبه فوق العادة
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 16-12-2013, 01:22 AM   #40
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

الصكوك 13

اكتر حاجة اربكت هشام هي انو سهى في التلفون قالت لي شرف:

انا فيروز وشرف وافق على اعطاءها الظرف..

وطبعا لغاية هسي هشام ماعارف الظرف فيهو شنو ..

لكن بي نظره الى ملامح سهى المرتبكة وكثرة سرحانها عرف انو في حاجة ماساهله ..

سألها .. قال ليها انتي مش حبيبتي الوحيدة ؟

قاالت ليهو نعم .

قال ليها مش انا حبيبك الوحيد ؟قالت ليهو نعم .

بتثقي فيني ولا لا ؟ قالت ليهو ثقة عمياء حبيبي ..

قال ليها .. صارحيني ووريني الظرف ده فيهو شنو؟

قالت ليهو ياسيدي ده فيهو قروش النار ماتاكلا..

شيكات ومستندات توكيل ماينقصني فيها غير توكيل من فيروز ويكون التوكيل من نصيبي...

قال ليها مافاهم .. حكت ليهو كل تفاصيل العملية الاجرامية ..

هو قعد يضحك وقال ليها لالالا انتي طلعتي داهية ..

قالت ليهو .. اها حتغير رايك مني ؟

قال ليها ابدا" بالعكس ده انا بحب المراة الملحلحة البتعرف تلعب اللعبات الخطرة ..

لكن هسي الظرف ده حتوديهو وين ..

قالت ليهو بمشي بصرف القروش اول بعداك بمشي بشتري لي بيت باسمي

وادس الاوراق بتاعة البيت وبعداك بعترف ليهم بالعملتو ..

واقول ليهو الظرف راح مني .. اها في النهاية ح يعملو لي شنو ؟

في النهاية ده ود عمتي مابرضى الفضيحة لي خاله

وشرف انا عارفاهو كويس حيتعوض الله ويسكت وماما وبابا يزعلو مني يومين والموضوع يرجع طبيعي وانا اكون امنت مستقبلي واسست لحياتي ..

قال ليها : وحيات ربنا ياسهى انت مصيبة وهاهاهاه فقعها ضحكة ..

قالت ليهو اها حتقيف معاي في المهمة دي ؟

قال ليها وانا عندي غيرك منو ياحياتي ؟؟

وفي النهاية دي حياتنا نحن الاتنين مع بعض .وسرك في بير ..

قالت ليهو خلاص انت شيل معاك الظرف خليهو معاك وبكرة الصباح نتلاقى نمشي نصرف القروش سريع قبل ماشرف يكتشف اي حاجة..

ولمان يكتشفوا الموضوع نحن نكون ظبطنا الموضوع واشترينا بيتنا وباقي القروش موفرنها ..يلا حبيبي نحن المفروض نمشي سريع لانهم هسي مفتكريني مع فاطمة صحبتي وقايلني مشيت ناس عمتي ..

ومسكت التلفون عشان تتصل على فاطمة وتفهما الموضوع لقت ماعندها رصيد في تلفونها ..

قالت ليهو ياهشام عليك الله اتصل لي على فاطمة ..

وهو اتصل عليها من تلفونو .. واداها ليها قالت ليها اسمعي انا هسي مع هشام لو ناس البيت سألوك كان الليلة كان بعد سنة .تقولي انا كنت معاك ومشينا لي ناس عمتي .. ...نا يا....ة .. قالت ليها حاضر ياحيوانة يامجرمة ..

هشام قال ليها: يلا خلاص نحن المفروض بكره نصرف القروش دي سريع وبعد اك انا بجهز ليك ورقة فاضية تحاولي تسرقي من سهى توقيع ..واذا ماقدرتي ان شا الله تصوري توقيعها بالموبايل وانا بتصرف ..ولو ده كله ماقدرتي عليهو .. انا بطلع ليك اشهاد شرعي انو انت اسمك سهى واسمك فيروز .بحتاج لحبة قريشات لانه بكون باللفه بدون شهود ..

وفي بلدنا دي اي شى بالكسرة بطلع.. الناس بقت ماعندها ضماير ..

اي زول في يدو حاجة تدفعي ليهو كاش بمرر ليك .. ههههه..

بعد داك نتصرف في ممتلكات شرف زي ما احنا عاوزين ..

قالت ليهو كدا مية مية وانا اوعدك بجيب ليك توقيعها بطريقتي الخاصة ..

والاتنين بتونسوا فرحانين ومبسوطين بهذا النصر ..

وهشام قاعد ينظر ليها نظرات اعجاب واندهاش..

وقال ليها ده انا عندي اسرار كتيرة ح اقولا ليك ..

لانك وثقتي فيني وانا كمان حأوثق فيك ..

قالت ليهو خير ياحياتي هسي انت خلي معاك الظرف لغاية بكرة الصباح في احتمال كبير انا اجيب ليك معاي التوقيع واول مشوار لينا للبنك على طول

جيب ليك شوال بلاستيك لانه القروش كتيرة وحنختها في ضهرية العربية نمشي طوالي نشتري البيت ..

قال ليها كمان انا عندي اصحابي بتاعين عقارات في الكلاكلة يعني البيت حنشتريهو هناك عشان يكون بعيد ومافي زول يتوقع حاجة ..

قالت ليهو (هي هي هي) الليلة يوم سعدك ياسهى بت بتول ..

احي انا... يادوب ...شيت في فيروز تاني لو دخلوني في قزازة انا ما ندمانه ..

وانا حالفه شرف الخلاني وحب فيروز انا ح اخليهو ليك على الحديده ..

يعني فيروز فيها شنو عشان يفضلها علي؟

اجمل مني ولا اصغر مني ولاشنو ولاشنو؟

خليهو لي كويس انا بنظمه ليك نظام احتمال مايلقى القروش البعرس بيها الغنماية بتاعتنا دي ..

واحسن زاتو انا لو اتزوجته ماكان ح احبه زي ماحبيتك انت حبيبي لانه ماكان حيفهمني ولا يتوافق مع افكاري وحياتي.. انا وانت هسي بقينا روح واحدة اسرارنا مع بعض ..

قال ليها انا بحمد ربنا انو شرف اعجب بي فيروز وخلاك لي .. انا بالجد محظوظ بانسانة زيك قمة الجمال والاناقة والذكاء .ورفع يديهو كدا على السماء وقبلهم اممممه ..وسلمته الظرف ومشى نزلا في شارع البيت وهي اتسللت براحة ودخلت البيت ولامن شاف ولامن دري دخلت على اوضتها ..

وفيروز شافتها جات داخلة وامها كان مع الجيران وجات ولاسألتها عن ناس عمتها ولاسالتها عن المشوار ولا لا ..وشايلة التلفون بتاعها ..امها جات داخله و ابوها جا وختو الغدا ابوها قال .. الليلة قبل شويه جاني تلفون من ليالي (بت عمتهكم)

وقالت مشتاقة لي سهى بكرة بتجيكم ان شاء الله ..امها قالت ليهو ؟؟

معقوووول ..؟؟ طيب سهى الليلة معناها ما كانت معاهم ..

سهى انت كنتي وين؟؟ ___ الليله والليله ______

اها بكرة نشوف ..
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 16-12-2013, 12:19 PM   #41
نزار العمدة
 
الصورة الرمزية نزار العمدة
 
تاريخ التسجيل: Mar 2007
الدولة: نيالا
المشاركات: 11,796
افتراضي رد: رواية الصكوك

اقتباس:
اها بكرة نشوف ..
لو سمحتا ممكن تنهي ساي من غير الكلمة دي
__________________
" وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ "
نزار العمدة غير متواجد حالياً   رد مع اقتباس
قديم 16-12-2013, 02:01 PM   #42
ايمن
Distinguished Member
 
الصورة الرمزية ايمن
 
تاريخ التسجيل: May 2005
الدولة: وطنى حقيبتى (امدرمان)
المشاركات: 17,992
إرسال رسالة عبر Yahoo إلى ايمن
افتراضي رد: رواية الصكوك

متابعين
معظم الناس دى شكلها منتظره طفل الخطيئه
__________________
واجعنى فى البحر... السكات
وسكتنى فى الوجع....البحر
ايمن غير متواجد حالياً   رد مع اقتباس
قديم 16-12-2013, 03:58 PM   #43
المونة
 
الصورة الرمزية المونة
 
تاريخ التسجيل: Nov 2006
الدولة: الخرطوم
المشاركات: 339
افتراضي رد: رواية الصكوك

يا عمدة مواعيد الحبة جات والكاروشة بدات
المونة غير متواجد حالياً   رد مع اقتباس
قديم 16-12-2013, 04:16 PM   #44
همسه
 
الصورة الرمزية همسه
 
تاريخ التسجيل: Jul 2007
الدولة: ضــل الهجـــــير
المشاركات: 6,994
افتراضي رد: رواية الصكوك

لكن هشام رطب ..... عقبال هشام فوراوي ... :-)
__________________
لست أدري ...
ما بعيني ...
غير أني ...
لم أنم
همسه غير متواجد حالياً   رد مع اقتباس
قديم 16-12-2013, 04:55 PM   #45
ايمن
Distinguished Member
 
الصورة الرمزية ايمن
 
تاريخ التسجيل: May 2005
الدولة: وطنى حقيبتى (امدرمان)
المشاركات: 17,992
إرسال رسالة عبر Yahoo إلى ايمن
افتراضي رد: رواية الصكوك


اقتباس:
هشام رطب ..... عقبال هشام فوراوي ... :-)
__________________
واجعنى فى البحر... السكات
وسكتنى فى الوجع....البحر
ايمن غير متواجد حالياً   رد مع اقتباس
قديم 16-12-2013, 10:00 PM   #46
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

الصكوك 14

.امها قالت لي ابوها ؟؟

معقوووول ..؟؟ طيب سهى الليلة معناها ما كانت مع ناس عمتها ..

سهى انت كنتي وين؟؟ .. قالت ليها انا ياماما لما مشيت لي فاطمة امها تعبت شوية وما قدرت امشي ناس عمتو وماقدرت اجي واسيب المره عيانه .قيلت معاهم ..

شينة ياماما امشي اخلي امها عيانة ما من الاصول ..

ابوها قال ليها دايما" بتعرفي الواجب ياسهى ..

.. اها انتهى اليوم..

و مر الليل طويلا" ثقيلا .. وسهى النوم طالق من عينا ومقلقلة تتقلب لي متين تصبح ليها الواطة عشان تمشي تلاقي هشام ويمشو على المكان المحدد ويصرفو الشيكات ..

طبعا هو قال ليها انا بتصل عليك الصباح اوريك انا وين ..

اصبح الصباح وسهى مقلقة وبعد ماكانت بتقوم اخر زول في البيت هي الليلة قامت اول زول وصحت امها عشان تعمل الشاى وظاهر عليها مستعجلة شديد ..

قالت لامها يا ماما . فاطمة حتجيني الليلة عشان طالعين نشتري اغراض الجامعة بابا عايزة لي قروش .

ابوها قال ليها :طيب انا امبارح مش قلت ليك ليالي جايانا ماشه وين ؟؟

قالت لالا يابابا مابقدر اخلف وعدي مع البنات الماشين معاهن السوق ليالي بوعدك بمشي ليها في البيت يوم تاني..

الليله خليها تقعد مع امي عشان الفي النفوس يتصفى

لكن انا ماشه ماشه يا بابا مابقدر اقعد..

قال ليها :طيب طيب .. شيلي من امك القروش البتكفيك .انتي يافيروز ماعايزة حاجة ..

قالت ليهو: اي والله يا بابا عايزة ..بس سهى مابتخليني امشي معاها ..

خليها تمشي هي الليلة مع فاطمة.. وبكرة انا ومحمد بنمشي مافي مشكله ..

قال ليهم خير انا ماشي اتأخرت ..

وهو طلع بي جاي سهى دخلت غرفتها وانتظرت هشام يتصل عليها ما اتصل

..اتصلت عليهو هي ..جرس طويل مارد ..

تااااني اتصلت مارد ..

في المرة التالتة قفل التلفون وبقت تجيها الرسالة الاليه .. (هذا الرقم مغلق حاليا" الخ..)

بقت تودي وتجيب .. ياربي تلفونو يكون قطع كهربا..

ياربي الزول ده عايز يزوغ بالقروش .

تاني اتصلت وبرضو مقفول بقت مقلقه ماعارفة تعمل شنو؟

وهي مابتعرف بيتهم .. ياربي امشي لبابا في السوق يوريني بيتهم وين؟

تاني تقول لالالا احسن ما استعجل .. احسن اظن بيهو خير ..

بعد شوية اتصلت عليها فاطمة .. بالمحادثة التاليه ..

فاطمة: الو .. ياسوسو ..

سهى: هلا تونا .. كيفك والله انا متوترة توتر ماطبيعي ..

فاطمة: مالك يا الشقيه يابتاعة الكوارث ..

سهى : منتظرة تلفون من هشام وشكله كدا ماسورة عظيمة ..

فاطمة : قالت ليها انا عايزة اسألك .. هشام ده ياهو هشام عصمت ود خالة فايقة

الساكنين في الجريف .. زول كدا شكله ابيضاني ..

سهى : ياهو آي ..

فاطمة قالت ليها خمي وصري يا الشومه .. ده حرامي كبير .. وكتال كتلا ..

عامل فيها دكتور صيدلاني صح ؟

سهى ايوة دكتور مش عامل فيها ..

فاطمة قالت ليها: هوي يا الفرحانة ديك تور شنو؟ ده خريج ثانوي واظنو نجاح ماناجح ..ماشاف الصيدلة بعينو .. كان شغال مع واحد صيدلاني في شارع الوادي

ماسك ليهو حسابات الصيدليه ده بعرفو انا معرفة شديده..

كان عنده علاقة مع صاحبة اختي .. ده قبل فترة قابضنو في شيكات كان مشتري سيخ بالشيكات.

وباعه بالكسر . وابوهو ابا يخلصه خلصه خالة وخالو زاتو حرامي زيه .

والله نحن رحاب بتحكي لينا عنه حكاوي تجيب الخوفه ..

قالت ليها رحاب منو ؟

قالت ليها رحاب صاحبة اختي الكان بينو وبينها علاقة..

وفي النهاية العلاقة اكتشفنا انها مشبوهة والعياذ بالله ..

امشي يابت سريع افسخي الزول ده واوعى تسمحي ليهو يستمر معاك دقيقتين ..

(وطبعا فاطمة ماعارفة قصة الصكوك المرسلة من شرف)..

قالت ليها ياخي كدي خليني من الفسخ انا هسي في مشكلة وماعارفه الم فيهو كيف؟ وووب علي .. الليله اعمل شنو أنا ..؟

فاطمة قالت ليها .. ياسهى مالك الحاصل شنو بالضبط .. اوع يكون غلطتي ..

قالت ليها لالالا ماكدا .. لكن والله انا بقيت مافاهمة اي حاجة.

وراسي كبس كبسه غريبه .. عليك الله تعالي لي سريع يافاطمة كان الحق اتصرف ..والله دي مصيبة دي ..

وهشام سواها ولا يخاف عقباها .. وبكرة نشووووووف ..
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 16-12-2013, 10:02 PM   #47
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

بكرة نشوف دي لابد منها يا نزار اخوي
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 16-12-2013, 10:03 PM   #48
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

المونه شكلك ادمنت المنقه
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 16-12-2013, 10:03 PM   #49
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

ايمن مرحبا بك في عالمنا الوردي
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
قديم 16-12-2013, 10:04 PM   #50
العمدة
 
الصورة الرمزية العمدة
 
تاريخ التسجيل: Aug 2008
المشاركات: 7,517
إرسال رسالة عبر MSN إلى العمدة إرسال رسالة عبر Yahoo إلى العمدة
افتراضي رد: رواية الصكوك

همسه عشان تداومي هلي المنبر كل مرة ح انزل قصه جديدة
__________________
[sor2]http://www.abflags.com/_flags/flags-of-the-world/Sudan%20flag/Sudan%20flag-XL-anim.gif[/sor2]
العمدة غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:52 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .