|
|
|
|
|
|||||||
| مدرسة سودانيز اوفلاين للكمبيوتر مدرسة سودانيز اوفلاين للكمبيوتر |
 « آخـــر الــمــواضــيــع » |
 |
|
|
أدوات الموضوع | انواع عرض الموضوع |
07-01-2006, 06:17 PM
|
#1 |
|
رحمة الله عليك أبا روان
تاريخ التسجيل: May 2005
الدولة: في رحاب الله رحمة الله عليه
المشاركات: 3,014
|
جيتك يا ميكروسوفت ..
مساك الله بالخير يا بل غيتس . وأرجو أن يكون ما عندك شغل
زينا كدى وفاضى . أها قول لى .. عندى ملفات أغانى من نوع WAV -وعاوز احولها ل MP3 واستخدمت البرنامج ده 4U WMA MP3 CONVERTER ,واستخدمت برنامج تانى برضو ولكن المشكلة شنو ؟ يتم التحويل حتى يصل 60% ثم يتوقف وتطلع الاغنية محملة ومحولة حتى قريب نهاية الاغنية وبس . الحكاية دى جربتها اكثر من ثلاثة مرات ومافى فائدة . عندك روشته لى أحسن من البندول ده ؟ وباقى السؤال أو قل سؤال تانى بالمره . لو بعد التحويل الاغنية طلعت أكبر من المسموح به فى المنبر . قالوا فى طريقة ضغط الاغنية . يعنى دى برضو لو لقيت لها حل عندك يكون خير وبركة . تحياتى لك وللعيال .
__________________
---------------------------------------- الفرق بين العصيدة والمديدة قبضة دقيق
|
|
|
|
08-01-2006, 12:01 AM
|
#2 |
|
Guest
المشاركات: n/a
|
مشاركة: جيتك يا ميكروسوفت ..
سلام ليكم
اولا عطبراوي حاول استعمل البرنامج دا ساهل جدا fair stars audio converter ويا ميكروسوفت سؤالين اولا موقع ارفع منو الاغاني ليكم وتاني لو عندي برامج عاوز ارفعها ليكم للفايده وتشكر |
|
|
|
08-01-2006, 03:47 AM
|
#3 | |
تاريخ التسجيل: Sep 2005
الدولة: UK
المشاركات: 2,104
|
مشاركة: جيتك يا ميكروسوفت ..
اقتباس:
انت عندك sound forge8 في كمبيوترك مالك ماشي بعيد؟ ساوند فورج بالاضافه الي التسجيل برضو بغير ليك ل mp3 و wma وحتي الفيديو برضو بشتغلوا والبرنامج ده حمدوا في بطنوا وامكانياتو كبيره شديد... اعتقد ان مشكلتك في ان الاغنيه مابتكون شغاله للاخر هي ان البرنامج الذي تستعمله للتغيير لل mp3 هو تجريبي و يلجأ اصحاب البرامج الي هذه الحيله لارغامك علي الشراء...كل البرامج التجريبيه تحدث مثل هذه المشاكل ..برامج الصور تترك عيبآ بالصوره مثل وضع شعار الشركه المنتجه وهكذا..وبرامج الصوت لان الصوت غير مرئي يسمحون بالتسجيل او التغيير فقط لاول دقيقتين مثلآ وبرامج الفيديو برضو بكون هناك شعار او صوره او حتي عبارات زي تحت التجربه وخلافها تجدها في صورة الفيديو... كدي افتح الاغنيه بتاعتك بالساوند فورج وهو يدعم ال WAV وال mp3....اختار open من الساوند فورج وبعد التحميل تجد الاغنيه امامك ... وللتغيير والحفظ والضغط في نفس الوكت اعمل الاتي: امشي لي file واختار save as وفي الصندوق البفتح تجد فوق خالص save in وهنا بتختار عاوز تحفظ الاغنيه وين .. تحت بتلقي file name وفيه بتكتب الاسم الجديد للاغنيه او ترك الاسم القديم.. تحت تجد save as type هنا بتختار نوع الاغنيه mp3 ولا ram ولا wav ولا wma والخ...طبعآ انت عاوز mp3 فاختارها.. طيب نجي للضغط...في نفس الصندوق تجد custom أضغط عليها..بتلقي في النص attributes افتح attributes واختار سرعة تشغيل الاغنيه..كلما كانت السرعه صغيره كلما كان حجم الفايل صغيرآ وكلما كانت كبيره كان الفايل كبيرآ..ولان غالبية الناس شغاله بي موديم عادي فعادة بنختار 32kbps...وتعني بسرعة 32 كيلو في الثانيه ..واذا عندنا برودباند ممكن نختار سرعه اعلي زي 128kbps..ولكن اذا اخترت 128kbps فاي زول داخل الانترنت باقل من 128kbps الاغنيه مابتشتغل ليهو...ولان الموديم العادي سرعتو تتأرجح مابين 40 الي 56kbps فعادة بنضغط الاغنيه علي سرعة 32 ...اذا اختار 32....وفوق تجد template خليها في default template وهذه الخاصيه نستخدمها للفديو لذلك اتركها ..بعد ذلك اضغط علي ok لترجع للصندوق الاول ثم اضغط علي save لحفظ الاغنيه وبالهنا وتسلم علي التحايا ..اوصلناها للعيال
__________________
لا تاسفن على غدر الزمان لطالما رقصت على جثث الاسود كلابا لا تحسبن برقصها تعلو على اسيادها تبقى الاسود اسودا والكلاب كلابا |
|
|
|
|
|
08-01-2006, 03:54 AM
|
#4 | |
|
تاريخ التسجيل: Sep 2005
الدولة: UK
المشاركات: 2,104
|
مشاركة: جيتك يا ميكروسوفت ..
اقتباس:
جيتنا وفيك ملامحنا بتختفي وين زي راجل الأربعه نسوان...  كدي امشي الموقع ده وسجل بدوك واحد قيقا مساحه مجان... http://esnips.com/web وتسلم ياحبيب
__________________
لا تاسفن على غدر الزمان لطالما رقصت على جثث الاسود كلابا لا تحسبن برقصها تعلو على اسيادها تبقى الاسود اسودا والكلاب كلابا |
|
|
|
|
|
08-01-2006, 05:27 PM
|
#5 |
|
رحمة الله عليك أبا روان
تاريخ التسجيل: May 2005
الدولة: في رحاب الله رحمة الله عليه
المشاركات: 3,014
|
مشاركة: جيتك يا ميكروسوفت ..
بيل غيتس ..
غايتو يجازيك رب العباد أما أنا جزاى ليك إلا أقطع لى تذكرة واجى احضر عرسك التانى أو عرس البنيه أو علرس الوليد الكبير . ما عندى حل تانى . دحين اختار ياتو عرس ؟ ربنا يديك الصحة يا ود حاجة نفيسه .
__________________
---------------------------------------- الفرق بين العصيدة والمديدة قبضة دقيق
|
|
|
|
|
09-01-2006, 03:25 AM
|
#6 | |
|
تاريخ التسجيل: Sep 2005
الدولة: UK
المشاركات: 2,104
|
اقتباس:
زمان لما كنا بنلعب الكوره كنا بنتضايق لله في لله من الحكم..والحكم بكون حارسك ساعه ونص بس ..هسه بعد العرس الواحد محكوم 24 ساعه...بضحك معاك ...العرس استقرار وراحة بال ...قول في عرس الاولاد...وياريت تجونا والله لندن تنور وتزدان بيكم بس ما ابقي كلام ساكت... موضوع حاجه نفيسه ده انا اخدت فيهو الطريق عليك...لكن طريق بلا بياض
__________________
لا تاسفن على غدر الزمان لطالما رقصت على جثث الاسود كلابا لا تحسبن برقصها تعلو على اسيادها تبقى الاسود اسودا والكلاب كلابا |
|
|
|
|
|
09-01-2006, 06:16 AM
|
#7 |
|
Elite Member
تاريخ التسجيل: Nov 2005
المشاركات: 26,647
|
[quote=ميكروسوفت]هسه ياعطبراوي الشاف العرس ومحنو بعرس تاني؟
زمان لما كنا بنلعب الكوره كنا بنتضايق لله في لله من الحكم..والحكم بكون حارسك ساعه ونص بس ..هسه بعد العرس الواحد محكوم 24 ساعه... أعتــــــــــــــــــــــــــــراف خطير جدا ............................ .................. ............ |
|
|
|
|
09-01-2006, 11:25 PM
|
#8 |
|
رحمة الله عليك أبا روان
تاريخ التسجيل: May 2005
الدولة: في رحاب الله رحمة الله عليه
المشاركات: 3,014
|
مغربى .. تشكر يا حبيب على الرد الفورى وآسف أنا انشغلت برد ميكروسوفت
ونسيت ارد لك . اكرر شكرى تانى . محسن شكرا على مرورك . والعرس كله زى ده حراسة 24 ساعة فى اليوم .
__________________
---------------------------------------- الفرق بين العصيدة والمديدة قبضة دقيق
|
|
|
|
|
10-01-2006, 04:36 AM
|
#9 | |
|
تاريخ التسجيل: Sep 2005
الدولة: UK
المشاركات: 2,104
|
[QUOTE=محسن]
اقتباس:
اجعص راجل لما اتقفل عليه باب غرفة النوم بنزل علي مافيش...ماتشوف الجعجعه والشخط والنطر ده ...هنا بس تلقي الواحد اسد وامام المدام نعامه...ومرات تلقي الواحد اغلط واشخط في مراتو قدام الناس يعني الود حمش لكن بمجرد رجوعو البيت اكب الجرسه من باب البيت.."والله ندمان وسافي التراب" أو "والله انا ذاتي ماعارف الكلام ده مرق كيف"... يازول تسلم والله ...دي دردشه بس ..
__________________
لا تاسفن على غدر الزمان لطالما رقصت على جثث الاسود كلابا لا تحسبن برقصها تعلو على اسيادها تبقى الاسود اسودا والكلاب كلابا |
|
|
|
|
|
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ميكروسوفت : المبدع : أرجو مساعدتي | الحوت | مدرسة سودانيز اوفلاين للكمبيوتر | 4 | 07-03-2007 04:21 AM |
العرض العادي
