يا وزير المالية جبريل إبراهيم

[الثلج الساخن]

يا وزير المالية جبريل إبراهيم

عندك فرصة ذهبية في الوزارة,
فما تروّحها عليك وعلى الشعب السوداني.

رتب وزارة المالية من الصميم,
حفّز الانتاج في الزراعة والتعدين,
اضبط موارد الدولة ومداخيل المال العام,
إذا مسكت الدولار أحجزه عندك ما تفكو بسهولة,
اضبط منصرفات الدولة,
أصرف على البنية التحتية,
اتعاون مع الرأسمالية الوطنية -
طائفية - اسلامية - غير اسلامية ,
اتعاون مع الرأسمالية الدولية,
ما فرقت,
رجع المزارعين من العاصمة للريف ,
رجع السيولة المالية للريف ومواقع الانتاج,
انسى الإحتكاكات السياسية,
وتجنّب الفساد,
واشتغل كتير وما تتكلم كتير,
اعمل من غيرك رقابة عليك,
واعمل من نفسك رقابة على التانيين,
وما تثق في نفوذ الوزارة,
دي فتنة ساكت,
واللهي سهي,


كسرة :

مافي ابن حواء ب يُؤتمن مع السلطة اطلاقاً.

[محسن الفكي]

المشاركة الأصلية كتبت بواسطة الثلج الساخن

مافي ابن حواء ب يُؤتمن مع السلطة اطلاقاً.

الكسرة،كسرت البوست، عاملة ،وكأنها خط رجعة.

عظم البوست نفسه لا بأس به لتنوير القاريء، إنما لو الوزير ما عارف الكتبتو، ده، على البوست السلام.

مهم جدا ولاية الوزارة على بنك السودان، عشان يمشو متجانسين، وده لن يتم بسهولة لوجود الكوادر المعيقة(سودانيين وكده)، والهيكلة في ظل عدم وجود بديل،كفء معضلة كبرى!

[ود الشيخ]

.الكسرة،كسرت البوست، عاملة ،وكأنها خط رجعة.

طبيعة متأصلة في بني بلدي