مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: عروض stc على باقات سوشال (آخر رد :بنت الخرطوم)       :: ماهو البديل ؟؟ (آخر رد :ابو مؤيد -)       :: انتو نادر ليمونة غتس وين ؟ (آخر رد :الثلج الساخن)       :: الحرية لإبراهيم غندور (آخر رد :الثلج الساخن)       :: سنترالات باناسونيك وعروضها (آخر رد :مازن محمد خالد)       :: الي الجيل الحالي نظام الاقاليم سابقا ؟؟ (آخر رد :ود الشيخ)       :: كاميرات المراقبة المنزلية /اسعار كاميرات المراقبة المنزلية (آخر رد :مازن محمد خالد)       :: قبس من كتاب الله (آخر رد :زهرة الروض الظليل)       :: الشخصية السودانية بين الرؤية والحقيقة (آخر رد :ود الشيخ)       :: عندما كان الدكتور اكرم وزيرا للصحة كانت وزارة الصحة (آخر رد :ود الشيخ)      

إضافة رد
 
أدوات الموضوع انواع عرض الموضوع
قديم 13-10-2020, 07:47 PM   #1
الثلج الساخن
 
تاريخ التسجيل: May 2019
المشاركات: 191
افتراضي الحرية لإبراهيم غندور

...

لما كان ابراهيم غندور وزير لخارجية السودان,
أحبه الكثير من السودانيين خصوصن الشباب.

وده أنا كنت مستغرب ليهو وشايف فيه سر غريب.

ويمكن السبب إنو الزول ده كان في كل تاريخو اسلامي صارخ الانتماء للاسلاميين.
ومع ده ح تلقى إنو كتير من الناس أحبوه لما مسك الوزارة,

فهل السبب إنو قدروا يتعرفوا عليهو وعلى مستواه كوزير؟

في الحقيقة ابراهيم غندور زول عندو مقدرات وأدوات العمل في وزارة الخارجية,
كوزير كان ب يمثل السودان خير تمثيل ..

أنا شخصيا تابعت ليهو لقائين في التلفزين عملهم بره السودان ,
واحد في مصر والتاني في أوروبا, أظنو في المانيا,
واحترمت جدن اسلوبه ولغته وطريقة تعبيره بالانجليزي والعربي,
وقدّرت جدن جدن هدوئه وشخصيته المتسامحة ,
واحترامه الصادق والمباشر للاخرين,
بما فيهم خصومه الاصغر سنا , وكمان الانداد اللي زيو .

زول فعلن محترم, كان مالي مركزو حتى بين أسوأ الاسلاميين.
ولما البشير أقالو من الخارجية عرفت أنو الزول ده فيهو خير,
وزاد احترام الناس ليهو, وحزن على ذهابه الكثيرون حتى بعض أعدائه.

حكومة الثورة سجنته قبل ثلاث شهور,
ده رغم أنو بادر بتأييدها تأييدا مطلقا - كما قال - احتراما لثورة الشعب السوداني
على نظام المؤتمر الوطني.

وكل تصريحاته بأمانة ب تشهد على كده.

والمفارقة عجيبة إنو واحد زي مأمون حميدة صار طليقا حرا ..
و ما زال ابراهيم غندور في السجن بلا تهمة ثابتة عليه أو حتى معلنة ضده.

الحاجة الما فاهمهما أنا ليه أصر ابراهيم غندور إنو ينقذ المؤتمر الوطني,
ويدخلو وحدة الإنعاش بعد ما أطاح الشعب بالكيان ده من الحكم ؟

شنو الوجاهة في قبوله برئاسة المؤتمر الوطني بعد الثورة المجيدة ؟

دي حاجة أنا شايفة ما بيعملها أي سياسي متطلع للمستقبل , ناهيك
عن زول بشخصية ابراهيم غندور.

هل دي غلطة ؟

أم هل هو شايف إنو المؤتمر الوطني عندو فرصة في المستقبل ؟

الحقيقة شنو ؟

كسرة :

للمتطلعين للمستقبل,
الحقيقة ب تحرركم وب توصلكم الى كل مكان ,
حتى الى السجون .
__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 13-10-2020 الساعة 07:57 PM

الثلج الساخن غير متواجد حالياً   رد مع اقتباس
قديم 14-10-2020, 09:36 AM   #2
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,951
Icon23 رد: الحرية لإبراهيم غندور

(فعلن) (واللهي) (اسحن)شئ الواحد يمسك (اعسابو)
اقتباس:
الما بقدر يخت أفكارو في "التلج"
أحسن ما يخش النقاش "الساخن"
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 14-10-2020, 10:46 AM   #3
الثلج الساخن
 
تاريخ التسجيل: May 2019
المشاركات: 191
Evillaugh رد: الحرية لإبراهيم غندور

اقتباس:
المشاركة الأصلية كتبت بواسطة ود الشيخ مشاهدة المشاركة
(فعلن) (واللهي) (اسحن)شئ الواحد يمسك (اعسابو)

واللهي سهي

نكتة . وسطر جديد
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 14-10-2020, 03:26 PM   #4
الثلج الساخن
 
تاريخ التسجيل: May 2019
المشاركات: 191
افتراضي رد: الحرية لإبراهيم غندور

اقتباس:
طالبت أسرة إبراهيم غندور، رئيس حزب “المؤتمر الوطني” المنحل، الإثنين، السلطات السودانية بإطلاق سراحه عقب أكثر من 100 يوم على توقيفه.

جاء ذلك في مؤتمر صحفي في العاصمة الخرطوم، عقب مرور أكثر من 100 يوم على توقيف غندور الذي سبق أن شغل منصب وزير الخارجية، بحسب وكالة الاناضول

المؤتمر الصحفي كان في الايام القليلة الماضية
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 18-10-2020, 11:25 AM   #5
الثلج الساخن
 
تاريخ التسجيل: May 2019
المشاركات: 191
افتراضي رد: الحرية لإبراهيم غندور

الحرية مبدأ لا يقبل التبعيض أو التمييز.
وهي حق مكفول للجميع,

وحرية التنظيم السياسي كذلك ,
هي حق مكفول للجميع.

وعلى الأساس ده ..

أطالب بالحرية لرئيس المؤتمر الوطني المحلول ابراهيم غندور.

وأطالب بإعادة المؤتمر الوطني للحياة السياسية والإجتماعية,
واعطائه الحق في التنظيم والممارسة السياسية,
مثله مثل غيره من التنظيمات السودانية ..

إذا عايزين مدنية وديمقراطية,
وإذا عايزين الانقاذ تتحجّم وما تتكرر تجربتها,
دي هي الطريقة الوحيدة..

كفالة حق التنظيم السياسي من غير تمييز ,
لكل الكيانات السياسية,
بما فيها المؤتمر الوطني .

والتحرير الفوري من السجون,
لكل من لم تثبت عليه جناية أو فساد من الإسلاميين,
والمسارعة بمحاكمة المتهمين منهم .

وإعلان ميثاق دستوري جديد يمهد لمؤتمر دستوري وشيك.

وإعلان موعد قريب لانتخابات نزيهة و بمراقبة إقليمية.


الشعب السوداني ما ح يتغش تاني.



كسرة :

الوقت غالي وضياعه ب يكلف ..
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:43 AM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .