دعوة للحضور: تصميم وترميز الشهادات وتصديرها

[قصي محمد عبدالله]

يدعوكم فريق Google لمعلمي السودان لحضور:
فعالية تطبيقية تحت العنوان:
*تصميم و ترميز الشهادات وتصديرها* ،
الفعالية تدور حول خمسة محاور:
تثبيت مبرمج
إنشاء مجلد في مخزن قوقل
إنشاء نموذج معلومات
تصميم وترميز الشهادة
ربط المعلومات بالشهادات وتصديرها

حيث سيتعرف الحضور على أداة برمجة وآلية تثبيتها، طريقة إنشاء نموذج معلومات يخدم الهدف المنشود، تصميم الشهادة وترميزها، ربط معلومات النموذج بالشهادات آليا، وآخيرا برمجة تصدير الشهادات للحضور بضغطة زر.
و ذلك يوم الخميس الموافق ظ¥ أغسطس ظ¢ظ.ظ¢ظ، م
الساعة ظ¨م بتوقيت السودان
يقدمها الاستاذ: قصي احمد
عبر Google Meet بالضغط على الرابط:
https://meet.google.com/tjn-qaxx-svp
الحضور مجاناً.
يوجد شهادات للحضور.
مرحباً بكم.

[قصي محمد عبدالله]

تعتذر مجموعة معلمي قوقل السودان
GEG SUDAN
بشدة عن التأخير في محاضرة اليوم لظروف
تقنية وباذن الله نلتقيكم غدا في نفس الموعد، الثامنة مساء بتوقيت السودان .
نكرر إعتذارنا مرة اخري،

[عبد السلام]

سوادنة يا رسول الله


دخلت أمس وخليت الـ meeting فاتح نص ساعة قاعد في انتظار الموافقة ومافي زول هبب لي
في مليون طريقة لمعالجة المشكلة دي
زي مثلاً إنه تعمل الدخول بي تسجيل ولو حصل طارئ ترسل رسالة في إيميلات المسجلين توريهم التوقيت الجديد
أو إنك تخلي الميتنغ فاتح وتقبل الحضور كلهم لكن تضع رسالة داخل الميتنغ بإنه الموعد الجديد يوم كذا


المهم تجربة لن تتكرر
نحن في السودان نموسر اخوانا
ولو رحلنا بعيد نطرى عاداتنا

[قصي محمد عبدالله]

المشاركة الأصلية كتبت بواسطة عبد السلام

سوادنة يا رسول الله


دخلت أمس وخليت الـ meeting فاتح نص ساعة قاعد في انتظار الموافقة ومافي زول هبب لي
في مليون طريقة لمعالجة المشكلة دي
زي مثلاً إنه تعمل الدخول بي تسجيل ولو حصل طارئ ترسل رسالة في إيميلات المسجلين توريهم التوقيت الجديد
أو إنك تخلي الميتنغ فاتح وتقبل الحضور كلهم لكن تضع رسالة داخل الميتنغ بإنه الموعد الجديد يوم كذا


المهم تجربة لن تتكرر
نحن في السودان نموسر اخوانا
ولو رحلنا بعيد نطرى عاداتنا

نعم صحيح.
لكن الإنضمام للفعالية لا يحتاج للتسجبل وايميل للتواصل، فقط طلب الإنضمام.
الأهم من كده:
لو عندك الرغبة في الإنضمام لمجموعة معلمي قوقل السودان أرسل لي رقم جوالك، أو أنا أرسل ليك رقم المسؤول من المجموعة لطلب الإنضمام.
وتقدر تقدم أي علوم مرتبطة بالرقمية وأدوات قوقل خصوصا تلك التي تخدم التعليم.
وربما في المستقبل أنشأت مجموعة بنفسك (عندها قوقل ستعطيك مساحة عمل) ، الأمر ليس صعبا. ولكنه يحتاج زمن..
كل مافي الأمر، الناس تحاول تترك إرث في النت تستفيد من الأجيال الحالية والقادمة، ليس إلا.

[عبد السلام]

تشكر يا قصي

أنا اساسا google certified educator

كنت عاوز احضر معاهم على سبيل الفضول فقط لكن مافي جدوى حالية لقروب قوقل سودان لسبب بسيط وهو إنه خدمات قوقل التعليمية غير متاحة للسودان

[قصي محمد عبدالله]

المشاركة الأصلية كتبت بواسطة عبد السلام

تشكر يا قصي

أنا اساسا google certified educator

كنت عاوز احضر معاهم على سبيل الفضول فقط لكن مافي جدوى حالية لقروب قوقل سودان لسبب بسيط وهو إنه خدمات قوقل التعليمية غير متاحة للسودان

الأجيال محتاجة التبصير بالجديد،
لا يزال معلم الابتدائي يدرس كل دفعة جديدة ألف باء تاء، وهي بالنسبة للطلاب أحدث العلوم،

خليك جاهز للمستقبل، ولا تنتظر حتى يأتي المستقبل ثم لا تلحق به،
والمستقبل الذي أعنيه هو معرفة خبايا كل جديد، والبحث عن الأحدث،
تقدم رأسيا في مجال واحد(تخصصك الذي تعرف امتداداته)
والتدريب لا يحتاج لمتخصص،،
ولن تندم على معلومة قدمتها،،،
وكلما أيقنت أنك وصلت الثريا في العلم، ستكتشف أنك لازلت بين الحَفْرِ،
وفوق كل ذي علم عليم

[قصي محمد عبدالله]

الان سنبدا،،
واصل، كمل الاعتماد،
السودان فيه قروب رسمي،
وممكن تكون الثاني

[قصي محمد عبدالله]

[قصي محمد عبدالله]

https://youtu.be/tcHnBNe70UM

[عبد السلام]

الدقيقة 1:12:29

أيقونة حفظ مافي موجود

راجع ليك بالتفصيل بعد تكملة الفيديو

[عبد السلام]

أول حاجة ما شاء الله شغل جميل واجتهاد مقدر
بداية الفيديو لمن شفت الجلابية والعمة مع الدقن الواصلة الصرة قلت دة بعد شوية حيقول لينا قوموا إلى صلاتكم وسووا صفوفكم
من ناحية الإلقاء وطريقة توصيل المعلومة ما عندي أي ملاحظة. ما شاء الله حافظ كتابك ومجود معلوماتك تمام وواضح إنه الشغل القدمته انت خبير فيه واشتغلته كتير. دة غير إنه الصوت جهور واضح وما فيه أي تأتأة وحركة أأآآآآآ البنقولها طوالي وما عندك لازمة زي عادة الأساتذة السودانيين، الكلمة البستخدموها بين كل جملة والتانية زي (يعني) و (يلا)
تقييمي لمقدراتك التدريبيه والملكات الخطابية يفوق التسعين في المائة. النقيصة بسبب الجلابية
صورة البروفايل بتاعتك بالكرافتة هي الشكل الرسمي للأستاذ. طبعاً في ناس بعتبروا الزي القومي حاجة كويسة لكن أنا شايف إنه اللباس البلدي ما بنفع في المهام الرسمية. مجرد وجهة نظر قابلة للخطأ

بالنسبة للمادة التعليمية المطروحة ففيها شوية كلام ..
هي طريقة كويسة وبتؤدي الغرض مافي كلام، بس طرق أسهل وأفضل وأسرع بكتير
يعني مثلاً انت عديت زيادة من ساعة في تصميم الشهادة، وبرغم تفصيلك إلا إنه أي زول ما بعرف مايكروسوفت وورد وبوربوينت واستخدام الرسام حيستصعب الموضوع شديد
وهنا بقترح عليك موقع https://www.canva.com/create/certificates/
بتعمل فيه شهادة احترافية في دقايق بدون الحاجة لأي ملكات تصميمية

ثانياً الشهادات دايماً مرتبطة بالأنشطة الأكاديمية فأفضل حاجة إنها تكون داخل كورس. يعني لو صممت كورس عديل وفيه أنشطة لما ينجح فيها الدارس تتعمل ليه الشهادة آلياً بدون تدخل بشري بكون أفضل
إنت هنا محتاج لنظام إدارة تعلم. وخليني اقترح ليك برنامج مجاني مدى الحياة بفتح ليك مدرسة كاملة بأي سعة، بس ما ساهل
بحتاج الزول يقعد ليه عشان يتعلمه
أهو دة https://www.odoo.com/app/elearning

[قصي محمد عبدالله]

المشاركة الأصلية كتبت بواسطة عبد السلام

أول حاجة ما شاء الله شغل جميل واجتهاد مقدر
بداية الفيديو لمن شفت الجلابية والعمة مع الدقن الواصلة الصرة قلت دة بعد شوية حيقول لينا قوموا إلى صلاتكم وسووا صفوفكم
من ناحية الإلقاء وطريقة توصيل المعلومة ما عندي أي ملاحظة. ما شاء الله حافظ كتابك ومجود معلوماتك تمام وواضح إنه الشغل القدمته انت خبير فيه واشتغلته كتير. دة غير إنه الصوت جهور واضح وما فيه أي تأتأة وحركة أأآآآآآ البنقولها طوالي وما عندك لازمة زي عادة الأساتذة السودانيين، الكلمة البستخدموها بين كل جملة والتانية زي (يعني) و (يلا)
تقييمي لمقدراتك التدريبيه والملكات الخطابية يفوق التسعين في المائة. النقيصة بسبب الجلابية
صورة البروفايل بتاعتك بالكرافتة هي الشكل الرسمي للأستاذ. طبعاً في ناس بعتبروا الزي القومي حاجة كويسة لكن أنا شايف إنه اللباس البلدي ما بنفع في المهام الرسمية. مجرد وجهة نظر قابلة للخطأ

بالنسبة للمادة التعليمية المطروحة ففيها شوية كلام ..
هي طريقة كويسة وبتؤدي الغرض مافي كلام، بس طرق أسهل وأفضل وأسرع بكتير
يعني مثلاً انت عديت زيادة من ساعة في تصميم الشهادة، وبرغم تفصيلك إلا إنه أي زول ما بعرف مايكروسوفت وورد وبوربوينت واستخدام الرسام حيستصعب الموضوع شديد
وهنا بقترح عليك موقع https://www.canva.com/create/certificates/
بتعمل فيه شهادة احترافية في دقايق بدون الحاجة لأي ملكات تصميمية

ثانياً الشهادات دايماً مرتبطة بالأنشطة الأكاديمية فأفضل حاجة إنها تكون داخل كورس. يعني لو صممت كورس عديل وفيه أنشطة لما ينجح فيها الدارس تتعمل ليه الشهادة آلياً بدون تدخل بشري بكون أفضل
إنت هنا محتاج لنظام إدارة تعلم. وخليني اقترح ليك برنامج مجاني مدى الحياة بفتح ليك مدرسة كاملة بأي سعة، بس ما ساهل
بحتاج الزول يقعد ليه عشان يتعلمه
أهو دة https://www.odoo.com/app/elearning

موضوع تصميم الشهادة هو عتبة للوصول للبرمجة باستخدام الاوتوكرات،
لذلك مريت عليها سريع ، أو رؤوس أقلام(رغم تأخر الزمن فيها) ونبهت في نهايات الفيديو الى أن الشريحة فاضية بدون أي اضافات أيضا تعتبر تصميم،،،
الموضوع الأساسي هو الترميز (<<>>)، واستخدام الاوتوكرات لربط المعلومات بالشهادات وتصديرها لمئات الحضور إن لم يكونوا آلاف، والختم والتوقيع جزئين من الشهادة.
...
موضوع ال LMS فعلا مهم وضروري، معرفتي به حتى الان (قشور فقط) بحكم عملي (بعيدا عن التدريس) في مؤسسة كانت تستخدمه مع المتدربين،
...
الإهتمام والتوجه المنشود هو التحول للامكان واللازمان في التعليم ، وكافة أنشطة الحياة المجتمعية الممكنة.

[قصي محمد عبدالله]

المشاركة الأصلية كتبت بواسطة عبد السلام

أول حاجة ما شاء الله شغل جميل واجتهاد مقدر

شاهدت عنه محاضرة قبل شهرين، تقريبا،
نزلت الفيديو،، طبقت باتباع الخطوات،
اعدت التطبيق بدون (غش)
جيت قدمت ما شاهدته وطبقته،،،

[قصي محمد عبدالله]

المشاركة الأصلية كتبت بواسطة عبد السلام

وهنا بقترح عليك موقع https://www.canva.com/create/certificates/
بتعمل فيه شهادة احترافية في دقايق بدون الحاجة لأي ملكات تصميمية

موقع كانفا عندي فيه حساب، وصممت عليه كثير، وبنزل منه الفيديوهات بصيغة GIF لاستخدامها كخلفيات، (أحيانا الفضاء وما فيه من نجوم وكواكب، وأحيانا طبيعة )
(الخلفية الطبيعية المتحركة في الشريحة الاولى من العرض نزلتها من موقع canva
لكن عيب الموقع أن الصورة فقط بيكون حجمها كبير جدا، فكيف بالفيديو؟!
العيب الثاني أن النسخ من الموقع لا يمكن لصقه في البوربوينت،، يعني تنزل تصميم فارغ كخلفية، ثم ترفعها كخلفية (صورة) لاكمال المشروع أونلاين،

[قصي محمد عبدالله]

المشاركة الأصلية كتبت بواسطة عبد السلام

أنا شايف إنه اللباس البلدي ما بنفع في المهام الرسمية.

المفهوم دا لازم يمزق، إربا إربا،
ليس هنالك أي مبررات منطقية(أمر نفسي فقط)ـ ولا أود الخوض في أي احتمالات لأسباب هذه الشوفة ،
وبالمقابل، اللبس لا يزيد شيئ في العلم، ولا ينقصه

حتى في المؤتمرات الدولية - لو تتابع تلفزيون الامم المتحدة -، كثير من المتحدثين بيظهروا بملابسهم القومية،
سواء كان الحضور مكاني او عبر الإنترنت ،،،، فك البيرق شوية، وأطلق له العنان

[قصي محمد عبدالله]

المشاركة الأصلية كتبت بواسطة عبد السلام

الدقيقة 1:12:29


راجع ليك بالتفصيل بعد تكملة الفيديو

نعم:
العمل على قوقل درايف يتم الحفظ تلقائيا،
إلا إذا كنت تقصد لغة العجم
أنا شاهدت المحاضرة كاملة مرتين من أجل رصد السلبيات، وعندي رجعة لها مرات أخرى،
ودي أول مرة أقدم فيها محاضرة فيديو كاملة، ولأنها تحت مظلة مجموعة سودانية، فضلت الزي القومي،
قبلها كان في واحدة خفيفة، لكن ما كنت عارف أن الكاميرا شغالة، بس الحمد لله ، سترت،
ويا ريت تركز على السلبيات، لان معالجتها يصب في ماعون الايجابيات،

[قصي محمد عبدالله]

المشاركة الأصلية كتبت بواسطة عبد السلام

راجع ليك بالتفصيل بعد تكملة الفيديو

نقدم ما نستطيعه، وفوق كل ذي علم عليم،
تعال مجموعة معلمي قوقل السودان وانداح،
ليس لدينا باب حتى نقول مفتوح على مصراعيه،
ولا حتى جدار،،، الساحة تزيد كلما زاد عدد الأعضاء
الذين تجمعوا عبر الإسفير- وأغلبهم - بدون سابق معرفة
لهدف واحد وهو رقمنة التعليم والحياة، ككل أدوار مجموعات قوقل حول العالم.
...
ومشكووور على الإهتمام، والنقد البناء، والروابط التي أول مرة أعرفها،،،

[ود الشيخ]

هي يا هناية سجمنا وما بتعرفي رسائل الزوار
بالغتي وشذيتي