ولدنا بكري المدينة افضل لاعب سوداني هدفين في الرابطة وتالق في المالي

[محمد احمد عويضة]

سبحان الله الجزيرة الخضراء تنبت الخضرة والجمال والفن والكورة
قاومت جهوية علي عثمان وتقاوي المتعافي الفاسدة وغيرهما وصمدت
قلنا ود الامين تاني مصطفى سيد احمد وابو عركي وقبلهم المساح والكاشف
كذلك المرحوم سامي والمرحوم صابون واللاعب الحريف الديبة وحمد الفنان
وانجبت عبقري الكورة والي الدين رحمة الله عليه
وتنشق ارضها الطيبة وتنجب اسرع لاعب واخطر لاعب ولدنا بكري المدينة
قبل قليل احرز هدفين وصنع الثالث في الرابطة كوستي
تعزل مدرب الملعب فيه وقال اخطر وافضل لاعب
حيث دوخ دفاع الملعب وجهز الهدف للمعلم

[عبد السلام]

ممكن أهدي ؟


شكراً لإتاحة الفرصة

[ابو مؤيد -]

ود عويضة ديل ما بشبهونا وبالمناسبة دي لم تذكر الكورة والجزيرة تقف عند النادي الاهلي (سيد الاتيام) سنطة وعمر ميكي وغبينة ومن ثم التحية لفريق العمال بركات الذي ارتديت شعاره في ايام مضت من العمر- اشتقنا الي ارض المحنة وقلب الجزيرة - ولود عويضة الصوفي نقول جنة الفردوس والنفوس مرتاحة وانت ياشطوط تلقى فيها الراحة ؟؟؟؟؟ شوف الادبيات برضو بدت من مدني - والتحية لاخونا بكري النور (شاي العصر) الذي لازال ينادي بمشروع الجزيرة في كثير من المواقع الاسفيرية

[محمد احمد عويضة]

اية الله العظمى عبد السلام
اهديت بكري حسنات والانسان يخطي ويصيب وباب التوبة مفتوح
ولي الفقية خامئني له لقطة مخلة بالادب مع الرئيس السابق نجات مش بالشورت
ديل لابسين جكسا في خط ستة مش في خط ستة وبس لابسين جكسا في خط مافي
شيعي
مريخابي
وكمان حاقد
تسلم لينا

[عبد السلام]

المحيرني البوست كلو شابكنا الجزيرة والجزيرة عشان ترفع بيها اسكور بكري المدينة مع إنه في نفس توقيت البوست اتحاد مدني كان لاعب !!!

ولي الفقية خامئني له لقطة مخلة بالادب مع الرئيس السابق نجات مش بالشورت
ديل لابسين جكسا في خط ستة مش في خط ستة وبس لابسين جكسا في خط مافي

وانت إن شاء الله صدقت إنها ما فوتوشوب !!

لو داير زي دي كلمني .. ولو عاوز خامنئي مع هيفاء وهبي ذاتو ما عندك مشكلة .. بس انت أطلب