أغنية للبريــدها .. وبتمنى لو اعزف نشـــيدها ..

[بشير التوم إبراهيم]

أغنية للبريــدها .. وبتمنى لو اعزف نشـــيدها ..

بمناسبة عيــد الفطـــــــرالمبـــــارك
هــــــــــدية لكل الأحــــــباب من دون فــرز

بتان بريـدها ..
قِمرية وغِريدة .. هـالكاني يُوت بي ريــدها
درة ونَغومه فَريدها .. يا ريتني أبقى مُريدها
وأغَني ليها بَريدها ..وأدوُبي ليها بريدها
ودُدت بريدها، بريدها بحيا وأموت بي ريـدها
بِترِيدني ريدها شدِيدها
النَقرابي تِحْتَى فِصيدة والزُول شبيه الصَـيده
لو أَنسْرِب في ورِيدها ما بوفي حِقَّ الرِيدها
وَضوايا مِتل القَـمـرة وارثة الحِـنان بي الفِطره
بتريدني ريدها شديدها حَباها ربَّ القُدرة بالحَنان والنَفرة
يا ألله واهب السـُترةغَزال الـوِدي جَنَنَي وملك قِليبي بِنظَرة
وبَتان برِيدها برِيدها و بِترِيدني رِيدها شَدِيدها
يا الله واهب القُــدرة بُدور مَعاها السُــترة
سلب عِقِيلي أسَرني البُرتكان جَنَنَي ..
دَفْقَّ حَنانُا غَمـرني
من غِير كَشاف ولاخُمرة خلاني من غِير قُدرة
وَقدَّ رِوِيحتي وقِيدها شَبُوب أُم لهِيب للمَسلي
غزال رهيد البردي
حلاتا ما بتتقابل ودوني عند الفقراء
وبدور فقير يعزملي وبالمرة يمحى و ويقرأ
بيِاضي عِجلة وبَقـرة
سَماحها كيف رباني لافوقا لون ولا بُدرة
يا شِـيخِي البِتَكتِب وتَقَّرأ أَقرالي سُورة البَقَرة
لو تَرضى بيا حَنونـي ما بَنتظِر لي بُكرة
قُبال أَروُح في جِنوني بدُور معاها السُــترة
عِيوني آه يا عِيوني لا تَقُولوا دَودَو وجَـنة
شُفتَه الحَرير بِتني يا توا ورَد التُردا
وقُبال أَجِـن ألفُوني أنا جَاتني حُمي ووِردا
و جَرحِي الغَريق أبى يِبرى لو نَبْتُو بي الإبِرة
بتان حكيم البندر قال ددت ما ببرى
ما تَنتظِر لي بكرة
علي الكتاب والسنة عَجِل وتِم السُترة
حَلاتَا جات مِنْسِربة شَوق الحِنُون لي أُم خَـبة
بَين النَطُع والشْمَلة لكزت قرين الخُمرة
وقر الدخان والدلكة .. تجيكا لافحـه الفركة
ولبينه في الشنقاقها وسَمْنَة ولقِـيمَة كسرة
الفُوني يا الحِبان سَمرة ومَجْمَرة خلقها
نَجم السمَاء التِحَتاني سَلب عِقيل القَمرَة

الحبوب

[بشير التوم إبراهيم]

بتان حكيم البندر قال ليا ددت ما ببرى
ما تَنتظِر لي بكرة
علي الكتاب والسنة عَجِل وتِم السُترة
حَلاتَا جات مِنْسِربة شَوق الحِنُون لي أُم خَـبة
بَين النَطُع والشْمَلة لكزت قرين الخُمرة
وقر الدخان والدلكة .. تجيكا لافحـه الفركة
ولبينه في الشنقاقها وسَمْنَة ولقِـيمَة كسرة
الفُوني يا الحِبان سَمرة ومَجْمَرة خلقها
نَجم السمَاء التِحَتاني سَلب عِقيل القَمرَة

الحبوب