كلمات واحدة من أجمل الأغانى السودانية ( الساقية غناء الأستاذ حمد الريح)

[نبض الحياة]

كلمات اغنية الساقية
الساقيه لسه مدوره
صوت القواليس والمياه
طلعت مشت متحدره
مد البصر لف الظلام
حول الجداول اسوره
نعسان خضارها الانتكى
ورمى الغصون متكسره
مدى الخيال رقصت مدن غنت مدن
نامت مدن عاشت ليالي مخدرة
والساقيه طاحونه الانين
طول الليالى هي مدوره
تحت الهجير .. تحت الظلام .. تحت المطر
عز الشتاء
الساقية ثانية تقيف تكون امال عريضة مشتتة
اكباد صغيرة مفتتة تحت الظلام عز الشتاء
الساقيه لازم تستمر
الساقيه لسه مدوره
واحمد وراء التيران يخب
اسيان يفكر منغلب
مابين بكاء الساقيه الهناك
مابين طفوله بتنتحب
فى اللى ماشين المدارس
فى المصاريف فى الكتب
فى اللى ضاق بيهوا المكان
هسه سافر واغترب
لمدن بعيده تنوم وتصحى
على مخدات الطرب
والساقيه طاحونه الانين
طول الليالى بتنتحب
احمد حكى
وسد الراس الضراع والشوف
نواحى النيل تكا
وصانى ابوى
الموج بيهدم كل رخوى على الجروف
شد الضراع
النيل بقاوم من زمن كل الظروف
شد الضراع
زى المراكبى مع الشراع
لازم تعرفو الظلم جاى
من وين عليك وافتح عينيك
على زهور الغابه والادغال والاطفال
وعشان يكون الحق ليك
تعبر بحور تهدم جبال
الحق هو النضال
والحق فى ساحة مجزره
والنصر للفاس والرجال
ولى سواقى مدوووره