مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: يعني شنو ملف ضريبي ؟ (آخر رد :محسن الفكي)       :: علاج ادمان الترامادول (آخر رد :منة الراوى)       :: علاج ادمان الحشيش (آخر رد :منة الراوى)       :: حكومة لله يامحسنـين (آخر رد :أقبـــــال)       :: يراوغ السيف ليذبحني ٢ (آخر رد :محسن الفكي)       :: هل تأخر يوسف فضل ؟ (آخر رد :محسن الفكي)       :: نداااااااء عاجل ..... البحث عن ليمونه المجنونه (آخر رد :ود الجريف)       :: التشادية السكره (آخر رد :ود الجريف)       :: انتهاكات “أبو غريب”.. عار يلاحق الجمهوريين من بوش إلى ترامب (آخر رد :أقبـــــال)       :: بوست مشفر (آخر رد :محسن الفكي)      

إضافة رد
 
أدوات الموضوع انواع عرض الموضوع
قديم 14-05-2018, 04:01 AM   #1
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,199
Icon6 صباع واااحد

الإيميل ده شنو ؟!
* سألت خريج علوم كمبيوتر هل يجيد التعامل مع برنامج )مايكروسوفت أوفيس(، فاكتشفت أنه لم يسمع بهذا الإسم من قبل .. لاحظوا هذا خريج علوم كمبيوتر يحمل درجة البكالريوس فى هذا التخصص من إحدى الجامعات السودانية ..!!
* وسألت خريجة كمبيوتر كم كلمة تطبع فى الدقيقة، أجابت (ما عارفة) فسألتها بكم بأصبع تطبعين، فسألتنى ،كيف يعنى؟(، فقلت لها )بأصبع واحد أم بعشرة( قالت لى مع مط الكلمة (صباع واااااحد) .. .. !!
* وسألت أخرى هل لديك إيميل .. ففوجئت بها تسألنى (إيميل ده شنو؟)
.. وهل لا أكذب ولا أبالغ !!
* وثالثة ورابعة وخامس وسادس وعاشرة وعشرين وثالثين ..إلخ من خريجى وخريجات علوم الكمبيوتر، فاكتشفت أن صلتهم بالكمبيوتر كصلتى باللغة الهيروغلوفية ... وأكرر هؤلاء يحملون بكالريوس علوم الكمبيوتر !
* وإكتشفت أن بعضهم يعتقد أن الفيس بوك والواتساب وبرامج التواصل الإجتماعى الأخرى هى الكمبيوتر !!
* المناسبة ان احد اقربائى، وهو أستاذ جامعى متقاعد كبير فى السن، طلب منى أن أساعده فى العثور على شاب أو شابة ممن لديهم المهارة فى الكمبيوتر لمساعدته بالأجر فى شركته التجارية الصغيرة التى يرغب فى توسيعها عن طريق الإستفادة من خدمات الإنترنت ..!!
* بعد اكثر من ثالثة اسابيع فى البحث إعتذرت للرجل، حتى لا يظل يلعننى كلما إكتشف جهل وسطحية من إستخدمه أو استخدمها بتوصية منى !!
* عندما حكيت القصة للصديق الدكتور كمال عبدالكريم ميرغنى المصرفى السابق، ومدير مركز عبدالكريم ميرغنى الثقافى حاليا ،تذكر قصة طريفة لشاعر سودانى كبير سألته صحفية عربية أثناء زيارته لإحدى الدول الخليجية قبل بضع سنوات إذا كان لديه إيميل حتى ترسل له بعض الأسئلة، فأجابها بأن لديه إيميل ولكن فى (لندن) .. قلت له بعد ان
ضحكنا : )الشاعر معذور، فهو كبير فى السن، ولكن ما هو عذر شباب، بل خريجى كمبيوتر !!
* ليس بالطبع ان كل من درس علوم كمبيوتر أو أية دراسة جامعية أخرى فى بلدنا بهذه السطحية والجهل، ولكننى أجزم أن الغالبية كذلك، ليس من منطلق إحصائى ، ولكن من واقع المناهج الدراسية سواء ما قبل الجامعية او الجامعية، التى لاتزال تتعامل مع الكمبيوتر كجهاز للعبث واللهو وتضييع الوقت ..إلخ، فلا تهتم على الإطلاق بتعليم الطالب فى
مرحلة دراسية مبكرة طريقة الطباعة الصحيحة، وبعض برامج الكمبيوتر البسيطة والمهمة للكتابة العادية وتصميم وعرض المحاضرات ..إلخ )مثل
مايكروسوفت أوفيس( لتكون اساسا له يستفيد منه فى مستقبل دراسته، ويحمسه ويسهل عليه تعلم المزيد من مهار ات الكمبيوتر، ويساعده فى إتقان نوع الدراسة التى يدرسها فى الجامعة أو بعد الجامعة !!
* من اهم أبجديات التعلم إتقان الطباعة بمهارة وسرعة باستخدام الأصابع العشرة، فهى المدخل الصحيح الكتساب معارف ومهارات عديدة، والتعامل بسهولة شديدة مع االجهزة التى تتطلب استخدام اصابع اليدين للتعامل معها والإستفادة من مقدراتها الهائلة، فى زمن قصير، وهو ما يتميز به كل الطالب قبل الوصول الى الصف الدراسى الثالث إبتدائى فى كل الدول المتقدمة، حتى قبل اكتشاف الكمبيوتر وانتشاره
على مدى واسع، فالطباعة بمهارة وسرعة هى الأساس فى المعرفة والتعلم والإنتاج الإبداعى، والطالب الذى لا يتقن الطباعة يكون متخلفا عن زملائه بشكل كبير .. !!
* معظم الإنتاج الإبداعى فى العالم، ومعظم البحوث الجيدة التى قادت الى إنجازات كبيرة، كان العامل الاساسى فيها هو آلة الطباعة بشكلها القديم التى حل محلها جهاز الكمبيوتر والالبتوب فيما بعد .. ومن المؤسف أن يظل تلاميذنا فى كل المراحل الدراسية حتى الآن فى مرحلة الكتابة
بالأيدى التى تخطاها العالم منذ عقود طويلة .. ولا تزال المناهج تهمل هذا الأمر المهم، كما أن المناهج نفسها لم تتطور، وظلت حبيسة الورق والسبورة والطباشيرة، بينما كان من المفترض ان يحدث تحول تدريجى الى استخدام التقنية الحديثة فى كتابة وتخزين وتدريس المناهج، على
الأقل فى المرحلة الجامعية مع توفر المراجع الورقية كما يوجد فى معظم
دول العالم المتقدم !!
* اهمية استخدام التقنية الحديثة فى التعليم أنها توفر الكثير من الوقت، وتسهل على المدرس والطالب فى آن واحد الوصول الى الهدف بسرعة، فعندما يكون الدرس على الشاشة بكامل تفاصيله فإن التدريس يكون اسهل واسرع بالنسبة لا
للاستاذ، وكذلك الإستيعاب والفهم بالنسبة للطالب ..!!
* الحوكمة لاتعنى فقط جباية الرسوم باستخدام أجهزة الكمبيوتر والإنترنت، بل أن تدخل أجهزة الكمبيوتر والإنترنت الى حياتنا اليومية فى كل المجالات، التعليم، الصيرفة، التسوق، تسديد الفواتير، إستخراج الوثائق، المعاملات الرسمية والشخصية، ..إلخ وكل شئ .. وليس
أورنيك (15 ) فقط، أو لعب الكوتشينة فى المكاتب، والتسلى مع الأصدقاء
على الفيس بوك والواتساب .. !!
* عندما نكتشف أن خريج جامعى واحد فقط لا يعر ف حتى الآن ما هو الإيميل فإنها كارثة كبيرة، دعك من عشرات الجامعيين خريجى علوم الكمبيوتر الذين ال يعرفون ابجديات الطباعة، ولا مهارات الكمبيوتر
الأساسية، ويظنون ان الكمبيوتر هو الواتساب والفيس بوك .!


نقلا عن زهير السراج

محسن الفكي غير متواجد حالياً   رد مع اقتباس
قديم 14-05-2018, 07:51 PM   #2
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,674
افتراضي رد: صباع واااحد

الله يسامحك.
ما خلعتني يا شاب
غايتو في وزارة التعليم العالي إدارة البرامج التعليمية ومعادلة الشهادات
ياما شفنا بام عينا
ود الشيخ غير متواجد حالياً   رد مع اقتباس
قديم 14-05-2018, 08:57 PM   #3
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,199
افتراضي رد: صباع واااحد

أهلا ود الشيخ
احكي خلينا نشوف، المستخبي .
محسن الفكي غير متواجد حالياً   رد مع اقتباس
قديم 16-05-2018, 07:35 PM   #4
عبد السلام
 
تاريخ التسجيل: Jan 2010
المشاركات: 2,801
افتراضي رد: صباع واااحد

زهير السراج نفسه ما فاهم شغل الكمبيوتر شنو
الطباعة ما عندها علاقة بتخصص الكمبيوتر
بتاعة ناس السكرتاريا
كلامه القالو حول جهل الخريجين حقيقي موش في مجال الحاسب بل في كل المجالات
لكن بس في الحاسوب بتظهر اكتر بسبب إنه محتاج متابعة واطلاع على أحدث التقنيات

سبدرات دمر التعليم بحذف السنة وتغيير المقرر بالذات مقرر الانجليزي بتاع نايل كورس
الطلاب البندرسهم في الجامعات لا عندهم انجليزي ولا رياضيات
حتى الأساتذة نفسهم قنعوا من طلاب زمان
في زمنا كان ممنوع دخول كلية الطب جامعة الجزيرة ببنطلون جينز .. البروف بطردك من المحاضرة طوالي .. في اجازتي الفاتت مشيت مستشفى مدني لقيت شفع الامتياز لابسين بناطلين جينز وتيشيرتات ودارعين السماعة
عبد السلام غير متواجد حالياً   رد مع اقتباس
قديم 17-05-2018, 03:41 AM   #5
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,199
افتراضي رد: صباع واااحد

غايتو شر البلية ما يضحك
القصة مش خلط "السراج" لأوراق المفاهيم وبس ، بل في سودانا البطئ المتثاقل ده، هل عاوز ليهو أكتر من صباعين ؟
وهل لما البس بنطلون ناصل بيمنعني من كوني أمارس مهنتي بي ذمة؟
مع إنو المنعو الجينز في زمانهم ديل ، ممكن كانت سجارتم قصبة
محسن الفكي غير متواجد حالياً   رد مع اقتباس
قديم 17-05-2018, 11:09 AM   #6
عبد السلام
 
تاريخ التسجيل: Jan 2010
المشاركات: 2,801
افتراضي رد: صباع واااحد

اقتباس:
وهل لما البس بنطلون ناصل بيمنعني من كوني أمارس مهنتي بي ذمة؟
أيوة بمنعك
المظهر هو الرسول الأول لتقديم الخدمة
أي شخص بتعامل مع الجمهور مفترض يكون عنده اهتمام كافي جداً بالمظهر
عشان كدة المدير العام لازم يلبس بدلة وكرافتة
طبيب انت حتسلمه حياتك مفترض تصل ليك رسالة إنه شخص جادي ومحترم موش ود ميكي ما فارق معاهو كان حييت ولا متّ


اقتباس:
مع إنو المنعو الجينز في زمانهم ديل ، ممكن كانت سجارتم قصبة
ما ظنيتهم بسجروا في مكان العمل
المقدس هو مكان تقديم الخدمة وبس
تطلع من باب المستشفى تشيل قزازتك والبنقو بتاعك وتخيط الشارع عريان مافي زول عندو شغلة بيك
عبد السلام غير متواجد حالياً   رد مع اقتباس
قديم 17-05-2018, 11:27 AM   #7
عبد السلام
 
تاريخ التسجيل: Jan 2010
المشاركات: 2,801
افتراضي رد: صباع واااحد

اقتباس:
في زمنا كان ممنوع دخول كلية الطب جامعة الجزيرة ببنطلون جينز .. البروف بطردك من المحاضرة طوالي
واحدة من العادات الكانت حصرية على طب الجزيرة إنه ما مسموح لطالب بمعرفة نتيجة طالب آخر .. أي زول بشيل بطاقته ويمشي شباك المسجل بسلمها ليه مكتوبة
السبب بحسب تفسير الدكاترة المدرسين إنه النتيجة ممكن تأثر على مستقبلك المهني .. يعني مثلاً تسقط في كورس العظام وبعديها تعديهو وتحب المادة وتمشي فيها وتبقى اختصاصي عظام
يقوم واحد وانت في عز تميزك الوظيفي يقول الاختصاصي المشهور دة تسلمو كراعك كيف وهو كان ساقط عظام أيام الجامعة !!
بعد داك المجتمع كلو ممكن يكش منك كونك بتمارس مهنة سقطت فيها أكاديمياً


الوقت داك كل الجامعات كانت بتعلق نتائجها في البورد وشيل الحال متاح للجميع .. بتذكر كانت معلقة جمب نتيجتنا نتيجة كلية الدراسات التجارية واحد نتيجته إعادة repeat ودي بكتبوها R

واحدة من الحناكيش بتسأل في صاحباتها وهو واقف قالت ليهم بدلع الحنكوشات داك بق آر دي شنو؟ رد ليها : بق آر دي حقة الرجال
بعد طلعنا من السودان واتثقفنا في أساليب التربية لقينا إنه دي أسوأ عادة والدول المتقدمة كلها ما عندها العادة بتاعة الأول فلان الفلاني والطيش فلان والسؤال العوير انت جيت الكم ؟ وليه فلان جاء احسن منك
دي أساليب بتأثر على نفسية الطالب وتخلي العلم عندو عملية انتقامية وتدخل فيه عقدة إنه أقل من الناس وفي المراحل المبكرة بتكرهو في التعليم بالكامل

التعديل الأخير تم بواسطة عبد السلام ; 17-05-2018 الساعة 11:29 AM
عبد السلام غير متواجد حالياً   رد مع اقتباس
قديم 17-05-2018, 12:39 PM   #8
نادر ليمونه
 
الصورة الرمزية نادر ليمونه
 
تاريخ التسجيل: Oct 2006
الدولة: اخر الدنيا
المشاركات: 4,424
افتراضي رد: صباع واااحد

اقتباس:
ما ظنيتهم بسجروا في مكان العمل
المقدس هو مكان تقديم الخدمة وبس
تطلع من باب المستشفى تشيل قزازتك والبنقو بتاعك وتخيط الشارع عريان مافي زول عندو شغلة بيك
شغل صاااااااااح المستشفي ده بالله اصلو انا عيان عشان كده قالوا دكاترة زمان كانو شاطرين يديك حبه من الدرج حقو تشوف الدنيا حلووووووووه ويمكن ترجع بيتكم كداري لا امجاد ولا ركشه ههههييبكككاااا لو مكضبني اسالو خالووووو
__________________



*** هارب مني وين مصير الحي يلاقي ***
نادر ليمونه غير متواجد حالياً   رد مع اقتباس
قديم 17-05-2018, 12:48 PM   #9
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,674
افتراضي رد: صباع واااحد

اقتباس:
لو مكضبني اسالو خالووووو
مالك عاوز تبكيني لو سالوني في رمضان ده
بعد ان ضحكت كما لم اضحك من قبل
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 17-05-2018, 12:52 PM   #10
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,674
افتراضي رد: صباع واااحد

اقتباس:
ممكن كانت سجارتم قصبة
واعرف منهم جراحين كبار واختاصين اعلام
ومن علمهم كانوا يتقيدوا
بمتى وأين وكيف
ود الشيخ غير متواجد حالياً   رد مع اقتباس
قديم 17-05-2018, 02:36 PM   #11
محاسن النور
 
الصورة الرمزية محاسن النور
 
تاريخ التسجيل: Oct 2013
المشاركات: 1,413
افتراضي رد: صباع واااحد

سلام
ورمضان كريم .
لا اكذبك ايضا استاذ محسن لدينا امثال لا تحصي من هذه النوعيه من المهازل ..لدي علاج في روشته وكنت في مستشفي خاص كبير حبيت ان اعرف ماهو العلاجمن الكمبيوتر وبمساعدة صديقتي الدكتوره التي تعمل في المستشفي نفسو اقترحت نمشي غى
غرفة الكمبيوتر ومشينا يوجد بالغرفه خمسه من الشباب وشابه تتعالي اصواتم ب الضحك الواضح كانو بيتسلو ..عرضت عليهم صديقتي اسم العلاج عاينو لبعض ببلاهه وانسحبو واحد واحد ماعرفو حتي يقرو الكلام المكتوب ولااا صحبتي ذاتا ...مع اني قريتا ليهم لكن ما عرفو كيفية توضيحا والمشكله الكبيره قرائتها
خجلت ليهم والله وقلت رحم الله العلم والتعليم في السودان ..لفته مهمه جدٱ تحتاج لعلاج فوري عسي ولعل..وربنا يسهل
تحياتي.
__________________
.قد سألت البحر يومٱ*هل أنا يابحر منك ؟:
أصحيح ما رواه بعضهم عني وعنك ؟:
سخرت امواجه مني وثارت
حين قالت .لست ادري! .لست ادري.!
محاسن النور غير متواجد حالياً   رد مع اقتباس
قديم 17-05-2018, 02:48 PM   #12
محاسن النور
 
الصورة الرمزية محاسن النور
 
تاريخ التسجيل: Oct 2013
المشاركات: 1,413
افتراضي رد: صباع واااحد

سلام
ورمضان كريم .
لا اكذبك ايضا استاذ محسن لدينا امثال لا تحصي من هذه النوعيه من المهازل ..لدي علاج في روشته وكنت في مستشفي خاص كبير حبيت ان اعرف ماهو العلاج من الكمبيوتر وبمساعدة صديقتي الدكتوره التي تعمل في المستشفي نفسو قرابة الخمس سنين اقترحت نمشي الي
غرفة الكمبيوتر ومشينا يوجد بالغرفه خمسه من الشباب وشابه تتعالي اصواتم ب الضحك الواضح كانو بيتسلو ..عرضت عليهم صديقتي اسم العلاج عاينو لبعض ببلاهه وانسحبو واحد واحد ماعرفو حتي يقرو الكلام المكتوب ولااا صحبتي ذاتا ...مع اني قريتا ليهم لكن ما عرفو كيفية توضيحا والمشكله الكبيره قرائتها
خجلت ليهم والله وقلت رحم الله العلم والتعليم في السودان ..لفته مهمه جدٱ تحتاج لعلاج فوري عسي ولعل..يتعدل الحال المايل وربنا يسهل
تحياتي.
__________________
.قد سألت البحر يومٱ*هل أنا يابحر منك ؟:
أصحيح ما رواه بعضهم عني وعنك ؟:
سخرت امواجه مني وثارت
حين قالت .لست ادري! .لست ادري.!
محاسن النور غير متواجد حالياً   رد مع اقتباس
قديم 18-05-2018, 11:48 AM   #13
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,199
افتراضي رد: صباع واااحد

سلام وتحية للأعزاء
عبد السلام
نادر ليمونة
ود الشيخ
أستاذة محاسن
محسن الفكي غير متواجد حالياً   رد مع اقتباس
قديم 18-05-2018, 12:20 PM   #14
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,199
افتراضي رد: صباع واااحد

حول تدخين السجاير زمان ، ولبس البنطلون الناصل حاليا أقول ،
نعم يا عبد السلام ، مش بيدخن وبس بل ينفث دخانه بوجهك داخل عيادته الخاصة (ويكون تخصصو صدر وحساسية)، ثم يأمر بالإمتناع عن التدخين لأجل صحتك ! .

أما البنطلون الداقي سيستم، بيكون اللابكوت أو البالطو ابيض مغطيهو، اللهم إلا لو البالطو الأبيض بقا "ستوماك" ��.
وإشانة السمعة في زمنا ده ما عاوزة ليها دي نتيجة(بيدسوها) ، بقدر ما بتحتاج تربية وتنشئة صارمة ، يلتزم بها الجميع ، مجتمع ومسجد ومدرسة وشارع وميديا وفاميلي .
ياخ هسه بتلقا قرار مروس من رئاسة الجمهورية لافي في طاحونة الوتساب ، عاوز الموظف يحجب نتيجة عشان نفسيات طالب ، زي ده ما يشوف ليهو خمسيناية الا ويكتب ليك تعهد بتصوير نتائج الخمسة سنة الجايات �� ،
اكيد بتفق معك حول جوهر الفكرة ، زي ما عاوزك تتفق معي إنو المجتمع بقا يتقبل البنطلون الناصل ،
ياخ إنت ما شفت حفلات الهستيريا البيتخرجو بيها ، شكلا كيف ؟ .
السراج ده دقة قديمة ، وأنا هسه طبعت الرد ده بي مصبع واااحد . وممكن وأنا راقد في سريري ازبط ليهو حسابات قريبو ده ، وأووفسا ليهو زي الترتيب ، بدون ما يعمل مكتب محاسبة وايجار وموية ونور ومرقنا نزبط طشت البوش .. الخ الخ.


نادر ليمونة خالك براهو لبس الطاقية �� أكيد عندك خيلان تانين .
عمر خالد يا ود الشيخ من السجارتم قصبة ، وتخصصو أمراض جهاز تنفسي.

حقو يا محاسن الطبيب يشرح للمريض الحالة ونتائج المعمل وغيرا ، بدون ما يلجأ لقووقل .


التعديل الأخير تم بواسطة محسن الفكي ; 18-05-2018 الساعة 12:23 PM
محسن الفكي غير متواجد حالياً   رد مع اقتباس
قديم 18-05-2018, 01:13 PM   #15
محاسن النور
 
الصورة الرمزية محاسن النور
 
تاريخ التسجيل: Oct 2013
المشاركات: 1,413
افتراضي رد: صباع واااحد

كيف يعني العالم مهووس بالعولمه هو في زول عندو صبراو وقت عشان يقعد يشرح بي خشمو هههههه هو يكون بيفتح ليهم الجهاز ويقول ليهم اللي بيصل لي معلومه فيكم يبقي يستاهل جايزه وهم ولا عايزين يكونو علما ولا يحزنون ولا عازين حافز ولا حاجه لانو بكذب عليهم .طبعا ! الدكتور يمشي ويقلبوها كتشينه او حاجات تانيه واكيد مفتحييين في الفارغه ...ده خلاصة الموضوع ...
__________________
.قد سألت البحر يومٱ*هل أنا يابحر منك ؟:
أصحيح ما رواه بعضهم عني وعنك ؟:
سخرت امواجه مني وثارت
حين قالت .لست ادري! .لست ادري.!
محاسن النور غير متواجد حالياً   رد مع اقتباس
قديم 18-05-2018, 02:44 PM   #16
عبد السلام
 
تاريخ التسجيل: Jan 2010
المشاركات: 2,801
افتراضي رد: صباع واااحد

في الحقيقة مر بي النوع البنفخ سيجارته في وشك دة في الجامعة
كان وكيل جامعة شغال فيها وشغلنا مرتبط بمكتبه طوالي .. صندوق سجايره في التربيزة ويبخبخ فيه طول اليوم وانا من الناس البتضايقو من ريحة السجاير شديد
الجامعات السعودية الاشتغلت فيها كلها بتتفق على الـ smoking detectors ودي ما بلعبوا فيها نهائي
بتذكر عميد كان مدخن شره لكن بطلع السطوح يجبد سيجارته ويرجع المكتب


بالنسبة لشفع الامتياز الحكيت ليك عنهم ديل ما لابسين لابكوت ذاتو .. بس ياهو الجينز والتيشيرت والسماعة المدروعة في الكتف .. نان انت قايل المزعلني شنو!


حفلات التخرج أصلاً مكان بهجة ودق السيستم حق متاح للجميع بس ما في أماكن العمل .. المفروض اليونيفورم واللبس الرسمي يكون سيد المكان لأنه العلاقة بين العميل والموظف بتبدأ من المظهر اللي بيدي الانطباع الأولي .. وبرغم بيروقراطية الحركة دي إلا إنها مهمة جداً ومن حق المؤسسات التمسك بيها لأبعد مدى .. في السعودية حتى العميل الداخل دوائر حكومية لإجراء معاملة ملزم بلبس محترم .. شفت سعوديين بمنعوهم من دخول مكاتب وزارة الخارجية عشان ما لابسين شماغ
عبد السلام غير متواجد حالياً   رد مع اقتباس
قديم 18-05-2018, 02:57 PM   #17
عبد السلام
 
تاريخ التسجيل: Jan 2010
المشاركات: 2,801
افتراضي رد: صباع واااحد

مكرر .

التعديل الأخير تم بواسطة عبد السلام ; 18-05-2018 الساعة 03:00 PM
عبد السلام غير متواجد حالياً   رد مع اقتباس
قديم 18-05-2018, 02:59 PM   #18
عبد السلام
 
تاريخ التسجيل: Jan 2010
المشاركات: 2,801
افتراضي رد: صباع واااحد

المشاكل الحاصلة في تركيب الشخصية السودانية كلها سببها التربية الخاطئة
المقال أدناه نقلتو كما هو وبعتبره أجمل ما قرأت في السنوات الأخيرة


____________


تربية الخواجات

اختصاصي الطب النفسي تماضر محمد الحسن:

طوال تواجدي خارج السودان في الاتناشر سنة الاخيرة دي انا كنت براقب في الخواجات ديل ...شنو فعلا المخليهم احسن مننا ...
انا مؤمنة انهم فعلا احسن مننا من ناحية انجازات
اختراعات
اكتشافات
من ناحية فنون
من ناحية حكومات ودول مؤسسات
من ناحية سيستم ونظام وغيرو

والاهم من دا كلو من ناحية تصرفات
وسلوك وردة فعل ...

من ملاحظتي انو الناس ديل مختلفين تماما عن طريقتنا في عملية البناء النفسي للبني ادم...


نتكلم عن الطفل ابتداءا
الطفل هو صغير جدا بيحمل مسؤولية تليق بعمرو ومقدرتو الجسدية والعقلية في استيعاب ماحوله ...
يرقد.براه في سريره في وكت محدد ... بياكل اكل محدد في وكت بعينه ... وقبل اي شيء هو نفسه وجوده في الحياة كان نتاج عن رغبة ومحبة وابوين راغبين في وجوده ومستعدين لاستقباله ... بتلقي الاب والام متواجدين بذات القدر في حياة طفلهم ...
هم مصدر معلومة الطفل الوحيدة مافي ناس كتار مشاركين في العملية التربوية للطفل زي ناس جد حبوبة ابوهم ... وود خال عمة جيران اولاد خالتهم ... ناس الحلة والجيران والاصحاب وسيد الدكان وبتاع اللبن يعني مافي وجود للطريفي زول النصيحة المدسوس جوانا كشعوب دا ممايجعل تقصي المعلومة ساهل ومعرفة مواطن الخلل لاتحتاج كثير عناء وبخلي الطفل اكثر تركيزا .. والمعلومة الاخدها اكثر رسوخا .. وبيصنع جسور ثقة بينو وبين والديه

يكبر ويتحمل مسؤوليته شوية شوية ويعرف انو لو ارتكب خطا واترتب علي الخطا دا اي شيء ... بكون عارف تماما انو القصة الحاصلة دي حصلت ليهو من جراء اخطاءه العملها ولازم يعترف بيها عشان يقدر يعالجها ... الطفل هنا بفهم من بدري انو بني ادم ويمكنه الخطا وله مساحة لارتكاب ذلك بس المامسموح بيه هو الالتفاف لتغطية الخطا دا ...بالعربي الكذب دا هنا جريمة ... وبصروا علي تعليم الطفل ثقافة الاعتذار والاقرار بالخطا والاجتهاد في تصحيحه والتعلم منه الدنيا هنا كلها قايمة علي
Reflective practice

الحياة هنا ببساطة كلها مصممنها عشان يساعدو الام دي تهتم بالطفل دا ...
اخترعوا عربات دفع للاطفال
مواقف سيارات تخص السيارات التي تحمل الاطفال
مامحتاج تقيف في صف اذا معاك طفل
حددوا السرعة في شوارع بعينها عشان خاطر الاطفال الماشين مدارسهم
بدفعوا قروش للاسر للاهتمام باطفالها دفع فيهو نوع من السخاء والمحبة ...
العلاج مجانا للاطفال حتي عمر 18 سنة حتي لو كان ابوك بيكهام ...
اي لفة بتلقي تواليت تستعمله الام عشان تغير لطفلها وفي نفس الوكت تقعد ترضعه واجهزة تدفئة لزجاجات الحليب الاصطناعي ...
قنوات مخصصة للاطفال وبرامج تصمم عشانهم
عملوا نظام الخدمة الاجتماعية social service
عشان يحموا الاطفال حتي من اهلهم الممكن يكونوا ماسويين نفسيا ومنعا لاي اهمال وعدم اهتمام او تعريض حياة الاطفال للخطر
الطفل ايا كان اختلافه عن اقرانه من ناحية كفاءة جسدية او عقلية (انا لااستعمل كلمة اعاقة او تخلف لانهم قبيحات��)
الطفل دا يشجع علي الوقوف والحديث
التعلم
ابراز مواهبه
قول رايه
تشجيعه علي التحدث عن شعورو واحساسو ...حزنو والمو والتجارب الممكن تربك نموه النفسي تحديدا وخصوصا التحرش الجنسي والاساءة النفسية والجسدية وتحطيم تقدير الذات لدي الاطفال
لاحظت في مدارس بناتي وانا اراقب هؤلاء القوم ...انو الست الناظرة سيدة حازمة ولازمة وشديدة من طريقة مشيها ونبرات صوتها ولما تقرب من طفل تحس انو الطفل نفسو يدوب فيها وعيونو مليانات حب ������
مافي ضرب ... بس مجرد ذكر انك سوف تمثل امام مس ايفانس (المحبة والصعبة) يجعل الطفل يكف تماما عن اي سلوك سيء ... ولما تكون في حفلة في المدرسة البتعزف مس ايفانس دي زاتها وتغني مع الاطفال وفي حفلات نهاية السنة بترقص في النص
بس لكل مقام مقال وهم فاهمين كدة كويس
الاغاني كلها ليها علاقة بانهم امل الحياة وانهم احلي شيء وانهم جديرين بالاحتفاء وانهم محبوبين ... مافي جندر علي الاطلاق
بنات
اولاد
كلكم حلوين
ومميزين
ومهمين

وكما ذكرت سابقا مافي نتايج كلكم ناجحين وكلكم كويسين واذا في مشكلة ولي امرك هو الوحيد الحيعرف مشكلتك ...
ماعندك شغلة بباقي الاطفال التانيين طالما انت ماشي كويس يعني مابكونوا حريصين يعرفوا نتايج غيرهم كل زول بكون مركز مع روحه ... وبكونوا مجتهدين انهم يكونوا الاحسن علي مستواهم الشخصي . لو في مسابقة مثلا الادهشني تقبلهم للهزيمة واحتفالهم مع الشخص الفايز والصفقة ليه والفرحة (الصادقة) معاه
ال bullying ومناداة الطفل باسم مابحبه او وصفه بصفة او تذكيره باختلافه عن غيرو من الاطفال غير مقبول تماما وعقوبته كبيرة جدا لمعرفتهم الجيدة والصحيحة لمالات الحاجات دي في المستقبل
بترك له الحق في اختيار حياته وتصريف اموره في الحد المعقول واختيار مايود امتهانه في المستقبل.

هم بيصنعوا الانسان صناعة وبجهزوه من بدري ...

نحنا نفعل عكس ذلك تماما للاسف
الطفل من هو في اللفة طوالي شايلنو وبنوم في حضن امو كل الوكت وتصحي هي منهكة وفاقدة الرغبة من التعب في اي شيء ...
يكبر شوية اول مايبدا يمشي.. يقع في الواطة طوالي (يبكي) ويحلف مايسكت ...طوالي نقول ليهو قول (تف) وندق ليهو الواطة الكعبة الرمتو دي ويكبر الطفل دا ويكون الشخص البفتش عن حاجة يقول ليها (تف) عشان يعملها شماعة خطا واضح انو مرتكبه ...ويبقي مابتحمل مسؤولية شيء ومابيعترف بغلطه ومن ثم لا وجود لثقافة الاعتذار
يكبر شوية والعملية التربوية يقوم بيها عدد مهول من الناس كل زول علي كيفه وعلي حسب تصورو للصاح والخطا... مابكون قادر يعرف من اين يستقي معلوماته ويفقد البوصلة وسط زحمة المتناقضات والتضاد

يتعلم الكلام ويجيك زول برة وانت ماعايز تلاقيه تقول ليهو امشي قول ليهو مافي ... تكون حطمت اكبر قيمة عند الانسان وهي الصدق والحقيقة المجردة

نعلموا انو قصاد اي حاجة لازم تكون في حاجة يعني يمشي الدكان عشان يشتري حاجة انتوا عايزينها الا تشتري ليهو شيء ..

ممكن عادي تلقي طفل جاري حفيان ونخرينو سايلات والام تكون حايمة وهي علي سنجة عشرة ماهو طفل ماعارف شيء ... بعضهم يذهب للمدارس متسخ وممزق الثياب اشعث اغبر لانو طفل مامفروض يهتم لحاجات زي دي ... علي فكرة هو بكون منتبه والحاجة دي بتتحفر زي الوشم جواه

في المناسبات بياكلوا الرجال
وبعدهم النسوان
واخر شيء الاطفال (دا الانا لاسي ماقادرة افهمه)
ممكن عادي زول كبير يقوم طفل صغير من كرسي عشان يقعد هو ��
غير مسموح ليهم بالتحدث ولا ابداء الراي ولا حتي الكلام (شافع نضام كلامو كتير ودا زول كلامو كلام شفع) عشان كدة بكبر الواحد مابقدر يقول للغلطان انت غلطان لو هو اكبر منو سنا ... او يفوقه خبرة او مكانة
وتبدا بعداك قصة...
دا ولد
ودي بت
والتمييز بينهم والمفاضلة ...
اختك تخدمك
اختك انت مسؤول منها توجهها وتوريها وتعقلها وممكن تضربها حتي لو انت اصغر منها بسنوات
لانك انت بتفهم احسن وبتتصرف بصورة افضل

النبذ والاساءة
شيء حيوانات
وشيء نبذ من نوعية
انت شن فايدتك
وانت شن طعمك
انت قايل روحك بتبقي زول
انت اخبر عدمك

حزام البنطلون ... البسطونة ...سوط العنج .... المفراكة ... السفنجة ...سير الوصلة
كل احباطنا وزهجنا وتعبنا بنطلعه فيهم

ونجي للمدارس وماسيها
الضرب
التخويف
المراسيل
استغلال المعلمين للطلاب والاساءة ليهم
الطيش والاول مشكلتنا الازلية .
صعوبات التعلم المافي زول عارف عنها شيء .
بس تجي الاول (رجالة كدة )
المقارنة مع الاخرين
الاهتمام بانجازات الاخر وتتبع نتايجه
ود فلان عمل انت عملت شنو
كمية الحقد والحسد والحزن والزعل الممكن تملا القلب الصغير دا ، وتمني السوء للاخر لتطمين الذات وتكميد الالم، ودا يصاحبه وهو كبير ،كيف ممكن يغتال شخصية غيره ..لا لشيء ... بس لانه ناجح وماشي كويس

الاطفال المختلفين وتسميتهم باسماء عجيبة ومعايرتهم
وتمييزهم في اسرهم ومجتمعاتهم ومدارسهم ودفعهم لمزيد من التخبط والالم
حصر اهتمامات الاطفال وهواياتهم ونظرتهم للمستقبل وفقا لاماني الاهل الممكن تكون بس عبارة عن اماني عجزوا هم عن تحقيقها تعملها انت (كسر رقبة) سواء كنت انت مهيء لكدة او لا ، من غير ان يفكر هؤلاء الاباء والامهات انهم شخصيا فشلوا وعجزوا عن فعل ذلك .......
انت راجل ماتبكي
فتتحجر الدموع عندك ويصبح قلبك صلدا يبكي داخله ... ماتبقي حنين وتقول كلام حلو لانو دا يوصمك بالخيابة وعدم الفايدة ...

لانعلم اطفالنا لغة التخاطب واستعمال الكلمات مثل من فضلك ولو سمحت وشكرا ... لا علاقة لنا بالابتسام فينشيء الصغير بانو (عينو حمرا وشرارة) دي قمة الرجولة ...

دا غيض من فيض
ياما في الجراب ياحاوي
لو نحنا ما واجهنا الكلام دا وغيرناه حنقعد والناس حتكون ماشة ولانملك الا الدعاء عليهم وانو نحنا مستهدفين .. ونظريات المؤامرة الكلها تصب في خانة قول تف ادق ليك الواطة ���� ..
مشكلتنا ليست حكومات... الحكومات دي مانحنا زاتنا
من الغباء اننا نتوقع اختلاف النتايج وتحقيق النجاح ونحن نستعمل ذات الوسيلة كل مرة
نحنا في رايي محتاجين في الاول لبناء وترميم الذات

تماضر الحسن

����
عبد السلام غير متواجد حالياً   رد مع اقتباس
قديم 18-05-2018, 04:39 PM   #19
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,199
افتراضي رد: صباع واااحد

اقتباس:
المشاركة الأصلية كتبت بواسطة محاسن النور مشاهدة المشاركة
هو في زول عندو صبراو وقت عشان يقعد يشرح بي خشمو
أهلا محاسن
إنتي كنتي بتحكي عن مستشفى خاص ، يعني الطبيب بالضرورة يفضي نفسو للمريض ويشرح .
محسن الفكي غير متواجد حالياً   رد مع اقتباس
قديم 18-05-2018, 04:52 PM   #20
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,199
افتراضي رد: صباع واااحد

اقتباس:
المشاركة الأصلية كتبت بواسطة عبد السلام مشاهدة المشاركة
لقيت شفع الامتياز لابسين بناطلين جينز وتيشيرتات ودارعين السماعة
قعدت اضحك ، لأنو في كلامك ده مافي أي إشارة لنوع البنطلون، أو لابسين الكوت ابيض ولا ما لابسين .
محسن الفكي غير متواجد حالياً   رد مع اقتباس
قديم 18-05-2018, 05:02 PM   #21
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,199
افتراضي رد: صباع واااحد

المقال مهم وشكرا لإيراده وياريت لو ما يفارق المفضلة .

التعديل الأخير تم بواسطة محسن الفكي ; 18-05-2018 الساعة 05:04 PM
محسن الفكي غير متواجد حالياً   رد مع اقتباس
قديم 18-05-2018, 06:36 PM   #22
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,674
افتراضي رد: صباع واااحد

اقتباس:
المشاركة الأصلية كتبت بواسطة عبد السلام مشاهدة المشاركة
حفلات التخرج أصلاً مكان بهجة ودق السيستم حق متاح للجميع
ود الشيخ غير متواجد حالياً   رد مع اقتباس
قديم 18-05-2018, 07:36 PM   #23
عبد السلام
 
تاريخ التسجيل: Jan 2010
المشاركات: 2,801
افتراضي رد: صباع واااحد


التعديل الأخير تم بواسطة عبد السلام ; 18-05-2018 الساعة 07:43 PM
عبد السلام غير متواجد حالياً   رد مع اقتباس
قديم 19-05-2018, 12:30 AM   #24
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,674
افتراضي رد: صباع واااحد

عندك مشكلة محاسن من متصفحك لا يدعم

https://youtu.be/QRENejAk-cY
ود الشيخ غير متواجد حالياً   رد مع اقتباس
قديم 20-05-2018, 11:38 PM   #25
عبد السلام
 
تاريخ التسجيل: Jan 2010
المشاركات: 2,801
افتراضي رد: صباع واااحد

غاااايتو جنس عوااااارة
عبد السلام غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:31 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .