مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: دروس الثورة للحركات المسلحة . . ! (آخر رد :عُبد)       :: افضل شركة اجهزة الحضور والانصراف (آخر رد :مازن محمد خالد)       :: دفاعاً عن ألاء صلاح . . ! (آخر رد :عُبد)       :: .....مقادير...... (آخر رد :عُبد)       :: اذا دعوتهم ليوم كريهة سدوا شعاع الشمس بالفرسان ،،هنـا اخبارهم (آخر رد :أقبـــــال)       :: دورات تدريبية العلاقات العامة / 2020 (آخر رد :سمر السعيد)       :: شعور ومشاعر جياشة لجياشي عتيق (آخر رد :عُبد)       :: دورات الصحة والمستشفيات 2020 (آخر رد :سمر السعيد)       :: الدفاع بالنظـــر (آخر رد :ود الشيخ)       :: لا اخـاف ابـواب جهـنم (آخر رد :أقبـــــال)      

إضافة رد
 
أدوات الموضوع انواع عرض الموضوع
قديم 26-08-2019, 07:57 PM   #1
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,788
افتراضي خسارة إبداعات ضائعة في الوطا آب ( وتساب)

حلاوة السرد وحركة الموضوع من كثرة أن لم تحفظ هنا لا أعرف الكاتب ولكن احفظ حقه بالاقتباس كما هو.
اقتباس:
أبو إسحق أحيل على التقاعد وصار تواجده بالبيت دائما..

وكعادة جميع المتقاعدين كثرت انتقاداته لأم اسحق في شؤون البيت،
وكثر صراخه مرة بيقول طفوا الكهرباء ومرة سكروا المي…

وليش عم تغسلوا كل يوم و تشطفوا الدرج كتير..
وليش.. وليش.. !!
الجميع صار يلعن الساعة اللي تقاعد فيها ابو اسحق وخاصة أم اسحق .

أخيراً إنتبه أن الكل متضايق منه
فقرر أن يجد طريقة يقلل فيها من تواجده بالبيت

صار ينزل يمشي في المنتزه وفي المولات وهو مهموم .
بالصدفه إلتقي بزميلته التي كانت معه بالشغل سابقاً
سألته عن حاله فخبرها بالتفصيل
قالتله: تعا لنحط دبساتك على طحيناتي هيك هيك أنا لحالي بالبيت وجوزي مات من زمان.

أبو اسحق ما كذب خبر راح معها ع بيتها وتزوجها على سنة الله ورسوله
و تاني يوم الصبح رجع ع البيت
سألته أم اسحق : خير وين كنت مبارح
قلها : توظفت .
فرحت ام اسحق لانها بدها تخلص من نقه ونكده وقالتلو :
والله ما قصرت بعدك شباب
والناس ما مصدقه إنك متقاعد اصلا.
وبعدين التقاعد ما هو مقياس للكبر
وإذا اشتغلت بتكون شغلت نفسك بشي يفيدك وينفعنا معاك
و متل ما بيقول المثل بالحركة بركة يا أبو اسحق … وشو الشغل؟
قلها : حارس أمن ليلي في بيت مدير المخابرات

قالت له : ما شاء الله انشاء الله مباركة عليك هالوظيفة
عسى الله يقويك ويعافيك ويرزقك منها بالخير الكثير .
والله خير ماسويت يا ابو اسحق …
المهم صار ابو اسحق ما يجي لعند أم اسحق إلا الصبح منهك وتعبان من وظيفته الجديدة
وصارت أم اسحق كل يوم الصبح أول ما يجي تجهزلو الفطور
وبعد الفطور تقول له : باين عليك تعبان قوم تسطح وريح بدنك وأنا بفيقك الظهر لبين ما تصلي بكون جهزتلك الغداء منشان تروح مرتاح وحيلك قوي

وأحيانا كان يفطر ويروح لعند الجديدة ..
ويقول : أنا اليوم مستلم عن زميلي من الصبح لأنه المسكين عنده ظروف مع عياله ما بيقدر يداوم ....
و ترد عليه :كفو يا أبو اسحق عز الله من يوم يومك شهم وسباق للمعروف الله يقويك ، انت ( قدها وقدود ) الله يجعلها في ميزان حسناتك ...
وتودعه بمثل ما أستقبل به من حفاوة وتكريم .
وهيك رجعت لأبو اسحق هيبتو وأحترامو وشغل وقتو بشي مفيد للوطن .
ورجع لعيلتو الهدوءة والسكينة .

أرجو ممن يعاني وضع متل أبو اسحق أن يستفيد من التجربة وأجرنا على الله !!!
..................
ده المرض وعلاجو ادا الطبيب شخص المزض كويس علاجو كالاتي👇👇 😂😂 واحدة من اخواتنا الاحباب هنا..حلفتني بأن انزل تاني مقال حباً وكرامة بتاع الزواج التاني ..قلت ليها يا اختي البوست موجود في الصفحة منذ اكتر سنة وممكن ترجعي ليهو ..قالت لي عارفة..لكن راجلي متابع لصفحتك وشايفاهو اليومين دي عمل ليهو قرينات ورويشات..😳 وانا عايزاهو يشوف المقال ده.. وكمان يخلي نومو خفيف😨😲..
غايتو انا ما عرفتو منو..لكن زي ما بتقول حبوبتي ام الخير: الليلة وووب عليك..ويا حليلك يا النايم على حيلك😢😥😂..وده المقال يا أختي👇
واستهدي بالله..وان شاء الله الشيطان ما يدخل بينكم..
حباً وكرامة
علي الكوباني
الزواج التاني بوديك في ود أم جبو..😳
نعم يا احباب ..شايف الايام دي زادت تاني قصة قتل الازواج بواسطة زوجاتهم في السودان.. نعم..زمان كانت كتيرة جدا على ايام فترة عملي في مشرحة الخرطوم ..وكان السبب الغالب ولا زال..هو ان يتزوج الرجل بأخرى فوق زوجته ..وكان وسيلة القتل في الغالب هي صبغة الشعر ..والطريقة انها كانت بختوها ليك في القهوة ..نعم اللون ما بظهر وكمان قال ليك الطعم بكون رهيييب😀..وبعدين مفعول الصبغة ما بظهر طوالي..بحتاج ل4-6 ساعات عشان يظهر..يعني تمشي تموت عند مرتك الجديدة 😜..
والموت بالصبغة مع انو في الظاهر للعامة انو ما بشع مقارنة بالوسائل الاخرى مثل الضرب بالفاس او الساطور اثناء النوم (زي الحصل في كسلا مؤخرا)..او تكب ليك زيت حار في نخرتك وخشمك ..وانت نائم وتشخر ..(وافتكر انو ده نوع من الهبل..بعد العمله السودا والعرس التاني وجاي كمان نايم ليها وفاتح خشمك ..تنوم في احمد شرفي شاحده ربي&#128514..المهم يا احباب..التسمم بصبغة الشعر ممكن ان يؤدي للموت بالاختناق لان المركب السام في الصبغة وهو البارافنيليندايمين(PPD) بسبب ايديما او تورم مائي شديد في الحنجرة..والحبال الصوتية بتبقى تخينة جدا ..الواحد قدر الاصبع مما يؤدي لقفل منفذ التنفس وتموت بالاختناق..وده مؤلم جدا… تقعد تكابس عشان تتنفس وما تلقى طريقة..حتى اتذكر الخواجة الاشتغلت معاهو في لندن في التدريب كان بسألني عن وسائل الانتحار في السودان..فقلت ليهو ..غايتو بناتنا بنتحروا بشرب صبغة الشعر..والخواجة البروف هو ذااتو ما شاف حالة موت بصبغة شعر..فشرحتها لكل القسم وقدمت فيهم عرض خرافي ..وكيف انو الموت بكون بسبب الاختناق اي ما يعرف بالاسفكسيا الميكانيكية.. الخواجة قرب يقول لي اجي…😳 بناتكم الغبيانات ديل لييه الواحدة فيهم تموت بالطريقة البشعة دي لييه..😢 قال لي الاسهل انو الواحد ينتحر بشراب الويسكي مع تناول كمية من الحبوب المنومة ..وتموت نائم وبدون ألم ..قلت للخواجة ..افوووووه ..الويسكي غير انو صعب يتلقي..كمان عندنا حرام😜😜
المهم يا احباب اختيار وسيلة القتل احيانا يعبر عن كمية الغضب والرغبة في الانتقام ..عشان كده ما تمغص زولتك الاتحملت ليااقتك وما تحرق حشاها بالضر والضرة ..وما تعمل فيها انو ده حقك الشرعي وتاخذ الموضوع باللؤم وقلة الادب وطولة اللسان على الزولة الاتحملت معاك ايام الشقاء..ولا يا صحبي..الزيت الحار والضرب بالساطور والفاس او السكين في حاجات تانية حامياني ..
في الختام ..رغم انو ده رزقنا ..ونحن على باب الله.. والناس كان ما اتشاكلت وقتلت بعض ما بناكل عيش..لكن اهو ده رمضان وقلت نستأجر.. ودي نصائح للاخوة المفكرين في الزواج التاني..
1- النصيحة الاولى..كدي اقرا كلامي الفوق ده كووييس وكم مره..وبعدين قصة مرتي الاولى دي مسكينة وما ممكن تعمل كده انساها..ابعد دمك..
2- قصة انو الزواج التاني حيفضل في السر لحدي ما تموت ومرتك التانية تسوق اولادها وتمشي لاهلك في بيت البكا..ده فلم هندي قديم جدا..الزمن اتغير يا اخوي..ده زمن الواتساب والفيس والموبايل ابو كامرتين… يعني خبرك بالصور بنتشر من انت في اوزون بتحنك في البت الصغيرة عشان تعرسها فوق مرتك..اسمع كلامي وابقى عاقل..
3- اوعك تقل ادبك وتطول لسانك على ام عيالك ..ولو تم القبض عليك متلبس..ارقد في الواطة وابكي واعتذر وقول توبة..
4- لو تم القبض عليك متزوجا مدبلاً..والزوجة الاولى كانت هادئة جدا وما كوركت فيك..ولا هاجت..بالعكس قالت ليك ده من حقك الشرعي..اسمع كلامي وقووم جاري صوف..دي ناويه ليك انا شايفة من هنا..😜
5- على كل حال ..لو الامور هدأت وزوجتك الاولى استكانت وقالت تربي اولادها في عصمتك رغم عمليتك الما جميلة وحركتك الجبانة..خلي نومك خفييف جدا..نسمة الهواء تصحيك..واقفل خشمك كويس..وحاول اعدل بيناتهم بالجد جد..وبعدين ما تقول الزمن بداوي الجراح..ده كلام غنا ساااكت..كلام شايلو الهوا..
6- اها يا اخوي لو لسه مصر..خلي شراب القهوة خالص ..وبالذات في البيت الاول..ده لو كان مرتك الاولى مسكينة جدا..
اها يا احباب كده كويس..؟وقت اتجرستوا من الوصفات بتاعت الاكلات الشهية وكم واحد شبكني اللهم اني صائم....قلنا نديكم من الطب الشرعي..
وانت يااا الفاتح خشمك ده..اقرا كلامي الفوق ده كويييس😂😂
__________________
ربما تجمعنا اقدارنا ذات يوم بعدما عز اللقاء

ود الشيخ غير متواجد حالياً   رد مع اقتباس
قديم 27-08-2019, 03:19 PM   #2
عُبد
Selective Member
 
الصورة الرمزية عُبد
 
تاريخ التسجيل: Feb 2006
الدولة: على حافة قبري
المشاركات: 5,714
إرسال رسالة عبر MSN إلى عُبد
افتراضي رد: خسارة إبداعات ضائعة في الوطا آب ( وتساب)

اقتباس:
المشاركة الأصلية كتبت بواسطة ود الشيخ مشاهدة المشاركة
حلاوة السرد وحركة الموضوع من كثرة أن لم تحفظ هنا لا أعرف الكاتب ولكن احفظ حقه بالاقتباس كما هو.
فعلاً ابداااااع
__________________
لا تعلو بصوتك والأسْدُ من حولك تهمسُ
عُبد غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:31 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .