|
|
03-07-2013, 01:37 AM
|
#1 |
|
عودوا طيفا أو خيالاً وكلموني
تاريخ التسجيل: Apr 2005
المشاركات: 32,169
|
ما بكرهك
(ليلى عبدالرحمن)
لو نختــلـف أو نتفق لو كان خيـارک نفترق ما بكرهك لأنوو مآبيت في البعآد نيرآن هوآنآ وقت تـــبق لآ عمروو حآآ يقدر فرآق .. يفسد قضآيآک يآعشق ما بكرهك لو إنت خليتني وبقــيت مابسوى ريدک وستحق لو بعدک أضناني الســهآد والشوق حرق جوآي حرق ما بكرهك لو صبحت الأحلام رمـــآد والمره سبحت لي زاد واصبحت لآجئ بلا بـــلاد لو قطع الشوووق الفؤاد . لو فيني شمت الخلــق ما بكرهك لو غير النيل سكـــتو لو ليلى يوم قيس خـلتووو لو الفرآش هجر الزهور آلحبتوو ولو السمآء فوق الأرض إجي منطبـق ما بكرهك بعيش علي عشم المطر لو جاي من جيهتــک برق كيف أكرهــک ما كان قبيل حبک ترف لا كان هواي دوران ولف لا قلبي على غيرک عطف شان يوم تفوت حبـک يموت صوتک يكون ماعنده صوت ما ألقى ليک حبک ما بكرهك مهما قســيت وقفلت باب الريد كــف لا دمعه سآلت لآ بكيــت لا آه لا شــريان نزف . مآبكرهــــــک انا لسه بشتآق ليک أحن أتعاطى ذكــراک بي شغف عشان تدخل إنت من أي فج فتحت بآب الشوق ضلف رغم إني عارفاک ما بتجي لا بالمواعيد لا الصـــدف ما بكرهك رغم الأسى وحبل الوصال اللي إنتف كيف يكره العرف الهوى و العايش الريد ما بكرهك رغم الأسى وجرحي الأليم من الله ماخلق السمــآء أرسى الجبال طرح الأديم إخلاصـــنا لأول حبيب وحنينا للحب القديم مهمــا يكون عندک جواز ممكن تطــل جواي او تصبح مقـــيم لووو قلبک إختار لي سواي بفخر بإني من الحريم كيف أكرهـــک وأنا برسمک أسطورة للزول الوسيم وأتنسمک .في الكتمه زي ألطف نسييييم وإبتسمك في بسمه طالعه من الصمييم وإتلمسک هدى للخطى نحو الصراط المستقيم أتحسک تسكني مرات بسكنک جواي أدسک وأسكنک أجي تاني واقول ليک بكرهــک استغفر الله العظيم أنا .. أنآ بعشقک أنا بعشقک انا بعشک يازين وياسمح الخصال انا بعشقک .. قدر القلوووب الشارفه للقاء والوصـــال . وأنا بعشقک قدر العيووون ما صوبت في الدنيا للعاشقين نيبال وأنآ بعشقک قدر الوفاء بين زوله جدعه وزول وفي وجد ود حلال وأنا بعشقک قدر الخلوق ما ترقبت في كل عام جية الهلال أنا بعشقک قدر الأنين قدر الحنين وقتين حبيبنا بعادوو طال وأنا بعشقک قدر النواح قدر الجراح قدر الصبر والإحتمال وأنا بعشقک .. قدر السماح قدر الكفاح قدر البراح .. في كل مجال وأنا بعشقک .. قدر الصلاح . قدر الفلاح قدر الظلال وأنا بعشقک قدر الهواجيس والضنون قدر الأبالييس والجنون قدر الحروف في كل مقال وأنا بعشقک قدر الحجيج لمكه ماشد الرحال ما بكرهك وكيف أكرهک واحيى القصائد من خلال ظلم الحبآيب ومن خلال قدر الحبايب ومن خلال كيد البنات وأحيانآ كثيييير غددر الرجال ما بكرهك وأنا دايره أسألكم سؤال هل بيكره القلب البيحب؟
__________________
ربما تجمعنا اقدارنا ذات يوم بعدما عز اللقاء
|
|
|
|
04-07-2013, 12:35 AM
|
#2 | |
تاريخ التسجيل: Oct 2011
المشاركات: 1,119
 |
رد: ما بكرهك
اقتباس:
لاكن علي حسب الجرح ان كان خفيف بينسي بي مرور الزمن ولحظات سعاده تدثرو بس انتباه في جرحو ما بحمل هبش ولو كان عميق مابتنسي وكل ما يشوف كيف حالو صار بفتح جروحو يفتقا وكان انقفل جرحو العميق بفضل اثر مابتنسي .gif "1; (25)")
__________________
كل الناس لهم وطن يعيشون فيه ... إلا انا لي وطن يعيش في داخلي امدرمان .gif "1; (118)") بت امدرمان* |
|
|
|
|
 |
| أدوات الموضوع | |
| انواع عرض الموضوع | |
|
|
العرض العادي
