مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: هل ستظل الوجوه عابسة حتى لو تزوجت العانسة !!!! (آخر رد :أقبـــــال)       :: كيفية التخلص من الادمان بدون طبيب؟ (آخر رد :tayseer elmohamadi)       :: دورة ضبط الجودة و توكيد الجودة للخرسانات الجاهزة . (آخر رد :سمر السعيد)       :: دورة مفهوم ثقافة التغيير في إدارة الجودة الشاملة 2019. (آخر رد :سمر السعيد)       :: هروب 15 موقوفا من مركز شرطة القناة شرقي بغداد (آخر رد :أقبـــــال)       :: ومضت الانقاذ (آخر رد :ود الشيخ)       :: دورة القواعد العلمية الاساسية للمصطلحات الطبية المستوى الاول 1 للاطباء 2019 (آخر رد :سمر السعيد)       :: حاج أحمد (آخر رد :محسن الفكي)       :: ملاذ غازي (آخر رد :محسن الفكي)       :: افضل كاميرات مراقبة VACRON (آخر رد :مازن محمد خالد)      

إضافة رد
 
أدوات الموضوع انواع عرض الموضوع
قديم 10-05-2019, 12:09 PM   #1
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
Icon12 نحو الأمية السياسية

بعض الشعوب، تنطقها نحو الأمية ،وتقصد محو بالطبع.
كنت مفتكر إنو فعلا محمد أحمد- بالذات- "الصابيها" وكمان في " القيادة"! ، بيعرف سياسة،بدليل ثلث قرن محروم من ممارسة حقوقه السياسية ، كما يدعي، ويزعم .
لم أتفاجأ بخيبة فألي ، فلقد كنت أتوقعه في ذات الوقت ! .

محسن الفكي غير متواجد حالياً   رد مع اقتباس
قديم 11-05-2019, 11:58 AM   #2
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

من المؤكد إنو العسكر ما كانو "جاهزين" ولا مخططين للانقلاب على البشير، وبغض النظر عن إستقالة رؤساء المجلس العسكري، أو بعض أعضاءه، كان برهان كان القبلو ( تقرأ تسقط تالت) ، فالإستقالة/الإستقالات ،ماهي الا ،تأكيد لكونهم ما جاهزين، ولا مخططين بالطبع .
وبالتالي كيف يمكن أن نفهم هذا التفوق السياسي، غير المسبوق، للمجلس العسكري ، مقارنة بأداء مختلف القوى، والكيانات السياسية السودانية، وعلى وجه الخصوص تجمع المهنيين السودانيين ،تحت لواء قوى الحرية والتغيير . فالأخيرين طلعوا، بتخبطهم اليومي، بعد مرور شهر على عزل الرئيس عمر البشر، تحت سن الطفولة السياسية ، والوعي بتاعهم لسه في مرحلة ما قبل الروضة ، والمثير للسخرية اكثر ، أنهم لا يحسبون العسكر ضمن مسمى ،قوى الحرية و"التغيير" ، فهم الذين إستجابوا لمطلبهم حينما توجهت مواكبهم في 6 أبريل نحو القيادة العامة .لذا جاء عنوان هذا الخيط، نحو الأمية السياسية .
محسن الفكي غير متواجد حالياً   رد مع اقتباس
قديم 11-05-2019, 03:01 PM   #3
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,782
افتراضي رد: نحو الأمية السياسية

محسن سلام
الموضوع الألف كلمة لا تكفيه وان كنت اود ان تطرحه بلغة سلسة حتى يستوعبه الجميع بعيدا من كتاباتك الفلسفية العميقة التي تجيدها وتتقناها فيصبح من يقراك يغرد في سرب ضل بوصلته،انا عديل جاني وجع راس لامن فهمتك والله وصلت الروضة وقربوا يغيروا لي البامبرز.
أكيد ما يفهمك الا الخلقك وعبد السلام
تجمع المهنين ان كان هو المخطط لهذه الثورة التي بذل الشباب لها ارواحهم وبذلوا هم تخطيطها ومالهم فالتخطيط كان بيانياً وميدانياً بلا شك ممتاز من حيث الجداول والتوقيتات ووو خلافه ولا غبار عليه.
ولكن يبدوا ان القوى التي تخطط هي نفسها التي ستجني ثمرة التخطيط فاعماهم التخطيط لما بعد مرحلة السقوط والذين ظهروا ليمثلونهم بعد نجاح الثورة للأسف تم اختيارهم عنترياً وليس سياسيا السياسة علمٌ يدرس ويمارس بالتدريب فلا كان الأصم يصلح متحدثا ولا الدقير ومريم الصادق ومن لف لفهم يصلحوا ان يكونوا مفاوضين ثم ان اغلب السودانية لديهم فكرة ان ضباط الجيش لا يصلحوا للسياسة وهذا فهم خاطئ ان كل أعمال الجيش في الزود عن الوطن مبني على قراءة الواقع السياسي، ولكل جيش تهديدات مختلفة يرتل الجيش يوميا بتقارير عنها بقراءة الوضع السياسي.
( تعبت وبديت انعس وحالخبط)
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 12-05-2019, 10:42 AM   #4
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

لو ده نعاسك ، ياود الشيخ خليك كده !
تجمع المهنيين ، لا كان عنده لا تخطيط ولا سياسة بإستثناء الجداول الكان بيرميها دي ، والتي
إنتهى بها المطاف للقيادة في ٦ أبريل وبقية القصة معروفة .
كيف لقوى تخطط لسقوط نظام، ولا تخطط لما بعد سقوطه، هذا يقطع بجلاء عدم تخطيطها المسبق . وهل هناك نظام في العالم تسقطه الاحتجاجات "السلمية" لوحدها دون مشاركة قوى أخري تملك القوة؟! .
قلت " فلا الأصم يصلح متحدثا" ، وأقول وهل كان يصلح القميص والبنطلون الذي كان يذهب به ، للقصر الجمهوري لحضور المفاوضات، مع أنه يملك الزي المناسب، لذلك كما تشير الصورة المرفقة أدناه ..

لماذا يتصور الملكية أن الجيش لا يصلح للسياسة التي يخبرونها هم فقط، لماذا كتب ود الشيخ "ثم ان اغلب السودانية لديهم فكرة ان ضباط الجيش لا يصلحوا للسياسة" ، اذا من الذي يحتاج الى دروس تقوية، ومحو اميته السياسية ؟!
محسن الفكي غير متواجد حالياً   رد مع اقتباس
قديم 13-05-2019, 02:13 AM   #5
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,782
افتراضي رد: نحو الأمية السياسية

شفت برضو ما فهمتك ياخ خليك زي تاج السر دووووز ارمي الكلام
خليتني عمبلوك مالك
اها شفت تعني فتلت البوست
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 13-05-2019, 05:56 AM   #6
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

اقتباس:
المشاركة الأصلية كتبت بواسطة ود الشيخ مشاهدة المشاركة
شفت برضو ما فهمتك ياخ
ما تشتغل بي الشغلة، ركز بس في المصادر التي سارفقها، مثلا [على سبيل المثال لا الحصر ] ؛جاء في رد د.محمد يوسف مصطفى، على سؤال حول مدة الستة أشهر، والتي ذكرها الفريق "زين العابدين" ، للتحضير لإنتخابات " مبكرة" حال عدم الوصول لإتفاق
اقتباس:
كيف سيكون ردكم إن حاول المجلس تنفيذ تهديده بالدعوة لانتخابات مبكرة خلال 6 أشهر فقط؟
إذا لم يوافقوا على مدة الأربع سنوات للفترة الانتقالية، يمكن أن نطرح لهم فكرة الانتخابات المبكرة خلال أربعة أشهر فقط، وليس ستة كما يقولون، لكن بإشراف دولي، منذ التعداد وتسجيل الناخبين ولجان الانتخاب، لضمان عدم أي تجاوزات، ومع الجو العام المشحون ضد حزب الرئيس السابق فلن يكون لهم أي دور في الحياة السياسية القادمة.

لمطالعة كامل الحوار، مرفق الوصلة .
محسن الفكي غير متواجد حالياً   رد مع اقتباس
قديم 13-05-2019, 06:15 AM   #7
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

طيب يا ود الشيخ،برجاء -فقط- تأمل هذه الأسئلة:
1/ هل فترة (4) أشهر كافية لعمل تعداد سكاني ، وذلك للتحضير للتسجيل للانتخابات، والتي ستتم بإشراف أجنبي ؟
2/ ماهي القوى الحقيقية التي تتوقعها للفوز يا ود الشيخ ، مستحضرا ما قاله "يوسف" (مع الجو العام المشحون ضد حزب الرئيس السابق) !!
3/ هل يعني "يوسف" حقيقة ان حزب الرئيس السابق ، لا يحتاج لعزله سياسيا،طالما ان الفترة 4 شهور، والجو مشحون،وبالتالي نتائج الإنتخابات "المبكرة" -ذات الأربعة أشهر، هي الكفيلة بعزلهم سياسيا ؟! .
4/ ماذا يقصد "يوسف" ب (لهم) يمكن أن نطرح لهم فكرة الانتخابات المبكرة .. الخ الخ .
محسن الفكي غير متواجد حالياً   رد مع اقتباس
قديم 13-05-2019, 06:52 AM   #8
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

لنتأمل في الورق السياسي، لأحد أكبر ، وأبرز الأعضاء سنا ، بتجمع المهنيين، إلا وهو ،محمد يوسف أحمد المصطفى .
زول من مساجين الفترة المايوية (1969- 1985)
ولو ما سياسي، ما كان الانقاذ، شالتو للصالح العام منتصف العام 1991 ؟! ، والده الشيخ يوسف،نقابي معروف في إتحاد مزارعي الجزيرة والمناقل .
إنضم النقابي "يوسف" للحركة الشعبية لتحرير السودان في التسعينات، وعاد بعد نحو عشرة سنوات وزيرا في الحقبة
الإنقاذية، عقب توقيع إتفاقية السلام 2005 . هذا فضلا عن نشاطه بالإتحادات الطلابية بالثانوي.
كل هذا الثقل، المتراكم سياسيا، لم يشفع له -يا ود الشيخ- ويجعله (ينحو) "أميا سياسيا" !
محسن الفكي غير متواجد حالياً   رد مع اقتباس
قديم 13-05-2019, 07:19 AM   #9
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

اقتباس:
المشاركة الأصلية كتبت بواسطة محسن الفكي مشاهدة المشاركة
ويجعله (ينحو) "أميا سياسيا" !
ليه قلنا كده؟
بيسمي الرئيس المعزول بالرئيس "السابق"، والبعض قد يقول الأسبق بإعتبار ابن عوف، رئيسا "إنقلابيا"! .ياخ؛ قول بإعتبار مقولة ،مناصريك (سقطت تاني) .
أما العسكر وحزب المؤتمر الوطني، يسميهم ب"هم"، أو حزب الرئيس السابق !!
لنفترض ان أربعة أسابيع تكفي تماما لإجراء الإحصاء السكاني،فكيف بسياسي، يتعنت وبشدة لإطالة الفترة الإنتقالية لإربعة سنوات، لكنس جميع مخاطر ،ولوج المؤتمر الوطني - الدولة الكيزانية- لسدة الحكم مرة اخرى ؟!
أجدني أصف رده، بالطفولي سياسيا، عندما يقترح فترة تقل شهرين، عما اقترحه العسكر، وكأننا نتكايد ونتزايد نكاية في من؟
الوطن ؟!
الشعب!!
الأرض؟؟
كيف تنفق يا محمد يايوسف اكثرا من شهر ، في ثلاث جلسات تفاوضية ،يتيمات، مع شريكك الحقيقي، والرئيسي في التغيير ، ولا تزال تراوح مكانك، وبعنترية تحسد عليها تعتقد ان الأربعة أشهر كافية للاحزاب والكيانات والمستقلين وغيرهم، لخوض الإنتخابات ؟!
في أربعة أشهر ، تضمن لك- كما تتوقع- نصرا يكنس كل آثار ما قبل 11 أبريل 2019 .

غايتو يا السياسة غيروها ..
يا عربي بوست حرفت كلامك..
يا العنوان بتاع الخيط صحيح..
والإحتمال الأخير هو الأرجح .
محسن الفكي غير متواجد حالياً   رد مع اقتباس
قديم 13-05-2019, 12:33 PM   #10
عبد السلام
 
تاريخ التسجيل: Jan 2010
المشاركات: 2,887
افتراضي رد: نحو الأمية السياسية

كيف الجيش ينفع للسياسة!
يعني الواحد لمجرد إنه التسلسل الوظيفي وداهو رتبة فريق معناها خلاص ببقى دارس اقتصاد واجتماع وعلوم سياسية!
الجيش دة ببدأ من الكلية الحربية يعني مهمته حرب وحتى إعلان الحرب مفروض ما يجي من الجيش براهو بل يجي من القيادة السياسية
أصلاًالعسكري ما بعرف حاجة اسمها رأي آخر .. تعليمات بس .. مقتنع ما مقتنع تنفذ
حكم الجيش أهو جربناهو في السودان لمن فترنا والعسكري بحكم برأيه براهو زي نميري المريخابي لما اتغلب المريخ وهو حاضر الكورة من الزعل طلع قرار قال خلاص تاني ما دايرين هلال ومريخ
وأمس القريبة دي ود عم حميدتي عمره 31 سنة لسة ما اتخرج من الجامعة مدينو رتبة عقيد وكمان يدعو لمؤتمر صحفي .. وما غريبة عليه فحميدتي في نفس العمر دة أخد لواء بضراعه بدون أي خلفية عسكرية ولا حتى كلية حربية ذاتو فعن أي جيش تتحدثون!

العالم كلو الآن لا يعترف بالحكومات العسكرية إطلاقاً .. خلاص زمن الانقلابات العسكرية انتهى

الحاصل في السودان إنه المجلس العسكري ما عاوز يسلم السلطة وبيحاول يدفع ناس الحرية لإعلان الحكومة التنفيذية عشان يشرعن وجوده وهم مصرين على حسم قضية المجلس السيادي أولاً
العساكر قالوا المجلس السيادي يتكون من 8 عساكر و2 مدنيين وبصلاحيات حكم كاملة يعني يقدر يغير الوزراء البعينهم اعلان الحرية بجرة قلم
إعلان الحرية رفض مبدأ الحكم العسكري جملة وتفصيلاً ومنذ 15 يوم لم يتلق إعلان الحرية أي رد من المجلس العسكري ولا أي دعوة لمواصلة اجتماع اللجان بل فوجئ الناس بحركة الإلتفاف على مطالب الحرية بعمل لقاء أحزاب الفكة الشهير الذي فضحه عوض الله نواي، وكان لامي مجموعة غريبة جداً ناس اللواء خلا وممثلة الحزب الما عارفة رئيس حزبها اسمو منو وشيوخ دين ماعندهم أي صفة حزبية ولا بمثلوا أي كيان بس نادوهم ساي كدة .. وكل الموجودين كانوا مشاركين في الحوار الوطني بتاع الإنقاذ!! بل بعضهم أيد تعديل الدستور لمد فترة البشير وأيد قانون الطوارئ الاتعمل في آخر أيامه
يعني باختصار المجلس بحاول يلملم اشتات النظام القديم عشان يواصل بيها حكم
عبد السلام غير متواجد حالياً   رد مع اقتباس
قديم 13-05-2019, 12:34 PM   #11
عبد السلام
 
تاريخ التسجيل: Jan 2010
المشاركات: 2,887
افتراضي رد: نحو الأمية السياسية

كيف محمد ناجي الأصم ما بنفع متحدث رسمي أو مفاوض؟ يعني شنو مآخذكم عليه
لأنه بحسب الشايفو إنه شخصية قيادية ويمتلك الفصاحة وسلامة اللغة والمقدرة الخطابية وحتى الفيديوهات البتتسجل معاهو عفوياً من الجماهير في ساحة الاعتصام بكون كلامه فيها موزون
بالنسبة للبس هو من أسرة غنية مقيمة في جدة وشقيقه الممثل ابراهيم الأصم بطل مسلسل عشم، ودة ملك الأناقة كان في المسلسل كان في اللايفات اللي بيعملها
يعني محمد ناجي ممكن يلبس أنيق وكذلك بقية الوفد المفاوض بس اعتقد إنهم عاوزين يكونوا في نفس هيئة الشعب القاعد في القيادة والله أعلم
عبد السلام غير متواجد حالياً   رد مع اقتباس
قديم 13-05-2019, 01:52 PM   #12
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

من الأشياء البقيت افضلها ، في بعض البوستات، إنو يجيني رد موازي، سواءا به تقاطعات مع سياق البوست ام لا ، المهم يكون داخل البوست أكثر من بوست تتعدد فيه الرؤى، وتتفتح فيه أكثر من زاوية شوف .
ده العلمو عبد السلام وعجبني من ناحية الشكل (بتشديد الشين) ، أما من ناحية الموضوع، غرد خارج السرب، وتحدث عن سياسة الخليفة عبد الله التعايشي الخارجية (تقرأ ،بسمارك الداخلية ) ، يا فردة إتكلم لينا عن فشل المدنيين السياسي ، كان إنت كان أنا، نحن العساكر أساسا رامين طوبتهم ، السياسية .
دافع عنهم سياسيا،وقول النيس ديل كويسين مقارنة بالعسكر، وحديثنا هنا عن فريقي التفاوض في كلى الجانبين .
لكن تونسنا عن قريب فلان ، وعلان الظهر في المسلسل، التقول عميان من صورة آللصم المزينة البوست .
ونسنا، كان عندك ونسة، سياسية، عن فريقي التفاوض، مش تشوف ليك عسكري في واق الواق تسلط عليهو الضوء ؟!
طبعا كل الشواهد، والأمثلة، حسمت وهزمت فكرة العسكر مابعرفو سياسة، والتقول الاستراتجيا دي كان. بقروها الناس البطقع التاتشرات.
وبمناسبة طقيع التاتشرات، هاك نوسنك، طالعت اكثر من مرة ،حنين البعض للبمبان والطقيع والحجار، يقولو ليك،يا حليل فترة الجداول ، هنا ده بيوري، انو الشغلانة كانت نزهة بالنسبة لهم وما عايزة مخ، تولع لستك وتقفل الشارع وتعطل مصالح البلاد والعباد، وتجري، تنزوي في أقرب بيت أو جخنون ،( ما انت كده كده عاطل) كان جامعة مقفلة، كان مدرسة مقفلة، أو فرصة عمل مقفلة.
لكن لما جه المحك الجد،وقف حمار الشيخ في العقبة، والنيل يبتلع منهم يوميا، شابا، فضلا عن السقوط من اللوحات، وده بيوري مستوى تعبان جدا ،ليس فقط ما يخص الوعي، السياسي، بل الوعي بالمخاطر، التي ليس فيها من يد " للكجر" .
محسن الفكي غير متواجد حالياً   رد مع اقتباس
قديم 13-05-2019, 02:25 PM   #13
عبد السلام
 
تاريخ التسجيل: Jan 2010
المشاركات: 2,887
افتراضي رد: نحو الأمية السياسية

يقولوا ليك العساكر سادين كل الطرق للحكومة المدنية تقول لي كلمنا عن فريقي التفاوض!
نقول ليك اللجنة ليها اسبوعين ما اجتمعت والعساكر بحاولوا يصنعوا أجسام موازية تقول لي خارج البوست
نقول ليك ود عم حميدتي ومتحدث باسم الدعم السريع تقول لي عسكري من الواق الواق!

الحكم لازال عسكري وتديره آلة الانقاذ من خلف الكواليس
بالمناسبة ما جعلني أتداخل هو عبارة ود الشيخ عن صلاحية العسكر للسياسة
عبد السلام غير متواجد حالياً   رد مع اقتباس
قديم 14-05-2019, 07:14 PM   #14
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

التعلل بإنو الجيش مقفل "بالترس"، فتح الطريق نحو الحكم المدني، دي من الحاجات الشايفها بتوري عمق عدم الدراية السياسية ، لدي تجمع المهنيين وقوى الحرية التغيير عموما .الأمثلة البتبين هذا التخبط السياسي، يجيء حتى في إدارتهم أيام الطقيع، والجداول، حيث كان من دواعي الفخر، إلتقاط القنابل المسيلة للدموع وإعادتها للكجر .وعندما كثرت حوادث بتر الأصابع وتقطيع الايدي، غيرومن سياستهم التشجيعية الى سياسة تحذيرية. ويمكنني ضرب كثير من هذه الامثلة للسياسات التجمعية المهنية، الخاطئة ذات المخاطر . لقد أشرت سلفا لحوادث الغرق اليومي، ولكن هناك ما يسمى بجمهورية أعالي النفق، حيث لا شغل ولا مشغلة، غير إحداث الضواضاء أو ما أسمته نيويورك تايمز ب revolution rehthm وبالطبع جماعتنا في أشد الفخر الآن
اقتباس:
Day and night, teenage boys beat stones against the sides of a railway bridge in a steady rhythm that has become a kind of heartbeat of the revolution .
ومالم يعلق عليه المحرر، أو سياسيو تجمع المهنيين في موقعهم ، أن هذه الطرقعات،ذات المعدلات العالية جدا للضوضاء، لا تؤدي فقط لتخريب كبري تاريخي لا يدركون قيمته الأثرية، بل في آذانهم أيضا مبشرة بالصمم المبكر. ولاننسى مقتل وجرح أكثر من 100 سوداني مدني وعسكري مساء أمس وفجر اليوم الثلاثاء 9 رمضان 1440
كل هذه الاحداث جرت خارج محيط الاعتصام، يتحمل وزرها سياسة التجمع بالطبع، حيث لم ينبه للمخاطر ، لكن تنبه لها عطبراوي حيث كتب هذا النداء
اقتباس:
ندا للثوار
ما تتحدى زول شايل سلاح
ولما يديك ضهرو عشان يمشي ، ما تكورك ليهو هرب أو كبرا .. أو دي رجالتكم، أو أضرب كان راجل الخ.
لأنو حمية الجاهلية جواهو وعقليتو حا تخليهو يملاك نار عشان يوريك رجالتو فقط لا غير .
واي سوداني في أي وضع حتى لو هظار حتقوليهو ما راجل وهربتا حيثبت ليك رجالتو بالعنف.. فليه نكوس الموت ياخ، وجودك حي أفيد لأخوانك والوطن من إستشهادك ... أحقنو دمكم ...
الثورة ما عنتريات الثورة وعي
زحو من ترسك .. ما تتابعهم ..
حجرك الحتفكو ما حيجي من وراهو إلا زخات رصاص والموت لأخوانك
ومرات الكلام حجار ..
سلميتك درعك .. وحاقن دمك ..
سلمية يدك .. وسلمية لسانك
عطبراوي
تجمع لا يستطيع ان يسوس ناسه المنقسمين والمتشرذمين ، بالاعتصام، ويفكر في، إرث سياسة دولة ذات حضارة وزخم تاريخي ممتد، ونظام ظل يطبق على سدة حكمها، لثلث قرن ولا يزال .
محسن الفكي غير متواجد حالياً   رد مع اقتباس
قديم 15-05-2019, 10:49 AM   #15
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

اقتباس:
المشاركة الأصلية كتبت بواسطة عبد السلام مشاهدة المشاركة
بالنسبة للبس هو من أسرة غنية مقيمة في جدة وشقيقه الممثل ابراهيم الأصم بطل مسلسل عشم، ودة ملك الأناقة كان في المسلسل كان في اللايفات اللي بيعملها ،يعني محمد ناجي ممكن يلبس أنيق وكذلك بقية الوفد المفاوض بس اعتقد إنهم عاوزين يكونوا في نفس هيئة الشعب القاعد في القيادة والله أعلم
اقتباس:
المشاركة الأصلية كتبت بواسطة محسن الفكي مشاهدة المشاركة
مع أنه يملك الزي المناسب، لذلك كما تشير الصورة المرفقة أدناه ..

عبد السلام ، يلقا ملاحظة هامشية عن زي الأصم، يقوم يبرر، بإنو الزول ده عنده أخوه انيق، بل ملك الأناقة، لكن وهو يمثل ، ده إسمو تمثيل يافردة، موش وهو ممثل لشعب المعتصمين، هناك فرق . والطريف، يقول ليك ديل غنيانين، شنو علاقة الثراء بالاناقة، أوبالمقابل، الفقر بال لا أناقة ؟ .
هسه في ذمتك (يا مبرراتي) لو شقيق الأصم ،وهو يمثل وكان الدور ،مذيع نشرة اخبار، وليس مفاوضا بالقصر الجمهوري، تفتكر ملك أناقتك دي ح يمثل بالعراقي والسروال ولا ح يمثل بالعراقي والسروال ؟! ده طبعا (عشان ناجي الأصثم يشف منو) !
قليل من المنطق ، لا يفسد صيامك( تقرأ لا يضر) .
محسن الفكي غير متواجد حالياً   رد مع اقتباس
قديم 16-05-2019, 12:44 PM   #16
عبد السلام
 
تاريخ التسجيل: Jan 2010
المشاركات: 2,887
افتراضي رد: نحو الأمية السياسية

بشوف القلب .

اقتباس:
المشاركة الأصلية كتبت بواسطة عبد السلام مشاهدة المشاركة
كان في المسلسل كان في اللايفات اللي بيعملها
عبد السلام غير متواجد حالياً   رد مع اقتباس
قديم 17-05-2019, 08:39 AM   #17
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

اقتباس:
المشاركة الأصلية كتبت بواسطة عبد السلام مشاهدة المشاركة
بشوف القلب.
بالحيل بشوف القلب، اها الاصم الماممثل، قام "شف"من أخوه في التزيوء المناسب ل اللايف ، ده في الفيديو الاول، وفي الفيديو التاني"ميداني" كان بيخاطب في الجموع لازالة الترس الغير قانوني بحسب تصريحاتهم وخارج محيط القيادة العامة.القاسم المشترك ،لزي ناجي الاصم،هو قميصه الكاروهات، لابسو مع ناس الترس، لابسو في القصر ، لابسو في البث المباشر .
نجي للكلام المهم عن ناجي، وده الما عاوز يقراهو عبد السلام، رغم انو عارفو، وفايت أضانو!
نعم للسياسي ان يكذب ويقول للجمع الغفير ، سلميتنا دي السقطت البشير وما بعد البشير ، مع إنو ناسو كانو بيهتفو (أي كوز ندوسو دوس) وبيهتفو ( الدم قصاد الدم) مع انو الأصل الدم قصاص الدم ، ما علينا.وفي أدبياتهم كانو بقولو ناجي ده لو جه قال فكو الاعتصام بنفكو، مع انو ترس غلبم يفرتقو ليهو، فضلا عن إنو يرجعو الانترلوک، مكانه .
ناجي يكذب ويقول نحن ما بنطقع القوات التي تحمي الاعتصام، وهم عارفين أنهم الطقعو، الجيش بمسمياته المختلفة،حتى وهم منسحبين، وهم عارفين بسلميتهم قفلو نص شوارع الخرطوم شرق، خاصة شارع النيل ، فالسلمية تمنع الاسعاف، مش مهم يموت (تقرأ يقتل) المريض، طالما ناجي قال "سلميتنا" .
ناجي لايستطيع حتى بالمخاطبة المباشرة، وبالحيلة وبالكذب وبالسياسة ،يقنع مية نفر يزحو من الترس، ناهيك عن باقي المعتصمين، تفتكر ده بينفع يبقا مشرف على نظافة أرض الإعتصام، ناهيک من محلية في قرية نائية ؟!




محسن الفكي غير متواجد حالياً   رد مع اقتباس
قديم 17-05-2019, 06:10 PM   #18
عبد السلام
 
تاريخ التسجيل: Jan 2010
المشاركات: 2,887
افتراضي رد: نحو الأمية السياسية

ما فاضل إلا تسميها ثورة الأصم


الأصم جزي من تجمع المهنيين والوفد المفاوض بإسم الحرية والتغيير
يعني تصريحاته ما شخصية ولا بتحاسب عليها شخصياً


* الثورة سلمية وما فكت طلقة واحدة تجاه الجيش وفيما عدا الحرائق أوائل ايام في عطبرة والقضارف ما شهدت تخريب يذكر .. بمعنى إنه تجمع المهنيين ما دعى لأي شكل من اشكال التخريب ولا أيد حرق دور المؤتمر الوطني

كونه في هتافات بتدعو لدوس الكوز دة ما معناهو إنه في كوز اتداس فعلاً


* الأصم وخالد سلك حاموا على أغلبية المتاريس وقدروا يقعنعوا الشباب بإزالتها وبرضو هيثم مصطفى ووالدة الشهيد هزاع كانوا حايمين على المتاريس واليوم السودان خالي من المتاريس عدا أرض الاعتصام


* الفيديو انت جبت فيه كلام خالد سلك لكن لو كملت اللايف حتلقى إنه الأصم أقنع قائد الترس بإزالته واتحاضنوا نهاية الفيديو وكل الناس صفقت وبدت عملية الإزالة


* قوات الشرطة والدعم السريع والجيش ما قدرت على المتاريس طوال الشهور الفاتت دي حتى بعد استخدام الرصاص وسقوط الضحايا بينما تجمع المهنيين ناس الأصم ديل شالوها في أقل من يوم


* تجمع المهنيين ما مسئول عن توقف حركة المواصلات في الخرطوم فهو قد تبرأ من أي نشاط خارج ميدان الاعتصام منذ وقت طويل والآن أعلن خريطة واضحة للاعتصام والمتاريس
عبد السلام غير متواجد حالياً   رد مع اقتباس
قديم 18-05-2019, 11:08 AM   #19
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,455
افتراضي رد: نحو الأمية السياسية

اقتباس:
المشاركة الأصلية كتبت بواسطة عبد السلام مشاهدة المشاركة
ما فاضل إلا تسميها ثورة الأصم
الأصم جزي من تجمع المهنيين والوفد المفاوض بإسم الحرية والتغيير
يعني تصريحاته ما شخصية ولا بتحاسب عليها شخصياً
* الثورة سلمية وما فكت طلقة واحدة تجاه الجيش وفيما عدا الحرائق أوائل ايام في عطبرة والقضارف ما شهدت تخريب يذكر .. بمعنى إنه تجمع المهنيين ما دعى لأي شكل من اشكال التخريب ولا أيد حرق دور المؤتمر الوطني
كونه في هتافات بتدعو لدوس الكوز دة ما معناهو إنه في كوز اتداس فعلاً
* الأصم وخالد سلك حاموا على أغلبية المتاريس وقدروا يقعنعوا الشباب بإزالتها وبرضو هيثم مصطفى ووالدة الشهيد هزاع كانوا حايمين على المتاريس واليوم السودان خالي من المتاريس عدا أرض الاعتصام
* الفيديو انت جبت فيه كلام خالد سلك لكن لو كملت اللايف حتلقى إنه الأصم أقنع قائد الترس بإزالته واتحاضنوا نهاية الفيديو وكل الناس صفقت وبدت عملية الإزالة
* قوات الشرطة والدعم السريع والجيش ما قدرت على المتاريس طوال الشهور الفاتت دي حتى بعد استخدام الرصاص وسقوط الضحايا بينما تجمع المهنيين ناس الأصم ديل شالوها في أقل من يوم
* تجمع المهنيين ما مسئول عن توقف حركة المواصلات في الخرطوم فهو قد تبرأ من أي نشاط خارج ميدان الاعتصام منذ وقت طويل والآن أعلن خريطة واضحة للاعتصام والمتاريس
YEAH
.
محسن الفكي غير متواجد حالياً   رد مع اقتباس
قديم 19-05-2019, 07:12 PM   #20
عبد السلام
 
تاريخ التسجيل: Jan 2010
المشاركات: 2,887
افتراضي رد: نحو الأمية السياسية

عجبتك؟




عبد السلام غير متواجد حالياً   رد مع اقتباس
قديم 20-05-2019, 08:26 AM   #21
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,782
افتراضي رد: نحو الأمية السياسية

اقتباس:
المشاركة الأصلية كتبت بواسطة عبد السلام مشاهدة المشاركة
عجبتك؟
شخصنتو البوست اها هاكم



__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 20-05-2019, 08:29 AM   #22
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,782
Evillaugh رد: نحو الأمية السياسية

Yeah

لون زهرة الروض بعد الأذن
__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 20-05-2019, 08:33 PM   #23
عبد السلام
 
تاريخ التسجيل: Jan 2010
المشاركات: 2,887
افتراضي رد: نحو الأمية السياسية

ماما أميرة الحووووب على قول الشباب
عبد السلام غير متواجد حالياً   رد مع اقتباس
قديم 20-05-2019, 08:34 PM   #24
عبد السلام
 
تاريخ التسجيل: Jan 2010
المشاركات: 2,887
افتراضي رد: نحو الأمية السياسية

وعشان محسن يتوجع زيادة هاك التريند حق الليلة
تخريج محمد ناجي الأصم


عبد السلام غير متواجد حالياً   رد مع اقتباس
قديم 20-05-2019, 11:38 PM   #25
زهرة الروض الظليل
Incomparable Member
 
الصورة الرمزية زهرة الروض الظليل
 
تاريخ التسجيل: Apr 2010
الدولة: السودان
المشاركات: 3,235
افتراضي رد: نحو الأمية السياسية

اقتباس:
المشاركة الأصلية كتبت بواسطة ود الشيخ مشاهدة المشاركة
Yeah

لون زهرة الروض بعد الأذن
اذنك معاك .....البيت بيتك
__________________
نحن ما نتنبر وما بنهاب سفيه الا ما بنتزفر
زهرة الروض الظليل غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:15 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .