مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: انترنت لامحدود لمدة يوم أو يومين من stc (آخر رد :بنت الخرطوم)       :: سرعات عالية مع باقات بيتي فايبر + جوّي تي ڤي (آخر رد :بنت الخرطوم)       :: شاهد: فجر مرعب في قضاء بلد.. عجلة ترمي عينات دم ومسحات لمصابي كورونا في الشوارع (آخر رد :أقبـــــال)       :: تخفيضات على جميع باقات المفوتر من stc (آخر رد :بنت الخرطوم)       :: قرارين اتنين ب يطلعوا سرا قبل كل انقلاب (آخر رد :الثلج الساخن)       :: فتح النطاق العريض الثابت بين جميع شركات الاتصالات (آخر رد :بنت الخرطوم)       :: عرض مميز وبسعر مناسب من STC (آخر رد :بنت الخرطوم)       :: حسنات محمود (آخر رد :محسن الفكي)       :: ثورة العشرين العراقية هزمت المحتل البريطاني (آخر رد :أقبـــــال)       :: 🕸 *الزغاوة* 🖊سليمان ديار/جدة (آخر رد :الثلج الساخن)      

إضافة رد
 
أدوات الموضوع انواع عرض الموضوع
قديم 28-01-2014, 03:52 AM   #1
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي الشاعر / عبد المنعم عبد الحى

شاعر عاش حياة مشحونة بالشجن والحزن نصفه جنوبى فعاش شجن الوحدة السراب بين شمال السودان وجنوبه .. عاش وتزوج من مصر فعاش شجن وحدة وادى النيل الحلم البعيد عن واقع السياسات .. فقد ابناءه فى شبابهم ففطره الحنين والشجن لدنيا لم تمنحه حضن حانى وتجسد ذلك الاحساس فى قوله

اصحابى يا اهلى يامن تعزونى
فى الدنيا خاب املى وفى حظى عزونى
انا لو يتم اجلى ماتبكو هنونى .
زائر

ود الشيخ غير متواجد حالياً   رد مع اقتباس
قديم 28-01-2014, 03:58 AM   #2
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر

لوموهُ اللاهى


لوموهُ اللاهى في الغرام بالله
قولوا ليه الحب شي طبيعي إلهي

الغرام ما بيخير بين كبير وصغير
من زمان الحب امرو فينا يحير
يا جميل يا نضير خلي هجرك غيّر
بكره والله الحب أمرو فينا يصير

نادوا لينا البنا يبني لينا الجنة
يبني طوبة حب ويرمي مونة محنة
بالكتاب والسنة يعقدوا لينا اهلنا
انتصر يا حب نحن نلنا املنا

سيرونا لنيلنا..سووا لينا عديلنا
فوق جناح الحب الملايكة تشيلنا
يوم تقلب خيلنا عليها شبان جيلنا
والزغاريد حب يا خلي مافي مثيلنا

العاقبة لخلانا وللبيشاركو معانا
نحن ناس الحب الله ما بنسانا
نحن صُنَّا هوانا بشرف وامانة
يا جمال الحب و يا جمال دنيانا




(من أجمل أغانى عبد العزيز محمد داؤود)
ود الشيخ غير متواجد حالياً   رد مع اقتباس
قديم 28-01-2014, 04:00 AM   #3
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر

فارق لا تلم


كلمات عبد المنعم عبد الحي
أحمد المصطفى

::::::::
فارق لاتلم
أنا أهوى الألم
ما أول حبيب
ولا آخر ظلم
******
بعشق فيك عفاف
وأبعد لا تخاف
إن طال المطاف
تحين للقاك ظروف
ألقاك وانسجم
واسكب دمعي دم
حبّك لي جسارة
وحبي ليك قسم
******
غداً أنا أسعى ليك
أحنّ وأسأل عليك
حبيبي أراك سليت
قليبي الصار لديك
حلفتك عليك قسم
تفارق لا تلم
هجرك لي هلكني
وقربك فيهو سم
******
جميل قاطع جمال
لكن مانع الوصال
حليل القلبو مال
وهام في خيال خيال
وجرحو الما إلتئم
وهم صار ليهو هم
منعت علي دواك
وكم صارعت كم
ود الشيخ غير متواجد حالياً   رد مع اقتباس
قديم 28-01-2014, 04:00 AM   #4
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر

فارق لا تلم


كلمات عبد المنعم عبد الحي
أحمد المصطفى

::::::::
فارق لاتلم
أنا أهوى الألم
ما أول حبيب
ولا آخر ظلم
******
بعشق فيك عفاف
وأبعد لا تخاف
إن طال المطاف
تحين للقاك ظروف
ألقاك وانسجم
واسكب دمعي دم
حبّك لي جسارة
وحبي ليك قسم
******
غداً أنا أسعى ليك
أحنّ وأسأل عليك
حبيبي أراك سليت
قليبي الصار لديك
حلفتك عليك قسم
تفارق لا تلم
هجرك لي هلكني
وقربك فيهو سم
******
جميل قاطع جمال
لكن مانع الوصال
حليل القلبو مال
وهام في خيال خيال
وجرحو الما إلتئم
وهم صار ليهو هم
منعت علي دواك
وكم صارعت كم
ود الشيخ غير متواجد حالياً   رد مع اقتباس
قديم 28-01-2014, 04:02 AM   #5
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر

الشاعر عبدالمنعم عبدالحي من رواد الشعر الغنائي الحديث. حيث تغني له كبار المطربين , وهم:الفنان احمد المصطفي(فارق لاتلم-فتنتي-سهران الليل اناجي القمرة)ولقد تغني بها اولا حسن عطية وهي من اغنيات عام 1947 ولقد طلب حسن عطية من عبدالمنعم عبدالحي ان ينظم له كلمات علي لحن اغنية بنات تقول كلماتها-ياصباحي الغزال الفي الضواحي.لان كلماتها لاتصلح ان تبث في الاذاعة ولحنها في غاية الجمال وخسارة ان يضيع هذا اللحن الجميل كما قال حسن عطية فنظم له عبدالمنعم عبد الحي هذا اللحن-سهران الليل بناجي القمرة....ايضا تغني له حسن عطية(النيل الفاض وامتلا-رملتنا البيضا-عيوني عشقو السهر-اقيف يازمن-ننو ياننو-الحجل بالرجل-ظهر نور الشروق-يوم شفت القطار شالو سافر قلبي قبالو-حليل مدني- اقيف يازمان خلي السعادة تطول)......تغني له عبدالعزيز محمد داؤد(بالله يااهل الهوي-لحن العذاري- حليل الدوام بطراهم-انتصر ياحب-ابتسمي لوتسمحي)....تغني له عبدالدافع عثمان(هبت نسايم الليل-في حبك ياخليلي-)..وتغني له عثمان حسين(ناس لالا--ندامي الراح-اوراق الخريف)..تغني له الكاشف(فراق حبي المولع ناري-اسمر جميل)....تغني له التاج مصطفي(ياعين ياساهرة-ونشيد يااخي يدايدا-)ابان العدوان الثلاثي علي مصر....تغني له عبيد الطيب(ياساير ياماشي النظرة ماشة معاك وقف وقف وسوقني معاك--سلام برده ليك).تغني له الخير عثمان(اهوي الدنيا عام1956) تغني له عثمان الشفيع(ايامنا عام 56-داك الصباح اهو لاح-اسمر اسمر ياسمير-انساني) ..تغني له سيد خليفة(يابانة-الممبو السوداني-كفاك صدود-حبيبي ياساكن البوادي-ارض الكنانة)...تغني له محمد الحويج(مابنساك-يالمسافر-وين ياهناي-يامنايا-ياحبيبي تعال-هوي الفؤاد-راحت ليالي-علي ربي امدرمان)...تغني له حمد الريح(نار البعد والغربة)...وتغني له محمد حسنين(ياسهارا)...وغيرهم كثيرون

عبد المنعم عبد الحي ابن الجنوب الحبيب هو نتاج لعبقرية المكان وعبقرية أم درمان .. فقد نشأ هذا الشاعر الرائع في جو ملأه الفن والجمال والتسامح .. وعبد الحي بوعي الشاعر الفنان اكتشف نموذجية أم درمان أو نموذجية الوحدة الطوعية فلذلك كان عمله الادبي
بهذا الفهم المتقدم لمعاني الوحدة السودانية كتب عبد المنعم عبد الحي هذا الشعر الرائع الذي تغنى فيه بعظمة السودان وعظمة إنسانه صانع الحضارات عبر حقب التاريخ المختلفة .. وانتظم هذا الشعور الجميل كل قصائد عبد المنعم الجميلة التي أثرت وجدان الشعب السوداني وتغنى بها الكبار من أساطين الفن السوداني الخالد..
عبد المنعم عبد الحي:
تعود جذوره إلى جنوب السودان ، وينتمي تحديداً لقبيلة الدينكا.. نشأ عبد المنعم بين الخرطوم وأم درمان.. درس جزءاً من دراسته الأولية بمدرسة الخرطوم الجديدة الأولية .. وارتحل إلى أم درمان وتم استيعابه في مدرسة الموردة الأولية وقد كانت تحمل اسم "مدرسة العباسية"..
تاريخ ميلاده غير محدد بدقة ولكنه على الأرجح بين عامي 1920 -1922م
أول من تعرف على موهبة الشاعر عبد المنعم صديقه وزميله في المدرسة الشاعر الكبير الراحل مبارك المغربي.. وقد عرفه مبارك على الفنان إبراهيم عبد الجليل الذي كان يزور أسرة مبارك في البيت .. ومن ذلك الوقت تعلق شاعرنا بفن الغناء .. درس عبد المنعم المرحلة الوسطى بمدرسة أم درمان الأميرية .. وقبل أن يكمل دراسته الوسطى سافر إلى القاهرة عام 1934م ومنها سافر إلى "شبين الكوم " حيث كان يعمل شقيقه هناك..
كانت والدة عبد المنعم تتمتع بصوت جميل وكانت تردد أهازيج صوفية ومدائح نبوية وقد تأثر عبد المنعم في باكورة صباه بتلك الأهازيج.. وفي إحدى العطلات حضر مع أخيه إدريس عبد الحي في القاهرة وقابلا أخاهما أحمد وكان يرافق الحاج محمد أحمد سرور والفنان كرومة فقد كان أحمد يعزف لهما آلة الكمان.. وقال في ذكرياته أنه قرر أن يبقى في القاهرة ولا يرجع إلى " شبين الكوم " وذلك لمقابلة مجموعة الفنانين الذين يحضرون للقاهرة بغرض تسجيل أغانيهم بها..وكان يواظب على الحضور للنادي السوداني بالقاهرة والذي أنشأ في عام 1936م وازداد تعلقه بالنادي بعد حضور الفنان الكبير والملحن المشهور "إسماعيل عبد المعين"..
قصائده المغناة:
1956 كتب أغنية " يا ناس لا لا " للفنان الكبير الراحل عثمان حسين وأغنية " أوراق الخريف " ، " يا ليالي المصير قولي لخلنا " ... الخ .
وكتب العديد من القصائد التي تغنى بها الفنان الراحل سيد خليفة وكان التعاون بينه وبين سيد خليفة في إبان دراسة الأخير الموسيقى بالقاهرة منتصف الخمسينات وقد تغنى بها سيد خليفة على المسارح العربية قبل مجيئه إلى السودان منها : نانا ، وإزيكم ، المامبو السوداني ..
كما كتب العديد من القصائد الرائعة التي تغنى بها المرحوم أحمد المصطفى وكتب للراحل عثمان الشفيع أغنية " أيامنا " و " أسمر يا سميري " وغيرها ، وقد لحنها له الملحن الأسطوري برعي محمد دفع الله ، وتغنى بأشعاره أساطين الغناء السوداني حسن عطية وعبد العزيز محمد داؤود " دوام بطراهم ، أحلام العذارى، يا نديما عبء من كاس الصبا " وكذلك أغنية لوموه اللاهي وهى أغنية يحبها وردي ويترنم بها في مجالسه الخاصة..



خاتمة..
هذه ملامح لوجه أسمر جاء من جنوبنا الحبيب وعاش في عاصمة بلاده الوطنية " أم درمان " وتشرب قيم التسامح والمحبة وسافر إلى مصر وهو في ريعان شبابه وتزوج من سيدة مصرية وأنجبت له أبناء استشهد اثنان منهم أحداهما في حرب 1967 ضد الكيان الصهيوني والآخر في حرب 1973 م ، ولكنه ظل مخلصاً لمنابعه السودانية فكتب الروائع التي أثرت وجدان الشعب السوداني وكتب وقارورة احتوت المعجونة السودانية النادرة مثل " جبة الدرويش " التي وصفها الشاعر المجذوب بالحديقة فهي وإن تعددت ألوانها إلا أنها شيء واحد..
توفى عبد المنعم بالقاهرة 1975م.

منتديات كبوشية
ود الشيخ غير متواجد حالياً   رد مع اقتباس
قديم 28-01-2014, 04:06 AM   #6
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر

أنا أمدرمان
كلمات عبد المنعم عبد الحي

أداء الفنان أحمد المصطفى

:::::::::::::

أنا امدرمان تأمل في نجوعي
أنا السودان تمثل في ربوعي
أنا إبن الشمال سكنت قلبي
علي إبن الجنوب ضميت ضلوعي
******
أنا أمدرمان سئلواالنيلين عني
وعن عزمات فتاي عند التجني
فخير بنيكا يا سودان مني
سئلوا الحادي سئلوا الشادي المغني
******
أنا امدرمان إذا ما قلت أعني
فما نيل المطالب بالتمني
تجيش النفس بالآمال لكن
ولكن هذه لما لا تدعني
*****
أنا أمدرمان مضي أمسي بنحسي
غداً وفتاي أحطم قيد حبسي
وأخرج للملأ في ثوب عرسي
وأبسم بعد ما قد طال عبسي
وأعلن والفضاء يعلن همس
وأهتفت والوري يعرف حسي
فيا سودان اذ ما النفس هانت
أقدم للفدي روحي بنفسي

موسوعة التوثيق الشامل
ود الشيخ غير متواجد حالياً   رد مع اقتباس
قديم 28-01-2014, 04:07 AM   #7
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر

أنا أمدرمان
كلمات عبد المنعم عبد الحي

أداء الفنان أحمد المصطفى

:::::::::::::

أنا امدرمان تأمل في نجوعي
أنا السودان تمثل في ربوعي
أنا إبن الشمال سكنت قلبي
علي إبن الجنوب ضميت ضلوعي
******
أنا أمدرمان سئلواالنيلين عني
وعن عزمات فتاي عند التجني
فخير بنيكا يا سودان مني
سئلوا الحادي سئلوا الشادي المغني
******
أنا امدرمان إذا ما قلت أعني
فما نيل المطالب بالتمني
تجيش النفس بالآمال لكن
ولكن هذه لما لا تدعني
*****
أنا أمدرمان مضي أمسي بنحسي
غداً وفتاي أحطم قيد حبسي
وأخرج للملأ في ثوب عرسي
وأبسم بعد ما قد طال عبسي
وأعلن والفضاء يعلن همس
وأهتفت والوري يعرف حسي
فيا سودان اذ ما النفس هانت
أقدم للفدي روحي بنفسي

موسوعة التوثيق الشامل
ود الشيخ غير متواجد حالياً   رد مع اقتباس
قديم 28-01-2014, 04:09 AM   #8
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر

يوم قسموك يا هم


يوم قسموك يا هم
كتبوا عليك اسمي
لو كان رووك بالدم
يا هم رووك دمي
انا لو رضيت بالهم
مابرضى بي همي


حباني يا أهلي
يا من تعزوني
في الدنيا خاب أملي
في حظي عزوني
أنا لو يحين أجلي
ما تبكوا هنوني


يوم السعادة ...ت
يا ناس تخليني
بين الحياة والموت
يا السعادة زوريني
لو أمروها بالجبروت
السعادة ما بتجيني
ود الشيخ غير متواجد حالياً   رد مع اقتباس
قديم 28-01-2014, 04:16 AM   #9
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر



موسوعة التوثيق الشامل



من انت ياحلم الصبا
عبدالمنعم عبدالحي

من انت يا حلم الصبا
من انت يا امل الشباب
من انت..؟ من رحت انشده و لكن لا اجاب
ارنو لصورتك الحبيبة بين اطياف الضباب
فى الارض فى الانهار فى الشفق المنور فى السحاب
من انت يا حلم الصبا من انت يا امل الشباب

و احسها فى خاطرى نور تدفق فى انسياب
بالسحر بالامال بالانغام بالعطر المذاب
بالورد بالأزهار بالكأس المتوج بالحباب
من انت..؟! ياا حلم الصبا من انت يا امل الشباب

وأكاد أسمع في دمي صوت تضمخ من شذاه
حتى متى أبقى على الدرب الطويل ولا أراه
من وحي أوهامي خلقتك رغم آلام الحياه
ياصورة الحلم الذي قد شع في قلبي سناه
ياومضة الأمل الذي قد عشت عمري في رجاه
شفتاك من ورق الورود وآه من تلك الشفاه
خداك من شفق المغيب و آه من خديك آه
وعيناك يكمن فيهما ليل تسربل من دجاه
من انت يا حلم الصبا
من انت يا امل الشباب

إلى متى أدعوك لهفان الجناح
حتي متي ابقي علي الدرب الطويل بلا مراح
أبدا اسير مخيرا بين الروابي والبطاح
ويكاد يحرقني الظمأ وتكاد تسحقني الرياح
من انت يا نفح المنى
من انت يا نور الصباح
ود الشيخ غير متواجد حالياً   رد مع اقتباس
قديم 28-01-2014, 04:18 AM   #10
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: عبد المنعم عبد الحى / منتدى الادب والسعر

ليالى المصير

الشاعر عبدالمنعم عبدالحي

يا ليالي المصير قولي لخلنا
أوراق الخريف سارت حولنا
يا ليالي الرجاء عودي علنا
إن لاح الضياء يبدو ظلنا
في عرض السماء وفي دنيا المنى
يا ليالي الأمل قولي لخلنا
البدر اكتمل والدنيا سنا
لا الجرح اندمل لا عطفك دنا
هناك إنت وأنا هاهنا
يا ليالي المنى هل ما فات عاد
هل أحبابنا علي عهد الوداد
هل إنت وأنا كلنا في السهاد
سواء كلنا
ود الشيخ غير متواجد حالياً   رد مع اقتباس
قديم 29-01-2014, 10:19 AM   #11
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,603
افتراضي رد: الشاعر / عبد المنعم عبد الحى




محسن الفكي غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:43 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .