مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: سرعات عالية مع باقات بيتي فايبر + جوّي تي ڤي (آخر رد :بنت الخرطوم)       :: شاهد: فجر مرعب في قضاء بلد.. عجلة ترمي عينات دم ومسحات لمصابي كورونا في الشوارع (آخر رد :أقبـــــال)       :: تخفيضات على جميع باقات المفوتر من stc (آخر رد :بنت الخرطوم)       :: قرارين اتنين ب يطلعوا سرا قبل كل انقلاب (آخر رد :الثلج الساخن)       :: فتح النطاق العريض الثابت بين جميع شركات الاتصالات (آخر رد :بنت الخرطوم)       :: عرض مميز وبسعر مناسب من STC (آخر رد :بنت الخرطوم)       :: حسنات محمود (آخر رد :محسن الفكي)       :: ثورة العشرين العراقية هزمت المحتل البريطاني (آخر رد :أقبـــــال)       :: 🕸 *الزغاوة* 🖊سليمان ديار/جدة (آخر رد :الثلج الساخن)       :: إنترنت لامحدود وبدون استخدام عادل مع مفوتر 4 و 5 (آخر رد :بنت الخرطوم)      

إضافة رد
 
أدوات الموضوع انواع عرض الموضوع
قديم 24-07-2014, 01:24 PM   #1
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي عــيدية لي بشـــــــــــارة الخــير حــواء منتــدانا الغالي الحميم

عــيدية لي بشـــــــــــارة الخــير حــواء منتــدانا الغالي الحميم
اللهم أعــد العـــــــيد الســـــــــــعيـد
على كل أهلنا بالســودان الحبيب وأرضه المعطاءة بكل اليمن والبركات
والوحــدة والأمــن والســلام .. والحــرية


تـغــريــدة مــن الأعــمــاق
يا نثيث الروح
أخاف العمر يغدر بي وأخاف الحسرة تغمرني
وأغرق في الدمعة تشرقني
قبل أكحل فيكي شوق عينيَّ
بعيد أنا وروحي معاكي في الخاطر
يا بعيدة ودانية لهفانة بي رقراق الخفقة بتشاور
بعيد أنا وفي جواكي زي طفلاً تتاتيهـو ويسارر
يناغم فيك هل صحيح الشمس بتساهر
تمد حلمات شوقها للعطشان
عشان النجمة ترضع ضـو
واحات الريدة يا إنته بجيك باكر
عشان دانية قريبة الشمس وما ليها سواك شاغل
أوعك تخلف الميعاد تبكيني
أصلي بخاف الحظ يعاثرني
قبلما أفرد الروح جناح ومعاك تفيض بِحار حِـني
أضمك جوه الأعماق وبي توب عفافك تغطيني
وأسقيك نثيث روحي ومنو ترويني
وأشيلك يابا في حباب عينيَّ وأسعد بيك وتسـعدي بي
والروح تخاصر الروح ونَحمدُ الحي
ونَحمدُ الحي رفع السِماك بعيد يحدق فيك
ويتشهق يدوب بالمرة في عينيك عشان عينيك فيها الريد
وحنان بلدا موسم فيك وريد قلبا
لو جَمع حنان الدنيا كلو ما بوفيك
عشان كلمة سماح بكل عفوية أمنتيها للبرضيك
وبكل جسارة خبيتيها في عينيك
وعطرتي بالنهج الحي ووسدتي لحاف الضي
بعيدة إنتي وأه يومه من بُعدِك حي
بعيد أنا وفال السـُعدِ شاور لي ودنت الشَمِس تغرود لي
يا الباقي ليا حنان ومـلاذ وحضن أمان
أغيد مثير وحرير الورثير يِتَخَدر منو الحَرِير هيمان
لِمستو إتكهربَنْ إيديا
خِدرت جميع أعضايا وتعب قلبي زاد خفقان
يا ضحُوكا و قليبك أبيض ودود وحِفي
وتتوقد درة وهـيبة كرمة ضي
ومتين يا ضي تطول عينيَّ يجهرني سفيرك الحاني
ويهود بي وأتقرى حرير أيديكا كأنو بين إيدي
على الأمل بشِدَّ الساعد تتوه روحي ومعاكا هناك تغيب عني
تندسه فيكا وخاطرك يزاورني
وأفر كفيِّ وأمد إيدي يا منان تسهل لي
وأشوف الشُوفتو بالدنيا يقالـدنـي
وأسعد معاهو ويسعد بي

الحبوب / الأســمراني / اســمر نســــل النــــــــــيل والغـــــاب

بشير التوم إبراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:00 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .