مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: تخفيضات على جميع باقات المفوتر من stc (آخر رد :بنت الخرطوم)       :: قرارين اتنين ب يطلعوا سرا قبل كل انقلاب (آخر رد :الثلج الساخن)       :: فتح النطاق العريض الثابت بين جميع شركات الاتصالات (آخر رد :بنت الخرطوم)       :: عرض مميز وبسعر مناسب من STC (آخر رد :بنت الخرطوم)       :: حسنات محمود (آخر رد :محسن الفكي)       :: ثورة العشرين العراقية هزمت المحتل البريطاني (آخر رد :أقبـــــال)       :: 🕸 *الزغاوة* 🖊سليمان ديار/جدة (آخر رد :الثلج الساخن)       :: إنترنت لامحدود وبدون استخدام عادل مع مفوتر 4 و 5 (آخر رد :بنت الخرطوم)       :: اليوم العالمي للمؤسسات التجارية المتناهية الصغر والصغيرة : سبعة وعشرين يونيو (آخر رد :الثلج الساخن)       :: اسعار الاشتراكات لجميع شركات انترنت الفايبر الموجودة في السعودية (آخر رد :بنت الخرطوم)      

إضافة رد
 
أدوات الموضوع انواع عرض الموضوع
قديم 06-06-2020, 06:52 AM   #1
عبدالماجد موسى
 
الصورة الرمزية عبدالماجد موسى
 
تاريخ التسجيل: Jun 2005
الدولة: لندن
المشاركات: 427
افتراضي كلم قليبي

كلِّم قليبي

كلمتو جد واللهِ
كلَّمْتَ الرهيف جواي
كلمتو يا ست القلب
يا الرايقة
كلَّمْتَ سيد روحي البحبو سُراي
خليك من الحُسّاد
يا حلوة
وسيبك من البتضارى داك العمرو ما سَوَّاي
إنتي الليك انسراح الشوق
مطر رشاش
بَرَاحْ نَمَّاي
يهدهد فيني جمرة نومهْ
أَيْ والله
وإنتِ معاك الكُلْ يوم
يرقى ويرف الجوف
ويزحف زَيَّ الغِرِقْلُو في راي
أهواك إنتي في كل لحظة
وبيك الغربة العنيدة بتصفى
وتَعْدِلْ نجومها سماي
إنتِ الشروق يا قلبي
رغم الغروب دا
وسُحْنتو الوَدَّاي
إنتِ الجنان الهادية
وإنتِ النسيمة السارية
وإنتِ النسيم رساي
إنتِ الوطن محياكِ
وإنتِ السكون يا حبي
ليَّا براي
وإنتِ الثورة بيك انمهرت وضوت دروب الفرحة الحققت لِ مناي
يا أغلي ما في الكون
يا صُرتي الجواي
بيك النجوم مطيوبة
دايماً وارفه
ما إنتِ الطيوب لَمَّاي
يا نغم القلب يا خالدة
مين يشبه علاكي حِداي
ومنو البقدر يصدك
عن بحور صبري الشريفة
الهامت سنين راجياك
تخت الشوق
تشيل ضل الشقا الحَرَّاي
آااااه من سفر الليالي المُرَّة
شَدَّاد الخطى الشواي
كل المراسي قليبي تب مابيها لااااااامن وصل مرساكي
راق من يومو
خف عذابو
واتلقاك بالورود
يا السمحة ضي ابوابو
ضاق الراحة
مسك الجنة
ذاب في عبيرها
ومن يوميها رقَّ خطابو
وحَضَنَ الأماني وطيفا
غنى الأمل وشبابو
شفّر ليالي الوحدة
رد الهموم الشابو
ودع ليالي الغربة
خنق السهاد وعذابو
وعادت صباحاتو التشابي وغنى البلوم في رحابو
دندن نغيم اللقيا
فرهد قدم
عزف النغم
فات زي حُولو اللسا يتشهابو
وَسَبَحْ يمد في فرحو
المن بدري كان حَسَّابو
وسرح في جنتو الكايِسلا سنوات الهوى وتيرابو
نمنم بالأمل زفراتو
فك الرسن في رحابو
وغِرِقْ في الشوق
وَعَبَّ من الغرام وَعَقَابو
سالت ينابيع الفرح
دفاقة
سارِح معاها ترابو
يا خالدة يا أجمل هدية اتلقاها الرميش في هضابو
مرحب حباب الطلة
وبيك سمح الفرح دا حبابو
حياك القليب يا ستي
أَلْف حبابك إنتِ
وأَلِفْ كمان لحبابو
__________________
أينما أكون تكون كسلا وأينما تكون كسلا يكن الحب .
http://www.maktoobblog.com/majidmusa?mm=842694991

عبدالماجد موسى غير متواجد حالياً   رد مع اقتباس
قديم 06-06-2020, 12:34 PM   #2
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,603
افتراضي رد: كلم قليبي

وياله من كلام..
تسلم على هذا الغور الجُّوانِي،يا ماجد.
محسن الفكي غير متواجد حالياً   رد مع اقتباس
قديم 07-06-2020, 11:12 AM   #3
عبدالماجد موسى
 
الصورة الرمزية عبدالماجد موسى
 
تاريخ التسجيل: Jun 2005
الدولة: لندن
المشاركات: 427
افتراضي رد: كلم قليبي

اقتباس:
المشاركة الأصلية كتبت بواسطة محسن الفكي مشاهدة المشاركة
وياله من كلام..
تسلم على هذا الغور الجُّوانِي،يا ماجد.
التحية ليك حبيبنا محسن
حياك الله يا عزيزي
ليك وحشه والله
شكرا لشعورك الطيب والجميل يا ذوق
__________________
أينما أكون تكون كسلا وأينما تكون كسلا يكن الحب .
http://www.maktoobblog.com/majidmusa?mm=842694991
عبدالماجد موسى غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:50 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .