مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: بمناسبة اليوم العالمي للسكان : احداشر يوليو (آخر رد :الثلج الساخن)       :: زهير السراج يكتب لماذا سقط أكرم فى الامتحان (آخر رد :زهرة الروض الظليل)       :: هل ح يرجع صلاح قوش من مصر كرئيس للسودان ؟؟ (آخر رد :عبد السلام)       :: انترنت لامحدود لمدة يوم أو يومين من stc (آخر رد :بنت الخرطوم)       :: سرعات عالية مع باقات بيتي فايبر + جوّي تي ڤي (آخر رد :بنت الخرطوم)       :: شاهد: فجر مرعب في قضاء بلد.. عجلة ترمي عينات دم ومسحات لمصابي كورونا في الشوارع (آخر رد :أقبـــــال)       :: تخفيضات على جميع باقات المفوتر من stc (آخر رد :بنت الخرطوم)       :: قرارين اتنين ب يطلعوا سرا قبل كل انقلاب (آخر رد :الثلج الساخن)       :: فتح النطاق العريض الثابت بين جميع شركات الاتصالات (آخر رد :بنت الخرطوم)       :: عرض مميز وبسعر مناسب من STC (آخر رد :بنت الخرطوم)      

إضافة رد
 
أدوات الموضوع انواع عرض الموضوع
قديم 13-03-2007, 01:03 PM   #1
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي بوست تحتو شخيط .. اخوان الكاس

اول حاجة البوست دا لو واحد
طلع منو سكران وقبضوهو الجماعة
انا ما مسئول
القال ليهو يسكر بالريحة منو
تانى حاجة الشخيط دا ليه
الشخيط دا للبسكر ويغلبوا المشى
اها اتفقنا ولا لا
راجع ليكم
بعد شوية
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال

فداء غير متواجد حالياً   رد مع اقتباس
قديم 13-03-2007, 01:22 PM   #2
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

بتذكر زمان قريت كتاب للمؤرخ الشعبى
الدكتور الطيب محمد الطيب بعنوان الانداية
فى السودان الكتاب كان توثيق للانداية فى
السودان وكان ممتع جدا بالطرائف الوردت فيهو
المهم انو ناس القعدات ديل كان عندى معاهم صولات
وجولات مرة احجز دا ومرة اوصل دا وفى طرائف كتيرة
حصلت معاهم عاوز اقول ليكم البتزكروا منها يعنى بصراحة
البوست دا سكران من هسة
وانا برة
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
قديم 13-03-2007, 02:22 PM   #3
إنعام
 
الصورة الرمزية إنعام
 
تاريخ التسجيل: Nov 2006
المشاركات: 11,372
افتراضي

اقتباس:
البوست دا سكران من هسة
بمناسبة الانداية دى
قريت مقال فى إحدى الصحف السودانية عن موقف المجتمع الدولى إزاء الاحداث فى الشرق الاوسط والكاتب إعتمد فى كتاباته على الفكاهة المطلقة قال المجتمع الدولى دا بذكرنى بقعدة الانداية أمريكا تقول نضرب ايران يقوموا السكارى( يردوا آآى أضربوها لكن ماشديد حبة) والمجتمع يقوم من أنداية ويقع فى انداية .
يافداء كان تسميه بوست سكران ..
__________________
كان الزول اباك من غير سبب ماتسكو امسح اسمو من خارطة ضميرك حكو جامل البجاملك
والبسكك سكو وحب البحبك والبدكك دكو ...
إنعام غير متواجد حالياً   رد مع اقتباس
قديم 13-03-2007, 02:41 PM   #4
ودالزين
Guest
 
المشاركات: n/a
افتراضي

يا أخوانا نحن وين؟

وفي شنو؟

وديل منو؟


هق

اتعشيتو؟
  رد مع اقتباس
قديم 13-03-2007, 02:45 PM   #5
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

بتذكر مرة وانا جاى من الدافورى ساعة المغربية كدة مريت قدام بيت جيرانا وهم ناس لذيذين جدا وناس عشرة صاح المهم قدام بيتم لقيت ولدهم ايوب قام سلم على
وقال لى اسمع انت عندك مشوار ولا حاجة
ابدا يا ايوب ماشى آخد دش وارتاح شوية
طيب ياخى انا عازم ناس وما قادر اتحرك وكدة دايرك تجينى سريع عشان تمشى تجيب لى كوارع من ناس لندن انتا عارف انا منتظرهم وممكن يصلوا فى اى لحظة
حاضر ربع ساعة وانا عندك
المهم طلعت مشيت جبت الكوارع ولمن وصلتهم لقيت ليك الجنينة قدام البيت ملانة ناس
فيهم واحد ضابط كبير والتانى ميكانيكى برضو بعرفوا والتالت نجار واحد تانى سامعهم بنادوه يا باشمهند
س وضبوف تانيين ما عرفتهم المهم شبكونى على الطلاق تقعد وتتعشى الليلة معانا اسمع يا فودة انت عاوز تطلق مرتى ولا شنو اهى بتسمع فى كلامك حرم تقعد المهم قعدت لقيت ناس بظبطوا فى السلطة والجبنة واحدين قاعدين يقشروا فى التوم وسامع ليك واحد فى طرف الجنينة خاتى الحلة وشابكم ليك هوى ما تفوتونى كاسى كب يا كنترول والكنترول يكب فى الكاسات ويوزع باليمين ما عارف ليه التوزيع دايما يبدأ باليمين لكن بقولوا يمينك ولو كان عدوك فجأة كدى اسمع ليك الكاس دا هدية منى ليك يا اخوانا والله ما قاعد اشرب على الطلاق الكاس دا هدية منى ليك يحلنى الحلا بلة الليلة منكم بس ايوب ما قصر تب اسمع يا فودة امسك الكاس واهديهو لاى واحد هنا يا اخوانا الزول دا ما بشرب وخلوهو براحتو المهم طلعت من المأزق دا وصوت الكاسات تتطاقش والمواضيع كوكتيل شى شرقى وشى غربى بعد شوية كدة قاموا دخلوا ليك فى السياسة ومشاكل السياسة هو شنو الما حلوه اليوم داك الناس ديل مع صوت الكاسات حلوا مشكلة الاحزاب فى السودان ومشكلة فلسطين وافغانستان وبعد داك دخلوا فى برنامج الغنا واحد ماسك ايقاع والتانى بغنى والباقين ماسكين كورس
يا سقاة الكاس من عهد الرشيد
مالى ارى كأسى ظامئا ابدا وحيد
..........................................
......................................
..................................
واحدين قاموا يبشروا ويرقصوا والرجلين تتطاقش مع بعض
اها ايوة
اها ايوة
اديلوا ايوة
فاصل من الاغانى استمر فترة الفاصل دا ما انقطع الا لمن وزعوا كاسات ياخى ما توقف واصل غنا
ليه عشان تباصونى . كاسى اول وبعدين بغنى اقول ليكم حاجة الزول دا دبل ليهو الكاس ياخى دا مبدع وبستاهل امسك يا حبيب الكاس دا هدية منى ليك طبعا الفنان كشح الكاس الطويل داك لمن ولع ليهو سجارة مع صرة الوش ديك المهم لقيت الناس بعد شوية العيون حمر ذى عيون الديك والكلام بقى مقطع بالاقساط المريحة فجأة لمعت فى راسى فكرة اوجه ونسة الجماعة ديل قمت قلت ليهم انتو يا اخوانا الكورة انتهت كم ما صدقت لمن الجماعة دخلوا ليك فى الكورة وازمة الكورة وبدوها ليك من زمن الرياضة الجماهيرية لحدى الرياضة العالمية لمن شفتهم بردوا شوية قلت ليهم انتو عارفين الشاعر ابو صلاح دا ما ساهل كلو كلوا وسكتا على كدة وجماعتنا قاموا مسكوا ليك ابو صلاح وسيد عبدالعزيز وعبدالرحمن الريح حتى سرور وكرومة جابوهم فى القعدة المهم عجبتنى ليك القصة دى وبقيت قدر ما يبردوا شوية اهبش ليك ليهم حاجة والجماعة يخشوا فيها شئ تحليل وشئ توصيات وشئ بطولات غايتو الجماعة ما قصروا تب كان دخلوا معانا فى المنبر دا ما بقصروا خالص المهم الجماعة جابوا العشاء والعشاء دا كان فلم براهو واحد يفط الصحن ويغمس برة واحد تانى اتمحن وما سك ليهو لقمة ما قادر يعرف موديها وين واحد تانى مسك ليك عضم وهاك يا قرمشة طبعا بعد انتهى فلم العشاء جا دور الوداع والجماعة اتلموا ليك قدام البيت وهاك يا شكر شكروا بعض كدة لمن كملوا الشكر والغريبة جانى نصيب من الشكر ما ساهل جد لمن حسسونى بأنى عبقرى زمانى بعد داك الجماعة ركبوا مشوا الا واحد كان ساكن قريب لينا ايوب قال لى اسمع يا فودة وصل الزول دا معاك فى طريقك قلتا ليهو حاضر وتصبح على خير المهم لقيت ليك زولى فاطى سطر وفاقد توازنو وما قادر يمشى نهائى وقعد يقول لى ياخى انا كويس حرم ما سكران حرم بمشى براى قدر ما حاولت اسند الزول دا يقول لى حرم ما سكران ويتفكا منى ويدق الواطة ياخوانا البفكنى الليلة شنو من المصيبة دى قلت احسن حاجة اقوم اشيل الزول دا غصب عنو وفعلا شلت الزول وبديت امشى بيهو بسرعة قبل ما ينتبه ويرفض الا زولى دا ما نضم خالص واستكان على كدة لمن قربنا للبيت فجاة قال لى حرم تنزلنى وبينى وبينكم نفسى كان انقطع من تقل الزول السمين دا ما صدقت لمن قال لى كدة وزولك كان بكشكر لى ساى لقى نفسو فجاة انا نزلتوا والبيت ما كان بعيد يعنى شوية جبدة ويكون فى بيتوا زولى قام وقف وقال لى اسمع يا فودة والله انا ما سكران وهسة بثبت ليك قام قعد اتفن فى الواطة حرم انا ما سكران ياخى انت بتسكر انا عارفك زول صنديد الزيك منو قلت اشكروا شوية عشان ما يخالفنى فى هوايد الليل دا وزلك شبكنى انا حوض الرملة انا ابو التومة وانا شنو الما عارف داك لمن زهجنى شديد قلت ليهو اسمع انا ماشى وبيتك اهو قريب تصبح على خير وفعلا اتقدمت كم خطوة كدة الا واسمعوا ليك اسمع يا فودة عملتا ما سامع حرم يا فودة تسمعنى من قبلك ما تجينى اقيف قبلك قمت وقفتا واتلفتا عليهو لقيتو ليك بحاول يقوم يقيف على حيلوا وما قادر بصعوبة جدا وقف على حيلوا مسافة وقام قدم رجلوا نص خطوة وشبكنى ليك
تاتيه
تاتيه
يدق الدلجة ويقوم مرة تانية
تاتيه
تاتيه
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال

التعديل الأخير تم بواسطة فداء ; 13-03-2007 الساعة 02:56 PM
فداء غير متواجد حالياً   رد مع اقتباس
قديم 13-03-2007, 03:01 PM   #6
ودالزين
Guest
 
المشاركات: n/a
افتراضي

والله يا فداء انت الليلة مزاجك رايق.
  رد مع اقتباس
قديم 13-03-2007, 03:06 PM   #7
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

اقتباس:
المشاركة الأصلية كتبت بواسطة إنعام مشاهدة المشاركة
بمناسبة الانداية دى
قريت مقال فى إحدى الصحف السودانية عن موقف المجتمع الدولى إزاء الاحداث فى الشرق الاوسط والكاتب إعتمد فى كتاباته على الفكاهة المطلقة قال المجتمع الدولى دا بذكرنى بقعدة الانداية أمريكا تقول نضرب ايران يقوموا السكارى( يردوا آآى أضربوها لكن ماشديد حبة) والمجتمع يقوم من أنداية ويقع فى انداية .
يافداء كان تسميه بوست سكران ..
انعام والله ضحكتينى شديد الليلة
على فكرة كان غلبك المشى ما تنسى
الشخيط انا ضربتوا ليكم جير ابيض
خلينا نشوف ترشيح الاخوان شنو فى
تسمية البوست
تسلمى
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
قديم 13-03-2007, 03:10 PM   #8
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

اقتباس:
المشاركة الأصلية كتبت بواسطة ودالزين مشاهدة المشاركة
يا أخوانا نحن وين؟

وفي شنو؟

وديل منو؟


هق

اتعشيتو؟
ود الزين انت من هسة
بديت تغالط كدى شم يدك
واعرف اتعشينا ولا لا
ما تنسى الشخيط لمن تمشى بيتكم
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
قديم 13-03-2007, 03:20 PM   #9
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

اقتباس:
المشاركة الأصلية كتبت بواسطة ودالزين مشاهدة المشاركة
والله يا فداء انت الليلة مزاجك رايق.
فى الشاطئ يا حبان
ساهرتوا بينا
.........................
....................
بهديك الاغنية دى يا ود الزين
لانو الجماعة غنوها لمن مشيت
تجيب الزيادة
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
قديم 13-03-2007, 05:35 PM   #10
ودالزين
Guest
 
المشاركات: n/a
افتراضي

اقتباس:
فى الشاطئ يا حبان
ساهرتوا بينا
.........................
....................
بهديك الاغنية دى يا ود الزين
لانو الجماعة غنوها لمن مشيت
تجيب الزيادة


الله فوق مدني يا شباب مدني
أو
أنا لي في مدني خوة
  رد مع اقتباس
قديم 14-03-2007, 02:46 AM   #11
ود مسمار
 
الصورة الرمزية ود مسمار
 
تاريخ التسجيل: Aug 2005
المشاركات: 2,926
افتراضي

كان عندنا عما لينا بجيب قزازتو وبختها جنب كراع العنقريب وهو مسميها النوامة لانو بعد ان يشفط اخر كاس يكون هو خلاس في سابع نومة...

الرجل ده لذيذ جدا ومن الناس الذين تستمتع بالجلوس معهم وهم سكاري ...
وله مبادي عامة في القعدة
1- لا يسكر الا في منزله
2- لا يبدا الشرب الا بعد ان يكون خبت في اللحم تمام - ني ونجيض
3- لا يحب ان يشاركه احد في قزازتو
4- ما بدور الكلام الكتير لانو بطير السكرة

والغريبة انه مهما يشرب لا تهتز له شعرة او يغيب عقله او يتلكا له لسان ..
ود مسمار غير متواجد حالياً   رد مع اقتباس
قديم 14-03-2007, 11:32 AM   #12
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

ألذ حاجة يا ود مسمار
انو عمك دا حريص على
سكرتو لانو ما بدور الكلام
عشان السكرة ما تطير عارف
السكارى ديل فيهم واحدين تتمنى تلقاهم
دايما سكرانيين من لذتهم
تسلم
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
قديم 14-03-2007, 12:31 PM   #13
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

صاحبى الممثل وليد زول مرهف الاحساس جدا وبريد الشراب زيو عيونو لكن ما عندو قدرة عليهو وهو عارف كدة لكن عامل فيها زول كلس اها مرات بمشى احضر معاهو البروفات وطبعا فى البروفات فى كم كتحة كاس اثناء الشغل بس وليد حريص جدا انو ما يشرب ولا كاس وبتحجج بحاجات كتيرة لكن كلنا عارفين انو لو كتح ليهو كاس واحد بلخبط معاهو وما بقدر يشتغل المهم مجرد ما تنتهى البروفة يجينى ليك قوم بسرعة نمشى ياخى انا الكاروشة دورت فينى يلا ارح بقول كلامو دا وبتجه لمكانو المفضل فى الناحية الشمالية من حديقة المسرح وطبعا ذى ما قلت ليكم وليد عندو احساس مرهف لدرجة ما تتخيلوها وزول شفاف جدا مع ثقافة غير عادية متمكن جدا فى الآداب والفنون والفلسفة ومرات يتوهك عديل كدة ومجرد ما يكتح الكاس الاول الحساسية والشفافية بتزيد عندو يعنى لو حكيت ليهو اى قصة حزينة بقوم يفتح ليهو بيت بكا عديل اها لمن عرفت فيهو الحاجة دى بقيت متخصص فيهو ما حصل وليد دا كتح ليهو كاس ما بكى وقطعت قلبو اخليهو ليك لمن يفرد وشو وبعد داك انجر لى قصة من راسى
انت عارف يا وليد نازك ديك عندها مأساة غريبة
طبعا وليد هنا بنتبه معاى بحواسو كلها ويركز معاى شديد جدا
نازك منو يا فودة
ياخى نازك الكانت مسئولة من الاحتفال بيوم المسرح العالمى
البت الحلوة ايوة اتذكرتها انت بتعرفا من وين
يا وليد ديل جيراننا
اها قول مالا
طبعا هنا وليد بكون اعلن حالة الطوارى ومنصات الدموع جاهزة للانطلاق والصوت فى انتظار لحظات العد التنازلى الحاجات دى فى وقت واحد تم تجهيزها بعد داك احاول اشوف ليا اى شاكوش حزين والصقوا ليك فى نازك وشوفو بعد داك حال وليد صاحبى البكا عندو يبدا بالدموع شر التقول مطر وشوية يبدا الصوت المتهدج فى الاندلاق معقول فى ناس فى الدنيا ذى كدة وبعد داك الجعير يبدا
يا وليد استغفر ياخى
عليك الله فكنى خلينى النبكى بكاى
وا وا وا وا
معقول فى ناس كدة فى الدنيا دى
وا وا وا
يا وليد استغفر ياخى
قت ليك خلينى النبكى بكاى
وا وا وا
معقول فى ناس فى الدنيا كدة
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال

التعديل الأخير تم بواسطة فداء ; 14-03-2007 الساعة 12:33 PM
فداء غير متواجد حالياً   رد مع اقتباس
قديم 14-03-2007, 03:41 PM   #14
إنعام
 
الصورة الرمزية إنعام
 
تاريخ التسجيل: Nov 2006
المشاركات: 11,372
افتراضي

اقتباس:
المشاركة الأصلية كتبت بواسطة ود مسمار مشاهدة المشاركة
2- لا يبدا الشرب الا بعد ان يكون خبت في اللحم تمام - ني ونجيض
.
انت ياود مسمار علاقة السكر باللحم شنو .. نى ولا مظبط .
__________________
كان الزول اباك من غير سبب ماتسكو امسح اسمو من خارطة ضميرك حكو جامل البجاملك
والبسكك سكو وحب البحبك والبدكك دكو ...
إنعام غير متواجد حالياً   رد مع اقتباس
قديم 08-12-2008, 03:19 PM   #15
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 27
افتراضي

العريـــس
النفض الكيس
__________________
متفائل بأمل جديد
ودالشيخ غير متواجد حالياً   رد مع اقتباس
قديم 08-12-2008, 05:32 PM   #16
همسه
 
الصورة الرمزية همسه
 
تاريخ التسجيل: Jul 2007
الدولة: ضــل الهجـــــير
المشاركات: 6,994
افتراضي

العريس ملطط في القاهرة ...
__________________
لست أدري ...
ما بعيني ...
غير أني ...
لم أنم
همسه غير متواجد حالياً   رد مع اقتباس
قديم 08-12-2008, 09:06 PM   #17
Talal
 
الصورة الرمزية Talal
 
تاريخ التسجيل: Mar 2007
الدولة: السودان الشقيق
المشاركات: 21,615
افتراضي

اقتباس:
العريس ملطط في القاهرة
الجمع بين كاسين حكمو شنو في الدين؟؟
__________________
Do not take it personally
Talal غير متواجد حالياً   رد مع اقتباس
قديم 08-12-2008, 09:14 PM   #18
همسه
 
الصورة الرمزية همسه
 
تاريخ التسجيل: Jul 2007
الدولة: ضــل الهجـــــير
المشاركات: 6,994
افتراضي

اقتباس:
المشاركة الأصلية كتبت بواسطة Talal مشاهدة المشاركة
الجمع بين كاسين حكمو شنو في الدين؟؟
حسب نوع الكاسين ....

في واحدين بسجنوك ويجلدوك ويغرموك

وفي كاسين بلعبو بيهم دوري ....

وفي كاسين بختوهم في اليونت ودي بسرو الناظرين المفروض يدخلوك الجنة
__________________
لست أدري ...
ما بعيني ...
غير أني ...
لم أنم
همسه غير متواجد حالياً   رد مع اقتباس
قديم 11-12-2008, 12:25 AM   #19
ابوعبيده محمد ضيف الله
 
الصورة الرمزية ابوعبيده محمد ضيف الله
 
تاريخ التسجيل: Apr 2007
الدولة: الخرطوم
المشاركات: 6,942
إرسال رسالة عبر MSN إلى ابوعبيده محمد ضيف الله
افتراضي

اقتباس:
المشاركة الأصلية كتبت بواسطة ود مسمار مشاهدة المشاركة
لا يبدا الشرب الا بعد ان يكون خبت في اللحم تمام - ني ونجيض
.
ود مسمار..
.
.
كل سنة وإنت طيب .. إلا سوعال برئ جداً..
.
.
اللحم النجيض عرفناهو..
.
.
اللحم الني دا شنو؟؟
ابوعبيده محمد ضيف الله غير متواجد حالياً   رد مع اقتباس
قديم 11-12-2008, 12:35 AM   #20
ود مسمار
 
الصورة الرمزية ود مسمار
 
تاريخ التسجيل: Aug 2005
المشاركات: 2,926
افتراضي

اقتباس:
انت ياود مسمار علاقة السكر باللحم شنو .. نى ولا مظبط .
انعام كل سنة وانتي طيبة
انا معلوماتي ضعيفة في الحتة دي بس ممكن يتبرع بعض الاخوة بالاجابة..
بس علي ما اعتقد بقولو انو العرقي قوي وبهرد المعدة عشان كده داير ليهو فرشة. والغريبة اتو العضة بتكون بعد الشرب وليس قبله
ود مسمار غير متواجد حالياً   رد مع اقتباس
قديم 11-12-2008, 12:38 AM   #21
ود مسمار
 
الصورة الرمزية ود مسمار
 
تاريخ التسجيل: Aug 2005
المشاركات: 2,926
افتراضي

كتب ابو عبيدة
اقتباس:
ود مسمار..
كل سنة وإنت طيب .. إلا سوعال برئ جداً..
اللحم النجيض عرفناهو..
.اللحم الني دا شنو؟؟
كل سنة وانت بالف خير
بطل سوء الظن ده يا اخي ..

ام فتفت كبده جمال هو المقصود.. اما ما عنيته انت فلا اعرف حكمة بعد ام قبل
ود مسمار غير متواجد حالياً   رد مع اقتباس
قديم 11-12-2008, 12:47 AM   #22
ابوعبيده محمد ضيف الله
 
الصورة الرمزية ابوعبيده محمد ضيف الله
 
تاريخ التسجيل: Apr 2007
الدولة: الخرطوم
المشاركات: 6,942
إرسال رسالة عبر MSN إلى ابوعبيده محمد ضيف الله
افتراضي

العريس فداء..
.
.
كل الأماني الحلوة وأنت تترع من كأس الهناء وكأس المني ..
.
.
طبعاً علاقتي مع الكأس خيالية بحتة ..
فأنا من أكبر عشاق خمر الجمال وأحب الكاس فواحة بعبق الجمال والحب فيكون السكر ويكون التكسر وتكون الأغاني ويكون في الليلة ديك..
.
.
لكن حدث قبل ذلك في القاهرة أن دعيت لحفل عيد ميلاد..
.
.
الحفل كان في مدينة نصر كنت نازل في عمارة والجيران عندهم عيد ميلاد..
.
.
زي الساعة 11 نوموا الشفع ( عفواً الشفع معناهم سودانييين ) اقصد نوموا الأطفال وجات واحدة إسمها سهام شايلة قزازة جاني ووكر ومعاها بيبسي عائلي .. والقعدة كانت شباب بما فيهم ابو الولد صاحب عيد الميلاد وأمه..
.
.
الزمن كان 1992م وأخوك كان فيه شوية تعصب ..
.
.
سهام دي ملخبطة لخبيط شديد أبوها سوداني وأمها مصرية وعاشت في المغرب وزوجها إيطالي إسمه لويدجي.. وعندها شركة إستيراد وتصدير .. يعني بي صراحة كانت خطرة جداً ..
.
.
جمال .. ومال .. وكاساتها لا ترفض..
.
.
طبعاً لما سقت كل الموجودين واصرت أشرب الكاس المدتها لي .. أخوك شافها زي الشالتني وجدعتني ليك في النار..
.
.
بلا كاس بلا أتكيت بلا يحزنون غادرت الشقة غير مأسوف عليها..
.
.
لحدي هنا دي ما الغريبة في القصة..
.
.
الغريبة طلعتي من الشقة الكهرباء قطعت ونحن في الدور الرابع وأنا ساكن في السادس..
.
.
طلعت أتحسس لحدي الدور السادس وضلمة صباعك ما بتشوفو..
.
.
عيني ليك نور من بعيد صغيييير زي عين الكديسة..
.
.
قعدت بس.. بس .. جر .. جر .. هش .. كر .. وكل لفظات طرد الحيوانات ما نفعت..
.
.
يا الله كدايس المصرين ما بتعرف كلمة بس؟؟
.
.
طبعاً في النهاية طلعت لا كديسة ولا كلب ولا يحزنون..
.
.
ود خالتي لمن الكهرباء قطعت ولع لي شمعة في الصالة ونورها عكس من العين السحرية..
.
.
قال كدايس مصرية قال..
.
.
.
.
( ما تكلم زول بالخوفة الخشت فيني من الكديس الما داير يزح دا )
ابوعبيده محمد ضيف الله غير متواجد حالياً   رد مع اقتباس
قديم 09-04-2009, 02:34 PM   #23
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

اقتباس:
المشاركة الأصلية كتبت بواسطة أبو بشرى مشاهدة المشاركة
العريـــس
النفض الكيس
ايامنا العشنا فيها غرامنا ..
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
قديم 09-04-2009, 02:37 PM   #24
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

اقتباس:
المشاركة الأصلية كتبت بواسطة همسة سودانية مشاهدة المشاركة
العريس ملطط في القاهرة ...
البخور
والدلكة خلن عقلى لكة
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
قديم 09-04-2009, 02:40 PM   #25
فداء
 
الصورة الرمزية فداء
 
تاريخ التسجيل: Jun 2006
الدولة: الامارات
المشاركات: 5,529
افتراضي

اقتباس:
المشاركة الأصلية كتبت بواسطة Talal مشاهدة المشاركة
الجمع بين كاسين حكمو شنو في الدين؟؟
الاصل فى الاشياء الاباحة يا طلو
اجمع واكتح ساى يا حبيبنا
وعن يمينو وعن شمالو
__________________
كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال
فداء غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:54 AM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .