مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: فتح النطاق العريض الثابت بين جميع شركات الاتصالات (آخر رد :بنت الخرطوم)       :: عرض مميز وبسعر مناسب من STC (آخر رد :بنت الخرطوم)       :: حسنات محمود (آخر رد :محسن الفكي)       :: ثورة العشرين العراقية هزمت المحتل البريطاني (آخر رد :أقبـــــال)       :: 🕸 *الزغاوة* 🖊سليمان ديار/جدة (آخر رد :زهرة الروض الظليل)       :: إنترنت لامحدود وبدون استخدام عادل مع مفوتر 4 و 5 (آخر رد :بنت الخرطوم)       :: اليوم العالمي للمؤسسات التجارية المتناهية الصغر والصغيرة : سبعة وعشرين يونيو (آخر رد :الثلج الساخن)       :: اسعار الاشتراكات لجميع شركات انترنت الفايبر الموجودة في السعودية (آخر رد :بنت الخرطوم)       :: شكرا حمدوك (آخر رد :نادر ليمونه)       :: كسر المراحيض والبلاط في ليلة الزفاف (آخر رد :نادر ليمونه)      

إضافة رد
 
أدوات الموضوع انواع عرض الموضوع
قديم 11-01-2013, 04:34 AM   #1
bushra Elfaki
 
تاريخ التسجيل: Apr 2006
الدولة: Sedny
المشاركات: 18
افتراضي حكاية ريد لي فاطنة السمحة


مدخل:


أحبك
كلمة وحيدة بنقولا
وما بننساها نحن فداها يا عازة
عيونك نيلك السامي
بنحب نغرق في عينيكي
وأياديك نخلك السامق
نحب نوصل أياديكي
وخصرك أرض مروية
أحب أملابو ايدية
سودانية سودانية
ما بننساها نحن فداها يا عازة
أجيك يا مهيرة أتقدل
أقول أعمل بدور أعمل
منو البعمل غيري نا
تزغردي لي وتفرحي بي
وفاطنة السمحة تتنا
أشيل مخلاية
وانتي معاي
تتفجر ينابع ريدنا ما بتجف
ولا بينضب معين احساسنا
أخت ايديكي في ايديا
ونشيل الطين ونرسم أمنا الجاية وأحبك



النص:

يا حبوبة من ما قمنا نحن عشقنا فاطنة السمحة
شايلة مكارم الأخلاق ولابسة الطرحة
ما بتتهان
نمت فينا وبتسند فوق خطاوينا
وتقول للغول
محمد في هواي مكتول
محمد مني نا المسئول
وهو المسئول ونحن صغار
شلنا معاهو هم الدنيا
كيف يزرع وكيف يحصد
وكيف الزول يريد الزول
وكيف الزول يكون مسئول
وكيف نحفظ بلدنا وكيف نكاتل لي حماها نقيف
وما نتهان
عرفنا الدنيا كل الدنيا
يا حبوبة من غنية
بتقولها السمحة لي خوها
وبتعرفي السمحة لما تغني لي خوها
بتسعد كل من جوها وما بتنهان
أصيلة أصيلة يا فطومة
حقوقك كيف تكون مهضومة
وانتي السمحة ما في متيلك
انتي العزة موية نيلك
عيونك عازة السودان
وثغرك لؤلؤا مرجان
وما بتنهان
لي ود النمير الكان
يشوف في فاطنة سرية
وحجتوا سنة دينية
ويقول لمحمد المنصور
بشوف فاطنة بتكون ليا
وعرفتي الجاهو يا حبوبة من ديا
وفهمتي الجاهو يا حبوبة من ديا
وشفتي الجاهو
أسدة ونمرة ومرفعين الجبال
أم سنونا طوال سيدم سندو
وفاطنة عزيزة كيف تنهان
تقول للغول
أكان داير تشيل محصول
زرعوا محمد المأمول دحين حاول
محمد مالوا أبدا سيد
محمد مو البحمل القيد
ونحن نعيد
معاكي قصة الأشواق من الأول
وكت أكنا صغار من حولك
نشيل في قيمنا بالجملة
وندفي جسومنا في حضنك
ونبكي كتير وتبكي كتير
ود النمير ختف فاطنة
محمد هاج ونحن بكينا كنا سغار
وما عارفين ننط أسوار بناها الغول
وشال محصول سقوهو بي شعاع النار
محمد كان كلاموا جميل
قشقش دمعة الأطفال
وقال يا شتلة مرية بي دمعة ريد لي فاطنة السمحة
داك طريق أعرفوهوا
وقال حبوبة ما تبكي
بتقولي بكانا نحن نضال وبرضوا بكانا نحن نضال
كبرنا سريع وبقينا السيل
وكان ابريل
ضريبة ريد وكان تهليل
وكان فرحا كبير بالحيل
نضالاتوا بتشد الحيل
بقول يا فاطنة يالسمحة
انت الغنوة والمدحة
وانتي الدقة في الطنبور
وانتي صدور
مشبعة بي عبير ريدك
وانتي الدوكة
انت البامية مفروكة
وانتي شتم بيخلف عزف دلوكة
وانتي هوانا انتي دوانا
ما بنطيق فراقك مر يالسمحة
لما يجينا همنباتي
ودة النمير المات يقولوا جانا بعاتي
ويختف فاطنة في تلاتين
وهو المسكين
أكان بعرف حلاوة الطين
أكان بفهم غلاوة الطين
أكان عندوا حبيبة دين
ما كان قام لينا من قبرا وكان خاتي
وهو العارف بي ريد فاطنة نحن الديمة بنهاتي
ونحلم بي زمن آتي
ونعيش للآتي من زمنا بعيد بالحيل وهو الضليل
محمد قالا كلمة زمان
محمد ماهو زول بيتهان ونحن معاهو ما بنتهان
بنحرق دفتر الأحزان ونعيش للريد
أصلو الريدة قصة طويلة ما بتكمل
مما قمنا عشناها وشلنا الهم مع محمد
كيف يزرع كيف يحصد
وكيف الزول يريد الزول وكيف الزول يكون مسئول
وكيف نحفظ بلدنا وكيف نكاتل لي حماها نقيف
وما نتهان

bushra Elfaki غير متواجد حالياً   رد مع اقتباس
قديم 05-08-2014, 11:13 AM   #2
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي رد: حكاية ريد لي فاطنة السمحة



مـيـن يــا وطــن المكارم

فـي كـل الـعـالـم

بـشـبـهـك

******
قسما ..
قسمًا بمن في الحنايا إصطفاكا زينة لنا وأودعك
وخلقك وطنًا يسع الجميع بلا إحنٍ ما أروعك
سُثبحان من جسّد فيكا سحر الطبيعِة وأبدعك
أنشودةً عربيدةً ورمزاً للفضيلةِ والتحررِ والسلام
وطننًا تجَزْرَعِشقه ثم أستوى في الحـنايا ضِـرام
إنه قسمٌ علينا لن تُضامَ ذراري النخلِِ فيكا ولن تُسام
أُحِـبُك يا وطنََ الصِمُودِ وأبُثك من سِـويدائي الغرام
يا خٌلاصـة الصبرِِ إكسيرَ التمازُجِ والمحبةِ والسلام
قسمًا بمن أودعَ فيكا سرالبسالةِ والتوحُدِ والصِـدام
وقسمًا بربِ الباسِِ حين البأسِِ لن تُضَام ولن نٌسام
سنخُوضِها عنوةً ونُزِيح عن زيفِ الأعادي اللثام
وسنهتفُ لا
لا لمن تجـاسرَ واهمًا ينشُرُ في بواديكا الخِِصام
لا للتحزُبِِ والتقوقعِِ في بروُجِ الزيفِِ والفعلُ الحرام
لن تَضِيع سـدًا يا وطني .. يا وطنَ المعزةِ والوِِئام
عزة الخليلُ ونسلُها ستظلُ في الأعناقِِ في الأحداقِِ
في قاعِِ المسام
ُأنشودةً عربيدةً ورمـزًا للفضيلةِِ والتحررِِ والسلام

الحـــــــــبوب
بشير التوم إبراهيم غير متواجد حالياً   رد مع اقتباس
قديم 10-08-2014, 01:13 PM   #3
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي رد: حكاية ريد لي فاطنة السمحة

يقطع الغُربة
تعالي ياسَمْرَتنا نحكِي ليك عن يباب الغُربة وسِنينها
ونحنا يامـا تهنا في دِرُوبها الصَعِيبة وأنينها
قُلنا يمكِنْ نلاقي المخَبُوزة مِن رِقة بلدنا وحَنِينها
إلا ما إتحَقَق مُرادنا وصَدينا لي مَرافِينا الحَزِينة
****
الُسهاد ومُر سِقاما حَصَادنا ويا ما فِيها بالهَم إبتلينا
وإنتي من زلال النيل شرابك
ونحنا ياما طفحنا مرارات الدِمِوُع
الفَصَدت مواجِعنا الدَفِينها
يِقَطعَ الغُربة وسِنينها ويقَطَع لحَظَاتا المُهينة
السَمَاح يا سَمرة هَجَرناكي إلا ريدِك ما نِسينا
***
ونِحنَا ياما طَرّزنَا فيكي سَمِح غُنانا وقُلنا سَمحة ورزِينة
ولِسه عِشَقِك يا بلد جَوه مَحَفُور باقي فينا
لا ظَهَر بَرك رِسِينَا ولا إنِدَمل جَرحِك شِفينا
ويقَّطَّع الغُرِبة وسِنينها ويمَحَق الغُربة ومُترَفِينا
****
آه منك آه منك يا سراب آمالنا الحزينة
بَره بَره كَتيِرحُنُونها وجُوه جُوه كَم ضَنِينها
وفيكي ياما شَيدنَا آمالانا وبنينا
لأنِك قَدر مَكتُوب علينا ومِن نار هَواكِ ياما إبتلينا
لانِسِينَاكي وإسِتَرِحْنَا ولاغِيرِك إخِتِرنا وهَوِينا
*****
كَم في الخَيَال خَاصَرنا رسَمِك ياسَمرتنا ونُورعِينينا
وكَم نَهلنا نَعيم خَمرة بهاكي وإنتشينا
كُنا نَحلم بيك قَمَرنا البِريدَنا ومُشتهِينا
ونِحْنَا عَارفِنك حِنينها وما بتَشيلي التُهمة فِينا

الحـــــــــبوب
بشير التوم إبراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:07 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .