مركز تحميل الملفات



العودة   المنتديات > منتدى الاغاني والفيديو

منتدى الاغاني والفيديو ساحة خاصة بمقاطع الاغاني والفيديو

« آخـــر الــمــواضــيــع »
         :: تخفيضات على جميع باقات المفوتر من stc (آخر رد :بنت الخرطوم)       :: قرارين اتنين ب يطلعوا سرا قبل كل انقلاب (آخر رد :الثلج الساخن)       :: فتح النطاق العريض الثابت بين جميع شركات الاتصالات (آخر رد :بنت الخرطوم)       :: عرض مميز وبسعر مناسب من STC (آخر رد :بنت الخرطوم)       :: حسنات محمود (آخر رد :محسن الفكي)       :: ثورة العشرين العراقية هزمت المحتل البريطاني (آخر رد :أقبـــــال)       :: 🕸 *الزغاوة* 🖊سليمان ديار/جدة (آخر رد :الثلج الساخن)       :: إنترنت لامحدود وبدون استخدام عادل مع مفوتر 4 و 5 (آخر رد :بنت الخرطوم)       :: اليوم العالمي للمؤسسات التجارية المتناهية الصغر والصغيرة : سبعة وعشرين يونيو (آخر رد :الثلج الساخن)       :: اسعار الاشتراكات لجميع شركات انترنت الفايبر الموجودة في السعودية (آخر رد :بنت الخرطوم)      

إضافة رد
 
أدوات الموضوع انواع عرض الموضوع
قديم 09-07-2013, 07:55 PM   #1
عزام حسن فرح
 
الصورة الرمزية عزام حسن فرح
 
تاريخ التسجيل: Jul 2013
الدولة: دَولة قطر
المشاركات: 61
افتراضي نَـضَـمـي ومَـغْـنـى

جزيرة عِبْدِلا

د. محمد بادي


انا أخو البت اللكعت قرن الخمره النازه على وردان الصبوه الراكزه
الجنْيات الهازا صدورن لازا و رَق النص زي خيت الشلا
بالحيل آ جني.. إي والله
**********
الجنيات الحزمو الجبه وعرق الشتوي عليهم نايا وصبا
قول ما دِله رجالا حصدوا الحبه
عيشمْ هادو الكان مُتْعبا
ومِنو كتير في الواطا إنكبا
والباقي مصوبر واقف قبا
الحمُد آلاف
الشّكَر آلاف
العيش الرقد أصناف أصناف
الولد الكان عزَّام.. ضياف.. حلاف
الرزق الجانا مَدلا
الحلق الجاف إتْبلا
بالحيل آ جني ... إيي والله
**********
الوادي الجانا متقَن
مد جناحو الطايل شرقًا وغربًا
القبلي بروقو على القلعات إضربن
الدُكن البِعدن قربن
فوق صنقور المحله الطالت كبن
قول للمحله بيوتك خربن
قول ما دِله.. الحلق الجاف إتبلا
بالحيل آ جني إيي والله
**********
مرحاتنا شرابهن يوت ما غبن
شبعانات في الشِقل أب شوك ما شبن
الحُمْل ولدن وربن
حلماتن تقلن.. جرن.. فوق سيقانن كبن
اللبن العاتم في ضرعاتن جَبْن
المغصه إن كان ضرعاتن خربن
القرعة آ وليد.. السعن آ بنيه
القربة كمان.. كبوها المَيه
المغصه إن كان ضرعاتن خربن
شوفو النعمة السالت فوق قيزان الرمله
ناس البندر لبن الشاي بالعمله
سمح الخمج الفوق أسيادو
سمح العز المن أجدادو
الجنيات المشو ما عادو
كان بالرِد أكان إتنادو
غرب حامد وشرق بله
كانوا بحلبو الضرع الدلا
كانوا بحضرو الخير القدحو مَعلا
الجنيات ما كفرت بنعمة الله
بالحيل آ جني إي والله
**********
ذات في يوم والغيمة تهتف مطرًا نقع فوق نوار الطلح الفقع
ريحة البَرم إن جاتك عطرًا فايت خُمَر الفوق أردافا مجدع
شفنا الوادي يقشقش في دمعات الليل
والتِعِل الشايل بدا يتفقع
تلب حامد فوق مخلوفة أب زور وإتربع
طلق الرسن أب زمه وسوا خبيبا بدع
هَود في رقاب الصي
لاقوهو تلاتة زبيدية
خالفين سيقانن فوق السنكيت
ورقاب ألبل بيناتن مرخيه
محجوبات بالخرز الفصلو السوميت
كل واحد درقة وسيف وطبنجية وباقي جرابن مليان دلميت
الجنيات إتقبلو وضاقو الحاره وضاقو المره وكان حجازن صقر الجو
حامد كان عارفين ضاقوهو رجال قَبالكن شوفو أرزاقكم أخير من ضو
حامد عوج الطندب.. آ وليدات
عوج الطندب نار القصب الهبلت ما بتعدلو
شوفو شلوخو مطارق رقدن وكل تلاتة يمين سياف إتقبلو
حامد راضع مخ التُرك البقْبق مِن ضرب أهلو نهار ركزو تمام وإتْعدلو
حبوب القارح ما دِله.. ولدًا ما ختالن زَله
شن قولك فيهو عليك الله
بالحيل آ جني إي والله
**********
وين مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يِهَود ونحن نهَود.. عاد أماتن ينادن ليهن
نمشي على القيزان نتقادم.. أقيس الخطوه مع التاتاي ومشيهن
والله البعد الحاصل ما نساني.. وحاتكم في قمراتنا بشوفو وشيهن
إلا النضم أب غنه اللهج السكر وين بلقاهو؟
بنات الريل الدوب ليهن
الخوف يا ناس كان يبقى الشوق الحاصل بينا معشعش فيهن
مُقَنع سابل وين بلقاهو؟
طرفًا زابل وين بلقاهو؟
وعينا بتدنقر من واليهن
الوجنات الشَعن بقن
ود العين النايم زَرقَن
مو زايغ.. رسيان وميقن
زولن كان خدران ومحقن
منّ الشوفه عروقو يطقن
كان الدنيا بِصح تتخلا
كُنا بركنا معاهن في رملات الحله
إلا كمان بنشوفا مذلا
الجنيات الغابت جابت
إنت الجيب بس قايلو قميص أفرنجي وكرتونات كرملا ؟
لا لا وحاتك حاشا وكلا
ديل يوم عادوا إتلافو الجاهل بحقوق الله
ديل كم لحقو البشهق ضايق.. وداوو العِلا
الولد الجاي حقايب سفرو تقال.. تقال مِن جنس كتاب ومجلا
الحكمة النضم إياهو الكان.. الحكمة الولد إتوضا وصلا
عادة البلد الدخلت فيهم سكنت.. سكنت ماب تتخلا
نحن كمان طارين الحِله ودرنا الطلا
نشيلا معاهم فرحا وميتا
حلات الموت كان في عِبْدِلا
حلات الموت كان في عِبْدِلا



التعديل الأخير تم بواسطة عزام حسن فرح ; 09-07-2013 الساعة 07:58 PM

عزام حسن فرح غير متواجد حالياً   رد مع اقتباس
قديم 09-07-2013, 08:13 PM   #2
بت امدرمان
 
الصورة الرمزية بت امدرمان
 
تاريخ التسجيل: Oct 2011
المشاركات: 1,119
إرسال رسالة عبر Yahoo إلى بت امدرمان
افتراضي رد: نَـضَـمـي ومَـغْـنـى

حبابك الف اخ عزام




ود فرح جبتها لي ود فرح في التاااااااايم
__________________


كل الناس لهم وطن يعيشون فيه ... إلا انا لي وطن يعيش في داخلي
امدرمان

‏بت امدرمان*
بت امدرمان غير متواجد حالياً   رد مع اقتباس
قديم 09-07-2013, 08:28 PM   #3
عزام حسن فرح
 
الصورة الرمزية عزام حسن فرح
 
تاريخ التسجيل: Jul 2013
الدولة: دَولة قطر
المشاركات: 61
افتراضي رد: نَـضَـمـي ومَـغْـنـى

بت امدرمان

حبابِك والله.. كتر خيرك على المُرور.. مبروك عليكِ الشهر.. تصومي وتفْطُري على خير
عزام حسن فرح غير متواجد حالياً   رد مع اقتباس
قديم 09-07-2013, 09:58 PM   #4
بت امدرمان
 
الصورة الرمزية بت امدرمان
 
تاريخ التسجيل: Oct 2011
المشاركات: 1,119
إرسال رسالة عبر Yahoo إلى بت امدرمان
افتراضي رد: نَـضَـمـي ومَـغْـنـى

الله يبارك فيك
وابقي داخل حبابك الف
__________________


كل الناس لهم وطن يعيشون فيه ... إلا انا لي وطن يعيش في داخلي
امدرمان

‏بت امدرمان*
بت امدرمان غير متواجد حالياً   رد مع اقتباس
قديم 09-07-2013, 10:15 PM   #5
ايمن
Distinguished Member
 
الصورة الرمزية ايمن
 
تاريخ التسجيل: May 2005
الدولة: وطنى حقيبتى (امدرمان)
المشاركات: 17,992
إرسال رسالة عبر Yahoo إلى ايمن
افتراضي رد: نَـضَـمـي ومَـغْـنـى

اقتباس:
ﺍﻟﻮﻟﺪ ﺍﻟﺠﺎﻱ ﺣﻘﺎﻳﺐ ﺳﻔﺮﻭ ﺗﻘﺎﻝ .. ﺗﻘﺎﻝ ﻣِﻦ ﺟﻨﺲ ﻛﺘﺎﺏ ﻭﻣﺠﻼ
مرحب بيك اخونا عزام
دلى حقايبك وابقى داخل
__________________
واجعنى فى البحر... السكات
وسكتنى فى الوجع....البحر
ايمن غير متواجد حالياً   رد مع اقتباس
قديم 09-07-2013, 10:55 PM   #6
عزام حسن فرح
 
الصورة الرمزية عزام حسن فرح
 
تاريخ التسجيل: Jul 2013
الدولة: دَولة قطر
المشاركات: 61
افتراضي رد: نَـضَـمـي ومَـغْـنـى

ايمن
كيف حالك؟ علك طَيِب

كتر خيرك.. شُكْرًا على المُرور والإسْتقبال الباش الهاش.. إن شاءالله تزور النبي
عزام حسن فرح غير متواجد حالياً   رد مع اقتباس
قديم 09-07-2013, 11:04 PM   #7
الفاضل سليمان
 
الصورة الرمزية الفاضل سليمان
 
تاريخ التسجيل: Feb 2010
المشاركات: 2,085
افتراضي رد: نَـضَـمـي ومَـغْـنـى

عزام حسن فرح

مرحب حبابك الف ورمضان مبروك عليك وربنا يتقبل الصيام والقيام




مهدي فرح تعرف؟
الفاضل سليمان غير متواجد حالياً   رد مع اقتباس
قديم 09-07-2013, 11:07 PM   #8
عزام حسن فرح
 
الصورة الرمزية عزام حسن فرح
 
تاريخ التسجيل: Jul 2013
الدولة: دَولة قطر
المشاركات: 61
افتراضي رد: نَـضَـمـي ومَـغْـنـى

الفاضل سليمان
كيف حالك؟ علك طَيِب

كتر خيرك.. مبروك عليك الشهر.. تصوم وتفْطُر على خير إن شاءالله

ـــــــــــــــــــــــــــــ
اقتباس:
مهدي فرح تعرف؟
أبدًا والله
عزام حسن فرح غير متواجد حالياً   رد مع اقتباس
قديم 09-07-2013, 11:17 PM   #9
الفاضل سليمان
 
الصورة الرمزية الفاضل سليمان
 
تاريخ التسجيل: Feb 2010
المشاركات: 2,085
افتراضي رد: نَـضَـمـي ومَـغْـنـى

اقتباس:
المشاركة الأصلية كتبت بواسطة عزام حسن فرح مشاهدة المشاركة
الفاضل سليمان


كيف حالك؟ علك طَيِب

كتر خيرك.. مبروك عليك الشهر.. تصوم وتفْطُر على خير إن شاءالله
ـــــــــــــــــــــــــــــ

أبدًا والله
اصبر ساكت إكان رطن برااك بتعرفو علا رطانتو براها ده, ميه ذي رطانتكم
الفاضل سليمان غير متواجد حالياً   رد مع اقتباس
قديم 11-07-2013, 10:53 AM   #10
عزام حسن فرح
 
الصورة الرمزية عزام حسن فرح
 
تاريخ التسجيل: Jul 2013
الدولة: دَولة قطر
المشاركات: 61
افتراضي رد: نَـضَـمـي ومَـغْـنـى

فارس الحديد

للشاعرة / زينب بت عبدالرحمن
قيلت في / البخيت بابكر ضحوي


ما حرسو الجري صدرك موشح بالدمي
ما بخاف فارس الحديد إن حِمي
***********************
يا فارس الإلوف الإنت كَـفـيــتِـن
وكبست الدروع وشلعت خوداتن
ما بخاف فارس الحديد إن حِمي
***********************
فارسنا البخيت التم شكراتن
صديت الخيول و قمحت ركباتن
ما بخاف فارس الحديد إن حِمي
***********************
من قومت الجهل ليهو الخوف ولا قسمو
متبون في المحاصه الدود كتر عشمو
ما بخاف فارس الحديد إن حِمي
***********************
تدخُل فوق بكانن النحاس خلف شتمو
وركز البخيت الفال والنصر ختمو
هو ما بيخاف فارس الحديد إن حِمي
***********************
من قومت الجهل الخوف وُلوو كارو
والهوي والشرق إتْـصَـنَـطـو أفعالو
هو ما بيخاف فارس الحديد إن حِمي
***********************
العوق أب صفوف فالو البخيت شالو
ومضروب في الوِجَنْ ولا جاني بشمالو
ما بيخاف فارس الحديد إن حِمي
***********************
ما حضروا معاك أخوانك السلاط
قمزوا الخت علي خيلاً بجن غايرات
ما بيخاف فارس الحديد إن حِمي
***********************
تدخل فوق بكانن حرابو مُنْشَبِكات
جاء مرهون علي جفونو الدمي سايلات
ما بيخاف فارس الحديد إن حِمي
***********************
ما حضرو معاك أخوانك الديدان
قمزو الخت على خيلن بِجَنْ ريقان
ما بيخاف فارس الحديد إن حِمي
***********************
وكت الشوف يشوف سدرك يزن دلهان
سوالن جهاد حمزة وعلي وعثمان
ما بيخاف فارس الحديد إن حِمي


خلف الله حمد
http://youtu.be/jlPdUyj09eg

فرقة السحر
http://www.youtube.com/watch?feature...&v=2aVMgrcYoVs

التعديل الأخير تم بواسطة عزام حسن فرح ; 11-07-2013 الساعة 10:57 AM
عزام حسن فرح غير متواجد حالياً   رد مع اقتباس
قديم 11-07-2013, 02:25 PM   #11
معتز عبدالله
 
الصورة الرمزية معتز عبدالله
 
تاريخ التسجيل: Aug 2011
الدولة: KHARTOUM
المشاركات: 332
إرسال رسالة عبر Yahoo إلى معتز عبدالله
افتراضي رد: نَـضَـمـي ومَـغْـنـى

اقتباس:
المشاركة الأصلية كتبت بواسطة عزام حسن فرح مشاهدة المشاركة
فارس الحديد

للشاعرة / زينب بت عبدالرحمن
قيلت في / البخيت بابكر ضحوي


ما حرسو الجري صدرك موشح بالدمي
ما بخاف فارس الحديد إن حِمي
***********************
يا فارس الإلوف الإنت كَـفـيــتِـن
وكبست الدروع وشلعت خوداتن
ما بخاف فارس الحديد إن حِمي
***********************
فارسنا البخيت التم شكراتن
صديت الخيول و قمحت ركباتن
ما بخاف فارس الحديد إن حِمي
***********************
من قومت الجهل ليهو الخوف ولا قسمو
متبون في المحاصه الدود كتر عشمو
ما بخاف فارس الحديد إن حِمي
***********************
تدخُل فوق بكانن النحاس خلف شتمو
وركز البخيت الفال والنصر ختمو
هو ما بيخاف فارس الحديد إن حِمي
***********************
من قومت الجهل الخوف وُلوو كارو
والهوي والشرق إتْـصَـنَـطـو أفعالو
هو ما بيخاف فارس الحديد إن حِمي
***********************
العوق أب صفوف فالو البخيت شالو
ومضروب في الوِجَنْ ولا جاني بشمالو
ما بيخاف فارس الحديد إن حِمي
***********************
ما حضروا معاك أخوانك السلاط
قمزوا الخت علي خيلاً بجن غايرات
ما بيخاف فارس الحديد إن حِمي
***********************
تدخل فوق بكانن حرابو مُنْشَبِكات
جاء مرهون علي جفونو الدمي سايلات
ما بيخاف فارس الحديد إن حِمي
***********************
ما حضرو معاك أخوانك الديدان
قمزو الخت على خيلن بِجَنْ ريقان
ما بيخاف فارس الحديد إن حِمي
***********************
وكت الشوف يشوف سدرك يزن دلهان
سوالن جهاد حمزة وعلي وعثمان
ما بيخاف فارس الحديد إن حِمي


خلف الله حمد
http://youtu.be/jlPdUyj09eg



فرقة السحر
http://www.youtube.com/watch?feature...&v=2aVMgrcYoVs
عزام شكرا ياخ على هذه الطلة الحلوة والغنية دى حاارة تب لكن نوع الغنا دا ياهو الكمل السودانيين ذاتو ههههههه
__________________
واختزلنا صوتك الممدود فينا إعتزالا للردود
قلها ..؟

التعديل الأخير تم بواسطة ود الشيخ ; 13-07-2013 الساعة 02:54 PM
معتز عبدالله غير متواجد حالياً   رد مع اقتباس
قديم 13-07-2013, 02:42 PM   #12
عزام حسن فرح
 
الصورة الرمزية عزام حسن فرح
 
تاريخ التسجيل: Jul 2013
الدولة: دَولة قطر
المشاركات: 61
افتراضي نَـضَـمـي ومَـغْـنـى

غِناء/ ميرغني المأمون وأحمد حسن جمعة
كلِمات/ أبو صلاح

الليل الليل.. يا جمال الليل
طيبك عبق..
وهوي يا سمحة وطيبك عبق
سنك براقا يسوي بق
وترنعي تشبهي مهر السبق
فوق اردافها صديرها انطبق
الليل الليل.. يا جمال الليل

فوقك عهود..
وهوي يا جاهلة وفوقك عهود
براءة وطه وياسين وهود
لي شلاخك وقفن شهود
ازهر فرعك جوز النهود
الليل الليل ..يا جمال الليل

تتفدعي..
وهوي يا حبيبة وتتفدعي
فوق لدروعك تتجدعي
بجيوش شامك لي تفجعي
في يوم توب صدري تمزعي
الليل الليل.. يا جمال الليل

ما مشية المهر الوحيل
ما السحاب ما الظل في الرحيل
اصلو غير يتنى النحيل
يمشي خطوة اتنين مستحيل
الليل الليل.. يا جمال الليل

طرفك كحيل..
وهوي يا حبيبي وطرفك كحيل
صدرك عالي وخصرك نحيل
من اردافك دائما محيل
تحكي سحيب الضحى في الرحيل
الليل الليل.. يا جمال الليل

محياك قمر..
وهوي يا حبيبي ومحياك قمر
ميل فرعك شال الثمر
طايل ديسك يندح خمر
من العلقم هجرك امر
الليل الليل.. يا جمال الليل

يا نسيم الروض قابلا
بالتحية ان كان تقبلا
قال لي حاسب لا تقبلا
تبقى عاشق والغيبة لا
الليل الليل.. يا جمال الليل

جدية الخدور..
وهوي يا حبيبة جدية الخدور
بخلاف شوفتك انا شن بدور
وصفك رق وقلع الصدر
شعرك ظلمة ومحياك بدر
الليل الليل.. يا جمال الليل

تتجلى نار..
هوي يا حبيبي و تتجلى نار
قنديل وجهك يطفى الفنار
ساكنة قليبي وما ليكي جار
سكني روحي معاك بالايجار
الليل الليل.. يا جمال الليل

يا خفيف الروح يا الرزان
فرعك المصقول خيرزان
انت كالميزان كاللبان
الليل الليل.. يا جمال الليل


http://www.youtube.com/watch?feature...&v=JGfEfHgZKi0

التعديل الأخير تم بواسطة عزام حسن فرح ; 13-07-2013 الساعة 02:47 PM
عزام حسن فرح غير متواجد حالياً   رد مع اقتباس
قديم 13-07-2013, 02:47 PM   #13
عزام حسن فرح
 
الصورة الرمزية عزام حسن فرح
 
تاريخ التسجيل: Jul 2013
الدولة: دَولة قطر
المشاركات: 61
افتراضي رد: نَـضَـمـي ومَـغْـنـى

إحْتِراماتي لإدارة المُنْتدى التي إسْتجابت بِنقل عمودي هذا مِن [منتدى الأدب والشعر والنثر] إلى هُنا [منتدى الاغاني والفيديو] للإخْتِصاص والأرشفة

التعديل الأخير تم بواسطة عزام حسن فرح ; 13-07-2013 الساعة 02:52 PM
عزام حسن فرح غير متواجد حالياً   رد مع اقتباس
قديم 13-07-2013, 02:49 PM   #14
ود الشيخ
عودوا طيفا أو خيالاً وكلموني
 
الصورة الرمزية ود الشيخ
 
تاريخ التسجيل: Apr 2005
المشاركات: 31,894
افتراضي رد: نَـضَـمـي ومَـغْـنـى

__________________
ربما تجمعنا اقدارنا ذات يوم بعدما عز اللقاء
ود الشيخ غير متواجد حالياً   رد مع اقتباس
قديم 05-07-2014, 11:02 PM   #15
عزام حسن فرح
 
الصورة الرمزية عزام حسن فرح
 
تاريخ التسجيل: Jul 2013
الدولة: دَولة قطر
المشاركات: 61
افتراضي رد: نَـضَـمـي ومَـغْـنـى

Oh and just like the river I've been running ever since
It's been a long, a long time coming
But I know a change gonna come, oh yes it will

It's been too hard living but I'm afraid to die
'Cause I don't know what's up there beyond the sky
It's been a long, a long time coming
But I know a change gonna come, oh yes it will

I go to the movie and I go downtown
Somebody keep telling me, "Don't hang around"
It's been a long, a long time coming
But I know a change gonna come, oh yes it will

Then I go to my brother
And I say, "Brother, help me please"
But he winds up knocking' me
Back down on my knees

Oh there been times that I thought I couldn't last for long
But now I think I'm able to carry on
It's been a long, a long time coming
But I know a change gonna come, oh yes it will

عزام حسن فرح غير متواجد حالياً   رد مع اقتباس
قديم 06-07-2014, 02:52 AM   #16
زهرة الروض الظليل
Incomparable Member
 
الصورة الرمزية زهرة الروض الظليل
 
تاريخ التسجيل: Apr 2010
الدولة: السودان
المشاركات: 3,277
افتراضي رد: نَـضَـمـي ومَـغْـنـى

بوست جميل يا عزام
__________________
ر
زهرة الروض الظليل غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:24 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .