مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: فتح النطاق العريض الثابت بين جميع شركات الاتصالات (آخر رد :بنت الخرطوم)       :: عرض مميز وبسعر مناسب من STC (آخر رد :بنت الخرطوم)       :: حسنات محمود (آخر رد :محسن الفكي)       :: ثورة العشرين العراقية هزمت المحتل البريطاني (آخر رد :أقبـــــال)       :: 🕸 *الزغاوة* 🖊سليمان ديار/جدة (آخر رد :زهرة الروض الظليل)       :: إنترنت لامحدود وبدون استخدام عادل مع مفوتر 4 و 5 (آخر رد :بنت الخرطوم)       :: اليوم العالمي للمؤسسات التجارية المتناهية الصغر والصغيرة : سبعة وعشرين يونيو (آخر رد :الثلج الساخن)       :: اسعار الاشتراكات لجميع شركات انترنت الفايبر الموجودة في السعودية (آخر رد :بنت الخرطوم)       :: شكرا حمدوك (آخر رد :نادر ليمونه)       :: كسر المراحيض والبلاط في ليلة الزفاف (آخر رد :نادر ليمونه)      

إضافة رد
 
أدوات الموضوع انواع عرض الموضوع
قديم 23-07-2014, 01:10 PM   #1
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي بســأل عليك مشــتاق وأنا ببكي بي دمعـة حــراقة أهاتي بيك

بســأل عليك مشــتاق وأنا ببكي بي دمعـة حــراقة أهاتي بيك
وإنتـــــــــي ولا رســـــــــــــالة .. ولا حـــــــتي حــرف يطمـــني إنــك معاي
أخــــت الســــــــــــــــــماح البتســــــــــــــــــــــند ققــــــــــــاي

آه منك .. آه ... يا مســتورة وواقفه قصاد الريح ... وتلف الراي
وتلف الراي

شفتي كيف مضمون وصفك ..
ونبضات حرفك رفات قلبك ..
صادقة حنــونة ..
أنتي الفيض الباركو ربنا
وأنتي الزرع الفرهـد وخــدر ..
وإنتي الشــــــــــونة ..
وأنتي الزول القلبو دليلو ..
فاطــــــــنة الســــــــمحة ..
يا صفوت أهلي الباكية عيونها ..
وإنتي مهيرة وأنا خــوك يا أمونة
وإنتي الســقم البشــــفي عليلو
وإنتي آه .. آه
إنتــي الحِــن والنخل الـشــــــــامح
كافي بهيلو ..
تتجرعي مُـرِك .. ولايكة لجمرك
مهرة أصيلة وعالي صهيلك
احلامك وأملك لمة شملك
لا بتترددي لا بتخافي ..
كل العالم إحتار في أمرك
وقوة عزمك .. وتفرد صبرك
مستنيك يا حلوة ف قلب الشارع
وبهتف عايد .. عايد
مشرق شمسك وربان فجرك
ومشتاق ليك ولصلابة فكرك
وشــدة عــزمك
*****


شفتي كيف
رفة صُوتك أرْهَفَت صُم الحجارة
وبيارق بسمتك نجمة هَلَّت عليَّ بالبشارة
يا ترف حنان الدنيا يا سمرة زانت الكون نضارة
هي كلمة منك عشت بيها وألهمتني أصوم وأفطرعليها
ما أحيلاهو إشتياقك في همة وجسارة
علمتيني أشوف الكون بعينيكي غيمة مدِرارها
جميلة وأسـمر لونها غِـريدها
أحِـبٍك ويحلى معاكي ترديدها
وننسجم والدنيا تحتفي بينا لما تسوق الآهة تنهيدا
ويحاكي القمري في أغصانو تغريدا
وكل العشاق تبدى تفهم إنو المحبة أجمل حديقة
تسلمي علمتيني أعيش الحب حقيقة
وأعشق جمال روحك وأهيم وأهاتي بيك
إنتي الحنية البينة وظاهر طريقها
يا أروع وأحلى من أصدق حقيقة
الريد جنون وهوى وإفتتنان
وثغر ضحوك وجفين وسنان
فطرة سليمة وتواقيع إنسان رحيم فهمان
فرت ثقرها الحالم النعسان
آه منك بحِبَك يا مجـنون كفاكا جِـنان
وين ما كنته بحبك وفارده جناحي ليكا أعز مكان
أهي دي الحقيقة إنو الريدها حق وحلم لكل إنسان
وكرمة مودة للحبان
ثمارها الوصال بين خفقة ودمع سيال
جَمَّعت صفوت الناس الحُنان
كل أتنين للمعزة هامة وللحُنان أعفَّ مثال
عاطفة وفكر قبول وسترة الحال
وإحتراف المحبة الخالصة صهوات للوصال


الحــــــــبوب / اســــــمر نســـــــــــل النــــــــــــيل والغــــــــــاب

بشير التوم إبراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:20 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .