مركز تحميل الملفات



العودة   المنتديات > منتدى الأدب والشعر والنثر

« آخـــر الــمــواضــيــع »
         :: انترنت لامحدود لمدة يوم أو يومين من stc (آخر رد :بنت الخرطوم)       :: سرعات عالية مع باقات بيتي فايبر + جوّي تي ڤي (آخر رد :بنت الخرطوم)       :: شاهد: فجر مرعب في قضاء بلد.. عجلة ترمي عينات دم ومسحات لمصابي كورونا في الشوارع (آخر رد :أقبـــــال)       :: تخفيضات على جميع باقات المفوتر من stc (آخر رد :بنت الخرطوم)       :: قرارين اتنين ب يطلعوا سرا قبل كل انقلاب (آخر رد :الثلج الساخن)       :: فتح النطاق العريض الثابت بين جميع شركات الاتصالات (آخر رد :بنت الخرطوم)       :: عرض مميز وبسعر مناسب من STC (آخر رد :بنت الخرطوم)       :: حسنات محمود (آخر رد :محسن الفكي)       :: ثورة العشرين العراقية هزمت المحتل البريطاني (آخر رد :أقبـــــال)       :: 🕸 *الزغاوة* 🖊سليمان ديار/جدة (آخر رد :الثلج الساخن)      

إضافة رد
 
أدوات الموضوع انواع عرض الموضوع
قديم 06-08-2014, 04:48 PM   #1
بشير التوم إبراهيم
 
الصورة الرمزية بشير التوم إبراهيم
 
تاريخ التسجيل: Feb 2011
المشاركات: 322
افتراضي يوميات مجنونة جـدا آه منك يا مجنونة هِمته بيكي والحنان الجابني ليكي

يوميات مجنونة جـدا
آه منك يا مجنونة
هِمته بيكي والحنان الجابني ليكي
لو عارفه يا زينة حياتي
حرقة الدمعة الفصادة
وقلب مسلوب الإرادة
السماح الفطري
وصدق المشاعر الكامنه فيك
يا البتسبي الفي الخيال راح يحتريك
يا الحياك خطـوِك ومشيك
وما أظنك لوعارفه يازينة حياتي
مبتداهو جاني منك وإنتي سارحة وما عليك
يا أحـلى ريـد خـرافي وكلـمة مـنك هي ليك
لإنسان بيحلم بيك من كل قليبو ومشتيهك
لو بي أيدو يناغم كل حته فيك
تعالي أغني ليك
يا معنى التناغم واللطافة
ياريتو لو كان الفيني فيك
وإنتي ما فاض بيكي حنك
ولا كنتي راضيه بيهو أظنك
ولا ألقيتي نظرة على البجلك
وبي الدراهم ما بشتريك
بخاويك وبالروح يفتديك ويبقى ليك
أصدق حبيب ولي روحك شريك
الله يخيب ظنك في زول بريدك ومشتهيك
كان بزاورك طيفو ف كل لحـظة ويحتريك
زول بحبك ويـوت بجلك
وما حصل جـار عليك
لاقي ذاتو بين نونات عنيك
وروحو هيمانة ومجنون بيكي
منتظر منك إشارة .. منتظر منك بشارة
تنقذ الروح من مواتها وإحتضارها
أوعا يضيع هواهو من بينات إيديك
يا الشهيتيهو الشايلو في روحو وداخرُ ليك
ما قلت ليك أنا شايف رُوحـي
بتـناغـم فــي حــدقات عينـيك
الله يجازيني وبرضي غافر ليك
الحنان آه يا حنان لو عارفها يا هام الحُنان
شوفي شَبَّ من بينات ضلوعي شال
قبال أناغمك همته بيك
شايل الريد خطاوي يرنو ليكي
أنا ماثل بين أيديدك هيا أثقبيه وما عليك
هيا أرشفيني خبئيني
وأنصفي اللهِف الصريع وأعشقيه ذاتا ومعني
ودعيه يهمي طربا يتغنى وأوهبيه ما تمنى
وَدِعي كل المرافي وَدِعي غَفْرَ المنافي
كُرمة العشق المتيم هي فيك ..
طازجا حلو المذاق يرنو من يديكي لخفافيكي
أحضنينه بكلتا يديك إنه مِـنك إليك
إنتي مرسى وللحزانة يا عسولة وأحلى مرفي
كل همسة بتعانق همسة تحتسي العِشق رعشة رعشة
وكل خطوة أمان وروعة وقشة قشة نبي عشة
وإي همسة معاها لمسة يا قبول يا أحلى إلفة
إنتي حقا أجلَّ ريدها وأسمى عِرفة
كل الناس بتعجب كيف بنصونها وبيها نَحفى
ودعنا أيامنا الخوالي ونسينا كل أحزان الليالي
وأي قاسي قلبو خالي
بقينا إثرة وسماح وإلفة بتدواي الجراح
هيا أفردي البسمة الوشاح
ودعينا ننعم في مراح
وأوسديني الريد سماح
وأرشفيني كأس راح
وأنشدي للدنا لحن إشراقات الصباح
عقلي منك كم تعلم وأنا بيك يوماتي
بحلم ولسه بحلم وقلبي مغرم
خلاص سلمته القيادة للحفي وخِديدُ سادة
حبيب وبلسم وعلى الحُنان شايل الريادة
همساتِك شُهدِ ماتع وكلك حلا وسكر زيادة

الحــــــــــبوب

بشير التوم إبراهيم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:16 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .