مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: منتديات .. sudaneseoffline.net.. تطلق حملة اقعدو في البيت (آخر رد :نادر ليمونه)       :: التحالف الدولي ينسحب من سادس قاعدة عسكرية في العراق (آخر رد :أقبـــــال)       :: كيزان الإنقاذ والكيزان عموما خطر على السودان والعالم من الكرونا (آخر رد :ود الشيخ)       :: 6 ابريل ....الناس مدورة هتافات من البيوت قمة الوعي (آخر رد :نادر ليمونه)       :: الكتاب الذي تنبأ قبل الكورونا بموت الغرب المفكر الأمريكي باتريك جيه (آخر رد :نادر ليمونه)       :: فوائد البصـــــــــــــــــــــــل للرجال (آخر رد :نادر ليمونه)       :: بمناسبة اليوم العالمي للرياضة من أجل التنمية والسلام : ستة أبريل (آخر رد :ود الشيخ)       :: دورة التخطيط الاستراتيجي المتقدم وتطبيق الخطط الإستراتيجية للتميز المؤسسى EFQM . (آخر رد :سمر السعيد)       :: في لحظة تجلي وصفاء جو ... ليمونه يتأمل مستقبله (آخر رد :نادر ليمونه)       :: عجائبنا ومصائبنا بني السودان من دقنو وافتل ليه (آخر رد :نادر ليمونه)      

إضافة رد
 
أدوات الموضوع انواع عرض الموضوع
قديم 19-03-2020, 09:24 AM   #26
الثلج الساخن
 
تاريخ التسجيل: May 2019
المشاركات: 71
افتراضي رد: ههههه

التلج بيحرقك وصعب على الزول الدافي إنو يميز بين النار والتلج . دي حقيقة عملية .

كسرة :

حمى الملاريا بتخلي السودانيين يرجفو ويتغطو من البرد.

كسرة :

انت مركز معاي شديد كده ليه ؟؟؟؟. عشان بتحاوم يعني ؟
ها.. ما اتحاوم . كنت ب تحاوم بكرعينك ؟؟؟

التعديل الأخير تم بواسطة الثلج الساخن ; 19-03-2020 الساعة 09:35 AM
الثلج الساخن غير متواجد حالياً   رد مع اقتباس
قديم 20-03-2020, 11:55 AM   #27
الثلج الساخن
 
تاريخ التسجيل: May 2019
المشاركات: 71
افتراضي رد: وصلة

اقتباس:
المشاركة الأصلية كتبت بواسطة الثلج الساخن مشاهدة المشاركة
التلج بيحرقك وصعب على الزول الدافي إنو يميز بين النار والتلج . دي حقيقة عملية .

كسرة :

حمى الملاريا بتخلي السودانيين يرجفو ويتغطو من البرد.

كسرة :

انت مركز معاي شديد كده ليه ؟؟؟؟. عشان بتحاوم يعني ؟
ها.. ما اتحاوم . كنت ب تحاوم بكرعينك ؟؟؟
بمناسبة الملاريا يا أوسطة

الصحافة السودانية ب تقول إنو الكلوركويين بقى علاج للكورونا.
البوست ده احسن تسميهو سفه السفه.

وزي ما قالوا العقلاء الزول الما بقدر يخت افكارو في " التلج" احسن ما يخش "سخانة" النقاش .

التلج الساخن

التعديل الأخير تم بواسطة الثلج الساخن ; 20-03-2020 الساعة 11:58 AM
الثلج الساخن غير متواجد حالياً   رد مع اقتباس
قديم 22-03-2020, 04:29 PM   #28
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي

اقتباس:
المشاركة الأصلية كتبت بواسطة ود الشيخ مشاهدة المشاركة
هذا البوست فيه تجني على السفة
أنا مركب مكنة أيطالية
محسن الفكي غير متواجد حالياً   رد مع اقتباس
قديم 22-03-2020, 04:33 PM   #29
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي المشكلة ما بعد الكوفيد تسعطاشر

محسن الفكي غير متواجد حالياً   رد مع اقتباس
قديم 23-03-2020, 03:56 AM   #30
الثلج الساخن
 
تاريخ التسجيل: May 2019
المشاركات: 71
افتراضي رد: سفــــه الكورونــــــــــا

اقتباس:
المشاركة الأصلية كتبت بواسطة محسن الفكي مشاهدة المشاركة
أنا مركب مكنة أيطالية
في حالة وفاة واحدة كل دقيقتين في إيطاليا والواحد مننا ما مستوعب أبعاد الكارثة.

ستالين قال إنو وفاة شخص واحد بنشوفها مأساة , لكن
وفاة الملايين بنشوفها بند احصائي ( رقم ) لا غير.
الثلج الساخن غير متواجد حالياً   رد مع اقتباس
قديم 23-03-2020, 04:35 PM   #31
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
Icon7 مستوعب قال

اقتباس:
المشاركة الأصلية كتبت بواسطة الثلج الساخن مشاهدة المشاركة
في حالة وفاة واحدة كل دقيقتين في إيطاليا والواحد مننا ما مستوعب أبعاد الكارثة.
30x60x24?
ات شارب تلج ساخن برضو وبتكتب
محسن الفكي غير متواجد حالياً   رد مع اقتباس
قديم 24-03-2020, 12:56 AM   #32
الثلج الساخن
 
تاريخ التسجيل: May 2019
المشاركات: 71
افتراضي رد: قلت لينا مركب مكنة : هاكا المكنة دي :

اقتباس:
المشاركة الأصلية كتبت بواسطة محسن الفكي مشاهدة المشاركة

أنا مركب مكنة أيطالية

اقتباس:
المشاركة الأصلية كتبت بواسطة محسن الفكي مشاهدة المشاركة
30x60x24?
ات شارب تلج ساخن برضو وبتكتب
الحسبة مش كده :

30x60x24

زي ما إنتا قايل.


الحسبة كده :

24x30 وبس !

24x30 معناها : 30 وفاة في كل ساعة (مضروبة في) 24 ساعة في اليوم,
و دي بتساوي 720 وفاة في اليوم الواحد.


بتضرب في 60 دقيقة تاني ليه يا بليد.؟؟؟


والله العظيم شكلك ساقط حساب من الابتدائي .

كسرة :

عزيزتي مادة الحساب أكبري وجاوبي على مسائل الحساب بنفسك . أجاوب عليها أنا ليه ؟

على جنبة:

قلت لينا مركب مكنة : هاكا المكنة دي

التعديل الأخير تم بواسطة الثلج الساخن ; 24-03-2020 الساعة 01:01 AM
الثلج الساخن غير متواجد حالياً   رد مع اقتباس
قديم 24-03-2020, 02:51 PM   #33
عبد السلام
 
تاريخ التسجيل: Jan 2010
المشاركات: 2,900
افتراضي رد: سفــــه الكورونــــــــــا

الثلج الساخن دة منو؟
طبعاً ما ممكن أصدق إنه عضو جديد بعد الجوطة العاملها دي!




__________
العالم كلو أعلن حظر التجول ومحسن يقول ليك دي زي النزلة العادية!!
غلطان العالم وصاح محسن
عبد السلام غير متواجد حالياً   رد مع اقتباس
قديم 24-03-2020, 03:11 PM   #34
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي رد: سفــــه الكورونــــــــــا

كوفيد تسعطاشر
محسن الفكي غير متواجد حالياً   رد مع اقتباس
قديم 24-03-2020, 03:33 PM   #35
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي رد: مستوعب قال

اقتباس:
المشاركة الأصلية كتبت بواسطة محسن الفكي مشاهدة المشاركة
30x24?
ات شارب تلج ساخن برضو وبتكتب
تعديل

.
محسن الفكي غير متواجد حالياً   رد مع اقتباس
قديم 24-03-2020, 03:41 PM   #36
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي رد: سفــــه الكورونــــــــــا

اقتباس:
المشاركة الأصلية كتبت بواسطة محسن الفكي مشاهدة المشاركة

قول خمسمية، 80% منهم سنهم فوق الستين،زي ديل النزلة العادية بتلجنهم، فما بالك بكورونا "الجديد".
الانفلونزا العادية دي عبارة عن فيروس، يقش اي زول مناعتو ضعيفة، وكبار السن من هؤلاء.
البوست ده عبارة عن نقل لحقائق،وليس مقال للآراء الحرة، واحد يجيك داقش وما قاري الا العنوان،والتاني يزيف الحقائق وينتزعها عن سياقها.
محسن الفكي غير متواجد حالياً   رد مع اقتباس
قديم 24-03-2020, 06:13 PM   #37
عبد السلام
 
تاريخ التسجيل: Jan 2010
المشاركات: 2,900
افتراضي رد: سفــــه الكورونــــــــــا

نعلها دي الحقايق؟
طيب نديك حقائق تانية
البموتوا بحوادث المرور أكتر من موتى الكرونا

الانفلونزا العادية البتشتري ليها ترايفيد ولا فلوتاب وتمشي الشغل عادي؟
انت عارف إنه وجود مصاب كرونا في المبنى معناها المبنى كلو مصاب؟
عارف إنه لمسك لأي مصيبة زمان لمسها بتاع الكرونا معناها جاتك؟
عارف إنه من مضاعفاتها عدم القدرة على التنفس والمريض بكون عايش على جهاز التنفس الاصطناعي؟
انت فاهم إنه العالم دة كوووولوو كووووولو ولا استنثني دولة بحاول يحد من انتشارها عشان هي انفلونزا بتقش المناعته ضعيفة وخلاص؟

نواصل ليك في الحقايق .. البموتوا بالملاريا اكتر من ناس الكرونا
البموتوا موت الله ساي ومافي زول عارفهم مالهم برضو اكتر من الكرونا






__________
الثلج الساخن في النهاية طلع منو؟
عبد السلام غير متواجد حالياً   رد مع اقتباس
قديم 24-03-2020, 07:13 PM   #38
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي رد: سفــــه الكورونــــــــــا

ياعزيزي عبد السلام فليصاب المبني كله ولنقل نفر عمل عدوى لي مية نفر، والشغلانة تضاعفت.
ممكن نوقفها بمجرد إتباع قواعد صحية بسيطة،منها غسيل اليدين والوجه بالصابون.
وصحف الامس بالسودان،قالت بجواز الوضوء بالصابون.

اها المية نفر ديل بيموتو منهم كم، وبيتعافو منهم كم ؟
ده المحك؟
البيموتو أعمارهم كم ؟
الأسئلة دي اتجاوبت وبإسهاب داخل البوست.
اذا
معظم النار من مستصغر الشرر. الكرونا فلست بالناس ، أكتر من النماذج الانت ضربتها دي، وهنا نقول ده مرض بيستنزف الاقتصاد اكتر،حتى في حال وجود ترياق له!
إنّه السفه،وياله من سفه!
محسن الفكي غير متواجد حالياً   رد مع اقتباس
قديم 24-03-2020, 08:31 PM   #39
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
Icon14 شكرا باسم يوسف

اقتباس:
المشاركة الأصلية كتبت بواسطة محسن الفكي مشاهدة المشاركة
باسم يوسف يرد.
محسن الفكي غير متواجد حالياً   رد مع اقتباس
قديم 24-03-2020, 08:50 PM   #40
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي رد: شكرا باسم يوسف

اقتباس:
المشاركة الأصلية كتبت بواسطة محسن الفكي مشاهدة المشاركة
15%من قتلى إيران تحت سن ال 40 . !
محسن الفكي غير متواجد حالياً   رد مع اقتباس
قديم 24-03-2020, 09:12 PM   #41
عبد السلام
 
تاريخ التسجيل: Jan 2010
المشاركات: 2,900
افتراضي رد: سفــــه الكورونــــــــــا

يعني الناس تعدي الوقت كلو غسيل مثلاً؟!!
انت فاهم إنك بتلمس كم حاجة وانت ماشي تجيب ليك عيشة من الدكان؟
إلا تعيش حياتك مهنضب (هاند أب) حتى تنجو من العدوى
على فكرة حياة البني آدم ما بتتقاس بقروش عشان كدة موضوع استنزاف الاقتصاد من أجل الحفاظ على الحياة دة ما عندو معنى
هو أصلاً الاقتصاد غرضه رفاهية الانسان
طبعاً جنس بوستات وفيديوهات نظرية المؤامرة دي ما عندي ليها حاجة
معقولة مؤامرة تنطلي على العالم كلو؟؟!!!
عبد السلام غير متواجد حالياً   رد مع اقتباس
قديم 24-03-2020, 09:56 PM   #42
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي رد: سفــــه الكورونــــــــــا

في ناس بتغسل يدينها وأقداما ووشا خمس مرات، جات على ثواني تعقم فيها يدك،حتى لو عشرة عشرين مرة في اليوم؟!.
محسن الفكي غير متواجد حالياً   رد مع اقتباس
قديم 24-03-2020, 10:05 PM   #43
عبد السلام
 
تاريخ التسجيل: Jan 2010
المشاركات: 2,900
افتراضي رد: سفــــه الكورونــــــــــا

حتى لو عديت اليوم كلو غاطس في البحر برضو ما كفاية
انت ما قادر تتفهم إنك لو لمست حيطة ولا مقبض باب لمسه قبلك مصاب بتتلجن
لو جاتك عطسة بتتلجن دي لا بنفع فيها غسيل يدين ولا حتى غسيل معدة ذاتو
لو شربت بكباية شرب بيها مصاب بتتلجن
لو أكلت معاهو كسرة بملاح بتتلجن
لو أداك كيس العيش أثناء الأكل بتتلجن
لو دخلت الحمام الدخلو قبلك وفتحت الماسورة القفلها بتتلجن
يعني مهما كنت حريص ممكن يجي فيك القون في كسر من الثانية
فما تقول لي نغسل يدينا 17 مرة في الدقيقة خلاص مافي كرونا
عبد السلام غير متواجد حالياً   رد مع اقتباس
قديم 25-03-2020, 02:07 AM   #44
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,545
افتراضي رد: سفــــه الكورونــــــــــا

ده انت الما قادر تفهمو
لا بتتلجن ولا الطيارة قامت
بمجرد ما عقمت يدك ووشك ،تاني اي شئ تهبشو فهو آمن، ومال ليه قالو خليك بالبيت
ليه قالو امسح المقابض والنظارة - ان وجدت- والموبايل الما قادر تحصل منو على دفة توجهك بعد كل هذه الاسابيع من الشرح الممل،والفيديوهات... الخ الخ،بما فيها البوست ده!

يظهر فعلا ما قاعد تعقم الموبايل!
محسن الفكي غير متواجد حالياً   رد مع اقتباس
قديم 25-03-2020, 11:38 AM   #45
عبد السلام
 
تاريخ التسجيل: Jan 2010
المشاركات: 2,900
افتراضي رد: سفــــه الكورونــــــــــا

قلت لي تقعد تعقم في يدك ووشك ودولابك وقميصك وجزمتك وابواب البيت وابواب العربية حيطة الجيران وتربيزة بتاع الدكان وكيس العيش طول اليوم؟ ولا تعمل ليك تطبيق موبايل اسمه لمسة بشتغل بمجرد ما لمست شئ وتجري تفتش الصابون بي وين؟طبعاً دة كلو باعتبار إنك ما بتركب مواصلات ولا ركشات ولا بص الوالي لأنه ديل بعدهن إلا تخش غرفة العناية المكثفة عشان تتعقم كلك بي هدومك






__________
الثلج الساخن دة ود ناس منو؟
عبد السلام غير متواجد حالياً   رد مع اقتباس
قديم 27-03-2020, 03:49 PM   #46
الثلج الساخن
 
تاريخ التسجيل: May 2019
المشاركات: 71
افتراضي رد:شيطان المؤامرة لمن يتكلم

اقتباس:
المشاركة الأصلية كتبت بواسطة عبد السلام مشاهدة المشاركة
طبعاً جنس بوستات وفيديوهات نظرية المؤامرة دي ما عندي ليها حاجة
معقولة مؤامرة تنطلي على العالم كلو؟؟!!!

لاحظتا إنو في ارتفاع في معدل الاصابات والوفيات في ايران وايطاليا .
خطير أو ما خطير , الفايروس شغال استيطان وامبريالية كيميائية,خاصة
في ايران وايطاليا اكتر من غيرهم من الدول , حتى يمكن نقول اكتر من الصين,
ده لو أخدنا تقارير الصينين عن الفايروس وعدد ضحاياه على محمل الجد والأمانة.

قبل مدة - يمكن قبل ثلاثة ايام - تكلم المرشد الاعلى لايران رافضاً المساعدات الامريكية المقترحة عليه فيما يتعلق بوباء الكرونا قائلاً إنو صعب عليهم كإيرانيين يقبلوها في ظل اتهامهم لامريكا إنها صنعت الفايروس كسلاح موجه ضد المكون الجيني للشعب الايراني

المكون الجيني للشعب الايراني.؟؟

المرشد العجوز قال إنو ما عندو دليل على كلامو ده , فقلتا احتمال ده شيطان المؤامرة بيتكلم , ووارد إنو المرشد عايز يستغل موضع الكورونا حتى يحشّد الرأي العام في الداخل الايراني ضد أمريكا .
كمان لفت نظري إنو الكورونا ضرب الايطاليين برضو, وايطاليا محسوبة مع الاوروبيين مش مع الايرانيين. على الاقل تهيأ لي كده في البداية.

لكن تاني راجعتا نفسي وقلتا يمكن يكون كلام المرشد صحيح في موضوع الاستهداف الجيني . السبب الاول هو إنو ايران هي أم لكتير من الامم البيضاء , أوروبيين أو غيرهم . السبب االتاني إنو يمكن تكون جينات الشعبين - الايراني والايطالي , متحدة أو بتشبه بعض . أساسن زمان ايران كانت فارس, وايطاليا كانت روما . والحروب الدموية بين الفرس والروم كانت ب تغطي جزء كبير من التاريخ المدون. وعادي في ظل الحروب ديك كانت بتحصل حاجات قبيحة , زي الاستيطان والعنف والرق والاغتصابات الجنسية في مدى واسع معلوم أو مستتر. ف بعد الحروب بتقوم تنشأ شعوب و قبائل جديدة كتنيجة مباشرة للممارسات دي المصاحبة للحروب. ب تنشأ قوميات جديدة فيها دماء الغازي المنتصر محروثة في دماء المغلوب المتقهقر . والعكس في العكس . فما بعيد إطلاقاَ إنو المكون الجيني الحالي للايرانيين والايطاليين ب يعكس شكل الصراع القديم الحصل بين الفرس والروم , و ب يقدم بيئة متجانسة وقابلة سمحت لفايروس الكورونا إنو ينتشر في كلا الدولتين الانتشار الوبائي الواسع والمرصود علمياً وعالمياً.

كسرة :

علماء التاريخ بيقولو إنك لمّن تستعرض التاريخ بيظهر ليك إنو اتولد من فوضى مش من مؤامرة .
الثلج الساخن غير متواجد حالياً   رد مع اقتباس
قديم 27-03-2020, 06:28 PM   #47
عبد السلام
 
تاريخ التسجيل: Jan 2010
المشاركات: 2,900
افتراضي رد: شيطان المؤامرة لمن يتكلم

فرس وروم وأمبريالية توسعية واغتصابات جنسية و...
يا حاج الكرونا ضربت رؤساء ووزراء في اوربا وهسة امريكا بتقول الروب تقول لي ايران أم الدنيا!
كرونا دة فايروس الله والرسول ما عندو علاقة بي استهداف جيني ولا رضيعي


ياخي معقول العالم كلو اتفتح على بعض والدول بقت مقننة الهجرات وبتدي المهاجر جنسية البلد ويصبح مواطن أصيل ممكن يبقى رئيس الدولة عديل ونحن لسة تفكيرنا واقف في مرحلة الجينات وأصل الأمم البيضاء!!!




_________
سمح ما هدا الاتنين فهمكم مقلبن زي بعض مالين المنبر مشاكل مالكم؟
عبد السلام غير متواجد حالياً   رد مع اقتباس
قديم 28-03-2020, 12:19 AM   #48
الثلج الساخن
 
تاريخ التسجيل: May 2019
المشاركات: 71
افتراضي رد: شيطان المؤامرة لمن يتكلم

إظنك ما ح تكون عادل ولا أمين إذا قلتا إنو أنا بنكر خطورة فايروس الكورونا أو إنو أنا موافق على كل الكلام اللي ب يتقال في موضوع تصنيعه كسلاح في المختبرات أو كسلاح اعلامي أو اقتصادي .

الحقيقة أنا ما عارف . ما في دليل حتى اللحظة على إنو الفايروس سلاح حيوي. آية الله خاميني زاتو قال كده. قال ما في دليل. وحتى إذا في دليل ما في زول ح يقدر يوريك ليهو على الاقل حالياً . فعشان كده بقول ليك في الضلام حقو الزول يكون مفتوح على كل احتمال وحقو الواحد يبتعد من " التعصب الكامل لأي فكرة بشكل مُطلق " . ده تعريف نادر ليمونة للرأي الاوحد أو الدوغمائية.

في فرصة للتخمين والتفرُّس . لكن في حقايق .

البناء الداخلي لفايروس الكورونا شبيه بفايروس تاني اسمو الميرس انفجر في 2012 في صحراء السعودية وكانوا بيسموه كرونا الجمال. وهو شبيه بالسارس حسب بعض الخبراء.

هل تطوّر الكورونا طبيعياً من فايروسات الانفلونزا دي أو تم تصنيعه مختبرياً ؟ أنا شخصياَ ما عارف . و زاتو لو عايز أعرف ح أعرف كيف ؟ ح أسأل منو و ح أصدق منو ؟

صحيفة التلقراف أشارت إنو جامعة كامبريدج شددت إنو العالم لازم يستعد لضربات متوقعة باسلحة بيلووجية ( حيوية ) ذات طبيعة عرقية وعنصرية ( اسلحة اثنية ). التحذير ده كان ضمن مقال صدر في أغسطس من العام الماضي. يعنى قبل ما يكون الفايروس بإسمو ده موجود في خيال أي مستخدم للانترنت. التحذير ده مصدرو مش مٌنظِّر بتاع مؤامرات ولكن مصدرو هو مركز ابحاث المخاطر الوجودية في جامعة كامبريدج المرموقة وأدرجتو صحيفة التلقراف في مقال شدد على انو عواقب استخدام سلاح زي ده ممكن تكون ضارة الى اقصى حد ولا يمكن زجرها.

فمن ناحية إنو في اسلحة زي دي عايز أقول ليك إنو غالباً تكون في اسلحة زي دي. الما في شنو ؟ زي ما بيقولوا السودانيين . عشان كده خليك هسة من حنك ده فايروس الله ورسوله . ببساطة إنت أصلن ما عارف . وأنا ما عارف .

لكن هل تعلم إنو يوجد خمسة وعشرين مختبر للابحاث الحيوية الخطيرة لإجراء التجارب على الاسلحة البيولوجية انشأتم امريكا حول العالم خارج أراضيها - وذلك لتفادي الحظر الفارضاه القوانين الداخلية الامريكية على الابحاث من النوع الزي ده ؟

من ناحية تانية السبب إنو أنا ما عايز أأكد أو أنفي إنو الكورونا فايروس صناعي وسلاح هو إنو ح تلقى في التاريخ إنو انتشار الاوبئة دايمن ب يترافق مع دفق من الشائعات ونظريات المؤامرة القائمة على فكرة جذرية واحدة : إنو في مجموعة بتستهدف مجموعة تانية او بتستهدف العالم وعايزة تدمرو.

في غياب الدليل التأكيد تعصب والإنكار تعصب.

في ألغاز ح تظل ألغاز . وفي ألغاز ح تفتح ونعرفها . يعني مسلن بنهاية سنة 1920 مات على الاقل خمسة وعشرين مليون نسمة في سنتين بس بمرض الانفلونزا الاسبانية اللي انفجرت في نفس السنة اللي انتهت فيهو الحرب العالمية الاولى ومصدر المرض ظل لغز لحد سنة 1930 . الناس وقتها كانت بتقول إنو الطاعون داك كان سلاح سري لألمانيا النازية . وفي سنة 1950 اتهمت شرق ألمانيا امريكا في موضوع الطاعون الحشري اللي افسد محصول البطاطس . سبب الوباء كان حشرة صغيرة من ولاية كولورادو الامريكية . في التمانينيات اتهم الاتحاد السوفييتي أمريكا إنها طورت فايروس الايدز كسلاح ضد الاقليات اللونية والمثلية . هسة امريكا اتهمت الصين في موضوع الكورونا والصين وايران بالمقابل اتهموا امريكا .

ح نعرف ؟ غالبن ما ح نعرف.

كسرة.

قبل سنوات راجت بين الناس خاصة البنات الشابات الموضة بتاعت ارسال عينات من دمائهم لمختبرات في امريكا وأوروبا ويمكن لاسرائيل . الغرض إنو يعرفو أصولهم الاثنية القديمة - زي كأنو موضوع زي ده هو اهم موضوع في حياة الزول . نبهتا واحدة منهن بعد ما استلمت النتيجة وطلعت نص يهودية صومالية وربع حبشية وتُمن نايجيرية إنو يمكن تكون تطوعت من غير قصد بمعلومات جينية عن كامل أفراد فصيلتها الاثنية لجهة مستترة . يمكن الجهة دي تقوم تخترع سموم تستهدف فصيلتها بس دون غيرهم من البشر. كنتا بتكلم معاها وانا بهظر. لاكن الكلام الزي ده ما ممكن يكون هظار بأي حال من الاحوال.

التعديل الأخير تم بواسطة الثلج الساخن ; 28-03-2020 الساعة 12:22 AM
الثلج الساخن غير متواجد حالياً   رد مع اقتباس
قديم 28-03-2020, 10:58 AM   #49
عبد السلام
 
تاريخ التسجيل: Jan 2010
المشاركات: 2,900
افتراضي رد: سفــــه الكورونــــــــــا

طيب وقت بتعرف الميرس مالك شابكنا حرب بيولوجية وبتاع
ياها الكرونا ذااااتها بتتعلم في المدارس من سنة 1960 لحدي الآن ومرت بمراحل كتيرة من ابتدائي 229E لحدي ماجستير السارس وهسة ما شاء الله أخدت درجة الاستاذية في نسخة 2019
مسألة نظرية المؤامرة وفيلم مات ديمون وكيت وينسليت وما عارف شنو دة طلس ساي
ناس بتمسك كيبورد وتتخيل أفلام
كرونا دة ما قنبلة هيروشيما بتأثر على مدينة واحدة عشان تسميهو سلاح .. دة مافي بلد ولا إثنية ما أصابها عشان تقول سلاح وتقعد تفكر موجه لمنو! الصين وامريكا الاتنين الكرونا طلعت ميتينهم ما ممكن يكونوا عاملينو عشان يكتلوا أهاليهم









________
الواحد يغيب من المنتدى كم شهر يجي يلقى نادر ليمونة بقى مثقف!!!

التعديل الأخير تم بواسطة عبد السلام ; 28-03-2020 الساعة 11:01 AM
عبد السلام غير متواجد حالياً   رد مع اقتباس
قديم 28-03-2020, 11:50 AM   #50
الثلج الساخن
 
تاريخ التسجيل: May 2019
المشاركات: 71
افتراضي رد: سفــــه الكورونــــــــــا

اقتباس:
المشاركة الأصلية كتبت بواسطة عبد السلام مشاهدة المشاركة
ياها الكرونا ذااااتها بتتعلم في المدارس من سنة 1960 لحدي الآن ومرت بمراحل كتيرة من ابتدائي 229E لحدي ماجستير السارس وهسة ما شاء الله أخدت درجة الاستاذية في نسخة 2019
كويس .. ما في مشكلة يازول .

بعد شوية بانفعالك ده ح تقول إنو الاستاز بقى طالب " عاااااادي" وترمي بوستاتك كلها تحت رجلينك وترجع لكلام محسن الفكي.

ارتفعت حالات الوفاة في شمال ايطاليا من 541 حالة فى يوم واحد إلى نحو 5402 حالة ، حيث تم تسجيل 387 وفاة يوم “الخميس” ويعتبر هذا ثانى أعلى معدل فى تلك المنطقة حتى اليوم. وتم رصد أكثر من 6150 إصابة جديدة بفايروس كورونا ووفاة 712 بالمرض في عموم ايطاليا وذلك خلال (24) ساعة فقط . وبحسب إفادات بروسافيرو رئيس معهد الصحة فإن إيطاليا لم تصل إلى ذروة وباء فايروس كورونا بعد.
الثلج الساخن غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:43 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .