مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: كيتي كوﻻ (آخر رد :محسن الفكي)       :: إعفاء غندور ومطرف صديق أقوى المرشحين (آخر رد :عابد البادنابى)       :: إعفاء غندور ومطرف صديق أقوى المرشحين (آخر رد :عابد البادنابى)       :: اسحق احمد فضل الله إليه أخلع نعلتي (آخر رد :نجاة النور)       :: نحن شعب .........! (آخر رد :نجاة النور)       :: موات الأمنيات (آخر رد :نجاة النور)       :: الدولار والريال الي اين ؟؟؟ (آخر رد :ود الشيخ)       :: لسه القرضاوي ما قال أقرضوهو (آخر رد :محسن الفكي)       :: غرائب وعجايب... (آخر رد :نجاة النور)       :: يوم رحيلك من البلاد دارك موشحة بالسود (آخر رد :عبدالمنعم محمد)      

إضافة رد
 
أدوات الموضوع انواع عرض الموضوع
قديم 07-01-2018, 09:50 AM   #1
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
Icon34 بوست العيش

أيوة داير أقول رأيي حول العيشة أم جنيه، أو تلاتة صغار بي ٢ جنيه بحسب ما ورد أدناه
اقتباس:
الخرطوم 6-1-2018 م (سونا) - اصدرت شعبة المخابز بولاية الخرطوم مساء اليوم بيانا اعلنت فيه أسعار وأوزان الخبز للمستهلك .
وجاء في البيان ان قطعة خبز وزن 70 جرام حد أدنى بسعر 1 جنيه ، و3 قطعة خبز وزن 40 جرام حد أدنى بسعر 2 جنيه .
نقلاً عن الأخبار المحلية الإقتصادية .. وكالة السودان للأنباء
هذه الأسعار أقل من أسعار ١٩٧٥ لما العيشة كانت بي قرشين
وبالتأكيد تقل عن أسعار ٢٠٠٢ لما كانت العشرة عيشات بواحد جنيه.


خارج النّص
بغض النظر :
1- عن كونو عيشة سنة خمسة وسبعين والفين وإتنين مدعومات.
2- بغض النظر عن تاريخ ميلاد القارئ ،قبل أو بعد سنة ١٩٧٥!

محسن الفكي غير متواجد حالياً   رد مع اقتباس
قديم 07-01-2018, 12:19 PM   #2
عبد السلام
 
تاريخ التسجيل: Jan 2010
المشاركات: 2,693
افتراضي رد: بوست العيش

قصدك مقارنة بمستوى دخل الفرد ولا شنو ؟
عبد السلام غير متواجد حالياً   رد مع اقتباس
قديم 07-01-2018, 12:32 PM   #3
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي رد: بوست العيش

لا بالطبع ، والسبب بسيط لا توجد "داتا إحصائية" ، لا تتوفر معلومات دقيقة. هناك من يقول الحد الأدني للأجور دون ٥٠٠ جنيه.
لكن معروف هسه الدولار ثمنة كم.
إذا المقارنة والمقاربة بالدولار.
لكن خليني أقول مستوى دخل الفرد إرتفع جدا جدا
لما العيشة أبوقرشين أبو ١٢٥ جم، كانت اللحمة بتتباع بالربع، وفي مناطق زي عطبرة ، دون ذلك.
ده في الزمن الناس بتقول عليهو هسه "الجميل" وبتتباكى وتتحسر عليهو.
محسن الفكي غير متواجد حالياً   رد مع اقتباس
قديم 07-01-2018, 12:38 PM   #4
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي رد: بوست العيش

اقتباس:
المشاركة الأصلية كتبت بواسطة عبد السلام مشاهدة المشاركة
قصدك مقارنة بمستوى دخل الفرد ولا شنو ؟
نظرا لحالة الفساد والإفساد المجتمعي المستشرية، أقول نعم دخل الفرد "الحكومي" إرتفع، خارج المرتب الأساسي، من حيث الحوافز والعطايا والمنح الوهمية من بدلات وإنجازات وخلافه.
المواطن "الفاسد" نفسه يمنح هذا الموظف فوق وتحت التربيزة.
أما سوق العمل الخاص فهو يتحرك مع الدولار صعودا، والعكس ليس صحيحاً.
محسن الفكي غير متواجد حالياً   رد مع اقتباس
قديم 07-01-2018, 04:50 PM   #5
عبد السلام
 
تاريخ التسجيل: Jan 2010
المشاركات: 2,693
افتراضي رد: بوست العيش

ارتفع الدخل أي نعم لكن ارتفعت معاهو متطلبات الحياة
كانت اللحمة بالربع لأنه مافي تلاجات تتخت فيها شهر
كانت القروش بتكفي لأنه مافي كهرباء مكيفات ورصيد تلفون وانترنت ومصاريف مدارس

كان الرغيف ما مهم بل ويعتبر رفاهية لكثير من الأسر لأنه ربة المنزل من الصباح بتدور صاجها بالحطب لعواسة الكسرة .. هسة ما اسمها ربة منزل في الغالب بتكون موظفة ومرحلة التكل والصاج المسخن والهدوم المليانة سكن دي اتعداها الزمن واصبحت الكسرة في الصاج الكهربائي تيفال هي الرفاهية البتتعمل نهاية الاسبوع

ما اتغير السودان ولا اتغيروا السودانيين وإنما دي تغييرات عالمية لو فضلنا عايشين في السبعينات حنبقى زي سكان غابات الأمازون
عبد السلام غير متواجد حالياً   رد مع اقتباس
قديم 07-01-2018, 05:34 PM   #6
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي رد: بوست العيش

أها كمان تعال قول لي كنا ما بنلد، ربع كيلو ده بيكفي كم نفر
اقتباس:
المشاركة الأصلية كتبت بواسطة عبد السلام مشاهدة المشاركة
كانت اللحمة بالربع لأنه مافي تلاجات تتخت فيها شهر
اقتباس:
المشاركة الأصلية كتبت بواسطة عبد السلام مشاهدة المشاركة
كانت القروش بتكفي لأنه مافي كهرباء مكيفات ورصيد تلفون وانترنت ومصاريف مدارس
إشمعنا مافي تلاجات؟ وإشمعنا مافي مكيفات؟
كلو كان في، لكن ما بينهبش بسبب ضعف القوة الشرائية عموما، في كافة القطاعات.
هسه تحولنا الى مجتمع إستهلاكي بفضل العولمة وبفضل الرفاهية بتاعت العقد الأول من الألفية.
محسن الفكي غير متواجد حالياً   رد مع اقتباس
قديم 07-01-2018, 05:41 PM   #7
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي ليه السودانيين ما بياكلو الرز كطعام أساسي؟

اقتباس:
المشاركة الأصلية كتبت بواسطة محسن الفكي مشاهدة المشاركة
بس قبل ما أسترسل عاوز أرد على طلال
وما عاوز انظر في هل ممكن يحصل لينا تحول الى اكل الرز ولا ما بيحصل
اشمعني القمح، ما كنا بناكل فيتريته زي السلام عليكم وقلبنا قمح.
وبعدين القمح ده اساسا طعام الدول الغنية-ايوة عارف نحنا كشعب ما بنحب نعترف اننا شعب فقير- لكن الارز هو طعام الفقراء.

نرجع للقانون
القانون المفروض نطبقو انو العيشة زنة 250 جرام = واحد جنية.
الكلام ده على الورق عند ناس المواصفات والمقاييس
لكن ما اعتقد في فرن فيهو ميزان.
هل السعر ده مجزي
الجواب نعم
اذا كان الكيلو بالقطاعي بي خمسة جنيه. والعيش يوزن وهو عجين زيو وزي اللحمة والسمك في المطاعم.
لكن عندنا برضو ثقافة الحقوق في بعض ضروريات الحياة منعدمة
ما عارف ليه.؟

المداخلة الفوق دي ما كتبتها تنجيم بل نقلا عن بوست في العام ٢٠١٣ كان عنوانه ليه السودانيين ما بياكلو الرز كطعام أساسي؟
محسن الفكي غير متواجد حالياً   رد مع اقتباس
قديم 08-01-2018, 07:55 AM   #8
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي رد: بوست العيشة

https://www.youtube.com/watch?time_c...&v=c8W1LRNy8vE
محسن الفكي غير متواجد حالياً   رد مع اقتباس
قديم 09-01-2018, 05:10 PM   #9
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي وهكذا دواليك

اقتباس:
المشاركة الأصلية كتبت بواسطة محسن الفكي مشاهدة المشاركة
هذه الأسعار أقل من أسعار ١٩٧٥ لما العيشة كانت بي قرشين
وبالتأكيد تقل عن أسعار ٢٠٠٢ لما كانت العشرة عيشات بواحد جنيه.

خارج النّص
بغض النظر عن :
1- كونو عيشة سنة خمسة وسبعين والفين وإتنين مدعومات.
2- تاريخ ميلاد القارئ ،قبل أو بعد سنة ١٩٧٥!
الدولار اليوم الثلاثاء 22 ربيع الثاني 1439 تخطى حاجز الـ٣١ جنيها، وبالتالي عيشة اليوم أرخص من عيشة أول أمس، شفتو كيف!
محسن الفكي غير متواجد حالياً   رد مع اقتباس
قديم 10-01-2018, 08:31 AM   #10
عبد السلام
 
تاريخ التسجيل: Jan 2010
المشاركات: 2,693
افتراضي رد: بوست العيش

القياس بالدولار ما منطقي لأنه الدخل ما بزيد مع زيادة الدولار
واحد في الفيسبوك أمس جايب ليه فيديو من دبي عن اسعار المأكولات والمشروبات وبقول السودانيين مفروض يحمدو الله على اسعارهم الرخيصة
لكن نسى أهم حاجة وهي مقارنة سعر السلعة بمعدل الدخل

كمثال هسة في السعودية التلاتة عيشات بريال يعني العيشة بجنيهين ونص لكن هل في واحد بحس بإنه العيش غالي؟ أبداً لأنه الريال ما قروش في السعودية بينما الجنيه في السودان قروش .. يعني عيش بي 900 جنيه شهرياً في السودان رقم كبير شديد بينما نفس العيش دة في السعودية بي 300 ريال ويعتبر مبلغ عادي
عبد السلام غير متواجد حالياً   رد مع اقتباس
قديم 10-01-2018, 10:07 AM   #11
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي رد: بوست العيش

اقتباس:
المشاركة الأصلية كتبت بواسطة عبد السلام مشاهدة المشاركة
القياس بالدولار ما منطقي لأنه الدخل ما بزيد مع زيادة الدولار
أنا كتاجر بشوفو منطقي، كيف أنا أشتري سلعة وأخسر فيها.
اللجوء للمقارنات والمقاربات بدول الجوار، مفروض تخليني أقارن بي أثيوبيا ودولة جنوب السودان مثلاً. ناهيك عن تشاد وأفريقيا الوسطى.
والمحصلة لصالح رخص العيشة في السودان، أما في مصر فهي تاريخيا عيشتا أرخص وستظل، مع وجود الأرز كبديل أساسي.

الخليج عموما ليس مجال للمقارنة ولا المقاربة، فهي دول تستهلك الأرز طعام الفقراء كشئ أساسي بما فيها الأجانب.

-
نعم الدخل يزيد بزيادة الدولار، مع اجراءات البحث عن البدائل والتقشف، شيئا فشيئا ويعتاد عليه الناس.
محسن الفكي غير متواجد حالياً   رد مع اقتباس
قديم 10-01-2018, 04:57 PM   #12
عبد السلام
 
تاريخ التسجيل: Jan 2010
المشاركات: 2,693
افتراضي رد: بوست العيش

يزيد كيفن !!
ما سمعنا لينا بمؤسسة رفعت رواتب الموظفين عشان الدولار زائد
عبد السلام غير متواجد حالياً   رد مع اقتباس
قديم 10-01-2018, 07:00 PM   #13
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي عاش بروميد البوتاسيوم يعيش يعيش

المعلومات دي ما بتجي بالسمع، هسه اي زول شغال في الدولار؟ وبالتالي هل سمعت البشتري الدولار بي ٣٢ جنيه ده دخلو زاد ، بنفس القدر،عشان كده إشتري بيهو دولار؟
اقتباس:
المشاركة الأصلية كتبت بواسطة محسن الفكي مشاهدة المشاركة
هذه الأسعار أقل من أسعار ١٩٧٥ لما العيشة كانت بي قرشين
وبالتأكيد تقل عن أسعار ٢٠٠٢ لما كانت العشرة عيشات بواحد جنيه.
اقتباس:
المشاركة الأصلية كتبت بواسطة محسن الفكي مشاهدة المشاركة
الدولار اليوم الثلاثاء 22 ربيع الثاني 1439 تخطى حاجز الـ٣١ جنيها، وبالتالي عيشة اليوم أرخص من عيشة أول أمس، شفتو كيف!
المعلومات دي بتجي بمؤشر السوق وبس (القوة الشرائية).
بتاع الفرن لما باع العيشة بي جنيه، لقا زباين ولا رماهو في النفايات؟
كلامي كان عن رخص السعر.
في الولايات المتحدة أسعار الوقود زيها وزي بورصة نيويورك كلو دقيقة ممكن تتغير من طلمبة الى أخرى.
بتاع الطرمبة الأمريكي لو داير يخسر عادي يلقا مزيج خام برنت بي ٧٠ دولار ويقوم يبيع البنزين السوبر بأقل من سنت أو سنتين، ده-اللهم بس- إلا بيكون عاوز يعمل ترويج (دعائي).
لما أتكلمت عن القوة الشرائية وانت جبت مثال اللحمة المافي ليها تلاجة عشان كده ده مبرر للناس تشتري بالربع أقول إنو في قوة شرائية:
في السبعينيات كان بوسط الخرطوم زنك اللحمة ويندر أن تجد "جزارة" بالأحياء.
هسه في كل ناصية تقريبا جزارة راقية وشغالة على مدار الـيوم ، مع إنو الناس عندها مبردات وما مفروض تشتري لحمة كلو يوم، أو تخزنها لمدة "شهر" كما يقول عبد السلام.
كونو فكرة الأسواق المركزية دي تتلغي ومعها ما يسمى بزنك اللحمة، ويستعاض عنها بالأسواق الصغيرة التي تجمع كل الإحتياجات، بيعزز القول بتاع إنو في قوة شرائية.

الغريبة زمن المنح الأمريكية والأسترالية والكندية، بما فيها سني الصادق المهدي(٨٦-٨٩) كانت الناس تمرق من صلاة الصبح عشان تحجز بي ولو بي (حجر) مكانها في صف العيش، القلنا عليهو غالي مقارنة بعيشة اليوم الأربعاء 23 ربيع الثاني 1439، هذا مع جودة المُنتج شكلا ونوعاً.
عاش بروميد البوتاسيوم يعيش يعيش.
محسن الفكي غير متواجد حالياً   رد مع اقتباس
قديم 10-01-2018, 09:23 PM   #14
عبد السلام
 
تاريخ التسجيل: Jan 2010
المشاركات: 2,693
افتراضي رد: بوست العيش

زمان كانت في البدائل واللي هي الشرموط البنشفوهو للسنة كلها والكسرة البعوسوها كل يوم
هسة المرأة بقت عاملة وما عندها طريقة عواسة كل يوم
مستوى التعليم ارتفع والعولمة خلت الناس تشوف العالم عايش كيف بالتالي مستوى المعيشة ارتفع

أنا غايتو في السودان بشتري 3 كيلو لحمة يوم المرتب بعملوا منها الملحات .. والملحات دي ذاتها بطبخو الاسبوع كلو يوم الجمعة والفريزر بتقوم بالواجب

القوة الشرائية دي من عدد السكان اللي ارتفع بشكل مبالغ فيه في الفترة الأخيرة .. وأعني هنا السكان المتكدسين في المدن الكبيرة والعاصمة تحديداً

الحاجة الما لقيتها في كلامك كيف الدخل بزيد مع الدولار لأصحاب الرواتب ؟
عبد السلام غير متواجد حالياً   رد مع اقتباس
قديم 10-01-2018, 10:51 PM   #15
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي رد: بوست العيش

اقتباس:
المشاركة الأصلية كتبت بواسطة عبد السلام مشاهدة المشاركة
الحاجة الما لقيتها في كلامك كيف الدخل بزيد مع الدولار لأصحاب الرواتب ؟
رواتب المهن الحرة بتزيد مع زيادة الحاجة، وقلت انو القوة الشرائية دليل على ذلك.
لكن ليس عندي رابط اجيبو ليك اقول فيهو الزول الكان بياخد ماهية بالدولار ٧٠ هسه عملناها ليهو ٢٢١٠ جنيه، وكلما الدولار يزيد جنيه اكتب الراتب بقا ٢٢٨٠ جنيه
لكن في قوة شرائية جات من المدخرات جات من التعدين العشوائي جات من بيع خردة .. الخ الخ المهم في قوة شرائية عالية ولاتزال.
وإنو سعر العيشة الصباح كان أغلي من هسه لأنو ال$ دقش الأربعة وتلاتين.

اقتباس:
المشاركة الأصلية كتبت بواسطة عبد السلام مشاهدة المشاركة
زمان كانت في البدائل واللي هي الشرموط البنشفوهو للسنة كلها والكسرة البعوسوها كل يوم. هسة المرأة بقت عاملة وما عندها طريقة عواسة كل يوم
طبعا ما بقول ليك أوعا تقول لي اللحم المجفف ده زمن البيع بي ربع الكيلو .
لكن بقول ليك في كسرة جاهزة بتتباع في الأسواق، بالإضافة للحم المجفف.
وبقول ليك سعر العيشة(جنيه ونص) في جنوب دارفور حيث أساسا المرأة هناك عاملة بنسبة تفوق ال٩٠% بما فيها أعمال البناء، ناهيك عن الفلاحة والرعي.
بل المرأة عرفت سوق العمل قبال بنات البندر.
محسن الفكي غير متواجد حالياً   رد مع اقتباس
قديم 11-01-2018, 08:11 AM   #16
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي رد: بوست العيش

اقتباس:
المشاركة الأصلية كتبت بواسطة محسن الفكي مشاهدة المشاركة
لكن في قوة شرائية جات من المدخرات جات من التعدين العشوائي جات من بيع خردة .. الخ الخ المهم في قوة شرائية عالية ولاتزال.
وإنو سعر العيشة الصباح كان أغلي من هسه لأنو ال$ دقش الأربعة وتلاتين.

[/COLOR]
السؤال الكنت عاوز عبد السلام يسألو ليه القوة الشرائية زادت؟
لأنو سؤال الماهية ده بعتبرو (ثقافة الأفندية) الخرجهم الإستعمار بإستحمار، وخلاهم مافي أي تفكير إستثماري.
وده البيخلي رئيس الوزراء في ذلك الزمن المسمى "جميل" يستدين، والناس هسه فرحانة بيهو الناس الإتربت على (ثقافة الأفندية).
بينما صبوا جام غضبهم على رئيس الجمهورية الحالي لما ذكر في حوار تلفزيوني إنو المرتب لا يكفيه، ولديه مزرعة تدر عليه دخلا يفوق المليون جنيه شهريا.
وده الناس البتعمل فيهو هسه بتزيد مواردها المالية وبتنميها، ربة المنزل البتبيع المثلجات، أو الملابس أو عمل الخبائز أو العطور، أو ربة المنزل الأجرت نص بيتها .. أو عملت دكان وأجرتو أو إشتغلت فيهو بي نفسها... الخ الخ
الناس ثقافة الأفندية (وشغال في مجالي) دي إنتهت منها زمان، وأي زول بقا يفتش في مصدر دخل إضافي أو عمل إضافي، وإمكن أسهل عمل بيدر دخل إضافي هو السواقة.

بمناسبة السواقة

ركبت مع سائق خليجي ذكر لي إنو بيضطر يشتغل بي عريبتو (إشتراها أقساط وبتمويل مصرفي) لأنو الراتب (حوالي ٢٥٠٠$) لا يكفي عائلته سوى إسبوع فقط.
حتي مواطن دول الخليج أصبح لا يعرف الماهية ولا تعرفه.
في بلد زي مصر تسود فيها ثقافة الأفندية، لأزالت مسألة زول يوصلك بسيارته مقابل أجر معلوم في بداياتها، لكن بعد تحرير السوق ستتغير الأشياء شيئا فشيئا.

بمناسبة القوة الشرائية

المواطن الخليجي تسود عليه الثقافة الرأسمالية،وليس زينا ثقافة التكية
ممكن أقول (ليس عندي مصدر للأسف) ٧٠-٨٠% منهم عايشين حياتهم بلا قوة شرائية، دوما يلجأ للدولة وللإستدانة حتي في تصريف شؤونه الحياتية
-البيت قرض
-العربية اما أقساط أو قرض
-إحتياجاته الشهرية (جرورة) من أقرب بقالة ، ويدفع من المرتب
عشان كده تلقاهو بيفتش لمصدر دخل إضافي بعيدا عن (ثقافة الأفندية) !


وبمناسبة الخليج

فاتني ان أشير لتحويلات العاملين هناك لأهلهم هي أيضا من مصادر الدخل للأهل داخل السودان!
محسن الفكي غير متواجد حالياً   رد مع اقتباس
قديم 11-01-2018, 06:37 PM   #17
عبد السلام
 
تاريخ التسجيل: Jan 2010
المشاركات: 2,693
افتراضي رد: بوست العيش

أديتني احساس إنه الشغل مجدع في الشارع ونحن مابينو

عن نفسي كنت قررت أغير عربيتي بواحدة أفضل امشي بيها السودان واشتغل بيها مع ناس ترحال اللي مفروض إنهم شركة مسجلة ودافعة ضرائبها وبناء على كدة بتخصم من مشاويري
اتفاجأت بإنه الجمارك بقت 6 أضعاف قيمة العربية
وإنه الحكومة ختت طاقيتها مع السواقين .. يعني الشركة بعد تدفع ضريبة مشوارك تجي الحكومة تدفعك انت ذاتك وتقطعك ايصال
علماً بإنه ضرائب الحكومة تزيد بمتوالية هندسية شهرية
هاك الاستثمار دة

عبد السلام غير متواجد حالياً   رد مع اقتباس
قديم 12-01-2018, 12:06 PM   #18
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي بغض النظر

اقتباس:
المشاركة الأصلية كتبت بواسطة محسن الفكي مشاهدة المشاركة
بغض النظر :
1- عن كونو عيشة سنة خمسة وسبعين والفين وإتنين مدعومات.
2- بغض النظر عن تاريخ ميلاد القارئ ،قبل أو بعد سنة ١٩٧٥!
حقو أسمي البوست ده "بغض النظر" ، لأنو مقاربة ومقارنة سعر العيشة جاتني بعد نقاش مع أحد مواطني دولة خليجية،مطلع العام ٢٠١٦، حيث ذكر لي أن زيادة سعر الوقود تجعل لتر البنزين أقل مما كنا ندفعه قبل ٤٠ عاما.
بغض النظر عن الزيادة الجديدة ، لهذه الدولة المنتجة لأكثر من ١١ مليون برميل يوميا، مطلع العام ٢٠١٨(أي بعد عامين فقط) أقول:
معروف قانون السوق ، يفتح الله ويستر الله، والداير يخسر "يكسر" والداير يبيع بي راسمالو "يغسل" وهكذا.
في العقد الماضي من بداية الألفية الجديدة، زمن الأوفلاين "الجميل!" ولما البورداب كانوا بيعملو لمتهم، في قندهار وكلو واحد جاي شايل الشير بتاعو، كان مية كان ميتين، ما كان بيسأل السرير القاعد فيهو ده حق ست المطعم ولا مأجراهو من المحلية، لأنو البوردابي الأوفلايني في النهاية هو الذي يدفع حق "العنقريب" ده وليست صاحبة المطعم .
بيدفعوا للمحلية عديل وما بيقول تلت التلاتة كم.
قصدي شنو ما بيقول للمحلية تلت التلاتة كم، لأنو بيجي هنا شايل الصور وبس لكن أي كتابة حول أصحاب المطاعم وكيفية تدبرهم لمعاشم مافي.
عن نفسي ما شفت قندهار، لكن قريت كتير عن المشاكل التي جرت وتجري بين الجهاز الجبائي للدولة وبين هؤلاء النسوة.
وهي في مجملها زي صورة عبد السلام الفوق
إذا كانت الدولة بتأجر الدرداقة للصبي في السوق المحلي، عشان يدردق ليك بيها كيسين خدار وشوية بقالة وفاكهة لي محل عربيتك أو الرقشة.

بغض النظر عن إنو يجيني "مبرراتي" ويقول لي هسه السوداني وكتو مليان وما بيقدر يشيل الاكياس أو صفيحة الطماطم وربطة الجزر وما عارف شنو داك.
لكن السوداني موديل٧٨ زيو وزي ذاك البوكس المفضل ، مكنتو قوية وبيقدر يشيل قفة الخدار براهو لأنو فيها (ربع) كيلو وشوية كم كوم بصل على طماطم على أسود .. الخ الخ.

هل الدرداقة إكتشاف حديث، ما من زمان موجودة ، لكن مع أدوات المعمار وبس ،ونفس الشئ الموتر ابوتلاتة لساتك، لكن ما كنا بنستخدمو زي رجيلنا،لأنو القوة الشرائية وليس الجسدية هي الضعيفة.
كل الحاجات دي وغيرها الدولة بتاخد عليها "أتاوة" وبرضو برغم كل الاتاوات والجبايات والدلع (ركوب الرقشات لمسافة ٢٠٠ متر) و(الشيل بالدرداقة) رغم كل ده لازالت أسعار اليوم مقارنة بالدولار هي الأرخص!
بغض النظر أخيرة:
هسه لما الدولار كان بي ٣٠ جنيه، والدولار الجمركي بي ٦ جنيه، في زول جه فتح خشمو وقال :
ليه نحن نبيع الريال بي ٨ جنيه سوداني، وندفع جمرك أقل مما يعادل ريال واحد!.
خارج النص
القمح يتزرع في روسيا ،أو أمريكا ويصل للسودان ويتباع أقل من سعر نفس الرغيفة في
اقتباس:

كمثال هسة في السعودية التلاتة عيشات بريال
مش مفروض أقول التاجر الأمريكي بيخسر ولا ما أقول؟!
ما بقول لأنو أكيد ما بيخسر
قلت إنو سعر العيشة عندنا بعد ده كلو أرخص من أمريكا وروسيا التي (ذهب دنو عذابها).
خارج النص
يقول ليك دولة بتنتج ١١٠٠٠ برميل يوميا بتاكل منها هي براها مليون برميل
ويقول ليك لمن نشتري العربية من هناك أرخص من السودان لأنو الجمارك ٣ أضعاف
بعد ده كلو سعر المواصلات العامة في السودان يساوي (واحد على سطاشر) مما يدفعه الراكب الخليجي.
تاني تعال قول لي الطيارة فيها بوري!
لو جيت قلت لي الطيارة فيها بوري
ما ح أوريك الطفا اللمبة منو
لكن بقول ليك : "إرتفاع القوة الشرائية" و "نحنا الأرخص" وإمكن أكتب "سودانا فوق"
محسن الفكي غير متواجد حالياً   رد مع اقتباس
قديم 18-01-2018, 12:15 AM   #19
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي العيشة ترخص كيف لو دي طريقة تفكيركم

تر حال وليس
تر كرك
اقتباس:
المشاركة الأصلية كتبت بواسطة عابد البادنابى مشاهدة المشاركة
محل كريمات
200 مليون فدان صالحة للزراعة،وأنهار وبحيرات وبحار حمراء صالحة لزراعة اﻷسماك،مراعي طبيعية وثروات في باطن اﻷرض وظاهرها.
لو بس صدر منها السودان زيت فول أو عباد الشمس وﻻ أقول السمسم لهبط سعر الدوﻻر لسابع أرض.
طريقة التفكير هي التي قادتنا لتغيير نمطنا الغذائي ثم هجر الزراعة وأخيرا أصبحنا نستورد سلة غذائنا عوضا عن تصديره.
والجبايات هي الجبايات في كل مكان يصله اﻹيصال اﻹلكتروني ﻷن الجمارك والضرائب هي عصب إقتصاد البلد الذي أقصى ما يحلم به أفراد بلد الغبار والكتاحة بيع الكريمات، والتي هي مستوردة وليست كركار!
محسن الفكي غير متواجد حالياً   رد مع اقتباس
قديم 19-01-2018, 03:24 AM   #20
نجاة النور
 
الصورة الرمزية نجاة النور
 
تاريخ التسجيل: Feb 2012
المشاركات: 1,521
افتراضي رد: بوست العيش

سلام ود الفكي
انت جادي في كلامك دا
في السودان اقلب الاسر بتتكون اقل شيء من من سته أنفار نقول بياكلوا وجبتين بس في الْيَوْمَ كل واحد اربعه عيشات لي الوجبتين الاربعه في سته بي اربعه وعشرين جنيه الشهر بي ٧٢٠ وين ناس طبيخ كهرباء مويه علاج غاز مدارس
نونسك عن الشغل الاضافي عندي غفير شغال معاي كان صبي ما متزوج اتفقته معاهو امشي اشتغل لأكن لازم المغرب أكون في البيت المهم اتزوج الليله عندو اربعه عيال تلاته في المدارس دخلوا في الشهر ١٧٠٠فيها مواصلات لي الشغل ٦٠٠ اها دي إحسبوها كيف أكان قلبتها بي كل الجهات ما بتلفق العيشه قلبته مرتو بتبيع الشاي شغل إضافي علي قولك ناس البلديه كشوهم تلاته مرات واصادروا العده علي قول عبدالسلام الله اطراهو بالخير وين الشغل كان اتلقي دي الحاله
بالمناسبه هي بتعوس كسرا لي عياله شوال الفحم بي ٨٥٠
والله الناس في السودان حالها اصعب علي الكافر انت بتقارنهم مع ناس السعودية والخليج ديل الله مناهم بالنعمة
والمعيشه عندهم مدعومه
الليله صابونة الغسيل حاجه كافرا دي بي ١٠ جنيه والبيضه الواحدا بي تلاته جنيه وشوال السكر ١٣٠٠ بس معقوله دي
الحمدلله والله كريم عليهم
__________________
منو.... قال ......شنو
نجاة النور غير متواجد حالياً   رد مع اقتباس
قديم 19-01-2018, 06:45 AM   #21
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي كلنا جادين

سﻻم وتحية نجاة النور
محسن جادي وإنت برضو وبالطبع محاسن، كلنا جادين ومعانا الشارع وصفوفه كمان.
هذه شهادة محاسن النور قيل ثﻻثة أسابيع بالضبط في يوم الجمعة 11 ربيع اﻵخر 1439
اقتباس:
المشاركة الأصلية كتبت بواسطة محاسن النور مشاهدة المشاركة
السلام عليك اخ عبد المنعم ...
خرجت وكان صباح يوم جمعه فقط لاري ماذا يحدث في الشارع خارجا ومع العلم اني اسكن في حي فيه اربعه مخابز بكل انواعا من بلدي وافرنجي وٱلي....وجدت العجب صفوف العيش تصل الي نهايةالشارع بل تقفله وكل الرؤوس منكسه كان التي امامهم جنازة يصلون عليها ولا تسمع حتي مجرد الاحتجاج او الرفض ...كل العالم الواقف يسير بي منتهي الدقه والنظام طبعا صف للنساء ايضا.وقبل صلاة الظهر كان كل الناس اخذت كمية العيش الذي يكفيها لكل اليوم و من ضمن الوقوف رجل يلبس عمامه افترشها ليضع فيها العيش من سخونته ههههههههه ضحكت وشر البلية.....والسيدات جئن جاهزات بي ...مواعينهم ...للفول ايضا..
اقتباس:
المشاركة الأصلية كتبت بواسطة نجاة النور مشاهدة المشاركة
سلام ود الفكي
انت جادي في كلامك دا
محسن الفكي غير متواجد حالياً   رد مع اقتباس
قديم 19-01-2018, 11:02 AM   #22
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي اقرأ بوست العيش مرة اخرى!


لو العيشة بقت بي عشرة جنيه.. عشرة شنو قول مية جنيه .. الحايحصل شنو؟
حا يحصل نفس المشهد والمنظر الحكتو محاسن ، مع اﻷخذ في اﻹعتبار أنها جاية" متفرجة"..
الناس واقفة صفوف عشان تشتري العيشة في أول صباح لها لما بقت بي جنيه (الف جنيه سابقا) ويجي أبوعمة يضري عيشو.

بوست العيش أو العيشة لا يقرأ كبوست سياسي إﻻ في إطار تغيير النمط الغذائي للمجتمع ليعود ﻹنتاج عيشه.
إنه مجتمع قهقه ضاحكا وساخرا في المنافي البعيدة (الوﻻيات المتحدة تحديدا) عندما صرح لهم هناك وزير المالية بالعودة للكسرة.

لن نعود "ﻹنجيرتنا" للكسرة طالما ﻻ نفلحها ، وغاية مبلغ همنا ييع الكريمات وسواقة المركبات، وكنا سنغض الطرف لو أن هذه اﻷشياء غير مستوردة، كالوقود وقطع الغيار ..ومستلزمات الكريمات.
سنعيد ما سبق ذكره بإنو آليات السوق يفتح الله ويستر الله،والعيشة لسه الناس واقفة ليها صفوف ولم تكسد وعليها طلب.

نفس الحال ينطبق على ما يسمى بمصاريف المدارس ، اها المدارس دي لما عملها المستعمر في بدايات القرن الماضي كان عاوز ينتج منها كوادر من اﻷفندية تقوم بمهامه، ومن ثم يستعبدها بالماهية.كان كل كادر العمل اﻹستعماري مكون من 500 فرد، الباقي جاي من اﻷفندية.
بغض النظر ( حلوة بغض النظر دي وقد تكون غياظة للبعض) عن بعض القراء الذين يحنون للإستعمار أو للعيشة أبو قرشين وللزمن الجميل أقول:
كان المستعمر يجوب القرى والحضر لجلب التﻻميذ للمدارس وﻹقناع اﻷهالي بذلك.
ومع إنو كان زمن جميل فيهو الكسرة والعصيدة والسمن واللبن واللحم بالأقة "الوقة" لكن كان المواطن ينتجها بيده
ﻻ يستوردها.
رغم ذلك كان "بيدس"ولدو عشان ما يتعلم ﻷنو ولدو "منتج"وبيساعده في الزراعة والرعي.
لما يشيلو منو ولده انتاجيته ستقل وتهبط ويغشاه الفقر من جراء يباس زرعه أو نفوق ماشيته.إذا الحل هو رفض التعليم مهما كانت مغريات اﻹنجليزي من داخليات للسكن واﻹعاشة والمواصﻻت ..و ..و البيرسري!
كنا كالمؤلفة قلوبهم، يزكينا المستعمر لننفذ سياساته.لذا كان التعليم مجانيا مقابل سوق العمل.
واﻵن التعليم يدار بآليات السوق والمدارس الخاصة لها الغلبة
من أين لنا بكل هذه اﻷموال ؟
اﻹجابة
اقرأ بوست العيش مرة أخرى.

محسن الفكي غير متواجد حالياً   رد مع اقتباس
قديم 19-01-2018, 03:40 PM   #23
نجاة النور
 
الصورة الرمزية نجاة النور
 
تاريخ التسجيل: Feb 2012
المشاركات: 1,521
افتراضي رد: بوست العيش

اقرأ بوست العيش مرة أخرى.

والله قريتو حرف حرف ، وبرضو ما بتقنعني معاك في نقطه واحدا صاح البلد كانت رخيه زمن الزمن الجميل والتعليم مجاني الليله المعلم ماهيتو كم وتفتكر بتغطي نفقات البلد الاسعار طائره بي صاروخ يا ود الفكي لجوء لي الدخل الاضافي علي قولك دروس خصوصيه زيد قروش الدروس مع العيش وهلما جر ، يا ودالفي دي معادله صعب حلها
وشنو كلكم بتتكلمو عن الكريمات ، بتتباع قدر ظروفك بالملعغه ، والبنات زي الهم في القلب بي نسبة 75% من الرجال منافسة تلقي ليها عريس صعبه شديد ، بفتشو علي ولد الحلال دا لو أتوجد عشان اخارجهم من الزنقه الهم فيها ضيفه لي الشغل الاضافي من غير توضيح !! يعني تبقي قبشه وجعانه ، الجوع كافر
انت بتحكي عن كان وكان دا ماضي خلينا في الحاضر
محاسن بتقول رغم الغلاء الصفوف طويله والنَّاس بتشتري ، وانت بتقول لو لو إغلاء من كدا الناس برضو ح تشتري ، اهااا بي فهمك اعملو شنو ، دا وضع حلو عندي العزيز الجبار
دي بلد الكلام فيها بحساب الاختلاف ممنوع والاعتراض مرفوض والنقد غير جائز والخلاف غير وارد والنقاش ما مستحب ما علينا غير الالتزام بالتعليمات
__________________
منو.... قال ......شنو
نجاة النور غير متواجد حالياً   رد مع اقتباس
قديم 19-01-2018, 06:01 PM   #24
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
افتراضي رد: بوست العيش

اقتباس:
المشاركة الأصلية كتبت بواسطة نجاة النور مشاهدة المشاركة
وبرضو ما بتقنعني معاك في نقطه واحدا صاح البلد كانت رخيه زمن الزمن الجميل
اقتباس:
المشاركة الأصلية كتبت بواسطة نجاة النور مشاهدة المشاركة
محاسن بتقول رغم الغلاء الصفوف طويله والنَّاس بتشتري ، وانت بتقول لو لو إغلاء من كدا الناس برضو ح تشتري ، اهااا بي فهمك اعملو شنو
رخية معناها الناس عندها قدرة شرائية، ودي الحجة القائم عليها بوست العيش. : ) .
محسن الفكي غير متواجد حالياً   رد مع اقتباس
قديم 19-01-2018, 06:51 PM   #25
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 25,876
Icon36 رد: بوست العيش

هل ستتغير سياسة المواطن الغذائية؟
اﻹجابة حسب إقتصاد وآليات السوق المنظورة قطعا ﻻ !
قلت ان جيب المواطن في الزمن الجميل ( هو طبعا ﻻ جميل وﻻ من يحزنون زمن زفت ومنيل بي ستمية نيلة العاوز يعيش بلمبات الجاز وبﻻ إنترنت داك ياهو الباب مفتوح لمن يرغب ) كان غير قادر على الشراء من أساسو، والعيشة دي لدي اهل القرى في ذلك الوقت وﻻ زالت بمثابة كماليات وبيتعاملوا معاها زي كأنها قطعة باسطة أو جاتوه.
كثيرا ما كان يشاهد ركاب القطار المتجه لحلفا في مناطق الرباطاب الصبيه يلهثون خلف القطار لمئات اﻷمتار وهو يصيحون
عيشة.. عيشة..عيشة.. وأكيد طفل بهذه اللياقة البدنية في الجري ليس جائعا بقدر ماهو يبحث عن الترف!
هل العيش ترف؟
طبعا دي ما عاوزة جدال سبق وقالت اﻹحصائيات أن الشعوب الغنية هي التي تأكل القمح، فما بالك إن لم تكن منتجة له.
حتى الخواجات ما بياكلو عيش زي ما بياكلو بطاطس وشوفان ومكرونة.
حتي اهل الخليج بياكلو اﻷرز
مصر بلد كانت منتجة للقمح أيضا بتاكل رز بالتوازي

ما دايرين تجيبو ترإكترات وخايفين من الجبايات وخﻻص العيشة "الرخيصة" أبوجنيه جه الزمن الناس بقت ما قادرة تشتريها وغالية
الحل بسيط
ﻻ تركتر ﻻ محلية وﻻ شيل هم
عندك 20 متر مربع فاضية في حوش بيتكم.
ﻻ ..
مافي 20 متر؟ ساكن شقة ؟
أها إن شاء الله فيها بلكونة متر في اربعة أمتار
المساحة دي (4 أمتار) ممكن تزرع فيها طماطم أو جرجير أو بامية أو بصل.
ولو ضامن موافقة جارك أسعى ليك جداد للتسمين.
كده بتكون أوقدت شمعة بدﻻ من لعن الظﻻم.
اليابانيين بقو يزرعو في كيس نايلو مش في بلكونة.
لكن
نحن نزرع ونتعب ليه؟
اخير لينا عيش الفرن والعشا دليفري.
قال بلكونة قال.
مع إنو الناس مفروض تكون على دين ملوكها وتحاكي رئيسها الماهية الما مكفياهو وخلتو يزرع
لكن نحن محلك سر!
عاشت اﻻنقاذ اﻷكلت الناس الهوت دوق، وخلت في كل ناصية محل بيتزا
محسن الفكي غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:43 AM


Powered by vBulletin® Version 3.8.7
Copyright ©2000 - 2018, vBulletin Solutions, Inc.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .