مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: تحركات المعارضة اليوغندية للإطاحــة بنظام موسفيني (آخر رد :المنصورى)       :: عزاء واجب (آخر رد :عادل البراري)       :: الدنيا (آخر رد :نارديس اجانق)       :: امريكا تدفع 140 مليون دولار لنشر الإيبولا (آخر رد :عبد الرحمن المنصوري)       :: المخالفة لـ tolop tolop: Inappropriate Language (آخر رد :ود الشيخ)       :: منظمة أطباء بلا حدود سبب الايبولا والكثير من الامراض .. (آخر رد :Rami)       :: الجنوبِيات (آخر رد :نارديس اجانق)       :: صوت شكر وامتنان للشعب السعودي (آخر رد :عادل البراري)       :: ملطشة القاهرة (آخر رد :نزار العمدة)       :: مصابك سميرك .. (آخر رد :زهرة الروض الظليل)      

إضافة رد
 
أدوات الموضوع انواع عرض الموضوع
قديم 16-06-2011, 02:46 AM   #1
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي مجموعة قصائد شايقية مختارة

بجيك قاطع مسافات العشم ...

( عبدالرحيم ارقى )

باكر بجيك قاطع مسافات العشم
شايل معاي هوى العيون
آمالي في أجمل نغم
باكر بجيك قاطع مسافات العشم

بجيك من سكـــة القلب العشق ذاتك سنين
بجيك من صفحة الماضي الكان قاسي وضنين
خايف يكون زيف المدن غير أصالتك والحنين
جايك من ليل العـذاب ارجيني بالصبح المبين

فُتيني للليل الطــويل يرميني في حضن الآلم
سبتيني بين شبح الظنون وأحزان بتنبع من وهم
ارجيني فوق أرض الصبر جايك من زمناً سجم
لا فيهو للأفــراح طريق ولا فيهو للأيام طعم

باكر بجيك بي لعنة الريد المـــــلك قلبي الجريح
بي حال بيغني عن السؤال ما بوصفو الخاطر الفصيح
خايف يقصر بي العمــــر تحملني من الدنيا ريح
لو كان مُقدر إني اروح سوي لي في روحك ضريح


سافرتي مـــا خليتي خيط ابراه للمرسى الجديد
سافرتي مـــا خليتي لي غير ذكرة الزمن البعيد
علمتي روحي الإنشراح علمتي قلبي يحــب شديد
فجاءة اختفيتي من الدروب وأخفيتي كل زمني السعيد


لكني لي أحســـاس يسوق خطواتي لأجمل عيون
باكر بتلقي خطاي معــاك تتمشى ما بين الغصون
ما تقولي لي وصلت كيف مــن دل قلبك يا حنون
أنا قلبي أصبح ليك مكان يا الناسية إني انا ليك كون

باكر بنكشف الضباب القـــاك في فرح الشباب
تقشي في دمع الفـــراق وتزيلي في أثر العذاب
بكرة المسافـات تجتمع وتلم قلوب يوم عيدها آب
ويعود شباب الفي هواك يا حلوة بي أحزانو شاب
__________________
درة المدن السودانية عطبرة حبيبتي

مها تكونة غير متواجد حالياً   رد مع اقتباس
قديم 16-06-2011, 02:47 AM   #2
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

الوداع ... ( الفنان / عبدالقيوم الشريف )

بتمشي من غير ما توادعي لا تقولى مع السلامه
برضي ما قادر اعاتبك ولاّ ارمي عليك ملامة
ليه تسافري بدون توادعى ينسي قلبك وين حنانو
كيف عليك العشرة هانت ريدنا ليه لحظاتو هانو
بين مخاوفى شوقى ضايع لما سفرك حان اوانو
قلبي كان متمني شوفتك يا العليك تكلوا ورهانو
فى السراب صدقت مخاوفى ظنى اصبح فى مكانو
ما الزمان دايما معاند واصلوا ما مضمون أمانو
عدي فوقى العيد وروح لا معايده لا إبتسامه
من بعادك ونار فراقك قلبي عيديتو الندامه
والخلوق طلت تبارك بي تهانيها وسلامه
والعيون اجفانها لا قت لا استراحت فى منامه
فى الغياب سيرتك معايا ياما ناجاك قلبي ياما
كلما لاوحلى طيفك ابكي بي دمع الندامه
يا مسافري على بلدنا شايلى روحى معاك هديه
ليك وللناس الغلابة برضو شايف الروح شويه
داير اوادعك كنتا واكتب فى سواد عي... وصيه
ابقي ميه على عيونك ريدنا ابقي عليهو ميه
وقولى للوالدة الحبيبه انا جاي في عيد الضحيه
كلميلى ابوى عنك عن بنا الريد والمحبه
شيلى من بركات عيونك ادى اصحابى الاحبه
امشي يوم جمعه الضرايح زورى فيهم قبه قبه
قولى للوطن البريدو قلبي بالاحزان معبا
غربتي الطالت شقتني وكل يوم زايدانى غربه
لما ترجعى بالسلامه جيبي لى معاك نسيمه
من بلدنا وجيبى لى من طنابرتا كم نغيمه
فوق جمر راجيك تعودي تومه لى روحى اليتيمه
تاني لى قبال تسافري وتبقي فى صيف عمرى غيمة
وتبقي فى الابد المؤبد خالدة عشرتنا الحميمه
ريدة تجمع بين قلوبنا عامره بالنيه السليمه .
__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 02:49 AM   #3
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

المواجع

خالد شقوري



- لما نبكى من المواجع قلنا نرتاح فى بكانا
قولى كيف نرتاح ونحن نبكى من شدة هوانا
الليلة رحلة الأشواق بعيدة والشواطئ بعيد مكانه
حتى فى بر الأمانى السنين هدت قوانا
كنا نحلم بمداين فيها نرتاح من شقانا
قولى كيف نرتاح ونحن نبكي من شدة هوانا
القدر طاوع قلوبنا وخلى بحر الريد حدانا
ونحن ماصدقنا قمنا نشرب فوق روانا
دى المشاعر فينا فاضت غرقت فرحة صبانا
ما النعم مرات بتشقى والله بالريد إبتلانا
مرة طلت دارنا غيمة ونحن ياما الريد غشانا
شايلة فى الخاطر محنة جات تعيش الريد معانا
جات تصب فى الريدة ريدة لو قليل يبرد جوانا
كيف يا غيمة نرتاح ونحن غلبنا فى هوانا
ما غريبة على البريدو يلقوا فى الريده المهانة
ياما كتير أحبه غرقوا فى بحور الذل عشانا
فى الحقيقة الريدة مره ضقنا مرها فى غنانا
ماهو قيس بكى من هواهو مانحن برضوا الريد أذانا
يا زمن لو تصفى نصفى فى البوادى يعم صفانا
والعيون تصبح مرافئ فيها نرتاح من عنانا
رحلة الهم بينا طالت ملت التسيار خطانا
نعمل آيه ما نحن غلبنا فى هوانا

__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 02:50 AM   #4
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

قلب بالصح
محمد سفلة




دا ما القلب البجرسو شوق اذا ما اختار سميرو بعاد
ولا القلب التبكي حبيبة لو غابت عن الميعاد

قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وتجواد إلا من الضعف معتوق


قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق

قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق

قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق

فشكرا ياحبيب الروح على مروادك المطبوق
انا ان حبيت بقدّر زولي وان فارق(ت) بفوت بي ذوق

دة ما القلب البجرسو شوق ..الا بيبكي لما يشوف مابين الخلق في خلوق
ماخده طباعا من الغابه شايله ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق

وداعاً يا حبيب الروح .. وداعاً يا ملاذ الروح ..
وداعا وما بقول بنساك .. وداعا والقلب محروق
وداعا وفي الختام دنياك مناي وراي تسوي القوق
تمدلك السعاده ايدينا لي فردوسا ليك تسوق
وداعاً يا حبيب الروح ..

وسيبني اعيش قسمتي وراك باسم والكبد محروق
وقسم بالله .. رغم جراحي لسه عليك قلبي شفوق
وقبال الزمان يفرقنا بوصيك والعتاب ملحوق
بخاف يا من رضيتلي معاك غصب إتمطق العميوق
بكرة تدور عليك الدنيا ومن كاساً سقيتني تضوق
__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 02:51 AM   #5
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

إبتسامه
جعفر السقيد



ضاري الهموم بي طرحتك لا تفضحى السـر الدفيـن
لو تجدي دمعات العيـون كانـت بقـت فتحـاً مبيـن
لى ناس بتستلف الصبر من بكره شان تحيابـو ديـن
تترجى زمن ما بيجي راجياهـو أجيـال مـن متيـن
أبقي زي مـا قلتـا مبتسمـه فـى الزمـن الحزيـن
مغسولة بي نور القمر ولابسه العفاف في كـل حيـن
ما عندي ليك غير الهوي وطنبـور موتـر بالحنيـن
اطفيبـو نيـران الجـوى واكتبـوا اغانـي المتعبيـن
كان يحلم البايت القوى بالعيشـة مـا بيـن مترفيـن
يوماتي بحلم زى طفـل وابنـي الرواكيـب والبيـوت
الوقت فوق ساقية قصب واشتلـك احـلام دار تمـوت
من غير ظنون وبلا شروط نسكن بيـوت العنكبـوت
واحلامنـا نديهـا البحـر تتخ...ـا الموجـه وتفـوت
يوم قلتا اسـرح بـي وراك تاقيتـي بـاب الموبقـات
قلتـي إنـك مؤمنـه وممتسـلا بـأمـر الصـفـات
كل المصائب والمحن فاتحـالا صـدرك مـن ثبـات
ما تكلميني عن الهوي وعـن قصـة الحـب البضيـع
مابين مشاوير الحياة وسنـدان زمـن قاسـى وفظيـع
رغم إنو درسنى الصبر خرجنى لافـى بـلا وجيـع
رضيان من العالـم وراى ركبـت قطـارات النجيـع
نمـرق يواكبنـا الـرزق لكنهـا الارزاق نصـيـب
نرجع نخاف شبح الظلام والوحشـة والليـل الرهيـب
نتلاقي تضحكى من بعيد وفى الكتمه ضحكك همبريـب
وعفواً حبيبتي كما الطيور عايشين كفاف زمناً عصيب.
__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 02:53 AM   #6
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

أفـتـقـدتــك
الفاتح ابراهيم بشير
طارق العوض


يا حبيبى أنا افتقدتك لمـا طـال الشـوق علـىَّ
انت عارف روحى غيرك لا بتموت لا بتبقى حيه
يا حليلى أنا كنتا قايلك زى زمـان مهتمـى بيـه
فى الحزن تحزن معاى ويوم أغيب تسـأل علـى
باختصار انا كنتا قايلك انـت اقـرب منـى ليـه
انت اتاريك بى مشاعرك مستقـر فـوق الثريـا
الصباح الفى عيونك باعنـى لـى بحـر الأسيـه
سابني بين شطآنوا هايم جارى لى عنـد العشيـه
لانى قادر اقول كفايه ولانى راضى أكون ضحيـه
والمصيبه أنا كان جنيت ولا بكيـت هيـه هيـه
كل مصيبتى هويت عيونك فى زمن ظالم شويـه
يكره الحب والتصافـى يعشـق الجفـا والرزيـه
الطيور وكتيـن تغنـى الزهـور تصبـح نديـه
إلا عاد كيفن تغنى وعينهـا فـى عيـن الحديـه
افتقدتـك وانـت عـارف زي يعشـق بالسجيـه
مستعد ما عندو مانع يهدي ليـك الـروح هديـه
ماب يهادن مابيسـاوم ومـا ببيـع أبـد قضيـه
لو تموت الدنيـا فوقـوا يرتكـب مليـون جنيـه
افتقدتـك يـا منايـا يـا سعـد روحـى الشقيـه
افتقدتك لما فاضت بى همومى والأمور لاجت عليه
افتقدتك يا صباحـى والظـلام ضامـى العشيـه
افتقدتك يا نصيـرى والعـزول عاصـب عينيـه
افتقدتك الف مـره لمـا شمتـو اصحابـى فيـه
شفت كيف أنـا افتقدتـك لحظـة الألـم العتيـه
انتا ماك جايب خبيري ماك مفكـر تبقـى جيـه
حتى يوم لاقيـت صحابـك منـك اتوقـع تحيـه
إلا وآخيبـة رجـاى واحـلال الحسـره بــىَّ
__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 02:54 AM   #7
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

سافر
الفاتح ابراهيم بشير
جعفر السقيد


عليك الله سافرعليك الله شيل الأمانى معاك
وشوف البيبكى عليك أو حتـى يترجـاك
أنا تعبتا خلاص من جورك انـت علـى
تزعل بدون اسباب ومن تانى ترجع لـى
خليك معاى واضح لا يبقـى قولـك نـى
يا انت ابقى معاى يا انتـى ماليـك بـى
رغم الحصل والكان ياما صبرتـا عليـك
كان العشم جواى تصدق معـاى عينيـك
لكن غرورك فاض كتل البـراءة الفيـك
خلاك تقول مجبور أنا بكره برجـع ليـك
اوعك تظن فى يوم أنا قلبى برض الـذل
او يستكين هيمان ويرجاك عنـد الضـل
انت الفتحت الباب وقت للخصـام ادخـل
وانت الزرعتا الشوك وقلعت شجر الفـل
أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فـوق الكرامـه وداس
مجبور اقـول القـول القالـوا بوفـراس
فى شعروا قالوا كلام مدهش جميل يسبـى
لا تملـك الحسنـاء مهمـا تكـون قلبـى
أنا برضى زيو كمان أعلنت لـى حربـى
وعايش قليبى بقول يا اخوانا آيـه ذنبـى
والله يا المريـود خليتنـى فيـك محتـار
مرات بشوفك نور مـرات بحسـك نـار
مرسالى وكتين جـاك قابلتـو باستهتـار
وما تنسي أى حديث دائماً بدايتـو شـرار
يا قلبى اصبر اصلو الظـروف قاصـداك
معليش إذا جاء الليل وخيم علـى دنيـاك
عـذراً إذا الأحـلام اكبـر مـن الإدراك
وعفواً اذا حبيت زول ماعـرف معنـاك

__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 02:54 AM   #8
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي رد: مجموعة قصائد شايقية مختارة

اول مرة اعرف الدبلوماسيين ديل دخلو عطبرة
كوت قايل بس المحلي

اقتباس:
وشوف البيبكى عليك أو حتـى يترجـاك
__________________
متفائل بأمل جديد
ودالشيخ غير متواجد حالياً   رد مع اقتباس
قديم 16-06-2011, 02:59 AM   #9
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

هذه الاغاني تعجبني جدا موجودة عندي في البريد حبيت انزلها لكل عشاق اغاني الشايقية
__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 03:04 AM   #10
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي رد: مجموعة قصائد شايقية مختارة

يعني ضايع ليك دبلوماسي
مسلا
__________________
متفائل بأمل جديد
ودالشيخ غير متواجد حالياً   رد مع اقتباس
قديم 16-06-2011, 03:11 AM   #11
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

اقتباس:
المشاركة الأصلية كتبت بواسطة ود الشيخ مشاهدة المشاركة
اول مرة اعرف الدبلوماسيين ديل دخلو عطبرة
كوت قايل بس المحلي
سيد البيت ازيك
معليش دخلنا بلا كركبة
انت قايلم دخلو عطبرة براها الشئ ديل فاتو غادي لي ابو حمد
وهناك واحد مد راسو من المحلي سال ليهو شافع من شفع بلدنا المسيخين ديك
الدبلوماسي قال للشوفيع : دي ابو حمد ؟؟
الشوفيع ..مارباطابي مابحتاج ..قالو لا لي ..دي ابو ظبي
__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 03:14 AM   #12
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي رد: مجموعة قصائد شايقية مختارة

لا لا الليلة ياقروية
انت ياقروية يا السمنتك بلدية
طوريتك الملوية زراعتك المطرية

وحات سيدي الحسن إتي الليلة ما براك
__________________
متفائل بأمل جديد
ودالشيخ غير متواجد حالياً   رد مع اقتباس
قديم 16-06-2011, 03:37 AM   #13
مها تكونة
 
الصورة الرمزية مها تكونة
 
تاريخ التسجيل: Dec 2007
المشاركات: 1,453
افتراضي رد: مجموعة قصائد شايقية مختارة

اقتباس:
المشاركة الأصلية كتبت بواسطة ود الشيخ مشاهدة المشاركة
لا لا الليلة ياقروية
انت ياقروية يا السمنتك بلدية
طوريتك الملوية زراعتك المطرية
وحات سيدي الحسن إتي الليلة ما براك
انتي وانا ..من حقنا نفرح نطير زي الفراش لي مكان بعيد ماشافو زولاًً قبلنا
الله يرحمك ياهاشم ميرغني ....
وحات الله رايحه لي نومة ساي ........
__________________
درة المدن السودانية عطبرة حبيبتي
مها تكونة غير متواجد حالياً   رد مع اقتباس
قديم 16-06-2011, 06:26 AM   #14
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي رد: مجموعة قصائد شايقية مختارة

[QUOTE=مها تكونة;423463]انتي وانا ..من حقنا نفرح نطير
QUOTE]
لا لا نفرح ما عندي مانع نطير
طيري براك
خليني في ا....
__________________
متفائل بأمل جديد
ودالشيخ غير متواجد حالياً   رد مع اقتباس
قديم 16-06-2011, 03:56 PM   #15
عبدالوهاب الشريف
 
تاريخ التسجيل: Jun 2005
الدولة: المملكه العربيه السعوديه
المشاركات: 3,986
افتراضي رد: مجموعة قصائد شايقية مختارة

أكتب ليك واطّول في كتاباتي
يفيض احساسي وأملأ الدنيا بكلمات خطاباتي
بجمع ليك لغات الدنيا واكتب ليك
وبي لغة العجم مرات...... وبالعربي الشديد وفصيح
وبي لغة الملائكة احيان... والسرياني والتسبيح
وبي كل ذرة في ها الكون...اكتبها ليك وأرسلها فوق جناح الريح
أكتب ليك في الأشجار
علي الأزهار
وفي الأنهار
محل ما تمشي قدامك ..تلاقي حروف رسالاتي
لأنك انت من ذاتي...يا ذاتي
ومهما كتبت ما بقدر أعبر ليك عن الجواي..مهما طاوعت أقلامي كلماتي
****
وليه ما اكتب وانت الماضي بي احزانو... بأفراحو... والمستقبل الآتي
كتاباتك ...شويي خلاص
وانا الراجيكي تكتبي لي كم دفتر وكم كراس
ومنها داير أفصل جبي وأندروش ..كمان طاقيي فوق الراس
ومن كلماتها اسوي السبحي والبخرات ..وكم حجبات ..اداريبن عيون الناس
وكمان تقروقة في محراب هواك أجلس مع الجلاس
وأخلي الباقي اتغتابو ..لو بعدك غشاني نعاس
وانا الراجيك تكتبي لي ..كتاباتك تكون في الظلمة لي نبراس
انا العايش فراقك لي ...بشوفك في عيون الناس
وعاذرك لو كتبتي قليل..رضيان بيهو مادام بي وفاء واخلاص
**********
أريت يوما فرقني معاك ..يكون محذوف من التأريخ
وتبقى ايامنا سته ونبقى بيها قراب
أريت بلدا تحرمك مني...لوما انت تبقى خراب
ويسكن في خرابها البوم ... ويصايح عليها غراب
وصاعقي تقع تدكها ..ما تفضل فيها ذرة تراب
وتولع فيها نار الله ..تصبح كوم رماد وهباب
تمرقي انت.... والناس المعاك قراب
ما دعّيت خاتي...الا الفراق اسباب
الشاعر إبراهيم ابنعوف
__________________
كن رجلاً رجله في الثرى وهامة همته في الثريا
عبدالوهاب الشريف غير متواجد حالياً   رد مع اقتباس
قديم 16-06-2011, 04:00 PM   #16
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي رد: مجموعة قصائد شايقية مختارة

هلا الدبلوماسين وصلو اها جيبو ود الحسيني
احي من الشلاقة الجابت اشراقة
سنة يا البركل
__________________
متفائل بأمل جديد
ودالشيخ غير متواجد حالياً   رد مع اقتباس
قديم 16-06-2011, 04:17 PM   #17
عبدالمنعم محمد
 
الصورة الرمزية عبدالمنعم محمد
 
تاريخ التسجيل: Apr 2007
المشاركات: 9,896
افتراضي رد: مجموعة قصائد شايقية مختارة

اقتباس:
المشاركة الأصلية كتبت بواسطة عمو قبلايا مشاهدة المشاركة
أكتب ليك واطّول في كتاباتي

يفيض احساسي وأملأ الدنيا بكلمات خطاباتي
بجمع ليك لغات الدنيا واكتب ليك
وبي لغة العجم مرات...... وبالعربي الشديد وفصيح
وبي لغة الملائكة احيان... والسرياني والتسبيح
وبي كل ذرة في ها الكون...اكتبها ليك وأرسلها فوق جناح الريح
أكتب ليك في الأشجار
علي الأزهار
وفي الأنهار
محل ما تمشي قدامك ..تلاقي حروف رسالاتي
لأنك انت من ذاتي...يا ذاتي
ومهما كتبت ما بقدر أعبر ليك عن الجواي..مهما طاوعت أقلامي كلماتي
****
وليه ما اكتب وانت الماضي بي احزانو... بأفراحو... والمستقبل الآتي
كتاباتك ...شويي خلاص
وانا الراجيكي تكتبي لي كم دفتر وكم كراس
ومنها داير أفصل جبي وأندروش ..كمان طاقيي فوق الراس
ومن كلماتها اسوي السبحي والبخرات ..وكم حجبات ..اداريبن عيون الناس
وكمان تقروقة في محراب هواك أجلس مع الجلاس
وأخلي الباقي اتغتابو ..لو بعدك غشاني نعاس
وانا الراجيك تكتبي لي ..كتاباتك تكون في الظلمة لي نبراس
انا العايش فراقك لي ...بشوفك في عيون الناس
وعاذرك لو كتبتي قليل..رضيان بيهو مادام بي وفاء واخلاص
**********
أريت يوما فرقني معاك ..يكون محذوف من التأريخ
وتبقى ايامنا سته ونبقى بيها قراب
أريت بلدا تحرمك مني...لوما انت تبقى خراب
ويسكن في خرابها البوم ... ويصايح عليها غراب
وصاعقي تقع تدكها ..ما تفضل فيها ذرة تراب
وتولع فيها نار الله ..تصبح كوم رماد وهباب
تمرقي انت.... والناس المعاك قراب
ما دعّيت خاتي...الا الفراق اسباب
الشاعر إبراهيم ابنعوف
اها يامها شفتي كيف اسياد الوجعة بعرفو انقو
عمو قبلايا عليك الله جيب
ياقمرا دلي السلسة الحمرا
معليش حبة طمع مننا
__________________
إذا حججتَ بمال ٍ أصله سحتُ ُ ** فما حججتَ و لكن حجت العيرُ

لا يقبل الله إلا كل طيبةٍ ٍ ** ليس كل من حج بيتِ الله مبرورُ
عبدالمنعم محمد غير متواجد حالياً   رد مع اقتباس
قديم 16-06-2011, 04:22 PM   #18
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي رد: مجموعة قصائد شايقية مختارة

بس دي كيتا
الشايقية قالت للشاقي يشق شقاق العناقريب

الراجل يتم الباقي في شان نودي البوست الخور
__________________
متفائل بأمل جديد
ودالشيخ غير متواجد حالياً   رد مع اقتباس
قديم 16-06-2011, 04:53 PM   #19
عبدالوهاب الشريف
 
تاريخ التسجيل: Jun 2005
الدولة: المملكه العربيه السعوديه
المشاركات: 3,986
افتراضي رد: مجموعة قصائد شايقية مختارة

اقتباس:
المشاركة الأصلية كتبت بواسطة عبدالمنعم محمد مشاهدة المشاركة
اها يامها شفتي كيف اسياد الوجعة بعرفو انقو
عمو قبلايا عليك الله جيب
ياقمرا دلي السلسة الحمرا
معليش حبة طمع مننا
غالي والطلب رخيص وشاعرها عبدالله محمد خير رحمه الله وقال القصيده بلسان ابنته وهو بالمناسبه كان يعمل ترزى في البطحاء وهى وسط الرياض وعندو بيت انا معجب بيهو وهو عباره عن رد لامراه سعوديه جميله مرت من امامه وصاحبنا طبعاً شاعر مرهف وشاف العيون والقوام وركز في المحاسن وقالت له ليش ياخي بتطالع ورد عليها:
بتسألي فيّ ليش يا أخي بتطالع؟
أطالع في قمر بهر خطف ساطع
أطالع في بدر فتق الخمار طالع
أطالع في القوام الأمرد الفارع
أطالع في جمر بيكي وبلاك والع
أطالع في النفس لا يبقى موو طالع
ورحم الله عبدالله وبفقده فقدنا كل الليالي الثقافيه في الرياض والمهم نرجع لي طلبك يامنعم.

يا قمره ... صبي السنسني الحمره
شوفي أبوي أنا الراجاهو كلو صباح
يا زينوبه أبوكي هو أصلو حالو بره
لو قاري العلم هو ولاهو سيد خبره
ومو زول غربه لكن الظروف جابره
مالو إن كان صبر كل الخلوق صابره
والصابرات روابح لو يجن قماح

هو أصلو متين نساكم يُمة شان يطره
بيتنفس هوا ذكراكم العطره
رهيف إحساس حنين قلبو بالفطره
نديمو بقت دموعو الديمه منقطره
وأصلو إن ما قعد بينكم ولا بيرتاح

جاهو العيد كمان زاد القليب حسره
ساد العبره حلقو ونفسو منكسره
هو لا لمّ القروش لا حصل المسره
بلد ما فيها زول مات من عدم كسره
فراقكم ليها يا أحباب ولا كان صاح

يا أمارتي الما طاعت الأمره
ندماني وبقت محتاره في أمره
بعد قسن الدرادر قصرن عمره
الشوق فاض وعماها الحنين غمره
الشوق للبلد لي بهجته وسمره
الشوق لي مقيلا ضم ضم تمره
الشوق لي حديثا ضم ضو قمره
الشوق للبلد جابريتا وككره
كان الشوق يخفف والله يبرى جراح

مشتاق للحسيناب أسقه وبكره
مشتاق للقبيل إتربوا فوق حكره
مشتاق للدميري ومويته العكره
مشتاق للجزيري وتشقه وهكره
مشتاق لي قطع بحره ودخول وكره
مشتاق للأبي يفارق الفؤاد ذكره
مشتاق للعلى مشغول دوام فكره
مشتاق للصباح ديدن غناي شكره
وياريت كت بقدر أسوي شوقي جناح.
__________________
كن رجلاً رجله في الثرى وهامة همته في الثريا
عبدالوهاب الشريف غير متواجد حالياً   رد مع اقتباس
قديم 16-06-2011, 05:03 PM   #20
عبدالمنعم محمد
 
الصورة الرمزية عبدالمنعم محمد
 
تاريخ التسجيل: Apr 2007
المشاركات: 9,896
افتراضي رد: مجموعة قصائد شايقية مختارة

اقتباس:
المشاركة الأصلية كتبت بواسطة عمو قبلايا مشاهدة المشاركة
غالي والطلب رخيص وشاعرها عبدالله محمد خير رحمه الله وقال القصيده بلسان ابنته وهو بالمناسبه كان يعمل ترزى في البطحاء وهى وسط الرياض وعندو بيت انا معجب بيهو وهو عباره عن رد لامراه سعوديه جميله مرت من امامه وصاحبنا طبعاً شاعر مرهف وشاف العيون والقوام وركز في المحاسن وقالت له ليش ياخي بتطالع ورد عليها:
بتسألي فيّ ليش يا أخي بتطالع؟
أطالع في قمر بهر خطف ساطع
أطالع في بدر فتق الخمار طالع
أطالع في القوام الأمرد الفارع
أطالع في جمر بيكي وبلاك والع
أطالع في النفس لا يبقى موو طالع
ورحم الله عبدالله وبفقده فقدنا كل الليالي الثقافيه في الرياض والمهم نرجع لي طلبك يامنعم.

يا قمره ... صبي السنسني الحمره
شوفي أبوي أنا الراجاهو كلو صباح
يا زينوبه أبوكي هو أصلو حالو بره
لو قاري العلم هو ولاهو سيد خبره
ومو زول غربه لكن الظروف جابره
مالو إن كان صبر كل الخلوق صابره
والصابرات روابح لو يجن قماح

هو أصلو متين نساكم يُمة شان يطره
بيتنفس هوا ذكراكم العطره
رهيف إحساس حنين قلبو بالفطره
نديمو بقت دموعو الديمه منقطره
وأصلو إن ما قعد بينكم ولا بيرتاح

جاهو العيد كمان زاد القليب حسره
ساد العبره حلقو ونفسو منكسره
هو لا لمّ القروش لا حصل المسره
بلد ما فيها زول مات من عدم كسره
فراقكم ليها يا أحباب ولا كان صاح

يا أمارتي الما طاعت الأمره
ندماني وبقت محتاره في أمره
بعد قسن الدرادر قصرن عمره
الشوق فاض وعماها الحنين غمره
الشوق للبلد لي بهجته وسمره
الشوق لي مقيلا ضم ضم تمره
الشوق لي حديثا ضم ضو قمره
الشوق للبلد جابريتا وككره
كان الشوق يخفف والله يبرى جراح

مشتاق للحسيناب أسقه وبكره
مشتاق للقبيل إتربوا فوق حكره
مشتاق للدميري ومويته العكره
مشتاق للجزيري وتشقه وهكره
مشتاق لي قطع بحره ودخول وكره
مشتاق للأبي يفارق الفؤاد ذكره
مشتاق للعلى مشغول دوام فكره
مشتاق للصباح ديدن غناي شكره
وياريت كت بقدر أسوي شوقي جناح.
تسلم ياعمو قبلايا آسيتني بالجد
وتسلم والله تسلم
ورحم الله عبدالله محمد خير
وشكراً لصديق احمد بالبدي الحروف قدرا
و الشوايقة مابجيبو قريب زي صديق احمد قدر ما سمعت مالقيت لي صديق احمد مثيل
__________________
إذا حججتَ بمال ٍ أصله سحتُ ُ ** فما حججتَ و لكن حجت العيرُ

لا يقبل الله إلا كل طيبةٍ ٍ ** ليس كل من حج بيتِ الله مبرورُ
عبدالمنعم محمد غير متواجد حالياً   رد مع اقتباس
قديم 16-06-2011, 05:03 PM   #21
عبدالوهاب الشريف
 
تاريخ التسجيل: Jun 2005
الدولة: المملكه العربيه السعوديه
المشاركات: 3,986
افتراضي رد: مجموعة قصائد شايقية مختارة

اقتباس:
المشاركة الأصلية كتبت بواسطة ود الشيخ مشاهدة المشاركة
هلا الدبلوماسين وصلو اها جيبو ود الحسيني
احي من الشلاقة الجابت اشراقة
سنة يا البركل
القصيده دى جاتني بالايميل من دبلوماسي فضل عدم ذكر اسمو وقال ننشرها في البوست وقال حيطلع لك جواز دبلوماسي عشان خاطر قوز قرافي.
مهدى ليش بقيت جافي

بعد ماكنت زول وافي
وتناضم الطير بالقوافي
وقمت ضربت الفيافي
وحرمت الناس من عوافي
حليل زمن الزمن صافي
وأيامنا مع قوز قرافي
حقيقة الاوف مجمّع ثقافي
وحليب في ضرع أمو دافي
بحر شوقنا بلا مرافي
ولساني ناروا ميوبسي شافي
إبر ذي طعن الأشافي
ده شيتاً غلب المطافئ
كدي أقعد عِدْ من زفافي
وراجع المضي ماهو خافي
حجاب اللهو علي العافي
صلاة النبي مُدة كافي
سعيد انشاء الله إنت عافي
وسعيد بي حُسْن الضيافي
ومنُ ضمن العمل الاضافي
ومواصل الريد الخرافي

__________________
كن رجلاً رجله في الثرى وهامة همته في الثريا
عبدالوهاب الشريف غير متواجد حالياً   رد مع اقتباس
قديم 16-06-2011, 05:23 PM   #22
الابنوسي
 
الصورة الرمزية الابنوسي
 
تاريخ التسجيل: Dec 2005
المشاركات: 944
افتراضي رد: مجموعة قصائد شايقية مختارة

اقتباس:
المشاركة الأصلية كتبت بواسطة ود الشيخ مشاهدة المشاركة
لا لا الليلة ياقروية
انت ياقروية يا السمنتك بلدية
طوريتك الملوية زراعتك المطرية

وحات سيدي الحسن إتي الليلة ما براك
ايييييييييييييييييييييييييييييييك يا ود الشيخ
زكرتنا المرحومة ربنا يتقبلا
هي هي الليلة الليلة الليلة يا قروية يا السمنتك بدلية
__________________
الحاجة ملحة إلى وثيقة سفر جديدة و هوية جديدة وانتماء جديد وانسان يـُخلق من جديد متساويا مع حالة وطـن فقد حب انتماء أبناءه

______
OHH South
I WILL MISS U
Goodbye

الابنوسي غير متواجد حالياً   رد مع اقتباس
قديم 16-06-2011, 05:32 PM   #23
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي رد: مجموعة قصائد شايقية مختارة

اقتباس:
المشاركة الأصلية كتبت بواسطة عمو قبلايا مشاهدة المشاركة
حليل زمن الزمن صافي
وأيامنا مع قوز قرافي
يا زول مهرة دنقلا النصافة
اسمها عسل صافي
وآآآآآآآآآآآآآآآي
انا ام ابوي اخت المهدي بت عمو
زينب بت موحومد صالح ود قرافي بت عم صفية بت احمد شرفي
وكمان كيزان محمد الترابي .... سميرة اختي الصغيرة
لكن طالعين بقد القفة
تاني يا عمو ما تحرشني حنا بنعدي يومنا خنق
وبعدين انا ما من العرضي انا من لبب
__________________
متفائل بأمل جديد
ودالشيخ غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:10 AM


Powered by vBulletin® Version 3.8.7
Copyright ©2000 - 2014, vBulletin Solutions, Inc.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .