مركز تحميل الملفات



العودة   المنتديات > منتدى الاغاني والفيديو

منتدى الاغاني والفيديو ساحة خاصة بمقاطع الاغاني والفيديو

« آخـــر الــمــواضــيــع »
         :: حمل مجانا برنامج تعلم الانجليزيه للايفون والاندرويد مع شرح فيديو (آخر رد :احمد صلاح عيسي)       :: عضوة جديدة (آخر رد :eyelashes)       :: Vickie Guerrero leaked nude photos (آخر رد :humjummers)       :: مقترح لإنشاء جمعية أهلية لحماية المستهلك (آخر رد :عابد البادنابى)       :: الحــــــــــــــــــــــــــــــــــوار (آخر رد :محاسن النور)       :: Natural Makeup (آخر رد :maccheaprbx)       :: نساؤنا (آخر رد :eyelashes)       :: شخصيتك . (آخر رد :محاسن النور)       :: or on top of the world (آخر رد :iccyak93dn)       :: القتل .! (آخر رد :محاسن النور)      

إضافة رد
 
أدوات الموضوع انواع عرض الموضوع
قديم 05-07-2011, 08:31 PM   #1
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي كل.اغانى.الفنان.الراحل.مصطفى.سيد.احمد

كل.اغانى.الفنان.الراحل.مصطفى.سيد.احمد

mousab bachir غير متواجد حالياً   رد مع اقتباس
قديم 05-07-2011, 08:32 PM   #2
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

مرة بقصد احكي عنك

وقولي من طابع الاشارة

شوفوا ديك القمرة بانت

والنجوم حاطت مدارا

غيبوا اتلاشوا في عيونا

وغوصوا في اعماق بحارا

وابقوا اعرفوا من صفاها

كيف اصبحت اسير هواها

وراسي في ابعاد قرارا

الا لو مرات سرحت

وقمن لمحت وقروني

وعرفوا كل البينا عامرة

اصلة باين في عيوني

اعرف انه بحسن نية

باحت الاعين شوية

وافشوا سري وغافلوني

واتعرف ريدك متاعي

وانو فكري واقتناعي

والسعادة الضالة كوني

ويسالك ياذاتي عنك

البراءة الفي عيونك

والرزانة الفي انفعالك

والضجيج الفي سكونك

وانت ابعد من خيالي

ورعشة الشوق في سؤالي

بتحكي عن ابداع محاسنك

وعفة الطبع البصونك .
mousab bachir غير متواجد حالياً   رد مع اقتباس
قديم 05-07-2011, 08:32 PM   #3
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

كتوبة في الممشى العريض

شيلة خطوتك للبنية

مرسومة بالخط العنيد

في ذمة الحاضر وصية

شاهد التواريخ والسير والانتظار

ادوني من قبلك مناديل الوصول

وفردت اجنحة العشم

في ساحة الوطن البتول

وضحكت ما هماني شيء

وبكيت ولاهماني شي

عندك وقفت من المشي

وغرقت في ضو النهار

الكانو بتمنوك لو ترتاحي لحظة على الدرب

حبوك حب ..

قدر الحروف الحايمة في بطن الكتب

قدر الخيال ..

ما مد ايدوا على السحب

كل خاطر كان بريدك

الا ريدك كان رسول الدهشة في كل الديار

وانا زي عوائد الشعر

فارس شد خيل الكلمة ليك

مصلوبة على ضهر البداية

القالوا اخرآ بين ايديك

وسرحت يا مهون تهون

شان اجيك ..

كان اصل يوم لحضورك

كنت بريدك ومشتهيك

وانكسر فيني الترجي

وونلت من سفري الخسار

بس داير اقولك يا اصيلة

لو تعب فيك التمني

وانهتك وتر المغني

لو تسدي علينا طاقات البشائر

تنهزم يوم التجني

واجيك لا هماني شي

عندك وقفت من المشي

وغرقت في ضو النهار
mousab bachir غير متواجد حالياً   رد مع اقتباس
قديم 05-07-2011, 08:33 PM   #4
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

آه يا غبش



ما عندي ليكم غير نغيم


برجوه ينفض لي غبار زمن القسا الكتاحة

يهز عرجون نخل صبر الغلابة الطال


يحث يخرتتباريح الأسى الممدودة فوق نور الدغش
يا نورا آه

يحرد كنائسنا المسيح



يعرش مدارسنا الصدى


ييبس يباس

حلق العصافير الوديعة من البكا



إندرد الصوت البعيد


أسيان تصر من دون صدى

ينكفرن الفجر الصبوح


يحمي الزهيرات الندى

تختا الدراويش الضريح



يسكن خلاوينا الجنون



يهجر جوامعنا الإله


يا نـــــــورا آه
تطرح غيوم الشوق تئن
تشرق
تموت
خيل … كلمة الحق التناهد في الشفاه
يعقر بسيمة الصح مع لوبي الجروف
تغرز ضريعات الحروف
ينشف مراح الأمسيات
تتمطق الأرضة المروق والأغنيات
اللي الشروق والأرض
والحب ... والمطر
تضهب تتوه

وكتين يضيع عرق الجباه الشم


شمار في مرقة
من دربك التور نفس خيل الصبر
فتر خطاوي الشوق وراه
يا نورا آه

ساعة الشموس الغر تهضلم


تلحق الصح في المغارب

تدفر الضو الكهارب في وشيك



تدفر المدن الضبابية


السرابية الكآبة
وحائط التيه والطشاشات فوق قفيك

يا ام عوارض


مو دعاشة
ماها شبورة وتقيف
جاي ليك يا نورا غيمة

تملا ماعونك خريف


يملا عي... ويفضل
يروى جواك العطاشة
مو دعاشة

يا نفس فجر القصائد


يا بلادي القطع قلب الروادي
باللواج الجاي وغادي…
ده ماهو صوتك
لاها صورتك…دي البترقش
نادي فوق صدر الجرايد
ماها صورتك
لا هو صوتك
لا ها صورتك
إنتي يا الفي إطن الصحاري
شفع العرب الفتاري

البفنو الشايلا إيدن



ويجروا كابسين القطارة


يجروا باريين القطارة

لا سراب الصحراء موية


لا حجار سلوم موائد

إنتي في الغابة اليصارع


جوفوا للآهات تلكي

ياما دفق غيم رجاهو


لكن الأيام كركّي

في خلا حالنا اليمحن


ويملأ بالسهد الوسائد
إنتي غيمة
شديرة خيمة
إنتي جاهنا

والتقا الطلقت وشينا



فرقت غمة جباها



...ت في الحارة ضيفنا


فرحت شفع فريقنا

يا النغيم البق فينا


وشد لي وتر إنتباهنا
يا تباشير
يا بشارة

إنتي يا ضرعاً تكرمش


شان يرضعني الجسارة

إنتي في منفاي رفيقة


وفي حشا الأشواق حرارة

يا هدى الناس الحيارى



يا ندى الفجر اليبلل


صور عوينات الفقارى
جاي ليك
يا نــورا آفة
آفة للسوس الجا ينقر

عود عشيماً داخرو فيك



وأصلي لمن أدور أجيك


لا بتعجزني المسافة

لا بقيف بيناتنا عارض


لا الظروف تمسك في إيدي
ولا من الأيام مخافة

يا نفس فجر القصائد


ما ضهب في بعدي عنك
واصلي متغرب عشانك
راضي بالبيجيني منك

ما بكيت شح الليالي



لا شكيت نح


شلتو حالي

رغم إنو الحال بيفسخ


إلا كت في الحارة بنده

يا وطن عز الشدائد
mousab bachir غير متواجد حالياً   رد مع اقتباس
قديم 05-07-2011, 08:34 PM   #5
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

من جديد جيت تانى تكسر
صمتي بالنظرة الخجولة
يا أمل عمري القبيل
يا سنين عامرات فصولها
ما قدرت أنساك من زمان
بس ضاعت أحلام الطفولة
الحنين الجيتني بيهوا
جاني في لحظات ندم
في زمان ضيع صبانا حتى أشتات العشم
من جديد جيت تاني كيف تبنى فيني الألم
ما قدرت أنساك من زمان
بس ضاعت أحلام الطفولة
ما يفيد أنا لو الملم من عيونك ذكريات
أو اصحي الماضي فيهو
أنسى حزن الأمسيات
برضو زمن البهجة عدى
وعمري فات فيهو الفوات
ما قدرت أنساك من زمان
بس ضاعت أحلام الطفولة
mousab bachir غير متواجد حالياً   رد مع اقتباس
قديم 05-07-2011, 08:35 PM   #6
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

فسي في داخلك أعاين

أروي روحي واشوف منابعك
الصحراء في عيني تتواثب جناين

ماخدة صوتك من جداول
وشايلة صورتك من كهارب

مولدا ميدانه حافل
كل ما يصبح تجيهو الناس جحافل
يا سلام
لما تعبري في الشوارع

شوفي كيف الناس تصارع
ناس تطفر وناس تدفر

في البشابي على نجومك
وفى البخب كايس تخومك
وكل زول من عند سلافك

لا لا قال دايرلو كاس
مره طربان شلت صوتك شان اغني
قلت آه ياليل وأه
انت أول.. انت تاني..انت تالت.. انت رابع
نافره زي صيد الخلا

وساقية زي نبع المنابع
وقلتلي غناي خلاص
حلوه عي... زي صحابي

عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي
mousab bachir غير متواجد حالياً   رد مع اقتباس
قديم 05-07-2011, 08:36 PM   #7
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

يا جمة حشى المغبون

في الزمن الهلاك من جاء

تكون حانت مواعيدك

يكون وقت المطر قد جاء

وشرق ضوي البلد عيدك

وطابت نسمتو العرجاء

و نمون يا طيبة تمينا

وبدين ونعنه وغنينا الغنا الراجا

وبدت كاس المودة تدور

عشق من حلفا لي راجا

حبابك ألف حبابك ألف

وياعنزنا القرجة

ويا لبانة في الزمن المراحو نشف

ويا جبانة للخوانة والعوج البدور لو ولف

دميرتنا البتروي جرف

مسيرتنا وتميراتنا الكانوا وقف

أصابعين الرجال رصاص

سعر راس البنية سقف

تكون دار بي زمن عندك

نكون لمينا في الفاتنا تكون فاتت ملامحنا وتضاريسنا

القبيل غمرت عرش بتنا وطوابيرنا

وبدت شتلات بعد غمرت

ضراعيك يا الولد كبرت

مراعيك يا البلد خدرت

خضار خدرت غزار غزرت

خضارا زين برغم الصيف وأناتو

عصافير الجلد كبرت

تباصر نسمة منتحرة

تطمن غيمة مندحرة

تضاير الغابة والصحرا

من الغمة وظلاما شين

ومنك يت قرير تنفك

وتكون اتحلت عقدة الدين

ويا جمة حشى المغبون في الزمن

الهلاك من جاء

تكون حانت مواعيدك

يكون وقت المطر قد جاء
mousab bachir غير متواجد حالياً   رد مع اقتباس
قديم 05-07-2011, 08:36 PM   #8
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

ليه غبتي يا القمرا
نركب جياد الليل
ينشرا بينا صباح
سفر العتامير ليل
نرجاك في المطرة
ارجع تعال يا شليل
درع الأميرة سرق
سووهو حدوة خيل
بحر العطاشا نشف
نشرب بواقي السيل
صد لي ملامحك يا حراز
ريح العوارض غربت
فرتق ضفايرك في الرزاز
جية العصافير قربت
mousab bachir غير متواجد حالياً   رد مع اقتباس
قديم 05-07-2011, 08:37 PM   #9
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

يراقصني عجاج البحر
ترعد داخلي الأمطار
يكلمني تراب الأرض
يشدد قلبي الأوتار
أغ...م ... أغ...م
أغني جذوة النار التي فيكم
والعن ذلك البرد المدثر
روحكم برماد موتاكم
أغ...م ..
وابني في عيون الشمس
مملكتي تناديكم
نسورا تعشق الترحال
في الأفاق تبغي الكون حرية
فان شئتم
تعالوا الآن نرقص رقصة البدء
ونعلم أن نمد الكف
نحو الشمس للدفء
تعالوا أيها الجوعى
تعالوا أيها الفقراء
mousab bachir غير متواجد حالياً   رد مع اقتباس
قديم 05-07-2011, 08:37 PM   #10
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

الصباح الباهي لونك

وضاحة يا فجر المشارق

غابة الابنوس عيونك يا بنية من خبز الفنادق

شيدتي في جواي صوامع للفرح

وفتحتي في دنياي مسارح للمرح

وبقيتي لي سكة وعيون

لا قدرت اطولك شان اجيك

لا قدرت من غيرك اكون

وانا بيك ماليني الكلام

حركت بيك عصب السكون

جلبت ليك الغيم رحط

طرزت ليك النيل زفاف

حرقت ليك الشوق بخور

وفرشت ليك الريد لحاف

للسكة غيرك تنتهي ولا معاك مليت طواف

يا ريتني لو اقدر اكون

وضاحة يا فجر المشارق

الصباح الباهي لونك

يابنية من خبز الفنادق غابة الابنوس عيونك
mousab bachir غير متواجد حالياً   رد مع اقتباس
قديم 05-07-2011, 08:38 PM   #11
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

عمنا الحاج ود عجبنا

فى الفريق ياهو الركيزة ..

هو البشيل حمل الرباعة

وعندو كلمة على الجماعة ..

وفى الفريق باقي لينا تاية

وكل طيب ليهو غاية

وللضعيف تلقاهو ساند

ويقهر الكعب المعاند ..

للضيوف ديوانو فاتح ..

ديل يقوموا وديل ينزلوا

يا ولد جيب الرتاين

وجيهوا الديوان فراشو

افرشوا الفرشة الكبيرة

والإباريق .. والتباريق

وأضبحوا الحمل المدوعل ..

عمنا الحاج ودعجبنا

من سنين أيام جهلتو ..

ديمة فى دعوات صلاتو

يسأل المولى السلامة ..

وسترة الحال .. والكرامة

وعمنا الحاج ود عجبنا

فى ليلة من ذات الليالى ..

فى زمن حظر التجول

جاهو ضيف فى راس حداشر ..

رحب الحاج بيهو جدا

فرشولو ..ونزلوهو ..

وكاسوا للعشاء ما أتلقالو ..

ما الرغيف ممحوق مقصر

والبلد فى حال معسر

وعمنا الحاج فى مبادئوا

وجبة الضيف زى فريضة

وهسة ضاقت بيه العريضة ..

ضيفوا كيف يترك عشاهو

من دا زايد إختشاهو ..

وجاتو فكرة يمشى للفرن المجاور ..

ولى لجان العيش يشاور

بس عشا الضيف يا جماعة ..

وضيفى نازل ليهو ساعة

شاكلوهو.. ودفروهو.. ونهروهو ..

وجاتو دورية الطوارئ

وأمسى بايت فى الحراسة ..

وناسوا جنوا

للصباح ما عرفوا حاجة ..

وين دا روح

وجاهم الخبر المؤكد ..

ود عجبنا فى الحراسة !!..

ماشى محكمة الطوارئ

ناسو أولادو وبناتو

عرفوا حالوا وبدرى فاتوا

راحوا محكمة الطوارئ ..

فيها فى نص الخلايق

شافوا حالا ماهو لايق ..

عمنا الحاج بى جلالو

فوقو حس السوط مولول ..

فوق قفاهو وفوق سنونو

فوق رجولو ومرة

فوق فججا حشايم ..

أصلو ما قايل يهونن

حتى كان نزلن هجايم ..

إلا لكن الليالى

هى البترخص كل غالى

حاكموا الولد المنصب ..

ك... بالدبور مقصب

إنت يا حاج يا مخالف ..

زول مخرف وعقلو تالف

إنت يازول ماكا دارى ..

زلة الناس فى الطوارئ

أجلدوهو وغرموهو ..

ونفذوا الحكم البهينو

شان يفتح تانى عينو!!!

تسمع السوط ليهو خاوية ...

وفوق قفا الشيخ صيحتو داوية ..

وفجاة رفع الحاج عيونو

شاف بنات ولدو وبناتو ..

كلهن واقفات يعاينن

دمعتن فى العين ترقرق ..

وجعتن فى الجوف تحرق

والحزن ليهن يفرق ..

دى النجوم الفى سماهن

كل سوط نازل عليهو ..

من شعاع الضو عماهن

عمك الحاج دمعو سًرق ..

وسيلو فوق أشنابو زرًف

تم حكمو وراح بيوتو ..

نفسو مكسوره وذليلة

كيف ملاقات الحليلة ..

وصحوة الروح العليلة

فى البيوت الجوه غادى ..

عمك الحاج ما اعتيادى

فوقو متلمين جماعتو ..

والسكيلى ضارب حزاينى

وقالوا ناداهو المنادى ..

فارق الدنيا المهينة

يقطع الذلة وسنينا ..

فوق فراش ودعجبنا

بسمع الزول البوصى ..

أقفلوا الحوش يا جماعة

طفوا أنوار الرتاين ..

داك حرس حظر التجول

من بعيد ليكم بعاين ..

يا زمن حظر التجول
mousab bachir غير متواجد حالياً   رد مع اقتباس
قديم 05-07-2011, 08:38 PM   #12
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

على عمقك مشيتو متلفحك خاطر

برغم زبول نجيماتك سماك معقول

وشارع الشوق بدونك تم

بحس بالقول على حد السيوف مجدول

ورغم الحاصل المسلول

فوق عمقك قدل جواي

على لقيا وبياض خاطر

وزي ما يكون

وعلى عمقك مشيت متلفحك خاطر

لا الشبورة ولا ريحة الدعاش مشبوبة بندك

لا ضو صوت

ولا مرقت شموس منك

ولا دخلت شموس فيني

ولاظنك بتدي شموس

ويطلع من عيونك ضو

ولا لمس الجفاف خدك

ولا ركة الندي المحروق

فراشات من شذاك دخان

شعاعات من بريق لحظك

فهل يرجع من زمن جيتك حضور تاني

وعلى ذكراك امل ممتد

انا وانت وهديل الكون

على لقيا وبياض خاطر

وزي ما يكون

وعلى عمقك مشيتو متلفحك خاطر

ولا عند المغيب وجت غصون شجرك

ولا رجعت طيور بتنم

ولا الردة ام تعب بالجن

ولازيف العشق مفضوح

ولا العمق القبيل مفتوح

وغنى الفرح البتم القول

صدى الغنوات يرقص حول

ولا وجت رياض اطفال

ولا الموال مركب بنسيج الجية

بانغام طبول شدوك

عشان اضحى الفرح مسحور

وايقاع الرقيص مكسور

نسيب ليل البلد ينجم

نطوي الشوق منام

نتوسد الاحلام على هبت نسيم باكر

لاننا نحنا متواعدين

ومن جوة الضجيج طالعين

من جوة الضجيج طالعين بصوت واحد

لاننا نحنا متواعدين

على لقيا وبياض خاطر

وزي ما يكو
ن
mousab bachir غير متواجد حالياً   رد مع اقتباس
قديم 05-07-2011, 08:39 PM   #13
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

يا مشرع الحلم الفسيح

أنا بيني ما بينك جزر

نتلاقى و الموج اللديح .. القدرة والذات الشحيح

كملتو ما كمل الصبر

نتلاقى فير الزمن المريح

وميعادنا في وش الفجر

يا مشرع الحلم الفسيح

يا بعض مني فيني ساكن

أنا اصلي منك ومشتهيك

وبيناتنا ليل الفرقة داكن

هبت هبوبك ... افتح شبابيك المساكن

وسع دروبك .. نور مصابيح الاماكن

يا مشرع الحلم الفسيح

يومنا النهب اسلبنا خوفنا

كبرنا قدرك مرتين طول على كتفك كتوفنا

يا رغبة الوعد البيسكن بين غناوينا وحروفنا

ضوى الدساكر والضفاف عبى الحناجر

بالهتاف سدد مسامات الرعاف

ونور مغاراتنا وكهوفنا

يا مشرع الحلم الفسيح

أنا وأنت والمطر الفصيح نأخذ بعض شكل السماء

حدثني دائماً كلما تنشف على البر الضفاضع

ويهجر الضوء المواضع .. تسقط من الكف الأصابع

حدثني دائماً كلما

حدثني لو تاهت خطانا على الدروب المبهمة

أو ربما .. تهدم الشوارع

حدثني لو صادف الكي المواجع وضلك على الساحل رمى

حدثني لو مطرك همي

علمنا دائما كلما

نبذر على أرضك شهيد

يطلع شمس ويسند بإيدنو السماء .
mousab bachir غير متواجد حالياً   رد مع اقتباس
قديم 05-07-2011, 08:40 PM   #14
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

كانك من وراء صفحة زجاج .....

وراك الريح ..

وقدامك مدى السكة ..

و فدى المجهول ..

وانادي ليك .. ونادي ليك

وجيدة .. وجيدة

لا اتلفتي لا لوحتي بايديك

وانادي ليك ..

يجاوبني المدى الفاتح مدارج الهم

وتبقى وجيدة طعنة سيف ..

موسدة في شق السماء المرسوم وسادة

وتبقى ايدينا في ايديك..

وفي المنديل .
.
mousab bachir غير متواجد حالياً   رد مع اقتباس
قديم 05-07-2011, 08:40 PM   #15
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

حاجة فيك تقطع نفس خيل القصائد

تشبه اجراس المعابد

توهتني .. جننتني .. تعبتني ..

جننت حرف الكلام

وبرضو ادتني السلام

حاجة فيك شرف المدائن ..

في غرف كل السفائن

جوه في عمق المدائن والعيون

حاجة زي ما تكون محلق في العواصف

فجأة تهبط للسكون

حاجة زي نقر الاصابع لما ترتاح للموسيقى

حاجة زي اخبار تناغم من جريدة

حاجة زي وتر المواني

لم يصدح زي سفينة

حاجة فيك

حاجة فيك لا بتنتهي ولا بتتنسي

خلتني ارجع للقلم اتحدى بالحرف الالم

واضحك مع الزمن العريض

وافتح متاريس الطريق

واعرف متين ابقى المطر

واصحى متين اصبح حريق

حاجة فيك
mousab bachir غير متواجد حالياً   رد مع اقتباس
قديم 05-07-2011, 08:41 PM   #16
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

سحابات الهموم ياليل بكن
بين السكات والقول
وباقات النجوم الجن
يعزن في المطر
فاتن عزاك رجعن
وشوق رؤياك
زمان مشدود على أكتاف خيول هجعن
وصوت ذكراك مكان يجرى يلاقى السيل
وسر مدفون بصدر النيل
ولو لا الذكرى ما في أسف
ولاكان التجني وقف
وصوت ذكراك رزاز صفق
على خطوات بنات سجعن
وشوق رؤياك
حنين لي رحلة في المجهول
ولولا الذكرى ما في وصول
ولولا الذكرى ما في أصول
ولولا الذكرى ما في شجن
mousab bachir غير متواجد حالياً   رد مع اقتباس
قديم 05-07-2011, 08:42 PM   #17
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

صابرين يا حزن الغنى ..صابرين

من بعد الضنا .. صابرين

على وعد المنى

برجاك يا ارض الحبيبة

وبلقاك في الفرحة القريبة

وبشراك يا ام السناء .. صابرين

لا ليل ولاحزن طائل

لا صبر ولا دمع سائل

لا هم جاك يا ام نفايل

والنيل فاض وانحنى

نيلين وحلمك هنا

فرعين شايلين جنا

صابرين سلامات

عشرات حبابك سلامات

اسلم شبابك سلامات

شايل سحابك سلامات

والقبلي شابك

سلامات

خيرك سنابل

وهواك هنا

صادقين عاشقين

ترابك حزين سلامات

يا حزن الغنى

صابرين
mousab bachir غير متواجد حالياً   رد مع اقتباس
قديم 05-07-2011, 08:43 PM   #18
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

ابداك من وين وفيني منك

لسة حاجات من مخاوف ومن شجن

ابداك من وين وظني انك

فكرة اعلان الحياة وانتهاءات العوارض والمحن

نفسي القاك واكون ..

كلي من بعضك او بعضي من كلك بدن

داير القاك و اوحد دايرة الدم المقسمة

بيني وبينك والسحن

ابداك من وين

ابتديتك محل محل

من ياتو منفذ بدخلك

كل المنافذ سداها المحل

من ياتو شارع بوصلك

كل الدروب معطونة نيران بالوحل .

استبيح كل الشوارع وادخلك

استبيح كل المنافذ وادخلك

من بين كلامك بدخلك

من ابتسامتك بدخلك

من بين مسامك بدخلك

نتلاقى نهرين من تسامي واشتهاء

ابداك من حيث انتهت

عندك خواتم الانتهاء

من أي قاسم مشترك

او شبه التشابه بدخلك

ابداك من وين
mousab bachir غير متواجد حالياً   رد مع اقتباس
قديم 05-07-2011, 08:43 PM   #19
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

ماني غرقان في التمني
ولاني سارح بالأماني
زارني خاطراً بلّ شوقي وإحتواني
النخل إتلاقى غنى
وردد النيل الأغاني
النجوم لامع بريقا
الورود النايمة فاقت
عطرت كل الجزاير بي رحيقا
الندى الراقد بفوقا
صفّقت جنحاتو غنت لي هوايا
دقوا مزيكة الحواري
رقصوا البنوت أعرضوا
النخل زايد في عرضو وفي علاهو
البيوت غرقت وراهو
وبرضو زايد في علاهو
يحكى للدنيا الجميلة
سر عظمتو وسر بهاهو
ضى عيونك يا بنية
يضوي من بلداً بعيدة
تحملك لينا الغمامة
ويكتمل للروح نشيدا
وفى الدروب الليك تودي
بنسرج الخيل العنيدة
والحزن من نور عيونك
يلبس الفرحة الجديدة
وأنا راكب يا مراكب
لا الرياح توقف خطايا
لا الجبال تحجب رؤايا
ست شموس الكون منايا
ليك مسافر
ومن كتير الزاد مسافر بي غنايا
نوصل الشمس البعيدة
نبقى عيدا
نزرع الحب البيوقد
لي النهاية
mousab bachir غير متواجد حالياً   رد مع اقتباس
قديم 05-07-2011, 08:44 PM   #20
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

أديني إحساس بالأمل

في كل رحلة شوق تطول

وادى الخطاوى الراجعة ليك

في سكتك وأمل وصول

ما الدنيا كلها انتظار

و الارتحال قدر الفصول

الموجة تحلم بالضفاف

والغيمة تحلم بالهطول

راحل معاي ضي الأماني

وذكرى في الأيام هناك

لحظات بتذخر بالمعانى

وكيف أنسى تذكارات هواك

نتحمل الغربة ونعاني

و نصبر عشان نكسب رضاك

ونغنى لو زاد الحنين

ويارتيو كان سفرا معاك
mousab bachir غير متواجد حالياً   رد مع اقتباس
قديم 05-07-2011, 08:44 PM   #21
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

مساماتك بتتشقق عشان تشرق صباحاتك

صباحاتك بتتعانق مع الفكرة

وتأخذ من جراحاتك

تضيف أحساسنا بي بكره

ويا بكرة ويا بكرة الغصن ناشف

و يا بكرة الفرح يوماتي بيكاتل حزن أطفال بتتشابا

عشان تعرف شنو الفي أيدينا لي بكرة

شنو الداخرنو للسكة

عشان تقصر مسافاتك

عشان تيرق غماماتك

عشان تخضر مساحاتك

عشان بكرة وبعد بكرة

عشان بكرة ... وبعد بكرة
mousab bachir غير متواجد حالياً   رد مع اقتباس
قديم 05-07-2011, 08:45 PM   #22
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

قلت ليها

وإيدى فى أيديها

دمعة حزن سالت ..

جاى منك ... وماشى ليك

يا مداين غربة طالت

لو مدارات نجمى ضلت ..

وسكة السفر استحالت ..

كونى فى دربى الحقيقة

الديمة ليها مشاعرى مالت..

قلت ليها ..

وكنت راجع لى عينيها

من أسى الزمن المسافر فى المشاوير .. العصيبة

من متاهات الأمانى

فى مدار الحسن ضماها وحبيبه ..

بينى لا بينك مزار ..

لا محطات إنتظار ..

لا مواعيدك قريبة

إنتى يا الفرح .. الحقيقة المستحيل ..

هدهدي الصبر الجميل

وأمسحى الألم المخيم ..

فى المدارات الرحيبة

قلت ليها

الحقيقة الضايعة

بين .. قلبى وعيونك

أنى لا قادر أفوتك لا أجيك

وأنى ما عارف بدونك ..

أبقى كلمة حب

تزف البشرى فى ساعة مجيك

وأنتى عارفة .. وقلت ليك

يانى أكثر زول بريدك ...

يانى صفوة عاشقيك ..

يانى راكز الخيل عليك

ولسه بى حبك متيم ومبتلى

ألا ريدك زادنى حيرة .. على العلى

لا مراكب البشرى ختن

.. قلبى عندك

وإنتى لاقلبك

نسانى

ولا ولاخليل
mousab bachir غير متواجد حالياً   رد مع اقتباس
قديم 05-07-2011, 08:45 PM   #23
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

سحابات الهموم ياليل بكن
بين السكات والقول
وباقات النجوم الجن
يعزن في المطر
فاتن عزاك رجعن
وشوق رؤياك
زمان مشدود على أكتاف خيول هجعن
وصوت ذكراك مكان يجرى يلاقى السيل
وسر مدفون بصدر النيل
ولو لا الذكرى ما في أسف
ولاكان التجني وقف
وصوت ذكراك رزاز صفق
على خطوات بنات سجعن
وشوق رؤياك
حنين لي رحلة في المجهول
ولولا الذكرى ما في وصول
ولولا الذكرى ما في أصول
ولولا الذكرى ما في شجن
mousab bachir غير متواجد حالياً   رد مع اقتباس
قديم 05-07-2011, 08:46 PM   #24
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

رسمت في وجيها بسيمة ضو

بتغالط في الزمن القاسي ..

وبتعاتب في الغنوة الصعبة ..

وفي لحن حزين ....

و وتر موجوع ...يحكي إحساسي ..

تسأل عن شدو الأفراح ...

يمكن لجراحنا يكون ... آسي ..

ما بشبع روحنا فرح زايف ...

لو كان بتناسى وتتناسي ...

يا بت يا نيل..

العاشقك عاشق كل الفيك ...

غا... في كل ظروفك ...

في الفرح البيدفق .. وعد ... و فال ..

والحزن الوكر مني شوفك ...

في سجون القهرك خوفك ...

في الفيض الصامد ...

في البركان السامعوا يدمدم في جوفك ...

جرحنا عاتبك يا باكية ...

وعايزانا نغني غنى الأفراح ...

ما الغنوة الصعبة لبن ضرعك ...

والفرح القبلوا خلانا .. وراح ...

ولقينا فرحنا وانت حزينة ...

يكون اشتر ...

ويزيدنا جراح ....

خلينا من الفرح الزايف ...

بتعود أفراحنا ... وتلقى براح ...
mousab bachir غير متواجد حالياً   رد مع اقتباس
قديم 05-07-2011, 08:47 PM   #25
mousab bachir
 
تاريخ التسجيل: Jul 2011
المشاركات: 101
إرسال رسالة عبر Skype إلى mousab bachir
افتراضي رد: كل.اغانى.الفنان.الراحل.مصطفى.سيد.احمد

حتى الفصول صابها الجفاف
لا غيمة لا زفة هرع
والسنبر البفرح صفيرو
غشانا واتقاطر رجع
وشجرنا من لفح السموم
غصنو الرقص رويان وقع
لا شابا لي ريحة دعاش
لا هش لي برقا" لمع
طوريتك في الطين مرمية
وطوريتك يابسة ومجدوعة
لا غيبتك كانت مرضية
ولا فوتك كانت مبلوعة
اللهب الضوا الليل قناديل
في عيون النجمة القطبية
والتعب المد ضراع النيل
سجادة فقرا مزاورية
سائلين عنك ويوماتي رحيل
لمواني المدن النفطية
وشقيش ما تقبل يا ابو الحيل
قلوبنا مواجعك متكية
وابعت لك شال الحب مرسال
تايهين في بحرو مراكبية
وبكتب على صدر الموج آمال
أطفال عمال ومزارعية
كيف حال يا أبوي
كيف حال يا خال
بتمسى بيوتنا الكاكية
حزنانة بتبكى مآل الحال
والزمن الساقكم عيدية
mousab bachir غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:24 AM


Powered by vBulletin® Version 3.8.7
Copyright ©2000 - 2014, vBulletin Solutions, Inc.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .