عمر البشير و وداد بابكر آخر رقيص

[الشفت]

المشاركة الأصلية كتبت بواسطة الأمير

مرحبا وليد الشفت وحمدلله على السلامة

ايوا انا مختلف مع البشير
لو كان العميد حسن عمر احمد البشير من حقو يرقص وينطط
لكن البشير مسؤل من شعب فيه المريض والفقير والايتام
بالله عندو نفس يرقص ويكشف كمان ؟؟؟

مرحب الامير
حبابك

نختلف مع البشير حقك ولا في زول بقدر يقول بغم
تعتبر انو ما من حقو يرقص طالما انو في اخرين جياع وايتام ، وجهة نظر مقدرة

لكن وصف الراقصين بصفات قبيحة وتعريتهم من الشرف ده ما حق زول

نحن شعب راقص دي حقيقة
الما مقتنع بيها يشوف شعب تاني ما برقص
في حفلاتنا بنرقص
في ماتمنا بنرقص
في حصادنا بنرقص
في احتفالاتنا الدينية بنرقص والما مصدق يمشي المولد
للمطر بنرقص
للقمر بنرقص
في الحرب بنرقص

المنظر السواعو البشير ده احضر يوم الخميس برنامج افراح افراح في النيل الازرق
حا تلقى مليون شخص في عم البشير ده برقص

فهل ديل ما عندهم كلهم شرف وكلهم خيابا

في جبال النوبة لو ما رقصت بعتبروك مجلي
الهدندوة ديل برقصوا بالرقبة عددييل كده الارجل منهم منو
قبايل الانقسنا بترقص باك....ا زي الحبش ... يكونوا مالهم
في الشمالية الرجال بتروا وبشيلو شبالهم وده خلاف العرضة .. نعبرو شنو
البقارة يتراقصون بجسدهم كله عضلة ساكنة مافي الارجل من البقارة منو
الحلفاوة برقصو وطريقتهم معروفة في الرقص.ز رقيص عديل

الناس ما عشان قاصدة البشير تنال من السودان كله

يديك العافية

[ود الشيخ]

الامير
سؤال جد والله انت الناس ديل الله يرحمهم
موش ناس كفاية برضو ببكوا عليهم
انت انضميت ليهم يا اخوي شوف بالصراحة
العزاء عندنا هنا تلاتة يوم وربنا ذاتو خلق الانسان نسئ
والا كانوا يبكوا على النبي صلى الله عليه وسلم لي يوم الليلة
وانا خابرك ماك جعلي تبكي العباس
يا احي ديل ذاتم نجهتهم ما تخليهم لرب العباد
الشال روحوم ما هو الموت واحد وتعددت الاسباب
قال الله تعالى : { ان الينا ايابهم . ثم ان علينا حسابهم }
ويا اخوي انت نصبت نفسك مع رب العباد بتحاسب قبله
ما خايف تنطبق عليك الآية
( وقالوا ما لنا لا نرى رجالا كنا نعدهم من الأشرار أتخذناهم سخريا أم زاغت عنهم الأبصار)
استهدي بالله واترك الخلق للخالق ما عليك من حسابهم من شئ
وتذكر :
رَسُولُ الله صلى الله عليه وسلم: "المَرْءُ معَ مَنْ أَحَبّ، وَأَنْتَ مَعَ مَنْ أَحْبَبْتَ"

[عُبد]

المشاركة الأصلية كتبت بواسطة الشفت

عادي كده !!!

عشان الناس مختلفة مع البشير تعتبر رقيص الرجال خارج اطار الشرف ؟

بالله زول يرفع لينا صورة لمختلف قبائل السودان عند احتفالها
مختلف القبائل بدون فرز

واتحدى من يجد اي قبيلة سودانية لا تحتفل رقصا

ورقيص مختلط كمان

ماشين الحرب بنرقص
جاين منها بنرقص
ماشين نزرع بنرقص
وكت الحصاد بنرقص

عشان تصب المطرة وكت جفاف بنرقص
وبعد تصب برضو بنرقص احتفالا

عند الزواج بنرقص عاااااااااااااادي
ودي عادة عندنا

خلاص عاوزين تنكروها

عزيزي الشفت

أهلا بك بعد طول غياب

القضية ليست قضية عادات وتقاليد علينا أن نتقبلها !! فهناك من العادات والتقاليد ما هي منبوذة في العرف والدين بل وهناك من العادات ما يتغزز منها بعض أفراد الجماعة أو القبيلة أو البلدة والتي قد يمارس بعض أبنائها هذه العادة أو التقليد الذي يتناقض مع العرف والدين حتما سلكت عبر السنين هذه العادة فذاب قبحها لكثرة ممارستها فأصبحت معتادة ، فعلى سبيل المثال رقص العروس أمام الصالح والطالح من أجانب الرجال بل لربما أمام أعين سكارى والحيارى والعروس في أوج فتنتها ، فهناك من الأسر والقبائل والمجتمات قد يخلعون رأس إبنتهم إن فعلت هذا أمام مرأى من الناس بل قد لا يقبل الأب أو الأخ أن تكون أخته أمام عينيه ترقص بهكذا فتون بل قد يُغار عليها من أعين النساء ، ناهيك عن الرجال الغرباء ، هناك أيضاً الشعوذة والزار وختان البنات وقصة وولد الجيران وبت الجيران داخل وداخلة بيت أحدهما الآخر وعادي بل ربما يدخل ويكوع ويشرب شاي وجبنة فهذه الأمثلة المبتذلة غيض من فيض ، هذا من ناحية .

من ناحية أخرى ، أنني أشجب أسلوب التشهير الذي مبتغاه الشماتة أو التعريض في شخصية أو جماعة أو قبيلة....إلخ ولكن صاحب البوست أتى لنا بمثال من وجهة نظره أن يفعله رئيس دولة في مثل هذه الظروف التي يتململ منها الوطن أرضاً وشعباً في حقه ليست بمحمدة ، فهناك من إغتالهم النظام وعذبهم وشردهم وأجحف حقوقهم ومن ثمّ يرى رأس النظام وهو يتلوى وسط هذا الحشد من النساء والبنات بطربٍ متناهي وكأنه كوبرا أمام مزمار هندي فهذا ما لا يليق ، فكأنه يستهتر بهموم وغموم شعب وإن وقف هؤالاء المطربون لحظة حزن على ما يمر به الوطن لربما إنقلب طربهم ورقصهم حزن وترج ولذهب المعني تحت الأقدام سداً.

أما تلحظ بأن الفضائح التي تلاحق الرؤساء والساسة في الدول التي تدعي الحرية أنما كل ما حدثت قضيىة تحرش أو علاقة مع إمرأة نابعة من رئيس أو سياسي تجد الإعلام إنقلب عليه إنقلاب عدو لا يقبل المصالحة ، برغم أن الجنس والبهرجة والفكاك الأخلاقي ديدنهم بل ومن لب عاداتهم وتقاليدهم ، حتما تأخذ بفاعلها أرضاً فيرمي لهم على الطاولة إستقالته وكأنه لم يكن يوماً ما على مقعد الحكومة ، فلماذا تقوم حملات عشواء ولا تقعد ؟! لأنهم يعلمون بأنّ مثل هذه الأفعال إنما هي إستخفاف بشعب وبوطن وبالمسئولة المنوطة بصاحبها والشاهد على تنويهي هذا تجده في أقرب بحث لك ، فمثالي هذا وإن كان مع الفارق لكن المبدأ واحد حينما يفعل كبير القوم زلةً لا تُقاس بمقياس العوام ، ناهيك بأنّ الذي تحت العمامة هو رجل يدعو بأن حكمه سيكون شريعة الإسلام وهناك من حملة خفة العقول ما يلبسونه عباءة أمير المؤمنين . . تخيل بس بأنه أمير المؤمنين؟؟ أليس هذا الذي يفعله من باب الفسوق أليس الموطن الذي يلاعب عليه قدميه ويهز جسده يخلى من فحيح الخمر وأنفاس الحشيش ، أليس هذا عهدنا بهذه المواطن ، فهو من المفترض لمن يعتبره رمزاً لسيادة دولة أن يجلس القرفصاء بعيداً عن هذه الهرجلة.

تقديري

[الأمير]

المشاركة الأصلية كتبت بواسطة نزار العمدة

واتباع البشير الذين هللوا لشريعة تجلد بنت لانها لبست بنطلون

ولو قلتا عادات فعادتنا تستهجن الرجل المتراقص

نزار
تحياتي ولك تعظيم سلام

[الأمير]

المشاركة الأصلية كتبت بواسطة الشفت

فهل ديل ما عندهم كلهم شرف وكلهم خيابا

الشفت
انا ما بتكلم عن شخصية البشير كمواطن
لان لكل مواطن الحق فيما يفعله صاح او غلط ده شي تاني
انا بتكلم عن البشير كقائد لامة ورئيس دولة
اذا كان رب البيت بالدف ضارب فشيمة اهل البيت الرقص

[الأمير]

المشاركة الأصلية كتبت بواسطة ود الشيخ

ويا اخوي انت نصبت نفسك مع رب العباد بتحاسب قبله

لا حولالالالالالالالا يا خال
معقول انا انصب نفسي مع رب العباد
يا خااااااال انا عاوز اسالك وانت رب اسرة
هل تستطيع ان تفعل شي غير مقبول اخلاقيا
او يتنافي واخلاقك وفي نفس الوقت تقوم بجلد اولادك
اذا فكروا في فعل الشي نفسو ؟؟
اعتقد انو تناقض مش كده

[الأمير]

المشاركة الأصلية كتبت بواسطة عُبد

صاحب البوست أتى لنا بمثال من وجهة نظره أن يفعله رئيس دولة في مثل هذه الظروف التي يتململ منها الوطن أرضاً وشعباً في حقه ليست بمحمدة ، فهناك من إغتالهم النظام وعذبهم وشردهم وأجحف حقوقهم ومن ثمّ يرى رأس النظام وهو يتلوى وسط هذا الحشد من النساء والبنات بطربٍ متناهي وكأنه كوبرا أمام مزمار هندي فهذا ما لا يليق ، فكأنه يستهتر بهموم وغموم شعب وإن وقف هؤالاء المطربون لحظة حزن على ما يمر به الوطن لربما إنقلب طربهم ورقصهم حزن وترج ولذهب المعني تحت الأقدام سداً.

عُبد
شكرا حتى ينقطع النفس
لقد اوضحت الكثير
مداخلتك هذه رد لكل من يحل المنكر وينهي عن معروف

[hisham ali]

اهلنا الكبار الفى سن عمر البشير حدهم العقد ولوكتروا يبشروا فى العريس ويتخارجوا يخلوا الرقيص وحت النبق للشباب والصغار عشان الوقار وكده عرف سايد فى مجتمعنا من فتحت عيونا على الدنيا دى
يجى راعى الامه وزول الشريعه يعمل عمايلوا دى شيتا ما مقبول ومفروض الناس تهديه وتقومه اليس المؤمن مرآه اخيه بدل التبريرات الفطيره ان المناسبه خاصه والبشاركن فىالرقيص محجبات وساترات نفسن .. الرقيص فى حد ذاته لايتماشى مع الحجاب كلوا كلوا البرقصن مع البشير لو كانن كاسيات عاريات لاسمح الله يعنى تكون الشغله مقبوله بس يكونن محجبات ويحتن الحت ده تبقى شينه فى حقهن وحق الدين الحنيف

[الشفت]

مرحب عبد

تمام

وجهة نظري الشخصية جريمة نشر حفلة خاصة فيها من الرجال من فيها ومن النساء من فيها يرقصون امنين مثلهم مثل كل الاسر السودانية التي تفعل هكذا في مناسبات زواجها

رائي الشخصي هذه جريمة اخلاقية اكثر من رقيص البشير في حفلة
من اجرم هو من رفع هذا الفلم الخاص عن الحفلة الخاص لانها في فرح يخصهم

من يريد ان يحارب البشير ويحاربه بادواته اقصد ادوات البشير فقد خسر حربه قبل ان يخوضها


استغلال شريط فديو شخصي للتعريض بالبشير ومن خلفه التعريض بكل من يظهر مهم بصورة ضمنية هذا امر غير كريم

انا اعلم وارى يوميا ان الرقص في الحفلات امر عادي جدا
ويفعله السودانيين اغلبهم ان لم يكن كلهم

ما اراه في هذا الشريط مع الاختلاف مع البشير

رجل يرقص مع زوجته في زواج ابة زوجته التي تعتبر بنته خاصة انه لا اولاد له
اري البشير في هذا الفلم زول سوداني عادي جدا
وكمان رقاص وزمنو 100%

افعاله خارج حياته الخاصه لي عليها ماخذ كثيرة

[الشفت]

المشاركة الأصلية كتبت بواسطة hisham ali

اهلنا الكبار الفى سن عمر البشير حدهم العقد ولوكتروا يبشروا فى العريس ويتخارجوا يخلوا الرقيص وحت النبق للشباب والصغار عشان الوقار وكده عرف سايد فى مجتمعنا من فتحت عيونا على الدنيا دى


يجى راعى الامه وزول الشريعه يعمل عمايلوا دى شيتا ما مقبول ومفروض الناس تهديه وتقومه اليس المؤمن مرآه اخيه بدل التبريرات الفطيره ان المناسبه خاصه والبشاركن فىالرقيص محجبات وساترات نفسن .. الرقيص فى حد ذاته لايتماشى مع الحجاب كلوا كلوا البرقصن مع البشير لو كانن كاسيات عاريات لاسمح الله يعنى تكون الشغله مقبوله بس يكونن محجبات ويحتن الحت ده تبقى شينه فى حقهن وحق الدين الحنيف

اها جالك كلامي يا عبد
تجاوز البشير للتعليق على من في الحفلة من فتيات ونساء

[عُبد]

المشاركة الأصلية كتبت بواسطة الشفت

مرحب عبد

تمام

وجهة نظري الشخصية جريمة نشر حفلة خاصة فيها من الرجال من فيها ومن النساء من فيها يرقصون امنين مثلهم مثل كل الاسر السودانية التي تفعل هكذا في مناسبات زواجها

رائي الشخصي هذه جريمة اخلاقية اكثر من رقيص البشير في حفلة
من اجرم هو من رفع هذا الفلم الخاص عن الحفلة الخاص لانها في فرح يخصهم

من يريد ان يحارب البشير ويحاربه بادواته اقصد ادوات البشير فقد خسر حربه قبل ان يخوضها


استغلال شريط فديو شخصي للتعريض بالبشير ومن خلفه التعريض بكل من يظهر مهم بصورة ضمنية هذا امر غير كريم

انا اعلم وارى يوميا ان الرقص في الحفلات امر عادي جدا
ويفعله السودانيين اغلبهم ان لم يكن كلهم

ما اراه في هذا الشريط مع الاختلاف مع البشير

رجل يرقص مع زوجته في زواج ابة زوجته التي تعتبر بنته خاصة انه لا اولاد له
اري البشير في هذا الفلم زول سوداني عادي جدا
وكمان رقاص وزمنو 100%

افعاله خارج حياته الخاصه لي عليها ماخذ كثيرة

شفتنا العزيز

أولاً : هل تعتقد بأن الذي نشر هذا الفيديو يريد إشهاراً بالبشير ؟ لا أعتقد ذلك وإلا في الأصل لا يدخل ويُسمح له بالتصوير هذه الحفلة ما دام هذه الحفلة خاصة بمناسبة خاصة بغض النظر عن أهمية الخصوصية وفرحتها وبغض النظر أيضاً ما إذا كان هذا الشريط نسخ بصورة ملتوية وتم ّ نشره فهذا لا يقلل من شأن ردة فعل الشاجبين فالموضوع تعدّى حسن نية نشر المقطع أو سوء النية ، يبقى المثل السائد نفهمه بالمعكــوس (لكل لاقطة ساقطة) ، ما يهم المتلقي لهذا المقطع! هو هل من حق رأس دولة يفعل هذه البهرجة بحجة إبنة زوجته هي صاحبة المناسبة؟ أنا شخصياً أدعو لها بالسعادة والتوفيق في حياتها ولكن يا أخي الكريم كون الشريط تتناقله أيادي الإعلام بشتى طرقه هذا مما يدل على أن الأمر أعوج . . فهو لا بدّ أن يكون شخصاً يُحتذى به ما دام يعتبر نفسه داعية إلى شرع الله.

ثانياً: أن تقول بأنه شخص عادي في هذه المناسبة وله حق ذلك ، الإنسان القيادي يجب أن يكون في الظاهر والباطن عملة لا وجه آخر لها ، فهو شخصية كما يدعي هو بنفسه بأنه يعتز بالشريعة الإسلامية كنظام وقانون وبهكذا بهرجة فهو يستخف بها ويتهاون ، أليس هذا بإستهتار بائن ، وإذهب وأقرأ وأبحث ما موقع الشرع من الذي يفعله البشير.

علماً يا أخي ، التحري عن زوج أو زوجة قد يوصل إلى خصوصيات أي منهما وبالتالي يستبين منفعة كل منهما للآخر ، فكلما تكشف من أمور العقل الباطني كلما إتضحت الشخصية التي تعنيــك أكثر فأكثر ، فما بالك هذا الرئيس تحت إمرته 40 مليون نفساً مسؤول منها أمام الله وهو يرمي غطاء الشريعة على أكتــافه وعصا الرقص فوق رأسه والشعب في ضنك.

تقديري

[الشفت]

رايك ونحترمو

رائي انا مخالف لرايك
اعتقد ان كل من لاك وتفحص وانتقد البشير بسبب رقصة في زواج ابنته بالوصاية

انو شخص منفصم لانو الرقص عادة سودانية لم ياتي بها البشير وتفعل كل يوم
ولا اظنها جريمة
في ظني ان استخدام هذا الشريط الخاص نوع من اللعب القذر فم يستخدمه يسمح لنفسه ان يخوض في خصوصيات الناس
فهذا الشريط فيه البشير وفيه غيره

في ظني الشخصي من يفعل ذلك لا يختلف عن البشير كثيرا الا باختلاف المواقع ودرجة السلطة
وعندي من يخوض في خصوصيات الناس هو العن من البشير عندما يرقص طربعا في زواج ابنته


بالنسبة لرفع الشريط
في الاسافير شائط جنســــية لفتيات سودانيات
وفي الموبايلات كذلك
هل تعتقد انهن كانن ينوين نشرها ؟؟؟؟
قد يكون من صور شخص موثوق به
لكن لنقل وسرقة هذه الاشياء الخاصة دروب ودروب

ان شاء الله يتوفر وكت واشرح ليك وللجميع تقنيا كيفية امكانية حدوث هذا الامر حتى بعد ان تظن انك اتلفتها

مع التقدير

[الأمير]

المشاركة الأصلية كتبت بواسطة hisham ali

اهلنا الكبار الفى سن عمر البشير حدهم العقد ولوكتروا يبشروا فى العريس ويتخارجوا

اتفق معاك

المشاركة الأصلية كتبت بواسطة hisham ali

يجى راعى الامه وزول الشريعه يعمل عمايلوا دى شيتا ما مقبول

بس اقيف لي في راعي الامة

[الأمير]

المشاركة الأصلية كتبت بواسطة عوض الشـريف

من حق البشير ان يعبر عن مجاملته لاهله في النهائه هو شخص عادي يمارس حياتة كما يشاء

بخيت شكروه قال داك شهر تاني

[الشفت]

[الأمير]

المشاركة الأصلية كتبت بواسطة الشفت

وجهة نظري الشخصية جريمة نشر حفلة خاصة فيها من الرجال من فيها ومن النساء من فيها يرقصون امنين مثلهم مثل كل الاسر السودانية التي تفعل هكذا في مناسبات زواجها

الشفت
وجهة نظرك نحترمها لكن ليست المقياس
الجريمة ليست في النشر الجريمة في رقيص ولي الامر !!!



ثم
نجي بعد ذلك للنشر وهل يجوز ام لا ؟؟
وهل يحق للبشير الرقيص ام لا ؟؟
وهل المناسبة تستحق الرقيص والبنت بنتو ؟؟
وهل يرقص بقية الشعب مثل قائدهم ام لا ؟؟
رغم انك تقول هي حفلة خااااااااااااصه !!
طيب كيف تم التصوير في حضرة الرئيس الراقص؟؟؟

[ود الشيخ]

المشاركة الأصلية كتبت بواسطة الأمير

لا حولالالالالالالالا يا خال
معقول انا انصب نفسي مع رب العباد
يا خااااااال انا عاوز اسالك وانت رب اسرة
هل تستطيع ان تفعل شي غير مقبول اخلاقيا
او يتنافي واخلاقك وفي نفس الوقت تقوم بجلد اولادك
اذا فكروا في فعل الشي نفسو ؟؟
اعتقد انو تناقض مش كده

الامير
سمعت القال للولد الشابكو ليك يا خالي
قال ليهو اختي عندها اتنين
واحد مات والتاني مابعرفوا مالو
انت ياتو واحد فيهم
غايتو على كيفك
عارفني قوال
قانون المنتدى هام للجميع

• يمنع التلفظ البذيء أو الخارج عن المألوف أوإضافة صور أو وصلات لمواقع إباحية بالمنبر.

• تعمد التحايل على مانع الكلمات العير مسموح بها يعني تعمد الإساءة ، مما يمكن معه ايقاف العضو
حسب رؤية المشرف بعد التعديل والانذار.

[ابو طلال]

المشاركة الأصلية كتبت بواسطة الشفت

اعتقد ان كل من لاك وتفحص وانتقد البشير بسبب رقصة في زواج ابنته بالوصاية

انو شخص منفصم لانو الرقص عادة سودانية لم ياتي بها البشير وتفعل كل يوم
ولا اظنها جريمة

أخي العزيز الشفت

اتفق معاك 100% في أنه الرقص عادة سودانية...

لكن هذه العادة السودانية كبحت ووضع لها قانون النظام العام وتحديداً المادة السادسة البند الاول :
أ‌- حظر الرقص المختلط بين الرجال والنساء
ب‌- حظر رقص النساء أمام الرجال
وصدر القانون بمرسوم دستوري وافق عليه رئيس الجمهورية وهو نافذ وفعال...
فمن باب أولى أن تحترم هذه القوانين السارية على العباد من قبل الرئيس أولاً قبل أي شخص آخر لأنه هو المسئول الأول والأخيرعنها... ودي من وجهة نظري الخاصة هي أهم نقطة في الموضوع.

مع كل الود،،،

[الأمير]

المشاركة الأصلية كتبت بواسطة ود الشيخ

انت ياتو واحد فيهم

انا المامات يا خال

المشاركة الأصلية كتبت بواسطة ود الشيخ

واحد مات والتاني مابعرفوا مالو

التاني مالو !!!
اوع يكون برضو مات


بلاقيك في اللفه يا خااااااااال لابت ليك
انت اقعد نطط لي كده لمن اقبضك

[العمدة]

المشاركة الأصلية كتبت بواسطة الشفت

الطايرين ديل مركبين اجنحة؟

[الشفت]

المشاركة الأصلية كتبت بواسطة ابو طلال

أخي العزيز الشفت

اتفق معاك 100% في أنه الرقص عادة سودانية...

لكن هذه العادة السودانية كبحت ووضع لها قانون النظام العام وتحديداً المادة السادسة البند الاول :
أ‌- حظر الرقص المختلط بين الرجال والنساء
ب‌- حظر رقص النساء أمام الرجال
وصدر القانون بمرسوم دستوري وافق عليه رئيس الجمهورية وهو نافذ وفعال...
فمن باب أولى أن تحترم هذه القوانين السارية على العباد من قبل الرئيس أولاً قبل أي شخص آخر لأنه هو المسئول الأول والأخيرعنها... ودي من وجهة نظري الخاصة هي أهم نقطة في الموضوع.

مع كل الود،،،

عداك العيب
عدالك العيب
مستنى من الصباح زول موضوعي يشوف الغلط الفعلي في الشريط الضجة ده

يجرم البشير ما يجرم الرقيص من اساسو لانو كايس يجرم البشير

هي هذه وفعلا ياها اهما نقطة في الموضوع
بدل لواكة سيرة البنات
ديك لابسات ويل مالصات ووداد رقصت وودات رسمت

[الأمير]

المشاركة الأصلية كتبت بواسطة ود الشيخ

قانون المنتدى هام للجميع

قانون المنتدي على العين والرأس
ومافي زول غلط في البوست ده

اتذكرت العسكري البيجي يقبض حق العشاء
يازول في عسكر متلح الجماعه تليح شديد خلاص
من يشوف الجماعه شايلين اللحمه الضان والحاجات التانية
يلبت ليهم ويدخل على في التوقيت المناسب
يا يوديهم النظام العام يا يقبض حقو ويتعشي ملح

اها الجماعه لبتو ليه
ختو الحله في النار وفيها مويه ساااااااااااااااكت
صاحبنا جاء وما شم حاجه
فتح الحله لقاها مويه
قاليهم تبتو ولا خفتو
قالو ليهو ليلتك سليييييييييييقه يا جنابو

[الشفت]

المشاركة الأصلية كتبت بواسطة الأمير

الشفت
وجهة نظرك نحترمها لكن ليست المقياس
الجريمة ليست في النشر الجريمة في رقيص ولي الامر !!!



ثم
نجي بعد ذلك للنشر وهل يجوز ام لا ؟؟
وهل يحق للبشير الرقيص ام لا ؟؟
وهل المناسبة تستحق الرقيص والبنت بنتو ؟؟
وهل يرقص بقية الشعب مثل قائدهم ام لا ؟؟
رغم انك تقول هي حفلة خااااااااااااصه !!
طيب كيف تم التصوير في حضرة الرئيس الراقص؟؟؟

بالتاكيد وجهة نظري ليست القياس

لكن يا اخوي انت الكلام ده كان تقولوا لي روحك
فوجهة نظرك ايضا ليست المقياس

لا ابدا الجريمة في النشر والتدحل في خصوصيات الناس


ولي الامر ده برقص من سنة 89
في كل مناسبة عامة بختمها برقيص وفي منصات
ليه ما عملتو الهجمة دي وقلتو الجريمة في رقيص ولي الامر

وكانو رقيص البشير امرا جديد اول مرة يسويهو

[ود الشيخ]

غاينو قناة النيل يقيموا عليها الحد
افراح افراح

[الأمير]

المشاركة الأصلية كتبت بواسطة الشفت

مستنى من الصباح زول موضوعي يشوف الغلط الفعلي في الشريط الضجة ده

الشفت
يازول رقيص ولي الامر عييييييييييييييييييييييب
انا بتكلم عن ولي الامر المسؤل امام الله عن الشعب
هل عندو نفس يرقص ويتمايل ؟؟