مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: تحميل winrar 5.00 beta 4 (آخر رد :وجودالعيسى)       :: سؤال (آخر رد :محاسن النور)       :: كل القروب ..الأعذاء (آخر رد :tolop tolop)       :: التماسيح (آخر رد :سيف النجومي)       :: امطار غزيرة بالخرطوم وسيول بنهر النيل (آخر رد :tolop tolop)       :: أغنية للبريــدها .. وبتمنى لو اعزف نشـــيدها .. (آخر رد :بشير التوم إبراهيم)       :: حــواء الســودان العظيــمة ... واحشــاني - مزج أخير .. سودانية وخيرك داني . (آخر رد :بشير التوم إبراهيم)       :: حــواء الســودان العظيــمة ... واحشــاني - مزج رابــع .. (آخر رد :بشير التوم إبراهيم)       :: حــواء الســودان العظيــمة ... واحشــاني - مزج ثــالـث (آخر رد :بشير التوم إبراهيم)       :: حــواء الســودان العظيــمة ... واحشــاني - مزج ثـانــي (آخر رد :بشير التوم إبراهيم)      

إضافة رد
 
أدوات الموضوع انواع عرض الموضوع
قديم 07-12-2005, 11:54 AM   #1
أبوجهينة
Guest
 
المشاركات: n/a
افتراضي الحرجل و المحريب و الحزا ...

إهداء إلى كل الأحبة هنا ..و أخص بالإهداء أختي د. نجاة.
***


الحرجل و المحريب و الحزا

ذكرتني هذه الثلاثية العشبية أيام طفولتي في عطبرة الحبيبة ..
فقد إعتدنا أن نسمع صوت بائع متجول يقود راحلته أو ....ه و هو ينادي بصوت رخيم على بضاعته من هذه الأعشاب الطبية في زمن لم يعرف فيه الناس الطب البديل إلا في السودان.
فتخرج النساء و هن يطلبن حاجتهن من هذه البضاعة التي لا تكلف بائعها غير صوته و علف بعيره ..
عرف أهل السودان الطب البديل و عرفوا أسرار أعشابه المتنوعة قبل أن تدخل (مريم نور) عالم الأعشاب من خلال عدة قنوات متلفزة.
نحن شعب أسطى لا جدال ...
أذكر في عطبرة أن أصابني ( اليرقان ) قبل إمتحانات الدخول للثانوي بشهر .. فأدخلوني المستشفى .. و أصابني الهلع لمجرد فكرة أن الإمتحانات س...تني .. فهربت من المستشفى ليلا و ذهبت إلى منزل إبن عمي في حى العمال القريب من المستشفى .. و تمترست هناك مهددا بأكل كل الممنوعات التي منعوني من أكلها ..
فذهبوا بي إلى قرية ( كَنّور ) و هناك زيّن رجل وقور معصمىّ بكَيّات خفيفة من مسمار متوهج .. الغريب أنني شممت رائحة شواء جلدي دون أن أحس بالألم و سال سائل أصفر من مكان الكيتين و إندثر المرض في غضون أيام .. كان أيامها في السوق نوع واحد من العسل المستورد و هو عسل إنجليزي في علبة خضراء مرسوم عليها أسدين .. و جعلوني أشرب العسل ليل نهار .. حتى كرهت العسل إلى يومنا هذا ..
الأعشاب في السودان لها حكايا تطول و لا بد من جمعها و توثيقها .. و أظن أن هناك مجهودات مقدرة من بعض الشباب في هذا المجال ..
هناك حالة مرضية كالكوفار إسمه ( الورتاب ) يتم فيه فصد جنبات الأرجل بموسى جديدة حتى يخرج دم أحمر قان فيرتاح المريض .. و هو شيء أشبه بالحجامة .. أىْ إخراج الدم من الجسم.

نعود للحرجل و المحريب و الحزا ..
نكون مستلقين على أسرتنا فينطلق صوت البائع المميز ينادي على أعشابه ..
جاءنا صوته يوما يقول : الحرجل و المحريب و الحزا .. الدوم و النبق و البالونات ..

فهب إبن خالتي و قال و هو ينطلق للخارج : الزول دة شايل معاه كُشُك ولا شنو ؟
بعد كل هذا الزمن الطويل أعتبر ذلك الرجل رجلا ألمعيا ذكيا .. فقد فطن إلى أن تنوع البضاعة هي سر التجارة الناجحة .. و أن إدخال صنف الفواكه الشعبية سيجر إليه شريحة لا يستهان بها من المشترين .. كما أن إدراج صنف البالونات سيأتي بالأطفال رغما عن أنوف ذويهم و بالتالي يتم تصريف بضاعته الأم عندما يقف الأطفال لشراء النبق و الدوم و البالونات ..
منتهى الذكاء الفطري ..
قلت ذات بوست قديم بأن رجلا في مدينة حلفا الجديدة لديه عربة كارو يجرها .... هزيل كان يقوم بحملة دعاية لفيلم المساء حيث يعمل لصالح تلك السينما .. سمعته ذات يوم يقول : الفيلم الهندي الكبير .. شامي كابور .. و الرقص و الغناء .. و هناك مفاجآت أخرى ..
فسألت تاج الدين رفيق العمر : ماذا يقصد بمفاجآت أخرى ؟
قال مبتسما : عندما يكون عنده ( بنقو ) ممتاز وارد جوبا .. فهذه علامة لزبائنه بأن يحضروا خلف السينما بالقرب من برسيم ....ه حيث يبيع لهم ( الوزنة ) ..
دعاية ذكية و مجانية تدخل في باب الكناية .. لأن شريحة من الناس ستعتقد بأن المفاجآت هي ضمن الفيلم .. أما أصحاب المزاج العالي فسيبتسمون إبتسامة ( خضراء ) لأن المعنى في بطن ( الرجل ) و سيصيب أدمغتهم ليلا ليسبحوا مهومين وسط دخان أزرق مع سحر الفيلم الهندي.

بائعو الترمس و الكبكبيه ..
بدأوا المناداة على بضاعتهم بكلمات واضحة : ترمس .. كبكبي
كان هذا أيام الهدوء الإقتصادي ..
ثم إزدادت وتيرة الحياة و زادت من سرعتها .. فأصابت هذه السرعة تروس ألسنتهم بعصبية واضحة فصاروا ينادون : كبكب .. ترمس ..
ثم إزدادت السرعة و العصبية ، فصاروا ينادون : ييييك ترمس ..
و تقلص قرطاس الترمس الماكن متأثرا بالحالة الإقتصادية فصارت حبيبات ( لا يقمن الصلب ) خاصة في باب المزة.

من ضمن الشخصيات التي لا يمكن أن أنساها في عطبرة .. إمرأة فلاتية إسمها حاجة فاطنة .. إمرأة ممتلئة رقة و إنسانية .. كنا نحبها حبا جما في صغرنا .. نراها كل يوم في حى القيقر .. كانت تبيع أول ما باعت فول الحجات و التسالي بعلبة صلصة فارغة هي كل أدوات كيلها و ميزانها .. و أحيانا تكون ( الهوادة ) أو الزيادة أكثر من البيعة نفسها ..
ثم تطور الحس التجاري لدى الحاجة فاطنة فبدأت في بيع كرات الدلكة .. ثم زجاجات السمن البلدي .. ثم الخرز و السكسك .. إلى أن إنتهت ببيع عطور الفرير دمور و بت السودان و الصاروخ .. و إنتهى بها الحال دلالية لها ( شنة و رنة ) ..
رحمها الله حية و ميتة ..

في مجال خدمة التوصيل للمنازل المجانية ..
فقد باع شاب زجاجة من عطر الصندلية لإمرأة ربما كانت تتجهز لمقدم زوجها .. و لم تقم بالدفع إلا بعد أن تأكدت من أن العطر أصلي حيث قامت بالشم و الإستنشاق بأنف خبيرة .. ثم بعد أن ذهب الشاب .. أتت جارتها الخبيرة بكل أنواع العطور و خاصة ماركة ( ميسو ) .. و قامت بفتح القارورة و أعطتها ( خَجّة ) و رجتها رجا .. فإختلط حابل الزجاجة بنابلها .. و عندما فتحت الزجاجة إتضح أن الطبقة العليا التي تطفو فقط هي بها نفحة الصندلية أما بقية السائل فقد رجّحتْ الجارة بأنه ربما يكون في الغالب الأعَمْ ( بول ) من النخب الأول وارد الصباح الباكر ..

في عيد الأضحى الفائت .. قامت سودانية بالمنطقة الشرقية بعمل شربوت ( شراب فقرا ) و كانت مكوناته البلح و الحرجل و الهبهان و القرفة .. في برميل صغير سعة 2 جردل كبير .. لأن ضيوفهم من نوع السيل غير المنقطع ..
أما زوجها و لأنه من مرتكبي جريمة أكل الكبدة من الخروف و هو تحت تأثير السلخ .. فقد أضاف خلسة و في غياب زوجته الهميمة ، أضاف ثلاث معالق ( خميرة بيرة ) مما جعل المشروب ( يصيبه الجنون ) و يثور و يفور في غضون يومين حتى تململ غطاء البرميل .. و أرجعتْ الزوجة ثورة البرميل إلى الكتمة التي يرقد فيها البرميل في المخزن المليء بالكراكيب .. و رغم أن إبنها ظل يردد عدة أيام : يمة في ريحة غريبة في شقتنا
إلا أن الأب لكزه في جنبه و قال له : نخرتك عاوزة نضافة .. أمشي ألعب بعيد ..
ثم جاء العيد ..
كانت أول زائرة لها جارتها السعودية زوجة الرجل المتزمت ثقيل الدم ..
ناولتها السودانية كباية ( شوب ) مليئة بالمشروب البركاني ..
فلحسته السعودية و قد زاغت عيناها قليلا ..
و مصمصتْ شفتيها ..
و لأن الشربوت الغتيت من النوع الذي يمد لك يد الإستزادة منه .. فقد طلبت المرأة السعودية كوبا آخر ..
ثم ثالث .. حتى ثقل منها اللسان و صارت ( صاحية كالنعسان ) ..
و خرجت مترنحة و هي تقول ( يا زين عصايركم يا السودان ) ..
و يقال أن الجارة المصرية قد سمعت السعودية المنتشية و هي ( تتدشة ) في الممر الطويل بأعلى صوتها ..
ثم دخلت السعودية شقتها ..
و ران صمت رهيب ..
ثم شق السكون صوت السعودي زوج المنتشية و هو يزبد و يرغي : تشربين المنكر يا ...... و في يوم العيد ؟
ثم خبط على شقة السوداني متوعدا : أنا بجيب لكم الشرطة الآن يا اللي ما تختشوا ..
ثم إنطلق لا يلوي على شي ..
فأخذت السودانية مع أبناءها البرميل و أودعوه أقرب برميل زبالة ، و تنفسوا الصعداء بعد أن تم التخلص من جسم الجريمة ..
و العهدة على الراوي .. يقولون أن الزوجة السعودية كانت تغني طوال اليوم و هي تضحك بين الفينة و الأخرى ثم تقول : آآآآآآآآآآآآآآآآآآآآآآآآآآآآآآآي ..

  رد مع اقتباس
قديم 07-12-2005, 12:15 PM   #2
الطيار
 
الصورة الرمزية الطيار
 
تاريخ التسجيل: Nov 2005
الدولة: Abu Dhabi
المشاركات: 699
افتراضي مشاركة: الحرجل و المحريب و الحزا ...

رائع يا ابوجهينه اضحكتنا والله . الجار السعودي دا عوير اخير سكر المرا ولا النقة .
لك احترامي
__________________
الطيار غير متواجد حالياً   رد مع اقتباس
قديم 07-12-2005, 12:20 PM   #3
alwajeeh
Guest
 
المشاركات: n/a
افتراضي مشاركة: الحرجل و المحريب و الحزا ...



ابوجهينة


كم يسعدني أن أقرأ لك ...وامتع نفسي دائما بالسباحة بين حروفك ...لك مني كل الود والتقدير ..


ود الزين
  رد مع اقتباس
قديم 07-12-2005, 12:31 PM   #4
أبوجهينة
Guest
 
المشاركات: n/a
افتراضي مشاركة: الحرجل و المحريب و الحزا ...

عزيزي الطيار

دمت أبدا
مشكور على الطلة البهية
  رد مع اقتباس
قديم 07-12-2005, 12:38 PM   #5
أبوجهينة
Guest
 
المشاركات: n/a
افتراضي مشاركة: الحرجل و المحريب و الحزا ...

ود الزين الوجيه
لك محبتي الراسخة

و الشوق بحر .. يا زول يا زين

مرورك أسعدني كعادتك دائما
أرقد عافية
  رد مع اقتباس
قديم 07-12-2005, 01:13 PM   #6
admin
 
الصورة الرمزية admin
 
تاريخ التسجيل: Apr 2005
المشاركات: 751
افتراضي مشاركة: الحرجل و المحريب و الحزا ...

تعرف الحذا بقولوا ليهو في بخور التيمان الحذا البمنع الاذى
زمان عمتي رحمة الله عليها كانت مصابة بجرح في ظهرها
وهي مريضة بالسكري اذكر انها حضرت من سنجة
لمنزلنا في ام درمان لانهم وصفوا لها وصفة من شجيرة التضنب
وكانت امام منزلنا ففي كل يوم من الصباح تاخذ اغصان
التنضب وتسحقها حتى تصبح انعم من كريم النيفيا
ثم تسخن في النار وتوضع على الجرح لم تمضي اكثر من عشرة
ايام وكان الجرح معافى
واكيد يا ابو جهينة داويت الجروح بالالوب طبعا بنحرق اللالوب
ثم ناخذ لبه والذي يكون استوى ونسحقة بالملعقة فينتج عن ذلك مرهم
نضعه على الجرح بعد نظافته وافتكر ده كان علاج فعال للغاية
ناهيك عن السنة مكة والتي كنا نستمتع بها كما تستمتع بها الغنم

بالمناسبة العسل موجود وهو احب شئ لاولادي مع قشطة المراعي التازجة
حليل زمنا كان بجمادة لبن البقر

اما زوجتنا الدنقلاوية فهي متخصصة في الشر وبوت
في واحد اخونا قال في بيت طيفور بجده شوف عينو خلطوه بالدريل
فقال انهم شربو دريل بوت وهذا الشخص موجود معنا في
البورد وهو اخونا ود وطن بلا قيود

التعديل الأخير تم بواسطة admin ; 07-12-2005 الساعة 01:16 PM
admin غير متواجد حالياً   رد مع اقتباس
قديم 07-12-2005, 02:57 PM   #7
أبوجهينة
Guest
 
المشاركات: n/a
افتراضي مشاركة: الحرجل و المحريب و الحزا ...

ود الشيخ

في واحد اخونا قال في بيت طيفور بجده شوف عينو خلطوه بالدريل
فقال انهم شربو دريل بوت وهذا الشخص موجود معنا في
البورد وهو اخونا ود وطن بلا قيود


:-D

يمين يا ود الشيخ ضحكت لامن دمعت ..
غايتو الدريل بتاعي في عيد الضحية الجاي .. جاهو بَلا ... حيخلط لامن يفتر ..
التحية موصولة للأخ وطن بلا قيود
  رد مع اقتباس
قديم 07-12-2005, 03:48 PM   #8
المغيره
 
تاريخ التسجيل: Sep 2005
الدولة: ابوظبى
المشاركات: 629
افتراضي مشاركة: الحرجل و المحريب و الحزا ...

.
يا ابو الجا

والله حيرتونا بالمواضييع العجيبه بتاعتكم

انت و ودالشيخ دى ..

انا غايتو بتزكر سيد الجمل لما كان يقول

الجردقه الحرجل النبق النبق . ولى هسع

ما عارفو ليه كان بيقول النبق مرتين ؟؟؟؟؟؟؟؟؟؟؟؟؟

اما فيما يختس بال .......... بوت اكان بقى

شر و الا درل انا قاعد فى الخلاء اكان فى

الضحيه نصيبى ما وصلنى سفرى ناس ابوظبى

جاهم بلا ......
المغيره غير متواجد حالياً   رد مع اقتباس
قديم 08-12-2005, 12:01 PM   #9
أبوجهينة
Guest
 
المشاركات: n/a
افتراضي مشاركة: الحرجل و المحريب و الحزا ...

المغيرة
سلام يا حبوب

انا قاعد فى الخلاء اكان فى

الضحيه نصيبى ما وصلنى سفرى ناس ابوظبى

جاهم بلا ......


يا زول أدني عنوانك و برسل ليك جردلين اللات شربوت بال Dhl

أرقد عافية
  رد مع اقتباس
قديم 09-12-2005, 03:15 AM   #10
ود مسمار
 
الصورة الرمزية ود مسمار
 
تاريخ التسجيل: Aug 2005
المشاركات: 2,926
افتراضي مشاركة: الحرجل و المحريب و الحزا ...

شكرا يا ابوو جهينة علي هذا الامتاع و الابداع الراقي الذي نفتقده كثيرا....

بما انك وود الشبخ خبراء بالاعشاب ... بدور اسالكم عن نبتة الداّلي (مع امالة اللام الثانية)...وهي نبتة تشبه الضريسة بس ما فيها شوك واوراقها اكثر سماكة ... تنقع هذه النبتة في الماء لفترة ويستخدم الماء المنقوع في علاج الم الاذن..ولقد جربت ذلك ...فهي الكمدة بالرمدة
ود مسمار غير متواجد حالياً   رد مع اقتباس
قديم 10-12-2005, 10:57 AM   #11
أبوجهينة
Guest
 
المشاركات: n/a
افتراضي مشاركة: الحرجل و المحريب و الحزا ...

الأخ العزيز ود مسمار

تحايا و سلام

نبتة الداّلي (مع امالة اللام الثانية)...وهي نبتة تشبه الضريسة بس ما فيها شوك واوراقها اكثر سماكة ... تنقع هذه النبتة في الماء لفترة ويستخدم الماء المنقوع في علاج الم الاذن..ولقد جربت ذلك ...فهي الكمدة بالرمدة

طبعا السودان يعج بنباتات لا حصر لها و بلا شك أن بكل واحدة منها علاج لشيء ما.
في الشمالية هناك نبات زاحف ثمرته تشبه البامية و عندما تقطع القرن الأمامي ، ينسكب سائل كالحليب ، و هو علاج لكل أمراض الجلد و البشرة بطريقة مذهلة لو إكتشفها الناس لتركوا كل المستحضرات التي في الأسواق.

أرقد عافية
  رد مع اقتباس
قديم 12-12-2005, 12:06 PM   #12
admin
 
الصورة الرمزية admin
 
تاريخ التسجيل: Apr 2005
المشاركات: 751
افتراضي مشاركة: الحرجل و المحريب و الحزا ...

تعرف يا ابا جهينة بحكم انو والدنا رحمة الله عليه كان الانجليز قد
نفوه في الغرب من سنة 1927 وحتى 1948 وغالبية اخوتي
مواليد الابيض والفاشر ونيالا الا نحنا اتولدنا امدرمانين طبعا
ما منتظرني اقول ليك مواليد كم المهم في الموضوع
يتنا مولع باكل الغرب وخصوصا الكول والذ شئ لمن تاكل الكول مع اي ملاح
مفروك ولا سيما ملاح الشرموط الأبيض وتكون الكسرة كسرة مرحاكة ما طابونه
والمهم في الكول انه سلاح فعال ضد النصايب حقات الفُكية
اظنو داخله فيهو نبتة شجرة النيم التي لا يطيقها الشيطان وتعرف مع انو لمن تاكل كول
بتبقى عفريت ذات نفسك اها بالمناسبة دي قالوا واحد سوداني عزم مصري
ملاح ويكة حمراء بالعكو والكول المصري اكل لمن قلبو يوقف غايتو
لمن غسل ايدينو اخونا جه يمسح شنبو شم اليد طبعا ما صدق الريحة
قال للسوداني ياااه امال بطلعو في الحمام إيه
ودي برضو بتذكرني بالحبشي العزمو السوداني فسيخ
اخونا اليوم كلو يشم في ايدو ويقول شوف ( بلاهي سوداني يعزمني فتيس )
كدي برضو النسألك جربت ملاح المريس ده كمان قصة عجيبة
اخيرا
واحد من اخواني كان ابوي رجع مأمورية للخرطوم واتولد فيها وده تاني واحد
كان لمن يتشاكل مع اخواني وخصوصا الكبير فينا كان بجري وينبذو يقول ليهو
زرايب طوب ساردين كول طبعا احنا زدنا النبذ
تلاجات زير طيارات حمير وده لزوم التفشخر والكلام واضح
الناس الاتولدت في القطاطي غير الناس الولدوها في بيوت طوب
والناس الكبرت بالكول غير الناس الاكلت ساردين والباقي واضح
والله هسع ما عارف ناس الانترنيت ديل يقولوا شنو لي ناس اللوح وقلم الاردواز


تعرف كنت بحب اجازة المدرسة عشان امشي ازور اهل الوالدة في القضارف ودوكة
واهم شئ في سفرة دوكة محطة شاشينا اتذكر فيها شجر وتحتو النساوين
ببيعن الاكل في واحدة مشهورة وانت عارف الطبيخ نفس
كنت بحب اضرب عندها ام رقيقة والكول بجيبو معاي من ام درمان
admin غير متواجد حالياً   رد مع اقتباس
قديم 12-12-2005, 07:51 PM   #13
عطـــبراوى
رحمة الله عليك أبا روان
 
الصورة الرمزية عطـــبراوى
 
تاريخ التسجيل: May 2005
الدولة: في رحاب الله رحمة الله عليه
المشاركات: 3,014
افتراضي مشاركة: الحرجل و المحريب و الحزا ...

ابو جهينه يا ظريف ..
أولا تحياتى لك لأنك ولدنا ..
تانى شئ عرفت عمرك كم طالما تذكرت وانت صغير زمن( الحرجالى) وهذا
هو اسم صاحب الجمل الذى يقوده وهو محمل بما ذكرت من حرجل وحمريب
وحزا ..( لا أدرى هل هى بالزاى أم بالذال كما ذكر ود الشيخ ) .. على كل حال
كان أغرب شئ فى تلك التجارة هو مقايضتها بالعيش(الذرة ) .. وقد كنت أحمل صحن من
الذرة وأركض للحرجالى واستعيضه ببعض الجردقه والحرجل وغيرها .. وقد كانت
تجارة رابحة له وللمشترى .. فهو يجمعها من صحراء ابوحمد ويشد الرحال مشيا
من منطقة لمنطقة وهو يبيع ويستبدل.. وعندما يحين موعد وجبة ينقر على أقرب
باب ويقول لهم سوا لى فطور أو غداء ... ويطيب له المبيت فى أى فسحة فى
ضراء حيطة وخلاص ..

تخريمة
شكرا لك ابو جهينه على الذكريات الحلوة .. كدى راسلنى فى الخاص يمكن نطلع
بنعرف بعض والله أقرباء ..
__________________
----------------------------------------

الفرق بين العصيدة والمديدة قبضة دقيق

التعديل الأخير تم بواسطة عطـــبراوى ; 27-02-2008 الساعة 07:20 AM
عطـــبراوى غير متواجد حالياً   رد مع اقتباس
قديم 14-12-2005, 11:53 AM   #14
أبوجهينة
Guest
 
المشاركات: n/a
افتراضي مشاركة: الحرجل و المحريب و الحزا ...

المخضرم ودالشيخ

سلام كبير

اخونا اليوم كلو يشم في ايدو ويقول شوف ( بلاهي سوداني يعزمني فتيس ):grin:

ذكرتني بقصة الشيخ بتاع الأزهر مشى في شهر رمضان السودان و أكلوه الجماعة ( تركين ) فسألهم : أتأكلون هذا ؟ عليكم غسل جنابة ..:grin: :grin: :grin: :grin:
  رد مع اقتباس
قديم 14-12-2005, 11:55 AM   #15
أبوجهينة
Guest
 
المشاركات: n/a
افتراضي مشاركة: الحرجل و المحريب و الحزا ...

عطبراوي

تحايا بالكوم

راجع بريدك الداخلي.

كان أغرب شئ فى تلك التجارة هو مقايضتها بالعيش(الذرة ) .. وقد كنت أحمل صحن من
الذرة وأركض للحرجالى واستعيضه ببعض الجردقه والحرجل وغيرها .. وقد كانت
تجارة رابحة له وللمشترى .. فهو يجمعها من صحراء ابوحمد ويشد الرحال مشيا
من منطقة لمنطقة وهو يبيع ويستبدل.. وعندما يحين موعد وجبة ينقر على أقرب
باب ويقول لهم سوا لى فطور أو غداء ... ويطيب له المبيت فى أى فسحة فى
ضراء حيطة وخلاص ..


يا سلام يا عطبراوي .. رجعتنا كم سنة كدة لي ورا
أرقد عافية
  رد مع اقتباس
قديم 14-12-2005, 07:29 PM   #16
عطـــبراوى
رحمة الله عليك أبا روان
 
الصورة الرمزية عطـــبراوى
 
تاريخ التسجيل: May 2005
الدولة: في رحاب الله رحمة الله عليه
المشاركات: 3,014
افتراضي مشاركة: الحرجل و المحريب و الحزا ...

ابو جهينه ..
تحياتى لك ..
راجعتوا ..
فاضى ما فيه التكتح .
عاود الكرة مرة بعد مرة .
__________________
----------------------------------------

الفرق بين العصيدة والمديدة قبضة دقيق
عطـــبراوى غير متواجد حالياً   رد مع اقتباس
قديم 14-04-2007, 03:01 PM   #17
زهير
 
الصورة الرمزية زهير
 
تاريخ التسجيل: Oct 2005
المشاركات: 10,237
وعند جهينة الخبر اليقين.
__________________
يستحيل فهم لعبة السياسة هنا، كما يستحيل فرز ألوان كرة الكريستال بطيف قزحها المجهر. وهي أعصى فهما من تفسير انكباب إسكافي رقيق، لزركشة مقبض سوط سيد يذيقه من ذؤابته لسع الألم!.
أ. عمر المضواحي
زهير غير متواجد حالياً   رد مع اقتباس
قديم 14-04-2007, 03:22 PM   #18
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي

الله يا زهير بالله الحاجات الجميلة دائما ارفعوها
فوق يستفيد منها الما حضرا ولا شافا
ودالشيخ غير متواجد حالياً   رد مع اقتباس
قديم 12-07-2007, 06:11 AM   #19
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي

...................................
ودالشيخ غير متواجد حالياً   رد مع اقتباس
قديم 12-07-2007, 07:30 AM   #20
عطـــبراوى
رحمة الله عليك أبا روان
 
الصورة الرمزية عطـــبراوى
 
تاريخ التسجيل: May 2005
الدولة: في رحاب الله رحمة الله عليه
المشاركات: 3,014
افتراضي

يا سللللام ..
والله زمن يا جماعة .؟؟
وين ابو جهينة ده ؟؟
يا حليلك يا الحرجالى .
طيب 3فى 5 وننقص منها 2 يكون الباقى.... ... ايوه وبعدين ببممننتلاةوبخت ..
خلاص عرفت عمرى كم اسى ..
__________________
----------------------------------------

الفرق بين العصيدة والمديدة قبضة دقيق
عطـــبراوى غير متواجد حالياً   رد مع اقتباس
قديم 12-07-2007, 07:35 AM   #21
عطـــبراوى
رحمة الله عليك أبا روان
 
الصورة الرمزية عطـــبراوى
 
تاريخ التسجيل: May 2005
الدولة: في رحاب الله رحمة الله عليه
المشاركات: 3,014
افتراضي

فى مرات كثيرة كانت الوالدة أمد الله فى عمرها ترسلنى للحرجالى وكنت
أخلط بين الحرجل والحمريب .كنت بحاول اتذكر الحمريب ياتو ؟؟ الويل
أم الصفق الاخضر الصغار ؟؟
وكم مرة غلطت وجبت ليها الحمريب بديلا للحرجل .
أما الحزا فكان استعماله بسيط ..
يحكى أن شرطى قبض تاجر بنقو فى القطر وجابو لغرفة البوليس وكان ماسك
الكيس الفيهو البنقو وقال للراجل ده شنو ؟؟ قال ليهو كدى ورنى . البوليس مد الكيس للراجل
وقال ليهو ده .. الراجل شال ليهو شويه شماهو وبشباك القطر زززززن رماهو وقال ليهو ( مو حزا ) ..
طبعا طار الدليل والجريمة راحت شمار فى مرقة .
__________________
----------------------------------------

الفرق بين العصيدة والمديدة قبضة دقيق
عطـــبراوى غير متواجد حالياً   رد مع اقتباس
قديم 12-07-2007, 08:46 AM   #22
ودالشيخ
مشرف
 
الصورة الرمزية ودالشيخ
 
تاريخ التسجيل: Sep 2011
المشاركات: 26
افتراضي

يا عطبراوي مالك داير تلخبطنا يا أخي
اسمو المحريب ما الحمريب
ودالشيخ غير متواجد حالياً   رد مع اقتباس
قديم 12-07-2007, 02:24 PM   #23
عطـــبراوى
رحمة الله عليك أبا روان
 
الصورة الرمزية عطـــبراوى
 
تاريخ التسجيل: May 2005
الدولة: في رحاب الله رحمة الله عليه
المشاركات: 3,014
افتراضي

صدق يا بو بشى تنطق بالاثنين . وانا ما كنت منتبه لها ولكنها
تنطق حمريب ومحريب . بس كيف تعرفها أم صفقا صغر أم التانية ..
الحمريب أو المحريب يقوم على شكل نجيلى وهو نبات خلوى ويبلغ ا
رتفاعه عن سطح الارض حوالى العشرين سم .. يتحد فى جذور متشابكة واحدة .
له رائحة ذكية جدا .. تصنع منه شربة غلاية وهى علاج ناجع لمشاكل
البطن . ويغلى ايضا مع الشاى ويعطيه نكهة حلوة .
__________________
----------------------------------------

الفرق بين العصيدة والمديدة قبضة دقيق
عطـــبراوى غير متواجد حالياً   رد مع اقتباس
قديم 12-07-2007, 07:45 PM   #24
عزيز
 
تاريخ التسجيل: Aug 2005
الدولة: بحرى
المشاركات: 845
افتراضي

بوست للقدام
و بس
الشباب يمتنعون
العجائز يتقدمون


اها يا حجاج
ما فيها كمون اسود و حلبة
و ما تنسوا المحريب
__________________
أنا أنا فهل أنت أنت
عزيز غير متواجد حالياً   رد مع اقتباس
قديم 12-07-2007, 08:15 PM   #25
ود الجريف
 
الصورة الرمزية ود الجريف
 
تاريخ التسجيل: Jul 2007
الدولة: السعودية
المشاركات: 3,400
إرسال رسالة عبر MSN إلى ود الجريف إرسال رسالة عبر Yahoo إلى ود الجريف
افتراضي

الأستاذ/ أبو جهينة حيَّاك الله على هذه التوليفة الرائعة والمرجعية الطبية الشعبية التي مازال السودانيين ينهلون منها اليوم وغداً مهما تقدم الطب فأسأل المجرب ولا تسأل الطبيب .

السعودي بتاع الشربوت ده إلا يرحل من العمارة ههههههههههههههههه
__________________

أرقى مايتعلم الانسان أن يستــمع لكل رأي
ويحــترمه وليــس بالضــرورة أن يقتنــع به ...

ود الجريف غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:09 PM


Powered by vBulletin® Version 3.8.7
Copyright ©2000 - 2014, vBulletin Solutions, Inc.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .