عرض مشاركة واحدة
قديم 22-04-2021, 03:35 PM   #1
الثلج الساخن
 
تاريخ التسجيل: May 2019
المشاركات: 276
افتراضي اليوم العالمي للأرض : اتنين وعشرين ابريل

نهاية الحياة البيولوجية على كوكب الأرض
يمكن تكون قريبة ما بعيدة.

قراءات العلماء من القرن التاسع عشر والعشرين
كانت ب تقول إنو الأرض ح تتصحر,
و ح تبقى قاحلة ,و ح تنعدم فيها ظروف الحياة,
زي ما هي معدومة حالياً في المريخ و القمر.

ب يفتكر العلماء إنو الكارثة دي ح تحصل
بصورة طبيعية وبدون تدخل الإنسان
بعد أربع مليارات سنة.

ح تقول لنفسك حييييلك لما يحصل الكلام ده.
أكيد نحنا ح نكون ما فيش لما يحصل ,
وأي جيل بعدنا يمكن نصلوا بخيالنا,
أو نتعاطف معاه بوجداننا ,
ح يكون مافيش كمان,
وده معناه إنو كارثة زي دي إذا حصلت
ح تكون حاجة في قيد الغيب
بل في قيد التجاهل لأنها ح تكون
بعيدة من نطاق إهتماماتنا ومسؤولياتنا الملِحّة والعاجلة.


ايوااه , كلامك صحي ما غلط,
الكارثة دي إذا ح حصلت ,
ح تكون بعيدة مننا في المستقبل بصورة
تخليك تضحك مع نفسك.

لكن في الحقيقة العارية من التنظير ,
الكارثة دي بقت قريبة جدن جدن
وبصورة ما نتخيلها
بسبب حاجتين اتنين :

الاسلحة الحربية النووية .
والاحتباس الحراري المناخي.

الفيروسات الوبائية دخلت برضو كعامل مهدد للحياة البشرية,
لكن الاسلحة النووية والاحتباس الحراري مهمة أكتر لأنهما
يهددان ايضاً كل اشكال الحياة التانية
زي الحياة النباتية والحيوانية والحشرية الى آخره.

يقول الأمين العام للأمم المتحدة بمناسبة يوم الأرض :

[ يجب أن نعمل بحزم لحماية كوكبنا من فيروس كورونا
ومن التهديد الوجودي الناجم عن اضطراب المناخ. ]


كسرة بمناسبة يوم الأرض , الكوكب الأم :

أغنية الأرض مترجمة للمغني الراحل مايكل جاكسون
ب تشخِّص فكرة اليوم العالمي للأرض : اتنين وعشرين ابريل :

افتح صفحة يوتيوب
انسخ واطبع الكود ده :

watch?v=D8ldvRg-fr8/



__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 22-04-2021 الساعة 03:47 PM

الثلج الساخن غير متواجد حالياً   رد مع اقتباس