الطيف حقا رحل
عمنا ود الشيخ استجدى الطيف
ولم ينصاع به
وهى امنية لو تعلمون تساوى
كنوز الدنيا ولكن لا حياة لمن
تنادى
عندما نفقد واقعنا الذى كنا نحسه
ونتعايش وسطه وبين جنباته
وفجاءة يصبح سراب وهو لازال ينبض فى دواخلك
فإنك تشتاق له وتئن من نار شوقك له
وتترجى ان يأتيك ولو طيفا كما قال ود الشيخ
او كما قال محمد كرم الله
حتى الطيف رحل خلانى
هاي قليل يا طيف اقيف و ارجاني
وين فايتني عابر ؟؟!!!
وانا شين حارس وراك انا تاني؟؟
ياني معاك مسافر
وين حتى الطيف رحل خلاني
ما طيّب لي خاطر
الليلة لا تقول ليّ هيّ كدي استناني
بمشي و اجيك باكر !!
يبقي انا ما الم فيك تاني
مين عارف المصائر
وين حتى الطيف رحل خلاني
ما طيّب لي خاطر
الليلة هاك اسمع رنين الحاني
ابقي معايّ سامر
خفف لي قليل احزاني
ياما انا عشت صابر !!
وين حتى الطيف رحل خلاني
ما طيّب لي خاطر
الليلة شوف كيفن يسوي زماني
ديمة عليّ جاير
آه مر العذاب وراني
سهمو في قلبي غائر !!!
وين حتى الطيف رحل خلاني
ما طيّب لي خاطر
الليلة شوف الليلة كيف بستاني
الكان باشي ناضر ..
من حر السموم بيعاني
طيرو يفر يهاجر
وين حتى الطيف رحل خلاني
ما طيّب لي خاطر
الليله جفّ يبس صبح صناني
لافح حرو كافر
عدمان الضليل سواني
مجنون قالوا شاعر
وين حتى طيفو رحل خلاني
ما طيّب لي خاطر
الليله كل ما تمر تعدي ثواني
منو أسراب تغادر
رحل الفيهو صرت وحداني
نازل ومرة سادر
وين حتى الطيف رحل خلاني
ما طيّب لي خاطر
الليلة أنا بحوم وأرجع وأصد بكاني
مقطوع راسي حاير
وين أحبابي وين خلاني
آه يا الله قادر
وين حتى الطيف رحل خلاني
ما طيّب لي خاطر
الليله ما عارف العلي تراني
فوق كرعي ساير
وأسكت أسوي في أوزاني
أشعار مالا آخر
وين حتى الطيف رحل خلاني
ما طيّب لي خاطر
الليله وإنت ياطيف عليك أحزاني
ليّ شوية كابر
عشان خاطر قليبي عشاني
لحظات بس تخاطر
وين حتى الطيف رحل خلاني
ما طيّب لي خاطر
يمّه النوم أبا وجافاني!!!
وأصبحت داجّي ساهر
وين حتى الطيف رحل خلاني
ما طيّب لي خاطر
رد مع اقتباس
.gif "1; (118)")
المشاركة الأصلية كتبت بواسطة بت امدرمان
.gif "1; (25)")
Keep Smiling 
