خاطــــــــرة أنســية
حـباب الزول والزولة ..

ماذا أكتب وماذا اقول ..
فقد قالتها في وله وصدقٍ وقبول ..
فتشته ليك ..... وين وكيف
حبابك عشرة من غير كشرة
الباب موارب
أدخل تعال ...
والله عندي ليك ما بفيد جبر الخواطر
بسقيكا من وريدي الحنان ..
وأخلص ليك وأبادر
أودعك في حـنايا الروح
وأشيلك في رحاب عينيىّ الغر النواضر
تشرب من كفوفنا شراب الهين
ونتدفق ونترفق ... وبي لأحضان نباشر الزول
حباب أخونا وأبونأ ونفر العوارض
خاتي القول
حباب الزول .. الفي الكلام ممهول
حبابك نحنا فاردين الجناح كرم وقبول
حبابك إنتي يا دخرينا البي الشرف مصقول
حباب توب العفاف البي الحنان مشقول
حباب الحن البتاتي فارد الجناح ..
إيوان كسرى ..
عشان يكرم الزول ... سماح ووقار ...
وما هو اللجوج وعجول
حباب مكنوز الستر ...
علي الدانقة والديوان
حبابك يا ضيف الهنا ...
التوب البخب ..
رفيف خطو الرحابة
ما هو اللفيف وجهول
حباب دهب الخزائن خلاصة رغام بني شنقول
حباب ألق المحنة .. البي الحرير مجدول
حبابك عينة الوفاء البي الزهور مخفور
حباب كرم الوفادة الحييّ ووقور
حباب الطريف البدمع وقتين يلاقي الزول
وليهو يخف .. يقول أهلا .. ويفرش دربو بي الياسمين
سماح وندواة رقة ولين
حارساهو من أصلو الموسم بالعلم والدين
حباب خلاصة الود الحفي وجسور
حباب كرمة الندى .. خلاصة رحيق الإنسان
الفهـيم ووقور
حباب الزول الولوف وجسور ...


عـفو الخــاطــر ...
الحــبوب