مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: 8 سبتمبر 1974 يوم الاعتذار (آخر رد :نادر ليمونه)       :: مـن قتل عـروس منـدلـي !! (آخر رد :أقبـــــال)       :: ود الشيخ عليك من الله ما تستحق اما أنا فعلي لعنة الله الى يوم الدين (آخر رد :ود الشيخ)       :: ود الشيخ انت أفلست وجهة نظر مني اعتقادا (آخر رد :ود الشيخ)       :: هجوم صاروخي يستهدف قاعدة أمريكية على حدود الكويتية العراقية (آخر رد :أقبـــــال)       :: ود الشيخ عارٌ عليك عظيم أن تضع في ملفك صورة هذا الرجل وهذه المرأة كجدار ومظلة لنجاستك (آخر رد :قصي محمد عبدالله)       :: صبي القعدة الوليد النجس قصي محمد عبد الله (آخر رد :ود الشيخ)       :: دعوة الحزب الشيوعي لإسقاط حكومة الفترة الانتقالية .. بقلم: حامد بشري (آخر رد :ود الشيخ)       :: دعوة للحضور: تصميم وترميز الشهادات وتصديرها (آخر رد :نادر ليمونه)       :: تفجير يستهدف رتلا للتحالف الدولي في بابل (آخر رد :أقبـــــال)      

إضافة رد
 
أدوات الموضوع انواع عرض الموضوع
قديم 13-04-2014, 11:59 AM   #1
محمد احمد عويضة
Banned
 
تاريخ التسجيل: Mar 2012
المشاركات: 3,938
افتراضي اذا خير الشعب بين هذا النظام وعودة المستعمر البريطاني من يختار



اذا خير الشعب بين هذا النظام وعودة المستعمر البريطاني من يختار

سوال يبحث عن اجابة في ظل تردي الاوضاع الاقتصادية والاخلاقية في السودان
الكل مسئول الشعب بصورة صغيرة والنظام بصورة كبيرة

اذا خير هذا الشعب بين هذا النظام من يختار النظام ام المستعمر

اجابتكم محل تقديرنا

الى الامام العادل الفاروق
من طيبة الشقائق ما زلت ابحث عنك من عام الرمادة
لعلي احظي باوراد التجلي وبانوار الشهادة
رغم الام مخاض امة المختار ستاتي انوار الولادة



محمد احمد عويضة غير متواجد حالياً   رد مع اقتباس
قديم 13-04-2014, 01:34 PM   #2
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

.. ولا واحد فيهم. ..
twigstwigs غير متواجد حالياً   رد مع اقتباس
قديم 18-04-2014, 05:26 PM   #3
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

...

بغض النظر عن الاسقاطات الدينية , كلام حسين خوجلي تحت يمكن يكون جواب على سؤالك يامحمد أحمد , لاكن أنا عن نفسي جوابتك . فوين جوابك انتا ؟؟



...

التعديل الأخير تم بواسطة twigstwigs ; 18-04-2014 الساعة 05:31 PM
twigstwigs غير متواجد حالياً   رد مع اقتباس
قديم 20-04-2014, 01:05 PM   #4
المونة
 
الصورة الرمزية المونة
 
تاريخ التسجيل: Nov 2006
الدولة: الخرطوم
المشاركات: 339
افتراضي رد: اذا خير الشعب بين هذا النظام وعودة المستعمر البريطاني من يختار

نفتقد الاخ عويضة
المونة غير متواجد حالياً   رد مع اقتباس
قديم 20-04-2014, 02:24 PM   #5
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
نفتقد الاخ عويضة
المونة : تحياتي ياخي.

ما بتفتكر يالمونة إننا بنفتقد للإتزان والمنطق في أقلام أعضاء المنبر أكثر من افتقادنا لشخص فلان أو علان. ؟؟ أنا مش الضرورة بستثني نفسى لما اسألك السؤال دا. لاكن بأمانة كده إنتا رأيك شنو في انسان يتعرض لإستفزازت مبالغ فيها , يعني استفزازت أقل ما يقُال عنهاإنها " غير لائقة " , ولما يجي يرُد على الاستفزازات دي بطريقة غير لائقة, يتم حظرو مرة واحدة تمنعو زاتو من الاعتذار . والغريبة كمان إنو يُستثنى من الحظر نفس الناس الي استفزوه بطرقهم " الغير لائقة " . فبأمانة دا : دا ياتو منطق.؟

أنا بالمناسبة ما بحّرش على حظر أي زول . أنا ضد الحظر اساساً. خصوصا لما يكون في السياق اللي حُظر بيهو " محمد أحمد " . الإدارة كان بإمكانها تسحب البوستات المعنية وانتهينا والسلام . السحب كان يمكن يكون من البداية خااالص , يعني من بداية خط الاستفزاز " غير اللائق" اللي بدا حتى قبل ما يرد " محمد أحمد" بردو الغير مقبول والغير متوقع إطلاقاً. الاستفزاز اللي أدي للحظر بيظهر زي كأنو هزار وخفة دم , لاكنو غير لائق .ودي الحقيقة. وأنا متأكد أنو إذا تعرض أي واحد من هيئة الاشراف لإستفزاز مشابه فماحيقبلو أبداً.

كمان يمكن الإدارة تلاحظ إنو يوجد فقر شديد في عددية الاعضاء النشطين في المنبر . فنصيحتي إنها تتسامح وتعدّل سياساتها اللي مرات بتكون زي النظام القال عليهو المحترم محسن : " ما أُريكم إلا ما أرى " . أي عضو محظور عندو مئات المساهمات الايجابية اللي فعّلت ونشطت المنتدي الحر في الفترة الاخيرة, فكونو تنسو دا كلو وتحظرهو على تعليقين هو زاتو ما كان السبب فيهم , فدا شئ مامنطقي ولامتزن.

في الحقيقة يامونة , أنا قليلاً ما اتدخل في هذه الامور المتعلقة بسياسات المنبر , ويمكن في جوانب خافية علي بخصوص حظر صاحب البوست الحصل قبل أيام . لاكن أنا عاوز أقول ليك إنو أنا رفعتا البوست دا قبل أيام وكنت مستني واحد حساس زيك يعلق ويديني الفرصة حتى أقول الكلام الفوق دا. فشكراً ليك ياخي .

التعديل الأخير تم بواسطة twigstwigs ; 20-04-2014 الساعة 02:28 PM
twigstwigs غير متواجد حالياً   رد مع اقتباس
قديم 20-04-2014, 02:37 PM   #6
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,670
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
المشاركة الأصلية كتبت بواسطة twigstwigs مشاهدة المشاركة
.. ولا واحد فيهم.
مع إنو السؤال " إذا خير هذا الشعب... ..."
محسن الفكي غير متواجد حالياً   رد مع اقتباس
قديم 20-04-2014, 02:42 PM   #7
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

تصحيح:

أنا مش * بالضرورة * بستثني نفسى لما اسألك السؤال دا.
twigstwigs غير متواجد حالياً   رد مع اقتباس
قديم 20-04-2014, 03:08 PM   #8
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,670
افتراضي رد: اذا خير الشعب بين هذا النظام وعودة المستعمر البريطاني من يختار

بعيدا عن خيارات الشعب التي أجاب عنها twigstwigs بإعتبارة الشعب.

اقتباس:
الى الامام العادل الفاروق من طيبة الشقائق ما زلت ابحث عنك من عام الرمادة
اقتباس:
عمر اوقف العمل بحد السرقة فى عام الرمادة
http://www.sudaneseoffline.net/forum...5&postcount=17
اقتباس:
حرم عمر زواج المتعة
محسن الفكي غير متواجد حالياً   رد مع اقتباس
قديم 20-04-2014, 03:27 PM   #9
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

الكومريد محسن:

بأمانة شديدة خلاس , يادوب انتبهتا لتعليقك ده.

اقتباس:
مع إنو السؤال " إذا خير هذا الشعب... ..."
آسف جداً يا صديقي وعاوز أقول ليك إنو حتى لو "خُيّر" الشعب فلازم يُعرض الخيارين ديل وعن أي خيارات زي دي.

وعاوز أقول ل "محمد أحمد" , إذا بتقرا كلامي دا , إنو كونو نحنا نخت الناس في حتة زي دي , فدا زي كأننا دايرين نوهمهم إنو في خيار حر . لاكن في الحقيقة ما في أي خيار مطروح ولا في اي حرية متوفرة في وضع زي ده يخلي الشعب في منتصف الطريق ببن الانقاذ والاستعمار . الاثنين ديل زاتم وجهين لعملة واحدة. لأنو جو رغما عن الشعب.

زكرتني يا كومريد قصة : كنتا قبل مده ليست بالطويلة بتناقش مع واحد مسيحي " بروتستانت" في الصالة الرياضية المجاورة لسكني . فقال لي : إنو " الله " أسّس للحرية الانسانية لما أدى الناس خيار إنو يختاروا بأعمالهم ما بين الجنة والنار. فرديت عليهو بلطف إنو أصلاًَ ما في حرية حقيقية في وضع زي دا . ليه ؟؟ لأنو الجنة والنار ديل خيارات " الله " مش خياراتك . والله بخيارتو دي , في الواقع , ما بيعطيك الحرية الحقيقية , لاكن يديك بديلها : يعني بيدك الاستبداد في شكل الحرية , قصدي بيعطيك شئ قائم على وهم الحرية وخيالها وليس قائماً على الحرية زاتها . وقولتا ليهو إنتا إذا ختيت قدام طفلك موزة وبرتقالة وقلتا ليهو اختار واحدة " بس " من ديل, وما عندك خيار تاني , فهل فعلا بينك وبين نفسك حتكون مقتنع إنو انتا أديتو حرية حقيقية بخيارتو هو ؟ بالطبع لأ . طفلك في الوضع دا بيختار بخياراتك إنتا , مُش بخياراتو . فسألني الزول دا السؤال التالي : طيب , في ظل وجود حرية حقيقية. إنت حتختار شنو بخياراتك أنتا : الجنة أم النار ؟ فقلتا ليهو . أنا ما حأختار لا جنة لا نار : حأختار إني أُعرض عن الخيارات دي وأدير لها ظهري : يعني

" I will choose to walk away from God and his choices "

التعديل الأخير تم بواسطة twigstwigs ; 20-04-2014 الساعة 03:31 PM
twigstwigs غير متواجد حالياً   رد مع اقتباس
قديم 20-04-2014, 03:38 PM   #10
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,670
افتراضي رد: اذا خير الشعب بين هذا النظام وعودة المستعمر البريطاني من يختار

فهم السؤال نصف الجواب
والاسئلة الخطأ حتما تقود لإجابات أكثر خطأ.

كتب twigstwigs
اقتباس:
بمناسبة السطِل . عاوز أقوليك حاجة يانادر , اذا دي كانت خياراتك البتسعدك والمقتنع بيها , فياخي أصلو ما تخلي زول يحسسك إنها غلط.
والكلام ده أنا بقولو ليك وعارف بقول في شنو؟؟ فهمتني ؟؟
مرة تانية الكلام ده أنا بقولو ليك وعارف بقول في شنو. كويس ؟

العاوز أقولو ليك يا twigstwigs من خلال مداخلاتك في البوست ،إعتمد جوهر حديثك على قراءة متعجلة
وبالتالي بنيت عليها إستنتاجات واحكام.
نفس الشئ ده حاصل في التاريخ
الناس البيكتبو التاريخ "المؤرخين" بيكتبوه من خلال رؤيتهم في ذلك الزمان او حتي الزمن الحاضر فترة ( 1898-1956 ) الحكم الثنائي"
هل فيكم زول عايش تلك الفترة كي يحكم بانها كانت شكلها شنو ؟
إنت يالليلة يا twigstwigs ممكن تتذكر فترة طفولتك او مرحلة المتوسطة او الثانوي وتصفها بأنها الزمن الجميل
ما بقدر أقول ليك تلت التلاتة كم ورايك محترم ومقدر رغم عاطفيته
لكن من أين لك بالحكم على زمان المستعمر كي ترد على السؤال بإعتبارك كل الشعب.
من أين لك بالحكم على شخص بانه يسطل من خلال بوست او بوستات يكتبها
من أين لك الحكم بأن اهناك إجراء إداري ما -ليست لديك خلفية كافيه- ومن ثم تصدر فيه رأيا؟

من كل ما سبق من مداخلاتي في هذا البوست أقول:
توجد أزمة قراية والناس بترد ساي بدون ما تقرأ كويس (برضو ما مشكلة) وليها حل
انما زول يكتب انو ما عنده خلفية كافية،ومن ثم يجاوب او يطلق احكامه، (هنا توجد مشكلة).

اقتباس:
كتب twigstwigs
طفلك في الوضع دا بيختار بخياراتك إنتا , مُش بخياراتو . فسألني الزول دا السؤال التالي : طيب , في ظل وجود حرية حقيقية. إنت حتختار شنو بخياراتك أنتا : الجنة أم النار ؟ فقلتا ليهو . أنا ما حأختار لا جنة لا نار : حأختار إني أُعرض عن الخيارات دي وأدير لها ظهري : يعني
سؤال الرجل النصراني-من وجهة نظري- نفس سؤال البوست
الزول البيحكم هو الذي كان متواجد منذ ليلة 30 يونيو 89 وحتي الساعة واحدة ونص وخمسة من 20 أبريل
او الزول الكان متواجد منذ دخول كتشنر وحتي رفع العلم بواسطة الازهري 1956
صعب زول يحكم على جنة ونار وهو لا يعرف عنها شئيا مهما كان ايمانه بحرية لا حد لها
قليل من الموضوعية ، يشجع على فهم اللجاج الفلسفي أكثر.
محسن الفكي غير متواجد حالياً   رد مع اقتباس
قديم 20-04-2014, 04:19 PM   #11
المونة
 
الصورة الرمزية المونة
 
تاريخ التسجيل: Nov 2006
الدولة: الخرطوم
المشاركات: 339
افتراضي رد: اذا خير الشعب بين هذا النظام وعودة المستعمر البريطاني من يختار

السيد تويقز تحياتي
ان والله لما سالت من الاخ محمد احمد عويضة ما لاحظت انه محظور لكن لاخت فقط الغياب بعد تنبيه من احد الاخوات في بوست اخر .
اما سوالك لي عن الحرية والعدالة وكيفية الحظر
طبعا بكل تاكيد انا مع العدالة مطلق العدالة ومع الحرية وضد الحظر اي كان سببه ............ لكن هذا الكلام من النظرية والمثالية لكن في الواقع يصعب كثير من ونحتاج ال كثير من الموزانات والترضيات والتسويات ف الحياة بها الكثير من التقاطعات ........ عموما نرجو مراجعة الحظر في شان الاخ عويضة ........ والتحية الاخ محسن صاحب الامكنيات الممتازة ...شايفو شغال معاك كويس
المونة غير متواجد حالياً   رد مع اقتباس
قديم 20-04-2014, 04:35 PM   #12
عبد السلام
 
تاريخ التسجيل: Jan 2010
المشاركات: 2,984
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
الاستفزاز اللي أدي للحظر بيظهر زي كأنو هزار وخفة دم
أنا ذاتي مستغرب للحظر لأنه هزار وخفة دم عادي
هسة يا المونة يعني كونه محمد أحمد عويضة يقول إنه أخواتي منحطات وأمي وأبوي اتزوجوا زواج متعة وإني ود حرام دي فوقها حاجة ؟
عبد السلام غير متواجد حالياً   رد مع اقتباس
قديم 20-04-2014, 04:39 PM   #13
عبد السلام
 
تاريخ التسجيل: Jan 2010
المشاركات: 2,984
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
لاكن بأمانة كده إنتا رأيك شنو في انسان يتعرض لإستفزازت مبالغ فيها , يعني استفزازت أقل ما يقُال عنهاإنها " غير لائقة "
بتفك الكلام طلقيت سااااااااي
بتقدر تثبت الكلام دة ؟
جيب لي استفزاز غير لائق وما كان رد على استفزاز مشابه وويمكن أنكى
عبد السلام غير متواجد حالياً   رد مع اقتباس
قديم 20-04-2014, 04:59 PM   #14
المونة
 
الصورة الرمزية المونة
 
تاريخ التسجيل: Nov 2006
الدولة: الخرطوم
المشاركات: 339
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
المشاركة الأصلية كتبت بواسطة عبد السلام مشاهدة المشاركة
أنا ذاتي مستغرب للحظر لأنه هزار وخفة دم عادي
هسة يا المونة يعني كونه محمد أحمد عويضة يقول إنه أخواتي منحطات وأمي وأبوي اتزوجوا زواج متعة وإني ود حرام دي فوقها حاجة ؟
ما اظن في زول عند ذره من عقل يقبل بمثل هذا الكلام او يفتكروا شي عادي
المونة غير متواجد حالياً   رد مع اقتباس
قديم 20-04-2014, 05:08 PM   #15
محسن الفكي
Elite Member
 
الصورة الرمزية محسن الفكي
 
تاريخ التسجيل: Nov 2005
المشاركات: 26,670
Icon4 خروج من البوست بلا عودة

نكرر الاقتباس تاني
اقتباس:
حرم عمر زواج المتعة
زواج المتعة،يمارسه بعض المسلمين الذين يروا بحسب المؤرخين ان الرسول لم يحرمه
وبالتالي قام عضو بسبب قراءته للتاريخ من خلال عيون ورأي المؤرخين القدماء،بأن من يقول رايه في مقولة اطلقتها طائفة معينة بأنهم أولاد حرام.
ومن ثم ألحق هذا الحرام ببقية اسرته
ليس ردا على اي راي، فهو كتب في "آيه الله الخميني"ما هو أنكي وأمر واضل.

القصة ما قصة نفرين بنهم خلاف في الراي وتسافل احدهم بالقول الساقط، القصة قصة قراية
وده الكلام الاتكتب لحظة الاجراء الاداري من الطرف الآخر
http://www.sudaneseoffline.net/forum...630#post570630
اقتباس:
المشاركة الأصلية كتبت بواسطة عبد السلام مشاهدة المشاركة
حقيقة لم اشتكِ عويضة ولم أسع لإيقافه ولم يحدث أن اشتكيت أي عضو منذ بداية مشاركاتي في المنتديات
حقيقة قليل من القراية لا يضر،وليس بالضرورة ان ينتظر الانسان ان يشتم ويسب حتي يري الاثر في جلده.
محسن الفكي غير متواجد حالياً   رد مع اقتباس
قديم 20-04-2014, 07:25 PM   #16
Gamar Alanbia
 
الصورة الرمزية Gamar Alanbia
 
تاريخ التسجيل: Mar 2007
المشاركات: 5,200
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
المشاركة الأصلية كتبت بواسطة عبد السلام مشاهدة المشاركة
أنا ذاتي مستغرب للحظر لأنه هزار وخفة دم عادي
هسة يا المونة يعني كونه محمد أحمد عويضة يقول إنه أخواتي منحطات وأمي وأبوي اتزوجوا زواج متعة وإني ود حرام دي فوقها حاجة ؟
لا حولا ولا قوة الا بالله ....... معقولة بس .....

من يكتب مثل هذا الكلام أعجز عن توصيفه ...

وأقل ما يمكن أن يقال عنه أنه فاقد المنطق ويجب أن لا يسمح له بالكتابة في هذا المنتدى مرة أخرى ...

وأحتسبها يا عبدالسلام ... وربنا يجزيك كل خير ..
__________________
يا أصدقائي وراء الباب..
في أي عصر نحن؟
Gamar Alanbia غير متواجد حالياً   رد مع اقتباس
قديم 20-04-2014, 07:41 PM   #17
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
فهم السؤال نصف الجواب . والاسئلة الخطأ حتما تقود لإجابات أكثر خطأ.العاوز أقولو ليك يا twigstwigs من خلال مداخلاتك في البوست ،إعتمد جوهر حديثك على قراءة متعجلة وبالتالي بنيت عليها إستنتاجات واحكام. نفس الشئ ده حاصل في التاريخ الناس البيكتبو التاريخ "المؤرخين" بيكتبوه من خلال رؤيتهم في ذلك الزمان او حتي الزمن الحاضر فترة ( 1898-1956 ) الحكم الثنائي" . هل فيكم زول عايش تلك الفترة كي يحكم بانها كانت شكلها شنو ؟ إنت يالليلة يا twigstwigs ممكن تتذكر فترة طفولتك او مرحلة المتوسطة او الثانوي وتصفها بأنها الزمن الجميل ما بقدر أقول ليك تلت التلاتة كم ورايك محترم ومقدر رغم عاطفيته . لكن من أين لك بالحكم على زمان المستعمر كي ترد على السؤال بإعتبارك كل الشعب. من أين لك بالحكم على شخص بانه يسطل من خلال بوست او بوستات يكتبها .

معاك حق . بل فهم السؤال هو كل الاجابة . أنا لا أمثل كل الشعب . صحيح , و لا عندي حق أتكلم لوحدي بإسمو كمان . دا صحيح كمان . ولكن أنا على أي حال واحد من الشعب . وبمثل مفردة واحدة من كلمتو اللي حيقولا إذا خُيّر بهذه الوضع الافتراضي المتخيل في سؤال " محمد أحمد " مش كده.؟

وحنتفق يا كومريد إنو عموماَ الشعب إزاء الحقائق الواقعية دي - الاستعمار والانقاذ- قد اختار الجلاء من الحكم الثنائي زمان زمان خالص حتى قبل ميلاد الشعب الحالي , الناس زمان أختارت هذا الخيار على الرغم من الرفاهية الكان يمكن تصيبها إذا رضت أن تستمر تحت الوصاية المصرية أو تحت التاج البريطاني . الانقاذ جات في طريق الناس للحرية , وصح الشعب هسع غير الشعب الزمان , ولكن إذا ماعجبتهم الأنقاذ بأغلبيتهم , زي ما حاصل هسع , فيعني صعب علي إنو أتخيل إنو يمكن ينادو تاني الاستعمار حتى يحكمهم. أنا شخصيا - ولا أظنني لوحدي - سأقاوم خيار الاستعمار الجديد. ومتأكد إنو ما حأقاومو لوحدي. بعدين كونو إنو الجيل اللي شهد الاستعمار مش موجود , وكونو نحنا ما عارفين رسميا خيار الشعب الحالي في إعادة الإستعمار , فدا ما بينفي إنو في وحدة شعورية - رغم انقطاع التجربة بين الاجيال - ضد الاستعمار بصرف النظر عن زمنو ومكانو ونوعو - وطني أو خارجي . بالوحدة الشعورية دي سمحتا لنفسي إنو أحكم على زمان المستعمر . أحيانا يا كومريد بتسمع قصص سماعية عن أطفال مساكين محجوزين في عهدة آباء قساة . سؤالي هو, على الرغم من أنك ما عايش مع الاطفال ديل في بيت واحد , فهل بتعتبر نفسك متعجل إذ حكمتا على الاباء ديل بأنهم قساة وكده؟ أغلب ظني إنك ما حتقول إنو اعتقادك بقسوة الاباء هي حكم خاطئ او متعجل . طيب لو قلنا إنو الاطفال ديل راضين بحكم الواقع والعادة بقسوة أبائهم ديل , فمع كونو أنك غريب على الاطفال ديل , فهل حترضي بقبول الاطفال للقسوة دي من أبائهم ؟ أغلب ظني إنك - على الرغم من كونك انسان غريب عليهم - كمان ما حترضي بالخنوع البرئ من قبل الاطفال ديل تجاه آبائهم. أها بالفهم دا أنا عاوز أقول ليك إنو الوحدة الشعورية البتجمعك كفرد مع بقية الشعب ومع الاجيال السابقة الغائبة بتخلي قرايتك لواقعك وواقعهم قراية مؤسسة ومش متعجلة. انا جوابتا عنك هنا وعارف إنو أنا ما عندي حق في حاجة زي من الناحية البرتوكولية , لاكن من الناحية الشعورية - والناحية دي مش بالضرورة تكون غلط - أنا عندي قناعة شخصية إنو دي حتكون إجاباتك . كتب الاخلاق كلها تنتصب على الشعور الواحد للناس ولا تنتصب على معرفتك بخيارتم العملية في حتة بعينها في زمن بعينه . كويس ؟؟


مشاركتي السابقة بتأكّد على النقطة البديت بيها أنتا مشاركتك , وهي نقطة إنو الاسئلة الخطأ حتما تقود لإجابات أكثر خطأ. لاكن خليني أختلف معاك في ا أنو مشاركتي ديك هي قراءة متعجلة أو أدت لإجابة خطأ أو أحكام خاطئة من جانبي . مشاركتي السابقة , يا كومريد , عبارة عن جواب صح مبني علي فهمي أنا للسؤال الخطأ اللي طرحو " محمد أحمد. أنا وضحتا ليه جواب محمد أحمد غلط . والسبب إنو هو مفترض إنو بيدي الشعب الخيار الحر بسؤالو دا . والحقيقة إنو مستبد بسؤالي دا زي استبداد الاستعمار والانقاذ سواءً بسواء . فجوابي دا زاتو دليل على إني فهمي لسؤال " محمد أحمد " كان فهم صح .


أما عن السطل وكده, فأنا كنت حذر مع صاحب البوست المعني وقلتا ليهو " إذا ". وبالمناسبة الرسالة بتاعتي دي " يونيفرسال " حاولتا أخاطب بيها صاحب البوست و ناس تانيين قريبين من صاحب البوست وما بعيدين عن المنبر . بالنسبة لي : العيب إنك تختار اختيارت مفروضة عليك , لاكن إذا الخيارات دي - السطل بالذات - هي خياراتك فأنا ما شايفة غلط . ويمكن تجي فرصة ومناسبة أفضل من دي أشرح فيها ليه أنا قلتا الكلام دا. والموضوع في النهاية لل يعدو كوني دخلت البوست داك بروح رياضية بتاعت هظار موكده .

أسف على هذه الاطالة المش مستحبة دي.

بالمناسبة يا كومريد : كلمة " شعب " دي كلمة مجازية بالنسبة لي أكثر من كونها كلمة بتعكس حاجة حقيقية وملموسة . الناس بتحكم عليهم " أخلاقيا " كأفراد وصعب تحكم عليهم كمجموعات .


لكل المتداخلين : بالمناسبة أنا يمكن أقول حاجة بريئة . وتقع موقع الاهانة في نفس انسان آخر . كونو أنا برئ أو جاهل أو ما عندي خلفية ثقافية إنو الحاجة فعلاً فيها شتيمة أو وصمة أو ما فيها , فدا ما بيمنع اعتبارنا لأثرها وموقعها السلبي والسئ في نفوس التانيين . ودا المهم : أسأل نفسك كلامك دا شكلو كيف عند الناس التانيين . هل رسالتك واضحة ولا مشوشة . وحتى لو كان محمد أحمد بشتم سواءاً بعلمو أو بجهله بكلام محسن , فتظل حقيقة إنو لسانو وقعوا في كلام قبيح خلاس . الواحد لازم يفهم كيف الناس حتتقبل كلامو . وأنا الكلام دا قلتو ل " محمد أحمد " قبل الحظر بأيام . وبوجهو لكل المتداخلين بما فيهم أنا .

التعديل الأخير تم بواسطة twigstwigs ; 20-04-2014 الساعة 07:49 PM
twigstwigs غير متواجد حالياً   رد مع اقتباس
قديم 20-04-2014, 07:53 PM   #18
عبد السلام
 
تاريخ التسجيل: Jan 2010
المشاركات: 2,984
افتراضي رد: اذا خير الشعب بين هذا النظام وعودة المستعمر البريطاني من يختار

قمر الأنبياء والمونة ومحسن .. تسلموا كتير يا شباب

تويغز كالعادة .. كان طار عتود
يقولوا ليه دخل في الأخوات والأم والأبو واتهم في النسب يقول ليك حاجة بريئة وبطيخ !

انتو الجنا دة أنا كاتل لو روح ؟
عبد السلام غير متواجد حالياً   رد مع اقتباس
قديم 20-04-2014, 07:53 PM   #19
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

..

أنا ماحأزيد وأساهم في إضرم الشخصانيات. وجهة نظري عن سقط القول من الزول المحظور أوغيرو قولتها في تاني مشاركة لي. وما في داعي للمزايدات.

..
twigstwigs غير متواجد حالياً   رد مع اقتباس
قديم 20-04-2014, 08:08 PM   #20
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

...

اقتباس:
من أين لك الحكم بأن اهناك إجراء إداري ما -ليست لديك خلفية كافيه- ومن ثم تصدر فيه رأيا؟
أولا بهدوء .. الحظر من الناحية العملية مسلم إنو لازم يكون موضوع إداري. بناءاًعلى هذا أوردت تعليقي على الظاهر المعتاد . الظاهر إنو محمد أحمد حُظر جراء اساءتو لأحد الاعضاء . مين حظرو ؟ الادارة ولا سلطة ثامنة ؟ انتا يا " كومريد " إذا عندك معلومات غير كده أو عن كده فكان أحسن تبديها بيها تعليقك قبل ما توظفها في خدمة موضوع مشاركتك " الناس ما بتقرا " . وبالمناسبة دا بالنسبة لي إطلاقاً ما صحيح. ا

..

التعديل الأخير تم بواسطة twigstwigs ; 20-04-2014 الساعة 08:12 PM
twigstwigs غير متواجد حالياً   رد مع اقتباس
قديم 20-04-2014, 08:17 PM   #21
عبد السلام
 
تاريخ التسجيل: Jan 2010
المشاركات: 2,984
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
المشاركة الأصلية كتبت بواسطة twigstwigs مشاهدة المشاركة
الظاهر إنو محمد أحمد حُظر جراء اساءتو لأحد الاعضاء .


انتو الذكاء الخارق دة بتجيبوهو من وين ؟
عبد السلام غير متواجد حالياً   رد مع اقتباس
قديم 20-04-2014, 08:18 PM   #22
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
من أين لك بالحكم على شخص بانه يسطل من خلال بوست او بوستات يكتبها ؟؟
إعادة و تصحيح وإضافة :

أما عن السطل وكده, فأنا كنت حذر مع صاحب البوست المعني وقلتا ليهو " إذا ". وبالمناسبة الرسالة بتاعتي دي " يونيفرسال " حاولتا أخاطب بيها صاحب البوست و ناس تانيين قريبين من صاحب البوست وما بعيدين عن المنبر . بالنسبة لي : العيب إنك تختار اختيارت مفروضة عليك , لاكن إذا الخيارات دي - السطل بالذات - هي خياراتك فأنا ما شايفة غلط . ويمكن تجي فرصة ومناسبة أفضل من دي أشرح فيها ليه أنا قلتا الكلام دا. والموضوع في النهاية لا يعدو كوني دخلت البوست داك بروح رياضية بتاعت هظار وكده . وإنتا كان بإمكانك ترد هناك مش هنا . أوووو . لاكن كنتا إنت أكيد حتكسر مزاج الناس هناك بتعليق زي تعليقك دا.

..
twigstwigs غير متواجد حالياً   رد مع اقتباس
قديم 20-04-2014, 08:24 PM   #23
عبد السلام
 
تاريخ التسجيل: Jan 2010
المشاركات: 2,984
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
المشاركة الأصلية كتبت بواسطة twigstwigs مشاهدة المشاركة
بناءاًعلى هذا أوردت تعليقي على الظاهر المعتاد . الظاهر إنو محمد أحمد حُظر جراء اساءتو لأحد الاعضاء . مين حظرو ؟ الادارة ولا سلطة ثامنة ؟ انتا يا " كومريد " إذا عندك معلومات غير كده أو عن كده فكان أحسن تبديها بيها تعليقك
قلت لي كاتلاك البراءة وما عارف الحصل شنو ؟
اقتباس:
المشاركة الأصلية كتبت بواسطة twigstwigs مشاهدة المشاركة
والغريبة كمان إنو يُستثنى من الحظر نفس الناس الي استفزوه بطرقهم " الغير لائقة " . فبأمانة دا : دا ياتو منطق.؟

أنا بالمناسبة ما بحّرش على حظر أي زول . أنا ضد الحظر اساساً. خصوصا لما يكون في السياق اللي حُظر بيهو " محمد أحمد " .
متعة المتعة والله
يعني هسة انت عارف اتحظر ليه ولا ما عارف ؟
عبد السلام غير متواجد حالياً   رد مع اقتباس
قديم 20-04-2014, 08:31 PM   #24
عبد السلام
 
تاريخ التسجيل: Jan 2010
المشاركات: 2,984
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
المشاركة الأصلية كتبت بواسطة twigstwigs مشاهدة المشاركة
رأيك شنو في انسان يتعرض لإستفزازت مبالغ فيها , يعني استفزازت أقل ما يقُال عنهاإنها " غير لائقة " , ولما يجي يرُد على الاستفزازات دي بطريقة غير لائقة, يتم حظرو مرة واحدة تمنعو زاتو من الاعتذار . والغريبة كمان إنو يُستثنى من الحظر نفس الناس الي استفزوه بطرقهم " الغير لائقة " . فبأمانة دا : دا ياتو منطق.؟

أنا بالمناسبة ما بحّرش على حظر أي زول . أنا ضد الحظر اساساً. خصوصا لما يكون في السياق اللي حُظر بيهو " محمد أحمد " . الإدارة كان بإمكانها تسحب البوستات المعنية وانتهينا والسلام . السحب كان يمكن يكون من البداية خااالص , يعني من بداية خط الاستفزاز " غير اللائق" اللي بدا حتى قبل ما يرد " محمد أحمد" بردو الغير مقبول والغير متوقع إطلاقاً. الاستفزاز اللي أدي للحظر بيظهر زي كأنو هزار وخفة دم , لاكنو غير لائق .ودي الحقيقة. وأنا متأكد أنو إذا تعرض أي واحد من هيئة الاشراف لإستفزاز مشابه فماحيقبلو أبداً.
بتقدر تثبت الكلام دة ؟ ولا أهو كلام والسلام !
طلقيت سااااااي .. الواحد يجي يتجدع ويفتي وهو ما عارف المطرة صابة وين
عندك فكرة عن بداية الاستفزاز غير اللائق دة ولا اعتمدت على إنه المعني عبد السلام يبقى قطع شكل غلطان !
هزار وخفة دم ؟؟؟ ها جنا انت بي صحّك !

عارف عشان تستعدل ليك الصورة حاول اتخيل إنه الاتهبش بيته ونسبه دة شخص تاني غير عبد السلام .. غير كدة حتقعد تفذلك فيها للصباح وما بتجيب مريسة تام زين
عبد السلام غير متواجد حالياً   رد مع اقتباس
قديم 20-04-2014, 08:40 PM   #25
twigstwigs
 
الصورة الرمزية twigstwigs
 
تاريخ التسجيل: Aug 2009
المشاركات: 1,051
افتراضي رد: اذا خير الشعب بين هذا النظام وعودة المستعمر البريطاني من يختار

اقتباس:
سؤال الرجل النصراني-من وجهة نظري- نفس سؤال البوست. الزول البيحكم هو الذي كان متواجد منذ ليلة 30 يونيو 89 وحتي الساعة واحدة ونص وخمسة من 20 أبريل. او الزول الكان متواجد منذ دخول كتشنر وحتي رفع العلم بواسطة الازهري 1956. صعب زول يحكم على جنة ونار وهو لا يعرف عنها شئيا مهما كان ايمانه بحرية لا حد لها . قليل من الموضوعية ، يشجع على فهم اللجاج الفلسفي أكثر.
وجهة اعتراضك في الحتة دي قد استغلقت على استغلاقاً . هذا على الرغم من أني قد " قرأتها " أكثر من مرة . لكن للأسف إنت لست هنا كي تشرح كيف أن مشاركتي السابقة بخصوص " النصراني " تُجافي الموضوعية وتقف عند أبواب اللجاج الفلسفي. لكن ولا يهمك , إذا " عدم الموضوعية " هو موضوع عرضي في مشاركاتي التي تفتقد ل " قراءة الآخرين " , " فدي ما مشكلة " . لكن إذا "عدم الموضوعية " هي فعلاً موجودة - فوق السهو والنسيان - في بنية مشاركاتي كلها " فهذه فعلا مشكلة" وستمهد الطريق حتماً للقائنا في بريد آخر.

فا " روووق " يا كومريد , وما تشرَّك لي .. هع هع هاااع

تحية وسلام.


التعديل الأخير تم بواسطة twigstwigs ; 20-04-2014 الساعة 08:43 PM
twigstwigs غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:21 PM


Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .