مركز تحميل الملفات



العودة   المنتديات > منبر الأعضاء الـحــــر

منبر الأعضاء الـحــــر لمـنـاقـشـة المـواضـيع العــامـة منتدى خاص بالاعضـاء

« آخـــر الــمــواضــيــع »
         :: صارووووووخ الصين العظيم (آخر رد :ود الشيخ)       :: الدكتور منصور خالد والنواقص الذاتية (آخر رد :زهرة الروض الظليل)       :: خدعوك فقالوا؛ تسقط بس! (آخر رد :محسن الفكي)       :: المفوضية الحرة للإنتخابات - ما تضيعوا الوقت ياناس الإنتقالية !! (آخر رد :الثلج الساخن)       :: هجوم صاروخي يستهدف القوات الامريكية في مطار بغداد (آخر رد :أقبـــــال)       :: اليوم العالمي للأرض : اتنين وعشرين ابريل (آخر رد :الثلج الساخن)       :: رمضان كريم (آخر رد :Gamar Alanbia)       :: رمضان كريم (آخر رد :زهرة الروض الظليل)       :: جدول زمني لإنسحاب القوات الأجنبية والامريكية من العراق ولن تكون هناك أي قواعد أجنبية (آخر رد :أقبـــــال)       :: سبعة أبريل : اليوم العالمي لإحياء ذكري ضحايا الإبادة الجماعية في رواندا 1994 (آخر رد :الثلج الساخن)      

إضافة رد
 
أدوات الموضوع انواع عرض الموضوع
قديم 27-04-2021, 01:46 AM   #1
الثلج الساخن
 
تاريخ التسجيل: May 2019
المشاركات: 264
افتراضي المفوضية الحرة للإنتخابات - ما تضيعوا الوقت ياناس الإنتقالية !!

ما تضيعوا الوقت ياناس الإنتقالية

انتو ليكم قريب سنتين من هبْة أبريل إلى الآن,
قاعدين تفصّلوا ( بالتعاون مع عساكر اللجنة الأمنية)
في سياسات وقوانين متنوعة ما ب نختلف معاكم إنها
من الأهمية بمنزلة عالية.

مسلن

السياسات والقوانين المتعلقة
بالمجلس التشريعي والنظام المصرفي,
ومكافحة الفساد,
والأمن الداخلي,
ومفوضيات السلام ,
واستيعاب المسلحين والمتمردين السياسيين ,
وهلمجرا من السياسات والقوانين .

المشكلة ما في السياسات والقوانين في حد ذاتها.
المشكلة هي إنكم عايشين في تجاهل تام
لأهمية التركيز على التمهيد والتأسيس والتقنين
للمدخل الشرعي لكل السياسات والقوانين الفوق دي وهو :

المفوضية الحرة للانتخابات .
__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 27-04-2021 الساعة 01:52 AM

الثلج الساخن غير متواجد حالياً   رد مع اقتباس
قديم 27-04-2021, 01:59 AM   #2
الثلج الساخن
 
تاريخ التسجيل: May 2019
المشاركات: 264
افتراضي رد: المفوضية الحرة للإنتخابات - ما تضيعوا الوقت ياناس الإنتقالية !!

يا ناس الإنتقالية !
السبب واضح ليه إنتو ما عايزين تتكملوا في موضوع
المفوضية الحرة للانتخابات بالذات .

السبب هو إنو الكلام في الموضوع ده والشروع في إشهاره وتنفيذه
ح يخصم من مكاسبكم السياسية والمادية
اللي اكتسبتوها بالشراكة مع عساكر (اللجنة الأمنية).

قناعتكم النفسية ب تقول ليكم إنو الديمقراطية
إذا جات للشعب السوداني عبر ( المفوضية الحرة للانتخابات ),
ف ده ح يفتح الباب مش بس
لخروج ونفي عساكر ( اللجنة الأمنية ) من حكم البلاد ,
ولكن لخروجكم ونفيكم إنتو كمان ومن نفس الباب.
.
والمسألة كلها بالعقل لو فكرنا فيها.

باستثاء حزب الأمة ما ح نلقى أي فصيل من فصائل الحرية والتغيير
عنده وزن جماهيري يمكن يرتجح بيهو في أي إنتخابات حرة قريبة
أو في أي إنتخابات حرة ح تتأخر.

عشان كده واضح إنو المقصود من الإجتهاد الشديد للحكومة الإنتقالية
في حياكة وتفصيل السياسات والقوانين السالفة أعلاه
هو مش المصلحة العامة
ولكن( هو) ضرب الإرادة الوطنية المستعصمة بالديمقراطية
من خلال إضاعة الوقت
وتلغيم الطريق ونسف الجسور أمام الشعب السوداني
لمنعه من الوصول لإقامة أهم مؤسساته الثورية :

المفوضية الحرّة للانتخابات .
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 27-04-2021, 02:03 AM   #3
الثلج الساخن
 
تاريخ التسجيل: May 2019
المشاركات: 264
افتراضي رد: المفوضية الحرة للإنتخابات - ما تضيعوا الوقت ياناس الإنتقالية !!

أما بالنسبة للإخوة المسلحين شركاء السلام
الطارئين على العملية السياسية في الداخل,
فموقفهم من الديقراطية واااااااضح,
و ب يشبه في كتير من الملامح
موقف معظم الفصائل المدنية
المتحالفة مع اللجنة الأمنية.

ناس الجماعات المسلحة - بالواضح كده -
ما عايزين أي ديمقراطية,
ولا عايزين أي مفوضية للإنتخابات.

زيهم زي المدنيين المتحالفين مع اللجنة الأمنية:
حاجات زي الديمقراطية ومفوضية الإنتخابات,
ما ح تكون في مصلحتهم الآنية .

قاعدين يقولوا لروحهم : وجع الراس لشنو ؟
أحسن نحدد مصيرنا ب نفسنا,
وما ندي الشارع العام أي شرعية
يحدد بيها مكانتنا في الخارطة السياسية
أو يقرر بيها أي شكل من أشكال مشاركتنا
في الشأن العام .

من الآخر كده,
بالنسبة لينا, الشارع السوداني خطر.
وعشان كده, اللجنة الأمنية بتاعت البشير أخير لينا ألف مرة
من أي إلتزام جاد تجاه التحول الديمقراطي.
__________________
الما بقدر يخت أفكارو في "التلج"
أحسن ما يخش النقاش "الساخن"

التعديل الأخير تم بواسطة الثلج الساخن ; 27-04-2021 الساعة 02:06 AM
الثلج الساخن غير متواجد حالياً   رد مع اقتباس
قديم 27-04-2021, 02:12 AM   #4
الثلج الساخن
 
تاريخ التسجيل: May 2019
المشاركات: 264
افتراضي رد: المفوضية الحرة للإنتخابات - ما تضيعوا الوقت ياناس الإنتقالية !!

بالنسبة للجماعات المسلحة الموقعة على السلام
مؤكد شوية مناصب في الحكم المحلي (هنا),
وشوية وظائف في الخدمة المدنية والعسكرية (هناك),
ح تكون أفضل ما يمكن أن يشتريه نضالهم المسلح واليائس ضد الإنقاذ,
اللي حصّل قريب عشرين سنة بدون إثمار ملموس.
.
ح يجوا واحدين منهم يقولوا ليك:
السلام الموقْع مع اللجنة الأمنية
تضحية عملناها للشعب السوداني حتى ينعم بالسلام
وخطوة تكتيكية للتمهيد للإنتخابات.

تكتيكية في عينكم ياخي.

إنتو لو بمستوى التضحية والتكتيك,
كنتو على الأقل عملتوا موضوع التأسيس الفوري لمفوضية اللانتخابات,
شرط من شروط التوقيع النهائي للسلام مع اللجنة الأمنية.

أيَ زول شغال لمصلحة السودان كان ح يعمل كده :
كان ح يشترط قيام المفوضية الحرة للإنتخابات
كمبدأ ومدخل أصيل في أي عملية تفاوضية مع اللجنة الأمنية. .

لكن لأ. إنتو شنو؟
قمتوا ضيعتوا المفاوضات مع اللجنة الأمنية في
مواضيع أقل أهمية وأقل قيمة من موضوع الإنتخابات العامة ومواعيدها
كنتو مشغولين جدن بعلمانية الدولة,
وبعلاقة الدين بالحكم,
وبقسمة الثروة,
وأخيراً
بالترتيبات الأمنية اللي
مقصود بيها أساسن
محض الحراسة المسلحة والمستديمة
لمناصبكم ووظائفكم في الوضع الإنتقالي للسودان.

بالنسبة ليكم,
الديمقراطية والإنتخابات العامة ومواعيدها
ومطلوباتها كانت ولازالت
مواضيع ما منتجة من الناحية السياسية.
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
قديم 27-04-2021, 02:17 AM   #5
الثلج الساخن
 
تاريخ التسجيل: May 2019
المشاركات: 264
افتراضي رد: المفوضية الحرة للإنتخابات - ما تضيعوا الوقت ياناس الإنتقالية !!

في نيفاشا,
الحركة الشعبية دخلت مفاوضات ثنائية مع الإنقاذ
بشرط مبدئي وهو تقرير المصير
ونجحت في انتزاع موعد لاستفتاء الجنوبيين
في موضوع الإنفصال من السودان
ونجحت في فصل الجنوب

افتكر دي هي برضو
خطة ناس الحركة الشعبية (قطاع الشمال):

هم شغالين اليومين ديل
يفصلوا جنوب كردفان بمبدأ تقرير المصير,
ولكن لأنو فكرة الديمقراطية الشعبية لكل السودانين
يمكن تحيّد مشروعهم الإنفصالي
وتمنع أي مشاريع شبيهة ومحتملة في المنطقة.
فأكيد ح يتجنبوا في مفاوضاتهم مع اللجنة الأمنية
- زيهم زي غيرهم من المتمردين -
أي إلتزام مستقبلي تجاه الإنتقال الى الديمقراطية,
وأي كلام عن المفوضية الحرة للإنتخابات

كسرة:

القراءة الفوق دي نظريّة وتقديرية
وما بالضرورة تكون واقعية.
__________________
الما بقدر يخت أفكارو في "التلج"
أحسن ما يخش النقاش "الساخن"
الثلج الساخن غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:48 PM


Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لصاحب الموقع أو سودانيز اوف لاين بل تمثل وجهة نظر كاتبها .